[.. في « سوالفنا ملامح (8) © ..]


[.. في بيت جدهم ..]

ألاء ومريم شهقوا :: والله
خالتهم :: أيه والله
ألاء بفرح :: متى العقد ؟
خالتهم :: أسبوع الجاي الأربعاء
مريم بحماس :: متى يجي الأربعاء فيني رقص
ضحكوا عليها ألاء وخالاتها

[ .. العصر ..]

ألاء ومريم يتقلبوا على سرير خالتهم
تنهدت ألاء بصوت مسموع
مريم لفت لها :: ويش فيش
ألاء ابتسمت :: ولا شي بس مشتاقة له ، ليي حوالي 3 أسابيع ما شفته
مريم ضحكت :: منهو الي مشتاقة له فراس
ألاء عصبت وغطت وجهها بالبطانية
مريم ضحكت عليها :: زيين أمزح وياش يا وجه اللوف " سبة قطيفية "
ألاء :: أنتينا وجه اللوف ، وبعدين تدري أني ما أشتهي طاريه ، تدري أنه ينرفزني
يا أختي خلين أستانس تونا أول يوم أجازة ونكدتي عليي
مريم بضحكة :: ماسكة خط الرياض
ألاء بدون نفس :: هاهاهاهاهاها ، لا خط الأحساء
مريم ابتسمت بخفة وحضنت ألاء :: يا الدبة تدري أني أمزح وياش ، بس حبيت ألعب بأعصابش
ألاء بقهر :: دبة حدش تشوفيني أجيب لش طاري منوه
مريم ضحكت :: نهي
ألاء قامت ، ومريم قالت بسرعة :: على وين
ألاء بطفش :: بروح بيت جدي الثاني
مريم قامت وهي تتخصر :: لا والله
ألاء وهي تلبس عباتها وتقلدها :: أيه والله
مريم بنظرة عبيطة :: زين لويش !
ألاء تأفف :: كم مره أقول لش وحشنييي ..
مريم ضحكت عليها :: روحي بس لا تموتي علينا
ألاء ابتسمت وطلعت إلى بيت جدها الثاني

[ .. وهناك ..]

دخلت وما شافت أحد ..
ركبت فوق وشافت بنات عمها سلمت عليهم وقعدت وياهم تسولف
بس الشي الي جت عشانه
ما شــــافــــتــــــــه ..!

[ .. الليل .. ]

رجعت ألاء بيت جدها لمريم
وهناك قعدوا ثنتينهم مهسترين ويضحكوا لأي سبب كان
وبعدين ألاء فتحت الآي فون
ودخلت الفيس بوك
ومن هناا انقلب وجهها !!
مريم انتبهت :: ويش فيش ؟
رمت ألاء الآي فون
وبعدها مباشرة رمت نفسها في حضن مريم وهي تصيح :: مريم لويش ما يبغوني أعيش فرحانة ، لويش نكدوا عليي أول يوم في الأجازة
أني
أكرهه .. أكرهه .. أكرهه
متى بيفهم متى !!
متى يفهم أنا أني مو له ، متي قولي ليي متى
متى بيفهم أني أحب غيره .. أحب حسين
متى بيفهم أني أكرهه .. وإذا كنت أحبه ما راح أحبه غير مثل أخواني
متى بيفه أن أني وهو مستحيل نتجمع
متى بيفكني من الآلام الي أحسها بسببه
متى بيفكني من تأنيب الضمير
مــــــتـــــــــــى ..!!
مريم شدتها لحضنها أكثر في محاولة لتهدئتها

[ .. مكان آخر ..]

أحمد وهو داخل بيت جده :: السلام عليكم
الكل :: وعليكم السلام
أحمد بهبال وهو يسلم على حسين :: هلاا ، مغبر حدك ، كل هذا مسويه فيك أول ثنوي
حسين ضحك :: حسبالك ، أنا أم وأبو الدفاره
علي بستهزاء :: مرره
أحمد وحسين ضحكوا
رن جوال أحمد
ورفعه :: هلا ولوي
حسين دق قلبه بقوة ، له أكثر من 3 أسابيع ما شافها ، من زمان ما عاندها
من زمان ما سمع صوتها ، من زمان ما شاف هبالها
وحشته
أحمد ضحك :: مصلحجيه بقوة ألاءووه
- ههههه آسف عمتي ألاء
- بعد أقرع ومتشيرط
- زين زين ، من وياش ، أممم يعني مريم بت خالتي ما بتروح
- أهااا ، لان أنا في بيت جدي وبجيب حسين وعلي ويايي
- هههههههه زين وين تبغي تروحي
- أوك ، تجهزي ترى بس خمس دقايق أن ما طلعتي بمشي عنش
- بااااي

أحمد ببتسامة :: شباب قوموا بنروح المطعم
حسين بهبال :: على حسابك
ضحك أحمد :: قوم بس قوم
علي بهبال :: لا أنا بتمصلح وي ولوي
أحمد ضربه بضحكه :: طالت وشمخت يا ولد ألـ ..
تدلع أختي قدامي
علي ضحك :: لا يطير بالك بعيد أنا أصغر منها ، وبعدين أحنا أخوان
أحمد ضحك :: زين أحين قوموا لا تنتفني وتقول تأخرت
وطلعوا برا البيت

[ .. عند بيت جد ألاء ..]

طلعت ألاء وركبت السيارة
ألاء :: السلام
الكل :: وعليكم السلام
ألاء بهبال :: شحوالكم ولاد عمي وحشتوني ، ولا أقول لا ما وحشتوني
علي ضحك :: حددي موقفش
ألاء أبتسمت :: ما وحشتوني هع
حسين ضحك :: عدال أنتين الي وحشتينا
ألاء بهبال :: تراكم ما تهموني
الكل ضحك
ألاء بهبال :: شوفوا ، الي أوله شرط آخره نور
أول شي نبغى نروح المطعم
وبعدين كوفي
وبعدين الكورنيش نتمشى
أوك
علي بهبال :: بس على حسباش
ألاء :: لا والله ، من الي لعب عليكم
حسين بهبال :: أحمد
ألاء تطالع أحمد بنص عين :: والله الي قال هالشي هو الي بيسويه
أحمد ضحك :: والله ما قلت ليهم كذابيين ، وبعدين ما بوديش إلا المطعم
ألاء بهبال :: أدري غير حسينوه المفروض يسموه مسيلمة الكذاب ، أوكيه ، العوض ولا القطيعه خخخ
حسين بهبال :: إذا أنا مسيلمة الكذاب ، أنتين وشو ؟
ألاء بغرور :: أصير ألاء ألـ ...
حسين :: لو الله يفكش من غرورش هذا يا بت عمي خخ
ألاء ابتسمت :: مو غرور قد ماهو ثقة بالنفس وهذا الشي من طبعي مو أني أتصنعه ما أقدر أتركه
حسين ابتسم :: زين يام الثقة ماقلتي وين تبغينا نتعشى
ألاء بحماس :: أبغى أروح قصر القطيف للضيافة أو القلعة
أحمد ابتسم على حماس أخته :: ويش رايش قصر القطيف للضيافة ..
ألاء ابتسمت :: والله مايهمني أهم شي أتعشى وأغير جو
أحمد في داخله قلت ألاء ما تبغى تطلع وتترك مريم إلا لشي قوي
وتغير جو بعد
مادري من الي ضيق خاطرش يا اختي ؟؟
ألاء سندت راسها على النافدة وغمضت عيونها
وردت فتحتها ، ما تبغى تفكر فيه ، ما تبغى
ابتسمت وهي تبغى تغير مودها
وقالت بحماس وهبال يوم شافت لافته المطعم :: أني ناوية أستهبل ترى
علي بحماس :: وشو تبغي نسوي
ألاء ضحكت :: في المطعم تشوف
أحمد سحبها من السيارة :: أمشي بس ...
ألاء سحبت أيدها :: زين لا تدف يا الدب
ضحك أحمد عليها ومشى وألاء مشت وراه بسرعة

[ .. داخل المطعم .. ]

دخلوا وانتظروا شوي في صالة الانتظار ، وبعدين دخلوهم كبينتهم
كانوا جالسين أحمد وألاء في جهة
وحسين وعلي في جهة
ألاء وهي ماسكه المنيو :: أمممم ، أبغى ورق عنب ، ومشويات مشكل ، وشوربة عدس ، وباستا ، و..
علي بهبال :: بل بل بل بل ، بتاكلي كل هذا
ألاء ضحكت :: طيب نختار طلبنا جميع مو أحسن له ؟
أحمد ابتسم :: أوفق أختي الرأي
حسين طالع ألاء وابتسم :: أنا بعد
علي بعتراض :: لااا ، ألاءووه دبه بتاكل الأكل كله عني
ألاء بعصبية :: أحلف أنت وشكلك
علي ضحك بقوة عليها :: أمزح يا الرشيقة موافقين
ألاء ابتسمت بعبط :: أوك ، يلا ويش نطلب
وأتفقوا ويش بيطلبوا
.
.
ولما جاء الطلب وأكلوا أنقلبت الكبينة ضحك
ألاء وهي مهسترة حدها :: مثلاً مثلاً .. أقول ليكم مثلاً مو حقيقة
علي قاطعها :: زين أخلصي علينا
ألاء بعبط :: زين لا تدف .. مثلاً لو قمت ووقفت وطليت على الكبينة الي جنبنا بيسوا ليي شي
أحمد وهو رافع حاجبه :: حلفي ، إذا ما طردوش من المطعم بعد
ألاء تأفف :: زين قلت لك لا تدف .. قلت لك مثلاً بس
ضحكوا عليها
ألاء طالعت حسين بنظرة عبيطة :: حسين قرب ليي الورق عنب
حسين جن على نظرتها :: خخخ خذيه أصلاً أنا ما أحبه
ألاء ابتسمت :: حراام الورق عنب لذيذ مرره
وأكلت وحده بتلذذ
ضحكوا عليها
علي :: يا حبكم للورق عنب يالبنات
ألاء ابتسمت بعبط :: ويا حبكم للكورة يالصبيان
أحمد ضحك :: ويش دخل
ألاء ابتسمت وحقرته وهي تاكل من الباستا :: يميي ، أحلى حاجه عند هالمطعم الباستا .. تهبل
ضحكوا عليها
وقال أحمد :: أنا ما حبيتها
علي كشر :: ولا أنا
حسين بعبط :: مع الخيل يا شقرة
ألاء ضحكت :: عطوني وييها عجل باكلها ، ما عدكم ذوق
ضحكوا عليها وعلى هبالها
حسين بضحكة :: ألاء ويش شاربة اليوم رايحة فيه
ألاء بعبط وهي تأشر على الأكل :: والله أني صاحية بس من أكلت هالأكل استجنيت ، أسألوهم ويش حطوا فيه
ضحكوا عليها وعلى كلامها
علي ابتسم :: إلا ولاء كيفا بتستهبلي
ألاء ابتسمت :: بس نخلص أكل نبدي
علي ضحك :: أووووك ..
.
.
بعد الأكل
.
.

ألاء بحمااس :: لاااااااااااااااااا ، غشاااش حدك
علي ضحك :: غشاش في عيونش ، عيب عيب عجيب
حسين بحماس وهو يرمي الي في أيده :: أونو
أحمد تأفف بطفش :: غشاشين أنت وأخوك حدكم
علي ضحك :: ماني غشاش ، وأقول خلينا نقوم لا يجوا يطردونا سوينا أزعاج ليهم
ألاء ضحكت :: لا هنا ما يطردوك
أحمد بعبط :: بس منش بيطردونا
ألاء رمت الأونو في وجه أحمد وقامت :: يلا بروح أغسل أشوفكم عند المغاسل ، سي يو
ضحكوا عليها وقاموا لموا الأونو وطلعوا
ولقتهم ألاء عند المحاسب ونزلوا جميع
ألاء ابتسمت من داخلها ، جد تغيرت نفسيتها بهالطلعة
ناظرتهم بحب وهم يمشوا قدامها كان ودها تحضنهم وتشكرهم
وقفت ألاء تتأمل فيهم شوي
لفوا ليها
حسين ابتسم :: ما بتتحركي
ألاء ابتسمت وقالت بقوة :: جااااية

[ .. اليوم الثاني ..]

.:: الساعة 4:30 العصر ::.

ألاء وزهراء ومروى ومريم كانوا في بيت جنان
متحمسين وسوالف وحش
قاطعت سوالفهم مروى بعد ما تذكرت شي :: ولوي وشو السر الي كنتي بتقوليه لينا امس ؟
ألاء طالعت مريم بهدوء وابتسمت :: مريم تقوله لكم أحسن
مريم ابتسمت ليها :: على راحتش يا قلبي ، تبغي أني أقول بقول
ألاء غمضت عيونها وهي تسمع مريم تتكلم
مريم بهدوء :: ألاء حاجزنها ولد عمتها
البنات بصدمة :: ويشش ؟!
مريم ابتسمت بسخرية :: أيه ، طبعاً ألاء دريت بالموضوع بالغلط من عند وحده تصير ليهم
مروى بصدمة :: وانتي موافقة ألاء
ألاء بسرعة :: مستحيل أكرهه
جنان ضحكت :: وي ريحتيني ، زين أحكي لينا كيف دريتي
ألاء بغموض :: من وحده من قرايبي زي ما قالت مريم ، ما أقدر أفصح عنها
زهراء :: زين لويش مو موافقة
ألاء بسخرية :: وهو في شي يخليني أوافق عليه
أول شي أكبر مني بـ 10 سنين
مروى قاطعتها بصدمة :: وااااال ؟؟
ألاء تكمل :: تصدقوا أني كنت مضايقة بقوة أمس ، بس تغيرت نفسيتي بعدين ..
البنات ما عدا مريم :: لييييييش ؟!
ألاء طالعت مريم وقالت :: .....

\
/
\
/