البارت رقم (7)
وحشتينايالغاليه وينك ..!!
المرسل..مالك القلوب
وفي خاطرها ليش يكتب لي جديه من فاكر نفسه
اخويي لو من بقية اهلي
والله لعلمه من يكلم ،فكرت افتحها لاماافتحها
يللا خلنا نشوف وفتحتها
السلام عليكم
بعد التحيه ،
الاخت الطيبه نقاء الروح
صار لش فتره ماتدخلين المنتدى ،انشغل قلبنا عليش
خير يالطيبه ،اشتقنا لش مكانش فاضي في الالعاب
الالعاب ماحليوه بدون قمرها ونورها
تراني ومن خلال الردودفي الالعاب عرفتش منهي انتينا
لاتخافين مني .انا موقصدي اخوفش ..؟!!
مع السلامه
نقاء..ويش قصده من كلامه هالغبي
وصفحت بالمنتدى تدخل في موضع وتطلع من ثاني
وكل ماتدخل موضوع تلاقيه متواجد
وعودرسل ليها
نقاء..ليش خايفه ،تدخلين وتطلعين
الااعرفه انش ذكيه .وحاط وجه يبتسم
نقاء..اردعليه
لو سمحت ويش قصدك من كلامك هاااا..؟؟؟!!
مالك القلوب...ماقصدي شي موزين لاسمح الله
انتي مثل اختي واخاف عليش بعد
نقاء..دخلت في قسم الخواطروقررت تحط(تنزل)
موضوع جديد من كتاباتها .
ابـــــــي يالغااااااالــــــــيْْْ }
ابتاه .مايوم عرفت معناها،لوشعرها القلب
انها ليست مجرد حروف تنطق لها معنى سامي
معانيها متعدده ،اتذكر طفولتي اين كنت تجلسني
في حضنك والابتسامه تملئ محياك الروحاني
ارى تلك اليدان تمتدان لي في الهواء من بعيد
لتحتضني ،وتقبلني
ابتااااه :اتمنى لو يرجع ذاك الزمان ،لترى ابنتك الغااليه
اصبحت كالورده الذابله العطشااانه الى عطفك وحنانك
ابي اشتاق الى بئر حنااانك ومحبتك
اين اجدك يامن كنت سعادتي وحصني وملاذي بالحياه
ياكهفي ، ابتاااه كيف اجد رحلتي في هذه الحياه
بلاياااك ،جاوبني ياابتاه كيف اختطفك الموت مني
وجعلني يتيمه لقد اظلمت الدنيا واصبحت كظلام الليل
كل يوم تقف طفلتك عند الباب تنتظر رجوعك اليها بشووق ،
لكن امنياتي تكون سراب وهلاك الى نفسي الضعيفه
اصحوووولاارااك وعرفت ان الميت مستحيل يرجع
بيوم .اخبرك اني خايفه من الزمن ومايخبئه لي من عذاب الحياه
يبه كل جرح يبرى ويندمل الاجرح الفراق مايلتئم بعدك يالغالي.
ابنتك الغاليه ..نقاء الروح
وحطت معاها رابط لقصيدة الرادود خالد الغزالي
ايتامك حزينه .
اول من رد عليها مالك القلوب..
غاليتي ..ماهذا الشعور والاحاسيس الجياشه
يتوقف قلمي عن الكتابه احتراما واجلال لكِ
وقلمي لايستطيع مجاراة قلمك
ولساني عاجز حتى عن الاطراء ،صافحت وعانقت
حروفك ،هنا يحق لي ان اطوقك بطوق من الماس ،
ايتها الرائعه شكرا لكِ بقدرمافي قلبك
من بياض ولمعان ،اهديك باقه من الزهور الملونه
بالوان حروفك الذهبيه ،
تقبلي مني هذا ..مالك القلوب.
نقاء..رجعت لصفحه قرت الكلام وووووف ويش فيه هذا
ويش قصده
من غاليتي بعد يمبى يشوه نظرة الاعضاء لي
سجلت خروج من المنتدى ،وطفت الكمبيوتر
شافت امها منسدحه على منامها
اخذت ليها استكانة شاي تف تف تف
يااااعلي امي كيف تشربه ماسخ وووووووف
ماينبلع باسق اخذت ليها مكعبين من السكر ،
خرش (رن )التلفون
ام حسين..بسم الله الرحمن الرحيم
اللهم صل على محمدوآل محمد الهداة الميامين
نقاء..كالعاده تشيل (ترفع)السماعه ولاتتكلم
الااذا عرفت مين المتصل
المتصل..ساكت
نقاء..سكرت
ام حسين..من الايكلمش
نقاء..يارب انتينا الحين سمعتيني اكلم احد .الايتصل ماكلم
ام حسين ..اذا انتي ماتكلمتي بفكرو مااحد شاله له
عود الاتصال
نقاء..؟؟؟؟؟
المتصل...الوووو
نقاء..نعم
المتصل..هذا بيت عبدالله
نقاء..لا
المتصل...انتي نقاء اذا موغلطان
نقاء...دق قلبها بقوه هاااومين انت حتى
المتصل ..بس بالاول صح لو لا
نقاء..انت بتقول من لو اسكر
المتصل ..هدي اعصابش ايلاويه معصبه خليش ليلاكس
انا اقول بس احلفي بالاول ماسكرين
انا مالك القلوب
نقاء..لعنة الله عليك صحيح انك قليل ادب
المتصل..يضحك ياحلاوتها منش مثل العسل درر
تصدقي من زمان اتمنى اسمع هالصوت
نقاء..من وين جبت رقم البيت يالاماتستحي على وجهك
ترضى الى اهلك هالشي
ام حسين..من هذا يابتي جيبيه
المتصل ..يللا باي بكلمش مره ثانيه بس ماامبى
هالالفاظ خليش اكثر عقلانيه وتطور
الناس طورت واصبح كل شي عادي
سي يو
سكرت وهي تسب وتدعي عليه خناقه خنقتك
سودالله وجهك ياقليل الادب
ام حسين..من هذا الاتسبي
نقاء..مااعرفه واحد اهله مااعرفوا يربوه
وبعدها طورت مكالمات ومسنجر بين مالك القلوب
ونقاء لين يوم طلب منها انه يمبى يشوفها او يشوف صورتها
مالك القلوب ..حبيبتي الى متى بس مكالمات امبى اروي عيني
واشوف الحلو #####خارج التغطيه
نقاء...هااا حبيبي الاطلبته صعب ومااقدر اشوفك
مالك القلوب..زين لابتوبش فيه كاميرا
نقاء..ايه فيه بس حاطه عليه طابعه(استكار)
مالك القلوب.. افتحيها وكلميني صوت وصوره
نقاء..اخاف لالاموعدله لان اخوي محذرني وانا وعدته
وقسمت اليه
ماراح افتحها مهما كانت الاسباب
مالك القلوب..ولو قلت لش عشاني حبيبتي
وبعدين انا مواي احدبعدكم يوم بصيرين حرمتي(زوجتي) يعني سمعتش
تهمني هاانا بالاول برسل لش صورتي
هاويش رايش فيني
نقاء..تجنن يا#####مشفر تصدق فيك شبه من صاحبتي
مالك الروح..ومن صاحبتش هذه
نقاء..رهام
مالك الروح...اييه ليش ماتعرفيني لحدالحين
انا ولد جيرانكم هشام واخو صاحبتش
نقاء..بس ؟؟؟
مالك القلوب ...للحين وماعندش فيني ثقه حتى بعد ماعرفتي انا منوو
هذا لو قلت لش اني امبى اشوفك في بيتنا بس ماعندش حجه
قولي الى امش انش بتروحين الى اختيوبعدين بوريش شقتنا يابعدقلبي
نقاء..مااوعدك بس راح احاول ،اقول امي تصوت علي
باي
مالك القلوب..باي ياقلبي
ام حسين...نقاؤووه وطعنه طعنت ابليس ويش فيش
كلما اكلمش حاقرتني وعاطتني ادون الصمخه
نقاء..ياعلي اماه توني اسمعش وداني جيتش شبيك لبيك
نقاء الحلوه بين ايديش تدللي وآمري ام حسين
ام حسين...ماتقولين هالكلام الااذا تمبي شي تحجي
نقاء..ياعمري الفاهمني اماه من زمان ماطلعت
ام حسين...وين تمبي تروحي بعد
نقاء..بيت جيرانا ،رهامووو فجت علي
من سكرت المدرسه ماشفتها
ام حسين..دقي عليها وخليها تجي لش البيت مافيه ارجال ويانا
وهناك في بيتهم اخوها وكبير مافيه طلعه
وبعدمعروف عنه مشيته
موزينه ربي يستر علينا ويهديه
نقاء..اماااه ويش فيش ولاالبقره تظل بالبيت
لازم يطلعوها
قولوها انش مسجونه وماباقي الاتحطون كلابشات بيديني
لو مثل الكلب تطوقوني بسلسله مليت تراني والله
طقت جبدي متى ربي ياخذني وافتك منكم
اماه عشان خاطري والله بس ساعه وبجي الاخطوتين
ولنا لقاء ان شاء الله
تعليقاااااتكم تعني لي الكثييير ،
هل ياترى ام حسين بتوافق ع طلعة نقاء .؟!!
انتظروووني والبااااارت الاخيييييييييييييير
لاتحرموني من عطر حروووفكم العطره
رد مع اقتباس
المفضلات