~ آحلى مافيك براءتك .../ وأجمل مافيني أني بديت ~

[~زهور الشوق~]

بسم الله الرحمن الرحيم

اللهم صلي على محمد وآل محمد
هذي أول تجربة لي في عالم القصص .. والروايه لسا قيد الانشاء ..<< استحملوني اذا تاخرت عليكم
واذا حسيت في تشجيع رآح اكملها واذا لا راح اطنش
وراح اعرف اني ما انفع اكون كاتبه من الاساس


والقصه من خيالي ودمجت بعض الاحداث الحقيقه .. والخيالية

والهجة راح تكون بلهجتي ..
فمن لديه اي تعليق او اي استفسار .. فقلبي يرحب بكم جميعاً ^^
أتمنى ان تنال اعجابكم

^
^
^
^
^
^
^

[~زهور الشوق~]

~ آحلى مافيك براءتك ../ وأجمل م افيني أني بديت ~

ارتجي لحظة تجمعني معاك
ولكن صعب نكسر اللحظة
اذكر ها اللحظة وأقول : ياحلوها
ياريت اقدر اوقف اللحظة
واعيشها دايم معاك ..
والصمت لا حكى .. يفيض بالألم
آآهـ وآلف آآهـ ..
على يوم انخلقت فيها اللحظة
وجمعتني معاك ..


:::::::::::::::::::::::


هذي موسيقى القصة ^^

http://www.up-00.com/dldA2c07872.mp3.html

التعريف بأبطال القصه :

ابو مرتضى ( حسن ) : رجال طيب وخلوق وفيه من البرود يحرق دم ام مهدي ../ خخ

عمره50 سنة

ام مرتضى ( آنيسة ) : أمراءة طيبة وخلوقة بس عصبية حبتين

عمرها 43 سنة

مرتضى : شاب مسؤل ويحب العب والمزح عمره 26 سنة

خاطب بنت خالته فاطمة

جعفر : شاب طيب يعشق السوالف عمره 24 سنه

عبد الله : شاب منعزل يحب ينفرد بنفسه وهذا الشي منفر الجميع من حوله

عمره 23 سنة

نور : بنت طيوبه وحبوبة وحساسة اقل كلمة تتحسس منها

19 سنة عمرها

صفاء: بنت طيوبه بس عنيده و ما تحب أبد ينتقدها وهادئة

عمرها 17 سنة

ملاك : بنت طيوبة وعصبية لآخر درجة مع صغر سنها

عمرها 11سنة

علي : ولد شقي ومربووش يحب اللعب عمره 4 سنوات ولا ننسى انه دلوع الماما والبابا

::::::::::::::::::::::::::::::::

ابو وليد ( علي ) : رجال طيب وأخلاق وينشد فيه الظهر معروف عنه انه عصبي عمره 46 سنة

ام وليد ( شريفة ) : امراءة طيبة وحنونة عمرها 40

ام وليد ../ تصير آخت ام مرتضى

وليد: شاب طموح ويحب المزح كثير غامض بعض الشيئ عمره 26سنة

زينب: بنت طيوبة وحساسة تحب الضحك ومزح عمرها 25 سنة

متزوجة لها 6 سنين من (علي ) عمره 30 سنة وعندها بنت كتكوته اسمها ولاية

عمرها4 سنين

تهاني: فتاة حبوبة وطيبة عمرها 23 سنة متزوجة من ( عبد العزيز ) وعمره 28 سنة

فاطمة: بن حبوبة وطيوبة عمرها 18 سنة خطيبة مرتضى

شهد: بنت فرفوشة تحب المزح عمرها 12سنة

ناجي : ولد حبووب كثير وحسااس عمره 11 سنة

هذي الشخصيات المهمة في حكايتنا ..^^

[~زهور الشوق~]

الحلقة الأولى :

في منتصف الليل ..هبت الرياح وهزت الأشجار وحلقت معها وريقات الأشجار الساقطة

على الأرض مبشرة بقدوم فصل الخريف ...

سقطت أحدى تلك الأوراق فقامت نور بالتقاطها فأخذت تتأملها ..

جلست على عتبات باب المنزل وأخذت تتأمل النجوم ومدى روعتها

وكلها تفائل وأمل بأن الغذ سيكون أجمل ..

وفي هذه الاثناء اتى آحدهم الى المنزل

وبدى بالمشى على اطراف آصابعه لكي لايلفت الأنتباه

........: يا جنية وش تسوين هالحزة

نور : بسم لله مرتضووه خرعتني يادب ناوي تموتني

مرتضى : آسم الله عليك .. وش تسوين هالحزه بالحديقه

نور: سلامتك .. اتأمل ماخلق ربي

مرتضى : حلوو .. وش رايك اسبوع الجاي يوم الخميس نوروح المزرعة

نور: ونإأآسة ..طيب بيت خالتي ام وليد عندهم خبر

مرتضى : عندهم خبر .. با لأساس الفكرة فكرة وليد تو جاي من عندهم

فا الأكيد عندهم خبر

نور: ياربي مو مصدقه اسبوع الجاي طالعين .. طيب مو تنسى تخبر بيت جدي ابو مهدي

مرتضى : لا تخافي انا و وليد ماسكين زمام الأمور وانتي اللحين مهمتك نشر الخبر

نور : ولا يهمك ياطويل العمر .. طلباتك آوامر

مرتضى : ههههه .. ياحبك للطلعة

نور : يلا اخوي خل ندخل تلاقي امي قاعده تحاتيك

مرتضى : ومره وحده نخبرها بالموضوع

دخلو البيت ولقوا امهم قاعدة بالمطبخ وتشرب القدو

مرتضى : امااه متى تقاطعي هالقدو

نور : هههههه .. في احلامك

مرتضى ونور وامهم : ههههههههههههههههههههههههه

نور : يمه اسبوع الجاي يوم الخميس بنورح المزرعة

ام مرتضى : من زمان ما طلعنا المزرعة بس الخوفة على الجهال

نور: يمه لا تخافي آحنا موجودين وراح نتبه لهم

مرتضى : أي وكل واحد ينته لولده واخوانه

ام مرتضى : ما يصير خاطركم الا طيب

مرتضى : أي وقولي الا ابوي يجهز الفلوس عشان العربون المزرعة

ام مرتضى : راح اقول له ..بس انتو بعد قولوا له

نور ومرتضى : ان شاء الله يمه

مرتضى : يلا تصبحو على

ام مرتضى ونور : وانتي من اهل الخير

مرتضى : نوارة لاتنسي تكوي لي بدلة الدوام

نور : ان شاء الله ../ أي اوامر ثانيه

مرتضى : سلامتك

نور: الله يسلمك ..

نور : يمه عبد الله وينه اليوم ماشفته

ام مرتضى : وينه بعد قاعد قبال الكمبيوتر وشرب في هالدخان

نور: يمه مايصر كذا عازل نفسه عن العالم لازم تكلموه

ام مرتضى : والله يابتي كلماناه بس الطوفه تسمع وهو مايسمع .. الله يهديه

نور: الله يهدي الجميع يارب

(( الا بجية جعفر من المجلس ))

جعفر : يمة انا رايح انام توصي على شي

ام مرتضى : سلامتك

يلا انا طالع انام تصبحوا على خير

ام مرتضى : نور متى النوم ..

نور : اللحين يمه بس بكوي بدلة مرتضى ورايحه انام

تآمريني على شي

ام مرتضى : سلامتك غناتي

نور ركبت الدرج ونوم مرسوم على وجهها أخذت البدلة من السلة

وكوت البدلة على السريع ../ خوش كوي

راحت غرفتها وهي تتأمل الورقة وكأنها تحمل لها رسالة

دخلت الغرفة جلست على على السرير وفكرة تجيبها وفكره توديها

لين ما استسمت للنوم

::::::::::::::::::::::::

تررررررررررن تررن ترررن تررررن تررررررن تررررن

الساعة السادسة صباحاً جلست نور على صوت المنبة

نور : صفائووه ملاكوووه يلا قومو على المدرسة وطفوا المنبه وياكم

صفاء : طيب قايمه قايمه .. / ووف وش هالقرف متى نخلص بس

نور: ماتخلو الواحد يتهنى في نومه يلا قوموا

صفاء : ملاك قومي تأخرنا على الباص يلا قومي مابقى شي ويوصل

ملاك : قايمه ../ قايمه وووف

صفاء: وقومي صلي لاتنسي

ملاك: ان شاء الله

خلصت ملاك من الصلاة وصفاء لبست عباتها

ومشطت ملاك كشتها على السريع ../ البنت تبغى تلحق على الباص

الا بجية الباص ../

توت تووووت تووووووووت تووووووت

صفاء : يلا عجلي الباص جى

ملاك : انتي اللحين روحي عشان لا يمشي السيد

صفاء : اوك انتظرك لا تتأخري تعرفي بيهزك ان تأخرتي عندك سوابق

ملاك : يلا روحي واني بلبس عباتي

طلعت صفاء وركبت الباص

صفاء : السلام عليكم

السيد والبنات الي بالباص : وعليكم السلام

السيد : اختك مابتجي

صفاء : اللحين بتجي

وعلى طول ركبت ملاك ومشى الباص يوصلهم المدرسة

:::::::::::

قعدت نور بعد الأزعاج الباصات والسيارت شافت الساعة وشافتها 7

راحت الى مرتضى تصحيه من النوم عشان يجلس للشغل

نور : مرتضى قوم الساعه 7 ونص يلا قوم اذا تاخرت مو تقول ماقعدتك

وينقز مرتضى من مكانه

مرتضى :الساعه 7 ونص تو الناس تقعديني

نور: ههههههه ../ تراا الساعه 7 بالظبط

مرتضى : الله يغربل بليسك ../ هذي حركه تسويها

نور : وش اسوي يا اخوي لو ماسوي كذا مابتقعد لبكرى

مرتضى وماله خلق سوالف ../ كويتي بدلت العمل

نور: أي كويتها من البارحه

مرتضى : طيب حطيهم على السرير

نور : طيب

يوم شاف مرتضى الكوى بقق عوانه في اخته

مرتضى : وش هاكوي متأكده كوايتنهم

نور: أيه ليش

مرتضى: اقول قومي جيبي الحمار والمكوى وكويهم عدل سامعه عدل

نور : طيب هدي لاتشب علينا حريقه

وقامت نور كوتهم عدل هالمره البارحه ماكان لها خلق كوي فكوتهم على الطاير

مرتضى : أي هذا الكوي السنع

نور : طيب بروح اكمل النوم الأزعاج الباصات ما خلاني انام

مرتضى : ههههههههههه ../ هذا اذا جاكِ نوم

نور: يلا اني رايحه انوم

اشوفك رجعتك من العمل ..

مرتضى جالس يكشخ حاله للدوام اليوم المدير مسوي اجتماع

وطالع آخر شياكة

ويدق جواله والمتصلة بنت خاته فاطمة

مرتضى : هلا والله هلا بقمرهم

فاطمة : احم احم هلا والله بك

مرتضى : هلا والله بلي ملكت قلبي

فاطمة : تسلم لي حبيبي

مرتضى : ياعمري كله ../ فديت الي يستحون

فاطمة : فدتك العافية

مرتضى : عسى ربي مايحرمني من هالصوت

فاطمة : ويخليك لي يالغلا

مرتضى : يسلم لي الذوق

......: هههههه ../ مانا قادر استحمل بفطس عليك ضحك اجل ماتفرق بين صوتي وصوت اختي

مرتضى : منو و وليدووه هذا انت يا ابن الذين اللحين لي 5 دقايق اتغزل شغلك عندي بعدين

وليش داق من جوال اختك ماعندك جوال ولا متقصد

وليد مو قادر على ولد خالته مدحن من الضحك

وليد: هههه/ مافي رصيد وانا من سمعت الغزل على طول ذبت معاك يا رومانسي

مرتضى منحرج من وليد : وش بغيت

وليد : نسيت وش باقول لك ./ هههههههههه

مرتضى : اكيد بتنسى قاعد تتميع لي مثل البنات

وليد : ههههههههه / أي ذكرت مو تنسى العصر رجعتك تمر علي نروح نشوف المزرعه

واذا عجبتنا حجزناها ../ ودفعنا العربوون

مرتضى: على خير .. بغيت شي ثاني

وليد بصوت كله نعومه : لا حبيبي سلامتك

مرتضى : اقول عن المياعة وراي شغل

وليد : هههههه / اشوفك العصر .. باي ياحلوو

مرتضى : الله يقطع بليسك وليد ماتتوب عن سوالفك الله يهديك

آتمنى ان تنال اعجابكم


إلى اللقاء
نلتقي في الحلقة القادمة^^

[*زهرة البنفسج*]

بسم اللهـ الرحمنـ الرحيم ..

بدايتاا القصهـ حلوهـ وعنوانهاا لفت انتباهي بالقوهـ ..

::

ولفتت انتباهي شخصية نور .. ننتظر البقيهـ بفارغ الصبر

بالتوفيق غاليتي .. بداية موفقه

[~زهور الشوق~]

بسم اللهـ الرحمنـ الرحيم ..

بدايتاا القصهـ حلوهـ وعنوانهاا لفت انتباهي بالقوهـ ..

::

ولفتت انتباهي شخصية نور .. ننتظر البقيهـ بفارغ الصبر

بالتوفيق غاليتي .. بداية موفقه

تسلمي يالغلا .. حمستيني كثير انزل الجزء الثاني
وراح تتعرفي اكثر بباقي الحلقات على شخصية نور
كوني بالقرب من هنا ^^

[~زهور الشوق~]

الحلقة الأولى : ( الجزء الثاني )

مرتضى خلص من المكالمة وشاف الساعة سبع ونص وباقى على الدوام ربع ساعة

وبين ماهو يطالع في الساعة سمع صوت هالدبة يصاوي من الجوع

فقال ما له الا اخته حبيبته تسوي له الفطور..

راح يشوف نور نامت ولا لسا .. ( الأخ خايف على بطنه )

راح غرفتها مالقاها فيها تطمن انها جالسة تحت بالصالة

نزل تحت لقى الصاله مافيها احد ..سمع صوت خطرشة

بالمطبخ ../ لقى نور قاعدة تجهز الفطور

مرتضى : الله الله وش ها لزين وش مسوية أكل لهادبه تراها تصاوي من الجوع

نور: على قلبي اخوي .. خلاص الفطور دقايق ويكون جاهز

مرتضى : اوك خفي ايدك عشان ما اتاخر عن الدوام

نور: طيب انت روح عني لا يحترق الفطور وشوف اخوتك اذا قاعدين ولا لاا.. عشان يفطروا معانا

مرتضى : رايح لهم طيران

نور : هههه ../ طياره على غفلة

ركب مرتضى يشوف اخوانه لقى جعفر نايم وعبد الله قاعد والغرقة مليانة دخان

مرتضى : كح كح كح وش هاذا حشا مو اخو محرقة دخان

عبد الله : .. اقوول اخلص وقول وش عندك

مرتضى : اذا بغيت فطور انزل تحت ولا تقول ماخلينا لك

وقد اعذر من انذر

عبدالله : طيب .. شوي ونازل

مرتضى: اوكى انتظرك تحت سي يوو

وبعدها مرتضى نزل لنور ولقى السفره جاهزة بس خالية

مرتضى : وين الفطور

نور: جهز بس انتظرك تنزل عشان لايبرد

مرتضى : اهاا .. بس وش يسكت دبتي

نور : ما اظن تسكت لين تاكل ../ هههههههه

ماقلت لي وين اخوانك ../ ترا مصيرها بأيدهم

مرتضى : جعفر نايم .. وعبدالله قال بينزل

نور : اهاا ../ خلاص بحط الفطور كل نزل عبد الله وجعفر اذا قعد سويت له

مرتضى : يلا حطيهم ميييت جووع

نور: يلا قوم وديهم معاي

مرتضى : وااااااااااو ../ وش ها لفطور .

نور:يكفيني ويكفيك ويكفي ديره بحالها../ ههههههههههه

مرتضى : كثري منها ../ هع هع

نور : طيب خذ الصحون الي في التبسي واني بودي العصير

مرتضى : تآمري امر من عيوني الثنتين

نور : مو لله عشان خاطر هالدبه

نور ومرتضى : ههههههههههههههه

نور: ليه ماجلست جعفر ..

مرتضى : شفت شخيره واصل لبيت الجيران قلت خله يكمل نوم../ هع هع

نور : هههههههههههههههههههه

الا بجية جعفر ../ الطيب عند ذكره ^^ )) ))

جعفر : منو الي شخيره واصل بيت الجيران هااا انا ولا انت

مرتضى : بل ماداني احش فيك الا قعدت .. حياك تعال القلط معانا

جعفر : أي كل بعقلي حلاوة .. بطوفها بمزاجي مالي خلق نجره من صباح الله خير

نوروه ليه ما قعدتني ماتدري عندي دوام

مرتضى : هههههه / وش فكك خيه من هدرته ../ هع هع

جعفر: اقول ارحمنا بسكوتك

نور: يوو افتكرت اليوم اووف ( اووف يعني عطله ) مافي دراسة

جعفر : والله ياريت

مرتضى : يلا اخليكم تآمروني على شي

نور وجعفر : سلامتك ..

مرتضى : الله يسلمكم ..

قام مرتضى من على الفطور وطلع من البيت للدوام

وفي ها الأثناء نزل عبد الله وشاف نور وجعفر قاعدين يفطرون

عبدالله : يعني مافيا أمل يوم اجي واشوفكم ..ناطريني

جعفر : ليه ناوين على نفسنا نموت جوع ..اقول اقلط معنا وانت ساكت

نور: تبغى اسوي لك شي

عبد الله : لا ما ابغى شي الموجود يكفي ويوفي

وبعد ماخلصوا الفطور ركب عبد الله غرفته .. وجعفر جهز نفسه للدوام

جعفر ينادي على اخته : نور وينك ما اشوف بدلت الدوام

نور نست تكوي الى اخوها جعفر وكانت قاعده تكوي له

نور: نعم وش بغيت

جعفر: وين بدلت الدوام ما اشوفها

نور : قاعدة اكويهاا

جعفر: اقول اكويها سريع لا اتاخر على الباص

نور : اوك طيران

جعفر : يلا حركينا بس

نور كوت لجعفر على السريع

نور: جعفر حطتها لك على كنب الصاله ../

جعفر كان بالحمام يتروش ( اكرمكم الله)

جعفر : اوك ..

نور :توصي على شي ثاني بروح انام

جعفر : سلامتك

سمعت نور صوت لتلفون يرن

في بالها .. من الي داق هالحزة

نور: الو

.....: الو هلا والله شخبارك

نور: الحمد الله تمام ../ بغيت من ؟

....: ماعرفتيني؟!!

نور: لا والله منو انت ؟؟

...: انا خالك يا طرمه

نور : هلا والله خالوو .. اعذرني ماعرفتك..<<

......: عادي حصل خير وين آنوووس

نور : نايمه .. اقعدها

.....: لا خليها نايمة ..

نور: وش بغيت خالو

...: كنت بشوف بخصوص المزرعه وش صار

نور: أي خالو بنروح والتفاصيل تلاقيها عند مرتضى و وليد

...: اوك بدق عليهم وبستفسر عن الموضوع ..

نور: اوك على خير

..: توصي على شي

نور :لا سلامتك

... :الله يسلمك باي

نور: باي

سكرت نور السماعة وتفكر بيوم المزرعة

وتسمع جعفر يهدر بروحه ../ هههه

نور: اخووي متى تبطل هالعاده ..

جعفر: اقول وين ناظارتي مانا شايفنها

نور: في المكتبة ماشفتها

جعفر : أي شفتها

نور : هههه/ بروح انام لي احسن لي من هدرتك

جعفر: هههه / اذا رحتي بكلم الطوفه

نور: ههههههههه/ اشوفك رجعه من الكلية

ركبت نور غرفتها ونامت على طول

[~زهور الشوق~]

:::::::::::::::::::

في بيت ام وليد شهد غايبة ماراحت المدرسة

شهد : وليدووه قوم جيب فطور حدي جوعااانه

وليد : إذا عرفتي تنطقي اسمي عدل حزتها افكر اجيب لك فطور

شهد : ولودي حبيبي عمري قلبي حياتي تكفى جيب لي فطور حدي جوعانه

وليد : الله الله كل هالدلع لي ما اصدق .. مع اني ادري هالدلع مو لله بس رايح اجيب فطور

شهد : يااي ونأآسه

وليد : هههههههههههههههه .. الفطور مايغلى عليك

شهد : تسلم لي يا اخوي الغالي

وليد : يمه شوفي وش تبون شوي ورايح اجيب الفطور

ام وليد : وليد تعال ابيك بكلمة راس

شهد : يمه شنو تبغي فيه

وليد : بلا لقافه يالملقوفة

ام وليد وليد جلسوا مع بعض

وليد : يمه شنو الموضوع الي بتكلميني فيه

ام وليد : ولدي متى ناوي تفرحني فيه

وليد : يمه ماخلصنا من هالموضوع

ام وليد : لا ماخلصنا

وليد : يمه انا اذا اشتغلت يحلها الف حلال واللحين ما اقدر اخطب واورط بنت الحلال فيني

ام وليد : ابوك كمني قال بيصرف لك راتب كل شهر ...

وليد : يمه انا ابي اعتمد على نفسي .. ولا تبي بنت الحلال تقول عني اتكالي مو برجال

مو قد المسؤليه ..يمه هذي مسؤلية ..

ام وليد : الله يكتب الي فيه الخير ويوفقك يارب وتلاقي وظيفة الي تتمنها يارب

بحق محمد وآل محمد يا الله

وليد : الله يسمع منك يمه وافرحك انتي وابوي

ام وليد :طيب انت مافي احد في بالك

وليد : في وحده بس .. ااذا نويت اخطب قلت لي مين

ام وليد : اعرفها

وليد : اممم ../ احتمال تعرفيها

ام وليد : الله يرزقك ببنت الحلال الي تسعدك يارب

وليد وهو مبتسم: يارب

قام وليد وكان شهد جالسه بالصالة

شهد : وين رايح

وليد : اشتري لكم فطور ولا ماتبون

شهد : الا ..

وليد : يلا انا طالع سي يووو

شهد : سي يوو

(شهد تغير بالقنوات ومافي شي له القيمه )

شهد : يمه متى بنروح المزرعة

ام وليد : يوم الخميس

شهد : حلووو .. يمه وليد نسى جواله وخالي أحمد يدق عليه تعالي شوفيه وش يبي

((أحمد اخو ام مرتضى وام وليد وعمره 26 سنة ))

ام وليد : هلا أحمد

أحمد : هلا خيه شخبارك ؟

ام وليد : الحمد الله بخير

أحمد : الحمد الله .. وين وليد نايم

ام وليد : لا طلع وناسي جواله ..

احمد : اهاا .. طيب خيه متى طلعة المزرعة

ام وليد : اسبوع الجاي .. يوم الخميس

احمد : حلووو .. طيب خيه اذا جى قولي له يدق علي ضروري

ام وليد : يوصل ان شاء الله

احمد : مو تنسي خيه

ام وليد : ان شاء الله مابنسى وبخلي شهد تذكرني

احمد : اتك عويص على مويص ضاعت البقره

ام وليد : هههههههههههههههه../ ان شاء الله ماتضيع ..

أحمد : هههههههه .. ييلا خيه اخليك توصي على شي

ام وليد : سلامتك

احمد : الله يسلمك .. باي

ام وليد : باي

شهد : يمه خالي احمد وش يبغى

ام وليد : يسأل عن أخوك .. واي يوم بنروح المزرعة

شهد : اهاا .. واللحين وليد متى بجي تاخر حشى مو فطور بجيبه

ام وليد : لا تخافي شوي وبجي .. وهذا عن حساب مريضه اشوف مافيك شي

..شهد تذكرت انها مستمرضة ..) )

شهد: كح كح كح .. أي يمه ماتشوفيني اكح حلقي يألمني

ام وليد: أي مبين .. اقول بلا دلع قومي نظفي وياي

شهد : انزين شوي وبقوم

شوي وجى وليد ومعاه الفطور

شهد : كان ماجيت حشا مو فطور بتخترع اختراع

وليد : الحين واقف في الشمس .. اسمع منك هالكلام لكن اوريك مالك شي

شهد : اخوي حبيبي مو قصدي تعرف من الجوع

وليد : طيب بعديها بس لاتكرريها

ام وليد :صحيح لا انسى اتصل عليك خالك أحمد

وليد : وش يبغى

شهد : يسا متى بنروح المزرعة

وليد : انا كلمت امي ماكلمتك .. صدق ملقوفه

شهد تطلع لسانها على اخوها

وليد : هههههه.. الحمد الله وشكر

شهد : وش قلوا لك مجنونه

ام وليد : ماعليك منها .. ولا تنسى تدق عليه زين

وليد : زين .. يلا انا طالع

شهد : وين توك جاي

وليد : طالع مع سلمان

شهد : ياريتني سلمان صاحبك دوم وياه

وليد : هههههه ... لاتحاولي مافي بينك وبنه شبه وهذا الي خلاني اصاحبه

شهد : اماااااه شوفي وليد

وليد وام وليد : هههههههههههههه

شهد برطمت وتغطت بالبطانيه ) )

وليد : يمه انا طالع مع سلمان توصي على شي

ام وليد : سلامتك

وليد : الله يسلمك ..

وليد قبل مايطلع سحب البطانبه من على شهد

شهد : اممااااه شوفيه

ام وليد : ههههههههه.. وليد خليها في حالها

وليد : هههه . ./ محد قا لها تغيب عن المدرسة تستحمل مايجيها

يلا انا طالع .. بايووو

وليد طلع من البيت لقى سنوررين على سيارته ومشمخين الكبوت تشمخ

وليد : يااعلي وش سويتوا في سيارتي حريقه تحرقكم ان شاء الله

سلمان تو واصل : وش صاير خير ان شاء الله

وليد : أي خير .. شوف ها حيوانات وش سوا في سيارتي

سلمان شاف شامامخ في كبوت سيارته وكتم ضحكته

وليد : أي اضحك وش عليك مو سيارتك .. خل اشوفهم اولاد الذين الي مايقتلهم ما اكون ولد امي وابوي

سلمان خلاص طلعت الضحكه غصب عنه

سلمان : هههههههههههههههه ../ خلاص كل ماتشوف سنور قدامك قتله

هههههههههه

وليد : تتمسخر حضرتك

سلمان : اقول خل نمشي وصيح في سيارتك برحتك .. جيب مفتاحك

عشان ادخلها الكراج

وليد : مالا داعي انا ادخلها

دخل سيارته كراج البيت وماد البوز شبرين بعد هاذي سيارته حبيبة قلبه

سلمان : يلا مشينا

وليد : لحظه اشوف وين جوالي شكلي نسيته انتظر بجيبه بجي

سلمان : اوك .. انتظرك

دخل وليد البيت

شهد : اشوف بسرعه رجعت وحشناك

وليد : لا ماوحشتوني بس ادور جوالي وينه

شهد : عند امي .. شوفها في المطبخ

وليد : طيب .. امااااه اماااه

ام وليد في المطبخ اختلعت يوم سمعت صوت وليد

ام وليد : خير وليد وش صاير

وليد : ماصاير شي بس نسيت جوالي وينه

ام وليد : تلاقيه بالصالة شوفه بالمكتبه

وليد : طيب ..

راح وليد يشوف جواله ما لاقاه .. شاف شهد تبتسم عرف انه عندها

وليد : اقول شهد طلعي الجوال

شهد : مو عندي ليش يكون عندي با الاساس

وليد : شهد عارف انه عندك .. بسرعه طلعيه لا اطلعه بطريقتي

شهد : اخذه ../ من حلاته

وليد : يلا طسي عني ..

شهد تطلع لسانها لأخوها

وليد : لسانك هذا يبي له قص

شهد : اتحداك ..

وليد : اتفاهم معاكي رجعتي ..باي

طلع وليد ولقى صاحبه معصب والعرق يصبب عليه

سلمان : بدري كان نمت

وليد شاف شكله ومات من الضحك

وليد : هههههههههه... كان قعدت بالسيارة

سلمان : والله تو بدخل جيت حضرتك .. هذا وانا موصينك ماتتأخر علي

وليد: وش اسوي قعدت ادور الجوال

سلمان : مره ثانيه لا تنساه

وليد : ان شاء الله بابا .. خل ادق على خالي احمد اشوف ابرك لي

سلمان : من زمان عن خالك سلم عليه

وليد : اوووص ... هلا والله هلا بالغالي

أحمد : هلا والله فيك هلا بالغلا كله

وليد : يقولوا داق علي وش بغيت

أحمد : ايه .. كنت بسالك عن المزرعة وين ومتى بتروحوا تدفعوا العربون

وليد : العصر بنروح انا ومرتضى سلمان واذا جاب تجي معانا حياك يالخال

أحمد : اكيد بجي ../ بس ارتب الاوضاع عندي

وليد : ايه رتب امورك على اربع العصر طالعين

أحمد : على خير ان شاء الله

سلمان : وليدوووه سلم لي عليه

وليد : سلمانوووووه الدلخ يسلم عليك

أحمد : الله يسلمه ../ ههههههه ..

وليد : سلمان يقول لك احمد الله يسلمك

سلمان : هههههههه

أحمد : اقول تراني بالدوام لاحد يصدني وانا اكلم

وليد : ههه .. طيب نلتقي على خير بايوو

أحمد : بايوو

وليد : أي عندك مانع

سلمان لاا .. بس تو ادري ..هههه

وليد : هههههههه .. اللحين كنت بخبرك

سلمان : أي وين رايحين

وليد : نشتري اغراض لوازم الرحلة مابقى شي بقى اليوم وبكرا والي بعده الرحله

سلمان : اهاا .. طيب

وليد : وش رايك روح معانا وننبسط

سلمان : طيب بشوف الاوضاع عندي وبأكد عليك

( سلمان رجال طيب ونعم فيه عمره 30 سنه خاطب ساره وعمرها 25 سنة )

وليد : على خير ان شاء الله .. يلا وصلنا

إلى اللقاء
نلتقي في الحلقة القادمة

[~زهور الشوق~]

عذراً للخطاء الي صار في المقطع الاخيري مدري كيف اختفى المقطع ^^

تفضلو هذا هو المقطع من النهاية

سلمان : من زمان عن خالك سلم عليه

وليد : اوووص ... هلا والله هلا بالغالي

أحمد : هلا والله فيك هلا بالغلا كله

وليد : يقولوا داق علي وش بغيت

أحمد : ايه .. كنت بسالك عن المزرعة وين ومتى بتروحوا تدفعوا العربون

وليد : العصر بنروح انا ومرتضىو سلمان واذا حاب تجي معانا حياك يالخال

أحمد : اكيد بجي ../ بس ارتب الاوضاع عندي

وليد : ايه رتب امورك على اربع العصر طالعين

أحمد : على خير ان شاء الله

سلمان : وليدوووه سلم لي عليه

وليد : سلمانوووووه الدلخ يسلم عليك

أحمد : الله يسلمه ../ ههههههه ..

وليد : سلمان يقول لك احمد الله يسلمك

سلمان : هههههههه

أحمد : اقول تراني بالدوام لاحد يصدني وانا اكلم

وليد : ههه .. طيب نلتقي على خير بايوو

أحمد : بايوو

وليد : بايوو

سلمان : من متى بروح معاكم

وليد : من اليوم عندك مانع

سلمان لاا .. بس تو ادري ..هههه

وليد : هههههههه .. اللحين كنت بخبرك

سلمان : أي وين رايحين

وليد : نشتري اغراض لوازم الرحلة مابقى شي بقى اليوم وبكرا والي بعده الرحله

سلمان : اهاا .. طيب

وليد : وش رايك تروح معانا وننبسط

سلمان : طيب بشوف الاوضاع عندي وبأكد عليك

( سلمان رجال طيب ونعم فيه عمره 30 سنه خاطب ساره وعمرها 25 سنة )

وليد : على خير ان شاء الله .. يلا وصلنا

انتظروني بالحلقة القادمة

[دفا الروح]

ورآيه و لااحلى
بس يالله نزلي
متحمسين
والله ابداع
نزلي يالله

[~زهور الشوق~]

ورآيه و لااحلى
بس يالله نزلي
متحمسين
والله ابداع
نزلي يالله

انتي احلى غناتووو
تسلمي غناتووو .. وهذي الحلقه لعيونك^^

[~زهور الشوق~]

الحلقة الثانية :

الساعة 12 ظهراً

في منزل ابو مرتضى

ملاك جاية من المدرسة قطت شنطتها على باب البيت ورمت عباتها على الارض

وراحت قبال المكيف

ام مرتضى : قومي عن المكيف لاتمرضي مافينا شده

ملاك : يمه ماراح امرض

ام مرتضى : اقول روحي غيري مكانك لا اطفي المكيف

ملاك وهي متحرطمه : ان شاء الله يمه ..

وبعدها بفتره جت صفاء ومالها خلق احد ركبت غرفتها على طول

نور: وش فيها ركبت غرفتها على طول مو بالعاده

ملاك : مادري .. والله

نور: اللحين اركب اشوف وش فيها

ركبت نور غرفتها لقت اختها لابسة حرامها وتصلي

ولقت جوالها قاتل حاله من الصياح

نور: هههه .. مسكين جوالي يصيح ومو لاقي احد يسكته وكانت المتصلة صديقها ندى

ندى : هلا والله عاش من سمع هالصوت

نور : هلا وغلا بيك

ندى : اخبارك ان شاء الله زينه

نور: الحمد الله منيحه

ندى: عسااه دوم يارب تكوني منيحه

نور: تدوم انفاسك يالغلا .. انتي خبريني عنك ..

ندى : ماشي الحال ..

نور: ماشي الحال يعني في شي .. بسرعه اقري واعترفي شنو اللي صاير

ندى محتاره تخبر نور ولاا لا بس قررت انها تخبرها

( ندى صديقة نور المقربه ومثل الخوات وبنفس العمر../ ندى تدرس بجامعة عكس نور الي قعدت بالبيت )

ندى : امممم .. مو عارفه وش اقول

نور: وش صاير اشك السالفه فيها خطبه

ندى : ايه ..

نور : طيب انتي فكرتي ولا لساا

ندى : أكيد مافكرت توهم البارحه جاين .. والامس ادق عليك ماتردين

نور: ياقلبي ندووش .. تعرفيني افلت الجوال ولا ادري وين قاطته .. ولو مامريت الغرفه مادريت عنه .. هههههه

ندى : داريه عنك ..

ندى( بتردد) : ماتبغى تعرفي من الي جو ..

نور: منو لايكوون ... طلال ولد عمك

ندى : ياخطيرره وش دراك

نور : هههه.. من سوالفك عنه ..هههههههههه

ندى حست بسخونه بجسمها

نور: خجلانه ندووش ياحليلك

ندى : ياربيه عليك نور تعرفيني استحي

نور: طيب انتي شو رايك

ندى : مادري انتي فكري معاي

نور: طيب راح افكر معاك بس اول جمعي معلومات عنه

ندى : معلومات عن شنو

نور: مثلاً يشغل يدخن راعي مشاكل هيك شي

ندى : طيب .. نشووف

نور: ندووش .. تحبيه

ندى ارتفعت حرارتها من سمعت هالسؤال

ندى :.......................... ../ ساكته مانطقت بكلمة

نور : الووو وينك

ندى : معاك نونو

نور: ماقلتي لي تحبيه

ندى : عارفه جوابي ..

نور: طيب اجل نقول على بركه لله

ندى خلاص مو عارفه وش تقول وجهاا ولع

الا بدخلة أخوها سالم ))))

سالم : اشوف اختي مولعة

ندى ودها الارض تنشق وتبلعها ولا اخوها سالم يشوفها بهالمنظر

ندى ساكته مو عارفه شنو تقوول

نور:هههههههه ../ وش يسكت اخوك عنك

ندى : سالم ممكن تطلع قاعده اكلم نور

سالم :عادي كلميها احد مانعك تكلميها

ندى : ماعرف اكلمها وانت موجود

سالم : والله انا مانا قايم

ندى : وووف منك

سالم : صحيح جايب لك معلومت عن الخطيب

ندى هنا قلب وجهاا بنفسجي صاير احساسها مابين الحيا والخوف

سالم : ياحليك خيه من الحيا قلب وجهك بنفسجي

نور من سمعت اخو ندى تفطست من الضحك تتخيل شكل صديقتها

ندى : سلوووم .. بس عاااد

سالم : خلاص سكتنا ../ وحط ايده على فمه

نور : الووووووو .. يالي ناسيتنا نحنو هنااا

ندى تذكرت ان نور لسا على التلفون

ندى : هلا نونو سوري نسيتك

نور : من اللحين نستنا كيف بعدين .. المهم خلي اخوك يعطيك المعلومات وفكري على مهلك

ندى : طيب .. وخلي جوالك معك

نور: ولا يهمك من عيوني

ندى : يلا اشوفك على خير .. بااي

نور : باااي

:::::::::::::::::::::::::::

ندى سكرت من عند نور واحاسيسها مخربطه على الأخر

سالم : خيه تعالي .. ماتبغى اسولف لك عن طلالووه

ندى : هااا .. براحتك

سالم حس على اخته انها مستحيه

سالم : شوفي خية طلال يشتغل والحمد الله راتبه زين

ندى بحيا : طيب شنو طبيعه شغله

سالم : مهندس كهربائي قسم الكترونيات واتصالات

ندى : وشنو

سالم : انتي شو حابه تعرفي

ندى : مثلاً يدخن

سالم : ايه يدخن

ندى : اممم

سالم في شي ثاني

ندى : لاا

سالم : طيب اذا حابة تسئليني أي شي نحن في الخدمة

ندى : ان شاء الله

سالم : وفكري على مهلك ياعروستنا

( وغمز لأخته )

ندى ماتت من الحيا من حركة اخوها

( سالم اخو ندى انسان متفائل وحنون يحب اخته ندى و عمره 26 سنة )

::::::::::::::

ندى جلست تفكر بالموضوع .../ وحست بضيقة وخوف والدموع شوي وتطيح

ودق جوالها وكان المتصلة نور

ندى ردت بس ماتقول شي

ندى : ............

نور: الو هااا وش صار .. وش رايك

ندى : ........

نور : ندوش وش فيك ساكته

ندى ماقدرت تمسك دموعها وبدت تنزف دموعها وتشاهق

نور: يابعد عمري ندووي ليش الصياح

ندى : مادري .. بس احس مخنوقة وخايفه

نور: خلاص غناتي لاتصيحي .. تراا بصيح وياك

ندى : خلاص ماراح اصيح عشانك

نور: عفيا على بنتي الشاطرة .. تربيتي ..

ندى : ههههههههههههه .. ترا الفرق بينا ايام وشهور

نور: مهما كان تظلي تربيتي ..

ندى : هههههههههههههه

نور: عساه ماننحرم يارب من ازعاج ضحكاتك

ندى : افا اللحين انا مزعجة

نور: ايه .. تعالي لاتضيعي السالفه .. وش صار وش قال لك اخوكِ عن طلول

ندى : طلول في عينك .. اسمه طلال

نور: الله من اللحين واقفه معاه ضدي .. هين اوريك

ندى : هههههههههه .. ان شاء الله انتي بعد نفرح فيك عن قريب

نور: اسم الله علي .. تحيا العزوبيه تحياا .. هو لو في احد يحبني مثل مايحبك طلول ماعلي بس وين الاقي مثله صعب

ندى : الا فيه وان شاء الله تلاقي .. وبعدين مصيرك تعرسي .. يعني لامفر منه

نور: ليش ناويه تشتغلي خطابه

ندى: هههههههههههههه .. أي بس بدور لك انتي حبيبتي

نور: مستغنيه عن خدماتك

ندى : اني الخسرانة

نور: ههههههه../ اللحين انتي موافقه

ندى : أيه ..مابلاقي احن واحسن من ولد عمي

نور: حلووو .. الله يوفقكم يارب

[~زهور الشوق~]

وفي هالحظه تدخل ام مرتضى غرفه وتلاقي نور تكلم

ام مرتضى : اللحين لي نص ساعه اناديك ماتسمعيني

نور: يمه سوري ماسمعتك .. كنت اكلم ندى

ام مرتضى : يلا بس عن الهدراه وقومي تغذي الغذا جاهز

نور: طيب يمه دقايق ونازلة

ا مرتضى : يلا عجلي

نور: هلا ندووش معاي ولا طرتي

ندى : هههه .. معاك بس من زمان ماسمعت امك تهزئك

نور: ههههههه .. تذكرتيني با ايام ثانوي لما تدقي على البيت واكلمك ونقعد بالسعات

وثنتينا نتهزئي امي وامك مايقصروا ..

ندى : ههههههههههههه .. ياحلو ذيك الايام

نور: أي والله ياحلوها ...

ندى : نعيش ونفتكر

نور: يلا غناتي اخليك .. وما اوصيك بعد ثلاثة اسابيع تردين بالموافقه

ندى : ووول .. واجد

نور : احسن عشان تحترق اعصابه

ندى : لا اخوي قال لي حدك اسبوعين

نور: طيب حاولي تاخري احسن عشان يطبخ على نار هاديه

ندى : ههههههه .. غربلش الله

نور: يا الله اخليك مو ناصين تهزيئ ../ههههههههه ..

وفكري على مهلك

ندى : اوك لاتوصي حريص

نور: يلا مع السلامه

ندى : الله يسلمك

::::::::::::::::::::::::::::::::::::::::::

نور خلصت مكالمة لقت صفاء نايمة تذكر انها جت من المدرسة مضايقة

قالت اذا صحت من النوم بتشوف شنو سالفتها

نزلت ولقت أخوها علي راكب لها

نور: ياحلو هالقمر ..

علي: نول ( نور) ما بتتعدي ( تتغدي )

نور: أي اللحين نازلين اني وياك نتغذي

علي سكتت وماتكلم

نزلت نور لقت الكل خلص من الغذا ومحد استناها

نور: علي وين الغذاء

علي: ايه دلت ( قلت ) باكول ( باقول ) لش حلص (خلص) ونثيت ( ونسيت)

نور: علاووي وين الماما

علي : بالمطبح

راحت نور المطبخ لقت امها تغسل في الصحون الغذا

نور: يمه وين الغذا ما شفت الا غبرته ../ ههه

ام مرتضى : محد قال لك ماتنزي على طول ../ ذا تبغى خليت لك في الصفريه

نور: لا خلاص مالي نفس اكب

ام مرتضى : أي لاتاكلي لين تصيري عظم بس

نور : خلاص يمه بشوف لي شي ثاني اكله بالثلاجه

اخدت نور لها تفاحة وطلعت من المطبخ

دق تلفون البيت .. وكالعادة محد يرفع التلفون

نور: ملاكووه قومي شوفي من الي متصل

ملاك : ماني قايمه

نور: ووف منك ../ لاتقومي اني قايمه

نور رفعت التلفون

نور: الو .. الوو .. الووو ..

....: ..........

نور سكرت السماعة

ورد التلفون يرن

نور: ياربي مابيسكت التلفون

وردت مره ثانيه

نور: الووو ميين ؟!!

...: الو هلا كيف الحال ؟

نور الحمد الله تمام .. بغيت من ؟!

...: مرتضى مارجع من الدوام

نور: لا مارجع .. على الساعة 5 يرجع

...: طيب وجعفر وينه ؟!

نور طفشت وووف منهو ذا الي يعرف مرتضى وجعفر

نور: جعفر لحظه اشوفه

[~زهور الشوق~]

امااااااااه ... امااااااه

ام مرتضى : نعم نور

نور: وين جعفر .؟

ام مرتضى : نايم .. ليش تسئلي

نور: في واحد على التلفون يبغاه

ام مرتضى : خلاص قولي له نايم

نور: انزين

نور:: اللو .. جعفر نايم .. اقول له من

... : قولي له وليد ولد خالته .. طيب عبد الله وينه

نور : نايم بعد

وليد : انزين نادي على امك امي تبيها

نور: طيب

وليد : وش فيها دي تكلمني بدون نفس

نور تنادي على امها

نور: امااااااه .. اماااااه

ام مرتضى : نعم وش بغيتي

نور : خالتي ام وليد على اتلفون

اخذت ام مرتضى السماعه من عند نور

ام مرتضى : الوو ..

وليد : هلا خاله شخبارك ؟

ام مرتضى : الحمد الله بخير .. انت شخبارك ؟

وليد : الحمد الله بخير

ام مرتضى : ماليت شغل

وليد : لا والله خاله دعواتك

نور داخله عرض

نور: امااه ليش خالتي تدور وظيفه .. وش صاير

ام مرتضى فطست ضحك على بنتها

و وليد كتم ضحكته لاتحس عليه خالته

نور: يمه ليه الضحك وش قلت اني

ام مرتضى : قاعده اكلم وليد

نور: اهاا .. اني افكرت خالتي لان قال خالتي تبغاك

ام مرتضى : أي نسيتني بولد خالتك .. هلا وليد موجود

وليد : أي خاله لحظه انادي لك الوالده قالت تبغاك

وليد : امااه خالتي على التلفون

ام وليد : داني جاية دقايقة

وليد : خذي التلفون

ام وليد : وش فيك تضحك .. ضحكنا معك

سرح وليد فكره ورجع يضحك من جديد

ام وليد : الحمد الله والشكر استجن الولد .. ههه

اخذ تام وليد السماعة من وليد

ام وليد : الوو .. هلا خيه شخبارك

ام مرتضى : هلا فيك تمام .. شخبارك .؟

ام وليد : بخير خيه .. بسالك جهزتي للمزرعة

ام مرتضى : لاا والله وانتو

ام وليد : وليد شراء الاغراض وقال الي اخبركم

ام مرتضى : فيه الخير والله .. الله يوفقه يارب

ام وليد : يارب

ام مرتضى : خيه شراء فحم

ام وليد : لازم خيه تطمنى على الفحم عشان القدو

ام مرتضى : هههه ../ بعد وش اسوي ما استغني عنه

ام وليد : يلا خيه اخليك البت عفسته عفسه ولازم اخلص شغل البيت

ام مرتضى : الله يعطيك العافيه

ام وليد : توصي على شي خيه

ام مرتضى : سلامتك

ام وليد : الله يسلمك

:::::

نور: يمه وش تبغى خالتي

ام مرتضى : بس تبغى تخبرني ان وليد جهز كل شي طلعة يوم الخميس..

نور: اهاا ..

وفي هالوقت نزلت صفاء

صفاء : وش تسولفون فيه

نور : سر .. ليش القافه

ام مرتضى : هههه .. لا سر ولا شي بس بيت خالتك جهزو لليوم الخميس

صفاء: هههه ..

نور: يمه ليه تقولي لهاا .. وبرطمت نور ومدت البوز شبرين

ام مرتضى : ياحليك نور ..

نور: يمه مماني جاهله

ام مرتضى وصفاء : هههههههههه

مشت عنهم نور وهم مايتين من الضحك على خبالها

::::::::

ركبت نور الدرج وصدمت اخوها جعفر وكان توه جالس من النوم

نور قبل لاتطيح مسكها اخوها جعفر

جعفر: عمى ماتشوفين

نور: اسفه بس كنت مستعجله

جعفر : لاتستعجلي مره ثانيه

نور : طيب ..

ركب نور غرفتها ولقت 30 مكالمة من صديقتها ندى

دقت عليها .. طلع جوالها مافيه رصيد

[~زهور الشوق~]

اخذت تلفون ودقت على بيتهم

نور: الو السلام عليكم

... : وعليكم السلام

نور : موجوده ندى

...: لحظه اشوفها لك ... ندى .. ندووووش .. تبغاكِ نور على التلفون

ندى: طيب اللحين برفعه .. مو تسكر عليها

نور : وينها ذي تاخرت

....: اللحين بترفع التلفون

ندى : سالم سكر اني رفعته

سالم : طيب

نور: هلا ندوش وش صاير داقه ثلاثين مره

ندى : اول يسكر سالم وبقول لك

نور: وش دراكِ ماتكسر .. خبره ياماما

ندى : سالم بتسكره ولاا

سالم : باسكره .. يالبطه باي

نور خلاص مو قادره تمسك نفسها من الضحك

ندى : أي اضحك ماعندك اخو يبط علتك

نور: هههههه ../ حرام عيك اخوك يلطف الجو

ندى : هههههه .. لش قالو لك غرشة عطر

نور: هههههه../ ماقلتي ليه داقه

ندى : امم .. ابيك تروحي معاي السوق

نور: بكرا ما اقدر

ندى : ليش ماتقدري .. ماعندك شي

نور: الا عندي بكرا بنروح المزرعه

ندى : ياعلي .. ابيك تروحي معاي

نور: خلاص مري علي العصر المزرعة

ورجعيني

ندى : خلاص بشوف سالم اخوي اذا يرضى

نور: على خير .. يلا اخليك تآمريني على شي

ندى : سلامتك

نور: يلا مع السلامه ياعسل

ندى : مع السلامه

::::::::::

سكرت نور السماعة .. الا بجية مرتضى

مرتضى : وانتي كل على هالتلفون سوالف

نور: وانت كل ماشفتني اكلم تقول لي كل اسولف

مرتضى : المهم انا اللحين طالع

نور بعفويه : وين مامداك توك جاااي

مرتضى : باروح اشوف المزرعه وندفع العربون

نور: يعنو ..

ويدق جوال مرتضى ويعطي وليد مشغول

مرتضى : يلا انا طالع قولي الى امي اني جيت وطلعت

.. سي يووو

طلع مرتضى ولقى وليد وسلمان وخاله احمد ينتظرونه على الباب

مرتضى : هلا والله .. بالشباب

سلمان : هلا بيك ..

أحمد : يلا خلونا نمشي ترانا متأخرين

وليد : حسابه بعدين .. عشان مره ثانيه يحرم يتاخر

ركبوا السيارة وكانت سيارة وليد

وليد وسلمان قعدوا قدام واحمد ومرتضى ورى

مرتضى : وليدوه .. اشوي شوي علينا ترا عدنا اهل يسئلون عنا

وليد : هههههه ../ الاخ خايف

ويزيد وليد من سرعته

سلمان : هييييييييييه وش ناوي علينا

أحمد : هههههه ../ وليد خف عليهم تراهم جبن

وليد : هههههههههه ../ ياحلوهم هالجبنات

مرتضى : الجبنه انت

وليد : ياحلوي وانا جبنه ..هههه .. بس اخاف تاكلوني

سلمان : يستظرف االاخ

وليد: هههههههههههههه .. اقول سكتوا وخلوني اركز بالسواقه

الا بدقة جوال وليد

سلمان : بعد الشله مكتمله من الي داق عليك

وليد : والله مادري رقم غريب خل اشوف مينا ووص

وليد: الو .. سلام عليم

....: وعليكم السلام .. معاي وليد علي آل ....

وليد : أي انا .. مين معاي

....: احنا شركة ..... وتم قبولك للوظيفه

وليد شق البوز من الوناسة

سلمان : صاحبنا شق البوز .. شكلها حرمه تغازلة

رمقه وليد نظره بمعنى اسكت

وليد : طيب متى اجيكم

....: يوم السبت القادم تجي با اوراق الاصليه وتستلم الوظيفه

وليد : على خير ان شاء الله

....: على الساعة 7 ونص تكون متواجد

وليد : ان شاء الله

....: في امان الله

وليد : في حفظ الله ورعايته

مرتضى : اشوفك شاق البوز فرحنا معك

وليد : اليوم سمعت آحى خبر بحياتي

سلمان : قايل لكم وحده مزبطته

وليد بنظرات تطلع شرار

وليد : وجهك .. انا مايشرفني اكلمهم .. انا وحده بس بحياتي وراح تكون زوجتي

كلهم ناظروا

مرتضى : ومين سعيده الحظ

وليد : وش دراني مين اذا خطبت راح تعرف مين

سلمان : علينا ..

وغمز لوليد

أحمد : عيب سلمان .. في عدنا عزابيه

سلمان : ماقلنا شي

مرتضى : ههههههه ../ ماعليم منهم تلاقيهم غيرانين منا

أحمد : هههههه ../

وليد : المهم ماعلينا ماتبغون تعرفون مين الي داق علي

سلمان : ممين حرقت اعصابنا

أحمد : اكب عليك ماي .. اخاف تحرقنا وياك

مرتضى : هههه../ حلوووه يالخال

سلمان : يلا يا الوليد قول لنا منو متصل وشنو سالفه

وماعليك من ثقلين هالطينة

وليد : قبولوني في الشركه ....

أحمد : صدق

وليد: ايه صدق

مرتضى : افضل الصلاه وسلام عليك ياحبيب الله يامحمد

كلوووووووووش

سلمان : هههههههه .. مبروك يالخوي

وليد : الله يبارك فيكم ...

مرتضى : خلاص دام لقيت وظيفه نبي نفرح فيك

وليد: مرتضى تشتغل خطابة على غفلة

احمد : اللحين وليد وش يسكت مرتضى عنك .. تراه للحين يحن علي اخطب

وليد : هههههه../ اناا ناوي بس اول شي الاوضاع بالشركة

مرتضى : ان شاء الله كل شي تمام واي خدمه انا حاضر

وليد : تسلم لي رضووي

سلمان : وليد ماوصلنا المزرعه

وليد : إلا قربنا ..

احمد : متحمس اشوف الزريبة

مرتضى : ههههه../ زريبه خوش زريبه

سلمان : ماتعرف خالك مصطلحاته من عصر الجاهلية

مرتضى : ههههههههههههههههههههه

وليد : شباب .. يلا وصلنا

وقف وليد السيارة ونزلوا من السيارة

ومرتضى يتامل كبوت سيارة وليد

مرتضى : وش فيها الحلوه

وليد : وش فيها ..

مرتضى : اشوف شاماميخ .. وش السالفه

سلمان ذكر السالفه وفطس ضحك

أحمد : وش السالفه

وليد : أي اضحك سلووم وش عليك مو سيارتك

سلمان فقعها ضحكه : ههههههههههههه

مرتضى : وش السالفه

وليد: سلمك الله هذا في سنور متهاوش مع حرمته وماحلات الهوشه الا على سيارتي

سلمان ومرتضى واحمد مو قادرين بطسوا من الضحك على وليد

هههههههههههههههههههههههههه

مرتضى : ياعلي عليك ياولد الخاله شكلك وانت حزين على سيارتك يفطس من الضحك .. هههه

أحمد : تعيش وتاخد غيرها .. هههههه

وليد : ياحبكم للشماته .. اقول ما ابي اسمع نفس

سلمان : يلا خلينا نشوف المزرعه .. السوالف والضحك ماتخلص

وليد : يلا مشينا

دخلوا ولقوا .. باب المزرعة مسكر وليد يدق على صاحب المزرعه

مايرد

الا يسمعوا صوت طلق ناري .. داخل المزرعة

انتظرو البقيه في الحلقة القادمه

[دفا الروح]

خلصي كملي
لا تحمسين اكثر
كملييييييي
بسرعه