المشاركة الأصلية كتبت بواسطة دموع الوحدة
وعليكم السلام ورحمة الله وبركاته
اللهم صلي على محمد وآل محمد
اللهم صلي على محمد وآل محمد
بما إني أمر بحالة نفسية صعبة ههه!!<< ثالث ثانوي
فراح اقول راايي
أنا أشوف إن هذا الشيء ابدا ابدا ابدا مو عيب عكس نظرة الناس ليه يعني
اللي يروح لدكتور نفسي مجنون << عقله ضارب
هذا الشيء مو صحيح
بالفعل هذا كلام غير صحييح ابدا
ممكن يكون الدكتور النفسي
دكتور
ومرشد
وصديق
واخ
وو
انسان يسمعك ويش تقوول
وراح يعطيك حلول بعد
يعني مو انسان ببلاش :p
فور اكزامبل / إنسان شاب طيب ,, خلوق ومؤدب وخوش إنسان
خلص مرحلة إبتدائي كبر ماصار طفل وراح لمتوسط
إنتقل لعالم جديد بالنسبة لوضعنا حاليا واول متوسط حاليا فهذه مرحلة مرة مرة مرة مرة حرجة في كل الاتجاهات
في المدرسة << مكان جديد
في الاصحاب<< توه يتعرف عليه
في المواد<< مطورة صعبة
في المعلمين << جدد مايعرفهم
في نفسه<< دخل مرحلة المراهقة وهي مرحلة حرجة ولازم الوالدين يعرفوا يتعاملوا وياها ومع الاحترام للابوة والامهات شديد الاحترام وانا لا اعمم ولكن نصهم مايعرفوا يتعاملوا وي هالمرحلة
صحييح هناك الكثير من المشاكل بسبب عدم معرفة الابوين كيفية التعامل مع الابناء
بالتالي يتوجهون الشباب لشخص آآخر يعتقدون انه يحسن التعامل معهم لذا نرى كثير من المشاكل
التي تحدث بسبب هذا الامر
اشوف صديقاتي يعانوا من اهلهم واجد يعني عندي وحدة من صديقاتي عمرها امها ماجت قعدت وياها تسولف وياها!!
حتى لو في أمور عادية
تقول العلاقة وي أمي مرة سطحية !!!
في هذه المرحله تحتاج الفتاة لمن يقف بجانبهاا من الاهل فهي في طور التحول والحاجه الماسه
لمن تحكي له ما بداخلهاا فإذا لم تجد هذا الامر فإ،ن ذلك قد يصل لما لا يحمد عقباه
لانهاا ستبحث عن احد يستمع إليهاا ويشعرهاا بالحنان الذي تفتقده وهنا تكمن الخطوره ،،،
اقول لها أنا أمي لازم كل يووم أروح أقول ليها وشو يصير ليي من أول مادخلت المدرسة لين ما أطلع !!! نص اليوم أسولف وياها وهي تسولف وياي عن مدرستي مدرستنا بيتنا اخوتي ابوي كل شيء
يعني اتخيل اني يوم ما اقعد وي امي !! اسولف وي من تجيني فوحة هااع
الله يخليها ويحفظها لش
فالشاب في سن المراهقة يحتاج أحد يسمعه أحد ينصحه أحد يوجهه بدون مايحس !!
فغالبا ما تشووف اللي عندهم هالنقص ماعندهم احد يسولفوا وياه كبير وحتى بعضهم ماعندهم هالنقص
يماشوا ناس كبار في العمر !!! مو من سنهم يعني شاب ولد 12 سنة يماشي ولد 25 !!!!!
بعدين لما يكبر ويصيروا اثنينهم كبار هذا شيء عادي بس في هذا السن له اذا صادقه وشو بتكون النتيجة
الولد ولد 12 سنة مسوي ولد 25 قدوته !!!
دخن دخن زيه ,, لبس شورت لبس زيه ,, غازل غازل زيه ,, ليش !!!
للاسف هذا صحيح
لأن باعتقاده إن هذا الشيء الصح !!! وإن الكبار كلهم يسووا كذا
والله يهديه ولد 25 بدل ما يوجهه يخرب الولد !!
فلو مودينه لدكتور نفسي
مو شرط اسبوعيا مثلا ان شاء الله شهريا لو كل شهرين مرة
الولد يرتاح هذا فرض
وممكن فرض ثاني إن مايتقبل هالشيء وأتوقع يكون هذا الفرض في الأولاد أكثر من البنات لأنوو أحس البنات يتقبلوا أكثر
يمكن صحييح
فزي ما الناس تحتاج والولد يحتاج هالدكتور الواعي يحتاج أهل واعيين قبل هالدكتور لأنهم لو كانوا موجودين ماكانت صارت هالمشاكل كلها صحيح فيه بعض الاستثناءات بس مو واجد
يعني صحيح إن هالدكتور مو ملاك نازل من السماء بس ممكن إنه يتناقش وياه لين مايقنعه ويغير رايه يعرف يتصرف وياه إذا الأهل مو عارفين
طيب
الحين لما الواحد يروح لدكتور نفسي جايتنه حاله إكتئاب وشو الجنون فيها
يعني أنا مسكينة مثلا حالاتي المستعصية !!
وغيري من بنات دفعتي
نبغى كلمة بس تدفعنا لقدام
كلمة مشجعه
كلمة تبرد القلب
مدح ثناء شيء
مانلاقي إلا التهزيء !!!
واللي مكبوت ما يفضفض << زيي
ويش بيصير فيه
بينفجر في النهاايه
بتشوفوه يدوور في الشوارع مستخف !!!
اتكلم جد والله ما اسخر بعض الحالات توصل للجنون
بتقولوا ابالغ
لا ما ابالغ
ابدا هذا كلام غير مبالغ فيه وقد رأيت بعيني هذه الامور
طبعا كل طالبة وطالة عنده ظروف في بيتهم
طيب
يجي واحد ظروفه في بيتهم مرة مرة مرة متأزمة
والحياة مقفلة في وجهه
ويقوولك بعدين مثلا أحد من أهله صابه مرة ياكافي الشر
وبعد صديقه مثلا الله لا يقولها توفى
وبعدين يجي بعد هالضغووط النفسية كلها اللي ماتعالجت
يحل ورقة الاختبار يزفتتت
يطلع مستخف !!!!!!!!!!!!!!!
كثرة الضغط تؤدي للانفجار !!
صح أو
بعض الأمهات الله لا يقولها الفاقدين
لا تفكروهم ينسوا
ولا راح ينسوا ويبقى هالالم ولا يتعالج
صحيح هو يبقى بس شوي غير عن واجد صح ؟!
حالات الطلاق المشاكل الأسرية الزوجية
الواحد يبغى يلجأ لأحد يحل له المشاكل إذا تأزمت الأوضاع ووصلت حدها !! يبغى يفضفض
ليست أكثر من مجرد فضفة
نهاية
فيه شيء أهم من هذا كله
* التمسك بآل بيت محمد تبعدك عن الهموم
* المحاضرات والاستماع إليها باستمرار والثقافة تقلل في هالمظاهر يعني إذا خطب الشيخ في محرم الكل يسمع له
بس يعني تلاقي بعض الشيووخ في محرم يختاروا مواضيع ماليها داعي يعني انت استغل ان الشباب كلهم موجودين واخطب في شيء يجذبهم كلهم ويستفيدوا منه !!!
ملاحظه هااامه بالفعل وانا اايد هذه النقطه
انا اعتبرهم عاملين مهمين
والعامل الأهم الأهم
هو الأهل ,, راعوا الإنسان حرام إنتوا تضغطوه والمجتمع يضغطه والحياه تضغطه والدنيا تصفعه من كل إتجاه
مشكور أخوي نبراي على الموضوع :)
الشكر ابعثه لكم ولهذه المشاركه القيمه
تقبلي تحياتي واتمنى لك التوفيق
رد مع اقتباس
المفضلات