:
:

تنهدت بضيق
ما تبغى العيد يجي
بعد العيد تجي المدرسة
وأحين يزيد عليها أن حسين بيسافر ويا خواته العيد
يعني العيد راح يصير نكد × نكد
فتحت صفحه word
وكتبت :

هناك شخص قيدني بحبه
وأقتحم حياتي
أتمنى أن أكون أعطيت قلبي لمن يستحقه
فأنا تركت شخص ما من أجله !!
رغم أني أثق أنه لا يكن لي أي نوع من المشاعر ,
ولكن ماذا أفعل لقلبي المعتل بحبه
آي دواء سيشفيه ؟!!
. . .

سوت حفظ وتنهدت ,
آي عيد هالسنه يتكلموا عنه
رمت نفسها على السرير وهي تحس بضيق شديد
غمضت عيونها تحاول تنام
وغرقت فيه !!!!


[ .. ليلة الاربعاء .. ]

ألاء قاعده على سريرها وماسكه جوالها
وتتكلم ويا مريم في الوتس اب

ألاء :: عيدش مبارك
مريم :: ههههههه عادش عليه ربي بالصحه والعافيه
ألاء :: يا الله تعبت في تجهيزات العيد والمدرسة
مريم :: إيه والله تتعب حدها !
ألاء :: أحين بقى عليّ أروح نوران وبشاير ، وأشتري أكسسوارات
مريم :: خلصتي من بكلات الشعر ؟
ألاء :: يب ، شريت لي حلق من نوران ، بقى عليّ كم لون ما شريت منه ، بشتريه هاليومين
وبعد يبي لي سلاسل وأساور ناعمه
مريم :: أني شريت سلاسل وأساور ، حلق ما شريت
ألاء :: تصدقي ريموه أمي تقول ليي أحنا الأول ما نجرع نلبس زي الي تلبسوه أحين في المدرسة قلت ليها الأول تحول خخخخخخخخ
مريم :: خخخخ زي أمي
ألاء :: يا ربي مريولي ما يستوي إلا الثلاثاء ، الله يستر لو ما يسويه ليي والله أبتلش
مريم :: خخخخ تستاهلي أحد قالش تتأخري في توديه !!
ألاء :: أنقلعي عن وجهي يّ الغبيه
مريم :: خخخ بس أني مو قدامش أحنا قاعدين نتكلم في الوتس آب
ألاء رسلت ليها فيس يبحلس
مريم :: خخخخخ باي بقوم أحين
ألاء :: بايات =)

:
:

ألاء قاعده ويا ريما وغدير ولجين
دخل علي وحسين الصاله الي قاعدين فيها
علي بخيبة أمل :: دريتوا ؟!
البنات بلقافه :: وششو !!
علي يطالع حسين الساكت :: حسين ما بيسافر المدينه ويانا ,
ريما شهقت :: لويششش ؟
حسين تنهد :: بس غيرت رايي ما أبغى أسافر
ألاء حست بفرح وضيق
بس الضيق تغلب على الفرح !
لويشش غير رايه يا ترى
أكييييييد أحد مضايقه
هففففف وينها ريموه أحين أبغى أحد أفضفض له
فتحت جوالها ودخلت على الوتس آب
ابتسمت ابتسامه خفيفه وهي تشوفها آون لاين
وحكت ليها كل شي ,

مريم بعد ما عرفت بالسالفه :: ولاءوه تخيلي أنه مو رايح عشانش
ألاء ضحكت بسخريه :: عشاني أني ، ومن أني أصلاً
مريم بتردد :: يمكن يحبش !!
ألاء ضحكت بألم :: لا ما يحبني ، وبعدين هو مو أول مره يسافر عشان تقولي على شاني
أكثر من مره سافر السنه في الاجازه واحين تقولي على شاني
نامي بس ، وبعدين أني لو جتني سفرة إلى النبي أو آي أحد من أهل البيت
بتركها عشانه ، مستحيييييل !!!
مريم :: صراحه ، أقنعتيني =)
ألاء :: =)

:
:





[ ... يــــــــــوم العــــــــيــــــــد ... ]

ألاء فتحت عيونها وضوء الشمس متسلسل من نافذه الغرفه
حاسه بنشاط غير طبيعي
سحبت جوالها تشوف الساعه كم وانصدمت
ألاء بصدمه : احين الساعه ٧ واني ما نمت إلا ٤ يعني بس ثلاث ساعات *_*
رجعت الجوال مكانه وغمضت عيونها تبي تنام
وتقلبت وتقلبت وتقلبت
ولا جاها نوم
قامت من سريرها حوالي الساعه ٨
وراحت الحمام _ اكرمكم الله _ تسبح
.
.

طلعت من الحمام وهي مبتسمه
اصوات الناس من برى واصلتها ومحسستنها ان اليوم عيد
راحت جهة التسريحة وطلعت الاستشوار وبدت تستشور شعرها
خلصت وراحت طلعت فستانها وحطته على السرير
وطلعت الاكسسوارات وحطتها على التسريحه
ونزلت تحت
كان بيتهم هدووووووووووء
دخلت المطبخ وسوت لها فطور
وتوجهت للطاولة تاكله
وبس خلصت ركبت غرفة اخوها احمد تشوفه صاحي او لا !
ألاء بهدوء : حموووود نايم !
احمد فتح عيونه : ايه ، كم الساعه ؟
ألاء : تسع إلا ثلث
احمد قام بسرعه وضرب جبينه : يا ربي فاتتني صلاة العيد شكلي طفيت المنبه وانا مو حاس
ودخل الحمام مطنش ألاء
ألاء تنرفزت ، وحاولت تهدي روحها : حمود بتطلع احين
احمد : ايييييه
ألاء : بطلع وياك !
احمد : بسرعه اجهزي ولا تأخريني
ألاء طلعت بسرعه من الغرفه وراحت غرفتها وبدت تجهز ..
وبس خلصت طلعت لأحمد وشافته لابس ثوب وكاشخ به
توجهت له وهي تصفر : يا كاشخ انت !
احمد ضحك عليها : من زمان انا كشخه
ألاء كشت عليه وبعدين ابتسمت وتوجهت له : عيدك مبارك يّ الدب
احمد : عادش ربي عليه بالصحه والعافيه " وصفر " ويش هالكشخه ،
ألاء بغرور :: هذا وبعدني ما أحط المكياج وأسوي شعري عدل
حارس المغرب أحين لا يجنني وقت الصلاة
أحمد كش عليها ومشى ومشت وراه ألاء وهي تضحك
ونزلوا تحت وراحوا بسيارة احمد بيت جدهم ,

:
:
:

هناك أول ما وصلت ألاء توقعت مافيه أحد
بس طلع الكل مواصل
وبس دخل أحمد سحبه حسين :: أخيراً جييت قوم بس نروح نجيب فطور اليوم عييييد
الكل ضحك عليه لأنه مد عيد
ألاء بدت تسلم على الكل ولما خلصت منهم تصنعت التعب :: وي تعبتوني واجد حدكم
ضحكوا عليها
لجين بهبال :: سمعتوا عن سالفه زحل
ريما :: إييه ، خخخخ يقولوا ليكم ،
صام وصام وصام وصام وفطر على ززحل خخخخ
ألاء ضحكت :: لا أسمعوا ذي يقولوا ليكم
الامريكي أول من هبط على القمر
والسعودي أول من عيد على زحل
غدير ميته ضحك :: يقولوا ليكم شغلتين ما راح أنساهم لسنة 2011
زنقة زنقة القذافي
زحل العيد بالسعودية
ريما بهبال :: على طاري القذافي دريتوا أنه سقط !
ألاء :: وآآآآآآآل يا قدمش خخخ
ريما بهبال :: مو مسألة أني قديمه بس تخيلوا الأهبل أحين لما سقط قاعد يطلب المفاوضات
الكل تسدح ضحك
غدير :: هالانسان أشك أنه فيه عقل
ألاء :: لا تشكي لأنه بدون عقل خخخخ
لجين بهبال :: أقول لوشه لا تقولي ما جبتي المناكير الوردي
عشان نحط لينا الليل
ألاء ابتسمت :: لا تخافي جبته !

[ .. المغرب .. ]

البنات مسوين حالة طوارئ في الغرفة الي قاعدين فيها
مكوى الشعر مشغله هي والاستشوار والفير
والي تكوي خصلها من قدام
والي تفير شعرها
والي تعيد على شعرها بالسشوار
والمكياج مفتوح
والي تحط ليها شدو
والي تصارخ وين القلوس الفلاني توي مطلعته
والي تحط ليها مناكير
وبعد جهد جهيد خلصوا الساعه 8
ونزلوا تحت للصاله ويا الحريم
وقعدوا في جهة لوحدهم

ألاء جن جنونها وهي تشوف الشوكلاته :: آلآآآي ، من زمااان ما أكلت شوكولاه
طول رمضان مسويه مقاطعه ، وأحين قدامي باتشي وشوكولاين لا ما أستحمل
لجين ضحكت عليها :: أقول جيبي لي وياش سينابون
ألاء ابتسمت :: طييييب !
وجابت ليها وإلى غدير وقعدوا يأكلوا وهم يضحكوا ومستانسين
ريما دخلت وهي تحوس في الجوال :: بنات البشارة
البنات تحمسوا :: وشششو ؟
ريما ضحكت :: قوموا بنروح المطعم نتعشى كود اليوم عيد
البنات صرخوا بفرح وسكتهم نظرات أمهاتهم ليهم
وقاموا يلبسوا عبيهم ويجهزوا شنطهم بوناسة
ألاء وهي تدخل الكام في شنطتها :: وين قال ريلش بودينا ؟
ريما ابتسمت :: قال التنور !
ألاء ابتسمت :: أهاا
وخلصوا وعلى 9 طلعوا من البيت
ركبوا السيارة
البنات كلهم :: السلام ، عيدك مبارك رائد > ريل ريما خخ
رائد ابتسم :: وعليكم السلام ، عاده الله عليكم بالصحه والعافيه ، كل عام وأنتوا بخير
البنات :: وأنت بخير
وأنطلقوا متوجهين لمطعم التنور

:
:

[ .. داخل المطعم .. ]

دخلوا البنات المطعم وكان زحمة وإزعاج بشكل مو طبيعي
وراحوا سجلوا أسمهم عشان يجيهم دورهم
قال ليهم دام هم أربع بس بينتظروا حوالي النص ساعه
قعدوا على الطاولات الي برآ بملل > الي راح التنور بيعرفها
غدير بهبال :: بنات تتحدوا بخليه يدخلنا غصب عنه !
البنات :: وشلون ؟
غدير ضحكت :: بقوله طائرتنا الصبح
ألاء بستخفاف :: وهو بيصدق على طول
غدير بهباله :: آه مالي شغل بجننه يعني بجننه
وقامت راحت له
غدير :: لو سمحت متى راح ندخل ؟
النادل :: الاسم لو سمحتي ,
غدير :: رائد ألـ ..
النادل شاف أسمهم في الصفحه الثالثه ، :: نص ساعه تقريباً
غدير :: طيب لو سمحت أحنا جاين من فترة بس وقفنا في الاستقبال وتونا نسجل اسمنا ممكن تدخلونا
النادل لف على واحد ثاني يناديه متجاهل غدير الي انقهرت
غدير رجعت للبنات :: ههههفففف
لجين :: ها ويش صار ؟
غدير :: لف لواحد ثاني يكلمه ونساني >< !
ألاء ضحكت :: ما أشوفش دخلتينا
غدير :: أحين شوي ويتدخلوا خخخخ
وبدت غدير هباله
كل شوي رايحه للنادل وجنتته تجنن
وآخر شي أستمل منها ودخلهم كبينه في آخر المحل
كانت صغيره
ألاء ما عجبتها الكبينه :: ويش هالكبينه ؟ خلونا نقول ليهم يغيروها
غدير بندفاع :: لا مافيه ، بالغصب ندخل نقول نخلي أحد غيرنا يدخلها بالجاهز
ألاء كشت عليها وقعدت وسحبت المنيو
والكل قعد وبدوا يقولوا ويش يبغوا طلبات


/
\
/
\


نتوقف هنا =)