تصريف .. مخيف..

[دمعة على السطور]

اللهم صل على محمد وآل محمد وعجل فرجهم وفرجنا بهم ياكريم وألعن من آذى فاطمة ..

صباحك أمل وقطر الندى ..
محتوى بطراز جديد..مُفعم بالحيوية ..


اممم ماانكر إني ضحكت على بعض المواقف..بس الضحك كان على الموقف نفسه مو على خلق الله...وماانكر إني أجهل أكثر مما أعرف بالانجليزي..

بس اكثر مالفت انتباهي ...
أول شي على أم كرش أو أم كرشين ...عجبتني...
اي لهم حق الطلاب إذا هذا التدريس..يبغوا يسهلوا على أنفسهم ويذكروا أنفسهم بشي.. كان يرسخ...

ولما الطالب قال شفيك شفوك شفيكن ...
أني أكيدة إن لو مابهدلته ماكان جاوب هالجواب...وهو اكيد يعرف إن شفيك وش تعني بس تلخبط والخوف سيطر عليه...
والأعظم من هذا هم حافظين القواعد حفظ بدون لايفهمومها ..هذا اللي مبين يعني..


هالاستاذ مسوي افلام آكشن حضرته....ويش هذا جاي لهم بعصاه وكأنه يقول العصا لم عصى ..وين قاعدين ...! دراسة لو حرب..!!

اسمه بوحده كفاية استغفر الله ربي في أحد يسمي ولده جربوع.......الاسم ذكرني وانتو بكرامة بالجعبور(النملة الكبيرة )>>>الظاهر نفسه !!
الجربوع الظاهر تكرمو ...اممم يجي بمعنى قذارة أو نجاسة ...استغفر الله هذا اسم يتسمى !!!!




عن نفسي من بداية أول متوسط كانت أول سنة ندرس فيها انجليزي ..وكانت داهية ..
لو اقص لكم وشوو اللي عانيناه ويا الانجليزي ماتصدقوو..
بقص لكم جزء..
في السنة نفسها (أول متوسط)جت لنا من سبع إلى ثمان مدرسات على حد ذاكرتي ...تتخيلوا الوضع..!! والمعاناة كيف..
مايمدي نتعود على معلمة إلا هلّت الثانية والثالثة..... ياعلي هرونا هراااي لاتذكروني >>تقص وتقول لاتذكروني

يعني بالله وين البنت تفهم زي العالم والناس..!!
وبين هالمدرسات كلهم يمكن حصلت لي وحدة تشرح عدل وحبيت شرحها من قلب...بس للأسف ..طيروها عنا ...
والباقي الله يستر علينا وعليهم..يمكن شرحهم كان اوكي مااحط بذمتي ..بس كانت المادة جديدة واللخبطة مع تغير المدرسات زادت الطين بلّة ...


وأحياناً تلاقي البعض عقابهم يكون . أن البنت تكتب الكلمة كذا مرة ..يعني بالمئات من المرات...مااحس هالأسلوب تعليمي أبد....وسمعت بعض البنات تقول إن بعد مايكتبوا العقاب...المدرسة تقوم وتشقق الورق اللي به المجهود المكرر قدام عيونهم .. مو هذا راح يسبب لهم كره للمادة وإحباط ..!!


إذا كان الأساس سيئ ...أو مو بديك الجودة ...
وين نقدر نتخطى صعوبات الانجليزية ...إلا لو مرّنا انفسنا بأنفسنا ...


اي هدرت ولعيت واجد ...خلونا بالاسألة لاهنتم >>>

اسألتي اليكم...
- ما رأيكم بمستوى المناهج الأنجليزيه المقدمه لطلابنا .؟
خالية من أسلوب الحماس.... ومكررة مثل ماقلتي غناتي
- ما مدى تقييمك لأنجليزيتك بالنسب المؤيه وبكل صراحه من ناحية ( الفهم - المحادثه - الكتابه - القواعد )؟
...مشكلتي مااعرف أعطي نسب لأي شي بهالحياة ...
اعرف بالكلام ..بس نسب مااعرف...
الفهم : من مقبول إلى جيد..
المحادثة ..مثل ماتقولي أحياناً افهم بس مااقدر اجي اتكلم بسلاسة وانطلاق...
إلا أنكان باخربط زي عادل إمام
الكتابة ..احسها تُعتبر اوكيي الحمد لله..
القواعد...خبري بها من أيام الدراسة ..بس كنت أمشي فيها ..الحمد لله

- هل جاهدت على نفسك في تعلم هذه اللغه ..كيف كان ذلك؟
اني طبعي مااحب الأفلام الاجنبية ..>>وش دخل لاتقصي قصص حياتك كلها اقول..
المهم..بيتنا لو جو يشاهدوا وأني كنت جالسة معهم..أحياناً احاول اسمع الكلام بالانجليزي بدون لاأطالع الترجمة واشووف هل اقدر افهم واتأقلم....طبعاً اشوف ان مو وااجد اقدر.... إلا قليل بعد ..واشوفه أهلي متفاعلين والدنيا قايمة .فعشان ألحق ويا الأحداث اقوم اقرأ >>حكم القوي


- معاهد تنصح بالتوجه اليها لتلقي دراسه معتمدة لهذه اللغه مع ذكر مكانها ان امكن؟
..

لما كنت بالكلية ...كنا نروح لمعهد نيو هورايزن...كنا ندرس حاسب طبعاً بس في غيرنا يدرسوا لغة انجليزية هناك ..
وسمعت عن العالمية والأندلس ماشاء الله ..ناس واجد تمدح فيهم ..

الحمد لله قانعة باللي الله رزقني به في الانجليزي ...مااقول لك ماعندي طموح اني ادرس دورات وأطور من حالي إلا عندي..بس عندي طموحات تطغي على هالطموح فتلاقي هالرغبة تخمد ..ومن جهة ثانية أشوف أني للحين بالحياة مو محتاجة كثير للغة ...مع إن الواحد المفروض لازم تكون عنده هالقدرات ..لأنه أكيد بيتعرض لموقف يتعامل فيه مع أجانب ...ماندري وش يصير ...يمكن في يوم من الأيام نكون مضطرين نتعامل معهم...من يدري!!!




أمورة ياغناتي.تسلم اياديك ويسلم عقلك وتفكيرك يالغالية ..
مشتاقين لجديدك بقووة ..
ارتحت كثير وأنا بين قلمك..عشان كذا اخذت راحتي في الهدرة ...
عجبني الموضوع واجد..وسعيدة كوني أول المفتتحين لأبوابك..

ربي يوفقك وييسر أمورك بفاطمة وأنوار فاطمة ..
دمتِ بعين المولى الجليل