لماذا يلجأ البعض للكتمان ....؟

[نور الهدى]

موضوع النقاش شدني بالفعل

أنا انسانة في الغالب كتومة وما أحب أتكلم عن همومي يمكن لاني بطبيعتي ما أحب النكد وضيقة الخلق ويمكن لاني ما أحب أشغل بال أحبتي ويمكن لاني أخاف أسمع شيء بدل ما يريحني يزيد همي ويجدد حزني

ومرات يكون السبب خوفي من الغيبة فأقول يمكن إذا تكلمت عن أحد ضايقني بشيء أكون استغبته

لكن في بعض الاحيان أفضفض همومي لزوجي بدون ما أذكر أسم إلي ضايقني علشان أحط حملي شوي

وصراحة أحس إلي يفضفض يكون أحسن من الكتوم ....لان الكتمان في بعض الاحيان يرجع على صاحبه بالامراض

تقبلي مروري

هلا بالبسمة الحمراء

فيني طبع مثلك ,, ودائما احصل زف عليه وهو اني اكتم بس عشان ما ابغي اضايق احد واذا عرفوا بعدين يهاوشوني .. لان الي يحب ويهتم لشخص يحب يعرف الي يجرى عليه ويحب يعرف شلي يضايقه ويتمنى انه يسوي اي شي لازاحة الهم والغم عنه

فراحة وسعادة الي احبهم والقريبين هو راحتي وسعادتي



نورتي خيه المشاركة وشكرا لك على تواجدك