الفحص الطبي للزواج يفرق الأحباب ويمنع الزواج .

[الحوراء الزينبيه]

بسم الله الرحمن الرحيم

(( من رضيتم خلقه ودينه فزوجوه ))

شخص أحب فتاة وأحبته او كان هناك ميل لبعضهم البعض سواء من الاقارب ام من خارج العائله . وعندما حانت ساعة الصفر واقترب الاقتران والزواج . شاءت الاقدار ان الفحص الطبي يعارض زواجهما اي هناك مشاكل من زواجهما ( تكسر دم او فقر دم ) وخلاف ذلك.

أنتم من وجهة نظركم ما رأيكم في ذلك

[دمعة على السطور]

اللهم صل على محمد وآل محمد وعجل فرجهم وفرجنا بهم ياكريم وألعن من آذى فاطمة ..

صباح الخير....
وعساك ع القوة خية ..


أول ماظهر الفحص ...

كان صعب عند الكل ...وهذا من منطلق إن كل شي جديد صعب نتقبله بسرعة ...
هذا غير إن هالفترة تكون ربكة و انتظار وتوتر..وخوف.. بالنسبة الطرفين..

بس من جهتي أشوف له فوائد ..ومن ضمنها اللي انتي ذكرتيه..

يعني لو نظرنا للموضوع بعيد عن الجانب العاطفي...

حتى لو حصل ود وانسجام ...بس مافي توافق ..يعني يصير يتزوجوا وينجبوا أطفال ويجنوا عليهم ويتأذوا وياهم..!!

لو كان الطرفين مثلاً سكلسل حاد لاسمح الله ... فأكيد مافي توافق... بس اني سمعت والله اعلم ...إن بهالحالة يخيروهم وعلى مسؤوليتهم لو حبوا يتزوجوا ..........الله اعلم ..

هذا غير فوائد ثانية للفحص الطبي...اللي لو خضتها راح أخرج عن نطاق النقاش...

بس ذكرت موقف سمعته وربي العالم عن مدى صحته...

سمعت في أحد المستشفيات وتابع الجهة الخاصة بالفحص..كانت امرأة لم تتزوج والظاهر هالشي مسبب لها أزمة ..فكانت تخلي كل التحاليل اللي عندها حق الزواج ..
غير متوافقة حتى لو هي توافق تخليها العكس.......


.فإن صح الخبر فهذي نفس مريضة وحسابها على الله ..وإن كذب فأنا مااعرفها ولااعرف المستشفى .بس حبيت أوصل شي سمعته ..والله يعلم نيتي ...عشان لو حصل مرة لأشخاص و مو متأكدين يرجعوا يحللوا من جديد وبأكثر من مستشفى مثلاً........والله كريم ويوفق الجميع يارب...




ومن نظري الخاص... إن الواحد المفروض مايعلق نفسه بشخص إلا إذا تم كل شي على خير..

لأن في مثل هالحالة راح تكون صدمة لهم....وصعب الشخص يتعلق وفجأة يشوف كل الأحلام تنهدم ...




اتمنى للجميع كل توفيق وخير يارب...



يعطيك العافية غناتي ع التقديم الهادف..والطرح الموفق..
وراح أكون من المتابعين إن شاء الله لبقية المشاركات ...


موفقة لكل خير إن شاء الله تعالى
دمتِ بعين المولى الجليل

[أُخرىْ]

بسم الله الرحمان الرحيم

قبل لاأطرح رأيي , بنتكلم عن عادات البعض ..الحين الناس تخلي بناتها تسوي التحليل واذا صار وتقدموا لها يقولون لهم خلوا ولدكم يحلل عشان بنتنا تفكر , لان حتى فترة التفكير ممكن تعلق البنت باللي خطبها / والغريب في البعض إنهم يتكلمون بس كلام عالبنت ويحجزونها وآهلها يرفضون كل الخطاب وبعدين يحللوا عشان اللي يبونها له من أول..والنتيجه ان التحليل مومتوافق ..ويصرون عشان الحب اللي نمى بينهم انهم يكملون مع بعض ,,
قبل لايقررون مافكروا بالاطفال اللي بيجون مرضى ومن مستشفى لمستشفى ؟؟!! ..وبالنهايه الله اعلم اذا بيعيشون ..
سمعت أن بعض الشيوخ مايرضون يعقدون اذا التحليل مو متوافق ..
والمفروض الكل مايعقد ..
واللي يشوف ان التحليل عائق لزواجه باللي يحبه , فهي خيره للأثنين , لأن سنين العذاب مع اطفالهم المرضى ..أكثر مرارة من لوعة الفراق

والله يكتب للجميع اللي فيه الخير..

[نور الهدى]

اللهم صلي وسلم وزد وبارك على محمد وال محمد


التحاليل برأيي مهمه لان تقي البنت والشاب من اشياء كثيرة


اهو صح ان كل شي بيد رب العالمين لكن الله سبحانه وتعالى اعطانا عقل نفكر ,, والله انعم علينا بالعلم ولازم نستفيد منه

[عفاف الهدى]

طيب قبل رايي ابي اسأل
متى نشأت العلاقه او الميل؟؟
بعد ما اتقدم والا قبل ؟؟؟
اه لو كان قبل الف اه
اني مع الي يحلل قبل لا يرد لأن مثل ما ذكر يتحرك القلب اثناء التفكير احيانا

وبالنسبة للتحليل ضروري ينأخذ فيه
اكيد شفتوا قصيدة السيد امين والي تعرض عالشاشه
وتتكلم عالتحليل الحافظ الله صحيح بس ابعد عن الشر ولا ترمي نفسك الى التهلكه
حرام تنجب اولاد وتتعذب بعلاجهم ويتعذبوا هم في حياتهم
واكيد اذا كان التحليل كويس خير وبركه
وان كان مو كويس فهو رحمه للأثنين وخيرة من الله

ورزقهم في مكان ثاني بس يتوكلوا على الله
وما يصير الا الخير

ويعطيكم العافية على هيك موضوع

[نجود عوام]

الناس قبل مايقولو اي او لا يقول يعملو التحليل بعديين يصير خير

ولازم يفكرو انه الحب بيضيع ومن اليه قال اليهم اصلا انهم يحبو بعض وعلى اى اساس الحب يجى بالعشرة مو بالمكالمات نرجع الى كلامنا الحب بضيع لين كل للية واحد سهران من لعيال في المستشفى ودى هذا ورجع هذا وين راح الاستقرار وبكرة هل يعتقدو انه احد بيوافق على اولادهم او بناتهم وهم مصابيين مااحد يرضى ياخذ الى بنته واحد مريض او واحد ياخذ اليه وحده مريضة وبضيع حياتهم في المستشفيات0

[Princess]

بالمختصر
راح يتزعزع الحب والود
ويولد الشقاء و الألم
في حال وجود طفل بمرض وراثي مثل الثلاسيميا والسكلسل
غير المعاناه للطفل والأذى
فالتحليل جدا سليم وخطوه ممتازه
والواحد لا يكون اناني في حياته
ويحسب حساب الأرواح الأخرى

موفقين
دمتم بخير
وبحفظ الرحمن

[Malamh Cute]

مرآحب ..

آمم طبعاً ماقصرو إللي قبلي .. :p

بس إللي اقوله الفحص شي مره مره مره مره مهم جد ..

وهم مهما كان حتى لو مثلآ قلنآ يحبو بعض بيقدرو ينسو حتى لو مو على طول مثلآ ..

بس مااتوقع إنهم بيكونوا مرتاحين وهم جايبين آولآد تعبآنين طول حيآتهم وإلآشي << لآسمح الله وخآصه إن بيكون بإختيآرهم ..

هالأيام الأمراض الله يكفينآ الشر زايده .. يعني

لآزم نترك القلب شوي ونفكر بالعقل اكثر =) ..

هذا رايي ولكل شخص رآيه طبعآ ..

وموضوع حلو ومهم =) ..،

تسلم الإيدين يآحلوه على الطرح ..

وربي يعطيش آلف عآفيه ،

لآخلآ ولآعدم

تحيآتي

[عبدالله خليف]

نتبع قول الآتي ما يصيبنا إلا ما كتبه الله لنا برأيي انا هذه التحاليل مهمة ولكن لما نفرق بين اثنين يحبون بعض لا سيما هناك القدر وما يدريك في الايام بأن لا سمح الله يرزقك سبحانه طفل معوق هنالك مشيئة رب العالمين التحاليل لا تؤكد 100 ب100 اصابة فورية كل شي بيد العالمين

موضوع رائع برأيي اتوكل الله ولو كنا اثنان مصابين وهو على كل شي قدير

[عفاف الهدى]

بصراحه لم افهم وجهة نظر الأخ عبدالله خليف
بس كأنه موافق والدليل انه يعمل بالحكمة
(ما يصيبنا إلا ما كتبه الله لنا
توكل الله ولو كنا اثنان مصابين وهو على كل شي قدير)

احب اقول للأخ عبدالله
اخوك في شي اسمه الحذر
ومن الباقي في النهاية الحب والا عذاب شخص جديد عالدنيا
فعلا مو اكيد يجي هالشخص المريض عالدنيا 100% مثل ما قلت
بس بهالأرتباط احتمال كبير انه يجي
والمشكلة تكمن في جيته
ربما الحب يموت من كثر التعب والمشقة في علاج هالمولود
او ربما يزيد ولكن على حساب صحة انسان بريء
وجهة نظر فقط
موفق اخي الكريم

[عبدالله خليف]

بصراحه لم افهم وجهة نظر الأخ عبدالله خليف
بس كأنه موافق والدليل انه يعمل بالحكمة
(ما يصيبنا إلا ما كتبه الله لنا
توكل الله ولو كنا اثنان مصابين وهو على كل شي قدير)

احب اقول للأخ عبدالله
اخوك في شي اسمه الحذر
ومن الباقي في النهاية الحب والا عذاب شخص جديد عالدنيا
فعلا مو اكيد يجي هالشخص المريض عالدنيا 100% مثل ما قلت
بس بهالأرتباط احتمال كبير انه يجي
والمشكلة تكمن في جيته
ربما الحب يموت من كثر التعب والمشقة في علاج هالمولود
او ربما يزيد ولكن على حساب صحة انسان بريء
وجهة نظر فقط
موفق اخي الكريم

تسعدني مناقشتك أختي الكريمة عفاف

نعم موافق

بقولك أحتمال لماذا أفرق بين قلبين من أجل احتمال وكذلك الاثنان يقوم كلا منهما بالتحليل وبالتالي يظهران بنتيجة ايجابية
وينجبان طفل مصاب لان المرض الوراثي لا ينتقل فقط من الزوجين فحسب هناك شجرة العائلة من الجد مثلا كونها حروف متمسكة بالرأي والايمان

[ابوعليان]

انا رأيي في قصة لأحد اصدقائي

هذ قبل هذا القرار الحكومي

هو مصاب بمرض الدم الوراثي وعندما اراد ان يتقدم لزواج ووضعوا اهله عينهم على بنت معينه

طلب منهم التمهل وذهب هو لشخص يعرفه من المنطقه التي هم فيها يعمل في المركز الصحي بالحي

ليطلب منه الكشف على ملف هذه العائله وبالخصوص البنت التي عليها العين

ليتأكد من خلوها من هذا المرض سألته ليش قال ما ابي عيالي يعانون ما عانيته طوال حياتي

وهذا الشخص قام بهذا الفعل قبل ما يسن هذا النظام لضروريته

والآن أتى بأمر حكومي

ودمتم

[حبي عترة محمد]

السلام عليكم ورحمة الله وبركاته
التحليل ضروري جداً وفي غاية الأهمية لأنه يقي عائله قبل تكوينها من أن تعيش بمرارة مع طفل مصاب
وتحمل المعاناة مع ليالِ الشتاء القارص والتنقل بذلك الطفل المسكين الذي لا ذنب له سوى سير الأهل وراء رغباتهم ونتيجته إن هذا الطفل يرقد بين البيت المستشفيات طالباً الشفاء من مرض يلازمه طوال حياته
هذا بحد ذاته امر مروع والتفكير في هذا الأمر يشعر النفس بالهلع والخوف من خوض
تجربة نتائجها غامضة
تشكري أختي على طرح مثل هذا الموضوع

[الحوراء الزينبيه]

الشكر الجزيل لك من ساهم في النقاش وأبدا رايه.... بالفعل الوعي مطلوب في مثل هالمواضيع لان اهم حاجه في تقدم المجتمع هو صحة أفراده وكذلك من أصعب الامور رؤية طفل يتعذب وأمه وابوه لايستطيعوفعل شي والامربان يكونو هم السبب وأذكر لكم موقف واحد وحكمو رأيكم فيه, في طفل مصاب بالسكلسل تقريبا عمره 6 سنوات في حدة مرضه يطلب من أمه تحط عليه مخذه وتقتله من شدة الالم ويش رايكم في هذا الموقف ؟؟؟؟؟؟؟؟من المؤكد أمه تتمنى الموت حتى لاتشوف طفلها في هذا الموقف وتمنايتي بالسلامه للكل

[فطوم الحلا]

اهلا حبايب
الموضوع مايحتاج !!!
تفكيرالفحص مهم جدا والبناء عليه اهم
واللي يحب حقيقه هو اللي يسعى في سبيل اسعاد الآخر
لازم انشغل العقل ونحكمه والا العقل ليش!!!!!!
سبحان الله ناس غريبه ابها التفكير
تقبلوا تحياتي