حلى الأناناس الكذاب من تحت دياتي ..

[صفآء الروح]

حلى الاناناس الكذاب من تحت دياتي

صباح الخير...مساءالخير

كيفكم ان شاء الله بخير

سويت الكم حلى من تحت دياتي

بمناسبة الأسم الجديد

وهو حلى الأناناس الكذاب

يالله نبدأ

................

مقادير الطبقه الاولى:

1كأس جوز هند

1كأس حليب بودره

4 بيضات
بياله ماء
نص بياله زيت
نص بياله سكر

1ملعقه بيكنج بودر

.............................. ...

الطبقه الثانيه:

1 علبه حليب مركز (نستله)

10 حبات جبن كيري

.......................

الطبقه الثالثه:

بسكوت اولكربالسمسم

.....................

الطبقه الرابعه:

2 ظرف كريمه كراميل

1 سفن آب

.................

الطريقه:

1_نخلط الطبقه الاولى في الخلاط ونصبه في صينيه تيفال ثم تحطينهابالفرن مع اشعال العين السفليه فقط ووضع الصينيه في الرف الأوسط من الفرن.

نخليها الى ان تشقر اطرافها ونشيلها

2_ تخلطين الطبقه الثانيه في الخلاط ثم تصب على وجه الصينيه بعد مايتشقر اطرافه ورجعيها للفرن على العين العلويه وضعي الصينيه في الرف الأخير ها المره.

3_بعد ماتتماسك ومن دون ان تتحمر من فوق تخرجينهاوهي ساخنه صفي عليها البسكويت

4_اتركيها لين تبرد شوي والطبقه الرابعه اخلطيها على النار لين ماتغلي ثم ارفعيه عن النار

ثم صبيها على وجه الصينيه.

5_ثم دخليها الثلاجه لين ماتبرد وتثبت طبقاتها ثم قطعيها بكاس او علبه البيكنج بودر اهم شي يكون على نفس الحجم.

وصفيها في ورق بليسيه كبير ..

وهذي اقرب

وهذي اقرب اكثر لعيونكم

وإن شاء الله تكون عجبتكم

وبالهناءوالعافيه على قلوب الي اكلوها
لا تحرموني من ردودكم وآرائكم
لكم خالص تحياتي
دمتم بحفظ الباري

[شذى الزهراء]

اولا .. اهلا وسهلا بصفاء
ومبروك الاسم الجديد .. بالعافيه
وبعد ...
ماشاء الله ع الحلى الحلووووو
الشكل مغري مرره ويشهي للاكل
تسلم دياااتش غناااتي
وربي يعطيكِ الف عااافيه
وعليهم بالعافيه اللي اكلووه
وماننحرم اطباقش الجديدة الحلووة
دمتي بسعااده

[دمعة على السطور]

اللهم صل على محمد وآل محمد وعجل فرجهم وفرجنا بهم ياكريم وألعن من آذى فاطمة ..

الله ...الله ياناس ..>>( ) الرمز اللي أحطه بالمسن وعيونه مليانة براءة ..أحسه يناسب لأن الحلى حالم


ياعلي نهوووض...(صفوي ) صار نفسي فيييه بقوووة ..
هذا أمي وأختي بعد يسووه وأمووت عليييه بشكل ...

شكله طالع جناااان...تسلم أياديك حبيبتي...وعووااافي عليييكم يارب..



بصراحة عجبني مووت وتصويرك مرررة روووعة ماشاء الله :)

يعطيك العافية حبابة واليوم وكل يووم نشووف إبداعك ...
ومبروك ع الاسم الرووووعة ياغناتي انتي... يناسبك بقوووة ...


موفقة لكل خير إن شاء الله تعالى
دمتِ بعين المولى الجليل

[همس الصمت]

اوه اوه
صفوي طابخة ومسوية لينا حلى
ويش هالحركات الحلوة
ويش هالزين و يش هالحلاة
بس تعالي صفيووة
ماسمعتش مرة تقولي انش تسوي هالحلى
لو خايفة اطلبه منش لكن ماعليه
الشكل مرة حلو
عجبني ..
الله يسلم الديات يارب
على هيك طبق مشهي .
موفقة لكل خير ..