اللهم صل على محمد وآل محمد وعجل فرجهم وفرجنا بهم ياكريم وألعن من آذى فاطمة ..
صباحكم رضا وسعادة ،،
القناعة شي جميل..
وجميل الانسان يشكر ربه ويحمده ، ويقنع باللي الله ناعم عليه فيه في كل الأحوال
وجميل جداً أن نمتلك عزِّة نفس تخلينا ماننظر لشيئ بيد غيرنا ،، حتى لو مد لنا ....!!
هذي وحدها نعمة تستحق الحمد ..،
باعتقادي إن عزّة النفس هنا هي الدافع الأول والأخير..
هي اللي خلتها تعتقد إن الطرف الآخر يقصد إحراجها ،، يمكن يكون الموقف عادي(بما إنهم خوات !)
احتمال يكون من طيب نية الطرف الآخر تلاقيه فكر بهالتفكير ، يمكن تكون تبغى أختها مثل الكل ..وتبغى تحسسها إنهم واحد ..عشان كذا طلبت منها تاخذ حتى لو سلف..!
يمكن تكون هي اللي نظرت للموقف من جانب حساس ..!
ويمكن التصرف الغير لائق هنا هو الاصرار ، وارتفاع الصوت لحد ما البائع سمع !
بس بنفس الوقت مو ضروري إن الهدف من إعتلاء صوت الأخت كان الاحراج لأختها ..! لا ..، يمكن يكون بشكل عفوي !
مع العلم إني مقدرة ومتفهمة لمشاعر المُتحدثة ، وجداً ،،
~
اممم لو كنت بمكانها !!!!!!
راح أكون مثلها بمعنى إني راح ارفض الشراء ، وحتى السلف ..كوني أشوفه فوق ميزانيتي ..!
وكوني ماراح اقدر أسدده في أجل مُسمى !
يمكن انحرج ! بس إذا كنت فاهمة إن نية الطرف الآخر طيبة ، وماتخرج عن المساعدة وحب الخير لي ..!
وقتها ماراح انحرج ...
وراح أبقى أصر على رأيي (ماراح اشتري ولاراح اتسلف)
وراح أعيد وأكرر لها : وش فيك قلت لك ميزانيتي ماتسمح ياخية !! احنا اللي هنقولوا هنعيدوا ! >> أختي والميانة طايحة !
إلا عاد إن كانت هدية !!!
فالنبي صل الله عليه وآله قبل الهدية /
~
اممم بهالمواقف يبغى لينا شوية مُرونة وشوية تقبل بعيد عن الحساسية ..، ويبغى لينا نتوقع أي حدث يحصل ،،
ونأهل أنفسنا على استقباله بكل رحابة صدر !
~
الله اعلم بالضماير ..
وهي أدرى بنية الطرف الآخر !
بس وجهة نظري كانت بشكل عام ..وبحدود ماقرأت !!
معذرة للقصور..
~قد أعود ...
سيدة
سلم جهدك المنهمر ،
اسأل الله أن يرزقنا وإياكم رزقاً حلالاً طيباً..
وألا يحرمنا من نعمة شكره في كل حال ..
دعواي لأجلكم أبعثها للسماء ..
موفقين
بعين الله
رد مع اقتباس
المفضلات