العباس وأم البنين ( عليهما السلام )

[موالية حيدر]

بسم الله الرحمن الرحيم


آنه ام البنين آنه -- ليش حسين ماجانه

لجله اربعه ضحيت -- سالم يرجع اتمنيت

--

ابعيني گمت اشوف الدنيه مظلّمه

راح حسين چان ايصيحلي يمُه

وين الگاه أقبّل صدره واشتمه

صدگ ذبحوه وطفله منذبح يمه

متشوفه بعد عيني -- عليه مايبطل اونيني

الوجهه شلون لوحنيت -- سالم يرجع اتمنيت

--

من عني مشه ومن يوم ودعني

صحت وياك اخذني او هوه يسمعني

قبّل غرّتي او للدار رجعني

ومابين الحزن والآه ضيعني

بعد مانشفت اعيوني -- بحزني او همي خلوني

ليل انهار آنه ابچيت -- سالم يرجع اتمنيت

--

راحوا كل بنيني وآنه عافوني

شباحه الدربهم ظلت اعيوني

غير اوياهم امشي شلون ودعوني

اظلن سالمه ويلادي يردوني

ليّه همه رفعت راس -- وهيبتهم يظل عباس

هالنشمي عمود البيت -- سالم يرجع اتمنيت

--

اولادي نشامه وأعرف ارباهم

گبل ما للوداع ايحين مسراهم

اجوا باسوا اديه وبست عيناهم

وبزينب وصيتي الماشيه اوياهم

زينب نور لعيوني -- ابوفاكم الها جازوني

الهذا اليوم من ربيت -- سالم يرجع اتمنيت

--

وبحسين شكثر اولادي اوصيكم

اريده سالم ايظل والامل بيكم

وادري ينكسر چفه اليلاويكم

وعين الله يولدي اللي تباريكم

اريد ارويحة الزهره سالم بس يظل عمره

اوياكم بالضعن ياريت -- سالم يرجع اتمنيت

--

صدگ بس اليتامه بالضعن تالي

على نوگ المصايب شاخصه اگبالب

رجف شيريد غير حسين دلالي

عگب حسين ياوالي الألي والي

بعده للعمر ماريد -- وشيفيد البچي شيفيد

اشكثرمن الحزن عانيت -- سالم يرجع اتمنيت

--
سيد عدنان الحمامي





وفيتي يم الأربعة


http://www.youtube.com/watch?v=8kpZBeyPQgw


آه وا ويلاه ...

http://www.youtube.com/watch?v=sVieP...eature=related



عباس يعيوني


http://www.youtube.com/watch?v=8301qEO59fU&NR=1



استعدي للبواجي ...


http://www.youtube.com/watch?v=5Qc7P...eature=related

[شذى الزهراء]

اللهم صل على محمد وآل محمد وعجل فرجهم
السلام على الحسين وعلى اخ الحسين وعلى ام البنين عليهم السلام
قصيده راائعه .. والمحتوى ارووع
تسلمي مواليه ع القصائد المؤثرة ..
ربي يعطيكِ العااافيه ..
ودعواتكِ لنا عند ابو الفضل عليه السلام ..
دمتي بخير..

[فرح]

عزيزتي مواليه
احسنتِ الاختيااااار
قصاااائد جدا مؤثره
دمتِ يالغلا وداااام عطااائك
موفقه

[عفاف الهدى]

قصائد حلوه

موفقه خيوه

[موالية حيدر]

بسم الله الرحمن الرحيم

أحبتي ***

أنالكم الله زيارة أم البنين والعباس
في الدنيا وشفاعتهما في الآخرة
تحياتي ودعواتي
تتقاطر عليكم أينما حللتم ***