أكيد مولصالح الكل ترك المواضيع بدون ردود
بس عن تجربه أحب أقول شي ..
البعض مايستحق أنك ترد على مواضيعه
بتندهشون من كلامي .. بس هذي هي الحقيقه
لما يجيك عضو همه بس انه يزيد عدد مشاركاته
ومو مهم مضمون المشاركات.. ومايهتم انه يعقب على مشاركات الأخرين والادهى والامر ان كل مشاركاته هي مواضيع للنقاش
وكلها نسخ ولصق ..
والادهى من هذا كله ان التعقيبات تجي على مواضيعه
كثيره وهو ولاااااا هو هناااا.. يعني الاستاذ مطنش
نقول يمكن بطل يجي .. ونلاقيه بعد كم يوم جاي
وكالعاده حاط له كم موضوع وماشي وتتكرر نفس سالفة
التطنيش .. واذا بيفكر يرد يمكن على واحد أو 2
ويهمل الباقي .. طيب بغض النظر عن ان مواضيعك كلها منسوخه
مع انها تناقش قضايا في المجتمع وكان بإمكانك تاخذ الفكره وتكتبها
بأسلوبك انت .. قلنا نغض النظر عن سالفة النسخ وبعد حاط
موضوع للنقاش طيب تعال وحاور الناس اللي حط رايه ناقشه فيه
بس الظاهر ان امثال هالعضو يفترو نفسهم اهم من الباقين وان المنتدى
بدونهم بينتهي .. احسن حل تطنيشهم.
هذا بالنسبه لهالنوعيه .. اما مسألة الركود بالمنتدى
فبالعكس اني اشوف ان منتدانا احسن بكثير من منتدات ثانيه
أقلها فيه حركه ونشاط بالرغم من اننا نمر بفترة امتحانات
على العموم اللي يحط موضوع ويحس الاقبال عليه قليل
خل يصبرشوي بالذات لوكان عضو مشارك مع الكل
في هالحاله لايظن أن مشاركاته مهمله لأنه مثل مايتواصل
معاهم رح يلاحظو وجوده الدائم وبالتالي رح يتواصلو معاه
قد ما يقدرو وعلى حسب وقتهم .. ترى الدنيا مشاغل وهموم
وموكل وقت الانسان يقدر يرد ويناقش أوقات يقرأ موضوع
أو مشاركه تعجبه ووده يرد بس أفكاره ماتكون حاضره بوقتها
يتركه لوقت ثاني ويرد عليه .
تحياتي
رد مع اقتباس
المفضلات