قصة حب ـ^ـ ريم ويوسف ـ^ـ

اليوم جايبة لكم قصة سعودية من اجزاء رووعة مرة

واليوم بنزل الجزء الاول اذا شفت ما فيه تفاعل ما بنزل واذا في تفاعل راح انزل الباقي

يوسف و ريم قصة حلوة
:::::::::::::::::::::::::::::::::::::::::::::::::: ::::::
الجزء الأول
=======


الام:ريــــــــــــــم..ووجع ان شاء الله, يلا الاكل جاهز له اكثر من ساعة وانتي قاعدة قدام هالبلوى اللي تسمونه انترنت..خلاااااااص قومي والله ان عيونك بتنعمي من كثر ما تطالعين بهالشاشة وملزقة وجهك فيها..انا بس ابي افهم وش تطقطقون عليه وش الشي اللي يخليك تقعدين عليه طول هالمدة..اقول قوووومي يله اخلصي وترى والله لو ما قمتي اني لا احرمك منه بالليل ( اليوم اربعاء يعني حرمان الانترنت كانها بتقفل عليهابغرفة بدون اكل او شرب)..
هذي حالة ام ريم مع بنتها كل يوم مطاق وهواش بسبة الانترنت وما صبر الام على بنتها الا انه البنت باقي فيها خير لامها واخواتها..يعني ما تترك صلاة ولو انه بعض الاحيان تأخر صلواتها..ودراستها ماشية تمام يعني علاماتها كويسة..بالنسبة لوحدة مرابطة قدام هالشاشة !!
وصلنا لريم..ريم بنت مملووووحة,عمرها 17 سنة,في ثاني ثانوي !! والكل عارف وش ثاني ثانوي انواااااع التطنيش والوناسة,شعارها في الحياة ( طنش تعش تنتعش ) هي نست مقطع اللي هو وفي النهاية تبتلش,

مرجووووجة الى ابعد الحدود,تحاول باي طريقة انها تصير عربجية على بالها يعني حركة لكن في الواقع ((ماعندها ما عند جدتي)) يعني تخاف من ظلها بس ساعات القوة تجيب معها نتيجة,والاغرب من هذا كللله انها علمي ؟!؟! ((woooooow))
الحين نشوف ريم وش قاعدة تسوي على الانترنت...<<الله من اللقافة
طببببعا اول شي تفتحه ريم اوول ما تشبك هو الشات وتبدا مغامراتها
وطواااالة اللسان شغالة,اول ما تدخل تبدا مطاق مع فلان وتريقة على فلان وقااااالبة هالروم فوق تحت والبنات ما تقرررررب عندهم على بالها مسوية اخلاق وذوق انها ما تأذي بنات جنسها (ايه هين)
ريم: اهليييييييييين شباب وبنات..كيفكم؟؟ هااااه انا متاكدة انكم اشتقتو لي عشان كذا جيت..طبعا هي من اول ما تدخل وهي حااااااااااااااايسة العالم راااااااجة الناس كلهم ما تترك احد الا تضاربه وما يسلم احد من لسانها بس فوق هذا هي تلتزم بحدودها يعني كل الكلام اللي تقوله ما يتعدى المزح والاستهبال..طبعا بعد ما تعبت من كثر ما طقطقت على الكي بورد قررت انها تطلع طبعا مو لله بس لان وراها طلعة من البيت بس قبل ما تطلع كان فيه واحد بنفس الشات يتفرج ويراقب كلام الناس ما لفت انتباهه من كل هالعالم الا ريم..ليه ؟؟ وش الميزة ؟؟ هو نفسه ما يدري الى الحين ايش الشي اللي لفته بهالبنت حاول يكلمها بس طبعا ما عنده الجرأة انه يكلمها مع هالناس والعالم,لانه كان متاكد انها ما راح ترد عليه واذا ردت عليه بتهزئه وبتكرهه بالساعة اللي تكلم فيها..فكر وقال انه بيكلمها برايفيت(خاص)
حاول كم مرة يكلمها وهي كل مرة تسكر قبل حتى لو تشوف الاسم..بس لاول مرة ترد عليه..
قال:السلام عليكم..قالت:وعليكم السلام..قالت:معليييييش اسفة والله لازم اطلع تاخرررررررررت والا بيروحون ويخلوووني اشوفك بعدين بالليل بالليل
هو ما يدري وش السالفة !!!!!!!! بس يكفي انه سمع منها كلمة يعني قالت له بالليل!! يعني عطته فرصة حتى لو كانت تصرفه بس هو يبي يستغل اي فرصة.....طلعت ريم وهي ما تدري اصلا مين هاللي كلمها بس هي ما تنسى اي اسم يمر عليها كان الاسم (يوسف) !! مين هالشخص ؟



يوسف..ولد عمره 23 سنة تقريبا,متخرج وموظف ببنك,وهالانسان ما عنده اي طموح او هدف بحياته,عايش على الروتين,الدوام من الصبح الى العصر يرجع للبيت ياكل وينام الى المغرب,يقوم يقعد مع اهله واخوانه(ما عنده اخوات)..وبعد المغرب على الانترنت يقلب بالمواقع,والشات وينام وهذي حياته..(ما الومه اذا طفش من عمره).
-------------------------------------

الروووواية شكلها روووووووعة
ننتظر البااااااارت الثااااااااني

يسلموووو على التوااجد..
منووورة بنت عمووو
ان شاء الله راح احط بارت واحد ...
تحياتيـ..
مجنونة وحلوة

وااااااو روايه روعه
يسلمو خيتو مجنونه وحلوه
يلا اني من المتابعين
بس مو تطولي علينا هاا
تحياتيـ ..

مشكووووووورة خيتووو فروووشة..
والحين راح انزل باررررت
تحياتيـ..
مجنونة وحلوة

:: الجــزء الثــاني ::

اليوم: الاربعاء..الساعة:12 بالليل..المكان:بيت ريم..

ريم: اففففففف اخيييييراااا..رجعت البيت..وهالبزران نامو اعوذ بالله ما ينامون الا بالمطاق..

(طبعا الحين ريم بعد ما تأكدت من ان كل اللي في البيت نايمين وخاصة امها..توجهت للكمبيوتر كعادتها وأنتم عارفين وش راح تسوي كالعادة..يلا نشوف)

ريم: اهلييييييين شباب وبنات كيفكم ؟! طبعا مثل ما وعدتكم العصر يعني ما شاء الله علي انا عند وعدي..(وكالعادة نفس المواضيع ونفس الكلام ونفس الحالة)..بس في هالوقت كان يوسف ينتظر على احر من الجمر انه ريم تدخل..شافها..قرا اسمها..مررررة انبسط وراح يكلمها..بس تردد !! خاف ما تذكره..خاف ما ترد عليه..بس بالاخير تشجع وتوكل على ربه وكلمها..

يوسف: السلام عليكم

ريم: اهليييين وعليكم السلام

ريم: اهاااا عرفتك انت اللي اليوم كلمتني وانا كنت بطلع معليش اعذرني..

(يوسف مرررررة انبسط انها تذكرته)
يوسف: ايه انا..لا عادي عاذرك بدون ما تقولين..بس ما كنت متوقع تتذكريني
ريم: افاااا..وش دعوة تراني ريم..لووول
يوسف: والنعم والله بريم..لا يكون ازعجتك او عطلتك عن الشات والناس؟!
ريم: لالا عادي لاحقة على المضارب..اصلا الشات اليوم طفش ما عندهم ما عند جدتي ( طول اليوم بالشات وتقول ما عندهم ما عند جدتي)
يوسف: لا من جد انا ما ابي اسولف معاك وانتي ودك تسولفين معاهم خذي راحتك وانا انتظرك متى ما خلصتي انا موجود..

ريم: يااااخي قلت لك مابي اسولف معهم غصب هو لوووول
(ريم ما تبي تسولف معاه لله بس فيه واحد بالشات تتهرب منه ولا تبيه ينتبه لها مع العالم )..
ريم: لا يكوووون انت ما تبي تسولف معاي بس ودك تلزقها فيني..ترى عادي اعترف..
يوسف: هههههه انا ؟؟ لا والله حرام عليك انا ما ودي اسولف معاك ؟؟ والله ما صدقت بس اتجرأ واكلمك لا والاحلى من هذا انك رديتي علي
ريم: افففف لهالدرجة انا اخوف..اثري اخوف وانا مدري لووول
يوسف:لا والله ما امزح كنت متردد كثييير قبل لا اكلمك..وحاس انك بتهزئيني
ريم:لا وش دعوة ترى انا ملسوووووونة..بس كله مزح ولعب مو اكثر من كذا..

يوسف: ايه مو القصد كذا بس انتي لك هيبة يعني شخصيتك قوية..

ريم: لوووووووول انا شخصيتي قوية ايه هيييييين...بس بس ترى اخذ بنفسي مقلب ويكبر راسي..

يوسف: يحق لك اذا انتي ما شفتي نفسك اجل مين يشوف نفسه ؟!
(ريم ما قدرت تهزئه زي باقي الناس اللي اول ما يقولون كلمة او حتى يلمحون بمدحة لريم قلبت الدنيا على روسهم فسكتت ولا تكلمت)
يوسف قطع السكوت..

يوسف: ريم

ريم :هلا

يوسف :اقولك شي ولا تستغربين ؟؟

ريم:قووول
يوسف: انا صار لي تقريبا اسبوعين وانا اراقب كلامك..ما اقصد الكلمة بمعناها بس اللي اقصده اني اتفرج على كل كلمة تقولينها..وكل تصرف تسوينه..وعرفت انك غير البنات اللي هنا..

ريم: !!!!!!!!!!!!

يوسف: لا تستغربين انا اكلمك جد..يعني انتي الوحيدة اللي ما تتكلمين بالطريقة اللي يتكلمون فيها باقي البنات..حتى اول كم يوم ما صدقت انك بنت كنت متاكد انك ولد..بس الحين تأكدت انك بنت..مهما حاولتي تخفين
انك بنت يبان بين الكلام اللي تقولينه..

ريم: الحييين قاعد تتكلم عني انا !!

يوسف: ايه...مو انتي ريم ؟؟ ههههه
ريم: الا هذا اللي خابرته لوووووول
يوسف: اجل انتي..
ريم: طيب يوسف ممكن سؤال ؟!

يوسف: تفضلي

ريم: الحين انت على قولتك شايف كلامي لك اكثر من اسبوعين..ليه انا ولا مررررررة وحدة شفتك تتكلم مع الناس يعني انا اصلا ما دريت انك موجود الا اليوم؟؟
يوسف:ما عندي الجرأة اني اتكلم بالطريقة اللي تتكلمون فيها..مو لسبب معين ولا لاني اكره المزح بالعكس..انا احب اقرا الكلام واضحك على اشياء معينة..بعدين على فكرة انا ما ادخل بس الشات..ادخل مواقع تفيدني..

منتديات تسليني..يعني اشغل وقتي باكثر من شي..بس انتي مررة لفتي انتباهي وخليتيني اركز على كلامك واتجرأ اكلمك..
ريم تقول بنفسها ( والله اللي موب انا ووجهي)

ريم: اها ما شاء الله اجل موب مثلي اللي ما اصبر اسكت وانا بالشات لازم احوس العالم..لووووول
يوسف:هههههه

(ريم مستغربة من هالولد..يعني مو معقولة يكون كلامه صادق ؟؟
قاعدة تفكر وتقول..هالولد يا انه صااااااادق..او انه شااااطر في اللعب بعقول البنات..والحين جا دوري يلعب علي..ايه نشوف.. يلعب بعقول الناس كلهم الا عقلي انا..انا محد يلعب علي)
يوسف: ريم

ريم: هلا

يوسف:انا عندي اسئلة كثيرة بس ما ودي اسئلها كلها مرة وحدة كاننا بامتحان..ان شاء الله من سواليفنا الااقي الاجابات..

ريم: يووووووه لا تذكرني بالامتحانات..ايه عادي اسئل اللي تبي لكن بحدود..ومثل ما لك الحرية انك تسال لي الحرية اني اجاوب اوكي ؟
يوسف:ايه وش دعوة..بس انا ابي اقولك شي انتي بعد يحق لك تسأليني اللي تبين وبدوووون حدود..
ريم:اوكي..

(سكوووووت ولا احد يتكلم كل واحد ينتظر الثاني يبدا)

ريم:اييييه وكيفك بعد ؟؟
يوسف:تمام..هااه ما ودك تسولفين مع الناس ولا حتى تشقرين عليهم؟
ريم:لووول لا خلاص مدري وش فيني اليوم ما لي خلقهم..اكيد حسدوني
بس على ايش يا حسرة..لوووول
يوسف:ريم..لاحظت شي..

ريم: وشووو ؟؟

يوسف:بالبرايفيت(الخاص) انتي مرررة غير اذا تكلمتي مع الناس..
ريم: غير!! كيف غير
ريم: يوووووووووووه اذذذن لازم اطلع معليش لازم اروح اقوم امي وابوي للصلاة والا صفقوني..

يوسف: ريم لحظة
ريم:لالا اسفة معليش لازم اطلع اشوووووفك بعدين لازم تقولي وش هالشي اللي غير!! مع اني عارفة ان اللقافة بتاكلني من هنا لبكرة

لوووول..

يوسف:هههههه لا بسم الله عليك..
ريم: يله تصبح على خير..ولا تنسى الصلاة

يوسف: وانتي من اهله..ان شاء الله

ريم :بااااااااااااي
يوسف: فمان الله



وان شاء الله تعجبكم
وانتظروا التكمله

وتابعوا مو وماتردوا والقصه حلو ومشجعه

يالله بسرعه نبغى الجزء
تجنن صراحه
يسلمو خيتو مجنونه وحلوه
بانتظار الجزء بشووووووووق
تحياتيـ ..

مشكورة على مرووورش الحلووو
راح انزل البارت ان شاء الله الحين
تحياتيـ..
..مجنونة وحلوة..

(ومر على هالحالة أسبوعين..ريم ويوسف تقريبا يوميا سواليف واستهبال مع بعض لكن كل سواليفهم كانت سطحية..يعني لا ريم تعرف عن يوسف شي ولا يوسف يعرف عن ريم شي..اهم شي انهم كانوا مبسوطين..وكان كل كلامهم ضمن الادب والاحترام محد يتعدى حدوده بالكلام)

وفي الشات...

يوسف: وين ريم؟! غريبة!! انا لي اكثر من اسبوع ويمكن صارت اسبوعين وانا الى الحين ما شفتها..وش صار لها..لا يكون صاير شي وانا ما اعرف عنه..ما قالت لي بتغيب كل هالمدة..مو معقولة تترك الشات فجأة بدون سبب؟!
ومين انا اصلا عشان تقولي انها بتترك الشات...
(كل هالتساؤلات براس يوسف..ما يدري وش صار بريم..وش سالفتها بالضبط ليش هالغيبة فجأة..)

وفي المدرسة..

الجوهرة:ريـــــــــــــــــــم..يلا اخلصي علينا كل هذا تراجعين يله بسرعة بيبدا الاختبار ولا يدخلونا القاعات..
(هذي الجوهرة صديقة ريم بالمدرسة وعلى قولتهم صديقة العمر..من ايام الابتدائي..وكل وحدة تعرف الثانية زي ما تعرف نفسها)
الجوهرة: شوفي والله لو ما تركتي الكتاب لا اطلع واخليك لحالك..والا ترى باخذ الكتاب ارميه..يعني مرة مقطعة المذاكرة مالت عليك
ريم: يوووووه اصبري انتي خلاص خلصت اعوذ بالله واصلا مين قالك بيبدون الاختبار وانا ما جيت اصلا ما يقدرون..
الجوهرة: ايه هين ومين انتي عاد
ريم : انا رييييم..
الجوهرة:اقول لا تتفلسفين علي يله امشي لا بكف
ريم: اف وصلت للكفوف يله يله مشينا
الجوهرة: <<تبتسم ابتسامة النصر<<موب الهلال <<هاهاهاااااي
وبعد الامتحان نزلو ريم والجوهرة للساحة..
ريم: هاه الجوهرة وش سويتي ؟؟
الجوهرة :والله الحمد الله ماااشي الحال يعني ما تركت ولا سؤال فاضي
ريم:مالت عليك يعني هذا اهم شي ولا سؤال فاضي..قولي ولا سؤال غلط
الجوهرة: تكفين ياللي الحين انتي مية بالمية صح
ريم: هههههههههه ايه افا عليك
ريم:اففف الجوهرة تخيلي من اول الامتحانات ما دخلت الشاااااات.. والله متى تخلص عشان ادخل من جد من زمان عن المطاقات
الجوهرة: المطاقات هاااااااااه ؟! علينا ريمو علينا..والا اكيد مشتاقة للحبايب..هاااه اعترفي اعترفي..(الجوهرة عارفة كل السالفة)
ريم:اي حبايب؟؟ حبك برص..حباااااايب مين اقول ضفي انتي واياه
الجوهرة:هههههههه امزح يختي حرام امزح..والله انتي مع الامتحانات ما ينمزح معاك اعوذ بالله
ريم:ههههههه ناس ما تجي الا بالعين الحمرا..
الجوهرة: اقول ضفي بس
الجوهرة: الا ريم انتي ما تدخلين الانترنت ابد ؟؟ شلون تقولين واصلك ايميل مدري وشو
ريم: الا ادخل بس الايميل اشيك عليه عشان ما يسكر واطلع
الجوهرة: طيب يعني ليه ما تدخلين الشات بالوقت اللي تشكين علىالايميل
ريم:صاحية انتي..انا اشيك الايميل بخمس دقايق لو فتحت الشات قعدت ساعتين ونسيت الدنيا يعني ودك امي تشيل الكمبيوتر بكبره..
الجوهرة: يوووه امك تروع.. اجل لالا خليك كذا بس ما بقى شي وتخلص الامتحانات اصبري اصبري وبعدين تدخلين على كيف كيـــــــــفك..
ريم: ايه والله هانت انتي بس اصبري تخلص الامتحانات وانا بطلع حررررتي
الجوهرة:عاد تخيلي بعد كل هالصبر امك تشيل الكمبيوتر..عشان نتيجك اللي كانها وجهك هههههههههههه
ريم: ههههههه لالا الله لا يقوله..عاد من ناحية انه النتيجة اذا بتطلع زي وجهي فهي تهبل
اما المصيبة اذا كانت زي وجهك انتي..
الجوهرة: اقول يلا عاد ترى انتي ما تنعطين وجه يله فتحو البوابة..قومي بنرجع بيوتنا يله

(وانتهت الامتحانات على خير..وريم ما صدقت على الله انها تخلص..وافتكت من المذاكرة والقلق..ورجعت للبيت اخر يوم وهي مبســــــــوطة..)
ريم: مــــــــــــامــــــــــا... يمممممممممممممه واخييييييييرا خلصت.. اعوذ بالله ما بغيت اخلص..
ام ريم: ههههه المفروض تقولين الحمد الله موب اعوذ بالله..يله يا بنتي الف مبروك ان شاء الله عاد النتيجة تبيض الوجه..
ريم: ايه افا عليك اكيد تبيض الوجه.. انا بنتك ما تعرفيني
ام ريم: ايه المشكلة اني عارفتك وخايفة ان نتيجتك مثل ما اعرفك..
ريم: افااااااااااااااااا لا وانا بنت ام ريم هههههههههه
ام ريم: ان شاء الله عاد يصير كلامك صح واشوف نتيجة حلوة..والله انك هالترم شادة حيلك احسن من الترم الاول..يله الشدة كلها السنة الجاية
ريم: يووووووووووووووووه يمه انا ما صدقت اخلص ثاني ثانوي الحين وانتي تجيبين طاري ثالث تراني مبسوطة عاد لا تخربين علي
ام ريم: ههههه طيب طيب خلاص
ريم: يله عاد يمه استأذنك بروح ارابط عند الانترنت
ام ريم: ايوه بدينا توني اقول يا حبيلها قاعدة تسولف معاي ونست الانترنت
ريم:عاد يمه وشو..يعني حرام عليك كم لي الحين ما دخلت الانترنت..(ريم قامت تسوي حركات عشان امها ترحمها)
ام ريم: طيب طيب خلاص روحي الله يعيني عليك
ريم: ياااااااااااحبيلك يا شيخة
ام ريم: لا والله اصغر عيالك انا ؟؟ تقولين يا شيخة
ريم: هههههههه لا قصدي يا شيخة الزين كله
( تركت ريم امها وراحت على غرفتها ودخلت الانترنت..ما صدقت نفسها من الوناسة..
نفس الاشياء اللي كانت قبل الامتحانات ما تغير شي الشات والماسنجر وطبعا الشات اهم شي الحين..)
ريم: يوووه من هاللي مسوي لي اد عاد مالي خلق مثل كل مرة اتضارب..بروح الشات واطنشه..
ريم: الســـــــــــــــــــــلام عليــــــــــــــــــكم بنات وشباب من زماااااااااااان عنكم
( وبدت ريم مغامراتها...وبعد عشر دقايق تقريبا كان اللي مسوي لها اد اون لاين بس ما تجرأ يكلمها وهي نست سالفته ولا درت عنه حتى ايميله ما انتبهت وشو..ارسل لها ايميل)
ريم:وش هالايميل من مين ؟!
الايميل>> اغنية لراشد الماجد.
ريم:الله من الميااااااااااااااااااانة..مين هذا اللي مرسل لي الاغنية لا ويعرف يختار اغاني
هههههههه
ريم: بسم الله بدينا مطاقة جديدة..اهلين..اقول انت ياالاخ..يعني مسوي لي اد ومدري من وين طلعت لي ومن زود الميانة مرسل لي اغنية لا واللي زاااااااااااااااد الطين بله اغنية (وحشتيني) ليه شايفني حبيبتك اللي ضاعت والا اللي نسيتها عند باب المسجد
وحشتيني وجيت اسال: بسم الله
وحشتيني وجيت اسال:وعليكم السلام
ريم:لووووول ايه نسيت السلام عليكم + المقدمة اللي فوق
وحشتيني وجيت اسال: كيفك ؟؟
ريم: وشششش كيفك بعد تسالني عن كيفي والله مالي كيف لووووول واغني بعد
وحشتيني وجيت اسال: هههههههه
وحشتيني وجيت اسال: انتي وينك غايبة كل هالمدة ؟؟
ريم: انا ويني ؟؟ اقول من متى المعرفة
وحشتيني وجيت اسال: انتي ريم..المعرفة اممممم من زمان
ريم: اقول لا يكثر مين معاي ؟؟
ريم: الو؟؟ ويييييييييينك انت
وحشتيني وجيت اسال: اقول ريم انا بطلع اصلي اشوفك بعد الصلاة
ريم: وش اللي اشوفك بعد الصلاة لا اشوفك ابد بس قولي مين انت
وحشتيني وجيت اسال: انا يوسف..بااااي لازم اطلع
ريم: يوسف !!!!!!!!!!!!!!!!!!! وش يوسف
وحشتيني وجيت اسال ( اوف لاين)
ريم: يوووووووه هذا طلع وش اللي يوسف!! لا يكووووون هذاك ما غيره

هههههه حلوه وش يوسف هذاك ماغيره
يسلمو خيتو مجنونه وحلوه يلا نستنى الجديد
تحياتيـ ..

يسلمووووو على التوااجد
منووورة صفحتي...
ان شاء الله راح انزلها غداً
واذا في تفااعل بحط جزئين..
تحياتي.. مجنونة وحلوة

:: الجـزء الثـــالث ::

اليوم: الخميس..الساعة: 10بالليل..المكان:الفيصلية !!

(طبعا اليوم الخميس يعني اكيد ريم وين بتكون غير بالسوق تدور وتتفرج على هالعالم وخصوصا الفيصلية سوقها المفضل,وما غير تدوووور مترت الفيصلية رايحة جاية)
ريم:يمه..خلاص طفشت يله نرجع للبيت
ام ريم: لا والله طفشتي..انا توني ما خلصت باقي اشتري ملابس لاخواتك
انتي وش عندك مستعجلة تونا ما صارت الساعة 10.
ريم:هاه..لا بس خلاص مليت
(ريم زيادة على الطفش كانت متضايقة من تحرش الاولاد فيها والكلام السخيف والحركات التافهه<<<بعذرهم لانها ما تتغطى !! )
ام ريم:يله ريم تبين شي والا نرجع
ريم:لاااااااااااااااا مابي شي يله نرجع

(دخلو البيت وريم على طووووول رمت العباية والجزمة وعلى الكمبيوتر)
ام ريم: ما شاء الله بدينا..يابنتي ما امداك تدخلين مع الباب طيب على الاقل قومي غسلي غيري لبسك..مو على طول على الكمبيوتر..
(ريم ما تدري امها وش قاعدة تقول متنحة بالشاشة)
ام ريم:انا اكلم جدااااااار ؟!.. وجع ردي
ريم:نعم يمه..
ام ريم:شوفي ترى من الحين اقولك ما فيه قعدة للفجر زي امس والا والله لا اقول لابوك يشيل الانترنت بكبره..فاهمة والا لا ؟؟
ريم:طيب طيب فااااهمة ( خافت لا امها تقطع الانترنت من جد)
(راحت ام ريم وتركتها وريم قاعدة كالعادة نفس المواقع نفس الصفحات ما فيه شي جديد وتوها تفتح الماسنجر)
ريم: يوووووه مين هاللي مسوي لي اد ؟! اففف الله يعيني بس احلى شي اني لقيت احد احط حرتي فيه واتضارب يعني انواع الوناسة<<شرانية..
(ريم كانت فاتحة الشات بس ناسيته ومستلمة هاللي مسوي لها اد بالاسئلة والتهزيء)
ريم:اقوووول اخلص علينا يابن الناس وقلي من وين جايب ايميلي ؟؟
(يعني ياريم من وين بيكون جايبه الا من هالمليون قروب اللي انتي مشتركة فيها اكيد من الفوروورد,والولد عاجبه الوضع يعاند ولا يبي يقول لها من وين جاب الايميل)
ريم:اقوووول جعل عمرك ما قلت من وين جايب الايميل يله حط لي بلوك وانا بصكك بلوك بعد..
(واستمرت هالمضاربة بينها وبين الولد..وبهالوقت يوسف دخل الشات ولا كان يدري عن ريم لانه ما يشوفها تتكلم مع العالم كعادتها)
يوسف:وينها ريم ما اشوفها !! ابشوف ايميلي والمنتدى ويمكن بعد شوي تدخل..
(مر الوقت)
يوسف: مو معقولة الى الحين ما دخلت !! يمكن القى اسمها موجود بس هي مشغولة..هذي هي موجودة ! بحاول اكلمها واشوف وش قصتها
يوسف:اهلين ريم..
ريم:اهليييييين
يوسف: وينك !!!!!!!!!
ريم: يووووه نسيت اني فاتحة الشات قاعدة احوس ونسيت
يوسف: هههههه ليه وش قاعدة تحوسين فيه؟؟
ريم: لااا ابد بس واحد ناشب بحلقي..قاعدة اتضارب معاه وهو ما يبي يعلمني من وين جايب ايميلي..
يوسف: يعني من وين بيجيب ايميلك اكيد من الايميلات الثانية او من المجموعات اللي مشتركة فيها هذا المكان اللي يجيبون منه الايميلات
ريم: ايه عارفة بس ولو انا ابي اعرف ياخي كيفي لوووول
يوسف: اوكي بكيفك شوي شوي لا تاكلينا
ريم: لووووووول والله اني اخوف احم
يوسف: ههههه..طيب وش صار مع اللي ضايفك ؟؟ علمك من وين ايميلك؟
ريم: لاااااا هالقلق ما علمني.
يوسف: طيب وش بتسوين ؟؟
ريم: طبببببعا بحط له بلوك والا بعد..ما بقى الا هالاشكال بماسنجري
يوسف: هههههه طيب حطي له
ريم:لا اول شي بخليه هو يحط لي
يوسف:وايش الفرق ؟!
ريم: ما فيه فرق بس عناد لووووول
يوسف : الله يعينه عليك
ريم: اميييييين الله يعينه محد قاله يضيفني لوووول
ريم:برب بتفاهم مع هالغثيث
يوسف: تيت

(راحت تهزئه بكم كلمة ورجعت )
ريم:باااااااك وريتك فيه
يوسف: هلا ولكم
ريم: خليته يندم يوم سوى لي اد
يوسف: ههههه طيب حطي له بلوك وارتاحي
ريم : طيب طيب بحط
يوسف: احسن لك والله
ريم: بررررب هذا مدري وش يبي بالضبط
يوسف : تيت (يوسف عصب يبي ريم تركز معاه)
ريم:حطيييييييت له بلوك اخيرا
يوسف: ايه والله اخيرا
يوسف:خلاص فكينا من شره وتعالي هنا كلميني
ريم: (تعالي هنا كلميني !! والله يمون)
ريم:هلااااا ما قلت لي وش اخبارك هالولد خلاني انسى اسئلك
يوسف: انا بخيير نسال عنك..
ريم:احم الحين وش المفروض اقول ترى ما اعرف لهالكلام
يوسف: هو عادة الناس يقولون تسأل عنك العافية..بس انتي بكيفك
ريم: ( ما اعجبتني الكلمة وش تسأل عنه العافية ما بقى الا هي اقوله هالكلمة..بس والله استحي اطنشه..يله بقولها)
ريم:تسأل عنك العافية..
يوسف:تسلمين والله
يوسف:وبشريني عن دراستك انا ولا مرة سئلتك انتي بالجامعة؟
ريم:لوووول اي جامعة الله يهديك انا تووووني افحط بالثانوي
يوسف:ههههه تفحطين بالله انتي من وين تجيبين هالكلام..يله اجل الله يعينك على التفحيط بالثانوي
ريم: لوول اميييين
يوسف: طيب وكيف الثانوي لازم تشدين حيلك
ريم:ايه ان شاء الله بس انا مخليه الشدة على ثالث توني الحين فترة راحة
يوسف: ليه انتي بثاني ؟؟
ريم:يسسسس
يوسف: علمي والا ادبي @@ ؟
ريم:يخسى الادبي انا احم احم..علمي
يوسف: هههه مو باين على كل هالرجة
ريم:والله اني علمي عاد تبي تصدق صدق ما تبي عادي
يوسف:لالا روقي والله مصدق بس امزح معاك
ريم: ايه اشوا لووول
(ريم تذكرت ان المرة اللي فاتت يوسف قال انها غير بس كيف غير ما عرفت منه والحين بتموووت وتعرف وش كان يقصد)
ريم:ايييييه صح نسيت
يوسف: وش نسيتي
ريم:المرة اللي فاتت قلت لي اني انا غير كيف غير ؟؟
يوسف: ههههه منيب قايل لك
ريم:الااااااا بتقوووووول يعني بتقول
يوسف:طيب بقول ولا يهمك بس لا تدفين
ريم:لوووول طيب يله منيب دافة
يوسف: اللي كنت اقصده يا ريم انه انتي بالبرايفيت(الخاص) غير
ريم:يعني زي جدة غير <<<تستخف دمها لوول
يوسف: هههههه
يوسف :لا مو زي جدة غير..اللي اقصده انه انتي لو تكلمتي مع الناس تتكلمين باستهبال وبمزح وبدون ما تتكلمين بمواضيع جدية ولا حتى تتكلمين بالحب زي باقي البنات..لكن بالخاص تصيرين رايقة..يعني هادية كانك على طبيعتك..طبعا ما اقصد انك صرتي زي باقي البنات..بس اشوفك تتغيرين
ريم: !؟!؟!؟!؟
يوسف: يعني تصيرين احسن من اللي كنت متوقع واللي يشوفك هنا ما يصدق انها نفسها اللي تستهبل مع العالم..
ريم: لووول هذي انا
يوسف: ايه انتي..يعني مين غيرك
ريم: شككككراااا..
يوسف:العفو وش دعوة ما قلت شي غير الحقيقة

(ومرت لحظة صمت قطعها يوسف بسؤاله)
يوسف:ريم
ريم: هلا ؟
يوسف: ممكن اسئلك سؤال؟
ريم: ايه تفضل
يوسف: ريم اللي فهمته من كلامك انك ما تضيفين اولاد صح ؟!
ريم:ايه صـــــــــــــــح ما شاء الله عليك تفهمها وهي طايرة لوووول
يوسف:طيب مو هنا السؤال..
ريم:اوكي تفضل اسأل
يوسف:طيب ممكن اعرف السبب ؟ يعني ايش الفرق بين هنا والماسنجر
ريم: اممممم انت لو مركز شوي كان عرفت من نفسك الفرق..انت بلسانك يا يوسف قلت لي اني انا بالخاص غير لما اتكلم مع الناس نفس الشي بالماسنجر اكون غير وانا مابي هالشي يصير ما عندي استعداد لمشاكل
انا مو قدها..
يوسف:اهااا يعني قصدك انك ما تبين الناس يعرفون مين ريم ؟!
ريم: يعني تقريبا..
يوسف: ما شاء الله عليك
ريم: على ايش ؟!
يوسف: اللي يشوفك مع العالم يقول انك صغيرة يعني يعرف كم عمرك بس اللي يسولف معاك جد لا يمكن يقول ان عمرك اقل من العشرين..عقلك اكبر من عمرك
ريم:لووووووووووووووووووووول تعال لو سمحت قل لامي هالكلام دايم تقولي عقلك صغير وعقلك صغير..
يوسف: هههههههه لا والله ما شاء الله عليك عاقلة وفاهمة
ريم:ايه كثر منها..
ريم:يوسف ملاحظ انك انت بس اللي تسأل وانا ما اسألك شي ؟
يوسف: هههه طيب احد ماسكك اسألي اللي تبين
ريم:امممم طيب انت تدرس والا تشتغل ؟؟
يوسف: لا اشتغل موظف ببنك
ريم:احلىىى يالكبير
يوسف: ههههه لا حرام عليك توني السنة اللي راحت متخرج وين كبير
ريم:مالي دخل يالشاايب يالشاايب
يوسف:هههه يلا عاد وش شايب تراني شباب اكثر منك
يوسف: برب شوي وراجع
ريم: تيت

(ريم قعدت تحوس بايميلها وتنتظر يوسف..)
يوسف:باك
ريم: وللللللكم..
يوسف: ريم تعرفين قصة (المسافر) اغنية راشد الماجد؟؟توني قاريها بايميل
ريم:المسافر؟؟ لها قصة ؟؟ لا ما اعرفها
يوسف:ايه لها قصة مرررة تحزن روعة بس مدري اذا حقيقة او لا
ريم:يااااااي ابي اقرااااهااااا
(ريم زل لسانها وقالت هالجملة..مادرت انه فيها سالفة ايميل وما ايميل
وطبعا توهقت..)
يوسف: ولا يهمك عطيني ايميلك ارسلك اياها لانها من جد تستاهل
ريم: اممممم
يوسف: ريم لا تخافين ما راح اضيفك..ولو فكرت بهالشي ما راح اسويه الا باذنك..صدقيني وعدتك
ريم: ( ريم استحت مرة لانها هي اللي حطت نفسها بهالموقف..فكرت وقالت يلا عاد هو وعدني وبعدين لو فكر يضيفني..فيه اختراع اسمه بلوك)ريم:اوكي اتفقنا
ريم: يللللهههه بسرعة وين القصة ودي اقراها
يوسف: هههههه لا والله وانا وش دراني ايش ايميلك
ريم: لووووول ايه والله نسيت مع الحماس
ريم:............<< يعنني هنا ايميلها منيب فاضية اخترع ايميل ويطلع صدقي
يوسف: اوكي ثواني بس
ريم: اوكي
يوسف: يله ارسلته
يوسف: وصل؟؟
ريم: ايييييه هذا هو وصل يله برب بس اقرا القصة وارجع
يوسف: طيب اسمعي هذا لينك الاغنية عشان من جد ما يطلع للقصة طعم الا مع الاغنية..
يوسف:
ريم: شككككرا والله معليش غثيتك صرت غثيثة اكثر من اللي ضافني لوووول
يوسف:ريم وش دعوة وش هالكلام..ماسويت شي يستاهل
(ريم راحت تقرا القصة وبعد ما خلصتها رجعت)
ريم:وااااااع وااااااع <<<قاعدة اصيح
يوسف: ليه سلامتك؟؟ ليه تصيحين ؟؟
ريم: القصة مرة حلوة من جد حلوة مسكين الرجال يا عمري
لا والبنت بعد مريضة يااااااحياتي
يوسف: ريم تصدقين اول مرة اسمعك تقولين يا عمري
ريم: !!!!!!!!!!
يوسف: ايه والله جد اول مرة
ريم:واخر مرة ان شاء الله لوووووووول
يوسف: ههههههه
ريم: يله تأخر الوقت انا لازم اطلع
يوسف: وين تطلعين تونا بدري تونا ما اذن الفجر عشان تطلعين
ريم:ايييه عارفة بس اليوم امي انواع التهديد تقولي لازم اطلع بدري والا بتقطع الانترنت كله
يوسف:لا مدام الوالدة اللي قالت لك كذا اجل ما اقدر اقول شي
ريم: يووووه امي تخوفك انت بعد لووووووول
يوسف: الله يخليك لها ويخليها لك
ريم: امييييييييييييييييييييين
ريم:يله يله الحين لو بدت سالفة والله ما تخلص ابد خلني اطلع احسن لي يوسف: ههههه يله بسكت ولا يهمك
ريم: يله يوسف اشوفك على خير ..وتصبح على خير
يوسف: على خير نوم العافية ريم..انتبهى لنفسك
ريم:ان شاااااء الله..بااااااااي


وتابعوا التكمله ...

واااااااااااااو جزء رائع تسلمي خيتو
بانتظار الجزء الجاي
تحياتيـ ..

يسلمك ربي ...
مشكوورة على التوااجد..
منوووورة

الجزززء روووووووووووووعة
ننتظر التكملة
تحياتي..

يسلمك ربي ..
مشكووورة على التواجد ...
منووورة بنت عمييي..
تحياتي.. مجنونة حلوةة

رووووعه ننتظر التكمله

يسلممووو على التواجد..
طبعاً القصة منقوولة واني رآآآآح استنى لما تكملها اللى حطت القصة
ورآآآح احط لكم جزء لما تتكمل
تحياتيــ ...
مـ ج ــونة و حــ ل ــوة

اوكي بنستنى البارت على احر من الجمر
تحياتيـ ..

:: الجـــــزء الرابع ::

((بعد ما طلع ((يوسف)) وترك ريم غارقة في الاسئلة))..
ريم: مين هذا ؟؟ وش يبي مني؟؟ لا يكون يوسف ما غيره اللي بالشات..لالا ما اتوقع هو عارف وجهة نظري بهالموضوع..اممممم بس مين بيكون غيره !!
ايييه الجوهرة تعرف السالفة لا يكون هي ورا كل هاللعبة..اكلمها واشوف..
الجوهرة: الو..(الجوهرة صوتها نايمة)
ريم: هلا جوجو..
الجوهرة: يوووه هذا انتي وش تبين ؟!
ريم: ووجع ان شاء الله قولي هلا..
الجوهرة: هلا وش تبين اخلصي..تقوميني من النوم وش عندك..
ريم:اها نايمة ؟؟ طيب اقول تعرفين ايميل ......... ؟؟
الجوهرة:ريــــــــــــــــــــــــم انتي من جدك مقومتني من عز النوم وتساليني عن ايميل..بعدين تعالي تعالي وش عندك تساليني بالعادة اربعة وعشرين ساعة يسوون لك العالم آد ولا تساليني..هالمرة وش عندك؟؟؟
ريم: لا بس هالواحد يقول ان اسمه يوسف ولا اعرف احد اسمه يوسف الا هذاك ولا احد يعرف بالسالفة الا انتي..وانا ما اظن هو يسوي لي اد..
الجوهرة: وليه ما تظنين؟! يععععععني وش اللي يمنعه؟
ريم: اناااااااا امنعه..هو عارف اني ما ابي احد يضيفني بعدين اصبري اصلا وش دراه عن ايملي
الجوهرة: تستهبلين صح ؟! انتي اللي معطيته ايميلك نسيتي قصة المسافر اللي صجيتي اهلي فيها وصياح ودموع وحالة..ههههاااي
ريم: ههههههه يا نصابة بس قلت لك تحزن وبس..بعدين ايه والله هالسالفة راحت عن بالي
الجوهرة: طيب المهم صكيه بلوك وارتاحي..
ريم:لالا بشوف وش قصته بعدين احط له بلوك
الجوهرة:اهااااااا ايه هين..يمديك تشوفينه بالشات وتعرفين القصة..بس ما ودك قولي عادي..
ريم: اقول لا يكثر يله روحي نامي مع السلامة بروح اصلي وانام..
الجوهرة:ايه والله ما صليت يله مع السلاااااااااامة
ريم: مع السلامة.
(كانت ريم مرة تعبانة من الاختبارات وحوستها وكأنها ما نامت من سنين..وعلى صوت آذان المغرب قامت..صلت..قعدت مع اهلها تسولف معهم من زمااااااان ما قعدت معهم..والســـــــاعة 12 الليل)
ريم: يا حلو هالوقت والله من زمان عن هالجلسة
(وكالعـــــــــــــــــــــــــــادة ما تغير شي ترانا تعبنا وحنا نعيد نفس الكلام..شات+ ماسنجر...)
ريم:وين هاللي يقول انه يوسف ؟! امممممم بدخل الشات الى ما يدخل واشوف له صرفة..
(وبعد مدة >>>وحشتيني وجيت اسأل has just signed in....وتترك ريم الشات وتنتظره يكلمها..واخيرا كلمها..)
وحشتيني وجيت اسأل: اهلين..ريـــــــم
ريم: هلا والله..مين انت ؟!
وحشتيني وجيت اسأل: أنا يوسف..افا لا يكون نسيتيني
ريم: ايه قلت لي انك يوسف ..بس مين يوسف؟؟
يوسف: هههههه اجل تعرفين ناس كثير اسماءهم يوسف
يوسف:خلاص خلاص منيب مزودها..شكلك عصبتي..انا يوسف ما غيري اللي من الشات والا لا يكون فيه اكثر من يوسف بالشات!!
ريم: لا ما اعرف الا واحد اسمه يوسف اللي هو بالشات
يوسف: اييييييوه هذا انا
ريم: بس اللي اعرفه..ان يوسف عارف اني ما ابي اضيف احد..صح والا لا ؟!
يوسف : ايه صح..بس انا والله خفت قلت وش هالغيبة اللي غبتيها يعني مو من عوايدك ابد تغيبين كل هالمدة يعني حول اسبوعين او اكثر ما شفتك..قلت اكيد صاير شي فحبيت اسال عنك..
ريم:مهما كان انت عارفني وعارف رايي بالموضوع..
(يسكت يوسف شوي ولا يرد على كلام ريم..وكأنه يقول اقري وش اللي كتبتيه..حست ريم بطريقة كلامها اللي مالها داعي..)
ريم تقول بنفسها: انا وش قاعدة اقول الحين يقول الشرهة على اللي يسال عنك..اقوووووول اكبر همي خله يقول اللي يبي..انا ما سويت شي غلط..بس هو حب يسال عني..انا وش فيني طبيت بحلقه..
ريم: يوسف
يوسف: هلا..
ريم: اسفة على طريقتي..
يوسف: لالا عادي خذي راحتك..معاك حق المفروض ما اسوي لك اد الا بعد أذنك بس انا والله خفت عليك من جد.
ريم:شكرا على سؤالك..واهتمامك
(ريم ما تدري وش تقول..ويجي يوسف ويقطع لحظة الصمت اللي صارت بينهم)
يوسف: الا ما قلتي لي..كيفك؟؟ وكيف الدراسة ؟؟ وعسى ما شر وش هالغيبة؟؟
ريم:لووووول يعني ما تدرون ليه انا غايبة ؟؟
يوسف: ليه انتي قايلة لاحد شي..
ريم : لالا بس نسيتو اني ادرس وانه وقت امتحانات نهاية السنة..لوووول مو معقولة محد خطر بباله هالشي..
يوسف: هههههههه..ايه والله ليش راحت عن بالي سالفة الامتحانات..والله اني مضيع
ريم:مضيع..والا اصلا ما تدري عن الامتحانات
يوسف: تبين الصرااحة؟؟
يوسف: والله مدري عنها ومتى تبدا بالضبط..
ريم: ليش ما عندك اخوات يدرسون..او حتى اخوان ؟!
يوسف: اصلا ماعندي اخوات وكل اللي حولي اكبر مني يعني محد يدرس..
ريم: اها..
يوسف: اوكي..ان شاء الله النتيجة تبيض الوجه.
ريم: ان شاء الله..عاد اليوم خلصنا لا تذكرني بالامتحانات..اعوذ بالله والله يا تعبت تعب عاد ان شاء الله يجيب نتيجة..
يوسف:ان شاء الله تطلع حلوة زيك<<<بيتصفق
ريم: هيييييييه بدينا..بدينا ترى ما عندي لعب..
يوسف: ههههه لا والله امزح بس ياختي من زمان عن تهزيئك..خفت انك نسيتي..قلت اشوف بنفسي
ريم: لووووووول افا عليك انسى عمري ولا انسى طوالة لساني..
يوسف: ههههههه
ريم:امممم.. وش رايك نسولف بالشات مب احسن ؟؟
(ريم تلمح على البلوك)
يوسف: طيب وش الفرق ؟؟
ريم: ما فيه فرق..بس انت عارف قصدي..
يوسف:المشكلة اني عارف..
ريم: يعني !!
يوسف: طيب بس هالمرة..
ريم: لو برضى هالمرة برضى كل مرة..
ريم: ولا تزعل ولا تتعب شعورك ولا تاخذ على خاطرك مني..<<<<وحدة رايقة تغني لووول
يوسف:ولو ان الشور في كل شي شورك..طلبتك بس في هالشي طعني..
ريم: لوول احب الاغنية
يوسف: وانا بعد..
يوسف: هذي هي اسمعيها..
ريم: تسلم..
يوسف: الله يسلمك
(ريم ما عاد تقدر ترد عليه اول مرة واحد يخليها تفكر بالموضوع..بالعادة ما فيها نقاش بلوك على طول..)
يوسف: ليه ساكتة؟!
ريم:وش تبي اقول..
يوسف: اي شي..
يوسف: اسمعي ريم..من اليوم ورايح..اذا سمعتي مني كلمة تضايقك او تصرف ما يعجبك مهما كان بسيط انا من نفسي راح اعرف غلطتي..واحذفك وتحذفيني وانتهينا.
ريم: المسالة مو على اضايقك وتضايقني..
يوسف: انا عارف بس انتي مرة مكبرة الموضوع انتي بحسبة اختي..انا صحيح ما عندي اخوات بس والله معتبرك مثل اختي لا اكثر ولا اقل..
ريم: ومين قال غير كذا ؟!
يوسف: انتي تتوقعين انه غير كذا صح؟؟
ريم: اممممم ايه يمكن صح ..
يوسف:لا ما راح يكون غير كذا اوعدك..
ريم: وعد..اكيد وعد؟؟
(ريم تفكر وتقول: انا ليش مكبرة الموضوع..كلها ماسنجر وهو غير باقي الناس..اللي يبون يوصلون لاشياء ثانية..شكله ما يبي شي غير السواليف والوناسة..وهذا نفس الشي اللي انا ابيه..ولو مصخها بكلمة اقرب ما عندي البلوك..)
يوسف:ايه وعد .. يعني خلاص اخيرا اقتنعتي؟؟
ريم: الشكوه لله ايه اقتنعت
يوسف:عاد لا تمنين علينا ترى كلها سواليف..
ريم:لووووول وش دعوه انا ما امن على احد
يوسف:ايه امزح والله امزح
ريم:بــــــــرب تلفون
يوسف:تيــــــت

ريم:يوووه هذي جهيّر وش تبي؟؟
ريم:الوو..هلا..اخلصي بسرعه وش تبين؟؟صح ما تبين تسمعين صوتي ؟؟
الجوهره:وجع بلا وجع..هذا بدل ما تقولين عاش من سمع هالصوت من زمان ما شفتك..هههههاااي
ريم:وش اللي من زمان اقول يلا بس اليوم داقه عليكي العصر وهزأتيني يلا بسرعه وش عندك؟؟
الجوهره:انقلعي عاد وقتها كنت نايمه منيب فاضيه لسواليفك..المهههههم الزبده اني بقول لك لا تنسين تقوميني بكره تعرفين عاد ولا اثقل من نومتي
ريم:اقومك؟؟ وليه اقومك؟؟
الجوهره:نعم نعم ؟؟ مسويه فيها ناسيه هااه ؟؟ يالعبقريه وش عندنا بكره؟؟
ريم:والله اني مدري وش عندنا..
الجوهره:بكــــــره شهاداااااات يا حلوه
ريم:ايـــــــه والله
الجوهره:الحمدلله والشكر
ريم:اقول ضفي والله اني نسيت..المهم خلاص طيب بقومك على الساعه 10 اوكي؟؟
الجوهره:اووكي..ايه صح ولا تنسين تقولين لامك اننا طالعين مب بكره تغثينا وتقولين ما قلت لها
ريم:وين بنروح؟؟ماشاء الله انتم تخططون وانا مدري عن شي
الجوهره:والله اني قايلة لك عاد انتي اللي ماشاءالله من الدفاره كل افكارك مخليتها للمذاكره
ريم:هههههه ايه بسم الله علي اجل انتي..والله ما خلاك تتحمسين على قومة الصبح الا الطلعه والا الشهاده ما همتك هههه
الجوهره:يلا بس لا يكثر ابروح اناام ولا تنسين تقوميني وانتي ما اوصيك خلك سهرانه مع الحبايب هههااي
ريم:اقول يلا بس انثبري وتصبحين على خير
الجوهره:هههااي وانتي من اهله يلا بااااي
ريم:بااااي

(وترجع ريم للنت)
ريم:بااااك
يوسف:هلا والله ولكم
ريم:انت داري انه بكره الشهادات وانا ما دريت عن شي ناسيه والله راح عن بالي
يوسف:ههههه اللي شاغل بالك يتهنابه
ريم:الا قول الله يعينه لووول
يوسف:وايش اللي ذكرك بالشهاده الحين؟؟
ريم:كنت اكلم صديقتي قبل شوي
يوسف:اجل اكيد هي من اعز صديقاتك والا ما دقت هالوقت..
ريم:ايــــــه هذي صديقتي من يوم ماعرفت نفسي
يوسف:الله يخليكم لبعض
ريم:آآآآميييييين
يوسف:اجل لازم تقومين بدري؟؟
ريم:ايه والله بقوم على الساعه عشره
يوسف:اجل وش تنتظرين يلا الحين قومي عشان يمديك ترتاحين وتقومين على الوقت..
ريم:ايه صح..يلا اجل اشوفك على خير
يوسف:والله ودي تقعدين بس لاحقين على السواليف الاجازه مطوله
ريم:لووول ايه بس لو النتيجه زي وجهي ما راح اشوف رقعه النت ابد
يوسف:لا ان شاء الله بتكون حلوه وترفعين راس اهلك
ريم:ان شاء الله من بؤك لباااب السما لووول يوسف:ههههههه
ريم:يلا يلا لازم انام
يوسف:اوكي نوم العافيه بااااااي
ريم:الله يعافيك باااااااي

اليوم: الاربعاء..الساعة:10 صباحاً..
(تدق ساعة ريم)
ريم:آآآآآه الله يستر من النتيجة..
(وتكلم ريم الجوهرة وتقومها من النوم..وتمر ريم الجوهرة
ويروحون المدرسة..وبالطريق..الجوهرة ما همها مشغلة المسجل وتغني..وريم خايفة..)
ريم:من جد على قولتهم..عند الامتحان يكرم المرء او يهان
الجوهرة: ما تلاحظين انك مضيعة..ترانا رايحين نشوف النتيجة يعني خلاص خلصنا امتحانات هههههههه..
ريم:ايه كله واحد المهم يكرم او يهان..
(وصلو المدرسة..وكل وحدة شافت نتيجتها..)
ريم(مبسوووطة) : الله وناااااااااااسة الجوهرة ناظري وش جبت..94%..والله الدراسة طلعت بنتيجة الحمدلله
الجوهرة:يا حررركةةةةة يا دافورة..
ريم: هاااه وانتي بشري كم ؟!
الجوهرة:اسكتي..والله انها زي وجهك
ريم:لو زي وجهي يعني 100%..
الجوهرة: هههههاااي طبعا فرحانة يا ام الـ 94% موب مثلي ما شميت ريحة التسعين من ايام المتوسط..
ريم:ليييييييش كم جبتي ؟!
الجوهرة:جبت العيد..يلا اهم شي الاخلاق وحب الوطن..ياختي خذي شوفي وبدون تعليق..
ريم: ههههه منيب معلقة هاتي نشوف..
(يطلعون من المدرسة مع صديقاتهم وعلى السوق..وتبدا وناسة البنات وتحرش العيال..)
ريم:يووووه بنات والله اشكالنا غلط..ماشين طابور..كاننا برحلة للمدرسة..هههههههه
الجوهرة: تكفييييييين يا رحلات المدرسة..حدنا حديقة الحيوانات..لا ومن الابتدائي بعد الحين مدري يمكن زادو حيوانات جديدة ههههههه..والا اقولك ايه والله حنا الاوادم وهالعيال هم القرود..
(قاموا كلهم يضحكون..وصوتهم كان عالي ولفتو انتباه الناس عليهم..)
ريم:وجع بنااااااات..فضحتونا وش هالضحك..
سارة:ايه والله اهجدو..بس ريم بيني وبينك..والله ما ينلامون من زمان عن الضحك..خلينا اليوم نخربها
الجوهرة:هي خاربة خاربة..
ريم:الجوهرة وجع لا تكملين الاغنية..ترى بكف شوفي العالم شكو باخلاقك..
الجوهرة:والله عناد فيك بكمل..خلينا نعميها ههههه
بسمة:عااااشو عااااااشو..
ريم:يووووه عاد هذي اذا تحمست ميب بعيدة تقوم ترقص
الجوهرة: ايه والله سكتيها..سكتيها لا تفضحنا هههههههه
بسمة:ريم عاد يا شينك انتي ما تحبين الوناسة اقوووول خلينا ننبسط..
ريم:اوكي بسمة انبسطي بس بحدود..
الجوهرة: بنااااااات بس يله كلكم اعقلو..وخلونا ناكل تراني ميتة من الجوع..ما اكلت شي
سارة:ههههههه انتي من يوم عرفتك وانتي ميتة من الجوع..
ريم: هههههه ايه والله تعلميني فيها..يله يا الدبة بناكل الحين بس لا تاكلينا..
الجوهرة:وجع مالت عليكم..
بسمة:وش رايكم بهالطاولة تكفينا ومكانها حلو..
ريم: امممم مدري كل العالم يمرون من هنا..بس اوكي عاد ما فيه غيرها ناكل ونقوم بسرعة..
(ويقعدون..وياكلون..ويسولفون..ووناسة وضحك ولولا ريم وسارة كان خربوها المراجيج...وفجأة..)
بسمة:اهلييييييين نجلا..كيفك؟!
(نجلا انواااااااااع الميك اب..والعباية
المخصرة..والرزة..والله لو انها رايحة لعرس)
نجلا:هلا والله بسمة..انا تماام انتي كيفك؟! وكيفكم بنات!؟
البنات: تمام..الحمدلله..بخير
ريم (تهمس للجوهرة): جوهرة..صديقات بسمة ومعارفها ما ارتاح لهم والله يستر على بسمة..شكلها بعد فترة بتصير من طقتهم..
الجوهرة:لا ان شاء الله..بس هالبنت بقوووووة ما دخلت مزاجي..لا وشكلها بتقعد معنا..انتي لا يفوتك الشباب اللي لاحقينها الى هنا..هههههههههه
ريم:وتضحكين بعد..اقول اهجدي..
الجوهرة:طااااايب بسكت..
(يرن جوال نجلا)
نجلا:هلا والله..خالد انا هنا شفني قدام المطاعم..
البنات: !!!!!!!!!!!!! (على وجيههم)
نجلا:ايه شفتك شفتك..يله باااااي
(تأشر نجلا لاحد وكل البنات متنحات ولا يدرون وش السالفة..)
نجلا:هلا خالد وينك ؟! لي ساعة انتظرك تدق..
خالد:ههههه والله زحمة...بس اخيرا قدرت ادخل واهم شي شفتك..
خالد:ما عرفتينا بصديقاتك ؟!
نجلا: هذي بسمة وهذي ريم..الجوهرة..سارة
خالد:هلا تشرفنا بنات
نجلا:وانت مين هاللي معاك ؟!
خالد:هذا محمد وهذا سلطان
الجوهرة: نجلا هذا يقرب لك ؟!؟!
(نجلا وخالد يضحكون)
نجلا:يقرب لي..تخيلي خالد يقرب لي هههههههه
خالد:هههههه اي تقرب لي انتي الثانية..ياحليلك
ريم:!!!!!! سارة: !!!!!!!!!! الجوهرة : !!!!!!!!
نجلا: بنات وش فيكم تغيرت اشكالكم..لا اكون مضايقتكم؟؟
بسمة:نجلا لا بس البنات ما يحبون هالحركات..
خالد:اي حركات وش حنا مسوين ؟!
سارة:اقول ريم والجوهرة قومو من جد مالنا داعي..
الجوهرة:اقول نجلا..اصلا الشرهة مو عليك الشرهة على اللي يقعدك معاه..
نجلا: افا ليه بنات وش فيكم وش صار
ريم(باستهزاء): اقول فرصة سعيدة اللي شفناكم..قومو بنات..
محمد: افا ليه الحلوة زعلانة ؟! لا يكون حنا اللي مزعلينها؟!
(قامو البنات وريم مرة منصدمة من الموقف وتبي تصيح..وسارة نفس الشي..والجوهرة ودها تصفق نجلا وبسمة..)
الجوهرة:امشو نطلع فوق نتمشى شوي وننسى السالفة..
سارة: لا والله وش نتمشى..انتي من جد رايقة..اقول قومي بس نرجع بيوتنا..
(ريم ساكتة وخلااااااااص ميب قادرة تتحمل الموقف)
الجوهرة:ريم وانتي وش رايك؟!
ريم:انا اقول زي ما قالت سارة نرجع بيوتنا..
الجوهرة:اوكي ما عندي مانع يله مشينا..بس المشكلة مين يرجع بسمة هي جاية معنا..
سارة:انا بكلمها واقولها اننا بنرجع وهي تدبر لها احد يرجعها..حنا غلطانين نطلع مع هالاشكال..
ريم:خلاص بنات يكفي..ترى ما اتحمل يله نرجع

((طلعو من السوق..وكل وحدة رجعت لبيتها..وللاسف بدل ما كل وحدة تبشر اهلها بنتيجتها..رجعو منصدمين من الموقف اللي صار))..
ريم:اهلين مهوية حبيبتي...وش قاعدة تسوين ؟!
(مها اخت ريم الصغيرة..عمرها 5 سنين..)
مها:قاعدة اثوف ثبيث تون..
ريم: ههههه طيب وين ماما ؟! وعبير ؟!(اخت ريم بالابتدائي)
مها:كلهم نايمين..
ريم: احسن..والله لو ان امي قايمة كانت بتحس ان فيه شي صاير..
مها: وث فيه ثي ثاير
ريم: هههههه مافيه ثي ثاير(ريم تتطنز)
مها:اجل والله بعلم امي احثن
ريم: علميها...بس منيب معطيتك الحلاوة اللي جبتها لك من السوق..
مها: لا خلاث خلاث منيب معلمتها..
ريم: هههههه لا والله اشوف زانت الاخلاق..
ريم: يله تعالي بوسيني وقولي يا احلى اخت واعطيك الحلاوة.. (ريم تعشق البزران وطبعا اختها اكثر شي)
(بعد ما قعدت ريم مع اختها..وذبحتها بالبوس..راحت وخلتها عند ثبيث تون على قولة مها ههههه..)
ريم: والله مالي خلق ارجع انام بقعد على الانترنت شوي..
(فتحت الانترنت ولقت يوسف!!!! )
يوسف:ريم ؟؟
ريم:هلا..يوسف
يوسف: ريم هذا انتي ؟؟
ريم: اييييه اجل بنت الجيران
يوسف:طيب طيب بشويش علي..
ريم: مدري عنك يعني مين بيكون غيري..
يوسف: لا يا بنت الحلال بس مستغرب انتي رحتي جبتي الشهادة والا توك؟؟
ريم:يووووه الا جبتها من زمان ورحت للسوق تنكدت وجيت..
يوسف: افا ليه وش صار؟!
يوسف: قبل لا تقولين وش صار بشري كيف النتيجة ؟!
ريم:الحمدلله جبت 94%..
يوسف: ما شااااااااء الله الف الف مبروك والله تستاهلين..كنت عارف ان الله ما راح يضيع جهودك ودراستك..عقبال نتيجة ثالث..
ريم:الله يبارك فيك..
يوسف: افا..وش السالفة..بالعادة لو تجيبين علامة كويسة باي شي تافه تسوين حفلة..هالمرة ابد مو باين انك مبسوطة عسى ما شر..
ريم:لا..عادي ما فيني شي..
يوسف: شلون ما فيك شي..اكيد الشي اللي صار بالسوق هو اللي خلاك زعلانة كذا..
ريم:لا بس موقف سخيف..
يوسف:سخيف!!
يوسف: كل هالزعل وتقولين سخيف..لالا انتي ما يكدر خاطرك الا شي يستاهل مو شي سخيف..
(ريم قالت ليوسف على الموقف من اوله لاخره)
يوسف:امممم..ريم طيب روقي ما صار الا الخير..
ريم:ايه بس انا ولا مرة صار لي مثل هالموقف..
يوسف: تبين الصراحة..والله انا مستغرب ان فيه بنات يسوون هالحركات يعني بالعادة الاولاد هم راعين هالحركات..والا البنات ما توقعت جرأتهم توصل لكذا..
ريم:ضحكتني .. ما تعرف حركات البنات والله هالايام صايرة اشد من العيال..
يوسف: لا والله انا ما اعرف بنات شخصيا..الا لمى
ريم:لمى؟! وميييييين لمى؟؟اكييييييد وحدة..احم لووووول
يوسف:هههههه لا والله اشوفك روقتي يوم قلت لمى..لا لمى ميب وحدة احم..لمى طال عمرك تصير بنت اخوي..اصغر مني بسنتين تقريبا..يعني موذاك الفرق
ريم:وناااااسة انت عمها وما فيه فرق بينكم
يوسف: ايه والله هي مرة قريبة لي..بس بالفترة الاخيرة انشغلت بدراستها..ولا صرت اشوفها كثير..بس هي متربية مع اولاد يعني ما عندها حركاتكم يالبنات..تخوف
ريم:لووووووول والله تعجبني لسببين اول شي ان ما عندها حركات بنات ثاني شي انها تخوفك..
يوسف:هههههههه لا يا شيخة..
يوسف:والله ليتني داري ان طاري لمى بيخليك تروقين من سالفة السوق..كان قلت لك عنها من اول
ريم:لا تذكرني..والله اني كل ما تذكرت اقول تخيل احد يعرفني شايفني وانا بهالطاولة وحولي الاولاد..والله موقف سخيـــــــــــف..
يوسف: لا ان شاء الله محد يعرفك وش عرفهم فيك..
ريم:كيف وش عرفهم فيني..يعرفوني باين اني ريم..
يوسف: اممممم اجل انتي ما تغطين وجهك..
ريم ( انحرجت) : اممم لا ما اغطي..
يوسف: اها..
ريم: وشو اها
يوسف: لا ولا شي الله يهديك..
ريم:امييييييييييييييييييين..
(ريم استحت وحست ان مالها داعي)
يوسف:ريم تامريني بشي؟!
ريم:طالع ؟!
يوسف:ايه والله بروح اتغدا..تفضلي
ريم:لوووووووول لالا انا سبقتك
يوسف: اهااااا ولا تعزميني ولا شي طيب بسيطة
ريم:لوووول خلاص المرة الجاية
يوسف: وعد ؟!
ريم :ايه بس على حسابك انا مسكينة ما عندي راتب
يوسف: ههههههه ما عندي مانع بس ترى بمطعم فول وطعمية..
ريم:لوووول عادي اهم شي على حسابك
يوسف:ولا يهمك..يله اشوفك على خير
ريم:على خير..
(ريم سكرت الانترنت..طلعت تبشر امها بالنتيجة بعد ما روقت ونست السالفة..)
ومر تقريبا 3 اسابيع من الاجازة..وريم كل يوم بمكان روحات وطلعات وعزايم..واهم شي الانترنت اللي كان يشغلها طول فترة قعدتها بالبيت..كانت يوميا سواليف مع يوسف..يوسف يروح للدوام ولا عنده اجازة..لكن مع كل التعب كان لازم يدخل انترنت يشوف ريم..صار عارف وقت دخول ريم وصار يحاول على قد ما يقدر انه يكون موجود بهالاوقات..لاحظ يوسف التصرفات اللي قاعد يسويها..يعني بالعربي الولد بدا يتعلق بريم..ريم ما لاحظت التغيير اللي صار بيوسف..وهي ما صار لها شي من اللي صار له الا انها حست انه غير باقي الاولاد..اما انها تغيرت..فما فيه امل انها تتغير لانها ما تبي شي غير السواليف..وهذا اللي لقته مع يوسف..ويمكن الفايدة الوحيدة من هالسواليف..انها بطلت تدخل شات..تقريبا !! وصار اغلب وقتها مع يوسف..)

اليوم:الخميس..الساعة:11 بالليل
(ريم توها راجعة من الجوهرة..سلمت على اهلها وقعدت معاهم شوي وطلعت على الانترنت..وطبعا لقت يوسف..)
بودعكم يا احبابي: اهلييييييييين ريم..
ريم: هلا والله..!!!
يوسف: وليه علامات التعجب ؟!
ريم:امممممم..لا بس مستغربة من النك نيم..مع اني مرة احب هالاغنية..ما شاء الله انت عارف كل الاغاني اللي انا احبها..
يوسف: هههههه ايه اكيد عارفها
يوسف:ايه وكيفك ؟!
ريم: لحظة لحظة..
ريم: هذي هي اسمعها..
يوسف:تسلمين..
ريم:والله انا تمام انت كيفك ؟! ووينك امس ؟؟وليه هالنك نيم والا بس كذا ماله سبب
يوسف: والله انا بخير الحمدلله..لا النك نيم مو بس كذا..لاني مسافر..
ريم:مسافر !!
يوسف:ايه
ريم: اها ما شاء الله .. وين مسافر ؟؟ ومتى ؟!
ريم:لوووول قاعدة احقق معاك..
يوسف: لا وش دعوة عادي اسالي اللي تبين مو هذا اتفاقنا..
يوسف:انا بكرة مسافر..وعلى لندن ان شاء الله
ريم:اف بكرة لا وبعد رايح لندن..

ريم: ليه وش اللي جاب لندن على بالك فجأة..ما قد جبت لي سيرة سفرك..
يوسف: والله انا ما دريت الا امس..والا كان قلت لك من زمان
يوسف:انا كنت داري اني بسافر.. بس ابد ما توقعت انه الحين..كان المفروض بعد اسبوعين او ثلاث..بس صارت ظروف خلتني لازم اسافر..
ريم:وش السالفة ؟! لا يكون صاير شي ؟
يوسف:لا ابد بس امي شوي مريضة ونبي نتاكد ان كل شي تمام
ريم: سلامتها والله ما تشوف شر..
يوسف: الله يسلمك..الشر ما يجيك
يوسف: عاد امس الله لا يوريك على الحوسة بالدوام عشان ادبر لي اجازة ورجعت البيت وانا هلكاان ولا قدرت ادخل الانترنت..

ريم: يوووه الله يعينك..
(يوسف يبي يغير السالفة..مايبي يضيق صدره ولا صدر ريم)
يوسف: هاه ريم وانتم ما قررتو تسافرون الى الان ؟!
ريم: والله مدري اهلي كل يوم لهم كلمة..بس ان شاء الله مسافرين
يوسف: اها حلو..ان شاء الله يختارون مكان انتي تحبينه
ريم: ان شاء الله.
ريم:ايه يوسف انت ما قلت لي متى مسافر بالضبط ؟!

يوسف: اممم الاقلاع الساعة 5 يعني على الساعة اربعة لازم اطلع من البيت..
يوسف:وياليت اشوفك قبل الساعة 3 قبل لا اسافر
ريم: ان شاء الله بحاول ادخل..
يوسف: اوكي ريم اجل انا استاذن منك الحين..
ريم: اها طيب ما تقدر تقعد ولو شوي؟؟
يوسف: لا والله يا عمري مضطر اطلع..لو علي كان قعدت الى ما تطلعين..بس لازم احضر شنطتي..واتاكد من كل شي..واروح اقعد مع امي شوي اوسع صدرها..
(ريم لاحظت كلمة مالها داعي((عمري))بس مشتها على انها غلطة..)
ريم:اممم اذا عشان امك اوكي لووووول كل شي يهون عشان خاطرها
يوسف: ايه اكيد تهون الدنيا عشان امي
ريم: اجل اشوفك على خير..
يوسف: على خير ان شاء الله..بااااي
ريم: باااااي

اليوم:الجمعة..الساعة:4 العصر..
(ريم قامت وتناظر الساعة وهي منهبلة وتقول:ليه محد قومني؟؟ والله شكلها راحت علي نومة..اكيد يوسف طلع..وقامت بدون حتى ما تغسل وجهها وفتحت ايميلها..ولقت من يوسف ايميل..)
الايميل....
اهلين ريم..كيفك؟؟
صح النوم..توك تقومين انا انتظرك من بدري ومن جد كان ودي اشوفك قبل لا اروح..
بس تعرفين مو بيدي..
ريم..مدري وش اقولك..ودي اقول كلام كثير بس خايف..خايف ما تتقبلينه..خايف اني اخسرك..
ياريم والله انك كنتي مثل اختي..بس اعتقد ان هالشي غيرته الايام..ما تصدقين انا كيف تعلقت فيك الفترة الاخيرة..من جد انبسط اذا شفتك ويضيق صدري باليوم اللي ما اشوفك فيه..
ريم ارجع اعتذر عن كلامي..مدري كيف تجرات وقلته..بس بنفس الوقت ما اقدر اكتم بنفسي ولا اقول..واتمنى هالشي ما يضايقك..
واخيرا احب اقولك اذا توصين على شي ترى انا حاضر..وبحاول ادخل الانترنت على قد ما اقدر وابي اطلب منك طلب امممم لا طلبين..اول شي انك ترسلين لي ايميلات تطمنيني عليك..وابي منك ما تنسين امي من دعواتك..ترى امي محتاجة للدعاء..وانتبهي لنفسك..
فمان الله..يوسف
(ريم مو مصدقة اللي قاعدة تقراه..)
ريم:اكيد هذا يوسف!! كل هالكلام يطلع منه !!

وااااااااااو بارت روعه يسلمو خيتو مجنونه وحلوه
بانتظار الجديد
تحياتيـ ...

مشكووورة على التوااجد..
منوورة فرووشهـ
تحياتيـ...
مجــ ن ـــونة وحـ ل ــوة

:: الجــــزء الـســـابــــع ::


اليوم:الجمعة..الساعة: 5 العصر..
(ريم تفكر بالكلام اللي قاله يوسف..تحاول تدور اي تفسير..توضيح..اي شي تقدر تستوعبه..بس كل ما تفكر ما توصل لاي نتيجة..ودها تاخذ راي احد بس طبعا ما تبي تساله هو..وخاصة انها هي نفسها ما تحب تتعمق بهالمواضيع..واخيرا قررت تكلم الجوهرة..اللي يمكن تقدر ترد عليها..بشي يريحها او على الاقل تسمع منها السالفة..)
ريم: الو..هلا الجوهرة
الجوهرة:هلا والله ريم كيفك ؟!
ريم:الحمدلله تمام..انتي كيفك ؟!
الجوهرة: تمااام..بس والله اني حااااايسة تدرين انهم قدمو حجزنا..بعد بكرة مسافرين..وانا الى الحين ما جهزت شي..
ريم: احلفي..وليه ما قلتي لي ؟!
الجوهرة: ياحليلك انا توني ادري..ما تشوفيني قاعدة احوس..
ريم: اقول الجوهرة تدرين مين مسافر لندن ؟!
الجوهرة: انا هههههه
ريم: ههههههه احلفي يا ذكية اقصد احد غيرك…
الجوهرة: امممم وحدة من البنات ؟!
ريم: لا..
الجوهرة : اجل مين ؟!
ريم: منيب قايلة انتي فكري
الجوهرة: اقول ريم وجع تراني مستعجلة ولازم اطلع السوق الحين اشتري اغراض ناقصتني..
ريم:بجي معاك..
الجوهرة: لا ما فييه اول علميني مين بيسافر لندن ؟!
ريم: سافر وخلص..
الجوهرة : سافر !! يعني ولد..
الجوهرة: يوووووه امي تقول لازم نطلع بعد شوي يله بااااي..امرك ؟!
ريم: اوكي بس اصبري اسال امي..
الجوهرة: انا وامي رايحين يعني امك ميب قايلة لا..
ريم: ومين بيروح معاك غير امك ؟!
الجوهرة: الشلة كلهم..امي تبي تشتري لهم ملابس..
ريم: ههههه طيب يله انتظرك..
الجوهرة:خلاص شوي وامرك بااي
ريم: باااي

(وراحت ريم مع الجوهرة السوق..)
وفي السوق..
الجوهرة:يله الحيييين بتقولين لي مين مسافر لندن ؟!
ريم:ههههه انتي الى الحين ما نسيتي..
الجوهرة: لا ما نسيت ما تشوفين في السيارة ااشر لك وانتي متنحة بغيت اصفقك..بس خفت البرزان ينتبهون ان عندنا شي لاني فهمت انه ولد فقلت اسالك بعدين..
ريم: ههههههه لا ما شاء الله طلع فيك خير تفهمينها وهي طايرة..
الجوهرة: اقول لا يكثر مييييين !؟
ريم:امممم يوسف..
الجوهرة: احلفي !! متى !!
ريم:اليوم سافر..هو وايا امه تتعالج..
الجوهرة: يا عمري مسكينة ليه وش فيها ؟!
ريم: مدري بالضبط هو شي بقلبها بس ما حبيت اساله..
الجوهرة: الله يشفيها..
ريم: امين..
الجوهرة: اهاااا يعني بشوف يوسف هههههههه
ريم: ايه تخيلي..
الجوهرة: اقووول ريم انتي ليه ما تحاولين مع اهلك تجون لندن ؟؟
ريم: والله ودي..
الجوهرة: طيب هم الى الحين ما قرروا ؟؟
ريم:لا..تعرفين ابوي يحب يسويها مفاجأة..عاد مدري عنه هالمرة..
الجوهرة: عاد تعالوا والله وناااااسة لو تجين..
ريم: خلاص بحاول فيهم اليوم..
الجوهرة: ايه طبعا بتحاولين عشان تشوفين بعض الناس مو عشان سواد عيوني..
ريم:ههههههه..انقلعي..اصلا فاتك وش صار امس واليوم..شكله صار مثل الباقي..
الجوهرة: ليه وش السالفة ؟! وش صار؟!
(وقالت ريم للجوهرة كل السالفة..وتمشوا وشروا كل اللي يبونه..وكل وحدة رجعت بيتها..)
ريم: اهلين عبورة..
عبير: هلا..اخيرا رجعتي امي تسال عنك..
ريم:عاد انا ما تاخرت..
عبير: عاد تعرفين امي خوافة تخاف يخطفونك..
ريم:هههههه عاد هذاني سليمة ما صار لي شي..
ريم: عبير حبيبتي عندي لك شي..
عبير:منيب جايبة لك شي لو تطيرين..
ريم: وجع انا قلت عندي لك شي مو بطلبك طلب..
عبير: هههههههه اشوا..هاه وش عندك ؟!
ريم: وش رايك نسافر لندن مع الجوهرة واخواتها واخوانها والله ونااااااسة..
عبير: ايه والله فلة..على الاقل نسافر مكان فيه احد نعرفه مو مكان ما فيه احد غيرنا..
ريم: طيب قومي نقول لامي عشان تقنع ابوي..
(وراحو ريم وعبير..وقعدوا يزنون ويحنون على امهم ويحاولون فيها الى ما اقتنعت ووعدتهم انها تقول لابوهم..وهم مبسوطااااااااات..)
ريم:الو هلا جوجو بشري كيف الاستعداد؟!
الجوهرة: هلا والله الحمدلله..جهزت كل شي بس احس فيه ناقص مدري وشو..
ريم: لا ان شاء الله ما فيه شي ناقص..
الجوهرة: ايه المهم هااه توصين على شي من هناك ..هههههههه
ريم: ههههه ان شاء الله كلها اسبوع وانا لاحقتك..
الجوهرة: والله ياهي الرياض ما تسوى بدوني..
ريم: والله هي ما تسوى بس مو بدونك انتي بدوني انا..
الجوهرة : هههه اقول لا يكثر .. يله امي تناديني بنروح المطار..
ريم: اوكي يله اشوفك على خير وانتبهي لنفسك..
الجوهرة: ولا يهممممك وانتي بعد انتبهي لنفسك..مع السلامة
ريم: مع السلامة..
(وسافرت الجوهرة..وبعد اسبوع من انتظار الجوهرة..والطفش اللي قعدته بالرياض كل اقاربها وصديقاتها واهمهم الجوهرة مسافرين..واخيرا جا اليوم اللي بتسافر فيه ريم..)
ريم: يله يمه ابوي ينادينا..
ام ريم: طيب يله بس بتاكد اني ما نسيت شي..
ريم: هههههه يمه هذي المرة الالف اللي تتاكدين منها..بتطير الطيارة وحنا ما وصلنا المطار..
عبير: ههههه ايه والله..يمه يله تاخرنا..
ام ريم: طيب خلاص..وين مها ؟!
ريم وعبير:بالسياااارة مع ابوي..
ام ريم: يله توكلنا على الله..
وفي الطيارة..
(تعلن الخطوط الجوية عن وصول طائرتها الى مطار لندن..)
ابو ريم: الحمدلله على السلامة بنات..
ام ريم والبنات: الله يسلمك
ريم: والله اني تعبت مررررة بس الحمدلله
عبير:عاد انا ما حسيت بالوقت ابد ولا كأننا مسافرين..
مها: اثلا نايمة طول الوقت ثلون تحثين..
(يضحكون كلهم..وينزلون من الطيارة وياخذون شنطهم واغراضهم وعلى الفندق..)
ريم: اخيييييرا وصلنا خلاص ابي اناااااااام تعباااااانة..
عبير:يوووه ما ودي انام..
ريم : اقول نامي عشان بكرة نشوف الجوهرة ونطلع معاها..
عبير: كلميها الحين..
ريم: لالا الحين بنااااام الصبح اكلمها يله نامي انتي بعد..
(ونامو..وقامو من الصبح الساعة 11)
ريم: الو..جوجو قوووووومي يله..
الجوهرة: بسم الله..وش صار ؟!
الجوهرة: ريم ؟؟ وجع وينك انتي ؟!
ريم: انا هنــــــــــــــــــا بلندن..
الجوهرة:وجع من متى انتي هنا ؟! وليش ما قلتي لي ؟!
ريم: هههههه امس وصلنا متأخر وحطيت راسي ونمت احلى نووووومة
الجوهرة: اهااااا طيب الحمدلله على السلامة..عشان كذا قايمة بدري..
ريم: لا بدري تقولين الحمدلله على السلامة بس طيب ولا يهمك الله يسلمك.. هااااه اشوفك اليوم ؟!
الجوهرة: ايه اكيد.اصبري انتم الحين باي فندق؟!
ريم: فندق........... تعرفينه ؟!
الجوهرة :ايه افا عليك انا دالة كل شي..اخرتي بشتغل سواقةتاكسي..هههههه
ريم: ههههههه يله اجل تعالي مرينا ونطلع نتمشى..
الجوهرة: اوكي..خلاااص الحين امرك انتي خليك تحت..
ريم: اوكي باااااي
الجوهرة: باااااي
(ومرت الجوهرة على ريم..وطلعو تغدوا..وبعدين قامو يتمشون ويلفون وطبعا الجوهرة توري ريم كل شي وكل مكان تعرفه..)

(مرت الايام..وهم انواع الوناسة مع بعض..طلعات وتمشيات ومطاعم..)

ريم واهلها والجوهرة واهلها في السوق..

ريم: الجوهرة تصدقين مرررررررة ودي ادخل الانترنت..بليز دوري لي على اي كوفي شوب فيه انترنت..
الجوهرة:يووووووه ياريم ما صدقنا على الله تنسين الانترنت وتفكينا من شره والحين تبين تدخلين..
ريم: الجوهرة شكلك قاعدة مع امي مدة طويلة هههههههه اقول لا يكثر ابي ادخل الانترنت..
الجوهرة:هههههه طيب يله تعالي بس لا تطولين..
ريم: اوكي منيب مطولة اصلا امي قالت لا تتاخرين اليوم بنطلع نتعشى برا كلنا..
الجوهرة: اوكي..يله امشي نروح للكوفي شوب..
(وصلوا للكوفي شوب..وقعدت ريم على واحد من الاجهزة ومعاها الجوهرة..)
الجوهرة: مين عندك اون لاين ؟!
ريم: يوسف !!! يوووه الجوهرة الحين وش اقول؟
الجوهرة: اممم..اقول لك..طنش تعش تنتعش..سوي نفسك عادي مرة ولا كانه قال شي ولا ارسل شي خليكي طبيعية..
ريم: اوكي..
(ويدخل يوسف على ريم ويكلمها)..

http://www.cooolgirls.com/images/buttons/add_album.png
يوسف:ahleen reem
ريم:Hala wallah..sorry i don't have arabic
يوسف:loool me too
ريم:??almohem keefk
يوسف:??Tamam al7amd lellah enty keefk
ريم:Tamam..
يوسف:ma gelty ly enty weenek akeed msafrah..
ريم:eeh.i'm not in Saudi now..
يوسف:??aha 7eloo..o weenk
ريم:!!guess
يوسف:ammm in london<<< ريم:!!!9a7
يوسف:!! wallah
ريم:eeh loooooool
يوسف :looool..aha o keek londen mbsoo6ah hena؟؟
ريم:eeeeh marrah mbsoo6ah al7amdlellah
يوسف:Reem
ريم:Hla
يوسف:??garety al e-mail elly arsaltah

ريم: يوووووه الجوهرة وش اقول الحين ؟؟ اخاف اقول ايه ويكمل كلامه والا مدري وش بيقعد يقول واخاف اقول لا يقوم يقول اقريه وقولي رايك..
الجوهرة: اقول اقول عندي فكرة..قوليله ايه بعدين غيري السالفة على طووووول..
ريم : اغيرها ؟! وش اقول
الجوهرة: اي شي..مثلا اساليه عن امه...
ريم:ايه والله فكرة..اوكي

يوسف:??Reem weenk
ريم:ana hena..eeh garytah
ريم:eeh yosef ma gelt le shlon ommek al7een؟؟
(يوسف فهم ريم على طول وعرف انها تبي تغير السالفة وما تبي تدخل في هالموضوع فما حب انه يضغط عليها..)
يوسف:wallah ya reem mdry ela al7een ma galo shay..ma agool ela allah ye7fa'9ha
ريم:ameeeen..o y5aleha lek o y5aleek lha
يوسف:ameen ya rab
ريم:aha o ent al7een belmostashfa؟؟
يوسف:eeh b........hospital o feeh 3endehom coffee shop inernet gelt ad5el
shway
ريم:aha

الجوهرة: عرفت المستشفى هذي..تراها مو بعيدة من هنا..
ريم: هههه...طيب وحنا وش علينا؟؟وش قصدم يعني ؟؟
الجوهرة: لا ولا شي بس اذا حبيتي نروح نسلم عليه..احم قصدي على امه..
ريم:هههههه اقول ضفي..

يوسف:reem
ريم:hla
يوسف:listen hathy al song marrrah 7elwah

يوسف:reem tamreen 3la shay..ana lazem
aroo7 a83ed m3 ommy
ريم:la salamtik..o thanks 3la al o'3nyah
يوسف: alla ysalemek..yallah agal ashofek 3la 5eer
ريم:en sha2allah..bye
يوسف:bye

ريم: والله انه مسكين..شكل امه مرة تعبانة..
الجوهرة: ايه باين من كلامه..
(قامو الجوهرة وريم..وراحت ريم تتعشى مع اهلها..)

وفي المستشفى..
(يدخل يوسف على امه ويحب راسها..)
يوسف: هلا يمه..بشريني عنك؟؟
ام يوسف:هلا والله يمه..انا ان شاء الله اني بخير..انت شلونك؟؟
يوسف: ايه الحمدلله انا بخير..
ام يوسف:اكلت شي يمه؟؟
يوسف:ايه توني ماكل..
(يوسف متعلق بامه مرررة وخاصة انه ابوه متوفي من يوم كان صغير وهالشي خلا امه كل شي بحياته..وهو اصغر واحد بالعائلة..يعني زي ما يقولون اخذ اكبر نصيب من الدلع..)
ام يوسف: يوسف..
يوسف: سمي يمه
ام يوسف: وش قالو الدكاترة ؟!
يوسف: انتي لا تشغلين بالك..ان شاء الله كل شي بخير..الحين انتي ارتاحي و نامي..ومن الصبح اروح اسالهم..
ام يوسف:يله وانت بعد شكلك تعبان قوم نام..
يوسف: انتي تامرين امر..
ام يوسف: نوم العافية..
يوسف: الله يعافيك.تصبحين على خير يمه
ام يوسف: وانت من اهله..
(ويقوم يوسف ويبوس يد امه وراسها..وهو طالع من الغرفة الا تجيه الممرضة تقوله ان الدكتور يبيه..راح يوسف وهو خايف ويدعي ان كل شي تمام..دخل يوسف على الدكتور وحس ان الوضع ما يطمن..قاله الدكتور ان امه حالتها صعبة..وتحتاج عملية ضرورية لازم تسويها..مع ان نسبة نجاحها مو كبيرة ومو اكيدة..لكن لازم يسوونها باسرع وقت..يوسف خاف وكلم اخوه عبدالرحمن بالرياض..سلم عليه وسال عنه وعن اخوانه واهله كلهم..)
عبدالرحمن: يوسف بشر ما قال لك الدكتور اي شي عن حالة امي ؟!
يوسف: والله يا عبدالرحمن مدري وش اقولك..
عبدالرحمن:يوسف ؟! وش قال لك الدكتور ؟؟
يوسف: يقول لي انها تعبانة..وانها محتاجة لعملية ضرورية وان نسبة نجاحها ضعيفة والله انا مدري وش اسوي ولا ادري وش اقول لامي هي تسالني طول الوقت..
عبدالرحمن:اسمع..انا حجزي بكرة..ما كنت حاب اقولك وكنت ابي افاجئكم..بس الحين ما فيه وقت للمفاجآت..
عبدالرحمن: شوف ان لا تعطيهم رد الحين انتظر الى ما اجي واشوف السالفة..
يوسف: ان شاء الله..اجل بكرة انتظرك بالمطار..
عبدالرحمن :ايه على الساعة 9 الليل
يوسف: طيب وش اقول لامي !!
عبدالرحمن: لا تقول شي لا تضيق صدرها..انتظر اجي ونشوف..
يوسف:اوكي..يله توصل بالسلامة..
عبدالرحمن: الله يسلمك..فمان الله
يوسف: مع السلامة..

:: الجــــزء الثـــامن ::

( وبعد ما سكر يوسف من عبدالرحمن..دخل ينام..وفي الصباح راح يوسف مع امه يخلصون فحوصات واشعة بخصوص العملية اللي الام ما تدري عنها شي !!..وبعد ما انتهت الفحوصات اللي اخذت وقت طويل..ترك يوسف امه ترتاح وطلع للمطار يستقبل اخوه..)
في المطار..
يوسف: هلا عبدالرحمن الحمدلله على السلامة..
عبدالرحمن: هلا والله..الله يسلمك..
عبدالرحمن: هااا بشر شلون امي..ان شاء الله الحين احسن ؟!
يوسف: والله مدري ان شاء الله كل شي تمام..
يوسف:لمى !! انتي وش جايبك..
لمى: هههه انا تمام انت شلونك؟؟
يوسف: هههه تمام بس انتي وش جابك؟؟
عبدالرحمن: يعني تعرفها اذا حطت شي براسها الا تسويه..
لمى: والله جاية اشوف جدتي مشتاااااقة لها..
يوسف: هههه وانا محد اشتاق لي ؟؟
لمى: لا عمي افا عليك..انا اشتقت لك..
يوسف: ايه باين..تضحكين علي بكلمتين..
عبدالرحمن: يله يله بلا كثر حكي..خلونا نجيب الشنط ونطلع من هنا..
(يطلعون من المطار وعلىالمستشفى.يدخلون على امهم وهي فرحانة فيهم بس مستغربة من جيتهم!!..)
الام: عسى ما شر يا وليدي..جايين من دون ما تعطونا اي خبر..صاير شي يمه ؟!
لمى: وش دعوة يمه ما تبينا نجي؟؟ اشتقنا لك وقلنا نجي نشوفك والا ما ودك..ترى نرجع
الام: هههه افا يا بنتي..انا ما تصدقين شلون انبسطت يوم شفتكم..لو علي خليتكم تقعدون معاي الى ما نرجع..
يوسف: وانا يمه ما اكفي ؟!
الام: انت..انت يا يوسف نور عيوني..ما تهنا لي ديرة انت مو فيها..(تدمع عيون الام وتحاول تخفي دموعها بابتسامة ويقوم يوسف ويحضن امه ويبوس راسها..)
عبدالرحمن: عاد يكفي خلاص..حنا جايين ننبسط..موب جايين عشان نضيق صدرونا..
لمى: ايه والله ترى بصيح..
يوسف: هههه يعني كل هذا ولا صحتي شوفي عيونك..
لمى:ههههه لا هذا موب صياح..
(وتدخل الممرضة تنادي يوسف...تقوله ان الدكتور يبيه بموضوع ضروري..يقوم يوسف وعبدالرحمن يشوفون وش كان الدكتور طالبهم فيه..)
يوسف: عبدالرحمن هذا انت سمعت الكلام للمرة الثانية..الدكتور يأكد على ان العملية ضرورية..وخاصة بعد الفحوصات اللي اليوم..يعني لازم نبلغهم بموافقتنا ولازم نقول لامي..
عبدالرحمن: طيب الحين لازم نرجع للغرفة ونقولها عن كل شي بهدوء..
يوسف:لا....لا انا ما ابي اكون موجود وقت ما تقولها..
يوسف: شوف انا بدخل معاك واخذ معاي لمى ونروح اي مكان على ما انت تقولها.. لاني ما اقدر اتحمل اسمع واشوف رد امي على هالموضوع..
عبدالرحمن: يله..تعال نروح لهم قبل لا يتاخر الوقت..
(وزي ما قال يوسف دخل واخذ لمى بحجة انه يبي يدخل الانترنت..ويبيها معاه..وطلعوا وتركوا عبدالرحمن مع الام..)
لمى: يا عمي وين ماخذني ؟؟
يوسف: تعالي ودي ادخل الانترنت ولا ابي انزل لحالي..
لمى: هههه تخاف تنزل لحالك ؟!
يوسف:هههه الحين هذا جزاي اللي ابي اوسع صدرك..
لمى: تسلم..بس انا قعدتي مع جدتي تسوى الدنيا..بس انا فاهمة ليه تبيني اطلع..ابوي قالي بس هالمرة بعديها عشانك..
يوسف: هههه يمه تخوفين..يله بس تعالي..
(قعدوا على وحدة من الاجهزة وفتح يوسف ماسنجره..ولا لقى احد اون لاين..)
لمى: ما عندك ايميلات حلوة ؟؟
يوسف: الا تعالي شوفي ايميلي مليان..اللي يعجبك خليه والباقي احذفيه..
لمى: اوكي..
يوسف: لمو..تبين تشربين شي والا تاكلين ؟؟
لمى: امممم وش فيه ؟؟
يوسف: مدري عاد وش دراني انا بروح اجيب لي قهوة..
لمى : اوكي جيب لي مثلك..
يوسف: انتي تامرين امر..
(يترك يوسف لمى على الجهاز وطبعا الماسنجر مفتوح !! )
reem..has just signed in
ريم: ahleeen yosef
ريم:keefk o keef alwaldah ??
لمى: بسم الله..ريم !! مين ريم ؟
لمى: وتقول كيف الوالدة..هذي يمكن تعرفنا..
لمى: hlaaa ana mo yosef
لمى: yosef shway o yejy brb
ريم : ok tyt !!
( جا يوسف..)
لمى: عمي تعااااااااال تعااااااااال..
يوسف: هلا....وش فيك ؟!
لمى: ميييييين ريم ؟!
يوسف: ريم..وييين ريم؟؟
لمى: بالماسنجر وحدة اسمها ريم منهي ؟؟
يوسف: الحين موجودة ؟؟
لمى: اييييييييه موجودة وش فيك مستغرب..
يوسف: طيب وخري عن الجهاز بسرررررررعة..
لمى: !!
يوسف: بعدين اقولك انتي الحين قومي..
لمى : طيب طيب ..
يوسف:hlaaaaa wallah reem
ريم: hla..keefk o keeef alwaldah..o meen elle kan 8a3ed 3la al PC
يوسف:ana tamam..o alwaldah b5eer..o hathy elle 3la al PC bent a5oooy 8elt lek 3leeha
ريم: aha hathy lama??
لمى: بعد..بعد تعرفني وانا ما اعرفها..
يوسف: لمو مو وقتك الحين بعدين اقولك..
يوسف:eeee haty lamo
ريم:salem 3leeha
يوسف:yo9al
ريم:yosef
يوسف: hla reem
ريم:I gtg
يوسف:leeeeh..reem bdry wallah meshta8 lek
لمى: ههههه وقدامي بعد والله تطورات يا عمي..
يوسف : اسكتي انتي
ريم: wallah lazem a6la3 c u later..bye
يوسف: ok..ashoofek 3la 5eer take care bye
(يطلع يوسف بعد ما طلت ريم..)
يوسف: يله..لمى قومي خلنا نطلع لهم فوق..
لمى: اوكي بس متى ان شاء الله بعرف عن سالفة ريم ؟؟
يوسف: بتعرفين ان شاء الله بس مو الحين..
(ويطلعون للغرفة فوق..ويلقون عبدالرحمن برا الغرفة يتفاهم مع الممرضة..)
عبدالرحمن: انتم وين رحتوا ؟؟
يوسف: كنا تحت قاعدين على الانترنت ونسولف..
عبدالرحمن: اها المهم وين داخلين..امي خلاص نامت..
يوسف: وقلت لها ؟!
عبدالرحمن: ايه قلت لها..
يوسف: وش قالت ؟؟
عبدالرحمن: انت تعرف امي يا يوسف..ايمانها بالله قوي وتقبلت كل شي..هي اكيد بالبداية ضاق صدرها بس والله العظيم ما كنت متوقع انها بتصبر كذا..الله لا يحرمنا منها..
يوسف: امين يا رب..طيب والحين انت ولمى بتروحون على الفندق ؟؟
عبدالرحمن: لالا انا اليوم بنام عند امي لان العملية بكرة..انت خذ لمى وروحو
يوسف: ان شاء الله..
عبدالرحمن: يله اشوفك بكرة..
يوسف: فمان الله
لمى: مع السلامة يبه..
(ويروحون لمى ويوسف على الفندق..)
وفي الفندق..
لمى:هاه يوسف.. وش سالفة ريم ؟؟
يوسف: هههه انتي ما نسيتي الى الحين..
يوسف: بكرة اقولك الحين لازم ننام..
لمى: لالا ما فيه بكرة..
يوسف: وش تبين اقولك طيب؟؟ وش رايك تسالينها هي الحين بلندن..
لمى: هههه لا منيب سائلتها ابي اسالك انت..
لمى: قول لي مين هي شلون عرفتها..وبعدين الكلام بيطلع من نفسه..
يوسف: امممم ريم هذي وحدة عرفتها من الانترنت..وتحديدا الشات..هي بالشات مرررة مرجوجة يعني يمكن هالشي هو اللي شدني لها بالبداية..بس يوم حاولت اتقرب لها كانت ترفض كثير..لكن مع كثر المحاولة رضت..انا اول مرة اصر على اني اعرف بنت..يعني ما كنت اتحمس على اي وحدة..ولا تشدني اي وحدة..بعد ما عرفتها عرفت انها حبووووبة مرة..
لمى : اها وهي كم عمرها ؟؟
يوسف: تقريبا 17 هي الحين ناجحة لثالث ثانوي..
لمى: ما شاء الله صغيرة..
يوسف: ايه بس عقلها ما شاء الله ولا بنت عمرها 20..
لمى : ما شاء الله عليها..اها كمل..
يوسف: المهم بعد ما قدرت اضيفها بالماسنجر..تعرفت عليها اكثر بالسواليف والكلام...ما اكذب عليك بالبداية كنت اعتبرها من جد مثل اختي..بس بعدين..
لمى: بس بعدين ايش ؟؟ وش صار ؟؟
يوسف: ما ادري يا لمى..والله مدري.. صرت افقدها مرة ودايم على بالي..تعلقت فيها بالفترة الاخيرة بشكل ما تتصورينه..
لمى: يعني ؟؟
يوسف: مدري خلاص اللي قلته يكفي..
يوسف: يله لمى قومي بكرة لازم نقوم بدري..امي بكرة عمليتها وحنا قاعدين نسولف..
ابي اقوم اقعد مع امي قبل العملية..
لمى : اوكي تصبح على خير..(لمى ما حبت تعلق على الموضوع لانها حست ان يوسف متعلق بريم..وزي ما قال لها ان الموضوع صار اكثر من سواليف واستهبال..)
يوسف: وانتي من اهل الخير..
(لمى دخلت تنام..بس تذكرت انها نست شي من الغرفة اللي فيها عمها..دخلت الغرفة وهي تسمع صوت احد !! مو معقولة هالصوت من يوسف..لانه نايم..)
لمى: وش هالصوت !!
(يوسف كان يغني بصوت مو واضح وكانت لمى تسمع بدون ما ينتبه لها..)
يوسف: انا يا امي ترى ما اوفيك مهما يكون..جميلك دين في عمري وربي بك موصيني..ومهما عشت لك وافي بظل الوافي المديون..لانك روح في قلبي..ودم في شراييني..الى الله رافع كفي دعاي انه مرضك يهون..عسى يشفيك لي ربي يا امي يا نظر عيني..
(لمى ما قدرت تتحمل دخلت غرفتها بدون ما يحس فيها يوسف وقعدت تصيح..وتدعي ربها انه يهون على جدتها ويشفيها..)
وفي الصباح..
يوسف: لمو..لمو.. يله قومي..
لمى : ان شاء الله عمي بس اصبر شوي
يوسف: ما فيه شوي..قومي نفطر بعدين نروح للمستشفى..
لمى: طيب خلاص قمت..
( وراحوا يوسف ولمى للمستشفى..دخلوا على عبدالرحمن والام..لقوهم يسولفون.. قعدوا معاهم..الوضع كان صعب بس الكل كان يحاول يبين انه مبسوط ويخفي علامات الحزن من وجهه..وقبل موعد العملية بفترة..دخلت الممرضة تقول انهم لازم يستعدون..)
يوسف: يله يا يمه قومي اغير لك ملابسك..
الام: ااااااه..الله يا الدنيا..بعد ما كنت البسك..واغير لك..الحين جا اليوم اللي احتاجك فيه تغير لي..
يوسف: انا مو بس اغير لك..انا اشيلك بعيوني..
لمى: يا يمه بس ما عليك منه..انا البنت يعني انا اللي اساعدك..
(لمى كانت تبي تقول اي شي عشان تضيع الموقف لانها حست ان يوسف مرة متاثر وخافت على ان الام تنتبه..)
عبدالرحمن: يمه لو نسوي كل شي ما نوفيك حقك..
(يوسف يبي يقول كلام كثير لامه..بس حب انه يسكت..لانه مو وقت مناسب لهالكلام العملية ما بقى لها شي ولا يبي يضيق صدر امه..)
عبدالرحمن: يله يمه تجهزي..بعد شوي بيجون ياخذونك..
الام: طيب يا وليدي اصبر شوي بس ابي اقولكم شي قبل لا ياخذوني..
يوسف: سمي يمه..
الام: طبعا انتم كبار وما يحتاج اقولكم انه الدنيا حياة وممات..وانه مهما الله طول بعمري بيجي اليوم اللي اترك الدنيا مثل حال باقي الناس..
عبدالرحمن: يمه الله يعطيك طولة العمر..
يوسف: يا جعل يومي قبل يومك يمه..
لمى: يمه لا تقولين هالكلام..
الام: ما خلصت كلامي..وهالكلام اللي قاعدة اقوله ما يزعل..
الام: ما اوصيك يا عبدالرحمن على بيتك وعيالك..ويايوسف.. والله لو ربي كتب لي عمر وطلعت من العملية على خير..ورجعنا اني لا ازوجك احلى البنات..وان ربي ما كتب لي عمر فانا ابيك توعدني انك ما تخيب ظني وتتزوج بنت الحلال اللي تبيها واللي تسعدك وتجيب لك بنت وابيك تسميها باسمي..(تبكي الام..)
يوسف: لا ان شاء الله لا تقولين هالكلام..انتي باذن الله بتقومين بالسلامة وتختارين لي البنت اللي تبينها..
(دخلوا الدكاترة ياخذون الام..يوسف ما قدر يقعد ويشوف الموقف..طلع برا..)
في وقت العملية..
(الكل قاعد ينتظر انه يسمع اي رد..اي صوت..اي حركة من ورا باب غرفة العمليات..يوسف لمى وعبدالرحمن..كل واحد يدعي من كل قلبه ان الام تطلع بالسلامة..وان العملية تنجح..بس العملية طولت..وصبرهم نفذ..)
بعد انتهاء العملية..
يوسف: هااا يا دكتور طمني ان شاء الله امي بخير ؟؟
(الدكتور قال لهم ان الام داخلة في غيبوبة والى الحين ما يدرون ايش النتيجة..اذا صحت الام فان شاء الله ان العملية نجحت واذا ما صحت فالاعمار بيد الله..)
عبدالرحمن: لا حول ولا قوة الا بالله..
لمى: يبه وش يعني الكلام اللي يقولونه..يعني جدتي ان شاء الله بتقوم صح !!
عبدالرحمن: ايه ان شاء الله يمه بتقوم انتي ادعليها..
(يوسف ساكت..ما يدري وش يقول..)
يوسف يصرخ فجأة: بددخل عليييييها
(عبدالرحمن والدكتور يحاولون يمنعونه..لكن ما قدروا..مع ان الدكتور قاله ان حالتها خطرة..والمفروض محد يدخل عليها بهالوقت..)
لمى: خلووووه يشوف امه خلووووه
(دخل يوسف على امه وهو يصيح..مسك يدها وباسها وباس راسها..قعد جنبها وكله امل انها ترد عليه ولو بكلمة تذكره بصوتها..)
يوسف: يا يمه يله ضميني.ودفيني بهالاحضان..انا ادري فيك مشتاقة وهمك بس ملاقاتي..يا يمه..يا يمه حييييييييييل ضميني..ابي ارتاح انا تعبان..ابسمع منك اي كلمة..ابسمع منك اي كلمة..لصوتك مسمعي ولهان..ابسمع " يمه يمه " من صوتك ابذكر فيها نشواتي..اشوفك ساكتة يمه ؟؟ غفيتي والا انا غلطان !!..غفيتي يا بعد عمري..
تعبتي من مواساتي..يا يمه..يا يمه..يا يمه طالبك قومي..اذا لي بعيونك شان..اشوف الموت بعيونك..عساها تخيب هقواتي..تعالوا يا بشر شوفوا..انا محتار..انا تلفان..انا امي مدري وش فيها..امي انا ماتت !! امي انا ماتت !! لا...لا...لا ترى غلطان..انا امي ما تخليني على حزني ووناتي..انا امي قلبها طيب..ولا يمكن تبكي انسان..انا امي ما تبكيني..ولا تتمنى اهاتي..يا يمه صح ما متي؟؟ يا يمه صح ما متي؟؟ وصح الموت تو ما حان..اذا متي انا بعدك ابقضي وين ساعاتي..يا يمه قومي..يا يمه قومي وقولي الموت لا ما كان..
(وعلى صوت الاجهزه..يدخلون الدكاتره ويلتفون حول الام..صاروا يحاولون انعاش قلبها اللي لاحظوا انه دقاته بدت توقف تقريبا..يوسف واقف ما يدري وش يسوي لامه اللي قاعد يشوفها تموت بين يدين الدكاتره..انتبهت احد الممرضات بوجوده فطلعته بره وفهمته انه المفروض ما يكون هنا..طلع يوسف وهو منصدم ما يدري وش يقول..عبدالرحمن واقف جنبه يدعي..لمى قاعده تصيح وتقول بنفسها :يارب ساعدها ..يارب خليلي جدتي..وفجأه لاحظو حركه الدكاتره بدت تخف تدريجيا..واخيرا ..سكروا الاجهزه اللي كانت حول الام..يوسف قاعد يقول بنفسه وهو يشوف الدكتور جاي عليهم :لا..لا.. لا تقولها..بس للاسف ماكان فيه حل ولا طريقه الا انه يقول لهم اللي ما كان يوسف ولا عبدالرحمن يتوقعون انه يصير هنا..لكن مهما طالت الايام فنهايتها ان العمر يفنى..اول ما سمعوا الخبر قعدت لمى تصيح..عبدالرحمن تأثر وانصدم لكن حاول انه يكون قوي قدام بنته عشان ما تسوء حالتها اكثر ..ماصار يردد على لسانه الا انا لله وانا اليه راجعون..حسبي الله ونعم الوكيل......اما يوسف..قعد يصيح زي الاطفال ويمكن اكثر من لمى ..مو مصدق انه امه نور عيونه تركته بهالدنيا لحاله..وحيد والناس حوله..الكل تأثر بشكل يوسف ومايدري وش يقوله والا كيف يهديه..)

وفي الفندق..
ابوالجوهره:اليوم وانا بالمستشفى سمعت انه فيه وحده سعودية كبيره بالسن اسمها ............. توفت الله يرحمها..شفت عيالها..الله يساعدهم والله اشكالهم يا عمري تقطع القلب
الجوهره:بابا..وين هذا ؟؟بأي مستشفى؟؟واصلا انت وش وداك للمستشفى؟؟
ابو الجوهره:نسيتي الاجهزه اللي نبيها للعياده..رحت اشوفها واشوف وش اكثر شي يستخدمونه (ابو الجوهره عنده عياده بالرياض)
الجوهره:ايه والله نسيت..طيب هالكلام بأي مستشفى؟؟
ابو الجوهره:......القريب من هنا
(الجوهره تذكرت على طول يوسف وامه وشكت انها هي.. قامت الجوهره واستاذنت من ابوها انها بتطلع مع ريم ...قالت لها اللي سمعته من ابوها واللي هي شاكه فيه الحين..)
ريم:اقول الجوهره..وين قلتيلي المستشفى؟؟
الجوهره:وشو؟؟ اي مستشفى؟؟
ريم:اي مستشفى بعد..اللي فيها الحرمه اللي توفت
الجوهره:ايه داريه بس وش قاعده تخططين الحين ؟؟
ريم:ابروووووح
الجوهره:ايوه؟ وبعدين؟؟
الجوهره:يعني حتى لو طلعت امه شلون بتعرفينه؟؟
ريم:مدري مدري اكيد راح اعرفهم..
الجوهره:اممممم... اقول..قومي بسرعه قبل لا يروح الوقت
(ويروحون على المستشفى ويسالون عن الام الى ما عرفوا هم بأي دور..طلعو لنفس الدور وهناك..يشوفون بنت و رجالين..واحد منهم كان شكله كبير..ريم اول ما شافتهم قالت اكيد هذا اخو يوسف..وبنته لمى..وهذا .. هذا يوسف!! ايــــــــه اكيـــد هو ..ولد طويل..مملوح.. اسمر ..بس الشي الوحيد اللي ضيق صدر ريم انها قاعده تشوف احد يصيح ..كان قاعد الولد هذا على احد الكراسي وكانت جنبه البنت..كان الاخو حاط يده على كتف الولد وقاعد يكلمه بكلام ما ينسمع الكلمه الوحيده اللي سمعتها وفهمتها هي يوسف.. عرفت ريم انه هو ..تأثرت ريم بشكله مرررررره ..قعدت تناظره هي والجوهره)
الجوهره:والله انه حلووووووووو ريم ناظري شكله
ريم :والله انك من جد رايقه يالجوهره شوفي شلون اشكالهم تقطع القلب وانتي مدري وش قاعده تقولين
الجوهره:ايه والله تقطع القلب
الجوهره:بس ياختي مملوووووح مررره وشكله كذا شخصيه
ريم:الله يرحمها.. والله شكله كان مرره متعلق فيها..اقول الجوهره قومي خلاص خلينا نطلع
(ويطلعون ريم والجوهره .. ريم ساكتة ما تتكلم..مو مستوعبة الموقف !! )

ياربي حراااام ( الله يرحمها )
بانتظاركـ
تحياتيـ ...

منوووورة الصفحة...
تحياتي...

الرواااااااااااااااية حلووووووووة
يسلمووو بنت عميييييي
انتظر البارت الجديد

مشكووورة بنت عميي على المروور...
منووورة الصفحة..~ْ
تحياتي... مجنونة وحلوة