كوب شاي الصباحي

[نور الهدى]

اصبحنا واصبح المُلك لله لا اله الا الله ,, وحده لا شريك ,, محمد رسول الله ,, عليا ولي الله


اثناء تناول كوب الشاي ,, كنت اتكلم مع ابو محمد وكان يقول انه ذهب بيوم امس لتخليص معاملة حكومية بأحدى الوزارات

واخذ يسرد ما حصل بضبط

وقال ,,



توكلت على الله ,, وذهبت الى هناك ,,


وكان من حسن حظي اني اول المراجعين ,, واول الواصلين حتى من الموظفين


يا سلام على الشغل في الدوائر الحكومية ,,تقدر اجي أي وقت تبغي ,,

وبعد انتظار ساعه تقريبا

>>>> هذا لو متاخر مو احسن

واخيرا نادوني

ورحت اخلص وياهم ,, وظليت واقف بعد ما عطيتهم رقم المعاملة ,, والموظف طالع في الرقم اول ما عطيته اياه وبعدها قام يحوس يمين ويسار ولا كأن في واحد واقف ينتظر يخلص


مع العلم عند حضورهم كان يشوفون اني كنت موجود قبلهم حتى


لكن ما في احساس ابد

اطق على الزجاج الفاصل ويطالعني ويرجع يحوس من غير ما ينطق بكلمة


وزاد الطابور وراي وكل واحد يتأفف يبغي يخلص وانا انتظر

وبعد ما تفرغ قعد وضرب على الكمبيوتر الا يقول االمعاملة ما خلصت والاوراق مهي موجودة

وقتها تمنيت اصكه كف الف فيه رقبته

حاولت وياه يمين ويسار ما في فايدة

قلت ما في الا نكشر عن الانياب

ودربي مكتب المسئول عندهم

ورحت وكنت في قمة الغضب والعصبية ,, لكن وقفت وصليت على النبي واخذت نفس عميق ,, وقلت لنفسي خلك هادئ وادهن بزبدة


ودخلت على المسئول عندهم وكلمته بهدوء ودهنت زبدة فيهم شوي وطلبت منه يشوف لي اوراقي

وطبعا الاستاذ ما قصر قال لي تعال وراح معاي وابتدأ من الخطوات الاولى للمعاملة وحصلنا الفايل اخيرا مركون على جنب ومو مسوين فيه ولا شي


وطبعا استمريت بدهن الزبدة وقال لي ولا يهمك وكمل معاي خطوة بخطوة ,, والمعاملة الي كانو يقولون انها ما تجهز الا بعد شهر

جهزت في اقل من ساعه


وهذا كلها بفضل الزبدة


زبدة كاملة الدسم شرط

جرب وشوف