المشاركة الأصلية كتبت بواسطة براءة من الحب
مرحبآ
كيف الحآل ؟
طرح رآئع جداً ، أخيراً حس فيني أحد
تدرين احس هالنآسات تتوارث الملآقة بشكل مش طبيعي
- تتوقعين هي السآلفة فيها ورآثة ولا عدوة بيئية - لو قلنا عدوة تتوقعين لها صلة بفصول السنة ولا بهرمونات الجسم -<< فلسفةٌ فارغةٌ لا تكترثي لها !
موقف من المواقف /
بزوآج صديقتي المقربة ، اجتمعنا أنا و هذيان و غبار الملائكة و بنت خآلي ،
جلسنا و فجأة تنط عندنا وحدة غثيثةأبد ما احبها !
سلمت و خلصت و ضلت واقفة على طرف الطاولة ، و بدت تحقيق معي :
- انتي فلانة بنت فلانة ؟
- إي ، و بداخلي [ يا ذكية أجل على أي اساس سلمتي علي إذا ما تعرفيني ]
( كملت )
- من عازمكم عالزواج ؟ من تعرفون أهل العروس ولا المعرس ؟
( جاوبتها بنرفزة )
- العروس و اهلها ، و نعرف اهل العروس [ النرفزة على أمل تسكت و تروح عنا بس مآشي أمل ]
( سألتني )
- ما جات الوالدة ؟
- لا .. [ ما تشوفين ،]
- ليش ؟
-، عندها ظرررف ..
[ زين ما ألحت تعرف الظرف بعد ]
- تدرسين ؟
- إي بالجآمعة ،
- أي سنة ؟ و شنو تخصصك ؟
(وقتها كنا بثاني أنا الحين ثآلث عجرت)
- ثآني ، تربية خآصة
سكتت شوي و رجعت تسأل:
- ليش كآشخة هالكثر ؟ هالقد غاليين عليك ؟
( هنآ خلاص أنا ما تمالكت نفسي بصراحة/ طقت فيوزآتي)
- أولاً كيفي ، ثانياً انتي امي ؟ ابوي ؟ شدخلك يا شيخة ؟!!
[ شآن ترد بكل وقاحة ]
- هييه انتي لا تعلين صوتك ، ماغيرك متكبرة و شآيفة نفسك و النآس تشوفينهم صغآر حولك ،
( صرآحتن حسيت بصييح، انقهرت بقوة من هي عشان تقيم شخصيتي ولا تآمرني ؟! )
رديت :
- خلآص يوم إني متكبرة وش له متعنية لي و جآية من طاولتك لطاولتي / هآآ ؟ /
تفضلي << طردة مش مقصودة ..
[ الشي الوحيد اللي صدمني أشكال صديقاتي ههههـ حسآفة ماصورتهم ، كل وحدة فآتحة عينها على آخر حد و فمها بعد - حمدلله ما انفجرت ضحك و خربت السآلفة - ؛ حليلهم خآيفين تصير هوشة- ]
بس السنيورة من جرأتها عطتني ظهرها و جلست تسولف مع بنت خآلي - صج وجهها لووح
بالنهآية يالله فكتنا و راحت ، و ارتحنا أخيراًأنا اعتذر جداً على عرض اسلوبي في المحادثة / لأنني أكره أن اكون كذلك ..
لكنني مجبرة مع هذه الفئة الغريبة التركيب !
و لستُ مجبورة على معايشتهم أو حتى مسؤولة عن علاجهم ؛ هؤلاء لا يُقدرون أحد .[ و مثل كذا أشكال ماتجي إلا بالعين الحمرة على أمل إنها تتغير ، لكنها أبد ما تتغير / صح دمعة ؟
]
و عذراً على السآلفة الطويلة العريضة / بس قولي إنها ضحكتك دموع ، لأن من بعدها أنا و الهوانم متنا ضحكتشكرآتي لروحكِ يا جميلة "
ياهلا وغلا والله....ياالله إنك تحييها ....
الحمد لله بخير وياك غناتي :)
خجلى منكم.....لتأخري ..
اسمحي لي غناتي بس تصدقي قرأت مشاركتك أول مااضفتيها ومت من الضحك ...
الموقف من جد يخلي الواحد مايعرف وش يسووي ..يعني الواحد ينرفز ولا يضحك ولا يتجاهل ولا كيف يتصرف...!
يخلوا الناس تطلع من طورها ..وتتعامل معهم بشكل غير مُحبب.........بس لك حق..صدقيني لك حق >>>تقولها من قلب...
يعني ردة فعلك كانت طبيعية ...خصوصاً لما السالفة تعدت حدها ...
ياحبيبة قلبي...بسم الله عليك وعلى فيوزاتك يااااارب...
والله لايكدر خلقك ومزاجك .....
تدري حسيت نفسي شهدت الموقف معك لأن اسلوبك كان واضح الملامح بقوووة ..
عندك اسلوب روائي مُحترف..وش رايك تكتبي رواية >>فاضية موو...! الناس في ويش وهي...!!>>> هذا الكلام خارج عن النص
تسلمي ياحبابة انتِ..ويسلم قلبك يااارب...
سعيدة لهطولك الغالي ..ولاطلالتك الغنية بالجمال...
موفقة لكل خير إن شاء الله تعالى
دمتِ بعين المولى الجليل
رد مع اقتباس
المفضلات