النتائج 1 إلى 8 من 8

الموضوع: يا يطلع مر علقم ...يا حلو مدلقم ......تفضلوا ..... وتعرفوا على .......

  1. #1
    مشرف منتدى تراث القطيف ومنتدى النقاش والحوار الفكري الصورة الرمزية واحد فاضي
    تاريخ التسجيل
    Dec 2006
    الدولة
    الهند
    المشاركات
    5,799
    مقالات المدونة
    1
    شكراً
    8
    تم شكره 22 مرة في 12 مشاركة
    معدل تقييم المستوى
    1528

    يا يطلع مر علقم ...يا حلو مدلقم ......تفضلوا ..... وتعرفوا على .......

    بسم الله الرحمن الرحيم
    اللهم صل على محمد وآل محمد الطيبين الطاهرين

    ناس يسموه "طراطيف" وناس "طرافيف" وناس "طراثيث" وكله هذي التسميات تؤدي الى شيء واحد >>> فاكهة الشتاء


    وهذي قصتي ويا هالطرطوف او الطرفوف ...........

    صحيح هذي ايام حر بس القصه صارت ايام البرد

    ==========

    طاح المطر بقوه وسالت على اثره الأوديه والشعاب والبر انترس ماي ، وهذا صاحبي العُبَدْ .....اتصل عليي الظهر


    العُبَدْ:- الوووووه صمصم ويش فيك متخدر ئه
    واحد فاضي :- ويش اسوي دحنا ضربنا هالصافي وتخدرنا
    العُبَدْ:- قوم قوم عندي لك خوش طلعه
    واحد فاضي :-فكنا من طلعاتك انت ......ما وراها الا النكبات
    العُبَدْ:- قوم انته بس وصحصح وبتقول العبد ...يابها ييب
    واحد فاضي :- بنشوف آخرتها وياك وبنقوم نطلع لينا جاكيت عن هالبرد
    العُبَدْ:- المهم ييب وياك صخين
    واحد فاضي :- هااااااه صخين ليكون قاتل لك واحد وبتدفنه وتمياني اشاركك في الجريمه
    العُبَدْ:- لا لا ...... بنروح البر اليوم
    واحد فاضي :- انا لله ........بنتابع هالينون تبعك وبنشوف وينه يوصلنا
    العُبَدْ:- انته بس تجهز وبا امر عليك
    واحد فاضي :-يالله با اسوي لينا اجل فلاجة شاي
    العُبَدْ:-قوم قوم لا يسبقونا ويخلصوه ..............
    واحد فاضي:- شدعوه هوه فيمتو حيخلصوه
    العُبَدْ:- يالله باي انا في الطريق الحين

    وقمت با اتابع هالمينون ولبست ليي جاكيت وتجهزت بفلاجة الشاي والصخين وحارسته
    شوي الا بالطله البهيه للعبد وياها صاحبه الفاني اللي ......الله يستر منه
    ورحنا مناك ...البر .....وبعد شوي على خط لكويت القديم .......ووقفنا

    واحد فاضي :- ويش الحين بنقتل هذا وبندفنه ئه
    العُبَدْ:- ههههههه لا ....ويش فيك من قلت الك ييب صخين وانته تقول لي بندفن واحد .....لا بنحفر وبنطلع .......
    واحد فاضي:- وشوه ...كنز ئه
    العُبَدْ:- انته بس طاله يمين يسار وشوف يمكن تحصل هاللي ندور عليه
    واحد فاضي :- زين على ويش تدوروا له .......مخلينني زي الاطرش في الزفه
    العُبَدْ:- انته ما تتذكر لول بعد ما يطيح المطر ويش يسووا الناس ؟؟
    واحد فاضي :- يلعبوا في الغدران ويصيبهم مشق ...ويطيحوا فيهم اهليهم دست اخو الموت ....وبس
    العُبَدْ:- زين ما يطلعوا البر ويدوروا على هذا >>>>>>
    وركض العُبَدْ ...وانا وراه وشفنا الـــ



    واحد فاضي:- هالمره شخت عليي والله ....راح عن بالي وانا اللي افكرك مو مال هالسوالف ابد .......لا لا بتتغير نظرتي الك دامك
    انت بذات نفسك اللي يايبني هنه وندور على طراطيف
    العُبَدْ:-أفا على غيرك بس يالله كل واحد ياخذ له كرتون ويدور لنفسه عاد
    واحد فاضي:-زين وهذا خويك يعرف الطرطوف من الدانون
    العُبَدْ:- ويش مدريني عنه ....نخليه ونشوف
    واحد فاضي:-والله شكله هذا بيجمع دوانين وااااااايد هههههه
    العُبَدْ:- قول ان شاء الله ما يطلعوا مرين هالطراطيف
    واحد فاضي:- ما اعتقد ......انته بس يالله قوم لا يروح علينا النهار

    وهذي صور الطراطيف الحلوه اللطيفه الظريفه واللي اتمنى انها تعجبكم




















    وصرنا ندور ونجمع في الطراطيف طول عصريتنا لامن كل واحد جمع اله كميه زينه ...ومفل ما توقعنا خوينا يجمع طراطيف

    وياهم ....دوانين

    وهذا شكل الدانون





    العُبَدْ:- طيح الله حظ اللي ما يستحوا ....الحين ما تشوف انته ،،،الطرطرف غير الدانون

    صاحبه يرد عليه برد خلاني اتفقع من الضحك :- ويش مدريني ...قلت يمكن هذا طرفوف بس بعد هوه ما يستوي .....قلت اشيله ويايي على طريقي
    ويش مدريني انا

    العُبَدْ:- الشره عليي انا يوم الا اييبك ويانا
    واحد فاضي:- خلاص خلاص العبد ......الريال ما يدري
    العُبَدْ:- الله يعين الحين ........

    وجمعنا لينا شوي حطب وقمنا نشوي في الطراطيف والحمد لله طلعوا اكفرياتهم حلوين ...يمكن فلافه اربعه بس الا مرين

    =======

    وللأكل فيه طريقتين

    هذا عندنا إحنا الشبيبه .......سمعت انا عند بعض الحريم حتى يحطوه في الصالونه بعد


    يتقشر وينشوى
    أو ينشوى على طول وبعدين تبدأ المعركة معاه ..........



    وعليكم بألف عافيه

    ولا تنسوا بس تطيح أمطار وتسيل على إثرها الأودية والشعاب

    تطلعوا للبر ...منها كشته ومنها تيمعوا طراطيف

    خالص تحياتي
    فمان الله
    اللهم صل على محمد وآل محمد الطيبين الطاهرين



    -------------------

    لا أحلل ولاأبرأ ذمة من ينسخ أوينقل ماأكتبه دون إذن مني

  2. 5 أعضاء قالوا شكراً لـ واحد فاضي على المشاركة المفيدة:

    .:روح وريحان:. (11-19-2010), نسيم الذكريات (09-30-2010), ايات الروح (11-19-2010), دمعة على السطور (09-30-2010), عفاف الهدى (11-18-2010)

  3. #2
    مشرفة المنتدى العام الصورة الرمزية دمعة على السطور
    تاريخ التسجيل
    Mar 2008
    الدولة
    أتَعَثْرّ / باحِثْةً عَنْ الطُهْرْ...!!
    المشاركات
    10,551
    مقالات المدونة
    4
    شكراً
    1,286
    تم شكره 477 مرة في 366 مشاركة
    معدل تقييم المستوى
    5788

    رد: يا يطلع مر علقم ...يا حلو مدلقم ......تفضلوا ..... وتعرفوا على .......


    اللهم صل على محمد وآل محمد وعجل فرجهم وفرجنا بهم ياكريم وألعن من آذى فاطمة ...

    أول مرة اسمع بالطرطوف...
    وقبل لاابدأ بالقراءة.. فضولي جرني اسأل الوالدة ربي يحفظها
    قالت : هذا في البر...ويجي شكله يشبه الهندال بس يكون بالغالب مُر...

    الحمد لله طلع نصيبكم حلو ..ربي يحلي أيامكم ببركة الأطهار ...
    وعليكم بالعافية وإن شاء الله السنة وكل سنة يارب...




    ............

    الكريم أبو زين ..
    أقداحكم الغزيرة بالعطاء..
    كم افتقدها الصرح...
    ....اتمنى ألا تزول
    وأن تبقى جهودكم اليانعة تُغذي أرضه في كل الطقوس.. ...
    معلومات رائعة ...وأسلوب مُشوق...طُبع هنا...
    فشكراً لكل ماقرأت

    دعواي ..
    موفق إن شاء الله تعالى
    دمت بعين المولى الجليل

    التعديل الأخير تم بواسطة دمعة على السطور ; 09-30-2010 الساعة 12:52 AM
    عندما نذرتُ قلبي للحسين
    وبقيتُ على قيد الهوى
    هنالك حييتْ



    ياطبيب دمعة .!






  4. الأعضاء الذين قالوا شكراً لـ دمعة على السطور على المشاركة المفيدة:

    واحد فاضي (02-12-2011)

  5. #3
    مشرفة المكتبة الصوتية الإسلامية الصورة الرمزية عوامية صفوانية
    تاريخ التسجيل
    Jul 2007
    المشاركات
    5,269
    شكراً
    0
    تم شكره 28 مرة في 20 مشاركة
    معدل تقييم المستوى
    6878

    رد: يا يطلع مر علقم ...يا حلو مدلقم ......تفضلوا ..... وتعرفوا على .......

    اللهم صل على محمد وآل محمد

    ااالله حركاااااات .. جبت لناا الشتااا بعز الصييف ههههه

    جذبني الموضوع وع طول انقز عليه هههههه

    ما هقييتك ابو زين مو متذكرر الطراطييف صاير في هالسوالف اطرش بالزفه ع قولتك هههههه

    هههه عجبتني ( فيمتو حيخلصووه ) ويش اللي يخلصه هع
    وشكل هذا المكاان يصيرر ورااا المطار الحين خخخ << انتي وش عرفك بالاماكن

    ان شاء الله اذا طاااح المطررر واايد يبي لينا انرووح منها نكشت ومنهااا نجمع طراطييف

    بس مو اني اللي اجمعهم >> ما اشتهي ههههه
    علييي اصور وعليهم يجمعوو هههه << هذا اللي يهمش

    هو صحييح يقولو اهلي انه بعضه يطلع مرر علقم وبعض الاحيااان حلوو بس مدرري كيف طعمه


    تسلم اخووي ابو زين ع الموضوع الحلو

    موفق لكل خيرر

    [/CENTER]
    من صغري يتمتني يا بويا وبشوفتك ولهانه
    رحم الله من قرأ سورة الفاتحة

    =================


  6. الأعضاء الذين قالوا شكراً لـ عوامية صفوانية على المشاركة المفيدة:

    واحد فاضي (02-12-2011)

  7. #4
    عضو ذهبي الصورة الرمزية نسيم الذكريات
    تاريخ التسجيل
    Feb 2008
    المشاركات
    1,719
    شكراً
    56
    تم شكره 45 مرة في 37 مشاركة
    معدل تقييم المستوى
    1420

    رد: يا يطلع مر علقم ...يا حلو مدلقم ......تفضلوا ..... وتعرفوا على .......

    طراطيف <<أول مرة أشوفة شكله يخوف
    ينشوي بعد أني توقعته يتقشر وينأكل
    على طووول << هههههه
    عموماً عليكم بالعافية يأبو زين إنت والشبيبة
    وطرح موفق ومفيد ..
    دمت ودام عطائك بكل خير ..

  8. الأعضاء الذين قالوا شكراً لـ نسيم الذكريات على المشاركة المفيدة:

    واحد فاضي (02-12-2011)

  9. #5
    مشرفة منتدى النقاش والحوار الفكري الصورة الرمزية ملاك الورد ..~
    تاريخ التسجيل
    Nov 2004
    الدولة
    في قلبه
    المشاركات
    4,246
    شكراً
    6
    تم شكره 17 مرة في 17 مشاركة
    معدل تقييم المستوى
    5691

    رد: يا يطلع مر علقم ...يا حلو مدلقم ......تفضلوا ..... وتعرفوا على .......

    طراطيف طراطيف

    كائن غريب علي

    اول مرة اسمع به

    عليكم بالعافية



  10. الأعضاء الذين قالوا شكراً لـ ملاك الورد ..~ على المشاركة المفيدة:

    واحد فاضي (02-12-2011)

  11. #6
    مشرفة منتدى الترحيب والتهاني الصورة الرمزية عفاف الهدى
    تاريخ التسجيل
    Jun 2007
    الدولة
    شقتي
    المشاركات
    32,072
    شكراً
    1,252
    تم شكره 489 مرة في 412 مشاركة
    معدل تقييم المستوى
    83324

    رد: يا يطلع مر علقم ...يا حلو مدلقم ......تفضلوا ..... وتعرفوا على .......

    ما عمري ذقته بس شفته
    المذكورة بالخير ام عبد اتحبه
    وحاليا عندنا مرت اخويي
    شفايف وردية

    مثل ما قلت ياخوووك بعد المطر

    يروحوا يجمعوا الطرافيف من البر

    وياكلوهم


    موضوع جميل جدا جدا اخوووك



  12. الأعضاء الذين قالوا شكراً لـ عفاف الهدى على المشاركة المفيدة:

    واحد فاضي (02-12-2011)

  13. #7
    عضو ذهبي الصورة الرمزية الفراش الفاطمي
    تاريخ التسجيل
    Nov 2007
    الدولة
    سنابس
    المشاركات
    1,530
    شكراً
    72
    تم شكره 29 مرة في 28 مشاركة
    معدل تقييم المستوى
    1600

    رد: يا يطلع مر علقم ...يا حلو مدلقم ......تفضلوا ..... وتعرفوا على .......

    آمم وآني زي عمتي مآآعرفه ولـآعمري شفته
    بس آسمع مرت عميي شفآيف تحببه ..
    مآتوقعته كذآ .. عليكم بـآلعآفيه خيو آبو زين ..
    عـآد ضحكني رد صآحبكم الثآلث هههههه ..
    يلـآ السنه وكل سنه تروحو وتصورو لينآ ..

  14. الأعضاء الذين قالوا شكراً لـ الفراش الفاطمي على المشاركة المفيدة:

    واحد فاضي (02-12-2011)

  15. #8
    مشرفة منتدى الانيمي الصورة الرمزية .:روح وريحان:.
    تاريخ التسجيل
    Mar 2006
    الدولة
    ..|[تحت رأفة الرحمن ..~
    المشاركات
    8,205
    مقالات المدونة
    3
    شكراً
    205
    تم شكره 236 مرة في 173 مشاركة
    معدل تقييم المستوى
    999

    رد: يا يطلع مر علقم ...يا حلو مدلقم ......تفضلوا ..... وتعرفوا على .......

    السسسسلام عليكم |~



    أني أعرفه


    ويآه قصصصة بعد : $



    قَبل إذا رحنآ البر كله أقول أبغى أصيد طراطيف !


    وتقَول المسسخرة عليّ الأيقولي: تفتكره حمامة والأ يقولي : أنتبهي أجل لآ يفر من عندش !


    وصَراحة بعد الششَوَي مو مذكرة طعمه بالضَبط

    بس كنت أكله يعني مو مرّ


    أبو زين : طرح ينضح ذكَريات

    جميل عطائك

    موفق لكل خير إن شاء الله


    ربآه / أنتَ المُنى وكُلّ المُنى ..
    .."روح وريحآن ..~

  16. الأعضاء الذين قالوا شكراً لـ .:روح وريحان:. على المشاركة المفيدة:

    واحد فاضي (02-12-2011)

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مين يقدر يطلع لي الكلمة ..؟؟؟
    بواسطة همس الصمت في المنتدى منتدى الصور
    مشاركات: 26
    آخر مشاركة: 11-09-2008, 03:43 PM
  2. برنامج يطلع اسم امك..}
    بواسطة ورده محمديه في المنتدى منتدى الكمبيوتر والإنترنت
    مشاركات: 15
    آخر مشاركة: 07-08-2008, 06:44 PM
  3. الى كل من يطلع ليه error يوجد الحل الان تفضلوا
    بواسطة شبكة الناصرة في المنتدى أخبار المجتمع
    مشاركات: 8
    آخر مشاركة: 06-25-2004, 02:51 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •