بسم الله الرحمن الرحيم
ما تجيّنــــــــه؟
ليله وحده
ساعه وحده
لحظه وحده
كلبي ما تدري أبحنينه؟
ما تجيّنه؟
روحي شمعه وذابت باليل انتظارك
بانتظارك ذوّبت عمري وسنينه
ما تجيّنه؟
تشيل همي وترسم اعلشفافي ضحكه
ردت ضحكه
ردت بسمه
حتى لو بسمه حزينه!
ما تجيّنه؟
شنهو رايك يبقى كلبي دوم ميفارك ونينه
شنهو رايك يبقى بحر الزمن هايج
وانا اظل ابلا سفينه
ماتجيّنــــــــــه؟
ارد اكــّحل عيني بيك
وارد اشمك يلي عطرك جامع انواع الورود
ورد جوري واقحوان
وشذى انفاسك ياسمينه
ماتجيّنـــــــه؟
احنه كل لحظه نموت
واسمك انت من يرد النفس بينه
ما تجيّــــــــــــــــنه؟
حسين طالب السماوي
******************
أحبتي
وردة
عفاف
بحر عطاء
التوبي
بوركت أيامكم والليالي
وشكري يدثركم
أينما حللتم ..
رد مع اقتباس
المفضلات