بسم الله الرحمن الرحيم

حقيقة أنا أرى في عائلتي طفل كثير الشبه بتصرفات طفلك , وهو " ابن اختي " أكمل عامة الرابع قبل أيام ..
أبن أختي يغسل الكنب بالعصير , يرمي الجوال من النافذه ,يصب الماي في الصحن ..يشخبط عالكنب عالجدار عالارض ..
اختي بدأت وياه بطرق وإلى الان مافادت وياه , حتى العقاب الصارم صار مزحة ثقيله عنده..
لكني في بعض النقاط شفت انه بدأ يمشي كويس , مثلاً هو كان يحس ان امه وابوه اخذوا فكره سيئه عنه انه يخرب ويعفس و و الخ
وبهذا مره من المرات ابوه حذره ..ولكن ردة فعله كانت العكس عاند وسوى اللي ابوه مايبيه يسويه ..عشان يثبت لابوه انه كان ممكن ينوثق فيه بدون تحذير وقال لابوه : لو انت قلت لي انت شاطر ومابتسوي , ماكنت بسوي
فالمهم انش تعطينه الثقه في بعض المواقف .. ولقيت مسألة اعتذارك انتي او ابوه يعزز الثقه بنفسه , فلو غلطتي بحقه انتي او ابوه اعتذري ووضحي له انه شخصيه مش مهمشه ..وعلميه على انه يعتذر لو أخطأ بدون ماتحسسينه ان الاعتذار صار وسيلة لانهاء العقاب ..فالاعتذار يقلل من حجم العقاب..فقط ..

كذلك شفت ان ولد اختي تعمق باللغه العربيه الفصحى في افلام الكرتون , وشفت ان الكلام اللي اقوله له صار مايمهمه , فلو حاولت اقنعه مايسمعني ..لكني الحين صرت اتكلم معه بالفصحى وصار انصاته لي اكثر من قبل , فحاولي توصلين لنقطه يسهل فيها استماعه لك ..
جربي معه بالالعاب , ممكن الالكترونيات تجذبه اكثر وبذلك تقل حركته , ولكن اقنعيه انه الحركات بس في هالالعاب وافلام الكرتون بس في الحقيقه فالولد يكون مؤدب ..كرري عليه انه صار رجال ..وانش تحبين الاولاد الكبار ..
- مسألة الهدايا خليها تكون متباعده , لانه بيستهتر بالطريقه اللي حصل عليها ومابيبذل جهد عشان ينال رضاك ..
- لو اصر على امر لاتعاندينه انتي فالصفة يمكن اخذها منك او من اللي حوله من موقف او اثنين بس ..
اقنعيه ولكن لاتقولين له : لا

واعتقد لو كان حولة اطفال فتصرفاته بس عشان يثبت نفسه ..بينهم ..
أما مسألة صحوته بالليل وهو يصرخ فهذا بس من فرط الحركة اللي عنده فكل اللي يسويه بالنهار يطلع عليه بالليل ..
حاولي انك تقرين آية الكرسي والمعوذات على اكله والماي ..واذا جا ينام عودية انه يقرأ سورة الفاتحة والتوحيد..وان شاء الله ترتاحين ..وعلى قولتهم " يكبروا ويعقلوا "..


صحيح اني مش ام وادعي من ربي اكون ام لطفل هادئ جداً ..
لاني وان كنت خاله بس اعاني من شطانة الاطفال
..
ان شاء الله اكون افدتك ..خيه



مشكورة أختي أخرى على النصائح وأنا أجد أن العقاب بشدة ما يأتي بنتيجة

والله يرزقك الذرية الصالحة أنشاء الله