البارت رقم (3)
محمد..اقووول لاتتحرطمي من صباح الله خير
نتعرف على شخصية محمداكثر..
محمد..الثاني بين اخوانه يعني الوسطي كان مزاح ونكتي
بس عصبي واندفاعي ياخذالامور بعجله وبدون تفكير
دخل في سوق الاسهم وكان فرحان بالارباح
وبعدها كانت الصاعقه الكبرى نزلت الاسهم
وخسر وااااجد وصابته جلطه والحمدلله كانت خفيفه
وبعدها جاااه اكتئاب نفسي
وتغير تغير جدري في معاملته مع الناس
وحتى مع امه واخته واخوانه وزوجته واولاده الاكان نفسه وروحه فيهم،
ساميه..مخلصه جامعه ومدرسه تدرس ابتدائي فصول دنيا
محبوبه عندالجميع طيوبه وحبابه ومقدره ظروف زوجها النفسيه ،
تحب زوجها على رغم الايسويها فيها
من ضرب واهانه حتى في بعض المرات
يطردها (يطلعها )من الشقه وتنزل عندامه ، ماتحب ان
اهلها ياخذون خبر لانها تعتبرها اسرار عائليه
وماتمبى تكبر الاموروتشتت اولادها وتخسر زوجها
ام حسين تحبها واااجد
لانها الوحيده من نسوان اولادها الاتحترمها وتقدرها
اولادمحمد..
جاسم .بالصف الرابع ابتدائي
ريهام..ثاني ابتدائي
رانيه.. بالروضه خمس سنوات
يللا نشوف الاحداث وندخل معاهم .،،
ساميه..تفضل يابعدعمري وهذا الفطورجاهز
سمي بسم الله الرحمن الرحيم
محمد..ماناقص الاتعلميني كيف اكل بعد
عن القرقه الزايده وجيبي جوالي اشوووف بسرعه منين الامتصل
ساميه..تفضل
محمد..الوووو هلا والله برشووود
راشد ..صديق الى محمدمن اياااام الطفوووله ولد صديقة ام حسين ،
عمرهم كله وي بعض وماتفرقوا الابعد الوظيفه
بس على اتصال بين فترات
وهم
هم نفس الخساره كانت ليهم لثنين
بس الفرق بينهم راشدانسان متفهم مؤمن قريب من ربه
ودائما الايه الكريمه نصب عينه
{ومن يتق الله يجعل له مخرجًا * ويرزقه من حيث لا يحتسب}
كان يحاول ان يرجع صاحبه الى طبيعته ،عاز(متأثر)
عليه يشوفه على هالحاله ،لان ام راشد تكلمت مع راشد ا ن ام حسين
واجد مضايقه من معاملة اولادها اليها والى اختهم الوحيده
راشد..ابوجاسم فينا نطلع اليوم ،لينا فتره ماقعدنا
مع بعض وتعرف ظروف عملي تخليني بعيد عن الاحبه
محمد..مالي خلق لطلعات والجيات والافيني كافيني
راشد..افااا والله وانا اخوك عسى ماشر محتاج شي
رقبتي سداده اخوك ومايملك كله تحت امرك
محمد...موالحال من بعضه ،اتركها على الله ياخوك بس
راشد..الحمدلله ،سبحان من يغير ولايتغير
كل يوما هو في شان ،يللا ياخوك انتظرك
عند الكورنيش الابالخامسه وموتتأخر،
محمد..خلاص صار مسافة الطريق وانا عندك ،
ساميه...حمود والماي المقطوع عند امك
محمد...بعدين بعدييييييين او اقووول بتصل عليهم
وهم بيجووو يعني انا ويش بسوي اذا بقيت معاهم
ساميه..ياااعلي محمدويش هالكلام كيف بتخلي هندي
يدخل عندامك واختك وماياهم رجال
محمد..فكرفيها ايييه خلي جاسم ينزل ويقعد(يجلس)
مع امه العوووده لين يطلع الهندي لوهذا مايترس(يملي) العين
يللا بس لاتأخرينا
ساميه..جسووم غناتي روح الى ماما عوووده
وقعدمعاهم لان الحين بجي السباك
جاسم...اوووه الحين اشاهدالمحقق كونن خليها بعدين
قولي الى ريهامووو هي تحب عمتووو نقاوووي
ساميه...حبيبي احنا موقلنا ان جاسم صار رجال
ويتحمل مسؤوليات
جاسم..هنا عاد عدل روحه اكيد
ساميه..ترضى رجال غريب يدخل على ماما عوده ومااياهم رجال ،
جاسم .. اكيدلا كان اكسر راسه
(ياعيني على الابظااااي والله )
ان شاء الله
ريهام..ماما وانا بعد موبعدبس جاسموووه
ساميه..يللا روحي بس ماتزعجون ماماعوووده
ريهام..اييييييييه وهي تسوي حركه الى جسوم وتطلع السانها
جاسم ..اقول لاالحين انتفك تنتيف
ساميه..عيب جسووم خليك رجال
راشد..هلا ابوجاسم وينك يارجال
محمد..هلا رشووود موجودين انت الاطالع من البلد
وهم بالاحضان
راشد..اشتقنا والله الى جلساتنا الاوليه وين ايام الدراسه
محمد...ياليتها تعود كانت ايام لافيها هموم ولامسؤوليه
الاويش اخبارك
راشد..الحمدلله ،{ولئن شكرتم لزيدنكم }
الشباب يعتبون عليك حتى كم مره يسون قعدات وماتجي
محمد..والله ياخوك بعدالاصار مالي خلق اشوف احد
راشد..عادياخوك مولهدرجه خليك قوي والمال يروح ويجي
محمد..المال عديل الروح
راشد..ماقلنا شي وان شاء الله ربي يعوضك والحمدلله
الصحه بالدنيا ،ناس مولاقينها عندهم فلوس
بس يتمنون ساعه الصحه ،
الحمدلله ياخوك صحتك رجعت ليك واولادك واهلك بخير
وخيرتك الله يعوضك انت بس توكل على الله .
محمد..الكلام سهل بس
راشد..لابس ولاتقعد تبسبس مفلات (مثل) الحريم
زين الليله تجي وياي عند جعفر صار له اسبوع من
رجع من ايران بيقعد له شهرين وبريجع مره فانيه (ثانيه)
وبالمره نخليه يتلي عليك كم آيه وان شاء الله
ترجع مفلات اول هههههههه تذكر يحموود كلامه
من واحد يتعب قال تعال اتلي عليك
محمد..كانت ايااام خلاص اكبرنا على هالحركات
نقاء...امااااااه الهندي هنيه لاتطلعي
ام حسين..ويش علي منه بت لرجال ماتخاف
جاسم...يمه دخلي داخل مااحب الهندي يشوفش له
هيييه صديق مافيه يطلع منيه خليك في شغل بس
ام حسين..ياولدي عدال على الرجال لابعدين مايرضى يصلح الدينمه له ....
ولنا لقاء ان شاء الله
يسعدني ان ارى انتقادتكم وتعليقاااتكم
رد مع اقتباس
المفضلات