مرحبا
بالنسبه لي اباقول الصفات اللي التمستها فيك... ومو شرط تكون ايجابيات ولا سلبيات
احسك تحمل بداخلك الكثير من العفويه والبراءه.. يعني لو ماعرفت عمرك و بأي مرحله تدرس في احد المرات لكان توقعتك اصغر من عمرك بوايد..
اذا حبيت الشي خلاص تحبه لحد النخاع... لاحظت هالشي في حبك للفتوشوب.. حبك لباسم .. حبك لصديقك اللي لا تخلو بعض تصاميمك من التفكير فيه...
تتعلم من اخطائك .. و تحاول تطور نفسك بنفسك بشتى الطرق
تحترم الأكبر منك و تستفقدهم و تسأل عنهم بين فتره وفتره حتى وان كنت مشغول او غايب ..
تحب تساعد الآخرين باللي تقدر عليه....
شي واحد سلبي احسه فيك ..
يمكن انك تجامل .. او تقلل من ثقتك بنفسك او قدراتك
هالشي وين اشوفه.. واحيانا مو في كل الأحيان...
لما تجي تعطي رايك في بعض التصاميم اكون واجده فيه ثغرات كثيره و احس انك بمستواك ممكن تصيدهم وتعطي المصمم رايك الصريح..
القاك بالرد منعجب فيه و تشكره بدون اي نقد .. مع انك اهل لذلك ...
ما ادري هل لأن للناس اذواق .. مع اني اشوف ذوقك حلو...
عموما اللي ابغاك تعرفه في هذا الطرح
ان المنتديات في الغالب ممكن تعكس ايجابيات الشخص وليس سلبياته الا فيما ندر
وعند الكثير من البعض ماهذه الأيجابيات الا اقنعه في عالم النت ... تسقط في الحقيقه..
:) فتقييمنا لك في هذا المتصفح لا يقدم ولا يأخر شي
موفق في حياتك العلميه و العمليه
و الى الأمام.. سررر
دمت بخير
وبحفظ الرحمن
رد مع اقتباس
المفضلات