ماكنـت اظنـك تقلـل قـدر مـن حبَّـك ياللـي محبّتـك فـي قلـبـي جنونـيّـة
ولا ادري اشلـون طـاوع فعلتـك قلبـك وانا اللـي احسـب بقلبـك كـل ماويّـة
غزيـت قلبـي وزدت بداخلـه حـربـك وقتلـت قلـبـي ولازم تـدفـع الـديّـة
ماعدت اطيق العرب والناس مـن عقبـك وجـوه كـل العـرب عقبـك رمـاديّـة
يامـا تمنيـت اعيـش فدنيتـي قـربـك وبنيـت فـي شوفتـك أحـلام ورديّــة
وياما تحملت وخز الشـوك فـي دربـك واصبح لدمّـي بوسـط الـدرب ماريّـة
واشوفه لخافقـي مثـل العسـل ضربـك ويصيـر علقَمـك فـي قلبـي طحينـيّـة
واليوم يوم ٍ لفيت وقلت لـك : وش بـك طعنتنـي طعـنـة ٍ ماهـيـب عـاديّـة
مايعلـم بقـوة الطعنـة ســوى ربــك هـو عالـم الغيـب عالـم كـل مخفيّـة
يوم ٍ طعنت الخفوق الرطب وش خطبـك ياشيـن مـن ياكـل اللحمـة وهـي نيّـة
كنت الدوى وكنت اشوف الخير في طبّـك وتـداوي المـوت منّـك كاسـة المـيّـة
وكنت اقضي الوقت في شرقك وفي غربك مااشـوف غيـرك بهالدنـيـا حوالـيّـه
واليوم بارحل ولـو فـي ديرتـك كلبـك ينبـح ينـادي .. ولا بـاعـود هالجـيّـة
وبابوس قبل اترك ديـارك علـى تربـك أشـم ريحتـك بــه واطـهّـر ايـديّـه
وارحل وانا اهواك مااهينـك ولا اسبـك وابعد وبـدرك يرافـق خطوتـي ضيّـه
وتـرى ليامـن غفـرت بطيبتـي ذنبـك بارحل ونفسي من اللـي صـار مكويّـة
حسيبك الله .. وذنبـك حـل فـي جنبـك إمــا يعاقـبـك ولاّ يغـفـر الـسـيّـة
منقول
تحياتي
أمير العاشقين
رد مع اقتباس
المفضلات