[.. في « سوالفنا ملامح (1) © ..]


كانوا جالسين في ساحة المدرسة
كعادتهم على الارض
ويضحكوا ومهسترين
زي عادتهم في كل يوم اربعاء
كان الوقت نهاية الدوام
يحبوا جلستهم ويتمنوا مايفترقوا
رغم انهم عارفين ان هالدنيا بتفرقهم غصب بس يدخلوا الجامعة
كان عالم المدرسه جميل بالنسبه لهم زي ماهو مقرف
جميل بجمعتهم بضحكتهم
كانت شلتهم مكونة من {... مريم ، مروى ، زينب ، زهراء ، جنان ، الاء ... }
كلهم واحد كلهم حاملين هم بعض
همهم واحد
قاموا يوم جت لهم المعلمة المناوبة تطردهم من المدررسه
مروى :: بيتنا الثاني وبيتنا الثاني واخر شي يطردونا اما هم شي
ردت عليها المعلمة :: ايه الصباح تجوا متأخرين ونهاية الدوام تطلعوا متأخرين
يلا خلصونا نبغى نروح بيوتنا
ألاء همست لمريم :: مشكل الي يشوفهم يقولوا ماعمرهم طلعوا وخلونا انا وياش لحالنا
ضحكت مريم بخفه :: ايه والله
خلصوا البنات لبسهم ماعدا { مريم ، ألاء }
لأنهم يروحوا بسيارة
جنان وهي تطلع :: نلتقي الليلة
الكل :: أن شاء الله
وطلعوا الباقي معاها
مريم : ألاءووه ويش بتجيبي الليلة ؟
ألاء :: والله مادري ! ، وأنتي ؟
مريم :: أني بعد مادري !
ألاء :: طيب شرايش تجين بيتنا نسوي مع بعض
مريم تخصرت :: وثيابي
ألاء ضربتها على راسها :: بقرة ماينشره عليش ، ثيابش ياذكية عندش حلين الاول انش تروحي بيتكم تبدلي وبعدين ترجعي بيتنا
والثاني انش تلبسي من عندي
مريم بكسل :: وااال أروح بيتنا أول بعدين أجي بيتكم
ألاء قاطعتها :: لاتصيري سودانية ، ترى الفرق بين بيتنا وبيتكم جدار بس ، وبعدين مادام ماتبغي تروحي بيتكم أول خذي من عندي بدلة
مريم بعباطة :: لا لا ويع وشو ألبس من عندش
ألاء بستهزاء :: مشكل ترى أحنا بنات خالة
مريم :: يوه توني أدري
ألاء لفت عنها وراحت قعدت
مريم ضحكت على حركة ألاء المتوقعة
لأنها دايماً إذا أنقهرت منها تلف عنها وماتكلمها
مريم :: ولوش لا تقولين زعلتي مني أفآآ ، مو أني روحش ، شلون تزعلي مني ؟
ألاء أبتسمت : أول شي أني مازعلت ، ثاني شي لا يا واثق
مريم ضحكت وقالت :: من لي أنا يا حلمي والمنى " وأشرت على ألاء " أنت السنا وعنك لا غنى
ألاء ضحكت :: وي فديتش بث ، ولا علي رضا خخخخ
مريم ضحكت :: أكيد أني صوتي أحلى موليه
ألاء :: أكيد ، أصلاً من يسمعش بيعتزل هع
جت مريم بترد بس سمعوا صوت هرن السيارة الي توصلهم وطلعوا لها

ღ ღ ღ

( ألاء ، مريم ، مروى ، زينب ، زهراء ، جنان )
فتيات 15 عام
في الصف الثالث الإعدادي

ღ ღ ღ

\
/
\