اقتباس المشاركة الأصلية كتبت بواسطة أُخرىْ مشاهدة المشاركة
جيت متأخره ..وشكلها عفاف زواجها هالاسبوع مو ..
المهم ست عفاف الله يهنيك بحياتك ..ويوفقك ..والله يجمع بينكم بالخير

بس جد أنا أشوف أن المقاطعة شي إيجابي , ولو بتكلم بشكل عام أنا اشجع مسألة أن العروس تقاطع عريسها , ومش المعنى تقاطعه تلفون..ولكن بس مايشوفها , هي بتتغير وبتطلع فيها زهوة العرس ..فليش يرز فيسه ويشوفها ,استغرب من ناس تتحنى ومن يجف حناها الا المعرس مبسط في بيتهم ..حشى مو شايف خير ..ولكل شي حد وانا اشوف اللي يكون كل يوم في بيت الخطيبه فمن الصعب عليه انه يتعود وحتى العروسة صعب تتعود انها ماتشوفه ..
الغريب في البعض أنها تجهز للعرس وكل قطعة ثوب شرتها يشوفها , شو الفايدة أجل ؟؟
هذا هم أهل لول..لايشوفها ولا يشوف ظلها ..وبعدين تعرس وهي ماتعرف عنه غير اسمه وويش يشتغل يمكن !!
أخوي خطب وسافر أمريكا لمدة سنة ولما رجع شاف خطيبته بس يومين وبعدها ماشافها الا يوم العرس اللي صار بعد 10 ايام ..والعرس صار بعد العيد بيومين ..فحتى العيد ماشافها بس معايدة تلفونيه هع



تصدقين اني اقول ..بنخطب مثل اهل لول بس عقد ..ومااشوفه الا يوم العرس ..بس غيرت رايي لأن الشي وان كان شي جميل بس المعرفة مهمة في هذا العصر !!


يمكن مااضفت شي ..وتراني لما شفت كم رد من الحلوات اللي ردوا ..شفت انهم قالوا اللي بقوله ..
بس المقاطعه شي ايجابي ومش سلبي , وحتى لو المعرس او العروس تضايقوا منها بس..هي شي حلو



المهم تراني رديت بس لاتقولون لأمي ..عشان لاتسوي هيك ..وتقول : بعد بعد ماحصلتي تتفلسفين الا بأمور مالش فيها ..لاحقه عالتفكير بهالشي ..

متباركة ومتهنية..عفاف الهدى ..


واني معاكم المقاطعة اليها اثارها الحلوة بس ....!!!!!

الله يبلغنا فيش خيو

ومشكورة عالتهنئة والتعليق هنا