ياناس احذروا من المرأة البدوية الي جنب مزايا الغذاء

[ward roza <3]

ويش صاير في خلق الله ويش صاير في القطيف ؟؟؟؟يعني يوم الأربعاء الماضي يعني امس كنت طالعه مع اختي الصغيرة الي عمرها ما يتجاوز5 سنوات و كنا مع السواق المهم رحت معها باسكن رونز الي عند مزايا خليت السواق يوقف عند باسكن و هو يروح يدور باركنق قريب لما نزلت من السيارة كان في مره (( حرمه يعني ))لابسه عبايه راس و لابسه نقاب اماراتي واسع ابو خط المهم طلعت فيني فتره و في اختي و بعدين ما ادري ويش قالت لي بس كاني الي فهمته انها كانت تبغى فلوس او شي كذا المهم اني حقرتها و دخلت باسكن شريت ال آيس كريم و طلعت من المحل و ما شفت السواق و اشوف نفس المرأه موقفه في نفس المكان و طلع فيني (( على العموم كانت اطالع فينا حتى لما كنت داخل المحل و اني لاحظت هل الشي )))المهم طلعت جوالي ابغى ادق على السواق اشوف وين ارضه الي تقوم تقرب مني شوي و تقول لي سواقكم موقف هنااك قدامك يصير و تأشر لي عليه شفت السواق و رحت بركب السيارة تقوم تجي و تقول لي ما تبيني أقرا لك الفال أقدر أقول لك اذا بتتعرسين و مين بتعرسي عليه و الخ الخ الخ (( كلام الدجالين))قلت ليها مشكورة مستغنيه عن خدماتك .قالت لي طيب عطني هل الصغيرة الي معاكخلني أقرا لها المهم اني مسكت اختي و بسرعه رميتها في السيارة و رجعت البيت و لما رجعت و قلت لي الوالده السالفه و كانوا خالاتي قاعدين قالوا لي انهم سمعوا عن وحده بدويه توقف عند مزايا و تسأل الناس اشياء غريبه و بعدين تقول ليهماقرا لكم الفال و يقولوا انها كانت تتصيد البنات و الاولاد الصغار.لإارجوا من الجميع الحذر ثم الحذر ثم الحذر ثم الحذر من هل أشكال لأنهم ما ليهم آمااان و بذات البنات لأني أدري أنكم يمكن تتضعفوا و تقولي ليها اقري لينا كفنا او او او و ياريت لو ان نقدر نلاقي طريقه نقدر نتخلص فيها من هل أشكال الي في مجتمعنا للمعلوميه (( هي لهجتها بدويه شكلها من الدمام او كذا و مو أول مرة أشوفها عند باسكن بذات لاكن أول مرة تكلمني )).......منقــــــــــــــــول لامانة