بايسن كلك حركات لا والله امراااض

**zoheir** · 11-19-2007, 06:46 PM

بايسن كلك حركات لا والله الاكلك امراااض</strong>
بسم الله الرحمن الرحيم

بـايـسـن كـلـك حـركـات

بايسن .. كلك حركات :: كلك كلك حركات !!!!
ومثل ما يقولون .. الكتاب باين من عنوانه
ومع بايسن كلك حركات ... ليــــــــه ؟!
تعالوا معاي نكتشف السر ..
ومن الدكان اللي من جمبكم إشروا علبة بايسن
وخلونا نعرف
كيف نصير حركات
لا تقولون ممنوع
لان القرار على الاوراق وبس
المهم
.
.
علبة تشبه *البيبسي* الى حد كبير
ختم من وزارة الصحة
" مسجل في (وزارة) الصحة "
مصنّع في مصنع " أبو الجدايل " بجدة
يعني وبكل بساطة منتج سعودي
طيب ما علينا خلونا نقرأ وش مكتوب على هالعلبه الزرقاء
صحيح هي ليه زرقاء ؟!
..

ياكثر التحذيرات المكتوبه على العلبة مره بالأحمر ومره بالأزرق
تشكيلات تفتح النفس
خلونا نقراها
.
.
علبتين تقضي عليك
وياللي قلبك مريض و تطلب الدنيا ابعد لا يجيك شي
ويا ابو الضغط والسكر يرحم ابوك لا تاخذه
ويا بزران ترى هذا شراب القوه والشجاعة وبعدكم صغيرين لا تشربونه
ويا حرمة يا حامل تراك ضعيفة بعدي عنه
^
^
^
أقول ليه ما تبيعونه بصيدلية ويصير بوصفة طبيب أحسن !!.
.
آهـــــا ا ا ا
وصلنا لمربط الفرس
المكونا ا ا ا ت
وأهم مكونين هم
بنزوات الصوديوم .... وحامض الستريييييييك
وهذي المادتين الله يطول لي بأعماركم من اقوى اللي تخليك كلك حركا ا ا ا ا ت
عارفين ليه ؟!
أنا اقول لكم
بنزوات الصوديوم
يستخدم ضمن مواد التحنيط
يعني
عندك جربوع لونه مميز وحاب تحتفظ بشكله عندك
عندك ضب لونه وردي
وعندك ركن بالبيت حابب تحط فيه هالحيوانات بعد تحنيطها
(اكرمكم الله)
ما عندك مشاكل
رشتين بنزوات الصوديوم
تنشف عروقه تنشيف
بس ها ا ا ا ا
بعد هالمركب عن جلد الضب لانها كفيله بسلخه سلخا مبرحاً
..
اما حامض الستريك
لا لا ترى هذا المحلول طيووب مرة أليف
هو بس يخفف من كثافة البويه لما تبغى تلون جدران بيتك
.
.
.
.
بإختصار
هذه مكونات مشروب الطاقة
اللي راح يخليك حركات من أول شفطه تأخذها
زيه زي أي مشروب غازي
يساعد على الاسراع في الهشاشة المبكرة للعظام
يسبب القرحة
صفار الاسنان وضعفها
يسبب جفاف لقرنية العين
بمعنى أصح يساعد على فقدان البصر
واللي زاد الطين بله
مدري وش الطاقة اللي حاطينها فيه
يا خوفي انهم مكثرين من نسبة الكافيين فيه
يقولون انه صار مشروب ممنوع
شي يضحك .. ما يدرون ان الممنوع مرغوب !!
عاد تصدقون
عمري ما تخيلت اني في يوم راح اكتب عن هذا المشروب الغبي
إلا لما أيقنت انه هو السبب
في فقدان ناس بنحبهم
ناس في عمر الزهور
يشربونه في لحظة تقليد أعمى
ويكون الثمن
( فقدانهم للحياة )
عرفتوا إش هي الحركات !!
ترا مافي ولا حركات
وهل جسم بلاروح .. تصدر عنه حركات !!

وبسبب البايسن باخسر اعز صديقه عندي لانه سبب لها تلف في الكبد

بلا بايسن بلا حركات

دمـتـم بـخـالـص الـود .. جـمـيـعـا ً

تقبلو تحياتي اخوكم زهير

**alzahrani33** · 11-19-2007, 06:54 PM

يسلموووووو

تقبل مروري

**مرتضى محمد** · 11-19-2007, 06:59 PM

واحنا نشرب ولا علينا

تقبل مروري

**ملاك الورد ..~** · 11-25-2007, 06:43 AM

ولا عمري جربته
ولا اي مشروب من مشروبات الطاقة
يسلمو ع الطرح المفيد

**لحن الخلود** · 11-25-2007, 05:24 PM

يسلمو على الطرح اخوي

**نور الهدى** · 11-25-2007, 07:10 PM

الله يعطيك العافية على الطرح

لا جربته ولا عمري بجربه بعد

والله يبعدنا عن المشروبات الغازية بجميع اشكالها وانواعها

**ساريه** · 11-25-2007, 08:33 PM

مشكور اخوي على المعلومه المفيده واتمنى اي شخص يشرب هذا السم يتوقف عن شربه والله يعطيك العا فيه

تقبلو تحياتي

**ليالي الخبر** · 11-26-2007, 01:05 AM

.
.
.
ياليت الكل يدخل ويقراء موضوعك واولهم اخوي اللي مو مخلي ولا

مشروب غازي ماجربه

يقولون طاقه واي طاقه هذي مره يقولون ((كللك حركات))ومره((يعطيك جوانح))

وانت يالمستهلك وش تبي طاقه والا جوانح؟؟

لو كل واحد فتح عقله كان ماشتراهم قولي انت ياللي شربت البايسن ها وش سوا لك

عساه عطاك طاقه وانت يللي شربت الرد بول عسى طلعت لك جوانح وطرت

وما يقهروني الا الطالبات ايام اختبارات النهائيه كل وحد تتفيخر تمشي وماسكه

لها قوطي في يدها تفكر انها شي.. لا وتنصح زميلاتها شربي وما يجيك النوووم

وانا سمعت الشيخ المهاجر يقول ان اللي يشرب الغازيات تنشال الغيره من قلبه