[.. في « سوالفنا ملامح (11) © ..]


[ .. الساعه ١ .. ]


فتحت ألاء باب بيتهم وتسللت لداخل بهدوء
وقبل ما تدخل غرفتها طلع احمد من غرفته
ابتسمت باحراج :: قعدتك حمود
احمد ابتسم :: لا لحين ما نمت ، بتنامي ؟!
ألاء :: مادري ! هو يعني لحين مو نايمه غير ثلاث ساعات , بس لحين احسني مصحصحه =)
احمد ابتسم :: طيب ويش رايش نروح الكورنيش !
ألاء تحمست :: آلاااااي ,, طيب هيا بنا ننطلق
أحمد ضحك عليها :: يلا بس اجيب مفتاح السيارة واجي


:
:


[ .. في السيارة .. ]


ألاء تقول لاحمد عن طلعتهم المطعم
وقطع عليهم سوالفهم جوال أحمد
أحمد :: هلا فروس> هنا ألاء بدت توتر , مسكت جوالها وفتحت ليها لعبة عشان تهدي توترها
أحمد :: وين تبغوا اجي احين الساعه ١:٣٠ , واصلاً طالع ويا ألاء الكورنيش
ألاء تسب وتلعن احمد بداخلها " حقير , كلب , غبي لويش تطريني قدامه يا حمار "
أحمد :: اممم طيب من الي موجود احين ؟
_ اهاا بس انت وحسين وعلي وطلال ومصطفى
_ طيب تعالوا الكورنيش نستانس
ألاء عصبت وقفلت اخلاقها وبغت تطيح في احمد تنتيف وتشليخ بس مسكت روحها
_ إيه وخبر حسين يقول لخواته , ومصطفى يقول لاخته
_ طيب نشوفكم هناك
سكر احمد وألاء تحاول تهدي روحها
ألاء في داخلها " هدي لولي , ما بيصير شي , انتين ما بتفتحي في الكورنيش لان في وجهش مكياج , وبتصيري ويا البنات وما بيعرفش , هدي , هدي "
أحمد يهز ألاء :: ووجع ألاءووووه من متى اعيط
ألاء بدون نفس :: خييييييير !!!
أحمد بتريقة :: لا الاخت في عالم ثاني , شكلش ما سمعتي المكالمه
ألاء جتها فكره بالاستغباء وتسوي روحها ماسمعت :: آي مكالمه " سوت روحها تذكرت " اييه صح كنا نتكلم ورن جوالك " تصنعت الفشله " لا والله ما سمعتها =$
أحمد مشت عليه وفكرها جد ما سمعته :: بيجونا اولاد وبنات عمي في الكورنيش
ألاء تسوي روحها متحمسه :: وه , بيجوا لجون وغدور وريوم , وفي داخلها " ابي ارجع البيت =( "
أحمد يكش عليها :: مالت توش شايفتنهم
ألاء ابتسمت بعبط وسحبت جوالها وفتحت notes
وكتبت /
يّ الله بعضاً من الصبر !!
وتنهدت بخفيف ، يعني احين افتكت ما شافته الظهر
يطلع ليها احين
يا ربي رحمتك =(
سندت راسها على الكرسي الي قاعده عليه وغمضت عيونها بتعب
وغرقت فخيالاتها
و ..
أحمد صرخ :: أنتبهييي
ألاء شهقت وما شافت روحها الا لازقه في زجاجة السيارة الاماميه
كانوا على وشك انهم يسوا حادث
رجعت على كرسيها وبدت تشاهق بخفيف

أحمد سحب الغطى حقها وتنهد براحه وتمتم بالحمد لله لما شافها ما صار فيها شي
ألاء حبست شهقاتها :: أحمد ما صابك شي !!
أحمد حرك راسه بالنفي :: لا
ألاء :: طيب ابتسم , قول الحمد لله رب العالمين
أحمد سوى الي قالته وسط استغرابه من طلبها
وبعد ما سواه
أحمد بستغراب :: لويش كل هذا
ألاء :: حرك السيارة ترانا وقفنا واجد " ولما حرك السيارة " ابد سلامتك هذا عشان اتأكد ما صابك نزيف في المخ
أحمد :: حشى حشى
ألاء قاطعته :: لا حشى ولاشي , ما تذكر اللعام في زوارة الخميس وشلون مات سالم
أحمد ضحك عليها :: ومن وينا عرفتي ان كذا تعرفي المصاب بِ نزيف
ألاء ببتسامه :: من الوتس آب , لا تقول ما وصلتك
أحمد وهو يسفط السيارة عند دربي :: أصلاً ما افتحه !
ألاء نزلت من السيارة هي وأحمد ومشت وراه
أحمد رفع جواله ودق على فراس :: هلا فراس
_ اممم وصلتوا الكورنيش
_ طيب وينكم فيه احين ؟
_ اهاا " وبتصريف " لا تأخرنا ولا شي ، بس عشان الزحمه
_ طيب جايكم احين باي
ألاء مشت وراه وهي تقول في داخلها " هففففف يوم نحس مو يوم عيد "
وصلوا للمكان الي الكل متواجد فيه وراحت للبنات
وقعدت وياهم ,
وبس قعدت طاحت عينها على عين فراس وبعدتها بغرور بالنسبه لفراس
فراس في داخله " ببل شكلها مغروره "
( مداخله : ألاء مو مغروره بس نفس مشيتها ونظراتها فيها غرور ، بس كتصرفات ما فيها ، فلما يشوفها احد يظنها مغروره ، بس لما يتعرف عليها يقول ليها : صدق من قال الي ما يعرفش ، ما يثمنش ، عسى بس فهمتوا ويش اقصد خخ )
ألاء لما طاحت عيونها عليه حست بتوتر وبعدتها عنه
ولفت عيونها لحسين الي كان يطالع فيها
حست نظراته غامضه وما فهمتها
لفت عيونها للبحر وتنهدت
فراس طالع حسين بشك
وشاف نظراته لِ ألاء
فراس في داخله " شمعنى هو لما طالعها ما صدت بنظراتها على طول عكسي أنا , وشمعنى انه يطالع فيها دون غيرها من البنات , لايكون هذا ...
مصطفى :: فروس ووجع
فراس بدون نفس :: يوجعك ان شاء الله ، ويش تبغى ؟
مصطفى :: مالت بس ، اقول قوم بنروح دربي بنجيب لينا شي نشربه " لف على البنات " اقول ويش تبغوا انتون
ألاء بدون ما تحس لروحها وبعفويه :: تستهبل صافيو ، ليمون نعناع اكيد
واطلقت ضحكة على شكل مصطفى الي قلب لما نادته صافيو
مصطفى :: صافيو بعينش وليوه
ألاء ضحكت عليه ، هو اكثر واحد خفيف دم في اولاد عمها
وجت بترد بس فجأة تذكرت وجود فراس
طالعت فيه وشافت نظراته ليها
عقدت حواجبها ولفت عنه
فـــــــــــــراس
مشى هو ومصطفى متجهين لدربي
فراس بقهر وغيرة :: مصطفى انت تتكلم ويا كل البنات كذا لو بس ألاء ؟
مصطفى طالع فيه بستغراب :: إييه أنا كذا ويا الكل " وفجأة قال بخبث " اقول فروس ليكووووووووووون