بسم الله الرحمن الرحيم


اللهم صلي وسلم وزد وبارك على محمد وال محمد


روح وريحان


طرحك مممتااااااااااااااااااز ومتميز

موجود مثله بمواقع اخرى

ولكن بحاجته هني ايضا


لنستفيد من الاعضاء واراءهم وتجاربهم ,, لانه يضم الامهات مثلي يعني

ويضم المراهقت

ويضم الشابات المقبلات على دخول هالمرحلة



المفروض الام تحاول تقرب بنتها منها ,و يمكن تحصل بعض الصعوبة بس يبغى ليها صبر شوي

اول اولادي بنت وعمرها الحين 12 سنة ودخلت مرحلة البلوغ من شهرين ,,

ما انكر حسيت نفسي كبرت لان بنتي كبرت وصارت بالغه ,,

اول ما دخلت مرحلة التكليف كنت متخوفه نوعا ما ,, كنت اخاف التقصير ,, كنت اخاف ان تفلت من يدي ويستلمها البنات الي معاها بالمدرسة

بس الحمدلله هي من النوع الخجول مع الناس لكن وياي لا

توقعت ان اذا وصلت لمرحلة الدورة يمكن تتخربط وما تقول ,, لكن جتني ببراءة وشرحت الامر وهي عندها معلومة خفيفة عن هالشي ,, من قبل

وعلمتها كل شي عن الدورة وعن الغسل وعن الامور الي عليها والي اليها


الي يقلقني حاليا انها ما تتكلم اذا ما سئلتها ,, واذا بتقول من نفسها بيكون اثناء حديث عن موضوع ثاني

وبعد ان المحيط الخارجي بدأ شوي يغير في رأيها ,, مثلا ابوها من صغرها يلبسها العبائة الراس مو الكتف وكان رافض العباية الكتف حتى وان كانت واسعه وعادية ولا تزينها اي شي يلفت النظر

وكانت مقتنعه بهشي ,, بس الحين اشوفها احيانا تتأفف وتعرب عن رغبتها في لبس العباية الكتف ,, مع العلم ان الي في سنها قليلين جدا الي يلبسون العباية العادية


فهي تشوف ان البنات اكثرهم يلبسون جذيه وهي تلبس العادية ,,

فهذا مثال وسبب لي شوية قلق

حابة اربيها تربية زينبية لكن المحيط الخارجي مو مساعدني ,, صارت اكبر وصارت تطلع وتشوف

وصارت السيطرة اصعب ,,



فما رأيكم ؟؟ وكيف اتصرف


طبعا لي عودة