تحت الاضواء ( أخوي شبل الطفوف حياك)

[ليلاس]

عضو عفوي ~ حساسه بزيادة
عضو صريح~ فرح
عضو نشييط فعال بالمنتدى ~ موالية حيدر
عضو تحسه حزين ~ أموله
عضو تقول له مشتاق لك ~.:روح و ريحان:.
عضو يجذبك قلمه ومواضيعه وردوده دوم.. رنيم الحب
عضو يشد انتباهك .. دمعة على السطور
عضو حنون ~شذى الزهراء
عضو أفكاره رهيبة .. كبرياء
عضو تثق بذائقته شذى الزهراء
عضو سلبي ومتشائم.. و لآ عضضو
عضو عنده مواهب كثيرة .. صفآء الروح
عضو تحسه يقرأ أفكارك.. يمكن كبريآء
عضو من تشوف له مشاركة تبتسم .. سمورهـ..~
عضو تقول له خلك قوي.. أموله
عضو تقول له تفائل .. عاشقة المستحييل
عضو تحس في تآلف بين روحك وروحه روح و ريحان
عضو تحس إنك تعرفه من زمااان ~ بحر العجائب
عضو كلامه ينحفر بعقلك ويخليك تغير تفكيرك للأفضل.. دمعة على السطور
عضو مثالي.. شذى الزهراء
عضو طموح ..روح و ريحآن
عضو ودك تشوفه ملآمح كيوت



و بسسس ..~

أتمنى تستمتعوا معآي ..

تحيآتي ..}

[فرح]

قطعة ســـــــكر حبيبتي
الفكره رووووعه .ومنها تحريك للمنتدى
يعطيك العاافيه ..
ومن المتابعين بس هااا لاتقربون صوبها
موفقييييييييين

[دمعة على السطور]

اللهم صل على محمد وآل محمد وعجل فرجهم وفرجنا بهم ياكريم وألعن من آذى فاطمة ...

صباح التوهيق


يعطيك العافية ليلاس ع الأجوبة الحلوووة مرررة ..والروح الأحلى ...
استمعت واني اقراك بقووة

عضو يشد انتباهك .. دمعة على السطور
عضو كلامه ينحفر بعقلك ويخليك تغير تفكيرك للأفضل.. دمعة على السطور

ياغناتي ....تسلمي ياارب من كل شر..
واتمنى أكون محط للثقة ،، ويكون لقلمي دور في إثارة ولو بسمة بخلجاتكم

خيتي دمعه ع السطور:بأنتظارك خيتوو تحلي انتي الاسئله <<انتي الي وهقتيي نفسج هؤؤع

علي علي >>توها تشووف ..شافت رد ليلاس من أمس وتوها الحين عن حساب جاية بترد على ليلاس وبتطلع إلا تفتح الصفحة اللي قبل....و......

لكن صدقتي غناتي سُكرة بس ماكنت اتوقع توهقوني بهالسرعة >>أجل وش مفكرة



جاري حل الامتحان وربي يعييين...>>ألحين عرفت حجم فعلتها




- لو حكمت\ي العالم يوم شنو تسوي؟؟

يوو ،، سلام الله عليك ياصاحب الزمان ...أني وش بيدي اسوي لو حكمت العالم ..اممم ماعندي حول ولاقوة ..>> واقعية أحياناً..
طيب لو جينا نتخيل...اللي اتمناه إني لو أقدر أغير خرائط النفوس بكلمة لا لظلم البشر ياعوالم .......

2-اكبر مفااجئه جميله في حياتك؟؟
اممم مو جاي على بالي...

3-من اقرب صديق\ه لك في المنتدى؟؟


اممم هنا راح يتفرع جوابي لفروع ...

في صديقات وهم أهل بالأساس...
وفي صديقات تعرفت عليهم عبر المنتدى وصاروا يمثلوا جزء كبير من حياتي..
وفي عندي هنا رفقة أقلام ..واعتناق ارواح تحت سور المنتدى ...

فأحس صعب إني أجي وأحصر...

امم طيب لازم أجاوب .....!!! >>>

المقربين وتم التعرف عليهم عبر المنتدى ..
راح اكتب الاسماء بدون ترتيب ...
لأن أصعب شي عندي أقيس حجم شخص عزيز على قلبي ...



همس الصمت..شوق المحبة
كبرياء ....صفاء الروح



مقربين بإطار المنتدى ...

براءة من الحب..
رنيم الحب ....
بسمة ...
أميرة ...
والكثير الكثيييـــــــــــر.......صدقوني يروح عن بالي ،، الكل عزيز وغالي وربي يعلم
>>اشوى هالسؤال مو من اسألتي كان انزنط الحين




4-افضل ماركه ملابس بالنسبه لك؟؟
اممم مو ماركة مُعينة ...المهم يعجبني ويناسبني... ..
5-افضل موول؟؟
امممم لو بختار .......بقول سيتي ماكس ،، سيتي بلازلا(سنتر بوينت) ،، مارينا ...
6-عطرك المفضل؟؟
كثير عطور تجذبني ...بس عطور العود زي عطور السنان والعربية وأصغر علي وزهور الريف تقريباً يعجبووني أكثر..
7-عضو\ه كوميدي\ه؟
أميرة المرح
8-عضوو\ه فلله؟؟
ملامح كيوت
9-عضوو\ه مزعج\ه؟؟؟
ولا أحد
10-عضو\ه فرفوش\ه؟؟

ليلاس ،، بحر العجائب ،، فرووح اممممم في غيرهم بس مو ذاكرة الحين
11-عضوو\ه مرعب\ه؟؟

عضو عفوي
عفاف الهدى

عضو صريح
أميرة المرح ،، كبرياء،، فرح ..
عضو نشييط فعال بالمنتدى
موالية حيدر..شذى الزهراء....ليلاس...واقول لهم دووووم روح الحماس ان شاء الله
عضو تحسه حزين
أمنيات مجروحة ربي يبعد عنها كل حزن بحق اهل البيت سلام الله عليهم
عضو تقول له مشتاق لك
كثيـــــــــر....شمعة ،، شوق ،،بسمة ،،وغيرهم وغيرهم ..
وكل الغياب..ياليت يرجعوا مثل قبل...


عضو يجذبك قلمه ومواضيعه وردوده دوم..
براءة
عضو يشد انتباهك ..
براءة ،،كبرياء ،، رنيم ،، أميرة ،،......ووواااااجد غيرهم بعد من المتواجدين والغياب ..
عضو حنون

نور الهدى ،،رنيم ،، أم الحلوين ..
عضو أفكاره رهيبة ..
عن جد وااجد اللي افكارهم رهيبة بس الانشغالات بعدتهم..
ومن ضمنهم كبرياء ..وعنيدة ..
عضو تثق بذائقته
شوق المحبة ..
عضو سلبي ومتشائم..
امممم ماببالي أحد
عضو عنده مواهب كثيرة ..
همس الصمت ،، أميرة المرح ،،...ماشاء الله عليهم...وفي غيرهم بس للأسف غابوا ..
عضو تحسه يقرأ أفكارك..
أحس صعب أقيم .....يمكن ولاأحد.......امممم و يمكن شمعتي ...ويمكن في كثير بس أني ماادري..
عضو من تشوف له مشاركة تبتسم ..
ملامح الله يذكرها بالخير...
عضو تقول له خلك قوي..
كبرياء..أمنيات مجروحة
عضو تقول له تفائل ..
أمنيات مجروحة ،، وردة محمدية ..
عضو تحس في تآلف بين روحك وروحه
ماينعدووووااا
عضو تحس إنك تعرفه من زمااان
اممم يمكن اندمج تلقائي فعشان كذا اشوف اني متعودة ع الكل واعرفهم من زمان
عضو كلامه ينحفر بعقلك ويخليك تغير تفكيرك للأفضل..
شمعة ..
عضو مثالي..
أبو طارق ربي يحفظه
عضو طموح ..
شبكة ،، أميرة ،، شذى ،،
عضو ودك تشوفه
كل خواتي العضوات هنا ودي اشووفهم من قلب...
12- وجه يجبرك ع الابتساامه؟؟
بالحياة عامة يعني...!! وجوه الأطفال
13- خبر تتمنى ان تسمعه؟؟
كل شي ممكن يهز وجداني فرحة اتمنى اسمعه
14-لو طلب منك تغير نكك وش رااح تختار\ي؟؟
مااقدر اغيره ..
15-ماهو اكثر شي يضاايقك؟؟
استنقاص قدر بشر....وأن أرى الموقف أمامي...ذاك مدعاة للضيق..
16- مالصفه التي تطلق عليك؟؟

:)

17- ان كنتي بنت ودك تسوقين سيااره؟؟ واذاا ماودك لييش؟؟
لا ،،

ماتستهويني
18-كم عمرك؟؟؟
26
19-اكلتك المفضله؟؟
>>كأن فضيحة هالاسألة ....!!!
ورق العنب والمقبلات بشكل عام وووو الوجبات السريعة ....وغيرهم بعد
20- اذاا صرت بنت شنو اول حااجه تسويهااا(للأولاد)؟؟ واذا صرتي ولد شنو اول حااجه تسويها؟؟(للبناات)
امممم ولا شي...
21-اوصف\ي لنا نفسك؟؟
لاأستطيع ولا بكلمة واحدة ...ربما أجهل الكيفية ..

طموحك ..إلى أي مدى يبلغ...!!
إلى حد إني لو حبيت انتج شي بالحياة وبغيت أوصل له،، أقدر اتخطى العقبات ويكون عندي إصرار ....وأوصل لنتيجة مرضية بمشيئة الاله...
دموعك ..أحزانك .....أين تُخبئها...!! >>> في قلب أمك ..عند أصدقاءك ..! على الوسادة .!! لايعلم بها إلا الله أو ......!!!

يعتمد على الوجع نفسه...وارتباطه بمن..!!

اممم أكره أن أُزهق أحدهم بأوجاعي...إلا مُضطرة
ولكن لابد أن تنال المقربين حرارة لوجعي..


أكثر شيئ تعشقُ ممارسته (هوايتك)
الامساك بالقلم ....وجرّ الحبر...

22-شنور راايك بالعضووه قطعه سكر ؟؟ واذااا ماعليك كلافه وصف مختصر لشخصيتي بالنسبه لك؟؟هؤؤؤع ابي اعرف شنو تقولون عني هع
ماشاء الله عليك بنت حبوبة ..روحها حيوية ،،نشيطة ...تحب المرح.....
اممم يمكن ماعرفتك بمقدار كافي خية ..فما اقدر أقيمك بشكل عادل..اعذريني ..



.

.

.



طاب لي العروج هنا......شكراً بعدد الأبجديات على هذه الاستضافة الرائعة ...
عسى أن يكون لحرفي مساحة في قلوبكم ..


اختار أني عضو أو ..!!
إذا كان لي حق الاختيار اختار همووس :)
محفوفة بتحفة الصلاة على محمد وآل محمد...




همسة :

اممم عسى ألا يعتب على قلمي أحدكم
فالنشاط بالمنتدى بطيئ مؤخراً فلم يسعفني في تذكر اسماء ...
وأنا أكيدة هناك الكثير سقطوا من بين أناملي...سهواً
ربما عطب طغى بذاكرتي أثناء الاجابة ..



دعواتي...
موفقين احبتي لكل خير إن شاء الله تعالى
دمتم بعين المولى الجليل

[ليلاس]

أجوبة فرفوشهـ ..

تسلم يمنآك حبيبتي ..

على هيكـ أجوبة حلوة و لطيفة..

الله يعطيك الصحة و العآفية ..

إستمتعت معآك كثير ..

[عنيده]

1- لو حكمت\ي العالم يوم شنو تسوي؟؟
اشياء كثيره ودي اسويها و اهمها الخيانه و الكذب و النفاق و الظلم ينشال من الدنيا ..
2-اكبر مفااجئه جميله في حياتك؟؟
مو جاي ع بالي مفاجئه بس يمكن يوم جابت لي ماي مذر لاب جديد من شهر تقريبا
3-من اقرب صديق\ه لك في المنتدى؟؟
كثير بس ما عندي عضو متعرفه عليها برع المنتدى ..

بس كلهم ربعي و احبهم و الله يشهد ..
4-افضل ماركه ملابس بالنسبه لك؟؟
عادي اي شي يعجبني بس يمكن شانيل ..
5-افضل موول؟؟
قبل السيف و الحين السيتي بدون منازع
6-عطرك المفضل؟؟
سينما و ديور
7-عضو\ه كوميدي\ه؟
همم مو مذكره بس كبرياء عليها بعض العبارات ابتسم عليها و انين هم بعد
8-عضوو\ه فلله؟؟
علي قبل نشيط و مواضيعه مميزه و فله ..
9-عضوو\ه مزعج\ه؟؟؟
انا >> اتغشمر انا الا حبووبه صح ؟؟
10-عضو\ه فرفوش\ه؟؟
ورده محمديه لذلك جعلت مشرفه قسم الطرائف
11-عضوو\ه مرعب\ه؟؟
شبكه الناصره مو مرعب بس جاد حبتين
عضو عفوي
عفاف الهدى
عضو صريح
احس حساسه بزياده
عضو نشييط فعال بالمنتدى
مواليه حيدر ليلاس و ابو طارق
عضو تحسه حزين
دمعه طفله يتيمه
عضو تقول له مشتاق لك
انين و حشتني جد الله يرجعها سالمه يا رب
عضو يجذبك قلمه ومواضيعه وردوده دوم..
نبراس و انين
عضو يشد انتباهك ..
رنيم الحب و شاري الطيب سابقا كان نشيط اناالحين نفتقده
عضو حنون
ابو طارق دمعه ع السطور
عضو أفكاره رهيبة ..
انين و كبرياء
عضو تثق بذائقته
همس الصمت و شذى الزهراء
عضو سلبي ومتشائم..
ما في
عضو عنده مواهب كثيرة ..
اميره المرح و كبرياء
عضو تحسه يقرأ أفكارك..
انين و كبرياء و دمعه ع السطور
عضو من تشوف له مشاركة تبتسم ..
دمعه ع السطور انين و سويت ماجيك
عضو تقول له خلك قوي..
دمعه طفله يتيمه
عضو تقول له تفائل ..
الكل احب اقول له تفائل
عضو تحس في تآلف بين روحك وروحه
ملامح كيوت و انين
عضو تحس إنك تعرفه من زمااان
هممم يمكن شذى الزهراء و عفاف الهدى
عضو كلامه ينحفر بعقلك ويخليك تغير تفكيرك للأفضل..
ابو طارق و دمعه ع السطور
عضو مثالي..
صفاء الروح
عضو طموح ..
حب ال محمد
عضو ودك تشوفه
كثير انين دمعه ع السطور همس الصمت عفاف الهدى و كثير و كثير

12- وجه يجبرك ع الابتساامه؟؟
هابي فيس اموت عليهم من اشوفهم ابتسم و الاطفال و برائتهم و امي الحنون و فيس بنت اخوي بنين اموت عليها
13- خبر تتمنى ان تسمعه؟؟
قبولي في تخصص اخترته و موافقه امي حق اسافر السعوديه عندكم طموحي ادرس في جامعه الملك فيصل ادعوا لي عاد
14-لو طلب منك تغير نكك وش رااح تختار\ي؟؟
افكر اغيره و احط العنود بسبب ان الحبايب ينادوني به و كل واحد ع راسه بطحه يتحسسه و يش رايكم ؟؟
بس للحين ما قررت
15-ماهو اكثر شي يضاايقك؟؟
لما احد يحسسني غبيه و يقعد ينافق علي او يكذب علي و هذا صير لي بكثره هالسبوع
16- مالصفه التي تطلق عليك؟؟
عنيده طبعا و واثقه من روحها
17- ان كنتي بنت ودك تسوقين سيااره؟؟ واذاا ماودك لييش؟؟
انا اسوق
18-كم عمرك؟؟؟
17 ونص
19-اكلتك المفضله؟؟
وجبات سريعه و اي شي من برع
20- اذاا صرت بنت شنو اول حااجه تسويهااا(للأولاد)؟؟ واذا صرتي ولد شنو اول حااجه تسويها؟؟(للبناات)
ما اسوي شي ولا ودي اصير ولد الله يهديهم دفشين وايد
21-اوصف\ي لنا نفسك ؟؟
بنوته حبوبه و قلبي ابيض اسامح بسرعه و اطوف كثييير و عبارتي او حكمتي في الحياه طنش تعش تنتعش
طموحك ..إلى أي مدى يبلغ...!!
طموحي كبيييير و ماله حدود و احلامي كذالك لا استطيع حصرها ودي احقق في حياتي اشياء كثيره

دموعك ..أحزانك .....أين تُخبئها...!! >>> في قلب أمك ..عند أصدقاءك ..! على الوسادة .!! لايعلم بها إلا الله أو ......!!!
ع حسب الهم اما الدمعه احب احتفظ فيها الى نفسي وياه وسادت يو دبي الذي اعشقه ابعد الله عنكم و عني الدموع و الهموم و الاحزان

أكثر شيئ تعشقُ ممارسته (هوايتك)
قراءه القصص و خصوصا الاماراتيه و القطريه

22-شنور راايك بالعضووه قطعه سكر ؟؟ واذااا ماعليك كلافه وصف مختصر لشخصيتي بالنسبه لك؟؟هؤؤؤع ابي اعرف شنو تقولون عني هع
عضوه حبوبه و كيوت و كول ما احتكيت فيها من قبل لكل الايام جايه

[عنيده]

اتمنى ما طولت عليكم ..

و ان شاء الله اجابتي تكون خفيفه عليكم ..

يعطيكم العافيه يا رب ..

موفقين

[ليلاس]

أستمتعت بقرآءة أجوبتك اللطيفة حبيبتي ..

تسلمين يـــــ الغآلية ..

الله يعطيك العآفية ..}

[دمعة على السطور]

اللهم صل على محمد وآل محمد وعجل فرجهم وفرجنا بهم ياكريم وألعن من آذى فاطمة ...

صباحكم رضا

ليلاس :) تسلمي غناتي على إشراقة حرفكِ بحق قلمي ...
ربي يخليك ياالغالية


عنيدة :) حضورك مميز كأنتِ...
ذكرتي اسماء كانت غايبة عن بالي فعلاً ....
ووافقتك بقوة في كثير من الاجابات :)

اما بالنسبة لذكرك لشخصي ...
فقد ألبستيني حُللاً مزركشة بالجمال....فشكراً لروحك
واتمنى أن أكون كما صغتي ياغالية :)
استمتعت معكِ ..وكثيراً...


لازلنا ننتظر هموووس :)





موفقين لكل خير إن شاء الله تعالى
دمتم بعين المولى الجليل

[همس الصمت]

السلام عليكم ورحمة الله وبركاتة ..
آعتذر على تآخري في الرد على الموضوع
بس زحمة الحياة تجبرنا على شي مانبغاه ..
إن شاء الله راجعة بالاجوبة ..

[همس الصمت]

1- لو حكمت\ي العالم يوم شنو تسوي؟؟
امممم
ببعد الظلم عن الجميع
وما بخلي ولا جوعان على وجة الكرة الارضية
وبساعد كل المحتاجين
وفيه اشياء كتير ابغى اسويها
بس لو بعدد مابخلص ..
2-اكبر مفااجئه جميله في حياتك؟؟
اممممم
اشياء مفاجئات كتيرة صارت بحياتي
والحين مو ذاكرة شي بالظبط ..
3-من اقرب صديق\ه لك في المنتدى؟؟
والله عندي اصدقاء قريبين واجد
صفاء الروح ودمعة على السطور وشوق المحبة
وفيه غيرهم كتير
4-افضل ماركه ملابس بالنسبه لك؟؟
عن نفسي ما اهتم بالماركة
كثر ما اهتم بالشي الي يناسبني
وكون شكله حلو ...
5-افضل موول؟؟
عادي ماعندي مول مميز عن الثاني ..
6-عطرك المفضل؟؟
ميركل ..
7-عضو\ه كوميدي\ه؟
8-عضوو\ه فلله؟؟
9-عضوو\ه مزعج\ه؟؟؟
10-عضو\ه فرفوش\ه؟؟
11-عضوو\ه مرعب\ه؟؟
عضو عفوي
عفاف الهدى ..
عضو صريح
حساسة بزيادة ..
عضو نشييط فعال بالمنتدى
ليلاس وشذى الزهراء ..
عضو تحسه حزين
امنيات مجروحة ..
عضو تقول له مشتاق لك
والله اعضاء كتير كتير
مشتاقه الهم
فما اقدر اذكر احد بالظبط لاني راح اظلم الجميع ..
عضو يجذبك قلمه ومواضيعه وردوده دوم..
وبلا منازع دمعة على السطور ..
عضو يشد انتباهك ..
ليلاس ...
عضو حنون
دمعة على السطور ..
عضو أفكاره رهيبة ..
كبرياء ..
عضو تثق بذائقته
ملامح كيوت ..
عضو سلبي ومتشائم..
امممم
مافيه احد ببالي ..
عضو عنده مواهب كثيرة ..
صفاء الروح بس خافية كل شي ..
عضو تحسه يقرأ أفكارك..
امممم
مادري ..
عضو من تشوف له مشاركة تبتسم ..
دمعة على السطور ..
عضو تقول له خلك قوي..
دمعة طفلة يتيمة
عضو تقول له تفائل ..
امنيات مجروحة ..
عضو تحس في تآلف بين روحك وروحه
امممم
عضو تحس إنك تعرفه من زمااان
شذى الزهراء
عضو كلامه ينحفر بعقلك ويخليك تغير تفكيرك للأفضل..
روح عابرة ..
عضو مثالي..
دمعة على السطور ...
عضو طموح ..
صفاء الروح ..
عضو ودك تشوفه
والله اعضاء كثيرين ودي اشوفهم
ومنهم ليلاس وعفاف ملامح كيوت وغيرهم كتير كتير

12- وجه يجبرك ع الابتساامه؟؟
دمعة على السطور ..
13- خبر تتمنى ان تسمعه؟؟
هو في بالي وإن شاء الله اسمعة قريب ...
14-لو طلب منك تغير نكك وش رااح تختار\ي؟؟
ماراح اغيره لاني احبه مووت
15-ماهو اكثر شي يضاايقك؟؟
الغرور
16- مالصفه التي تطلق عليك؟؟
حنونة ..
17- ان كنتي بنت ودك تسوقين سيااره؟؟ واذاا ماودك لييش؟؟
ماودي لان اخاف جبانة
18-كم عمرك؟؟؟
32سنة .
19-اكلتك المفضله؟؟
البرياني ..
20- اذاا صرت بنت شنو اول حااجه تسويهااا(للأولاد)؟؟ واذا صرتي ولد شنو اول حااجه تسويها؟؟(للبناات)
مابي اصير ولد ..
21-اوصف\ي لنا نفسك؟؟
اممممممممم
ماعرف وبخلي الوصف لدموع لانها هي الي اختارتني خخخخ

طموحك ..إلى أي مدى يبلغ...!!
الى مدى بعيد الامد ..

دموعك ..أحزانك .....أين تُخبئها...!! >>> في قلب أمك ..عند أصدقاءك ..! على الوسادة .!! لايعلم بها إلا الله أو ......!!!
منوع تقريبا عند الكل

أكثر شيئ تعشقُ ممارسته (هوايتك)
الطبخ والرياضة ..

22-شنور راايك بالعضووه قطعه سكر ؟؟ واذااا ماعليك كلافه وصف مختصر لشخصيتي بالنسبه لك؟؟هؤؤؤع ابي اعرف شنو تقولون عني هع
مثل السكر واخلاقها مرة حلوة
وتحب التميز وإنها يكون لها مكان عند الكل ..

.
.
اتعذر على تآخري في الرد
واشكر دموع على اختيارها لي
واشكر قطعة سكر على االطرح الجميل ..
وسماح على الاسئلة إلي ماجاوبتها خخخ
وآستضيف من بعدي صفاء الروح ..
تحياتي العطرة للجميع ..
موفقين لكل خير ..

[صفآء الروح]

السلام عليكم
عذروني على التأخير
وذلك بسبب انقطاع النت المعفن
الله يعين يارب
لحظات وارجع بردودي
سي يوو

[صفآء الروح]

السلام عليكم
نبدأ على بركة الله


1- لو حكمت\ي العالم يوم شنو تسوي؟؟
امممم لو حطمت العالم اول شي بعدم الظلام كلهم
وبنفي اسرائيل من الوجود
2-اكبر مفااجئه جميله في حياتك؟؟
اممممم مافي شي لحد الحين
3-من اقرب صديق\ه لك في المنتدى؟؟
همس الصمت - دمعة على السطور - دمعة طفلة يتيمة - ورده محمدية ...
4-افضل ماركه ملابس بالنسبه لك؟؟
عادي اي شي البس خخخ
5-افضل موول؟؟
ولا شي
6-عطرك المفضل؟؟
عادي اي عطر استخدم
7-عضو\ه كوميدي\ه؟
انين الله يذكرها بالخير ويرجعها بالسلامة يارب
8-عضوو\ه فلله؟؟
اممم مادري
9-عضوو\ه مزعج\ه؟؟؟
مادري
10-عضو\ه فرفوش\ه؟؟
ورده محمدية
11-عضوو\ه مرعب\ه؟؟
ههههههههه شبكة الماصرة اشوي بس

عضو عفوي
عفاف الهدى
عضو صريح
حساسة بزيادة
عضو نشييط فعال بالمنتدى
ليلاس - شذى الزهراء
عضو تحسه حزين
دمعة طفلة يتيمه
عضو تقول له مشتاق لك
انين الله يردها بالسلامة وقريبا يااااااااااااارب
عضو يجذبك قلمه ومواضيعه وردوده دوم..
دمعة على السطور
عضو يشد انتباهك ..
انونة
عضو حنون
همس الصمت - انين
عضو أفكاره رهيبة ..
كبرياء
عضو تثق بذائقته
اممم اميرة المرح
عضو سلبي ومتشائم..
مافي
عضو عنده مواهب كثيرة ..
اميرة المرح - ليلاس - دمعة على السطور - شبل الطفوف
عضو تحسه يقرأ أفكارك..
ماحد
عضو من تشوف له مشاركة تبتسم ..
انين
عضو تقول له خلك قوي..
امنيات مجروحة
عضو تقول له تفائل ..
الكل
عضو تحس في تآلف بين روحك وروحه
انين
عضو تحس إنك تعرفه من زمااان
انين
عضو كلامه ينحفر بعقلك ويخليك تغير تفكيرك للأفضل..
ابو طارق - دمعة على السطور
عضو مثالي..
ابو طارق - دمعة على السطور
عضو طموح ..
ليلاس - شبل الطفوف
عضو ودك تشوفه
الكل ودي اشوفه

12- وجه يجبرك ع الابتساامه؟؟

13- خبر تتمنى ان تسمعه؟؟
الي في بالي هههههههههه
14-لو طلب منك تغير نكك وش رااح تختار\ي؟؟
خلاص ما بغيره عفر
15-ماهو اكثر شي يضاايقك؟؟
النفاق وان احد يتكلم علي من وراي
16- مالصفه التي تطلق عليك؟؟
سألت صديقاتي وقولو
الطيبة النقاء الصراحة وحبابة
17- ان كنتي بنت ودك تسوقين سيااره؟؟ واذاا ماودك لييش؟؟
اذا سمحو الينا بفكر وبشوف
18-كم عمرك؟؟؟
29 سنة
19-اكلتك المفضله؟؟
بطاطس مقلي
20- اذاا صرت بنت شنو اول حااجه تسويهااا(للأولاد)؟؟ واذا صرتي ولد شنو اول حااجه تسويها؟؟(للبناات)
انا بنت ومادوي اسوي شي
21-اوصف\ي لنا نفسك؟؟
تحب المرح - حنونة - ازعل بسرعة - واسامح بسرعة - تحب الخير للجميع

طموحك ..إلى أي مدى يبلغ...!!
الى ابعد الحدود

دموعك ..أحزانك .....أين تُخبئها...!! >>> في قلب أمك ..عند أصدقاءك ..! على الوسادة .!! لايعلم بها إلا الله أو ......!!!
اممممم احيانا اصدقائي وكثيرا على الوسادة ولا يعلم بها الا الله

أكثر شيئ تعشقُ ممارسته (هوايتك)
الخياطة - هندسة الكمبيوتر

22-شنور راايك بالعضووه قطعه سكر ؟؟ واذااا ماعليك كلافه وصف مختصر لشخصيتي بالنسبه لك؟؟هؤؤؤع ابي اعرف شنو تقولون عني هع

من اسمها قطعة سكر وحبوبة

اعذروني على التقصير
مشكورة قطة سكر على الموضوع السكرة
ومشكوره هموسة غناتي على الإستضافة
ولكم خالص تحياتي
دمتم بحفظ الرحمن

[ليلاس]

أج ـــــوبة ج ــميلة ..

همووسهـ ؛؛ صفآـآء ..

الله يعطيكـم العآفية ..

إستمتعت معكن ..

[صفآء الروح]

اوووه نسيت اختار بعدي
راح اختار

شذى الزهراء

وتسلمي ليلاس غناتي
تحياتي لكم
دمتم بخير

[دمعة على السطور]

اللهم صل على محمد وآل محمد وعجل فرجهم وفرجنا بهم ياكريم وألعن من آذى فاطمة ...

صباحكم بركات وَ اغترافُ أمنية ...


ماشاء الله .. حلوة اجاباتكم وحضوركم فرفوشي مرررة :)

استمتعت بقراءتكم ...وكثييراً


تحية لاتليق إلا بعبقكم الطاهر....وَ سلاماً مُزجى لوجدكم النقي......


بشوق ننتظر الشذى النقي...
ونحفها بتحفة الصلاة على محمد وآل محمد ,....


موفقين مقضية حوائجكم بالهادي
دمتم بعين المولى الجليل
ودمتم بعناية الأطهار...