روايتي الأولى ::ذايب في هواهم::

ذايب في هواهم


((الجزء الأول))
بسم الله الرحمن الرحيم
بسمه مقلب القلوب والأبصار..

قصتنا رومنسية ,, إجتماعيه ,, بمعنى أصح كوكتيل راح تعيشون أجواء متعدده معانا .. تناقش كثير من قضايا المجتمع "الحب""الإهمال""العنف""مشاكل المراهقين""الصداقه""الدراسه بالخارج" والكثيييييير من القضايا ,,
في البدايه راح اعطيكم تعريف عن شخصيات قصتنا الرئيسيه ...

عائلة ناصر(أبو فيصل)
*فضيله أم حنونه على أولادها أم لـ5 بنات وولد مديره في مدرسه ثانويه محبوبه عند أكثر طالباتها متفاهمه وديموقراطيه متوسطه في العمر..

*ناصر رجل أعمال معروف حنون على أولاده متفاهم مع زوجته..

*فيصل شاب وسيم وجميل وجذاب عمره 25سنه يدرس في فرنسا قسم محاسبه بقى له سنه ويتخرج,, أسمر وعيونه عسليه خشمه سلة سيف وطويل ونحيف ع شوية عضلات تبع تمارين الحديد وسوالف العضلات,,عليه شموخ يذبح البنات,, مسمى لبنت خاله رزان من لمن كانو صغار ...

*مها أكبر بنت عند فضيله وناصر عمرها 20 متزوجه أسامه واحد من معارفهم مرتاحه وسعيده معاه عندهم طفل عمره سنه(ريان)..

*دانا بنت في قمة النعومه وجميله جمال هادئ وجذابه بنعومتها عمرها 17سنه طالعه ثالث ثانوي قسم علمي,, بشرتها قمحيه صااافيه رشيقه وينقال عنها أحيانا نحيفه تاخد كثير من ملامح أخوها فيصل بس عشان أنها بنت وملامحها أنعم وعيونها رماديه وشعرها اللي يغطي ثلاثة أرباع ظهرها كستنائي محبوبه عند الكل وقريبه لكل أخوانها..

*عهد بنوته حبوبه ونعومه عمرها 16سنه طالعه ثاني ثانوي حساسه وتعشق النت نحيفه وبشرتها بيضاء عيونها سوداء وفيها لمعه رماديه خفيفه شعرها ينزل من ع أكتافها ...

*ملاك ماتقل جمالا عن خواتها عمرها 12سنه طالعه ثاني متوسط النت هو عالمها الخاص تؤمن بالقصص والروايات ...

*أخيرا غلا عمرها 6سنوات في الروضه طالعه للمدرسه ...

*:*:*:*:*:*:*:*:*:*:*:*:*:*:*:*:*:*:*:*:*:*:*:*:

عائلة عبد العزيز(أبو فهد)..

*عبد العزيز رجل أعمال معروف شريك لناصر في حلاله وأملاكه أخو فضيله زوجة ناصر حنون ع أولاده ...

*مريم أخت ناصر و زوجة عبد العزيز مرتاحه مع زوجها حنونه ومتعلقه بأولادها كثير وخصوصاً رزان ...

*ريهام أكبر بنت عند مريم وعبد العزيز عمرها27 متزوجه طلال ولد خالتها مرتاحين وسعيدين مع بعض عندهم بنت (رهف)عمرها 6سنوات و(أحمد)عمره 3سنوات و(روابي )عمرها2 سنه ...

*فهد شاب وسيم وجداب عمره 24سنه يدرس مع فيصل في فرنسا قسم هندسه كهربائيه بقى له سنتين ويتخرج قريب جداً من فيصل ,, حنطي وعيونه سوداء ورموشه كثيفه طويل لكن أقصر شوي من فيصل وطبعاً بما أنه صاحب فيصل وولد عمته وولد خاله في نفس الوقت فهو يميل لتمارين الحديد ...

*رزان بنت في قمة الجمال عليها جمال خيالي وجسم ماشاء الله عمرها 17 سنه في نفس عمر دانا وهم صاحبات الروح بالروح طويله طول مناسب لأنها بنت وجسمها رشيق ينقال عنها أحيانا نحيفه بيضاء وبشرتها صافيه عواينها وساع خشمها سلة سيف ورموشها كثيفه شعرها عسلي يغطي ظهرها كامل عليها ابتسامه تذوخ أقل وصف ينقال أنها آية جمال..

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

عائلة سلمان(أبو شوق)ولد أخت نورة أخت ناصر ومريم ...

*سلمان أب حنون ع بنته الوحيده شوق اللي عمرها 6سنوات وولده(جاسم)اللي عمره 4شهور,, متزوج هنادي مرتاح وسعيد معاها حنون ع أخوانه عقب عين أمه وأبوه ...

*طلال زوج ريهام بنت عبد العزيز ...

*هنادي زوجة سلمان سعيده ومرتاحه معاه ...

*رؤى أخت سلمان الكبيره عمرها 24 متزوجه سعيده مع زوجها رائد عندها وبنوته عمرها 6شهور (ريوف) ...

*راشد شاب عمره23عمرة بين فيصل وفهد عزابي ويعشق شي أسمه حاسب وهو تخصصه ,, ماشاء الله معتمد ع نفسه عنده محل كمبيوتر ويدرس الماستر في الجامعه آخر سمستر وسيم وأبيض وطوله متوسط بالنسبه لأنه ولد يحب تمارين القوى أكتافه عراض بار بأخته رؤى ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

بكذا أكون عرفتكم ع الشخصيات الرئيسيه وأن شاء الله راح تتعرفون ع الباقي..

نبدأ..
"أجمل اللحضات أن تحتضننا أرضا واحده"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 5بعد صلاة الفجر في فلا فاضل بالتحديد في غرفة رزان..

بعد الصلاة أنسدحت رزان ع سريرها توها مغمضه عينها رن جوالها..
رزان: يالله صباح خير سكنهم بمساكنهم
دانا: هههههههههه أزعجتك
رزان: لا بس توها بتغمض عيني صحيتيني
دانا: أهااا رزونة قلبي طلبتك قولي تم
رزان: ع حسب الطلب
دانا: ما أقول إلا مااااالت
رزان: هذي اللي بتطلب شوي وتكفخني شتبين يلا بسرعه تكلمي
دانا: أبيك تنامين معانا
رزان: ما أقدر أخلي مامتي بروحها
دانا: بليز رزون بس بكره وبعدين كلمتين منك تخلي خالو يجلس مع ماميتك وأنتي تنامي معنا
رزان: مدري بشوف
دانا: وش بتشوفين ماعندك حجه والله أخاف ننام معكم وخالي يطردني من متى وأنا معسكره عندكم من بداية الإجازه وياليت لو أنا بروحي أنتي وحده تعالي لنا
رزان: ههههه طيب بسأل مامي وبرد عليكم
دانا: أوك ومو تطولين والله لو ما رضت عمتي من تجي بيتنا أقفل عليك غرفتنا وأغتالك أجل كل هالتغلي علينا
رزان: هههههههههه طيب يلا أنقلعي
دانا: لا مفر دقايق وأتصل آخد الرد هااا
رزان: أوكي
رزان قفلت الجوال ومددت جسمها ع السرير وقامت بنشاط فتحت البلكونه والهواء طير شعرها الحريري دخلت دورة المياه((تكرمون))خدت لها دش سريع خلصت وبدلت ملابسها ورتبت شكلها ونزلت الصاله لقت أمها وأبوها يفطرون..
رزان: صباحكم ورد
مريم: أحلى صباح ع أحلى بنوته فب الدنيا وش هالنشاط
عبد العزيز: هلا بدلوعتي هلا ببنتي تعالي جنبي بابا
رزان باست رأس أمها وأبوها وجلست جنب أبوها: تسلمون بابتي آند ماماتي
عبد العزيز: بابا عندك شي ناقصك شي أحس عيونك فيها كلام
رزان بإبتسامه: أي والله بنات عمتي يبوني أنام معهم
مريم: والله زين يسوون ع الأقل تغيرين جو شوي عن جلسة البيت
عبد العزيز: بالتوفيق حبيبتي تبين تروحين الحين آخدك ع طريقي ولا بعد العشاء تجلسين معاهم
رزان: لالالا اليوم بعد العشاء بجلس معاهم وبنام
مريم: أستانسي ماما مو أنتي من بداية الإجازه ما طلعتي ولا غيرتي جو دوم حابسه نفسك معي
رزان: لا شدعوه ولا مليتي مني؟؟
عبد العزيز: حد يمل منك أنتي
رزان: تسلم بابا بس عاد بكره أنا مابكون موجوده الصباح وعاد ما أوصيك بالغاليه الساعه 7موعد إبرة الأنسولين والساعه 8ونصف وقت قهوتها ولا تخليها بروحها و.... "كانت رزان رغم رقتها ونعومتها إلا أنها مهتمه بصحة أمها ومتعلقه فيها كثير وصايره لها ممرضه في البيت"
عبد العزيز: بس بس بس كل هذا خوف ع أمك وأنا مالي كرت
رزان بدلع: عاد أنا ما أفرق وكلن يعرف معزته
مريم طاحت دمعتها: الله يبلغني فيك عروس
رزان: خلاص يماا لا تقلبينها مناحه
مريم: غصب عني من بقى لي في هالدنيا غيرك أنتي وأخوك عسى بس أشوفكم عرسان قبل لا الله ياخد أمانته
رزان باست رأس أمها: عقب عمر طويل يما الله يرجع فهد بالسلامه ويفرحك فيه
الكل: آآآآآآآآآآآميـــــــــــــــن
رزان: تآمروني بشيء؟؟
عبد العزيز-مريم: سلامتك
رزان: يلا أنا رايحه أنام صحيني يما إذا نويتي تروحي بيت عمتي
مريم: إن شاء الله
عبد العزيز: يلا أنا بعد أستأذن
مريم: موفقين
بعدها عبد العزيز راح الشركه ومريم ركبت تنام ورزان نامت بعد ما بشرت دانا أنها راح تنام معاهم وجهزت كل ما يلزم للسهره والوناسه من أكل ولابتوب وكاميرا وملابس وأشرطه وغير حشوة الورق عنب والسمبوسه وو..

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 3:30 م في فيلا ناصر
وصلو رزان ومريم ورحبو فيهم طبعا ع العاده جمعتهم يوم الخميس وجلست الشاهي وبعد الصلاة العشاء..
عند الرجال..
سلمان: لاحول هذا رشود وقته يتأخر نبي نتعشى
طلال: أتصل عليه
سلمان: هلا راشد.........وقتك أنت تتأخر ماتعرف أن في ناس ينتظرونك ع العشى.......ياسلام وليه الربع ساعه أن شاء الله.......رشود وش فيك جالس تتأمر.....لاحول أنشاء الله عمي راشد تآمر بشي ثاني؟؟.........أوكي باي
ناصر: شعنده راشد
سلمان: يقول روحو تعشو مع الحريم
عبد العزيز: أوب من زمان ما تعشينا سوا مع الحريم
ناصر: طيب راح أعطيهم خبر

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

عند الحريم..
عهد: أسمعو وعو
الكل: شصاير
ملاك: شكلها الأخت بتلقي خطبه
دانا: حلفي روحي هاتي المنبر
البنات بهبال: هههههههههههههه
عهد: جب بس جب
ريهام: شصاير
عهد: بابا يقول بيجون يتعشون معانا
فضيله: غريبه من زمان ماتعشينا سوا
عهد: يقولون راشد طلب منهم مدري وش وراه
دانا: لاحول وقت طلباته اللأخ
رزان: جب لاحد يسمعك وعن الخناق أنتي وياه أعقلو
دانا: أحاول
طبعا الحريم كلهم لبسو عباياتهم وجو الرجال وكل واحد صار قبال اللي محرمه عليه يعني بحيث أنهم ما يضطرون يتغطون والبنات بدو صحن رايح وصحن جاي وحوسة العشاء ...
سلمان: لاحول...هلا راشد.......أيوه جالسين ننتظرك تشرف"فجئه سلمان رمى الجوال ع صرخة فضيله"
فضيله: فيصـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــل يما حبيبي وحشتني كيفك أخبارك وش مسوي
فيصل يضمها أكثر: هلا يما
كلهم قامو يسلمون ع فيصل وفهد وأنشغلو عن العشاء..
رزان وهي ضامه فهد بكل ما أعطاها ربي من قوه وتبكي و أكمامها أرتفعت ويدها البيضاء بينت : وحشتني وحشتني
فيصل يناضرها بشوق: خلاص عاد ماصارت قلبتوها مناحه
فهد وفيصل بغو يلطفون الجو قامو يوزعون بوسات ويحنون ظهورهم والبنات يصفرون ريصفقون ,, رزان أنتبهت لفيصل يناظرها بعدت عن فهد وجلسو ...
مريم وهي تبكي: شلونك يماا عساك مرتاح"وتلمس رأسه"تاكل زين
فهد: لاحول يما إذا بتبكين برجع
مريم: من فرحتي فيك يما
ريهام:جلسو قبل لايبرد العشاء
جلسو ع السفره ياكلون وهم يسولفون ...
فيصل: بجد وحشني أكل هنا من زمان ما أكلت مثل الناس
فضيله: بالعافيه حبيبي
فهد: وحشني طبخك يالغاليه
راشد: ههههههههههههههه شرايكم بالمفاجئه
مريم ضربته ع راسه: أنت لاتتكلم
دانا: ههههههههههههه يبي يسوي نفسه مهم مسكين
رزان: دانوه أعقلي عنه خلاص لاحد ينتبه لك
عهد: لاهو بيرتاح ولا هي بترتاح إلا إذا تهاوشو هوشه محترمه
راشد طنش دانا: أفا يالغاليه خلاص أجل أرجعهم مكان ما جبتهم
مريم: حسبي الله ع إبليسك فاجئتني أترك عنك هالحركات بغيت تجيب أجلي
راشد با رأس مريم: عقب عمر طويل نانسي أأأأ أقصد خالتي
ملاك عطت فيصل روابي بنت رؤى: تعرف هالبنت
فيصل بوس روابي: ياقلبوو تجنن
روابي فوق رأسها مليون علامة تعجب وبكت ماتبي فيصل ريهام خدتها ...
ريهام: ماعليش روابي هذا خالو فيصل ليش الصغونه الحلوة ماتبيه
روابي: ما أبي
مريم: شوي شوي ويتعوديون
فيصل: شكلي بتعقد ما باخد حد خل أحفظ موية وجهي
عهد: هههههههه ياعمري روابيوه ع بالها أن فيصل عايش داخل الابتوب
فيصل: ههههه أيه الحين هي تقول كيف صار حقيقه
فهد: الإنتاج الجديد عرفوني عليهم شوي شوي
مها عطته جاسم: هذا ولدي
فهد: لاوالله من متى؟؟
أسامه: ولدي وش فيك مو مصدق
سلمان: هييييييي عن الغلط لا حد يتبنى ولدي هذا ولدي
فهد: والحين مو هذا جسوم ولد سلمان؟؟
فضيله: هههههه حسبي الله ع أبليسكم عن الغش بهدلتوهم
غلا نطت عرض ومطلعه فجمتها"أسنانها توهم طايحين": فيصل عرفتني؟؟
فيصل يسايرها: إذا ما خاب ظني غلا بس شفيهم النوافد مفتحين"يقصد أسنانها"
غلا ولسه ع وجهها الإبتسامه العريضه: قالو لي دانا ورزان روحي جنني فيصل وفهد أكيد ما راح يعرفوك
هنا الكل فطس ضحك: هههههههههههههههههه "مسكينه هالغلا تصدق بسرعه"
ناصر: ذكرتيني باللي حلق وراح لأهله يتبسم ويقول ههههه ماعرفتكم
الكل: هههههههههه
فضيله: ههههههههههههههههه أعقلو عن بنتي
وبعد العشاء جلسو العائله ضحك ووناسه وفهد وفيصل تعرفو ع الإنتاج الجديد بدون غش اللي هم المواليد اللي ماشافوهم من سنه ونص آخر مره نزلو فيها السعوديه من جد شي حلو أول مره يشوفون بزارين العائله وأنبسطو من قلبهم ,, وجاء وقت الحلى بعد الأكل اللي عن حساب رزان ودانا مسويينه لسهرتهم صار من حظ فيصل وفهد والجماعه وصارت الجلسه أحلى مع الحلى وورق العنب والأكلات الخفيفه حق السهره وبعد كذا كلن راح ع بيته بقى راشد ومريم وعبد العزيز وفهد وفيصل ورزان ...
فضيله: كيف فارس؟؟<<فارس صديق فهد وفيصل الروح بالروح وقريب راح تتعرفون عليه
فهد: بخير والله حاولنا فيه يجي معانا بس عشان أهله بيفاجئهم
فيصل: واللي يرحم والديك ماصدقنا نفتك منه في فرنسا يلاحقنا هنا
فضيله: أقص يدي إذا الحين مارحت تسهر معه
الكل: ههههههههههههههههه
وأثناء ما الكل يضحكون ويسولفون وكلن منشغل في نفسه أنتبهت دانا لنظرات راشد اللي تاكلها وأرتبكت ولفت وجهها شافت عهد ورزان يبتسمون واضح أنهم ماخدينها فرصه للضحك والتريقه نزلت رأسها للأرض طوالي ...
عبد العزيز: يلا نستأذن
ناصر: أجلسو تو الناس بكره الجمعه
عبد العزيز: جلس لك الخير صار لازم نمشي"التفت ع رزان: بابا رزان بتجلسين ولا بتروحين معنا؟؟
دانا بلقافه وهي تخفي توترها من نظرات راشد: لابتجلس
راشد..ياربي أنا ليش ما أنتبه لنفسي وأناظرها بـ هالطريقه أخاف تصدق نفسها أني أحبها لالالا ع هالخناق ما أتوقع أن أنا ودانا نحب بعض يمكن أميل لها شوي بس ماتوصل مرحلة حب وهي أساساً مستحيل تحس فيني أو يمكن عشان فهد وفيصل كل واحد يحب وحده من العائله فما بقت إلا دانا قدامي وصرت أناظرها بس ما أنكر أنها تجدبني أوووه أنا شفكر فيه ...
رزان بهودئها ونعومتها المعتاده: مدري
دانا: أقول من متى وأنتي واعدتنا بالنومه والحين يوم عملنا حسابنا وتعشمنا خير تنكبينا
عبد العزيز: علشان خاطر بنت أختي القمر دانينو ما في طلعه
رزان: براحتكم لاتنسى بابا مثل ما وصيتك ع ماما
عبد العزيز: في عيوني
وراحو عند الباب يطلعو والكل راحو يوصلونهم ...
راشد: متصلين الشباب يبونكم
فهد-فيصل: أوكي بس بنتحمم وجايين
فضيله: شيطلعكم جايين من مشوار وسفر نامو لكم شوي وأرتاحو وبعدها أطلعو
فيصل: الله يعافيك يما حنا جايين عشان ننام نبي نطلع نشم هواء
فهد: أي والله صادق
وبعدها أستأذنو الشباب وطلعو وفضيله طلعت تنام والبنات كملو سهرتهم بس رزان كانت حدها مستحيه ومتوتره لأن الوضع أختلف لمن قررت كان فيصل مو موجود بس الحين موجود وتخاف أنه ما ياخد راحته ...
في جناح البنات اللي مكون من أربع غرف غرفة نوم لعهد وغرفة لدانا وغرفة لملاك وغرفة لغلا بالإضافه إلى بوفيه صغير حق التحضير السريع والمعلبات والشيبسات ,, عهد ودانا ع طول ينامون مع بعض في غرفة دانا فصارت غرفة عهد هي غرفة المكتب اللي يذاكرون فيها وملاك أكثر الأوقات تكون في غرفتها وقت النوم وغلا تنام مع أمها في غرفتها اللي في جناح فضيله وناصر وغرفتها غرفة ألعاب فيها سرير أطفال الطباق الأول جلسه حق اللعب والطابق الثاني عن حساب للنوم بس غلا ممليتنه ألعاب ومافي مجال حد ينام عليه ومها عندها غرفه في الجناح الفاضي فيه أغراضها وأغراض ريان أريح لها للروحه والجيه من شقتها لبيت أهلها ...
]]نرجع للبنات[[
ملاك دخلت الجناح وطوالي راحت غرفة المكتب تجلس ع النت وغلا نامت مع أمها بقى عهد ودانا ورزان ...
عهد ورزان يسولفون ودانا ماتدري وين ربي حاطنها..
دانا..ليش يناضرني بـ هالطريقه وربي ضايقني مهما يكون أنا بنت أبي أتكلم بحريه ما أبي أحد يقيدني بنضراته ولا أبي حد يغير رايه فيني مهما كان أمي أو خواتي أو أخوي أو أي حد من العائله يمكن يحبني لالالالا وش فيني وين رحت مستحيل راشد بالذات يفكر فيني وفارس ياربي راسي بينفجر من التفكير صحيت ع صوت رزان ...
رزان: مو صح دانينو؟؟
دانا تلعثمت من جد الله يهديك ياراشد: أأأ..أي..صح ..لأ..مدري
عهد: ههههههههه الأخت رايحه فيها
رزان: أعراض الحب أثنين ماشاء الله من قدها
دانا: جب أنتو ماتدرون عن شي
عهد-رزان رزو وجيههم عندها: ليش وش صاير؟؟
دانا: يعني ماشفتي المفجوع رشود كيف يناضرني أكلني بعينه وربي أستحيت
رزان "وهي تغمز": الحب يادانا الحب
دانا بعصبيه: حبك صعيدي قولي آمين
عهد: مسكين يافيصل سوتك دانوه صعيدي .. أووه .. طيب فهمينا كيف تبينه يناضرك؟؟
دانا: ما أبيه يناضرني أصلاً
رزان: بل أجل تبينه يغمض إذا شافك؟؟
دانا: أقول أنقلعو أنتي وياها ماتفهمون
رزان حبت تلطف الجو لأن عارفه أن دانا مو حابه تتكلم فحبت تخليها تاخد راحتها في التفكير ...
عهد: طيب لو خيروك بين راشد وفارس مين تختارين؟؟
دانا: خاطبيني هم عشان يخيروني؟؟
عهد: لالالا بس أقول مثلا مثلا
دانا: ما أبي أعور راسي عسى عواين رشود تتفقع
رزان: مسكين يارشود باقوم أطلع عنه صدقه عشان يسلم من دعواتك عنبوك وش هالدعوات
عهد: ههههه طيب وفروس
دانا: أنا شيخصني فيه؟؟
عهد: ركزي معاي لو في المستقبل جاك فارس وفي نفس الوقت جاك راشد وخطبك مين بتختارين؟؟
دانا: ليه أشغل بالي من الحين إذا الله أحيانا وجا ذاك اليوم أفكر
رزان"وهي تقوم": بنادي ملاك مسكينه جالسه بروحها خليها تسهر معنا
ملاك: هلا رزان
رزان"وهي تسحب يدها وتقومها": قومي أسهري معنا لاحقه ع النت
ملاك: ههههه أن شاء الله
بعدها كملو البنات سهره محترمه وما نامو إلا بعد شروق الشمس بساعتين تقريبا ...
والشباب ماخلو ماكان ما راحوه وسهره وبلياردو وبلوت وحركات وشكلهم مو ناويين ينامون إلا راشد راح بيته وراه جلسه من الصباح وفهد وفيصل رجعو مع بعض فيلا ناصر ...
]]-ـ-ـ-ـ-ـ-ـ-ـ-ـ-[[
الساعه 10:30ص جلست عهد من النوم ع صوت الأستيريو العالي وهي تتنهد متضايقه من الصوت وتشوف دانا ورزان نايمين وتسب فيهم ع ثقل روسهم كل هالإزعاج ولا صحو راحت بدون لاتغسل وجهها ولاتفرك أسنانها ولاتبدل ملابسها ولاحتى تمشط شعرها كان شكلها شكل وحده نايمه صح ,, راحت تدور ع مصدر الصوت وكان تدخل جناح فيصل هجووووووووووووووووووووووم روترفس الباب ورا الباب زين أنه الأبواب ماتكسرو من رجلها وتوها فتحت فمها بتبدأ تهاوش أنتبهت ع فهد ولد خالها وراها لاوي ع صبعه من الألم<<الأخت فتحت الباب ع صبعه خخخخ ...
عهد..والله فشله لو فاتح الباب ع رجل فيصلوه أحسن إلا قرادة الحض ما طاحت إلا في راس فهد المسكين المؤدب اللي مايهتش دبانه ...
فهد من الفشله ماصرخ ولا شي بس قام يدلك صبعه وهو شوي ويموت من الألم..مسكينه البنت خايفه خل أتحمل لا أحرجها أكثر أيي مو قادر أتحمل عشان عهد خل أكتم في نفسي يارب يخف الألم ...
"عهد لا إراديا جلست تدلك وياه"
فهد..يؤ مسكينه من الصدمه تبي ترقع وتغطي فشلتها ولا وش جلسها تدلك صبعي أكيد مو منتبهه لنفسها خل أتباعد لا أحرجها أكثر أممممممم مساجها مريح ياربي شفكر فيه أنا ...
عهد"وهي تسب فيصل ع الموقف": سوري ماكنت أقصد<<الأخت ناسيه شكلها اللي يروع خخخ
صحاهم صوت فيصل اللي منحرج من أخته: عقب ماكسرتي رجل الولد"وهو يقلدها"سوري ماكنت أقصد"رجع صوته طبيعي: روحي بس غسلي فمك وبعدين لو تكلمتي عهد طوالي تذكرت شكلها اللي يروع وهربت ...
فهد: حرام عليك أحرجت البنت
فيصل"يناضره بنص عين": فشلتها هااا قم بس خل أوديك الطبيب
فهد: أي طبيب مافيني شي
فيصل: أكيد ماراح تتألم إذا الضربه القاضيه جايتك من الحبيبه ولو أني أشك أنها الحبيبه عقب اللي شفته زين أنك ماهربت
فهد بأنفعال: فيصل وش هالكلام أنا مستحيل أغير رايي في عهد أنا أغير رايي في الدنيا كلها إلا عهد وبعدين ليه تقول الضربه القاضيه ع بالك أن عهد ترفل أتش<<مصارع
فيصل: هههههههههههههههههه حلوة أترفل أتش من جد لابق ع عهدوو شكله الغمص حاجب عنها الرؤيا مسكينه مصدقه نفسها جالسه تدلك معاك
فهد عصب: أقول جب لا أشيش رزان عليك أنت تعرفني شلون في الفتان
فيصل: لااااااااااااااا يامعود أنا جلف وحيوان وبقره أقصد ثور وماعندي ذوق وعهد شيخة البنات وحلوة في جميع الأحوال
فهد وهو يضحك: هههههه أيوه كذا خلك مطيع
فهد سرح شوي
فيصل بصراخ: وينك ياعهد أخدتي عهد الولد ورحتي
فهد رماه بعلبة الإكلينكس ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

برب-->>>لي رجعه مع تكملة البارت

في نفس الوقت ...
دخلت عهد جناحهم وصحت دانا ع صوتها تبكي<<تو الناس
دانا بروعه: عهود حبيبتي شصاير وش فيك تبكين؟؟
عهد: ..............
رزان بروعه: شصاير وش فيها عهد؟؟
دانا: مدري عنها مو راضيه تتكلم
ملاك: من ماااااااات
دانا ضربتها ع رأسها: أنتي نامي أبرك لك فال الله ولا فالك
دخلت عليهم فضيله<<كملت
فضيله: بسم الله الرحمن الرحيم وش صاير وش فيها عهد؟؟
البنات بصوت واحد: ماندري
دانا بصوت واطي: خشب
رزان بنفس الهمس: مو وقت تريقتك
فضيله: ماما عهد من مزعلك؟؟
عهد: ..........
فضيله: طيب حبيبتي هدي وإذا هدأتي قولي لي وش فيك إذا تحبي "طلعت"
"عهد هزت رأسها بمعنى طيب"
مع محاولات البنات نطقت عهد: دانا
دانا: أخيرا رضيتي تتكلمين
عهد: ........
دانا: طيب ممكن تقولي لي وش فيك قالبتها مناحه؟؟
عهد: أنتو روحو تغدو وإذا جيتو أنا راح أقول لكم
دانا: نعم ما راح أتحرك إلا رجلي ع رجلك
ملاك: أي والله وهي الصادقه
رزان: اللقافه تجري مجرى العروق في الدم
دانا: عهدو تكلمي حمستينا
"عهد وهي تشهق حكت لهم اللي صار من طق طق للسلام عليكم"
البنات: هههههههههههههههههههههههههههههاااااي
دانا: والله آكشن من متى وأنا أنتظر يصير بينكم موقف آكشناتي كذا أحسن من حبكم سكتم بكتم
ملاك: تتوقعون فهد صرح بالحب
رزان: أي والله وضربة الصبع هي الميثاق
دانا: يالخبله كان سويتي نفسك ماتدرين عن الدنيا ونطيتي في حضنه علشان يفتكرك رقيقه ماتقدرين تشوفين الدم
ملاك: وربي لو سوتها يحملها للمستشفى وينسى وجع صبعه وأم وجعه
رزان: أي والله وتعود أيام عبله وعنتر ويتحطمون
وكل وحده من البنات شارت ع عهد شور وكل وحده خبالها أعظم من الثانيه ...
صرخت فيهم عهد: بسسسسسسسس أنا في شنو وأنتو في شنو
رجعت دانا تضحك بهستيريا: هههههههههههههههههههه من صدقك جلستي تدلكين صبعه
عهد رمتها بعلبة الإكلينكس: هذا اللي هامك جب
ملاك ضربت دانا: أي والله وهي الصادقه خلينا في الأهم"التفتت لعهد: كيف كان شكله أعجب فيك أو لأ؟؟ كيف تحسين أنه وده أنك كل يوم تكسرين صبعه؟؟ماطاحت دموع الشوق؟؟........
قاطعتها عهد: من جد أنكم مراهقات سخيفات
رزان: لالالالا أنا عارفه أنتي شتفكرين فيه تفكرين إذا أخوي غير رايه فيه ولا لأ أنا أقول لك أنه ماغير رايه فيك ومستحيل يغير رايه لأن الحب عامل عمايلووو وهو يشوفك في جميع الأحوال حلوة ومن جد عهود أنتي حلوة
عهد: لاحول تكلمت الطبيبه النفسيه

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

في نفس الوقت اللي طلعت فيه .. في جناح فيصل كانو الأبواب لسه مفتوحين دخلت فضيله وطقت الباب..
فيصل وهو يعدل جلسته: حياك يماا
فضيله: يحييك كيفكم عسى تأقلمتو ع الوضع هنا؟؟
فيصل: عال العال الحمد لله
فضيله: الحمد لله وأنت فهد شلونك؟؟
فهد يتبسم وإبتسامته كل ما جاء لها وتتسع
فضيله: نحن هنااا
فهد: أي...أأ هلآآآآ عمه حيا الله من جاء
فيصل ويضرب كفينه ببعض: ههههههههههه الأخ رايح فيها توه يرحب
فهد: ضريف
فضيله: لا حول أعوذ بالله شصاير ناس مفهيين وناس يتبكبكو صاكتكم عين؟؟
فيصل: هههههههههههههههههههههههههاااااي عهدوه تبكي؟؟
فضيله ضربت راح ع راح وتكلمت ببرود: لا والله يعني أنت تدري وش فيها وساكت؟؟
فيصل: أسألي العنز اللي وياها
فضيله: لا حول بتتكلم ولا شلون؟؟
فيصل: أممممممم أقول بس ماتعصبي؟؟
فضيله: أخلص وش صار؟؟
فيصل حكا لها اللي صار بأختصار بدون الأكشنات يعني قال أنها داخله جناحه تتهجم وعورت فهد وهو تطنز ع شكلها وطلعت تبكي ...
فضيله: لاحول أنت بتعقد لي البنت أروح أشوفها أبرك لي
فهد صحى من غيبوبته شوي: الله معك عمتي
فضيله: أنزلو ع الغدا وأنا بلحقكم
فهد-فيصل: أن شاء الله
فضيله طلعت من جناح فيصل راحت عند البنات عشان الغداء وسمعت أصوات ضحكهم لآخر الدنيا أبتسمت عرفت أنهم يعلقون ع الموقف أستأذنت ودخلت ...
فضيله: ها ماما عهد صرتي أحسن
"عهد هزت رأسها بحياء لأنها عرفت أن أمها درت باللي صار"
رزان: عن أذنكم
دانا مسكتها وهي تهمس لها: هييييي ع وين رايحه خل نشوف المواجهه "جلست رزان وهي تكتم ضحكها"
فضيله ع بالها أن دانا ورثت درات خجل من رزان وراح تقو معها: مافي داعي تقومون بس أطلع بيوصلكم موجز الأنباء كامل بأدق التفاصيل
رزان وملاك وفضيله أفتقدو دانا التفتو يدورونها إلا هي منسدحه في الأرض من الضحك ووجها أحمر ...
فضيله: خير وش قلت أنا؟؟
دانا وهي تضحك بهستيريا: لا بس تخيلت شكلها وهي تدلـ..
ملاك سدت فمها وعهد رمتها بعلبة الأكلنيكس بمعنى أسكتي ورزان تكتم ضحكتها وتحمحم ...
فضيله: يلا تبون تتغدون بروحكم ولا معنا
دانا: لا بنتغدى مع بعض رزان تستحي من فيــ...
ملاك قاطعتها: بنتغدى بروحنا
فضيله: طيب شوي وبتركب لكم ناسا تجيب الغداء
البنات: أوكي "طلعت فضيله"
رزان: عمى دانوه صايره بزر أعظم من غلا وش فيك أوزني كلامك بغيتي تفضحينا
دانا وهي تضحك: شسوي مستانسه كثرو قصص الحب في العائله
عهد ورزان رموها بنضرات خلتها تسكت وملاك مستانسه ع هالسوالف وتضحك ...
ملاك مبسوطه لأن في هذي الفتره تقربت أكثر من خواتها وصارو يتكلمون قدامها بحريه ...
رزان حدها مستحيه وتقول أنها حرمت فيصل من أنه يتغدى مع خواته أول يوم يوصل فيه والبنات ماقصرو هزئوها وقالو لها ماتعيد هالكلام .. الكل تغدى وبعد الغداء جلسو جلست شاهي الشباب وفضيله تحت والبنات مع بعض فوق طبعا رزان مو عارفه أن أخوها فهد موجود في بيت عمتها فـ أتصلت عليه وطلبو البنات منها تحت ع الإسبيكر لأن فهد رومنسي ويبون يسمعونه كيف يراضي رزان .. رد فهد ورزان سكتتهم ...
فهد وهو مو مثبت ع الصوت: ألووو
رزان بدلع: هلا حبيبي
فهد: هلا مين معي؟؟
رزان بدلع وهي شوي وتبكي: أي قول أنك ماعرفتني حتى رقمك ماكلفت نفسك تعطيني وياه لهدرجه تبي الفكه مني؟؟
فهد وهو شاك في الصوت: هلاااا والله هلا وغلا هلا رزون هلا حبيبتي كيفك؟؟
رزان بزعل ممزوج بدلع: بخييييييييير وأنت كيفك؟؟
فهد: بخير .. أخبارك وش مسويه؟؟
رزان: الحين تسأل عن أخباري من أمس وأنت مع الشباب ولا فكرت تسأل عني هذا اللي يقول بس أجي راح أخليك تنسين شكل الفيلا
فهد: آسف حبيبتي وحقك علي وأنا عند وعدي راح أترك كل اللي عندي وأجيك جهزي نفسك راح أوديك كل مكان يخطر ع بالك كم رزون عندي
رزان: ثاكيووو
فهد: وين أنتي في البيت؟؟
رزان: لأ في فيلا خالي ناصر
فهد: ههههههههههههههههههههه وأنا بعد جالس تحت مع عمتي
رزان: هههههههههههههههههه وأنا فوق رأسك في جناح البنات
فهد: يلا جهزو نفسكم راح آخدكم بالسياره رحله ع كيف كيفكم
رزان: طيب نبي نستأذن من عمتي وأمي
فهد: يلايلا ألبسو عن الهدره أنا راح أتصرف وفيصلوه أنا أعرف شغلي معاه
البنات بصوت واحد: يـــــــــــــــــــــــــــــــــــــــــــــــــ ـــــــــــــــــــــــــــــــــــــــــس
فهد: اللهم أشفي مرضانا المجانين آمين رب العالمين .. بعد الصلاة خليكم جاهزين
رزان: مقبوله دام وراها طلعه يلا بعد الصلاة نكون جاهزين لاتنسى تعطي أمي وعمتي خبر
فهد: أوكي سي يوو
البنات مايحتاج أقول شـ سوو أنتو أخبر بحوستهم

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

ننزل تحت ...
بعد ماقفل فهد من رزان وهو مبتسم ...
فيصل: هذي رزان؟؟
فهد: أيوه ,, شرايك الليله نطلع مع البنات رحله "لف وجهه لفضيله: بعد أذنك عمه
فضيله: ماعندي مانع بس أنتبهو للبنات..."وبقية المحاضره"
فهد: أن شاء الله هاا فيصل شقلت
فيصل: شقلت بعد أنت تركت لي مجال أفكر خططت وخلصت كان سحبتني وراك وبعدها عطيتني خبر
فهد: ههههههههههههههههه عارف أنك ماتقدر ع فراقي لا تحاول
فيصل: أحلى يالواثق يلا قم نصلي "وأستأذنو الشباب وراحو المسجد يصلون"
بعد الصلاة دخل ناصر ومعاه الشباب ناصر ركب يبدل ملابسه وياخد له دش لأنه توه راجع من الشركه والشباب سلمو وجلس فهد وفيصل أنسدح ع رجل أمه ...
فهد يقرصه ويهمس له: قوووم الله يفضحك فضحتنا أستح ع وجهك
فيصل بصوت عالي ولا همه: هممممم خلني آخد حنان من مامتي لي سنه ونص مفتقد هالوجه الطيب وش حارك ياخي
فضيله تضحك ع مناقرهم وتمسح ع رأس فيصل وجلسو يسولفون نطو عيلهم البنات بعباياتهم ...
رزان كـ عادتها مستحيه من وجود فيصل وتدس نفسها وراء دانا وملاك .. عهد نفس الشي مستحيه من فهد ع الموقف اللي صار اليوم دانا وملاك كالعاده فالينها مع الكل ...
البنات: السلام
الكل: وعليكم السلام
دانا وهي تخز فيصل بعينها: أنت هييييييييي
فيصل ببرود يجيب الضغط: خير حبيبتي عندك شي؟؟
دانا: لاوالله قوم قوم لا أكسر راسك
فيصل بنفس الطريقه: خليني آخد حنان بعدني دلوعة أمي
دانا: لاوالله أحلف أنتي بس تبي حنان خد حنان من مرتك أمي لا قوووم
فيصل: شعليك أنتي آخد حنان من أمي وزوجتي إذا جت بعد آخد منها حنان ولا حد له دخل الله يجيبها بس
دانا: أستغفر الله مايستحي هذا
عهد تساسرها: أقول أسكتي لايفلها أكثر تراه مايستحي كل شي عنده عادي وفري
ملاك: لاحول ردو يتهاوشون
عهد: توم وجيري مايتوبون
رزان بصوت مايسمعونه غير البنات بس فيصل سمعها لأن رامي أذنه عندهم: أحنا قلنا أفترقو عن بعض شوي بيتوبون بيخفون عن المهاوش لو ع خفيف لكن بو طبيع مايجوز عن طبعه ... "قام فيصل من ع رجل فضيله"
فضيله: ماشاء الله أحد قاري عليك فيصل؟؟
عهد: أي والله فيصل مايترك عنه العناد من هنا والطريق
فيصل يتبسم لرزان: في ناس مقدر ع زعلهم مو عاجبهم وضعي
دانا: يابعد عمري أخوي
فيصل: وأنتي شراز وجهك من عناك؟؟
الكل: هههههههههههههههههههههههههههههههههههههههههههههههههه ههههههههاااي "رزان وردت خدودها لأنها عرفت أن الكلام موجه لها"
ملاك: يلا قومو نبي نطلع
فيصل بعناد: نعست يلا بقوم أنام خليها لمره ثانيه
البنات بصوت واحد: لالالالالالالالالالالالالالالا تكفى لاتقول
دانا تهمس للبنات: هيهيييي ماليي إلا سلاحي الوحيد
عهد بطناز: شـ بتسويين يافالحه
دانا: الحين بتشوفين"علت صوتها: فيصل حرام عليك رزان من زمان خاطرها تروح
رزان بأستنكار وعلا صوتها: كذااااااااااااااااااااابه "الكل ضحك ع دفاع رزان"
فيصل: ههههه يلا قمنا "وطلعو"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

برب-->>كمانتو لي رجعه مع تكملة البارت

في السياره فهد يسوق وفيصل معاه قدام وع رجل فيصل غلا ومزهقته ومطلعه النخل في راسه والبنات ذايبين ضحك ع شكل فيصل وهو يتحرطم ويتأفأف من غلا ...
غلا"تضربه ع فخده": فيصل فيصل
فيصل بطفش: خيــــــــــــــــــــــر
غلا: أبي أسمع شاطر شاطر
فيصل: خدوها لا أرميها من النافده
دانا: يماا فيها رجعه"علت صوتها: فيصل جيبها ماعليك منها
غلا: أبي أجلس قدام
فيصل: خديها لا أرجعكم أنتو وياها
"طبعا البنات متنقبين عشان أنهم طالعين مع الشباب مكان عام فـ مو حلوة يفتحون وجوههم إلا ملاك كانت فاتحه وجهها فيصل يبي يعطي غلا للبنات وراء ع باله أن اللي وراه دانا رما غلا ع رجل اللي وراه<<<<رزان>>>>وباساها ع خدها ...
فيصل: شكرا أختي حبيبتي أنقذتيني من اللي بتجيب أجلي
رزان بتموت هي بدون شي خجوله ويصير لها مو قف زي كذا حطت غلا ع رجل دانا وهي رايحه فيها مو حاسه بالدنيا بعدها تحت تأثير الصدمه ...
فيصل مفهي ولسه ما أكتشف أن اللي باسها هي رزان: لاعفوا ولا شي حشى عاطينك طراق مو بوسه
رزان أنشلت حركتها وكل ما تكلم فيصل ذابت أكثر ودانا وعهد وملاك متسدحين ضحك مو قادرين يتكلمون وفهد مايدري وين الله حاطه ...
رزان..ياويلي يافشلتي ليه دائما يصير معي كذا عاد إلا البوس هذا اللي ما حسبت حسابه أسمع ضحكات البنات تجيني الضحكه بس الموقف صعب صعب فيصل باسني ع باله أني أخته ومو داري للحين أني رزان ياربي لو أنتبه فهد أخاف يسوي مشكله لأن فيصل جريء بزياده وأحيانا ما يتحكم في مشاعره إذا شافني حتى مايراعي اللي حولنا ياربي حاسه أني بموت من الفشله ببكي أسوي شي حاسه أني بنكتم لو أقوم أبدل مع دانا أهم شي فيصل مايدري أنه باسني أهم شي فهد مايدري كيف باحط عيني في عينهم الله يعدي هاليوم ع خير يارب سترك ...
مرت دقائق وهم لسه ع هالحال أتصلت مريم ع جوال رزان ورزان مابعد تصحى من الصدمه ودانا وعهد وملاك يشاهقون من الضحك كل مايبون يتكلمون ينطقون حرف ويروحون في دوامة ضحك ...
وصوت راشد الماجد مفزع الدنيا"هي نور الكون هي شمس الإشراق..لاقلت يمي حن لك كل معلول.."
عهد قدرت تمسك ضحكتها شوي وهي لسه تشاهق: هه رزان ههه ردي ههههههههههههههههههه وكملت ضحك
رزان وهي لسه مفهيه: هاااا...أي ...أأأأ أنا الحين برد
فيصل لمن تكلمت رزان عرف أن اللي باسها هي رزان مو دانا..يويل حالي وأنا أقول دانوه من وين جايبه هالنعومه أثاريها رزان قلبي آه آه آه <<الأخ في عالم آخر"تذكر"ياربي لا يكون تفهمني غلط أو فهد يفهمني غلط أنا مدري أنها رزان ع بالي أنها دانا بس فهد متفاهم ويعرفني مستحيل أسوي شي غلط أو مايرضي الله ولا يرضينا وفي الأساس رزان مو حلال علي ياربي ليه أنا كذا غبي ليه مقدر أتحكم في نفسي إذا شفتها يارب يعدي هاليوم ع خير"صحا ع صوت رزان"
رزان بهمس خجول: أيوه يمى قريب نوصل....لالالالا مافيني شي.....أكيد بس كنت ساكته فتره طويله..أي كل شي تمام...جميعا يما....أوكي.....أبد سلامتك...يعطيك العافيه....مع السلامه,
بعد فترة صمت وغلا نايمه ع رجل رزان وفيصل سارح مايدري وين الله حاطه وأفكار تجيبه وأفكار توديه وأعصار في مخه وفهد اللي سكت ع أساس أنه مايحرج رزان ولا فيصل لأن الموقف صعب ع الأثنين كان مركز ويا الطريق ودانا وملاك وعهد ساعه يسكتون ويتذكرون الموقف ويردون يضحكون ورزان معصبه فيهم ساعه تسكتهم وساعه تسرح وتفكر شلي بصير بعد هالموقف هدء الجو شوي ...
قطع الصمت فيصل: رزان هاتي غلا عنك لا تتعب رجلك
رزان بهمس يذوب ينسمع: خليها عندي أنا مرتاحه كذا
فيصل..لا الحمد لله ردت علي عادي يعني أكيد تفهمت موقفي الحمد لله يارب ...
"ملاك وعهد ودانا ع بالهم أنهم يتساسرون وأصوات موصله آخر الدنيا"
عهد:تقلد صوت فيصل: رزان هاتيها عنك"رجعت صوتها طبيعي: والله أنك منت هين يافصيل
رزان تفشلت من صوتهم اللي واصل آخر الدنيا وتبي تغطي خجلها: أوووه بسكم حش
دانا تناضرها بنص عين: بسنا حش هااا
عهد: أي والله تلاقينها من الحب ماراح تغسل خدها أسبوع
دانا-ملاك-عهد: هههههههههههههههههههههههههههههههههههههههههههههههااا اااي
رزان بصوتها اللي طبيعته واطي تبي تتكلم لامن مجيب الكل غارق في الضحك إلا فهد وفيصل كاتمين ضحكتهم مايبون يحرجون رزان أكثر ...
هدأت أصوات البنات شوي وقالت رزان: هيهيهيهيهي سخيفات أنا بعد أتوقع والله أعلم أن فهد يبوس في صبعه ليل نهار
دانا-ملاك-رزان: هههههههههههههههههههههههههههههههههههههههههههههههههه ههههههههههههههههههههههههااي
دانا"تمد كفها لرزان: كفك رزون "رزان مدت كفها بنصر"
دانا: أنا راح أعطي فهد وصفه"غيرت نبرة صوتها إلى نبرة حزن: ياحراااااااااام الصبع يصير أوكي تروح ذكرى عشيقة الغفله عهد
ملاك ورزان مندمجين مع دانا ونزلو رأسهم وضربو راح ع راح بأسى"مسويين عمرهم متأثرين"
دانا تكمل بأسى: أحسن له يجيب له مطرقه وكل ماصار صبعه أوكي يضربه بها عشان ماتروح ذكرى عشيقة الغفله عهدوو
لبنات: هههههههههههههههههههههههههههههههههههههههههههههههههه ههههههههههههههههههههههاااي
عقب ماهدئو البنات شوي عهد حبت تنتقم مالها إلا رزان<<مسكينه هالرزان ماطاحت إلا في كبدها
عهد: أنا راح أعطيك وصفه رزون "رزان لفت وجهها"
عهد تكمل وهي ماسكه لفة رزان: هذي اللفه تذكار أثري وفيه بوسة معشوق الغفله فيصل فـ نصيحه مني لاتغسليها وكل ليله قبل لاتنامين بوسي وتشمشي فيها وحطيها تحت مخدتك بلكن يهون عليك الفراق
البنات: هههههههههههههههههههههههههههههههههههههههههههههههههه هههههههههههههههههههههههاااي
دانا شافت رزان بريئه ومنحرجه قالت في نفسها..خل آخد ثار هالمسكينه صارت مطنزه
دانا: عندي وصفه لعشيقنا أهئ أهئ
ملاك بإنفعال: قول يا أم الوصفات أنتي<<عاجبتها سالفة الوصفات الأخت
دانا: أنا أقول لو فهد يجيب أثمن قماشه عنده ويلف بها صبعه لمدة أسبوع فـ يصير فيها دم وآثار جرح حبيبة الغفله وينام جنبها ويرجع بها فرنسا صدقوني إذا نام جنبها بيورث أهل الكهف من زود الرومنسيه ولو تدورن الكلب عنده تلقونه
البنات: هههههههههههههههههههههههههههههههههههههههههههههههههه هههههههههههههههههههههاااي
دانا وهي توها مخلصه ضحك: أحم فيصل
فيصل وفهد تعبو وهم يكتمون ضحكتهم وصلو لمرحلة قريب ينفجرون أقل شي حد يكلمهم يبتسم لهم ينفجرون تكلمت دانا أنتبه فيصل ع فهد يبتسم له ماقدر يمسك نفسه وقام يكحكح فيصل أعظم منه وقام يكحكح وياه وصار فهد مو قادر يسوق السياره وبركن وهم يكحكحون ...
دانا: وش صاير لايكون فمي يطلع منه غبار؟؟
فهد وفيصل كل ماسمعو التعليقات زادو في الكح ووجهم أحمر وعواينهم دمعو ...
عهد: الظاهر الأخوان حاشهم وباء الكح والأخ فهد مو قادر يسوق
رزان-دانا-ملاك: الظاهر كذا
دقائق وفيصل وفهد يذوبهم قدرو يوقفون كح ورجع فهد يسوق وكملو المشوار ضحك ووناسه وتريقه والأجواء هدئت عقب الموقف اللي صار بعدها وصلو مدينة الألعاب ...
أنقسمو فريقين فيصل راح يروح مع غلا عند ألعاب الأطفال والبنات مع فهد لعبو كل ماتشتهي أنفسم آخر لعبه رزان ترجت فهد يركب معاهم لأنها تخوف ركبو اللعبه وعاد أنتو تعرفون البنات اللي مغمضه واللي منزله راسها واللي طلعت اللي في بطنها((تكرمون)) وفهد كان نفسه خايف بس شاغل نفسه بالطناز ع البنات ورزان عصرت يده من كثر ماهي ضاغطه عليها وأخيرآ خلصت اللعبه ونزلو وهم يتمايلون من الدوخه وأختلطو البنات وفهد ضيع رزان شاف كم العبايه عرف أنها رزان<<الأخ مو عارف أن البنات يطقمون في كل شي وبحكم أنهم نفس الأجسام حط يده ع قلب عهد ع باله أنها رزان ...
عهد..حط يده ع صدري تسارعت دقات قلبي والدم تجمع في راسي وأحس أن أذاني صارو يدخنون يمكن يكون متعمد لالالالا هذا فهد لو فيصل يمكن أصدق أنه متعمد مو لأن فيصل قليل أدب بس أن فيصل تجيه دقات إذا شاف رزان مايتحكم في نفسه بس فهد ع أنه مزوح ويسولف معانا بس مستحيل يتعمد يحط يده ع صدري أكيد ع باله أني رزان ياربي شـ هالمواقف الصباح والحين أكيد بياخد عني فكره أني قليلة أدب وأستعرض له لالالا الصباح ممكن يفتكر أني متعمدة بس الحين هو اللي حط يده ع صدري أنا ما لي ذنب ياربي أنه يحس ويشيل يده قبل لا حد ينتبه وش فيني خل أتكلم أقول شي يمكن يحس لساني أنربط ياربي ساعدني ...
رزان حمحمت وحطت يدها ع كتف فهد تدور سالفه تبيه يشيل يده عن قلب عهد ويوقف طناز: أحم شوف"شافت التغير ع وجه فهد وسكتت"
فهد..وصلت عندي حرارة أنفاسها ودقات قلبها تسارعت بشكل جنوني ياربي شـ هالموقف اللي أنحطيت فيه شـ هالحركات ع البنات يعني لازم يطقمون ماغربلنا أنا وأبو الفياصل اللي هالتطقيم ولا المشكله ما نفرق بينهم بالنقابات مين اللي حطيت يدي ع قلبها أممم دانا لالالا ما أتوقع لأن عهد أهدء من دانا ما أتوقع أنها راح تطلع شهقاتها في الضحك أجل أنا حطيت يدي ع قلب عهد ياربي شـ هالمواقف شكلها عهد بتتغطى مني ...
رزان مقدره موقف عهد وشافقه بحالها وتكتم ضحكتها وتحاول تسكت المهرج دانا والبهلوان تبعها ملاك وهم فاقعين ضحك ومبين من أكتاف دانا اللي تتخضض وملاك الفضيحه اللي فاتحه وجها وحاطه يدها ع فمها من شدة الضحك وكل ماضحكو زاد أحراج فهد وعهد ...
دانا سكتت من الضحك وتفرغت حق الطناز: لالالا اليوم لازم أسجله في التاريخ وأطلق عليه لقب((يوم الأحداث الخطيره))
فهد..الله يهديها دانا ماتقدر تسكت ما أقول إلا الله يعينك ياعهد أنا الولد ومنحرج كيف أنتي ...
عهد..لا أنا بدفنها دانوه ياليت تنشق الأرض وتبلعني ولا أنحط في هالموقف ...
ملاك: ههههه وأنتي الصادقه ينفعون حق روايه رومنسيه
رزان: أحم بسكم بسكم ماتشوفوهم منحرجين وأنتو تزيدونهم"شافت فيصل جا مع غلا وسكتت"
فيصل: أفف من هالبنت لعوزتني ماخلت لعبه ماركبتها
الكل: هههههههههههههههه
عهد..الله يجزاك خير يافيصل سويت خير ولو مره في حياتك ...
فيصل: ها نمشي؟؟
دانا كالعاده كانت أجرأ وحده وتكلمت: لا تكفون خل نلعب لعبه كلنا مع بعض حرام أنتو جايين معنا ولا لعبتو شي
فيصل: ع بالك أنا قصرت ماخليت لعبه ما لعبتها مع غلا
ملاك: الله أحلف؟؟
فيصل: بزر عندك أحلف والله وخليت العامل اللي يشغل الألعاب يصورنا
ملاك: نبي نشوف الصور
فيصل: الحين خل نلعب لعبه كلنا لخاطر دانينو وبعدها أعطيكم الجوال في السياره أوكي
الكل: أوكي
بعد ماخلصو لعبه تناسب الكل وكانو مبسوطين ع الآخر وصلو لعند البوابه ولقو شباب رايحين فيها بناطيلهم نازله من ع خصرهم ...
فهد بصوت واطي: أعوذ بالله من أشكال هالغلط
غلا تأشر ع الولد وتتكلم بصوت عالي: يووووووووووووووه أستغفر الله شوفو سرواله الداخلي طالع
البنات وفهد وفيصل ميتين ضحك وفي نفس الوقت مفتشلين حاسين أن كل اللي في مدينة الألعاب يناضروهم ...
ملاك: أصصصصصصص
غلا بصوت عالي: والله العظيم قسما بالله طالع
دانا: فضحتينا عيب
غلا بصوت عالي: والله لونه أصفر ومرسوم عليه جمجمه
سحبها فيصل للسياره وركبو كلهم السياره وهم يضحكون ...
فهد بعصبيه: هالفضيحه إذا مره ثانيه تجون لا تجيبوها معاكم
البنات سكتو لمن شافو فهد معصب وغسلو يدهم من روحة المطعم ...
فيصل: فهد الله يهديك ليه معصب؟؟
فهد: أنت شفت كل اللي في المنتزه يناضرون فينا يبي لنا تنغطى إذا جينا مره ثانيه
فيصل: يعني اللي في المنتزه الحين لازم يكونون نفسهم موجودين في المره الثانيه؟؟
دانا تهمس للبنات: يماا شكله من جد معصب
ملاك: أي والله الله يعينك عليه ياعهد
عهد: وقت أطنازتك أنتي سكتي
رزان: لا تخافون ترى فهد كذا يعصب بس حنون وقلبه طيب شوي ويهدأ
فهد: لا مو لازم بس مهما يكون فشله لو كان في المنتزه واحد من الشباب يعرفنا
فيصل: بزر ماعليها عتب أفرد وجهك أنت بس
فهد تذكر الموقف وضحك: الله يهديك بس ياغلا
رزان: شفتو قلت لكم أخوي وأعرفه
فهد: غلا أنتي كبيره عيب تعيدين هالحركه مره ثانيه طيب؟؟
غلا: أن شاء الله
دانا: أنا مستغربه أهي لسانها ما تمده إلا عندنا شلون الحين جتها الجرأه في المنتزه بذات
رزان: بس تصدقون غلط أن أحنا نضحك عليها لأنها بتستانس وبتعيد اللي سوته ع بالها أنه صح
عهد: لا غلا شاطره وماراح تعيد هالحركه صح غلا؟؟
غلا: أي
عهد: يلا سوي بوسه لفهد وقولي له آسفه "غلا باست فهد"
ملاك: أحلى غلوي صارت مرسال غرام
"رن جوال فهد البنات رمو أذانهم عنده ...
فهد: هلا أبو الرواشد الله أنت حيه ياحي ولد الخاله....والله أنا وفيصل مطلعين البنات....راح عليك أنبسطنا......هههههه لا شدعوه بس نعرفك بزنس و مو فاضي.......أن شاء الله المره الجايه....مع السلامه....طلب شي؟؟....أوكي يالغالي مع السلامه,
عاد أنتو تعرفون دانا بس سمعت طاري راشد أضطربت مشاعرها وقامت تمثل للبنات أنها حايمه كبدها وبتطلع اللي في بطنها وهم يضحكون ع خبالها ..
"رن جوال عهد"<<صايرين شخصياتنا يشتغلون في شركة الإتصلات كل شوي يرن جوال حد خخخ ...
عهد: أهلين ماما.......أي مرررررررره أنبسطنا.........أحنا الحين رايحين المطعم.....أيه لأن فوضه ومانسمع جوالاتنا........مدري متى بنرجع ع فهد...مع السلامه,
دانا التفتت لعهد: يحليك"وهي تقلدها"ع فهد"رجعت صوتها طبيعي: أقول أم الشباب أخوك موجود
كالعاده بدأ المناقر دانا طلبت من فيصل جواله وجلسو يتفرجون ع فيصل وغلا وهم يلعبون ويعلقون ويتطنزون ...
رزان..أناظر صور فيصل وغلا مع البنات لا إرادي عيوني تطيح ع فيصل أكثر من غلا أسمع تعليقات البنات شعور مختلف وأنا أناظر صوره أبتسامته غمازاته عيونه أحبه بكل ما فيه رحت في عالمي صحيت ع صوت رساله واصلتني في جوالي فتحتها شفت أسم المرسله طوالي ضحكت بدون ما أقرأ الرساله هذي رانيوه صديقتي وحشتني الدبه<<راح تتعرفون عليها قريب ,,قرأت رسالتها..

لو حبك سكر**
وغلاتك نسكافيه**
وشوفتك حليب**

لا تلومني إذا أدمت الكابتشينو..

أبتسمت لرسالتها طول عمرها وفيه ومتواصله معاي حتى في الإجازات ههههه شكلها جوعانه رسلت لها ...

القهوه العربيه أنواع:
منها الخفيفه مثل دمك
والثقيله مثل عقلك
والمره مثل غيابك

والحلوه مثل وجهك
ومنها اللي تعدل الراس مثل سماع صوتك وشوفتك
((وحشتيني))

أرسلت لي رساله رومنسيه ورديت عليها بمثلها وأنتظرت وما أرسلت رديت أرسلت لها ورسلت لي ...

"أقول مسويه لي فيلم هندي أنقلعي بس"

قرأت رسالتها وضحكت طول عمرها خفيفة دم أنتبهت أنهم بينزلون نزلت معاهم المطعم تعشينا والحمد لله وبعدها ركبنا السياره طبعا البنات حاولو فيني أنزل معاهم بس تعرفوني ما أستغني عن ماميتي ...
كلن راح ع بيته وفي سابع نومه يوم حلو ع الكل كلن كانت له أشياء مميزه في هاليوم وذكريات ما تنسى ...


تم بحمد الله الجزء الأول..
((هذا الجزء
-رجعت فهد وفيصل من فرنسا اللي كملت فرحة العائله
-المواقف العالميه اللي كانت صعبه ع أبطالنا
-كان أغلبية هذ الجزء ضحك ووناسه وسوالف وتعريف عن شخصيات قصتنا وأن شاء الله عجبوكم والباقي راح تتعرفون عليهم أن شاء الله ...
أن شاء الله الجزء الثاني راح يكون أحلى وراح تظهر الأحداث ...
تابعونا
يعطيكم ألف عافيه
تحيااتي))

.
.
.

هذا البارت الأول وإن شاء الله يكون عجبكم

راح أكمل لكن ع حسب تفاعلكم-->>محموله وترفس

لاتحرمونا من ردودكم وتعليقاتكم الحلوه ياحلوين ...

موـوـودتي ...

داانه
حلووه كثير

مواااقف مرره مضحكه

تسلمي يالغلا على الباارت

نتظر البارت الجديده

يعطيك العافيه سفيره غناااتي ع المرور ..

وتدوم لنا ضحكتك يالغلا ..

والبارت الثاني راح يكوـوـون أحــلى ..

لي رجعهـ ..

///

ذايب في هواهم

((الجزء الثاني))
بسم الله الرحمن الرحيم

((المستجدات في هذا الجزء
-مضى ع رجعة فهد وفيصل السعوديه أسبوعين وبقى ع رجعتهم فرنسا 3أسابيع ...
-راح تتعرفون ع شخصيات جديده في هذا الجزء ...
تابعونا))

في مكان ثاني وبعيد عن شخصياتنا اللي عرفتوهم عائله أنضمت إلى شخصياتنا ولها دور كبير في قصتنا وراح تنبسطون معاهم وتعيشون معاهم ضحكاتهم وبكائهم أفراحهم وأحزانهم لا أطول عليكم العائله هي أهل رانيه صديقة رزان ودانا<<المرجوجه أعتقد عرفتوها ,, هذي العائله قريبه من العوائل اللي تعرفنا عليها قبل لأن رانيه صديقة دانا ورزان من أيام المتوسطه وعلاقتهم قويه مع بعض في نفس الوقت فارس ولد خالة رانيه بالصدفه صار مع فهد وفيصل في فرنسا بكذا صارو العوائل بحسبة أهل لأن وقريب راح تتعرفون ع عائلة فارس ...
(عائلة أبو مشاري)
*أبو مشاري أب حنون ع أولاده سعيد ومرتاح مع زوجته متوسط الحال ...

*أم مشاري أم حنونه ع أولادها سعيده ومرتاحه مع زوجها..

*مشاري أكبر أولادهم عمره31سنه متزوج وعنده بنت عمرها 3سنوات(نور)سعيد ومرتاح مع زوجته(نرجس)<<نرجس طيبه وحبوبه مع أهل زوجها وسعيده مع زوجها ...

*ليلى أكبر البنات عمرها 26سنه متزوجه وعندها بنت(غزل)عمرها4سنوات..

*سيف عمره 24 هذا عاد مأذي أهله طول عمره طلعات وروحات وجيات ولا يجلس مع أهله ماخد البيت كأنه فندق حده بس يبدل ملابسه ويطلع وإذا جلس يفرد عضلاته ع أخوانه اللي أصغر منه والسماعه ع طول في أذنه ومن بنت لبنت لكن حدر بحيث أنه يكلم البنات بأسم مستعار غير أسمه وبشرايح بدون أسم إلا بنت كشفته وراح تتعرفون ع قصتهم قريب ...

*لمى بنت نعومه وحبوبه عمرها 22سنه تزوجت قبل شهرين يعني تقريبا بداية الإجازه الدراسه أول أهتماماتها تدرس في الجامعه سنه رابعه(طب) ...

*رانيه بنت حبوبه عمرها17سنه طالعه ثالث ثانوي قسم علمي مو من زود الشطاره بس عشان تكتمل الشله<<عزات الله أنتحرو المعلمات .. جسمها مليان شوي وبيضاء وطولها متوسط يميل للقصر مشهوره بالرجه والربشه ولسانها متبري كل الناس لمن يتعرفون عليها ع بالهم أنها مؤدبه بس إذا تعودت ع حد مجرد أنها تبتسم الكل يضحك حركاتها بعفويه وخفة دم ودائما ماتخلي نفسها من حد ماتكون رانيه إذا ماتعرفت ع كل الموجودين في المكان اللي هي فيه وشي أكيد تتحفهم بنكتها والله يعين إذا أجتمعو في مكان هي ودانا وباقي الشله ...

*أخيرا وائل أصغر من رانيه بسنه عمره 16سنه طالع ثاني ثانوي وناوي ع قسم أدبي ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

نبدأ..
"كانت لي قلبي أهي الدنيا ومعناها..كانت من عيوني تقراني وتفهمني..لامالقيت اللي بين الناس يسواها..كلهم ع راسي لكن ذي تسحرني"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 1 الفجر في فيلا أبو مشاري كانو رانيه ووائل جالسين في الصاله يشاهدون وشوي يلعبون كيرم وأكله رايحه وأكله جايه وصراخهم واصل آخر الدنيا وحايسين المطبخ دخل عليهم سيف ...
رانيه..كنا جالسين في قمة وناستنا وحشتنا لمى كانت قبل شهرين تجلس معنا في مثل سهراتنا هذي دخل علينا سيف آآآآه سيف أخوي وأنا أعرفه متقلب ومزاجي آخر مره عطاني كفففف ماكان عندي حد أشتكي له شكيت لخالتي عبير قالت لي"عطيه فرصه بيني له أنك أخته وتحبينه لا تغبين مشاعره ولاتدعين عليه بعدين إذا صابه شي لاسمح الله راح تتأسفين"قمت ورحبت فيه مثل ما أسوي مع كل أخواني ...
رانيه برجتها المعتاده: هلا سيوف هلا أخوي هلا حبيبي كيفك؟؟أخبارك وينك من زمان عنا
سيف..شـ فيها هذي ناقصها أنا ياذوبي متحمل هدى وحنتها تجي هذي تزيدني أنا كرهت الكلام الحلو لأن أغلب الوقت أسمعه من هدى وأعرف أنها تقوله لألف واحد غيري وأنا مو قادر أتركها لأن عرفتني وأعرف أنها ممكن تفضحني وتلوث سمعتي أخخخ يالقهر أنا سيف آخر عمري أصير مداس تحت رجل هدى لكن لازم أتخلص منها بس كيف ياربي كيف "أنتبهت ع رانيوه الخبله قطعت علي حبل أفكاري" ...
صرخت عليها ورفعت يدي في وجهها كنت بعطيها كف بس تمالكت نفسي: خير أن شاء الله شتبين؟؟
رانيه..تجمعت الدموع في عيني هذا أخوي ليه يعاملني كذا حرام عليه أنا أحبه ليه ما يجلس معانا ليه مايشاركنا ليه متعب أمي وأبوي"أنتبهت ليده تدفني ورقى السلم الظاهر أنه رايح غرفته"جلست ع الأرض مو لأني تعبانه بس أحس الدنيا سوداء في عيني"سمعت صوت وائل" ...
وائل: خلاص رانيه لاتضايقين نفسك
رانيه..أحس أني تعبانه ركضت لغرفتي ولحقتني وائل ...
رانيه: خلاص وائل أنا متضايقه شوي
وائل: أفتحي الباب رانيه بجلس معك بقول لك شي
رانيه..فتحت الباب خايفه أني أصرخ في وجه وائل مسكين ماله ذنب سكت وأنتضرته يتكلم لمحت مشاري داخل لغرفتي وباين ع وجهه أنه صاحي ع أصواتنا أفتشلت حدي ...
مشاري: وش فيكم؟؟وش صاير؟؟وائل تكلم وش فيها رانيه؟؟
وائل نزل راسه: سيف جا وعصب عليها
مشاري: لاحول مابيتدأب سيف الله يهديه بس رنوش شقلتي له عشان يعصب؟؟
رانيه أنفجرت في وجه مشاري خلاص تعبت وأنا أكتم: والله ما قلت له شي تبي تعرف ليه أخوي المحترم مهزأني عشان أني سلمت عليه مثل ما أسلم عليكم قلت أنه ممكن يحس فيني قلت يمكن أني مقصره وياه ما أعامله مثلكم لقيت العكس لقيت أني أعامله مثلكم ويمكن أحسن بس هو عديم أحساس مايحس هذا مو سيف أخوي الأولي أخوي سيف مات من سنتين أو بدلوه مستحيل هذا يكون أخوي سيف ماتعودت هالقسوه منه"بكييت من قلبي".. جلسو معي أخواني ياقلبي هم ما طلعو إلا لمن أبتسم لهم وجلست أسولف معاهم تطمنو علي الله يخليهم لي تقلبت شوي ع سريري لين غلب علي النعاس ...
وائل..كنت متضايق جلست أسولف مع مشاري شوي ووصاني أني ما أقول لأمي وأبوي اللي صار ما أقول إلا الله يهديه سيف ...
مشاري..طلعت من عند وائل وحاولت أضبط أعصابي لأن ع حسب كلام رانيه ووائل أن سيف كان معصب رقيت بس مو لسلم شقتي رقيت عند غرفة سيف سمعته يقول كلام وسخ أعوذ بالله الظاهر أنه يكلم بالجوال طقيت باب غرفته ...
سيف..لاحول ماتتوب هالبنت توني مهزأها صرخت فيها: خييييييييييير
مشاري: أنا مشاري
سيف: أوكي حبيبتي أكلمك بعدين .. تفضل مشاري
مشاري: السلام عليكم
سيف: وعليكم السلام بغيت شي؟؟
مشاري: هذي طريقتك في أستقبال أخوك الكبير؟؟
سيف: أوووووه مشاري مو وقت مثالياتك قلت لك أنا تعبان أخلص وش تبي؟؟
مشاري: سيف لمتى بتضل ع هالحال أكبر أعقل أصحى من اللي أنت فيه وش هالكلام اللي سمعته أنا متزوج ماقد قلت لزوجتي هالكلام عيب ياسيف عيب
سيف: وأنت حضرتك جالس تراقبني يعني أنا مو رجال قدام عينك؟؟
مشاري: سيف قصر صوتك وأجلس خلنا نتفاهم أنت برايك اللي تسويه أنت صح؟؟ترضى ع خواتك؟؟ تخيل لو وحده من خواتك تكلم شباب وش راح تكون ردت فعلك طبعا خواتك مكرمين حاشاهم بس تخيل أنت
سيف: والله لو حصل وسمعت أنهم يكلمون شباب لأكسر رقابهم كسر ذا اللي ناقص
مشاري: شفت أنك ما ترضى ع خواتك فلا ترضى ع بنات الناس هم بنات الناس عندهم أخوان مايرضون عليهم والله عيب ياسيف أخوك المراهق مريح أمي وأبوي وأنت يالكبير العاقل متعبهم أترك عنك هالخرابيط
سيف: أحاول
مشاري: سيف من متى وأنت توعدني أنك تحاول متى بتحاول لين يطيح الفاس في الراس وتطيح من عين الكل وبعدها شوف من اللي بتوافق عليك قالبني إذا عرفو أمي وأبوي باللي تسويه وقدرت تحط عينك في عينهم تبي شي أخده بالحلال بس مو بالحرام
سيف: أكبر وأعقل إذا تزوجت بترك عني كل هالخرابيط
مشاري: ومتى بتتزوج ياسيف وكيف بتكتفي بالحلال وأنت تعودت ع الحرام
سيف: خلاص أوعدك وقت ما أقرر أتزوج أعطيك خبر ولا تقول لأمي تفضحنا
مشاري: عطني الشرايح
سيف: صدقني الشرايح بدون أسم ولا بنت أكلمها تعرف أسمي الحقيقي
مشاري: طيب خليهم عندك الله يهدك أتمنى أنك ترميهم من نفسك وما يصير عندك غير الرقم اللي مخصصه للعائله يلا أنا رايح شقتنا تآمرني بشي
سيف: سلامتك باي
مشاري: مع السلامه
سيف..طلع مشاري من غرفتي وتنهدت تنهيده طويله ليش ع بالهم أن حالي عاجبني؟؟ أنا نفسي متضايق أكثر منهم أنا أكلم البنات عشان أفرغ اللي في نفسي كلهم أقدر أتركهم إلا هدى إذا تركتها راح توديني في ستين داهيه هدى مو سهله وكل الشباب يعرفونها ويطلعون معاها وكلهم يعرفون أنها تكلم غيرهم مع كذا ما يتركونها أهي الوحيده اللي كشفتني ليه ياربي ليه أنا تعلقت فيها زياده عن اللزوم وأتصلت لها برقمي اللي بأسمي .. وحنين آآآآه ياحنين حنين أهي الوحيده اللي ماعبرتني بس هذا"أشر ع قلبه"هذا يحبها حنين غير مو نزوه غير عن كل البنات محترمه ماكلمتني ولا رخصت بنفسها لي ولا خانت ثقت أهلها وغير كذا أهي صديقة لمى يعني أهلي عارفينها ولا راح يعارضوني إذا طلبت أني أتزوجها ...
نرجع مع سيف ونسافر معاه بأفكاره قبل 6شهور ...
سيف..كنت ناوي أصحح أغلاطي كنت ناوي أترك خرابيطي دخلت غرفة لمى تفاجئت بقمر قدامي كانت حنين منسدحه ع سرير لمى ع بطنها وترقص رجايلها وأهي تذاكر وشوي تلعب بخصلات شعرها وتعدل بلوزتها أنا بدون شعور وقفت مكاني بلمت عليها فجئه سمعت صوت باب المطبخ ينفتح عرفت أن لمى جايه قفلت الباب بهدوء ورحت ع غرفتي صورتها أنطبعت في قلبي أول بنت تدخل لقلبي كذا غير عن كل البنات اللي شفتهم غرقت في أفكاري بعدها طلعت أبي أعرف مين هالبنت اللي مع لمى صدفه وأنا نازل تحت شفتهم واقفين عند الباب وحنين تربط خيوط جزمتها وتضحك وتسولف مع لمى رحت من الباب الثاني بحيث أني أشوفها مدري ليه جاني شعور أني أبي أشوفها ما أبيها تبعد عني دخلت لمى وكانت حنين منشغله تعدل غطها فجئه صرخت أنا رحت لعندها لقيت قطه تحت رجلها خخخ بنات يخافون من ظلهم لاشرى طردت القطه من تحت رجلها ولفت لي أبتسمت لي أبتسامه خجوله ممزوجه بخوف وفشله من اللي صار عدلت غطاها وطلعت طلعت وأنا واقف مكاني آآآآآه ياقلبي أحبك يالقطه الحلوه تباركتي علي خليتيني أشوف هالملاك ولا بعد تبتسم وش ناويه علي آآآآه وأنا وش فيني واقف خخخ صدق أني خقيت ع البنت بقوه دخلت سمعت أمي تكلم لمى وتسألها طلعت حنين أبتسمت أسمها حنين ياقلبي هي رقيت غرفتي وبما أني عرفت أسمها خديته من جوال لمى حاولت أتقرب منها بس كانت تصدني وتقول شكرا لأنك أنقدتني من القطه وجميلك ماراح أنساه بس أعرف أني مو تبع حركات كانت تقول هالكلام وتكبر في عيني أكثر لازم أشوف لي حل لازم "بعد كل هالتفكير راح سيف في سابع نومه" ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

-->>لي عوده مع التكملهـ ..

الساعه 7 الصباح في فيلا عبد العزيز صحت رزان خدلت لها دش وبدلت ملابسها بعدها نزلت لقت أمها وأبوها وفهد يفطرون وأبوها جالس ع جنب عنده حوسة ملفات تقدمت ودخلت الصاله ...
رزان: صباح الخير
الكل: صباح النور
جلست بين فهد وابوها وشربت لها كوب حليب ...
عبد العزيز: تعالي بابا رتبي معي الملفات
رزان: من عيوني
رزان جلست جنب ابوها وترتب في الملفات ومندمجه وتتناقش معاه وتسدد معاه الفواتير كانت رزان تفهم في كل شي هي ودانا فيسددون فرواتير البيت بالتيلفون ويرتبون ملفات مع ناصر وعبد العزيز ...
فهد: والله حركات رزون تعلمتي ع الشغل
رزان ببتسامه: أي وش ع بالك أنا بنت عبد العزيز
عبد العزيز: والنعم يباا والله محد نافعني غيركم
رزان: والله فله الشغل الجماعي خاصه إذا جلسنا أنا وبنات عمتي من جد فله
فهد: هههههههه حضرتكم ماخدينها لعبه
مريم: والله زين اللي لقو لهم شي ينفعهم بدل الجلسات الفاضيه
عبد العزيز: عقبال ما أنت تشتغل معي في الشركه
فهد: أن شاء الله باقي سنتين
مريم: يلا سنتين غمض وفتح وتعدي
فهد: الله يعين بقى ثلاث أسابيع وأروح عنكم
رزان بأسى: لاتذكرني والله تعودت ع وجودك إذا رحت بظل في البيت بروحي
أنفتح الباب ودخلت ريهام: السلاااااااااااااام عليكم
الكل: وعليكم السلام
أحمد نط في حضن فهد وسلم عليه: كيفك خالي فهد؟؟
فهد: أهلا أهلا حبيبي حمود كيفك؟؟
أحمد: بخير
روابي كالعاده جلست تحضن وتبوس في عبد العزيز ورهف راحت عند رزان وريهام جلست تسولف مع أمها ...
ريهام: أجل أسبوع الجاي مدارس رزون
رزان: أيوه عمتي داومت من الأسبوع اللي راح
مريم: الله يعينها مسكينه
فهد: يعني يصير أنتو تداومون وبعد أسبوعين أنا أرجع
رزان: أيوه ومتى تبدأ دراستك أنت؟؟
فهد: أممم تبدأ بعد ما أوصل بشهر وشوي
ريهام: وليه ما تجلس معانا في هالشهر والشوي؟؟
فهد: لأن بروح أرتب جدولي وأشتري لي كتب وأضبط أموري
مريم: بالتوفيق يماا
رزان عطت أبوها الملفات اللي خلصتهم: تفضل يبا تآمرني بشي ثاني؟؟
عبد العزيز: تسلمين لي سلامتك
فهد: يلا شدي حيلك رزون السنه ثالث
ريهام: أيواا نبي نسبه ترفع الراس
رزان: أفاا عليكم بس بإذن الله مئه
عبد العزيز: أيوه هذي بنتي رزان
فهد: ههههههههههه أني مو كاسره خاطري اللي ريهام
ريهام: ليش عيوني مو تارسه عينك؟؟
فهد: نسبه وخرابيط ودراسه وجامعه وفي النهايه تجلسين في البيت
ريهام: ومين قال أنا أبي وضيفه أهم شي أني أخدت شهاده وأربي أولادي أحسن تربيه وهذا يكفيني
رزان: أصلا أنتو لغه عربيه أحس مافيها وضائف
ريهام: أيوه يعني اللي زيي يدخل لغه عربيه
مريم: الله يوفقكم يا أولادي
أحمد: خالي قوم أطلع معي
فهد: يلا قوم أمري لله
ريهام: هههههههه ثلاث أسابيع وبتروح عنهم خليهم يتدلعون
عبد العزيز: يلا أنا رايح الشركه
الكل: بالتوفيق
رزان: فهد بصراحه مو بس البزارين يتدلعون وش رايك نروح ع البحر الله من الصباح وتشتري لنا فطور ونفطر ع البحر يممممم
ريهام: يلا جيبي عبايتك
رزان: يلا يماا قومي معنا
مريم: والله أنا تعبانه لعيونك بس بقوم
فهد شاف الجيش كلهم بعباياتهم وجايين أنصدم: لاوالله أنا ما قلت باوصلكم
ريهام: مو مشكله نروح مع عبد الحق
فهد: ههههههههه مدبرين نفسهم أمشو بس
راحو عند الكورنيش البزارين يلعبون وهم فارشين لهم بساط عن البحر ويفطرون والجو هااااااادئ ورهيييييييب والكورنيش شبه فاضي ضلو إلى الساعه9بعدها رجعو لأن الشمس بدأت تحتر ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 9:33 الصباح في فيلا ناصر في جناح البنات..
البنات صار لهم ساعه صاحيين وجالسين ع أسرتهم هدره وسوالف ولا شكلهم بيقومون ...
دانا: خل نتصل ع رزون
رزان: ألووووو
البنات بصوت واحد: أهليـــن
رزان: بسم الله من وين طلعتو لي؟؟
البنات: هههههههههه
عهد: أحلى رزون صايره ربة منزل جالسه من الصباح
دانا: لالالا رزان تتعرس
رزان: عقب عمر طويل
ملاك: إلا أقول رزون وش فيك تنافخين؟؟
رزان: والله توني أفسخ عبايتي راجعين من الكورنيش
دانا: ما هذه الخيانه تروحين الكورنيش ولا تخبرينا؟؟
رزان: والله بالصدفه ولا أدري أصلا أني راح أروح الكورنيش بس جت ريهام من الصباح ورحنا مع فهد فطرنا في الكورنيش
عهد: حركات أكيد الجو جنان
رزان: أفا عليك بس .. أقول لكم خبر؟؟
:تفضلي
:قولي
:غردي
رزان وهي تسمع كلام البنات اللي يدل ع حماسهم: ههههههههه أسبوع الجاي هالحزه أنتو في المدرسه
ملاك: آآآآآآآآآه لاتقلبي المواجه
دانا: إذا أنتي اللي في ثاني متوسط تقولين كذا شلون أحنا ثالث ثانوي والله أحس أن الإجازه يومين
عهد: أي والله ولا أيام إيطاليا آآآآه ع ديك الأيام
رزان: من جد ماكأنا رايحين قبل شهرين كأنا رايحيين من سنه أو أكثر ولا عاد المدينه
دانا: والله أنا ما أحس أني سافرت إلا إذا ناضرت صورنا
رزان: ع طاري الصور تصدقون أني حاطتهم في جهازي اللي بدون نت لأن مستحيل أحطهم في الابتوب
ملاك: أي أكيد وأحنا كمان حاطينهم في الجهاز اللي بدون نت
عهد: تخيلو لو نشبك بالجهاز ع النت
دانا: لا مستحيل أصلا جهازنا مافيه قطعة الكيبل حق النت
رزان: أنا جهازي فيه بس مستحيل أشبك فيه ع النت تخيلو فيه صورنا
ملاك: بعدين نصير مشاهير ولا شي
عهد: فال الله ولا فالك
دانا: والله رزون وحشتينا ما كأنا الأمس شايفينك
رزان: وأنتو أكثر والله اليوم لو مو ريهام وفهد موجودين كان أنتحرت
عهد: الله يعينك لين سافر فهد
ملاك: لابيصر أهون لأن بتفتح المدارس وبتغيري جو شوي
رزان: الله يعين يلا أستودعكم الله شكلي بنام فهد نام وريهام جا لها طلال وكـ العاده بقيت أنا بروحي
دانا: ياعمري تعالي معنا
رزان: لا بنام يمكن الليله أمركم
ملاك: يلا أنا قايمه أغسل
رزان: ههههههههههه قومو غسلو وسلمو لي ع عمتي وخالي و..."سكتت"
عهد: ههههههههههههه قصدك فيصل لا تستحين يوصل أن شاء الله
رزان أبتسمت: أوكي باي
قفلو البنات من رزان وبدأت حوستهم اللي تتحمم واللي تسشور شعرها واللي جلست ع النت عاد عارفين نهاية الإجازه ويبون يطلعون حرة الدراسه ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه2 الظهر في فيلا أبو مشاري..
كانو يستعدون لروحة الشاليه مع بيت جدهم<<راح أعرفكم ع بيت أبو تركي العائله ما شاء الله كبيره وماراح أتعمق إلا في الشخصيات فقط ذكر أسماء إلا اللي يهمنا أمرهم راح أعطيكم فكره عنهم ...

*أبو تركي وأم تركي الجد والجده حنونين ع أولادهم وسعيدين ومرتاحين مع بعض زوجو كل أولادهم بقى عندهم عبير وجاسر ...

*البنات المتزوجين*أم مشاري سبق تعرفتو ع عائلتها<<أم رانيه .. *سلوى*سلمى*مشاعل وكل وحده فيهم عندها أولاد ماشاء الله ومزوجه أولادها فما أبي أربككم أكثر راح تتعرفون عليهم مع الأحداث ...

*تركي*سامر*سمير*فتحي<<فتحي شخصيته ضعيفه ومايتحكم في زوجته وزوجته متسلطه وممشيه كلمتها عليه لأن فتحي الوحيد اللي ساكن مع أهله في فيلتهم بحكم حالته الماديه المحدوده وأبو تركي مو مقصر عليه *نهى زوجة فتحي متسلطه وحسوده وتغار من عبير اللي هي أصغر حمواتها ...

*جاسر ولد وسيم وحبوب عمره23سنه عازب قريب من فارس ولد أخته اللي هو صديق فيصل وفهد وهو وفارس و قريبين من وائل بغض النظر عن فارق السن اللي بينهم وحنون جدا ع أخته عبير ...

*عبير عمرها20سنه عازبه وجميله دائما ترفض الخطاب اللي يتقدمون لها لأن هي مع جاسر اللي ظلو لأم تركي وأبو تركي والباقي كلهم تزوجو متعلقه جدا بأخوها جاسر شخصيتها قريبه من شخصية رانيه بس أنها أهدأ شوي أو ع الأقل أهدء مع الناس ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

أن شاء الله ماطولت عليكم .. نرجع لفيلا أبو مشاري ...
عاد رانيه عندها اليوم يوم السعد لأن لمى زوجها مسافر ونايمه معاهم وعبير وجاسر كملوها ونامو معاهم ونرجس نزلت تسهر معاهم وقالبين البيت قلاب والحين هم جالسين يستعدون للرحله ما ظل شي ماحطوه وتوجهو للرحله وأن شاء الله يوصلون بالسلامه .. في نفس المكان رجع سيف من العمل وهو تعبان من كثر التفكير وقلت الأكل ولقا البيت فاضي وأندسح في الصاله سمع صوت التيلفون قام تأفأف ...
سيف: ألوووو ألوووو ألووووو
حنين..سمعت صوته مدري شـ صابني أنخرست ماقدرت أتكلم عقب آخر مكالمه بننا جمعت قواي ...
حنين: السلام عليكم
سيف..سمعت صوتها طار النوم من عيني صوتها هذا متأكد مستحيل يخفى عني عدلت جلستي ومن زود الحماس طحت من ع الكنبه أعوذ بالله...
سيف: وعليكم السلام
حنين..غريبه يكلمني بجفاف أوه وش علي منه أنا فكه بعد أحسن لي أنا اللي ميته عليه يعني هذا اللي أنا أبيه ...
حنين: موجوده لمى؟؟
سيف..جت لعندك ياسيف لغاب الاط ألعب يا فار فرصه ماتتعوض ...
سيف: أي موجوده وتعبانه الظاهر أنها حامل
حنين..ياااي لمى حامل وأنا مدري لمى صديقة روحي إذا جابت أولاد راح يسموني خاله وأنا أقول ليه جوالها مغلق ياعمري شكلها تعبانه خل أفاجئها وأروح لها الله يعينها ما حملت إلا وزوجها مسافر .. خل أسأل عن رانيه لالالا ما أبي أطولها مع هالغبي...
حنين: طيب عطيها خبر أن صديقتها راح تجيها
سيف..هياااا صارت جت لعندك ياسيف ...
سيف: حياك مع السلامه
حنين..غريبه ما سأل مين معاي شكله تأدب ...
حنين مع السلامه
سيف فز من مكانه وبدل ملابسه وراح يستعد لجية حنين ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

راح أعرفكم ع أهل حنين ...

*أبو وافي أب حنون ع أولاده سعيد مع زوجته ...

*أزهار أم حنين حنين أكبر بناتها حنونه وطيبه وعندها مشغل في بيتهم لأنها دارسه كوافير وتنمي موهبتها ...

*حنين أكبر أخوانها وخواتها عمرها22سنه تدرس في الجامعه سنه رابعه(طب) جميله<<ماراح أوصفها سيف ماقصر ...

*وافي أكبر أخوان حنين عمره 21سنه قريب من خواته وحبوب معاهم ...

*أنهار عمرها18سنه أول سنه بالجامعه قسم(أدب أنجليزي) ماتقل جمالا عن حنين بس كأنها حنين أحلى بشويتين ...

*حور في ثاني طالعه ثاني متوسط<<صديقة ملاك ومعها في المدرسه .. تشبه أطباع ملاك وراح تتعرفون عليها أكثر ...

*أخيرا الوليد عمره 7سنوات ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

نرجع لحنين..ياااااي حدي مستانسه راح أصير خاله جهزت نفسي ولبست أحلى ملابسي وقفت عند المرايه و أفتريت أموآآآآآح من جد أني أهبل دخلت علي أنهار ...
أنهار"تبوس يدها من بطن وظهر: الحمد لله والشكر
حنين: حلفي أني ما أهبل؟؟
أنهار: تهبلييييين بس ما قلتي لي ع وين؟؟
حنين: أحم أحم بروح عند لمى الظاهر أنها حامل
أنهار: ياااااااااااااااي لمى حامل من متى؟؟
حنين: مدري والله أتصلت ع جوالها مغلق الظاهر أنها تعبانه
أنهار: طيب أتصلتي ع رنوش؟؟
حنين: كمان جوالها مغلق
أنهار: وبتروحين كذا بدون ما تتأكدين أنهم موجودين؟؟
حنين: أحم أحم ناويه أفاجئهم وبعدين تأكدت أنهم موجودين تروحين معاي؟؟
أنهار: لالالا بجلس مع الصبايا في المشغل يلا باي
حنين: باي
حنين..نزلت سلمت ع الصبايا في المشغل والله أن جلستهم ماتنمل بس طلعت ورجعتي راح أجلس معاهم <<مسكينه ياحنين ماتدرين شـ اللي ينتضرك ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

-->>كمانتوو لي عودهـ

الساعه3 الظهر عائلة أبو تركي وأبو مشاري كالعاده متوزعين في السيارات بالتحديد سيارة جاسر اللي معاه وائل ورانيه وعبير ...
رانيه..دخلت بروح مرحه والقيت التحيه وائل ركب مع جسور قدام وأنا مع عبورة وراء تفاجئت أن جاسر رد السلام عادي وعبير مابادلتني المرح المعتاد ومغطيه وجهها<<مو من العاده .. تقربت منها ...
رانيه: عبورة وش فيك؟؟
عبير: رانيه محتاجه أني أسكت الله يخليك خليني براحتي
رانيه: جاسر وش فيها عبير؟؟
جاسر"تنهد": خليها ع الله
رانيه: عبير خاله مو أنا اللي تغبين علي بسرعه قولي وش فيك؟؟
عبير: رانيه إذا تكلمت ببكي
رانيه: أبكي طلعي اللي في قلبك أهم شي ما تسكتين
عبير والدموع متجمعه في عينها: جاوبوني حرام أني أنبسط؟؟ حرام أني آخد راحتي في بيتنا؟؟ حرام أني أطلع مع أهلي بروحنا؟؟
رانيه: عبير فكي طلاسمك قولي لي وش فيك؟؟
عبير"بدأت تبكي: كنا نجهز الأغراض للرحله أنا مع أمي ودخلت لنا العقربه وسمعتني أقول لأمي أن أنا أبي أستانس ما أبي حد ينكد علي فـ ماله داعي أنها تقول لها وركبت شقتها لعبت بعقل فتحي بكم كلمه وشوفي عاد قامت القيامه ع راسي
رانيه: الكلبه الحماره الله لايوفقها أن شاء الله يطيح اللي في بطنها والله ماتعرف تشوف حد مستانس
جاسر يهمس لوائل وهو تغيرت نفسيته شوي من مهاجمة رانيه: والله حاله هذي أختك ماتعرف تتصرف هذا بدل ما تهدأها شوف أنت كيف تسب وتلعن في نهى قدامها
وائل: رانيوه مسكينه تبي تكحلها عمتها
عبير"وهي تبكي: لاتدعين عليها ولا ع اللي في بطنها يبتلش فيها أخوي
رانيه منفعله: عساها الماحي وتطيح وتتكسر يارب المشنصه هذي الدبه مدري ع شنو شايفه حالها "وائل مد يده وقرص رانيه عشان تسكت"
رانيه بمرح: طنش تعش تنتعش أتركيها عنك مو هادي اللي تستاهل دموعك
وائل يهمس لجاسر: أخيرا عرفت تتكلم مثل الأوادم
جاسر: ههه رانيه والأجر ع الله
رانيه: مشكلتك طيبه وخبله وماتعرفين تاخدين حقك
عبير ضحكت: الحين أنتي تسبين لو تمدحين؟؟
جاسر-وائل: ههههههههه
رانيه: يـــــــــس أخيرا رضيتو تضحكون يلا خبرني جسور بالتفاصيل
جاسر: أبد بس جا فتحي يهاوش وجا أبوي وعصب وجات أمي وما عرفت شتسوي وعبير دخلت غرفتها تبكي وكالعاده أبوي مع الحق مو واقف مع حد وفتحي بس سمعها صراخه عشان ماتهزأه وركب ...
رانيه: ههههههههه والله تحفه خالي مشيب ويخاف من مرته
عبير: جااااسر رانيه عيب
وائل: ههههههههه ع قولة رانيه أنتي خبله وطيبه
جاسر: والله رضيتي ولا ما رضيتي أنا أقول الحق واللي في قلبي ع لساني الحين عاجبك حال أخوك تهزأه قدامنا تجيب أولادها وتطرد زوجها من الشقه معاهم وعاد أنا اللي أبتلش يجيني فتحي بأولاده هذا يبكي وهذا يصيح ياخي بتجيبين أولاد تحملينهم
رانيه: مسكين خالي حبوب وطيب والله تمنيت له مره أحسن من كذا
عبير: والله ترى ساعات تصير طيبه
جاسر: عاد أنا إذا صارت طيبه ع عيني وراسي وإذا صارت شريره تسمح لي يعني ماتعامل أختي عدل ما أعاملها عدل ماترد سلام أختي أنا ما أسلم عليها
رانيه: تعجبنننننننننننننننننننننني
جاسر: أجل أنا مره تمشي رايها علي تخســي ولا وش قولك يالخال
وائل: ذيـــب وأنا طالع عليك
عبير: ولا أنا ما أعرف أدافع عن نفسي ولا أرد ع حد لو ما جسور معاي كان ماسكت فتحي
رانيه: ذيب ذيب وش قلت له؟؟
جاسر: كلام مايصلح لك بعدك صغيره
رانيه بتبدأ تهاوش رن جوال جاسر وطبعا السماعات في السياره يعني سبيكر ...
جاسر: هلا خيه
أم تركي: هلا ماما
جاسر: هلا هلا ماما
أم تركي: ها أخباركم؟؟
جاسر: بخير أحنا قربنا نوصل
أم تركي: موفقين حبيبي .. كيف عبير هدأت
جاسر: عا العال .. عبير كلمي أمي
عبير: هلا ماما
أم تركي: هلا حبيبتي هدأتي
عبير: أفا عليك بس ع قولة رنوش طنش تعش تنتعش
أم تركي: بالتوفيق يلا وأتركي عنك الزعل
عبير: مايهمك مع السلامه
أم تركي: باي
كلهم حاولو يكتمون ضحكتهم ع أن أم تركي قالت باي إلا رانيه فطست ضحك: ياحيلها جدتي متطورة تقول باي هههههههههههههه
الكل: ههههههههههههههههههههههههههههه
جاسر: الله يغربلك يارنوش كلنا أنتبهنا وسكتنا إلا أنتي ماتعرفين تسوين نفسك ماسمعتي
وائل: ماتطلع رانيه إذا ما علقت
عبير: هههههههههههه والله أن أمي وأبوي يهبلون كأنهم روميو وجوليت
رانيه: قولي رقيه وأبو مساعد هههههههه
الكل: هههههههههههههههههههه
عبير: حدك عاد لاتغلطين أمي وأبوي شباب
جاسر: أي والله ينفعون حق فيديو كليب حق أغنيه
الكل: هههههههههههههههههه
وائل: أنا ومرتي أن شاء الله بنصير كذا
رانيه: هيييييييييي أي مرتك أكبر بعدها فكر في الزواج
عبير: أي والله الزواج لهذا اللي عنس "وهي تأشر ع جاسر"
جاسر: أنا ولد يعني عازب قولي لنفسك أنتي اللي ماظل واحد في الشرقيه ماتقدم لك ودوم ترفضينهم
عبير: ما أبي أطلع من بيتنا أبي أستانس بعدني بنوته وأحس أني مو قد مسؤلية بيت وزواج
جاسر: راسك يابس الله يهديك بس البنات هالأيام يموتون ويتزوجون وأنتي مدري ليه رافضه الزواج
عبير: غيرو الموضوع .. إلا صح كيفه سيف ماجا معاكم
رانيه: من أسبوع ماشفته آخر مره لمن عطاني كف
جاسر ماعنده فيها: هههههههههههههههههه
عبير: الله يهديه
رانيه: أن شاء الله وائل إذا كبرت تصير مثله كان أذبحك
وائل: لاياماما أنا بصير مثل جسور
عبير: قمر مثله الله يخليكم لنا
وائل: أحم أحم ولا تنسي تكملة الشله فروس ولد خالتي
عبير: ياقلبي ولد أختي ياحبي له
رانيه: إلا ع طاري فروس كيفه؟؟
جاسر: بخير بقى ع رجعته فرنسا3أسابيع
وائل: الله يعينها خالتي بتظل بروحها في البيت
عبير: وش دعوه أحنا وين رحنا؟؟
وائل: لا بس خالتي لو تموت ماتنام في بيت غير بيتهم ووقت النوم تظل بروحها
عبير: إذا فضيت أنا أنام عندها وبعدين الصباح تفطر معانا والعصر تتغدى معانا بمعنى أصح ساكنه معانا وبس باب بين بيتنا وبيتهم يعني تقريبا نفس البيت
رانيه: وحشتني جهان من تزوجت ما صرنا نشوفها كثير
جاسر: هذا هم البنات يقتلون حالهم مايبون يتزوجون وفي النهايه بس يتزوجون يختفون مع رجالهم
عبير: وش قصدك يعني
جاسر: قصدي واضح
رانيه: ياعيوني مو بس البنات حتى الأولاد ولا البنات إذا تزوجو يطلعون مع من؟ مو مع رجالهم يعني ما في فرق
جاسر: بسم الله علي أكلتيني
وائل: ههههههههههه عاد أنت ورانيه ماتنحطون مع بعض أثنينكم اللي في قلبكم ع لسانكم
عبير: هههههههههههههه أي والله صادق فيهم
جاسر: يلا قربنا نوصل أستعدو
رانيه وعبير بصوت واحد: مستعديييييييييين
وائل: الله يخلف عليكم
جاسر: صادق فيهم اللي يشوفه داخلي الحرب
وبدأ المناقر والهواش لحد ما وصول الشاليه كان روعه جلسو البنات عقب ما أخدو فره ع الشاليه وخلصو تخطيطاتهم وضحك ووناسه وأجواء جنان ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 7بعد المغرب في فيلا عبد العزيز كانت رزان حايسه وملانه حدها شوي تشبك ع النت وشوي تتفرج ع صورها وشوي تبدل ملابسها وشوي تنزل تجلس عند أمها في الصاله لحد ما أستقرت ع سبورت بيت عشان تاخد راحتها أكثر لأن حضرتها راكبه نازله ورفعت نص شعرها وتركت الباقي مفكوك ونزلت طبعا كان شكلها جدا عادي مو قبيح بس أن عليها سبورت بيت ويذوب جلوس خفيف في أشفتها وساعه ع يدها ...
رزان: السلااااااااام
مريم: هلا حبيبتي وعليكم السلام
رزان: وش جالسه تسوين أعترفي؟؟
مريم: هههه يحليلك شسوي بعد توني جايه من عند الجيران وأنتي وش فيك قالبه الوجه؟؟
رزان: ملانه و......."سكتت لأنها سمعت صوت"
دانا: يآآآآآآآآآآآآ أهل البيت
ملاك: رزان عمتي خالي
عهد: وينكم ياجماعة الخير
رزان من الفرح حضنت دانا: وحشتوني
والبنات أنضمو لهم وتحاضنو ع شكل حلقه
فضيله: هههههههههههه الله يديم المحبه أن شاء الله
الكل: آآآآآآميـــــن
غلا: وين رهف؟؟
رزان: رهوفه في بيتهم
غلا: وين ألعابها
رزان: ههههههههههه وأنا أقول من وين كل هالحب كان قلتي ألعابها من البدايه وفكيتينا مونياتي مونياتي
مونياتي: نأم رسان
رزان: حبيبتي خلي غلا تروح غرفة الألعاب
مونياتي: أن شاء الله"وخدت غلا معاها"
دانا: أستحي ع وجهك تقابلين ضيوفك ببجامه
رزان: أولا أنا حلوة في جميع الأحوال ثانيا مو أول مره تشوفوني بسبورت البيت ثالثا وش دراني أنكم راح تجون
ملاك: ههههههههههههههه والله لو نسكن مع بعض في بيت أريح مو مبتلشين إلا عبد الحق ونسيم
دانا: أمزح أصلا عاجبني سبورتك وأنا اللي أقترحت عليهم أنا نهجم عليكم
رزان: ياقلبو والله كأنك حاسه فيني توني أقول لمامي أني طفشانه وكنت محتاجه أحد أجلس معاه ولقيتكم قدامي
فضيله: يالله هانت كلها كم يوم وتفتح المدارس وتنشغلون
دانا: إلا ع طاري المدارس متى راح نروح المكتبه
مريم: الليله خلو نسيم ياخدكم للمكتبه
دانا: بكره راح نسهر مع البنات وبعد بكره خل نروح مجمع الظهران يــس
ملاك: ماشاء الله عبت جدول المواعيد لحد يوم السبت يعني مابنفضى أبد
عهد: أبرك لنا من الزهق يلا خل نتصل ع نسيم يوصلنا
رزان: عمتي بتروحين معانا؟؟
فضيله: لا جهزت لكم لستة طلبات جيبوها لي
ملاك: خلاص أجل خلي نسيم يجيب معاه ناسا عشان لانركب معاه بروحنا
دانا: أوكي
رزان: أنا بركب أبدل ملابسي
دانا: لاتتأخرين
رزان..كملت دانا كلامها وركبت غرفتي طيران صار لي يومين ما طلعت وبدأت حوستي وبسرعه بسرعه جهزت ونزلت لقيت الجيش بعباياتهم..
فهد تحم حم ودخل: السلااااااااام
الكل: وعليكم السلام
فهد: ع وين العزم
دانا: رايحين المكتبه ,,وصل نسيم ولا لسه؟؟
فهد: ما أشوف وصل تبوني أوصلكم
رزان: يــــس وصلنا وبعدها خدنا لمطعم ع ذوقك
فهد: ياحبكم للمطاعم ها عمتي يما وش رايكم آخدهم معي؟؟
فضيله: ع راحتهم
فهد: يلايلا معاي بتصل لفيصل
فضيله: غريبه فيصل مو معاك
فهد: لا عنده شغل في الدمام مع واحد من الشباب بخليه يلحقنا في جرير,,يلا مشينا
حوطو البنات السياره وفتحت ملاك الباب اللي وراء والباقي واقفين ...
دانا: رزان روحي قدام
ملاك: لاخلي عهد تروح قدام أحلى
ضربتها عهد ع مخها وأبتسم فهد"ركبت رزان قدام"
وتحركو كان المشوار هادئ نوعا ما وكانت رزان أجرأ وحده في البنات لأن مافي حد غريب عشان تستحي بس فهد أخوها والبنات يسولفون مع فهد بس بحدود وعهد أندمجت أكثر لأن خواتها يسولفون وصلو جرير وألتقو بفيصل ...
فيصل: أهلا أهلا
الكل: هلا والله
فهد: خلصت شغلك؟؟
فيصل: أي الحمد لله
دانا: أجل وين سيارتك؟؟
فيصل: مو جاي بسيارتي جاي مع فارس "دانا فز قلبها من سمعت طاري فارس"
ودخلو البنات المكتبه وخدو كل ماتشتهي أنفسهم وبعدها توجهو للمحاسبه ...
رزان..كنت واقفه وأنا مستحيه حدددي المكتبه كانت زحمه وحضراتنا مو متغطييين لكن كله من دانوه أهئ اللي مارضيت نتغطى وقف ع جنب ع بال ماهم يحاسبون ودانا وعهد وملاك كل وحده راحت لشيء معين وأنا ماعندي سالفه أروح معاهم فضليت واقفه ع جنب حسيت بيدين تلتف حول خصري شهقت حاولت أفك يدين الولد مو راضي يفكهم أنا جبانه ولا أقدر ع هالمواقف ما أعرف أتصرف شفت يد فيصل ضغطت عليها أبتسم لي وسحب يده لاحول مو فاهم ليه أنا مسكت يده رديت مسكتها بكل ما عندي من قوه ...
فيصل..لفتت نظري لأنها واقفه ع جنب بروحها ومنزله راسها فجئه مسكت يدي أنصدمت وتفاجئت ما تعودت هالجرأه من رزان قلت يمكن تفكرني فهد أو مو حاسه لنفسها سحبت يدي بهدوء تفاجئت أنها ردت مسكت يدي لحظه أنتبهت لوجهها أحمر وعيونها مليانه دموع أنتبهت ع واحد حيوان لاف يدينه حول خصرها صرت ما أشوف اللي قدامي أنعمت عيني خلاص كيف يتجرأ ويسوي هالحركات في مكان عام ومع من معا رزان حبيبتي ...
فيصل والشرار يتطاير من عيونه: روحو السياره
فهد اللي توه واصل وما يدري عن شي: وش صاير وش عنك مع الولد فيصل؟؟
فيصل: فهد روح مع البنات السياره "فهد عطى المفتاح للبنات ووصاهم يقفلون عليهم باب السياره ولحق فيصل"
فهد: فيصل فيصل لا تصير مجنون فيصل شتسوي وخر عن الولد
فيصل: أتركني عليه خل أشوف شغلي معاه أجل هالحقير يتحرج في رزان ولا والله ما أتركه
فهد: لاتوسخ يدك فيه أتركه عنك طيب تفاهمو مو كذا التفاهم
الولد1: أتركني يانذل
جا صديق الولد وتقرب وفهد توه قدر يفك فيصل عن الولد: السلام عليكم
الكل: وعليكم السلام
همس الولد2 لصديقه: وش صاير
الولد1: مو ناقصك أنا وخر
فهد: أنت معصب وهو معصب مو كذا التفاهم فيصل بعد عن الولد
الولد2: صلو ع النبي ماحصل إلا الخير
فيصل: أي خير هالحيون يترج في خواتي وتقول خير!!
الولد1: أحترم نفسك ما حيوان إلا أنت
فهد: خلاص فيصل أهدأ عشاني بعد عنه
فيصل فك قميص الولد: أنا ببعد بس لاتظنون أني مبعد خوف منه أو لأني شفقت بحاله أنا ببعد لأني ما أوسخ يدي بأنذال أمثاله
الولد1: ليه خليته يمشي
الولد2: ياغبي هذول يشترونك أنت وأهلك أمشي بس فضحتنا .
فهد مسك يد فيصل رتوجه معه للسياره .. فيصل وجهه أحمر من العصبيه وأنفاسه متسارعه ...
فهد: فيصل أهدأ مايصير نروح السياره وأنت بـ هالحاله العصبيه
فيصل"تنهد": أجل هالنذل يمد يده ع رزان أنت باط كبدي حدك ماخليتني أشوف شغلي معه
فهد: فيصل اللي صار محد له يد فيه لا أنا ولا رزان وبعدين الشي صار وأنتهى والولد أعتقد أنك ماقصرت فيه ليه العصبيه؟؟
فيصل: هذي رزان أختي وبنت خالي وبنت عمتي وفي المستقبل زوجتي
فهد: ع بالك أني ما أغار ع أختي أنا بعد متضايق من اللي صار بس رزان ما لها ذنب وماله داعي نكبر الموضوع فـ خلي كل شي طبيعي وأنت تعرف رزان حساسه وأعتقد أنها مسويه مناحه في السياره
فيصل تنهد تنهيده فرغت كل الغضب اللي فيه: لا تحاتي كل شي راح يمضي ع خير ولا راح يتغير شي وروحة المطعم ما راح تتكنسل
فهد: كفو والله وهذا عشمي فيك

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

-->>لي عوهـ ..

البنات دخلو السياره وهم مايدرون عن الدنيا ومجرد أنهم قفلو الباب دخلت رزان في دوامة بكي والبنات يهدونها ويذوبهم قدرو يفهمون منها اللي صار ...
رزان وهي تشهق: مدري ليه أنا دوم كذا منحوسه كل مره نطلع سوى لازم يصير لي شي يخرب عليكم الأحسن أنكم ماتاخدوني معاكم
ملاك: عاد رزون أنتي الخير والبركه وإذا ماجيتي معانا أصلا ننقص وما تكمل فرحتنا إلا معاك
رزان: ماراح أسامح نفسي إذا صار لفيصل أو فهد شي
دانا: أن شاء الله ما بيصير إلا الخير أذكري ربك وأستغفري
عهد: رزان خلاص حبيبتي أهدأي فهد وفيصل بخير وقربو يوصلون
رزان..مسحت دموعي وحاولت أني أصد عن فيصل وفهد وجهت وجهي للشباك ورحت في أفكاري ليه أنا بذات تحرش فيني الولد المشكله أني متحجبه كامل وعبايتي مو ملفته للنظر بس نضراته وحركته شككتني في نفسي حسيت نفسي عريانه وهو يناضرني فيصل وغضبه شنو تفسيره أكيد أنه يغار علي إذا مو لأني أني خطيبته في المستقبل فأنا بنت عمته وبنت خاله فشي طبيعي أنه يغار وفهد شنو ردت فعله لمن يعرف بالسالفه"صحيت من أفكاري ع صوت عقب الصمت الرهيب اللي كان مخيم ع السياره والبنات شكلهم خايفين يتكلمون وفيصل وفهد وجوههم لا تعطي لاحق ولا باطل الوضع نوعا ما يخوف ...
فيصل: وين تحبون تروحون؟؟
البنات:.................
فيصل: أكلم الجدران أنا؟؟
دانا: مدري
فيصل: لا الظاهر أنا أكلم الجدران
عهد: تعبانين خل نرجع البيت
ملاك: ع راحتكم
فيصل بطناز: لا إله إلا الله نازل عليهم الأدب خواتي , لحظه لحظه أنا أبي راي رزان
رزان..ياربي ليه يبي رايي حدي أستحيت أحترق وجهي ليه يخصني بالكلام أنا مالي عين أحط عيني في عينه ...
فيصل ناضرها بحيره: رزان أنا أتكلم
رزان..همسه ذوبني ياربي فيصل مره رومنسي أستجمعت قواي ويذوب طلعت كلمه مني"مدري"
فيصل بركن السياره: وأنا ماراح أمشي إلا إذا قلتي لي وين تحبين نروح
رزان..ياربي ليه يحرجني أكثر خلاص أحترق وجهي لو يحطون فوق راسي كوب حليب صار يغلي من كثر الحراره اللي أحسها تجمعت في راسي أستجمعت قواي وهمست للبنات...
رزان: بنات ساعدوني
دانا: بما أن الكره في ملعبنا ورزان صرحت لنا نختار وش رايكم في مطعم***صدق أنه خيال
رزان: خلاص أوكي
فيصل: جواب نهائي أحرك السياره
رزان..ياربي ليه دوم يبني أتكلم أنا يذوب يطلع صوتي إذا كان موجود الحين يكلمني بهالهدوء حاسه أني بذوب ع صوته ...
رزان: أيه
فيصل: توكلنا ع الله"حرك السياره والبنات قامو يتطنزون ع شكل رزان...
دانا: ياويلي أخوي طلع رومنسي
ملاك: أي والله توني أدري
عهد: بصراحه كل مره نطلع مع فيصل وتكون معانا رزان نكتشف أنه رومنسي وكل مره يثبت لنا رومنسيته بموقف أحلى من الثاني
دانا: أي والله تذكرون لمن طاحت رزان في مدينة الألعاب لمن كنا في سويسرا تذكرون كيف كان شايلها حتى ما حس أن رجله أنجرحت
رزان أحمرت وهي تتذكر الموقف: خلاص عاد
عهد: عادي رزون أصلا وقتها ماكنتي كبيره كثير كنتي تقريبا في عمر ملوك
ملاك: ياويلي أجل بدور لي واحد يشيلني
رزان ضربتها ع مخها بأستنكار: عيييييب
ملاك: شـ اللي عيب حلال عليك وحرام علي؟؟
رزان: أصلا ماكان الشي بيدي
دانا شفقت بحال رزان اللي كل ماجا لها يزيد حمارها: خلاص قفلو ع السالفه لاتحسدون فيصل الله يهنيك يارزون
وتمو يسولفون بس هالمره وطو صوتهم ولا سمعوهم الشباب إلا أشياء بسيطه وتمت الرحله ع خير وقررو البنات ينامون مع رزان لأن فضيله من الصباح بتروح المدرسه وناصر بيروح الشركه فـ أتفقو أنهم ينامون مع رزان ومها وريهام راح يجون لهم الصباح طلعت أزواجهم للدوام ونامو من بدري للوناسه إذا جو مها ويهام وأستبدلو السهره بجلسة الصبح<<يحيا النظام ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

قبل لا أختم الجزء راح أعرفكم ع عائلة فارس وهي صغيره تقريبا وكالعاد راح أعطيكم نبده مبسطه ع كل شخصيه يهمنا أمرها والباقي راح تتعرفون عليهم مع الأحداث ...

*فارس شاب وسيم وأنيق وجذاااب وتميزه عيونه العسليه المايله للون الأخضر ويدرس في فرنسا مع فيصل وفهد لكن قسم هندسه كيميائيه عمره 25 سنه آخر نصف دراسي له وهو حاليا موجود في السعوديه وراح يرجع فرنسا مع فهد وفيصل بعد أسبوعين و3 أيام...

*أم فارس أم حنونه ومكافحه وحنونه ع أولادها عقب وفاة زوجها من لمن كانو أولادها صغار وكل البنات ماشاء الله تزوجو بقى عندها فارس..

*جهان عمرها 23سنه أقرب وحده من خواتها لفارس لأنها توها متزوجه بداية الإجازه وسعيده مع زوجها ثامر..

*أخيرا أفراح عمرها33سنه متزوجه وعندها 4أولاد وبنت..

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

تم بحمد الله الجزء الثاني
((هذا الجزء
-عائلة أبو مشاري وأبو تركي في رحله ياترى شاللي ينتضرهم؟؟
-سيف في أنتضار حنين ياترى راح تجي لعنده؟؟أو في شي بيصر وبيكشف لحنين الأمر؟؟
-وعبير ومضايقة نهى المستمره لها ورفضها للخطاب شنو المفاجئات اللي تنتضرها؟؟
-جاسر وصراحته وعفويته الزايده تتوقعون راح تكون لصالحه أو لأ؟؟
-رانيه الرجه والربشه وتلطيف الأجواء شنو المفاجئات اللي تنتضرها؟؟
-رزان ومحاولات البنات معاها ع أنها تتغلب ع خجلها ولو جزء بسيط هل بتقدر أو لأ؟؟ وشنو التطورات اللي بتصير لها مع فيصل؟؟
-فهد وفيصل وفارس بعد أسبوعين سفرهم شنو المفاجئات اللي تنتضرهم في فرنسا؟؟
الأحداث بدأت تظهر وأنتو أكيد زاد حماسكم
يعطيكم العافيه تابعونا..
تحياتي))

.
.
.

إن شاء الله عجبكم البآرت ..

وماثقلت عليكم بالشخصيات-->>عقب شنو ..

يلا إن شاء الله قريب راح تتعودون عليهم وتذوبون في هواهم ^_^ ..

ردودكم ياحلوـوـوين وتعليقاتكم -->>تتقبل كل شي ..

///

ياي رواية ولا احلى
بكرة نزلي بارتين ........طماعة
هههههه تسلمي من جد حلوة .........لا من عم

أعشق أبي ..

يعطيك العآفيه غنآتي ع المتابعه والمرور

وعيونك الحلوه

ولخاطر عيونك راح أنزل البارتين

وأتمنى للكل متابعه شيقه

تحياااتي

دانهـ

ذايب في هواهم

((الجزء الثالث))
بسم الله الرحمن الرحيم

((المستجدات في هذا الجزء
-عزم حنين ع روحة بيت أبوم مشاري بدون علم بمكائد سيف لها ...
-لاتنسون بيت أبو مشاري في الشاليه ...
-وفي فيلا عبد العزيز بنات العائله مجتمعين تابعو الأحداث ...
-بقى بنتين وتكمل شخصيات قصتنا وتذوبون معانا في هواهم وتعيشون معهم الأجواء صح ...
تابعونا))

نبدأ..
"صدفه ومن بين كل الناس علقني من يوم شفته وعيني جات في عينه..حسيت شي بعيونه حيل يجذبني لمن أبتسم بانت بوجهي تلاوينه"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 8:00م في فيلا أبو مشاري كان سيف يستعد لجيت حنين فتح باب المطبخ والخدامه بغت تموت..
توينا برجفه: نعم بابا
سيف ع غير عادته مبتسم: سمعيني روحي المجلس وبخريه ونظفيه ما أبي أشوف فيه غباره
توينا: أن شاء الله بابا"توها بتروح للمجلس ناداها سيف"
سيف: ماخلصت كلامي
توينا: وش يبغى بأد بابا
سيف طلع من بوكه 200ريال: خدي هذول بمقابل أنك تدخلين حنين صديقة لمى المجلس الحين هي بتجي
توينا: حنين في جي لمى مو موجود كيف!!
سيف: أسمعيني أنا عاطيك الفلوس ولو تكلمتي لأكسر رقبتك حتى مع حنين لا تتكلمين بس دخليها وأنتي ساكته وإذا سألت عن لمى قولي لها فوق طيب؟؟
توينا: يوو أنا مايكزب كزب هرام
سيف: مو أنتي اللي تعلميني الحلال من الحرام تحركي بسرعه وإذا حد درى عن الموضوع ديرة أهلك ماتشوفينها
توينا بخوف: أن شاء الله بابا"وراحت"
سيف أنسدح ع كنب الصاله..آآآآآآآآآه أقترب اللقاء ياحنين ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

في نفس الوقت عند عائلة أبو تركي وأبو مشاري الساعه 8:00م كانو في قمة وناستهم البنات مع بعض والرجال مع بعض ورانيه وعبير شوي عند الحريم وشوي عند الرجال بحكم لأنهم مايتغطون عن كل الموجودين وساعه يتهاوشون وساعه يضحكون وفله ووناسه راحو عند الحريم جهة البنات ...
رانيه تندس وراء نرجس: أحميني منها يازوجة أخي
نرجس تقلد رانيه بطناز: لا حامي اليوم ياحماتي العزيزه
عبير: لا مفر مني
رانيه: خلاص عبور أعقلي خلينا نصير حريم ع قولت جدتي
عبير: لالالا ماراح أعقل بعدني طفله بريئه يلا أطلعلي برد لك الضربه وخل نجلس
رانيه: بس مو بقوه
عبير: تتشرط بعد تعالي خلصيني"جت رانيه وضربتها عبير ع ظهرها"
رانيه: أححح ياحماره
عبير: والله محد قال لك تسويين نفسك شجاعه
لمى: وبعديييييييييييييييييين
ليلى: هم ويا هالحجاب كأنهم مصريات
عبير: ليه ياماما مو عاجبك ولا تبينا 24ساعه بالعبايه؟؟
رانيه: وأنتي الصادقه مالنا إلا قميص طويل وبنطولون وحجاب
لمى: ههههههههههه الأخوات مصدقين حالهم أنتو في السعوديه
نرجس: هههههههههههههه ولا أنتي شوفي النظارات الشمسيه مبينه الأحلام من جد شكلكم تحفه
ليلى: لو تطلعون برى الشاليه يفتكرون عليكم بحرينيات
عبير: ههههههههههههه قبل شوي سوينا مقلب في مشاري
نرجس: أو ماي جاد أعترفو شنو سويتون في رجلي؟؟
رانيه: هههههههههههههههههههه مسوي نفسه مؤدب ضميته من وراء وعبير باسته في خد هههههههههههههههه
الكل: هههههههههههههههههههههههههههههههههههههههههههههههههه ههههههههههههههههههههههههههههههههههههههههههههاااااي
نرجس: كملو كملو وش سوى؟؟
رانيه: الأخ تفاعل ضمني ورد لعبير البوسه
نرجس والدموع متجمعه في عينا: كذااابين
عبير: الخبله تمزح حمحم وقال يالله
نرجس ضربت رانيه: خبله خوفتيني
لمى: مافي ثقه نشتكي عند مشاري؟؟
نرجس: لالالا أكيد في ثقه بس تعرفينا أحنا الحريم غيورات
رانيه تضرب عبير: أقول جلسي جلسي خلينا ناخد دروس في أسرار الحياة الزوجيه
ليلى: صدق زمن أحنا قبل إذا طرو الزواج قدامنا وأحنا في عمركم ننحاش
عبير: أي والله صدق زمن
لمى: من زينك أنتي أقول الكلام لك أنتي واللي جنبك
الكل: هههههههههههههههههههههههه
رانيه: عبيروه تخيلي إذا كبرنا نكذب ع أولادنا مثل الأباء والأمهات
عبير: هههههههههههههههههه هذي عاد لا بد منها
نرجس: هيهييي أحترمو نفسكم شنو يكذبون؟؟
رانيه: والله عاد شوفي داك الأبو إذا قال لولده أنا ياولدي كنت ما أطلع من البيت ودايم الأول ع الفصل وكنت أشتغل مع أبوي
عبير: وتحصلينه شهادة أبتدائي مو ماخدها وبيتهم مايشوفه
الكل: ههههههههههههههههههههههههههههه
رانيه: أنا باقول لأولادي في المستقبل أنا كنت ما أرفع عيني في وجه حد ودايم الأولى ع المدرسه
الكل: ههههههههههههههههههههههههههههههههههههههه
ليلى: لاعاد رانيه هذي قويه شوي
نور: ماما أبي أروح دورة الميآه
نرجس: توك رايحه من شوي قومي قومي بس
الكل: الله يعينك
غزل: ماما غسلي يدي
ليلى: روحي للبنه حبيبتي
نرجس رجعت: ها شكنتو تسولفون
عبير: والله شافقين بحالك أنتي وليلى
نرجس: شنسوي بعد حكم الزمن
ليلى: يلا قريبا نشوفكم بهالحال أول شي لمى وأنتو لاحقينها
عبير ورانيه بصوت واحد: عقب عمر طويل
رانيه: خشب
لمى: ههههه الحمد لله والشكر توهم عقب عمر طويل
نرجس: وش عليكم منهم هذول عيارات
لمى: ولا عاد رانيوه عاد مجنونه بالمره ماتتعرس
ليلى: قولي يبي لها رجل يعقلها
رانيه: هيهييي أنتو غلطانين في النمره مو أنا المجنونه أثنين المجنونين هم شعول وسعيدان
عبير-نرجس: ههههههههههههههههههههههههههههههههههههه
ضربتها لمى ع مخها من جهة اليمين: شعول في عينك
في نفس الوقت ضربها ليلى ع مخها من جهة اليسار: سعيدان في عينك
نرجس بطناز: وميشو فوق راسك
الكل ضحك ع حركتهم: ههههههههههههههههههههههههههههههههههههههههه
رانيه معصبه وبطناز: كل وحده تدافع عن حبيب القلب وأنا اللي أبتلش بعدين يكتبون أسمي في الجريده ضحيه من ضحايا المدافعه عن الأزواج بس يلا ضحيه في سبيل الحب
الكل: هههههههههههههههههههههههههههههههههههههههههههههه
أم تركي: وش عندكم؟؟
رانيه أنتبهت لجدتها كالعاده راحت ترحب فيها"باست راس جدتها وجلست تهز يدها وهي ما سكتها وهي ترحب: هلاااا أم تركي كيفك؟؟؟ وشلونك؟؟وشلون أبو تركي والبنات؟؟ عساكم بخير؟؟ أسمحي لي ما أنتبهت لك
أم تركي سحبت يدها: حسبي الله ع إبليسك كسرتي يدي
الكل: هههههههههههههههههههههههههههههههههههههههههه
رانيه: هذا جزاي واحشتني"وتبوس فيها"
أم تركي بعدتها: وخري عني واحشتها قالت هالعياره توك قبل شوي شافتني ولا سلمتي
رانيه: أفاااا أم تركي زعلانه أنا أعرف أراضيك راح أحجز لك في الصالون وتروحين في شقه مع أبو تركي بس أنتبهي قبل أشربي حبوب منع الحمل أخاف جدي مايتحمل هالزين وتولدين مع بنات بنات بناتك
الكل شهق بأستنكار وبعدها ضحكو ع هبال رانيه: ههههههههههههههههههههههههه
رانيه تأشر ع أم تركي: حمرت خدودها ياعيني ع الحيا تعال شوفها يابو تركي
أم تركي وصلت عندها: جب يلا جب صدق بنات آخر زمن مايستحون
الكل: هههههههههههههههههههههههههههههههههه
ليلى تتكلم مع رانيه: وأنتي دوم مطيحه الميانه مع الكل ماتحشمين حد؟؟
رانيه: بصراحه الأدب متعب ما أتخيل نفسي أصير مؤدبه إذا عزمت ع الأدب جهزو قبري قبلها
الكل: هههههههههههههههههههههههههههههههههه
عبير: والله أمي وأبوي ماشيبو إلا من مناقرك معاهم يالدبه
لمى: بسم الله عليك أنتي وجسور اللي يشوفكم مقصرين فيهم
ليلى: ياحليلهم جدي وجدتي شبابيين حد الدعسه
نرجس: الله يطول في عمرهم
الكل: آآآمين
أم مشاري: قومو بس ساعدونا بدل جلستكم
رانيه وعبير كالعاده راحو عند الرجال وكملو فراره في الشاليه والكل مستانسن<<الله لا يغير عليهم ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

نرجع لسيف في بيت أبو مشاري الساعه8:30م كان منسدح ع الكنب وكل شوي يناظر في ساعته رن الجرص وفز من مكانه راح إلى توينا ...
سيف: بسرعه أفتحي الباب وإذا حنين دخليها المجلس مثل ماوصيتك "توينا واقفه تناظر"
صرخ فيها سيف: بسررررررررررعه ومثل ما وصيتك
توينا نقزت من صرخته: أن شاء الله "ظل سيف في الصاله وتوينا راحت تدخل حنين"
حنين: السلام عليكم
توينا: وعليكم سلام
حنين: أجل وين لمى؟؟
توينا: في كرفه هي أنتي تفضلي هنا "وأشرت لها ع المجلس"
حنين: لالالا بركب لها غرفتها عادي أنا متعوده أجلس معاها هناك
توينا: لالالالالا بابا موجود في صاله وممكن يشوف أنتي تفضل هنا
حنين: أوكي نادي لمى
توينا: أن شاء الله "طلعت"
"دخلت توينا الصاله وفز سيف من مكانه: ها وش صار؟؟
توينا: حنين في مجلس
سيف: متأكده أن لسانك ما زل ولا قلتي لها شي؟؟
توينا: لا "سيف توجه عند البوابه وهو ساكت سمع صوت توينا: بابا حرام حنين واجد زين لا يسوي فيها شي
سيف: مالك شغل أنتي "تركها وطلع"
حنين..طلعت عني توينا نغزني قلبي حاسه أن في شي بيصير أستعذت من إبليس وفكيت لفتي حطيتها ع كتفي ورتبت شعري في المريا قلت إذا جت لمى راح أفسخ عبايتي وبما أني في المجلس فأكيد بنروح غرفتها حق آخد راحتي أكثر سمعت صوت مقبض الباب يتحرك لفيت وبأحلى أبتسامه ...
حنين: هلا والله سلامـ.....
حنين..توني بكمل كلامي أنتبهت له يقفل الباب طاح قلبي خفت ياترى وش ناوي عليه؟؟وين لمى؟؟ أنصدمت أكثر لمن جلس قبالي وش فاكر نفسه بسرعه لفيت لفتي وجاتني الجرأه وسألت ...
حنين بصوت حاد: وين لمى؟؟
سيف ببرود: لمى في الشاليه والبيت فاضي ما في حد غيري أنا وأنتي وبس
حنين..بروده شب حريقه في قلبي خلاص ماعاد أشوف شي الدنيا صارت سوداء في عيني ما أشوف إلا شبح دموعي وإبتسامة خبث من سيف طلع مني الكلام بدون شعور ...
حنين وهي تبكي: ليه أنا بذات؟؟ليه؟؟أنا مو لعبه في يدك ولا بنت شوارع عشان تسوي فيني مقلب كذا تكفى أبي أروح بيتنا تكفى لاتحطمني لاتهدم أمل أمي وأبوي فيني لا تحطم أحلامي اللي ظليت أرسمها سنيــ...
حنين..تكلمت بجرأه قلت اللي في قلبي لمن لسيف!!ليه أنا تكلمت له كذا يمكن لأني وحيده ومحد حولي غيره سكتت لمن شفته يتقرب مني وهو ماسكني من خصري وبوساته تنطبع ع جسمي صرخت فيه ...
حنين: حماااااااااااااار نذذذذذذذذذذذذذذذذل سخييييييييييييييييف تظن أن الرجوله أنك تستضعف بنت وتستوحد فيها بخداعك
سيف وهو لازال يبوسها: أنتي اللي أجبرتيني ع هالطريقه مالي حل غير هالحل صدقيني ياما حاولت أتقرب منك بس أنتي ماعطيتيني فرصه
حنين وهي تضربه بيدها: بعد عني بعد عني ياوسخ يانذل يا#### يا#### يا......
سيف..حطيت يدي ع أول زرار في عبايتها وفتحته ويدها تضربني فجئه كأني صحيت كأن أصوات تحاوطني بعدت عنها خلاص دار راسي مو قادر أشوف قدامي رحت للبوفيه الصغير اللي في المجلس وتركت حنين بروحها في المجلس جلست ع ركبي أبكي مو عارف وش فيني شربت مويه كانت أصوات تحيطني وكأن شريط أشوفه قدام عيني كنت أشوف نفسي وأنا أصرخ في وجه أمي وأبوي كنت أسمع كلامهم ونصايحهم لي أغمض عيني أضرب وجهي أبي هالشريط يروح أبي أذني تنصمخ أسمع أصواتهم وهمهماتهم مختلطه علي ضربت راسي في الجدار"كاااافي كااافي كاااافي عذاب ياسيف لمتى بتظل ع هالحال""لمتى بيظل أخوك المراهق ينصحك""لمتى بتظل تطفي بسمة أخوانك بوجودك""لمتى بتترك صلاتك""لمتى بتضيع وقت في سماع الأغاني ومعصية ربك""متى بتصحح كل أغلاطك"...,,كنت أسمع صوت أمي وليلى ولمى ورانيه ووائل وجاسر وفارس ورانيه ومشاري وأبوي وأستعيد الكلام اللي يقولونه لي ويتردد صدى صوتهم في دماغي غسلت وجهي وشربت مويه وصبيت مويه لحنين وتوجهت لها ...
حنين..كنت أضرب وأصرخ وأسب فيه وفجئه لمحت إنكسار في عيونه ظل واقف وتوقف عن اللي هو فيه وبعد عني أنصدمت منه بس حمدت ربي مليون مره شفته متوجه للبوفيه ضبطت لفتي وتجبت زين وسكرت زارار عبايتي اللي فتحه ورحت عند الباب لقيته مقفل رجعت مكاني وزادت دموعي ياربي شسوي ليه أنحطيت في هالموقف ووينه سيف طول؟؟ لا يكون بيجيب معه شباب أنفجرت دموعي مجرد أن هالفكره طرت ع بالي وأفكار تجيبني وأفكار توديني وأنا بهالحاله لمحته جاي وعنده جلاس مويه أنتفضت وزادت دموعي بمجرد إني شفته وزادت شهقانتي في البكي جلس قبالي وهو منزل راسه ...
سيف: هدي حالك وخلينا نتفاهم
حنين: شاللي نتفاهم عليه شاللي بيني وبينك عشان نتفاهم؟؟مو كفايه أنك ناوي تحطمني وش تبي أكثر؟؟
سيف: أشربي مويه وهدي حالك وعد أني ماراح أتقرب منك ولا راح ألمسك
حنين..مد لي جلاس المويه قربته لفمي كنت بشرب بس تراودت أفكار لبالي أنه حاط فيه سم أو مخدر صرت ما أثق فيه حطيت الماي ع الطاوله وهو لازال ع الكنبه اللي قبالي ...
سيف: ماشربتي مويه أشربي عشان تهدين
حنين: ما أبي
سيف: طيب وقفي بكي بقول لك شي
حنين: وش تبي؟؟
سيف: حنين أنا غبي أنا ضيعت مستقبلي"وبدأ سيف يبكي: أنا خيبت أمل أمي وأبوي فيني أنا كلمت كل بنات الشرقيه وكل وحده لها قصه حاولت وحاولت وحاولت أني أتوب لكن ما قدرت صدقيني
حنين..كنت منزله راسي وأستمع له سمعت صوت شهقته في البكي ورفعت راسي لقيته يبكي وكأنه طفل مضيع أمه شفقت لحاله وضليت أتأمل عيونه وهو يبكي شفت فيها الصدق شفت فيها التوبه شفت فيها نظرة حزن شفت فيها نظرت أنسان ضايع في البحر وجيوش الموج تتلاعب فيه وهو تايه مو عارف وين يروح فجئه لفتت نظري كلمته"حاولت أني أتوب بس ما أقدر"غصب عني تكلمت وقلت ...
حنين: تقدر
سيف: كيف ياحنين كيف قولي أنتي كيف وأنا مستعد أنفد أنا مستعد وبس أبي حد يساعدني
حنين: أنك تطلعني من هنا وصدقني بساعدك بس مو بهالطريقه صدقني جلستنا مع بعض بروحنا مو طريقه للتفاهم ومو هذا اللي ربونا عليه أهلنا صدقني ياسيف صدقني
سيف: مستعد بس أبيك تساعديني
حنين: وأنا بساعدك بس قلت لك مو بهالطريقه
سيف: أجل شلون قولي لي وأنا مستعد بس أنتي علميني
حنين: شوف سيف أنا متربيه ومستحيل أني أعطيك رقمي لأهذي أكبر خيانه لأهلي ومستحيل أكلمك في التليفون لأنك مو من محارمي وحرام أنك تسمع صوتي فـ وش رايك بالمسن بس بالكتابه تكتب لي قصتك وأنا بساعدك؟؟
سيف: أنا ما أرضها لك أن إميلك يصير عندي لأني فقدت ثقتي بنفسي وخايف أن أضيعك معاي بدون لا أحس لنفسي"مد عليها شريحه جديده: بنتواصل مع بعض بالرسايل بهذا الرقم
حنين..ترددت كثير أني آخد بس قلبتها في عقلي هذي فيها أنقاد لأنسان وأنا نيتي صافيه والله يشهد أني ما أبي ألعب ولا أستخدم هالشريحه في شي غلط أخدتها ...
حنين: أعرف أنك ماراح تسمع صوتي وعلاقتنا ماتزيد عن أخت لأخوها وبالرسايل بس
سيف..حزت في خاطري كلمتها"أخت لأخوها"يعني هي ماتبادلني نفس الشعور بس هي بنت مو شي سهل أنها تصرح أنها تحبني بهالطريقه ...
سيف:بإمكانك تطلعين إذا تحبي بس قبل غسلي وجهك وأتصلي في حد يجيك وإذا ما عندك حد أنا أوصلك
حنين: لاشكرا سواقنا موجود "قامت لدورة المياه تكرمون"
حنين..دخلت عند المرايا شفت وجهي أنصدمت منه الكحل سايل ع خدودي وخشمي أحمر من البكي غسلت ع السريع وحاولت أن وجهي يكون طبيعي وطلعت وأتصلت كلمت أمي ترسل لي السواق وأنتبهت أن سيف يناظرني وأنا أكلم نزلت راسي ووقفت عند الباب جا وفتح الباب ربع ساعه ورن علي السواق قال لي أطلع قبل لا أطلع سمعت صوت سيف يناديني ...
سيف: حنين
حنين: هلا
سيف نزل راسه: متى راح تفتحين الشريحه؟؟
حنين: كل ليله قبل ما أنام لحد ماتنحل مشكلتك أوكي؟؟
سيف: أوكي
حنين..طلعت وأنا أحس أن عيونه تراقبني ركبت السياره ووصلت بيتنا بالسلامه ركبت غرفتي وخديت لي دش سريع وبعدها أنسدحت ع سريرري دخلت علي أنهار ...
أنهار: أنتي هنا وأنا أدوك كل البنات سألو عنك إلا صحيح كيفها لمى؟؟
حنين..اللي صار سر في حياتي مستحيل أخبر حد عنه حتى لو كانت أختي وكيف أقول لها أني قابلت لمى وأنا ماقابلتها أكيد بتتصل عليها وبنكشف فـ قلت ...
حنين: ع حضي رحت وهم مو موجودين طالعين الشاليه
أنهار: ووش سالفة الحمل وأن لمى تعبانه والمفاجئه
حنين: طلعت شغالتهم مخرفه ولمى مافيها إلا العافيه شوي وبتصل لها والظاهر أنها لاحامل ولا شي أن شاء الله تكون حامل
أنهار: أن شاء الله أجل وين رحتي إذا ماكانو موجودين
حنين: أنهار فاتحه لي محضر تحقيق رحت الصيدليه
أنهار: وين الأغراض؟؟
حنين: لاحول رتبتهم
أنهار: كان قلتي لي أنك بتروحين الصيدليه المشغل يبي له أغراض
حنين: طيب روحي أنتي مع وحد من الصبايا
أنهار: يلا سي يو بروح عند الصبايا المشغل مليان زباين وسناء ماتقدر تمسك المحاسبه بروحها
حنين: أوكي باي
حنين..طلعت أنهار وجلست أفكر ساعات أحس أن اللي سويته غلط بس الشي صار وأنتهى ومو بيدي وأن شاء الله أقدر أأثر في سيف ويتعدل والله يعينني عليه,,بعد التفكير راحت حنين في سابع نومه<<نوم العوافي ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه4:40ص في فيلا عبد العزيز دخلت مريم جناح رزان تصحي البنات لقتهم تاركين سرير رزان وحاطين لها سرير كبير ع الأرض يكفيهم كلهم أبتسمت وبدأت تصحيهم ...
مريم: ياماما الصلاة ما بتاخد منكم خمس دقائق
رزان قامت: رحم الله واليدك ماما
مريم: والديك حبيبتي
وجلست مريم تصحي البنات وحده تقوم ووحده ترد تجلس ع السرير لحد ماطلعت عنهم وصحو كلهم صلو وبعد الصلاة أنسدحو ع السرير كل وحده من جهه ...
دانا: مانفسكم نسوي لنا فطور يممممممم
عهد: خل ننتظر ريهام ومها يجون
رزان: لا خلنا بروحنا أحسن وإذا جو ياكلون معنا الحين بيجون بأولادهم ولا بيمدي نسوي شي من فوضة البزارين ولاتنسو بعد شوي عمتي بتجيب غلا فخلينا نسوي الفطور الحين ونعمل حسابهم مونياتي صحت خليها تساعدنا
ملاك: وع أنا آكل طباخ مونياتي
رزان: ياماما ومن فينا ياكل طباخ خدم قلت تساعدنا يعني بس تنضف المواعين وتجهز طاولة الطعام وأكلنا ماراح تلمسه يلا قومو
عهد: فيني النوم
ملاك: وأنا بعد
دانا: أقول رزون قومي هذول لو ينامون سنتين مارح تكفيهم
ملاك: إذا أستوى الفطور صحونا
عهد وهي تتثاوب: أي صحونا
رزان: نامو نامو بس إذا أستوى بنصحيكم"التفتت لدانا: وين عبايتي؟؟
دانا: هناك ليه؟؟
رزان: بلبسها يمكن فيصل موجود مع فهد
دانا: يمكن أنهم نامو في بيتنا أو في بيت عمتي
رزان: طيب خل نحمل عباياتنا أحتياط
دانا: يلا
"مشو البنات وعباياتهم في أيدهم مرو قريب من جناح فهد وسمعو صوت فيصل معاه يسولفون دانا حطت أذنها ع الباب بعباطه وفتحت عينها رزان جاها فضول تسمع شيقولون وشاللي خلى دانا تفتح عينها بهالطريقه حطت أذنها ع الباب"
فهد بطناز: أنا مقدر أنفد وصفة دانا يوجعني صبعي إذا دقيته بمطرقه
فيصل: هههههههههه غسلت صبعك ولا لأ؟؟
فهد بطناز: لا لفيته بقماشه ثمينه وإذا تحممت ما أبله بالمويه
فيصل طناز: تتوقع رزان غسلت خدها أو لأ
فهد: بصراحه ماسألتها تعرفها تستحي
فيصل: ياقلبي هي
دانا ورزان وصلو حدهم من اللي سمعوه ونزلو جلسو ع طاولة الطعام وكل وحده تتحرطم من جهه دخلو عليهم عهد وملاك ...
ملاك: أنا أقول بنزل بلاقي وليمه أثاريكم جالسين وكأن مقتول ليكم قتيل
دانا: ملكوه جب مالي خلقك
عهد: أقرو ع دانوه وش فيها صايره كبريت
ملاك: من الحب "دانا رمت تحفه ع راس ملاك بس ملاك صدتها"
ملاك: آسفه آسفه
عهد: بسم الله وش صاير
رزان: الجرافله أخوك وولد خالك
ملاك: ماتووووووووووووو
دانا: يالبومه إذا ماتسكتين كففففففف ع وجهك يعدلك
عهد: شالسالفه؟؟
رزان: تذكرون سالفة الكح اللي مدري من وين طلعت لنا؟؟
ملاك-عهد: أيه
دانا: عرفنا سر الكح
عهد: لايكون كونان جا حل ليكم اللغز؟؟
الكل: هههههههههههههههههههههههههه
دانا: وأنتي الصادقه أنا صرت دانا كونان
عهد: كيف
دانا: كنا مارين عند جناح فهد وسمعناهم يسولفون عن سالفة الوصفات "ملاك ودانا شهقو بصوت واحد"
عهد: لاوالله ما أسكت لازم أنتقم
رزان: روينا شطارتك
عهد: باقول لكم عن الخطه وأنتو نفذو
البنات: أوكي
عهد: مونياتي مونياتي
مونياتي: نأم أهد
عهد: ياعيون أهد أنتي
مونياتي شقت الحلق: آمر
عهد: مو أنتو هنود وبهاركم غير شكل عطينا أحر فلفل عندكم
مونياتي: أن ساء الله
عهد: تورزعو للعمل دانا ورزان سوو البيض وملاك روحي تميلحي عندهم وسوي نفسك طيبه وأنا أشرف عليكم
ملاك: ليه مو أنتي اللي تروحين عندهم؟؟
عهد: لأني أكبر منك ومو حلوة فهد موجود
ملاك: روحي تكسبي لك نظره
عهد: والله ياملوك لو مارحتي...
ملاك: خلاص خلاص باروح
أرتجفت ملاك وترددت بعدها قرت المعوذات وآية الكرسي وطقت الباب
فهد: مين
فيصل: عامل حاله رقيق ع باله أنها عهدو
فهد: جب مين
"ملاك سمعتهم وفطست ضحك ونزلت الدرج وهي تكتم ضحكها ووصلت عند البنات وأنفجرت"
رزان: بسم الله وش صار؟؟
ملاك: هههههههههههههههههههههههههههههههههههههههههههههههههه ههههههههاااي بطني هههه
دانا: قلت لكم هذي ماتنفع حق خطط أقل شي يضحكها
ملاك: هههههههههههههههههههههههههههههههههههههههههههههههههه هههههههههاااي طحت عليهم
عهد: ليش شيقولون؟؟
ملاك: طقيت الباب وفهد يقول بنعومه مين اللي فيصل يقول له عامل حالك رقيق ع بالك أنها عهدوو وفهد أستحى ماقدرت أمسك حالي وجيت ههههههههههههههههههههههههههههه
البنات: ههههههههههههههههااي
دانا: الحين صار عندك كرتين ياعهدوو
عهد: أي كرتين ألعب بلوت أنا
رزان: تقول أي كرتين ألحقو أختكم يمكن عندها أكثر
البنات: هههههههههههههههههههههههههههههههههههههههههههههههههه ه
عهد: يلا ملكو روحي وبدون ضحك يلا بسرعه لا يبرد البيض
ملاك خدت عربة الضيافه ودخلتها المصعد طلعت من المصعد و طقت باب جناح فهد
فهد: لاحول شكله الجني اللي في فرنسا ملاحقنا حتى هنا
فيصل: ههههههههههههه شكله كذا قوم شوفه
فهد فتح الباب وبطناز: أذيتنا يابو الشباب في فرنسا وهنا ما يصير"أنتبه لملاك بعربة الضيافه: تفضلي ملوك
ملاك: ههه لالالا بس جايبه لكم الفطور
فيصل: أفطري معنا
ملاك: لابروح "وراحت"
فهد: يابعد عمري عهد أكيد هي اللي مسويه لي الفطور
فيصل: ياقلبي رزان أكيد هي اللي أقترحت عليهم يسوو لنا
فهد بطناز: كل أنت أول
فيصل: لا أنت حتى لو فيه سم بتموت في سبيل الحب مايخالف
فهد: خل ناكل سوا "كل واحد جلس يسوي له شيز باليض ومع خبز وحركات ويتفننون بعد في تقطيع الطماطم والخيآر"
ملاك..نزلت وأنفجرت ضحك وقلت لهم عن حسن نية فهد وفيصل والكلام اللي يقولونه وضحكنا سوى خدت دانا الكاميرا وفتحنا باب الجناح شوي لقيناهم يتفننون في تقطيع الخضار وضحكنا ضحك بس بصوت واطي وبدأ فيصل ياكل ووجهه صار أحمر بس سكت يبي يشوف ردة فعل فهد وأحنا نصور طبعا أكل فهد وطوالي جلس يكحكح وفيصل بعد جلس يكحكح معاه وأحنا فطسنا ضحك وبدينا نتشمت دخلنا عشان توضح الصوره أكثر ...
دانا: عشان تكحكحون عدل "وطلعو البنات سوا"
فهد وفيصل جلسو يتحرطمون مثل العجايز ...
فيصل: متعشم خير ومستانس ع بالي مسويين لي فطور أثاريهم مسويين فيني مقلب شلون هنت ع رزان؟؟
فهد: أنا شلون هنت ع عهد أكيد دانوه هي أساس البلا
فيصل: أبو الشباب لاتغلط ترى دانو أختي
فهد: وأنا بعد دانو بنت عمتي لكن مردوده هين
لحظـ صمــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــت ـات
فيصل صرخ: أي صــح فهود
فهد: أنا جنبك ياجلف وش عندك؟؟
فيصل: حالنا وأحنا نكحكح مايذكرك بشي؟؟
فهد: شوف فيصل إذا عندك شي قوله لي مو تقعد تسوي نفسك فطين وفكر وخرابيط ترى مالي خق شي نفسي في خشمي وحايمه كبدي
فيصل: تذكر مره في السياره كحكحنا كذا
فهد: ههههههههههه لاتذكرني بس سالفة الوصفات؟؟
فيصل: أي عليك نور مدي لمبه مدي ليت مدري فانوس مدري مصباح المهم
فهد: هههههههه لاتضحكني
فيصل: تتوقع أنهم ينتقمون منا عشان أحنا نسمع سوالفهم
فهد: وهم شيدريهم أنا سمعناهم
فيصل: فيني حره أبي أعرف بس من وين جايبين البهار؟؟
فهد: وأنا بعد
فيصل: ياخبر اليوم بفلوس بكره ببلاش
وتمو فهد وفيصل يتحرطمون

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

في نفس الوقت في غرفة رزان ...
عهد: مالهم صوت أخاف ماتو
دانا: إذا خايفه عليهم لهدرجه روحي تطمني عليهم
عهد: رزان خل نروح نشوفهم "لبسو البنات عباياتهم وراحو عند جناح فهد كل وحده تقول للثانيه دقي الباب أنتي"
رزان: أوووه وخرو أنا بشوف"طقت الباب"
فهد: أدخلي
رزان..دخلت وقلبي طبول أبتسمت أخفي توتري شفت الحنيه في عيونهم ودمعت عيني تخليت لو بحركتي السخيفه يمكن أن يصبهم شي الحمد لله اللي سلمهم لي ترددت وين أجلس إذا جلست ع الكنبه الثانيه بيصير فيصل في وجهي فجلست في نفس الكنبه اللي جالسين فيها جنب فهد ...
فيصل..شفت أبتسامتها ونسيت غضبي ونسيت كل شي حولي وجلست أناظرها وجلست جنب فهد وأرتفع ضغطي يعني ما بشوفها أفففف ليه هي كذا خجوله بزياده لو الله يفكنا من هالخجل أحنا بخير ...
فهد..أختي حبيبتي اللي أبتسامتها تسوي فيني سحر كنت بهزأها شوي بس شفتها خايفه ولفيت يدي عليها وسألتها ...
فهد: ليه سويتو كذا؟؟
رزان بحياء وبصوت مايسمعه غير فهد: درينا أنكم تتسمعون علينا فحبينا ننتقم
فهد: ههههههههه يعني السالفه أنتقام؟؟
رزان: أي
طقت الباب عهد: ممكن؟؟
دانا أخترقت الصفوف هي وملاك وهبالهم المعتاد تركو الكنب اللي في الغرفه كلها وبسطو ع الأرض وعهد لازالت عند الباب ...
دانا وهي تاكل وبصراخ: خلاص طاح الحطب
فهد: "يأشر ع دانا"بل بل هجوم الله يكفينا الشر"ويقلد صوتها: طاح الحطططططططططب"لف لعهد"شوفي الأدب شوفي النعومه"قال وهو يقلد هددوء ونعومة عهد: ممكن؟؟ تفضلي عهد
عهد بخجل جلست جنب فيصل
دانا: لالا عجبتني السالفه أخ فيصل أخ فهد وش رايكم تتبادلون؟؟ <<قصدها كل واحد يصير جنب حبيبته
فيصل: صدق والله يصير وقام
سحبته عهد: أجلس فضحتنا
رزان ماعجبها الوضع: عن أذنكم
فيصل كالعاده مو حاس لنفسه ومطيح الميانه مع رزان: لا أجلسو بنشغل لكم فيلم غير شكل
دانا: ياااااااااااااااي بنسوي بوبو كرون ونطفي الأنوار تصير أجواء سينما عن جد
"وأندمجو مع الفيلم وكانو جالسين ع كنبه مستطيله قبال التليفزيون كان ع طرف الكنبه فهد وجنبه رزان وجنب رزان عهد وجنب عهد فيصل وجنب فيصل دانا وجنب دانا ملاك دخلو عليهم ريهام ومها"
مها وريهام: السلااااااااااااااااااااااام
الكل: وعليكم السلام
وأنتشرو البزارين في الغرفه وصار فوضه وضحك ووناسه وأتصلت ريهام ع رؤى وهنادي واللي جابهم راشد<<الله يعينك يادانا ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه4:30ص في بيت أبو وافي كانت حنين في غرفتها قفلت عليها الباب وبدلت شريحتها ولقت 3رسائل من سيف الرساله الأولى كانت فيها قصته بالكامل
"قبل سنتين كنت مطيع وما أطلع من بيتنا من كثر ما أحب جلست أمي وأخواني وكنت دوم أطلع أخواني وكانت بداية أنحرافي إميل ضافني بالغلط كان دردشه مختلطه ومو مراقبه وتعرفت ع أكثر من بنت وكل وحده كنت أكلمها بشريحه مختلفه وبأسم غير أسمي لحد ماتعرفت ع هدى بنت غير عن كل البنات كنت أشوفها ملاك وغير عن كل البنات وتعلقت فيها بزياده وبالغلط أتصلت عليها برقمي المخصص للعائله وعرفت أسمي وبعد سنه ملت مني وشفت رقمها في جوال واحد من الشباب طبعا أنا ما حد يعرف أني أكلم بنات سألت الولد اللي شفت رقمها في جواله عنها وقال لي عنها وقال أنها مطيحه الميانه مع كل الشباب وتكلمهم إسبيكر وكل واحد يعرف أنها تكلم الثاني وتطلع معاه والوضع أور ردي عندهم لأنها مجرد تسليه ومجرد أني عرفت قصتها حسيتها أحقر أنسانه ع الوجود وحاولت أبتعد عنها بس كانت دايم تهددني أنا لمن تهددني ما أخاف ع نفسي بس أخاف ع نفسي و ع خواتي وأمي وأخواني وخالاتي وخيلاني وجدي وجدتي خايف أني أطيح سمعة العائله كلها بسبب لحظة طيش وللحين أنا متحسف وأكلم هدى وأعبي رصيدها بس عشان سمعت عائلتنا وباقي البنات اللي أكلمهم أنا حدر معاهم حتى أسمي مايعرفوه بس مجرد أني أملي وقتي وأغير جو بس مليت منهم كلهم وممكن أني أتركهم بس هدى خايف أني أتركها وتضيع سمعتنا"
"حاس أني طحت من عينك وأنك مو عند وعدك مجرد فضول أنك تعرفين مشكلتي شكرا لأنك سمعتيني"
"أتمنى أن خواتي مايدرون عن مشكلتي والله يقدرني وأحلها بروحي"
حنين..شفت رسايله وأنصدمت وجلست أفكر بحل له وسلت له..."السلام عليكم"
سيف..شفت رسالتها وفزيت من مكاني رديت عليها..."وعليكم السلام لايكون أزعجتك؟؟"
حنين..مسكين ع باله أنه أزعجني رسلت له..."لاشدعوه ما في أخت تنزعج من أخوها"
سيف..ردت قالت أختك بذبحها أنا رسلت لها..."تسلمين خيو,,قرأتي رسالتي؟؟"
حنين..الحمد لله للحين مؤدب معي رسلت له..."أيواا وزعلت ليه تقول هالكلام أنت عارف أني ما أفتح هالشريحه اللي آخر اللي قبل أنام ولا أقدر أفتحها أي وقت"
سيف..أنبني ضميري لأني أستعجلت ورسلت لها..."ماعاش اللي يزعلك ومعذوره,,شنو تعليقك ع قصتي؟؟"
حنين..أمم شرد عليه رسلت له..."يهمك رايي"
سيف: "بصراحه أيه"
حنين: "تفاجئت كذا ماتوقعت أن في مجتمعنا في ناس كذا أو أن إضافه غريبه سبب في إنحراف شاب"
سيف: "كنت مثلك أحسب أن كل الناس سوى ومربيين مثل ما أحنا مربيين بس صدقيني التربيه مو كل شي"
حنين: "أكيد النت له دور والفضائيات والمدرسه وكل شي بس ترى اللي يحافظ ع نفسه كل هذول ما يأثرون فيه"
سيف: "صادقه بس أنا ما عرفت أحافظ ع نفسي"
حنين: "وأهم شي أنك صحيت لنفسك وقريب أن شاء الله راح تصحح أغلاطك"
سيف: "تصدقين أنك متفائله بزياده"
حنين: "ولو وأنت ساعدني وأنا وباساعدك خطوه بخطوه"
سيف: "تسلمين"
حنين: "يلا نبدأ"
سيف: "بسم الله الرحمن الرحيم"
حنين: "أول شي صليت الفجر؟؟"
سيف: "بصراحه لأ"
حنين: "قم صلي وبعدها نكمل حوارنا"
سيف: "أوكي خمس دقائق وراجع لك"
حنين: "أوكي"
سيف: "السلام عليكم"
حنين: "وعليكم السلام"
سيف: "تأخرت؟؟"
حنين: "لالا أبد,,هاا صليت؟؟"
سيف: "أيوه توني راجع من المسجد"
حنين: "غفر الله لك ,,عسى بس مانسيتنا من الدعاء؟؟"
سيف: "أفا عليك بس أكيد والله يستجيب لنا"
حنين: "تقبل الله أن شاء الله,,سيف إذا أطلب منك شي لمصلحتك تنفده صدقني مو عشان شي بس عشان ترجع لأهلك سيف الأولي"
سيف: "تفضلي"
حنين: "الشرايح اللي عند اللي بدون أسم ياليت لو تتخلص منهم"
سيف: "صعبه شوي تعودت أني قبل ما أنام أكلم بنت أغير معاها جو شوي"
حنين: "طيب بسألك سؤال أنت اليوم قبل ما تنام كم بنت كلمت؟؟"
سيف: "اليوم ماكلمت بنات اليوم جلست أسولف معك بالرسائل"
حنين: "شفت أنك تقدر تستبدل الحرام بالحلال يعني بدل ماتكلم بنات سولف مع خواتك وصدقني قلبهم مفتوح لك في أي وقت تحتاج لهم"
سيف: "مدري بحاول"
حنين: "يلا تصبح ع خير أنا بنام"
سيف: "لايكون زعلتي؟؟"
حنين: "لا ما زعلت أصلا أنا مرتاحه من صراحتك معاي صدقني شوي شوي أنت من نفسك راح تترك عنك كل هالخرابيط,,تآمرني بشي قبل أبدل شريحتي؟؟"
سيف: "أي برسل لك صورة إذا تبين"
حنين: "أوكي أرسل"
حنين..جلست ع السرير وأنا ميته نعس سمعت صوت رساله فتحتها شفت الصورة وأستانست من قلبي حسي أني قدرت أسوي خير ولو مره في حياتي كانت الصوره شرايح ممزعه قطع صغيره ومرميه في زباله من زبالات الطريق من قلبي أنبسطت وتشجعت أني أغير سيف أكثر وأكثر رسلت له..."سيف من جد مبسوطه من جد أنت عطيتني أمل أنك راح تتغير أنت أثبت لي أنك رجال وقد كلمتك وأنك عند وعدك من جد سيف ريحتني"
سيف: "أنا أترحت أكثر حسيت أن هم كبير أنزاح عني تخلصت من الشي اللي كان السبب في أنحرافي تصدقين أني كنت أقطعهم وكأني أنتقم من واحد يحس صدقيني ضربتهم بكل ماعندي ووحطيتهم تحت رجلي تكرمين وبعدها رميتهم في الزباله ما رميتهم في زبالة بتنا رميتهم في الحاويه اللي برى عشان أتخلص من الشي اللي يذكرني بماضيي"
حنين: "أهم شي أنك نفدت هالخطوه بقناعه مو عشان أني طلبت منك"
سيف: "صدقيني أنا مقتنع بس كنت أنتظر حد يشجعني ولقيتك قدامي"
حنين: "تدري لو تغير شريحتك هذي يكون أريح لك من هدى"
سيف: "مدري خايف"
حنين: "صدقني مابتقدر تسوي شي أنت أدعي ربك أنها ماتسوي شي وتوكل ع الله وغير شريحتك"
سيف: "وهذا اللي بيصير ,,بس بعد خايف"
حنين: "توكل ع الله"
سيف: "خلاص إذا غيرت رقمي برسل لك مسج أعطيك خبر أني سيف"
حنين: "أوكي"
سيف: "تآمريني بشي؟؟"
حنين: "لاتنسى تغير شريحتك وتروح عند أهلك في الشايله"
سيف: "تخيلي لو أهلي مايتقبلوني؟؟"
حنين: "لاصدقني بيتقبلوك أنت غير نفسك عشان هم يتقبلوك أنت بس قرب منهم خطوه راح تلقاهم يتقربون منك عشره"
سيف: "مشكوره ياحنين يعطيك العافيه تعبتك معاي"
حنين: "يعافيك ولا أبي أسمعك مره ثانيه تقول لي تعبتكم معاي أكسر راسك"
سيف: "ههه تعبي راحه كذا أوكي"
حنين: "ههه يلا روح الشاليه وأنتبه لنفسك وخبرني باللي صار"
سيف: "أن شاء الله مع السلامه"
حنين: "موفق مع السلامه"
سيف..قفلت منها وقلبي معاها بعد هالرسائل اللي بيني وبينها خلتني أصير أنسان ثاني عندها أسلوب مقنع أنا لازم أخلي أمي تخطبها لي قمت من السرير وناوي اليوم أطنش الدوام وراح أروح الشاليه خديت لي دش وتوكلت ع الله وركبت السياره ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه8:30ص في فيلا عبد العزيز كانو في قمة وناستهم جالسين يفطرون خبز فرن وفاصولياء ومطبق وقلابه وقيمه وحليب وشاهي ويلعبون مع بعض بلوت ...
هنادي: أجل اليوم الأربعاء؟؟
ريهام: صدق اليوم شنو؟؟
فهد: مدري
فيصل: وش فيك تناظرني أنا اللي أدري
دانا: الخميس
رزان: كيف الخميس وعمتي في المدرسه؟؟
ملاك: الجمعه
عهد: خد لك هذي وش فرقت الخميس ولا الجمعه كلها ويك آند
الكل: هههههههههههههههههههههههههههههههههههههه
دخل راشد وعند التوستر: جبتها آآآه درجكم يكسر
دانا: أخترعو شي أسمه المصعد
ملاك: صحيح!!عام كم
دانا: مدري كأنه أول أمس هههه
رؤى: أقول أعقلو عن أخوي
راشد: مجانين ماعليهم عتب
مها: صدق راشد ليه ما ركبت المصعد
راشد يستهبل: يوقف علي ولا شي ناقص أنا
الكل: هههههههههههههههههههههههههههههههههههههههههههههههههه ههههههههههههههه
ريهام: طول بعرض وتخاف من المصعد
راشد: ما أخاف بس أبعد عن الشر وأغني لوو
ملاك: تكلم راشد الماجد
راشد: جبي بس أم كلثوم
هنادي: يلا أعقلو عن حميي
ريهام: لاتنسين بعد هذا رشود حميي
راشد: شفتي يامرت أخوي مشكلتي طيب وأعطي البزارين وجه وهم ع بالهم أني ما أقدر أرد عليهم
عهد: إلا صدق رشود اليوم شنو؟؟
راشد: الأربعاء ليش؟؟
ريهام: وينك من زمان حليت قضية فلسطين قبل شوي كل واحد يسأل الثاني عن اليوم ومحد عارف
راشد: ههههههههههه عطاليه بطاليه لا شره
رزان: راحت العطاله والبطاله السبت المدارس
رؤى: اليوم عاد غير شكل جمعتنا الصبح
ريهام: والله وحشتنا أيام قبل اللعب والسوالف والمناقر
فيصل: خلاص بعد صرتو حريم
ريهام: بس بعدنا صغار عيوني
فهد: أنتي ولا كلمه أكبر وحده فيهم كفايه الجيش اللي عندك
راشد: أي والله كونو لينا عصابات و ع بالهم أنهم صغار
رزان: أحلى سنه في حياتي لمن ولدو كلهم مع بعض وجابو بنات وقتها كنت في أول متوسط
مها: من جد شي حلو أنا ماحد ولد معي من العائله بروحي
هنادي: أنا ولدت بشوق بعدها بشهرين ريهام ولدت برهف وبعد ثلاث أسابيع عمتي جابت غلا من جد سنه مميزه
عهد: خلاص كررو هاذكرى الحلوة
ريهام: بسم الله علي روابي صغيره
مها: وأنا بعد مابي ريان صغير
هنادي: وأنا أعظم شي فيكم جسوم صغير "كلهم جلسو يناظرون رؤى"
رؤى: وش فيكم تناظروني تراني مو حامل
مها: يلا جيبي لريوف أخو
رؤى: أن شاء الله إذا كبرت
فيصل: والله وشيبتو بناتكم بيدخلون المدارس
راشد: ويقولون بعد صغار
مها: يلا عقبالكم "وتنظر البنات"
:بسم الله علي
:فال الله ولا فالك
:عقب عمر طويل
:بعدني صغيره
هنادي: يلا ولا كلمه أنتو عاد"تأشر ع رزان ودانا: يوم كنا في عمركم أنخطبنا
رزان أحترق وجهها ودانا بعد بس حياها موظاهر مثل رزان اللي الكل أنتبه لحياها ...
ريهام: حرام عليك أحرجتي أختي
هنادي: سنة الحياة
عهد: أني براء منكم
مها: وش ع بالك بس ينخطبون بتلحقيهم زي ريهام أنخطبت وعقبها أحنا أنخطبنا كلنا زين إذا مالحقتكم ملوك "ملاك بلغت ريقها بصوت مسموع"
الكل: ههههههههههههههههههههههههههههههههههههه
هنادي: هذا حيا ولا شنو؟؟
راشد: أشك أن ملاك تستحي
ملاك: جب أصلا لا أستحي ولا شي الزواج سنة الحياة قال أستحي قال ومن مين من رشود
فيصل: أتغربلك ع هاللسان ياملوك من وين جايبته
مها: أنت أسكت ماسمعت شي داك اليوم تقول إذا طلع رجلي أسمه***بسمي ولدي***وباسوي زواجي في ****وبتعدل في***وبافصل فستان في****
فهد: ماشاء الله ما شاء الله مخططه يعني بس باقي الرجل أقول ترى في واحد مزيون أعلمك عليه
ملاك: أنت أشر بس مين؟؟
فهد: أطلعي من بوابة بيتكم ولفي يسار ولا بتحصلين مثله بعد
الكل عرفو أنه حارس العماره اللي جنبهم: ههههههههههههههههههههههههههههههههههههههههه
ملاك: خليه لرزون أختك
فيصل أنفعل: جب يالملقوفه
كلهم ضحكو ورزان وردت خدوها لأن راشد جلس يصفر والكل عرف قصد فيصل بعد كذا وصلو أهل الدوامات من الدوامات وكملو جلستهم ...


:*:*:*:*:*:*:*:*:*:*:*:*:*:*:*:*:*:*:*:*:*:*:*:*

تم بحمد الله الجزء الثالث
((هذا الجزء
-سيف وقراره هل أنه يروح لأهله في الشاليه؟؟و شاللي ينتضرهم هناك؟؟
-حنين هل أثرت في سيف فعلا أو أن سيف راح يرجع لماضيه؟؟هدى هل بتقدر فعلا أنها تأذي سيف؟؟
-سيف وحنين متواصلين بالمسجات هل بيتواصلون أو في شي بيفرق ينهم؟؟وشنو التطورت اللي راح تصير لهم؟؟
-أبطالنا شاللي ينتظرهم ...
-المدارس قربت والكل يستعد ...
يعطيكم ألف عافيه
تابعونا
تحيااتي))

.
.
.

متابعه شيقه للجميع

وراح أنزل البارت اللي بعده لعيون اللي طلبت

لاتحرمونا من ردودكم

تحياااتي

دانهـ

ذايب في هواهم

((الجزء الرابع))
بسم الله الرحم الرحيم

((المستجدات في هذا الجزء
-لاتنسون سيف في طريقه للشاليه
-وبكرا الخميس جمعة الثلاث العوائل في فيلا ناصر
تابعونا))

نبدأ
"ما للعمر في بعض الأيام قيمه لغاب عن عيونك من تعزه وتغليه وتصبح حياتك من بعده سقيمه ويفز قلبك كل ماجاب طاريه دام المحبه تمطر الوجد غيمه وصل الحبايب عهد لازم نوفيه"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه7:30 ص سيف كان يفتر بسيارته ومتردد أنه يروح لأهله الشاليه ...
سيف..شغلت المسجل حطيت لي قرآن ياااه من زمان ماسمعت قرآن حاس أن روحتي لأهلي الشاليه مو بالسهوله اللي أي حد يتصورها أنا قبل أسبوع ضارب رانيه وصارخ في وجه مشاري وقبلها بيومين مزعل أمي وبيت جدي تقريبا 9شهور مارحته وخالتي عبير أشوفها في بيتنا ويدعم كتفي في كتفها ولا أعبرها وجاسر خالي أشوفه برى بالصدفه آآآآآه عقب هذا كله ما أتوقع أنهم يتقبلوني توكلت ع الله مثل ماقالت لي حنين ومسكت خط الشاليه وجلست أفكر في أشياء مختلفه ضاع علي الوقت ما أنتبهت لنفسي إلا أنا عند الشاليه ترددت سميت بالله وحطيت يدي ع الجرص فتحو لي الباب نور وغزل ...
سيف ببتسامه: قوه نور قوه غزل كيفكم؟؟
نور تقربت بتسلم صرخت فيها غزل: نور هذا شرير بعدي
سيف..حز في خاطري بنت أختي الصغيرة تقول عني شرير تحطمت من جد تحطمت هذي أول خطوه كذا رحت عند البحر لقيتهم متجمعين الرجال من جهه والحريم من جهه وضحك وسوالف خفت أتقرب منهم وتختفي ضحكتهم كالعاده بس تقربت ...
سيف: السلام عليكم
الكل في ذهول ويناظرون سيف وكأن معجزه صاير محد مصدق عينه أقوى واحد فيهم مشاري رد السلام وبعدها الكل رد السلام وراه ...
سيف..شفت العتب في عينهم بست راس أمي وأبوي وجدي وجدتي ووقفت ترددت أجلس جنب مين في النهايه جلست جنب جاسر ووائل أنتبهت لرانيه قايمه وملامح وجهها مو ع بعضها حدي تضايقت بس حبيت أبين طبيعي جلست أسولف معاهم وكأني واحد غريب أول مره يشوفونه يسألوني عن دراستي وأشياء ضروري أن الأهل يعرفونها مو لأن أهلي هامليني بس لأني أنا ما أعطيهم وجه عشان يسئلوني وتبادلت الكلام معهم نصف ساعه تقريبا وصار الوضع عادي وتأقلمو ع وجودي وصرت أضحك وأسولف معاهم من قبل سنتين ماحسيت بهالشعور أني بين أهلي أنتبهت لعبيرتأشر لوائل وقامو مع بعض ...
"وائل قام مع عبير وبعدو شوي"
وائل: ها خاله وش بغيتي
عبير: خاله حبيبي خل نروح نجيب رانيه
وائل: ما راح ترضى صدقيني هي مجروحه من سيف
عبير: وعشان كذا أنا قلت لك تجيبها معاي لأني أعرفها
وائل: يلا سرينا
عبير.. دخلنا أنا ووائل لقينا رانيه في الغرفه منسدحه ع السرير وتبكي ...
وائل: رانيه وش فيك ليه تبكين؟؟
رانيه: أي روحو عند سيف بس جا شوي كلكم أنشغلتو عني ولا حد أفتكر فيني
عبير: رانيه هدي مو أنتي اللي كنتي تقولين لي نفسي لو مره نجلس مع سيف يضحك ويسولف معانا زي باقي أخواني؟؟سيف معانا الحين أمنيتك تحققت ويسولف ويضحك معانا موهذا اللي أنتي تبينه وهذا هو صار
رانيه: شلي يضمن لي أنه مابينكد علينا مثل كل مره؟؟
وائل: رانيه حبيبتي سيف جاي لنا وقاط كل ماضيه لوراء وأنتي إذا صديتيه راح تحسسينه أنه غلطان ولا بيرتاح باله
رانيه: خلني أصده يمكن يصحى ضميره ويحس لغلطه
عبير: رانيه سيف لو أنه ماصحى ضميره ماجانا جلس معانا صدقيني سيف تغير
رانيه: كل مره نقول تغير وخلال دقائق يقلب زين إذا مارحنا الحين ولقيناه قالب 180درجه
وائل: رانيه لاتصيرين حقوده قوي معانا سيف يبي يتغير ولازم كلنا نساعده
عبير وصلت معها من عناد رانيه: بعدين إذا صار له شي قولي ياليتني ماسويت ومافعلت وائل قوم معي هذي مامنها فايده
"توجهو وائل وعبير لعند الباب وسمعو صوت رانيه تناديهم"
رانيه: أنتظروني
عبير: يلا غسلي وجهك وأنتبهي لتصرفاتك مع سيف إياني وياك تجرحينه
رانيه وهي تغسل وجهها: طيب
وائل: ترى مشاري وسيف قالبين الجلسه ضحك ووناسه
رانيه بمرح: صدق والله
عبير: هذا اللي هامك قدامي بس
رانيه-وائل-عبير:السلام عليكم
الكل: وعليكم السلام
أبو تركي: ها رانيه أبوي صرتي أحسن؟؟
رانيه: الحمد لله جدي
سيف: كيفك رانيه؟؟
رانيه: الحمد لله بخير كيفك أنت؟؟
سيف: نحمدوو ,,وصلتي أي صف ثاني ثانوي صح؟؟
رانيه: لا السبت بتفتح المدرسه وأن شاء الله ثالث
سيف: ماشاء الله كبرتي بالتوفيق
رانيه: جميعا
سيف: علمي لو أدبي؟؟
رانيه: علمي
سيف: أوووو أوووو من متى الشطاره؟؟
رانيه: لاتخاف أصلا أنا داخله علمي عشان صاحباتي
الكل: ههههههههههههههههههههههه
ليلى: صريحه رانيه
جاسر: ماتعرف تفخم في حالها شوي ولاشي نفسي بالضبط
وائل: أنت وهي ماتتجلسون مع بعض
رانيه: ليش عيوني وش حليلنا أنا وخالي صح جسور
جاسر: وصح الصح
وائل: وش لي جايبها أنا خدت الجو كله عنا
الكل: هههههههههههههههههههههههههههه
لمى: هذي رنوش
سيف: هههه ياحليلها,,وكيف مستواك في العلمي؟؟
رانيه: والله كل المواد أوكي بس الأنجلش لازم مسباح جدي
الكل: هههههههههههههههههههههههههههههههههههههههههه
رانيه: لو مامسباح جدي كان ما أنجح
أبو تركي: حسبي الله إبليسك قطعتي لي مسباحين
رانيه: يفدوني
الكل: ههههههههههههههههههههههههه
نرجس: أحلى يالواثقه
مشاري: لحظه لحظه خل نسمع تجاربها كيف طريقتك مع المسباح؟؟
رانيه: بصراحه لي ثلاث طرق
الكل: هههههههههههههههههههه
سيف: ماشاء الله علمينا
رانيه: طبعا بستخدام المسباح أعد ع عدد البنات اللي تختلف إجاباتهم و ع حسب اللي تطلع في المسباح أنقل إجابتها
الكل: ههههههههههههههههههههههههههههههههه
نرجس: أنتو شوفو الأدب وأحلبو لبن .. مو أبرشم ولا أغش أنقل
مشاري: ههههههههه والطريقه الثانيه؟؟
رانيه: أعد ع عدد أفراد الأسره واللي أحس أني أحبه في يوم الإختبار أحل بأسمه أو أحيانا ع عدد أفراد بيت جدي وساعات بيت خالتي أم فارس
الكل: هههههههههههههههههههههههههههههه
مشاري: الطريقه الثالثه؟؟
رانيه: إذا مره مره تورطت آخد الإجابه الوسطى وأقول خير الأمور أوسطها وأعقر وإذا عجبتني إجابه أختارها
الكل: ههههههههههههههههههههههههههههه
أم تركي: هالمره خدي معك فستاني وحلي ع عدد الورد اللي فيه
رانيه: أنتي أتفلي فيه بس وأحل عدل
الكل: ههههههههههههههههههههههههههههههههه
لمى: حرام عليك بس رانيوه بطني آآآه ههههههههههههههههه
رانيه: يؤ بطنها لايكون حامل؟؟
عبير: يمكن يجوز أعترفي لمى حامل خل نفرح؟؟
لمى: جب جب بس حامل قالو يا كثر الإشاعات
سيف: هههههههههه عزات الله وصلت الإشاعه لسابع جار
ليلى: قول السي أن أن
الكل: ههههههههههههههههههههههه
رانيه تضرب عبير: عبيروه
أم تركي: وش هالحاله مابقى لك غير هالخاله وتسمينها عبيروه
رانيه: جيبي لها أخت
الكل: ههههههههههههههههههههههههههههههههههههههههههههههههه
سيف: ما أتخيل جدتي حامل
أم تركي: وش فيها عيوني من كبري أنا
رانيه: لا شكلها جدتي من جد حامل جيبو لها تحليل منزلي ياجماعه
الكل: ههههههههههههههههههههههههه
رانيه: بعدين يكتبون في الجرايد جده تحمل مع بنات بنات بنات بناتها
أم مشاري: بسم الله ع أمي الله يريحها
رانيه: أجل أنتي
أم مشاري: بسم الله علي يذوبي متحملتك أجيب لي غيرك كان أنتحر
وائل: هههههههههههههههههه خلوني آخر العنقود
جاسر: مصدق حالك اللي يشوفك بنت آخر العنقود
وائل: أدري فيك محتر لأنك مو آخر العنقود
عبير بدلع: أنا آخر العنقود
الكل: هههههه
لمى: وما يطلعون مجانين إلا آخر العنقود أنتي وجسور ووؤل وهالخبله "وهي تأشر ع رانيه"
أبو تركي: وش فيهم أولادي بسم الله عليهم الله يخليهم
الكل: آآآآآآآآآآآمين
ليلى: وش فيهم والله يخيهم ما أعترضنا بس ماطلعو لك الشيب إلا هم
أبو تركي: اللي يشوفكم قصرتو فينا أنتو خلهم يتدلعون مثل ما تدلعتو أنتو
راينه: عاااااااااااااااااااااش جدي
عيبر: عااااااااااااااااااااااااااش أبوي
جاسر: كلنا لأبو تركي
وائل: أحلى جدي حركات
وتمو مناقر وضحك وسوالف ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 3:30 م في فيلا ناصر طبعا زي ما أنتو عافين الليله جمعتهم ...
رزان: السلام عليكم
الكل: وعليكم السلام
فضيله: هلا هلا برزون هلا حبيبتي كيفك يما؟؟
رزان: بخير ربي يسلمك
فضيله: ماجات معك أمك؟؟
رزان: إلا جات بس تسولف مع فيصل برى
ملاك تساسر عهد: حرام كل هالحمار عشان نطقت أسم فيصل
عهد: بنت خالك ماتعرفينها تستحي من ظلها تلاقينها دخلت عشان فيصل موجود برى
ملاك: الله يعينها
فضيله: كيف النفسيه مع قرب الدراسه
رزان: والله متحمسين ونحس أن الإجازه راحت في غمضة عين
فضيله: مساعدين حبايبي
رزان: جميعا,,أجل وين دانا؟؟
فضيله: فوق إذا بتركبين لها
رزان: عن أذنكم
الكل: أذنك معك
رزان فتحت باب جناح البنات: السلام عليكم
دانا: وعليكم السلام وش فيك
رزان: مدري تعبانه
دانا: رزان فيك شي تكلمي
رزان: مدري دانا تعبانه
دانا قفلت الباب: طيب أفسخي عبايتك
رزان: مو قادره أوقف وأتوازن ع طولي "دانا فسخت رزان عبايتها وحطت يدها ع جبهاتها"
دانا: رزان ماينسكت عن حالتك خل نوديك الطبيب
رزان: ما أبي خلاص بس أسترخي وأصير أحسن باقوم أغسل وجهي عشان أصحصح
رزان..مدري وش فيني تعبانه خلاص أعصابي تلفت فهد باقي ع روحته فرنسا أسبوع و3 أيام وأمي مريضه والمدرسه قربت تفتح وشكل خالتي نورة وهي ميته للحين يتردد في ذاكرتي مع أنه صار لها3سنوات متوفيه ما أبي أخوف دانا علي قمت بغسل عشان أصحصح شوي وقف ساويت لي المويه خليت لي مويه دااافيه ...
دانا...طولت رزان في دورة المياه قالت بس بتغسل وجهها رحت عن الموزع شفت الدم وصرخت بكل ماعندي
دانا: رزاااااااااااااااااااااااااااااااااااااااااااااااا ااااااااااان ماماااااااااااااااااا مامااااااااااااااااا عمتييييييييييييييي رزااااان لاتروحين وتخليني
دانا..تقربت منها وأنا أشوف الدم ينزف من راسها وشكلها مره تعبان صرخت ...
دانا: مامااااااااااااااااااااا
فضيله تطق الباب: دانا يما أفتحي الباب دانا وش فيها رزان؟؟
دانا فتحت الباب ركض ودخلو كلهم والرجال الوحيد اللي معاهم فيصل ...
فيصل بربكه: وينها رزان
دانا وهي تبكي أشرت ع باب دورة المياه
فيصل رمى المفتاح ع ملاك: خلي نسيم يشغل السياره,,تحركو لبسوها عبايتها
مريم وفضيله تعاونو ولبسو رزان عبايتها وهم سادحينها وراسها ع حضن فيصل وشكله مره خايف عليها ومرتبك صرخ فيهم وراس رزان في حضنه ولبسو عبايتهم ودانا لقحتهم وهي تبكي ركبو السياره وفيصل يسوق بتهور ...
رزان فتحت عيونها وهي ع رجل أمها وأمها تبكي تكلمت بصعوبه: ماماا
مريم: ياعيوني وش فيك عمري
رزان وراسها داير: ماما أنا بخير لاتخافين"وبعدها أخدت نفس عميق و غمضت عينها"
مريم: رزاااااااااااااااااااان ماماااا من لي غيرك رزان أصحي لاتخليني رزان يما تسمعيني
فضيله: فيصل أنتبه للطريق
دانا: لا تروحين مني يارزان رزان أنا أبيك من لي غيرك
رزان..أسمع أصواتهم حولي مثل ضوضاء ما أميز صوت من أسمع صراخ مختلط بشهقات بكاء وأحس بيدين تمسح ع راسي والأجواء متوتره حولي حاولت أتكلم أو أني أفتح عيني مافي فايده مجرد أني أفتح عيني أشوف الدنيا تدور في عيني وغصب عني أغمض حاولت أتكلم أطمنهم علي خلاص مو قاره أتوازن ولا حتى أتكلم غمضت عيني أبي أسترخي أقلا يروح عني هالصداع الفضيع ...
مريم..عشت من وأنا صغيره وأنا يتيمه وتزوجت وبصعوبه حملت وحمدت ربي أن الله رزقني بريهام بعدها جبت فهد وبصعوبه كمان جبت رزان وتوقفت عن الحمل لأني مو بقد تعب الحمل وألاقي صعوبات كثيره ع ما أحمل حمدت ربي أنه رزقني بالدريه الصالحه وربيتهم أحسن تربيه وصنتهم وعطيتهم أغلى ماعندي في غمضة عين تزوجت ريهام وضليت في البيت بروحي مع فهد ورزان وهم أغلى ما عندي قلبي مايطاوعني أرفض لهم طلب أو أزعلهم في غمضة عين فهد سافر يدرس برى تحملت بعده عشان مستقبله اللي بناه ماتضيعه أنانيتي ضلت لي رزان بنتي عمرها مازعلتني ودوم رافعه راسي ما أتخيلها تروح مني صرخت. ..
مريم: رزان ما بتروح تكفووووووووووووووون رزااااااااااااااااااااااااااااااااااااااااان بنتي إذا راحت مني بموت هي أغلى ماعندي من بقى لي بالدنيا غيرها!!
دانا..عشنا مع بعض من لمن كنا صغار نحزن مع بعض ونفرح مع بعض نشارك بعض همومنا ولو أني أكبر من رزان بـ4شهور إلا أني ما أحس بالفرق رزان روحي الثانيه حتى طبايعنا صرنا نتشابه فيها هي خجوله بزياده وأنا جريئه صرنا نتبادل طبايع بعض لين ماصرنا ثنينا نكمل بعض ما أتخيل حياتي بدونها لالالا صرخت ...
دانا: فيصل بسرررررررررررعه لاتروح منا رزان
فيصل..طول عمري بنيت أحلامي معها من لمن كانت في بطن عمتي كانت تقول لي إذا جبت بنت بازوجها لك كنت أضحك وأستانس ببراءة وكبرت وأنا ألعب معها وصعب كثير علي لمن تحجبت مني تعلقت فيها أكثر ولا أتخيل أني أعيش بدونها وللحين ع أمل أني أخطبها لمن تخلص ثانوي أكون خلصت دراستي خفت أني أخلص دراستي ولا ألاقيها طاحت دموعي بحراره ع خدي مسحتها بسرعه أبي أكون قوي أقوي دانا وماما وعمتي ...
فضيله..دخول رزان في حياتنا غير علينا الجو اللي عايشينه دخل الفرحه عقب كل المشاكل اللي صارت في العائله ثاني بنت لعبد العزيز كلنا نحبها وندلعها ربيتها مع بناتي وسميتها لولدي والكل عرفها بهدوئها وخجلها اللي يزينها وجمالها وأخلاقها دخلت المدرسه وهالسنه بتتخرج ولا حد شكى منها بالعكس الكل كان يمدحها مستحيل تروح منا هالورده صرخت ...
فضيله:مستحييييييييييييييييييييييييييل تروح منا رزان
"فيصل دخل من باب الطوارئ وجاب كرسي لرزان ودخلوها عند الدكتور وظلو في الإنتظار ع أعصابهم كل واحد يهدأ الثاني كلن يكن لرزان معزه خاصه في قلبه طلع الدكتور وقام فيصل من مكانه"
فيصل: خير دكتور؟؟
الدكتور: بصراحه البنت متعرضه لأرق قلة نوم شديدة جدا مو من يوم أو يومين أنا متأكد مابتسوء حالتها لهدرجه خلال يوم أو يومين أو حتى شهور البنت لها أكثر من سنتين ما نامت كويس
فيصل: وشلونها الحين
الدكتور: الحين هي محتاجه هدوء وراحه تامه وماراح تتحمل فوضى راح نخليها تحت الملاحضه 24ساعه لحد ماتستقر حالتها
فيصل: مشكور دكتور
الدكتور: هذا واجبنا
فضيله: فيصل بشر وش قال لك الدكتور؟؟
فيصل: راح تظل تحت الملاحظه لمدة24ساعه خل نرجع الدكتور قال أن وجودنا مابيغير شي
مريم: أبعرف بس شاللي قلب حالها كانت ورده متفتحه شاللي صابها؟؟
فيصل: الدكتور يقول أنه أرق وقلة نوم مو من أيام قليله يمكن من سنتين أو أكثر
دانا: عارفه أهي دايم كانت تقول لي أن منظر خالتي مريم وهي ميته دايم يتردد في بالها وأنها دايم تشوفها في الحلم
فضيله: ليه يايما ماتكلمتي ليه ماقلتي لنا دامك تعرفين؟؟
دانا: كانت رزان مأمنتني ع أن هالأشياء وأنها راح تظل بيني وبينها وأنا ماتعودت أني أقول أسرار رزان لحد
مريم: رزان طول عمرها كتومه نشوفها متضايقه نسألها وش فيك ماكانت ترضى تقول لحد باللي فيها أنتي الوحيده يادانا اللي تقول لك لو قلتي لنا يايما كان تصرفنا
دانا: صدقوني لو أدري أن حالة رزان بتسوء لهدرجه كان خبرتكم بس مدري ليه ما أبي رزان تزعل مني
فيصل: خلاص ماما خلاص عمتي محد كان يعرف باللي راح يصير لرزان حتى دانا ومالها ذنب أنها ماقالت لحد فينا هذي رغبة رزان وهي أحترمت رغبتها فما أجرمت
فضيله: الله يقومها بالسلامه
الكل: آآآآآمين
"بعدها رجعو البيت ووصو الدكتوره أول ماتصحى رزان يتصلون لهم"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه4:10م في فيلا ناصر..
عهد..شفت منظر رزان وهم ساندينها وهي مو قادره توقف طلعو معاها المستشفى وأنا وملاك ظلينا واقفين مو مستوعبين اللي صار فجئه أنفجرت ملاك وأنا وراها في نفس الوقت دخلو علينا رؤى وهنادي ومها وريهام وهم منصدمين من أشكالنا وأحنا نبكي ...
رؤى: وش صاير؟؟وش فيكم؟؟وين دانا ورزان؟؟وعمتي؟؟ومرت خالي؟؟وفيصل؟؟
ملاك: رزان تعبانه وراحو معاها المستشفى
ريهام..مجرد أنهم قالو أن رزان تعبانه جلست ع الأرض أبكي رزان أختي الوحيده اللي أنتظرتها من سنين واللي ملت ع أمي البيت تعبانه وباين أن حالتها مو سهله ولا شلي بيخلي البنات يبكون بالهستيريا أكيد أن الموضوع كبير أستعذت من إبليس وخديت كتاب الأدعيه وجلست ع السجاده وأنا أبكي وأتوسل والبنات يستمعون لي ويتابعون معي الدعاء سمعنا صوت راشد ذكرت أن أحنا نسينا نطمن الرجال وهم مرسلينا نقول لهم شالسالفه دخل راشد وقلنا له أن رزان تعبانه ووصل الخبر للكل ونزلنا الصاله كلنا متضايقين وكلن واحد يدعي لرزان وكلن يكن لرزان معزه خاصه في قلبه ...
لحظـ صمــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــت ـات
صحانا من اللي حنا فيه دخول فيصل ودانا وأمي وعمتي رحت لهم ...
ريهام: وينها رزان؟؟
فضيله: رزان تعبانه وهي الحين تحت الملاحظه
عبد العزيز: وكيف هي بروحها في المستشفى؟؟
فيصل: ياخالي معاها طبيبتها الخاصه وصدقني وجودنا ماراح يغير شي وأمي وصت طبيبتها أنها أول ما تصحى رزان تدق تطمنا
الكل: الله يقومها بالسلامه
مها: أحط ليكم العشاء؟؟
فهد: ومين اللي له خلق
مها: لازم تاكلون مو حرام عليكم رزان تعبانه مانبي حد يتعب ثاني الله يخليكم
ناصر: صادقه بنتي حطي العشاء وكلكم أجلسو ورزان الله يقومها بالسلامه
الكل: آآآآآآمين
"جلسو ع طاولة الطعام يلعبون بالملاعق وكل واحد يقو للثاني كل وجوهم كان مره كئيب وناقصتهم رزان وتاركه فراغ كبير في جمعتهم ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 12:00م في الشاليه عند بيت أبو تركي وبيت أبو مشاري كانو في الشاليه يستعدون للرجعه ورانيه وعبير مادين البوز وجالسين يتحرطون والكل منشغل في شيل الأغراض ...
رانيه: يعني بنودع هالنسيم والهواء العليل والطبيعه الخضراء
مشاري كالعاده يتشمت فيهم: مثقفات ماشاء الله كلها ساعه وتطلعون من هنا وتودعون هالنسيم والهواء العليل
تفاجئو من سكوت رانيه وفجئه صرخت: لا تقهرني لاتقهرني مو ساعه 43دقيقه
الكل: هههههههههههههههههههههههههههه
سيف: ماشاء الله عاده بالدقائق ترى الثانيه أدق من الدقيقه في حساب الوقت
رانيه: والله لو أعرف الساعه كم بالضبط بنطلع كان حسبت بالثانيه
عبير: كله منكم أنا دراستي ماتبدأ إلا بعد أسبوع بس أنتو مدارسكم بعد بكره
جاسر: إذا عاجبك الوضع ودراستك ما بتبدأ بعد بكره ترى عادي جلسي هنا
عبير: شسوي بروحي أزرع بقل
الكل: ههههههههههههههههههههههههههههههههه
رانيه: أعترفي أنوو مالك غنا عنا
عبير: جب أنتي
ليلى: أبعرف بس وش قاهركم جلستو يومين وأبنسطتو
ردت سكتت رانيه وتفاجئو وصرخت: مو يومين يوم و49دقيقه
الكل: ههههههههههههههههههههههههههههههههههههه
وائل: أختي شاطره في حسابات الوقت ما شاء الله
لمى: بس حق التهييص والوناسه والرحله لو للمدرسه كان ماحسبت بهالدقه
الكل: هههههههههههههههههههههههههههههههههههه
رانيه: قسما بالله لو حد تكلم لي يكون آخر يوم في عمره
أبو تركي: حتى لو أنا
رانيه بإنفعال: هييييييي جدي أنا مو جدتي حتى أنا وعشاني إذا فيك دلع ومشتهي حد يدلعك روح لجدتي خليني أواسي نفسي في مصيبتي
الكل: ههههههههههههههههههههههههههههههههههههههه
أم تركي: لاتغلطين هذا أبو تركي الغالي
سيف: أحلىىىىىىىىىىىىىى جدتي ياعينننننننننننننننننننننننننننننننننني ما أقدر أنا
جاسر: يووووووووه يباا حمرت خدودك
أبو تركي منحرج ويوخر يد جاسر عنه: صدق جيل ماصخين مايستحون
الكل: هههههههههههههههههههههههههههههههه
وائل بضرافه: حط لنا شويه سكر
عبير: ههه لالالا أمي وأبوي معاريس لازم نسفرهم شهر العسل بروحهم
الكل: ههههههههههههههههههههههههههههههههههههه
أبو مشاري: يلا أركبو السيارات
وتوزعو في السيارات وعبير ورانيه مادين البوز ومن زود الزعل نامو في السياره طول المشوار والباقي ضحك وطناز عليهم ووصلو كلن ع بيته بالسلامه ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 2:20م في فيلا أبو وافي ...
حنين..كنا جالسين مع الصبايا في المشغل ضحك ووناسه وتريقه فجئه طرى ع بالي سيف وسرحت فيه و استلموني البنات ضحكو علي وجلسو يتريقو وهم مايدرون شالسالفه ركبت غرفتي وقفلت الباب وأسدحت ع سريري وحطيت شريحتي في جوالي حق الجامعه اللي بدون كامير ورسلت لسيف ...
حنين: "السلام عليكم"
سيف: "وعليكم السلام ياهلا"
حنين: "هلا فيك كيفك"
سيف: "الحمد لله بخير,,كيفك أنتي؟؟"
حنين: "الحمد لله بخير,,بشرني وش سويت؟؟"
سيف: "لو أقول لك ماتصدقين شقد أنا فرحان ومستانس من قلبي والفضل كله يعود لك"
حنين: "لا شدعوه ماسويت إلا الواجب بشرني؟؟"
سيف: "توني راجع من الشاليه مع هلي أنبسطت من قلبي"
حنين: "الحمد لله,,وكيف كانت أمورك وكيف أستقبلوك أهلك؟؟"
سيف: "في البدايه تفاجئو ومع الوقت تعودو علي وأنبسطو معي وتأسفت ع الوقت اللي أنا في لحظة تهور حرمت نفسي منهم ومن جلستهم"
حنين: "بدايه موفقه سيف"
سيف: "تصدقين وأنا رايح الشاليه حطيت لي شريط قرآن طول المشوار وحسيت براحه عجيبه"
حنين: "من جد فرحتني حسستني أني سويت أنجاز لأني قدرت أأثر عليك"
سيف: "صح نسيت شريت لي شريحه جديده باشغلها وبتراسل معك منها أوكي؟؟"
حنين: "أوكي"
سيف بعد دقايق: "تأخرت؟؟"
حنين: "لا"
سيف: "وش رايك في الرقم؟؟"
حنين: "شي بصراحه حده مميز"
سيف: "الشريحه اللي قبل تخلصت منها وبكره إذا فطرت مع الأهل راح أعطيهم الرقم"
حنين: "حركات الله يخليك لهم وترفع راسهم"
سيف: "ويخليك لأهلك وترفعين راسهم"
حنين: "تسلم"
سيف: "يسلمك يلا أنا أنشغلت شوي الوالده تناديني,,تآمريني بشي؟؟"
حنين: "سلامتك وأنتبه لنفسك"
سيف: "إن شاء الله ,,لاتنسين الوعد بكره قبل لاتنامين أفتحي الشريحه"
حنين: "إن شاء الله"
سيف: "وأنتبهي لفسك ولا تنسين تغيرين الشريحه وتمسحين الرسائل"
حنين: "أوكي بالتوفيق"
سيف: "جميعا,,مع السلامه"
حنين: "حافظك ربي باي"
حنين..كنت تعبانه اليوم ومواصله بس فتحت شريحتي أبي أعرف سيف وش سوى ماتوقعت أني آخد كل هالوقت أغلقت الجهاز وبدلت الشريحه وطوالي نمت<<نوم العوافي ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه3:34ص عند البحر كانو فهد وفيصل جالسين مع بعض وكل واحد يواسي الثاني ...
فيصل: خلاص فهد صدقني لو ندعي لها تقوم بالسلامه أحسن من جلستنا كذا
فهد: الله يقومها بالسلامه
فيصل: طيب خل نروح عند عمتي ع الأقل يهون عليها غياب رزان
فهد: صدقني مو طايق البيت ورزان مو موجوده فيه
فيصل: فهد حرام عليك تصير كذا أناني إذا أنت اللي غبت عنهم سنين تقول كذا كيف أمك وأبوك اللي تعودو ع وجود رزان حولهم ولا يوم فارقوها
فهد: وأنا في فرنسا كنت غايب عنهم صحيح بس كنت عارف ومتطمن أن رزان بخير
فيصل: طيب نام لك شوي
فهد: صدقني فيصل عارف أن مافي حد في العائله راح ينام إلا إذا تطمنو ع رزان
فيصل: خلاص نرجع لعمتي ع الأقل نملي عليها البيت
فهد: أن شاء الله
فيصل: قوم أول شي نروح المسجد نصلي
"بعد الصلاة راحو لفيلا عبد العزيز ولقو عبد العزيز ومريم في الصاله"
فهد-فيصل: السلام عليكم
مريم-عبد العزيز: وعليكم السلام
كان السكون مخيم ع المكان وعبد العزيز منسدح ع الكنبه وغمضت عينه شوي وسمع صوت الجوال وقام مفزوع يدور الجوال ...
عبد العزيز: هلا أم فيصل بشريني؟؟
فضيله بفرح: رزان توها صاحيه
عبد العزيز: الله يبشرك بالخيـــــــــــــــــــــــــــر رزان صحت,,أنا رايح المستشفى
من الفرح نسى عبد العزيز يغلق السماعه وبسرعه لبست مريم عبايتها وكبو كلهم في سيارة فهد وطول المشوار كانت مريم تبشر العائله أول عائله وصل المستشفى هي عائلة عبد العزيز وطوالي دخلو عند رزان ...
رزان فتحت عينها: مامااا
مريم: ياروحي أنتي كذا تخوفيني عليك
رزان قامت وأنتبهت لفيصل حطيت يدها ع راسها وأنتبهت أن ماعليها لفه همست لأمها: ماما أبي لفتي
مريم خدت لفتها وحجبتها وعدلت جلستها وحطت يدها ع راسها: صرتي أحسن ماما؟؟
رزان: أيه ماماا"ناظرت يدها: يما ليه يدي كذا؟؟
مريم ناظرت يد رزان لقت الدم متجمع فيها مكان أبر المغدي: تطيب حبيبتي مع الوقت
فهد: الحمد لله ع السلامه رزان
رزان: يسلمك حبيبي
فيصل: الحمد لله ع السلامه رزان
رزان بخجل: يسلمك
دخلت دانا ولقت رزان ع السرير وجنبها ع اليسار أبوها وجنبها ع اليمين أمها وجنب أمها فهد وفيصل ع الكنبه اللي قبالهم راحت ركض لعند رزان وضمتها وهي تبكي: كذا تخوفيني عليك
رزان: آسفه , شوفيني دانينو أنا بخير
عهد: بعدي بسلم عليها"وضمت رزان: ياقلبي خوفتينا عليك
ومضت ربع ساعه وبعدها كل العائله الكريمه وصلو وطبعا اليوم جمعه وماعندهم دوامات ...
رزان بدلع: خلاص ماما شبعانه
مريم: لازم تاكلين زين أجل فقر دم ها أنا بوصل دمك 14
رزان: بابا أنت تأكلني من جهه وماما من جهه وش تبوني أصير خلاص وربي شبعت
عبد العزيز: يلا كلي عشاني
ريهام: وش عليك رزون مدلعينك
ملاك: كان زين لو أمرض عشان يحاتوني مثل ماحاتينا رزان
دانا بعصبيه رمتها بعلبة الإكلينكس: أسكتي يالبومه
الكل: ههههههههههههههههههههههههههههههههههههههههه
رزان: ياويلي حتى ع المرض حاسديني
الكل: ههههههههههههههههههههههههههههههههههه
راشد أنتبه لبلوزة فيصل فيها دم عند بطنه وأبتسم بخبث: فيصل وش فيها بلوزتك
الكل قام يناظر بلوزة فيصل وأنتبهو للدم وينتظرون الإجابه من فيصل ...
فيصل..الله ياخدك يارشود عارف أني مارجعت البيت من الأمس وأني حملت رزان يعني يبي لها سؤال الله يعينك يارزان وش رد ما أقول إلا الله يراويني فيك يارشود النذل ...
فيصل: أحم هذا أأ الأمس لمن طاحت رزان
الكل: ههههههههههههههههههههههههههههههههههههههههههههه
راشد: ياويلي فيصل صار يستحي أكثر من رزان روح أتحمم بس فضحت نفسك
فهد: والله من أمس محد له خلق يتحمم من جد
ملاك: خيستونا الله يخيسكم
فيصل: جب أنتي أصلا ماكملت حتى 12ساعه وأنا مو متحمم يعني مامدى تطلع لي ريحه
ريهام: وش سويتي فينا يارزون هو في حد ظل فيه عقل من طيحتك
رزان: أختبر غلاتي
مها: ياحليلك والله وكيف لقيتي النتائج؟؟
دانا: الكتاب باين من عنوانه ناصر الـ**** يطلع بثوب البيت للمستشفى
الكل: ههههههههههههههههههههههههههههههههههه
فيصل: من جد بابا كيف بدلت؟؟
ناصر: توني الحين في المستشفى خليت نسيم يجيب لي ثوب
عهد: وأعجب نتيجه فيصل اللي مايخلي غباره تصيب سيارته يغرقها الدم ولا يهزأ صدق عجايب!!
فيصل: فدوه لرزان أهم شي صحتها
راشد بخبث: والله لو وحدة من خواتك كان ماضحيت بسيارتك ومايردهم إلا سيارة نسيم
الكل: ههههههههههههههههههههههههههههههههههههه
فضيله: راشد يما أعقل عن ولدي
فيصل: ما أقول إلا الله يراوني فيه صاير مطنزه له
رؤى: هو رشود يخلي حد في حاله
طلال: أنا أشك أنه يروح العمل يشتغل يروح يحش في خلق الله ويجي
الكل: ههههههههههههههههههههههههههههههههه
راشد: اللي مايلقى له شغله في العمل يدور له واحد ويستلمه
الكل: هههههههههههههههههههههههههههههههههه
أسامه: عسى بس مايجي علينا الدور
راشد: لا عاد أبو ريان عندك قوات دفاع قويه جدا فما أقدر أستلمك
مها: أنت جرب تقول كلمه ع أبو ريان وشوف شسوي فيك
راشد: شفت يابو ريان بعدني ما أجرب أقول كلمه أكلتني كيف لو تكلمت
أسامه يقلد رزان: كنت أختبر غلاتي
الكل: هههههههههههههههههههههههههههههه
طلال: رشود حدك عاد اليوم ماتركت حد في حاله
راشد: جب لايجيك الدور أنا شايف شي وقلبي يعورني أبي أقول وأتطنز بس حاشمك عشانك أخوي الكبير
الكل قامو يتفحصون في طلال وشافو حمار في رقبته واللي فهم ضحك واللي مافهم سوى نفسه يضحك وهو مو داري عن الدنيا: ههههههههههههههههههههههههههه
طلال: هين يارشود مردوده مردوده وأنا قلت كل شي تفسره ع كيفك ولأنك وسخ وأفكارك وسخه وكل شي تفهمه ع قد أفكارك
عبد العزيز: الله يهديكم بس ماراح تكبرون عن المناقر أهدءو شوي بس رزان تعبانه
راشد: من قدك رزان يسكتونا عشانك
رزان ببتسامه ناعمه: متى راح أطلع من هنا؟؟
عبد العزيز: بعد أسبوع
رزان: لا ما أبي ما أبي بكره عندي مدرسه
ملاك: خد لك هذي الناس يبون الفكه من الدراسه وهذي الدراسه تبعد عنها وهي تركض وراها
رزان والدموع متجمعه في عينها: ما لي شغل مايخصني ما أبي أجلس هنا
مريم: لمصلحتك حبيبتي
رزان: ما أبي ما أبي أنا ما أعرف أنام في مكان غير بيتنا
ناصر: خلاص خلوها ع راحتها بس وعد تنامين زين وتهتمين في صحتك؟؟
رزان: وعد بس اليوم أبي أطلع تكفى خالي
ناصر: ياعيون خالها ماطلبتي شي ع مسؤليتي بس أهتمي في صحتك لأني بطلعك ع مسؤليتي
رزان باست راس خالها: أن شاء الله
عبد العزيز: بكره مافي مدرسه أنتي تعبانه
رزان برجاء: خالي أقنع أبوي
ناصر: ياعبد العزيز البنت راغبه في الدراسه خلها براحتها وبعدين هي في ثالث يعني مو لعب ودانا معاها وراح نوصي عليهم الإداره
دانا: وأنت الصادق لو رزان تغيب ما أروح المدرسه
عبد العزيز: خلاص بعد شنقول بس أنتبهي لفسك بابا
رزان: أن شاء الله"باست راس أبوها: مشكور بابي
فيصل: أنتبهي لنفسك زين رزان الطبيب يقول هالفتره لازم تاكلين زين وتكثرين من الحشائش لأن مايصير تفقدين دم كثير لازم تعوضين وتآكلين زين
الكل في ذهول فيصل جريء بس مولهدرجه وفيصل مستغرب من نظراتهم ما يدري عن الكلام اللي قاله مجرد أنه نقل كلام الطبيب ورزان وجهها أحترق وراشد يندس وراء هذا وذاك عشان ماتطلع ضحكته ...
عبد العزيز: تآمريني بشيء بابا؟؟
رزان: لا بابا سلامتك
عبد العزيز: أنا رايح الشركه يلا ناصر سلمان عندنا أوراق لازم نخلصهم
سلمان-ناصر: يلا عن أذنكم
سلمان: تآمريني بشيء هنادي ولا بتجلسين هنا؟؟
رؤى: روح أنت لشغلك هنادي أحنا نوصلها
سلمان-ناصر-عبد العزيز: عن أذنكم
الكل: موفقين
رائد: يلا تمشون
رزان: جلسو معي
رؤى: لازم ترتاحين حبيبتي
رزان: راحتي بوجودكم أجلسو عشاني
رائد: خلاص أنا ماشي إذا أعفت عنكم رزان كلميني
رؤى: ههههههههههه طيب
طلال: وريهام تبينها لو لأ؟؟
رزان: يبي لها سؤال هذي أختي وحيدتي
طلال: يلا أنا أطلقو سراحي
ريهام: وين مستانس خد معك أولادك
الكل: هههههههههههههههههههههه
طلال: أمري لله يلا بسرعه
رؤى: رائد خد معك ريوف
رائد يناظر طلال: وش سوت فينا زوجتك
طلال: ههههههههههههههه تستاهل مو بس أنا
رؤى: هههه أمزح والله لو ماريوف ترضع كان خليتك تاخدها
رائد: وهذا اللي نقدني
فضيله: مسكينه هنادي بس أنتي اللي ظلو معك بزارينك
شوق: لا أنا باروح مع عمي راشد
هنادي: كفو والله بنتي
الكل: هههههههههههههههههههههههههه
راشد: تعالي عمو
"وطلعو الشباب وبقو الحريم والبنات بروحهم"
ملاك طلعت لهم من وراء الكنبه وشكلها رايح فيها حده من الضحك: هههههههههههههههههه
هنادي: ههههههههههههههههههههههه ويلي
الكل: ههههههههههههههههههههههههههههههههه
فضيله: هههههههههه مسكين ولدي
ملاك: ههه أنا شفت وجه رزون وما قدرت أمسك نفسي ورمتني عهدو وراء الكنبه
عهد: ههههههههههه أجل تفضحينا كفايه أن رزون مسكينه وجهها أحترق
مريم: أنا كسر خاطري فيصل بكل براء"وهي تقلده: تفقدين دم كثير لازم تعوضين وتآكلين زين"رجعت صوتها طبيعي: ع باله تفقد دم من راسها
الكل: ههههههههههههههههههههههههههههههههه
دانا: الجني عرف "كلهم عرفو أنها تقصد راشد بس ماتبي تقول أسمه عشان غلطتها في الراء"
رؤى: هو شباب هالأيام يخفى عليهم شي
مها: بس أخوي مسكين ياقلبي حسيته بريء
ريهام: أنتبهت لوجهه حمر لمن أنتبه للكلام اللي قاله
الكل: هههههههههههههههههههههههه
ملاك: مسكين فيصل ع عفويته مايمر يوم مايحصل له موقف محترم
مريم: أستحيتي بنتي؟؟
رزان: وي ماما دخلت في ملابسي
الكل: هههههههههههههههههههههههه
ريهام: أبعرف بس أنتي طالعه ع من؟؟
مريم: خلوها بنتي شحليلها وهي هادئه أموت عليها
فضيله: الله يخليها ويقومها بالسلامه
الكل: آآآميـــــن

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

تم بحمد الله الجزء الرابع
((هذا الجزء
-سيف ورجعته لأهله هل بيستمر؟؟وهل بتستمر المسجات مع حنين؟؟
-رزان عرفتو هي شنو بالنسبه لكل حد من أبطالنا والأرق والكوابيس اللي تجيها في الليل هل بتستمر معاها أو لأ؟؟
-رانيه مطيحه الميانه وعاطيتكم جو في الروايه
-فيصل وعفويته اللي توديه في داهيه
-راشد ماظل حد ماتطنز عليه تتوقعون يجي يوم وحد يتطنز عليه؟؟
-السبت المدارس شالمفاجئات اللي تنتظركم وشنوتأثير المدرسه ع أبطالنا؟؟
-حنين هل بتستمر مع سيف أو في شي بيبعدهم عن بعض؟؟وهل بادلت سيف الشعور أو لأ؟؟
يعطيكم ألف عافيه
تابعونا
تحياتي))

.
.
.

وهذااا البارت الرابع لعيون اللي طلبت

راح أكمل لكن يعتمد ع تفاعلكم

لاتحرموني من ردودكم .. نقدكم .. أقتراحاتكم .. توقعاتكم ...

متابعه شيقه للجميع

.:دانهـ العشآق22:.

بصراحة.. الأجزاء.. مرة .. روووعهـ.. كثيرررر
ننتظر الأجزاء القادمة..
تحياتي... مجنونة وحلووة

مجنونهـ

عوااافي ع المرور غلاتي //

لاعدمنا هالطله يارب //

.
.
.

عاد أنا شفت حد تفاعل معي وسويت قرعه أنزل الجزء الخامس ولا ما أنزل أنزل ولا ما أنزل-->>لا حووول خلصينا

هوووع .. بمآ أنه أقصر جزء كتبته قررت أنزله

ومتابعه شيقه للجميع

تحياتي

.:دانهـ العشآق 22:.

ذايب في هواهم

((الجزء الخامس))
بسم الله الرحم الرحيم

((المستجدات في هذا الجزء
-رزان تحسنت حالتها ورجعت بيتهم
-لاتنسون بكره السبت وأول يوم في المدرسه
-سفر ناصر لرحلة عمل
-راح تتعرفون ع بقية أبطالنا
تابعونا))

نبدأ
"أبقى أنا المشتاق في وصل وفراق..أصبر لعينك والصبر ماينطاق..حبك رفعته للسماء فوق الآفاق..ما أشوف غيرك لو يطول الفراق..مشتاق وأبقى لآخر العمر مشتاق..&أموت لكن مايموت أشتياقي&.."

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه6:15ص في مدرسة رزان ودانا ورانيه وعهد وصلو البنات ...
عهد جلست سلمت ع صديقة دانا ورزان وراحت مع صديقاتها وظلو البنات ينتظرون رانيه هي اللي ناقصه في شلتهم وصاير الجلسه بارده وسوالف عاديه شوي اللي عبايه تنرمي عليهم وتغطي راس دانا وتقعد تغافص ع بال ما شالت العبايه من عليها وقفت وضمت رانيه ...
"البنات ضمو بعض ع شكل حلقه"
دانا: تغربل إبليسك يارانيوه ماعندك تفاهم أبد ع بالي أن السماء قامت تمطر عبايات
البنات: ههههههههههههههههههههههههههه
رانيه: وين فصولنا؟؟ "أنتبهت لوجه رزان: رزان حبيبتي فصولنا اللي نجلس فيها اللي فيها طاولات وكراسي والأبله تشرح لنا فيها مو فصولنا خطيب الغفله
الكل: ههههههههههههههههه
مرام: بشاره كلنا مع بعض
رانيه: يــــــس
رزان: تدرون جلستنا هنا تذكرني بشنو؟؟
البنات: شنو؟؟
رزان: أول يوم لنا في أول ثانوي مسخره هههه
البنات: هههههههههههههههههههههههههههههه
دانا: تذكرون رانيه ماظلت معلمه ما تعرفت عليها أول يوم
مرام: ههههههههههه لا أنتي أسألي أي طالبه في المدرسه عنها راح تعرفها
رانيه: أحم وهل يخفى القمر
رزان: قولي الرجه وماتسوي إذا ضيعناك بس نقول وحده تمشي وهي تضحك ويعرفونك طوالي
البنات: هههههههههههههههههههه
رانيه: صرتي تمام الحين؟؟
رزان: الحمد لله
دانا: أنتو لو تشوفون قومت الدنيا تبي تجي المدرسه
مرام: مقدر أنا ع الدفاره
مرت من عندهم عهد: السلام
رانيه: آه ياقليلة الحياء تشوفيني ولا تجي تسلمين
عهد: يالله صباح خير قلنا سلمي ما قلنا هاوشي
رانيه: وعليكم السلام يابقره ليه ماتجي تسلمين؟؟
عهد: رحت أشوف فصلي وين الله حاطني وصديقاتي
رانيه: وين صرتي؟؟
عهد: جنب فصلكم
رانيه: زين والله الجار قبل الدار تفضلي
عهد: بروح الفصل حر هنا
رزان: أنا بعد أبي أروح الفصل راسي يوجعني شوي
"دخلو البنات الفصل مع بعض رزان جلست جنب دانا ووراهم مرام ورانيه بمعنى أصح الشله مع بعض"
رزان تسند ع الجدار وقابلت البنات: كيف الإجازه معاكم؟؟
رانيه: والله عال العال بداية الإجازه زواج جهان بنت خالتي وبعدها بشهرين زواج لمى أختي ورحلات وطلعات ووناسه
مرام: رانيو كان شكلك جنااااااااان في زواج لمى
رانيه: حتى في زواج جهان بس أنتي ماحظرتي
دانا: أي والله لو تشوفيها مو رانيه وحده ثانيه
رانيه: ليه عيوني مو عاجبتك؟؟
دانا: لابس في العرس طلعتي تحطييييييييييم
رانيه: تسلمون من ذوقكم"لفت للبنات وبهمس: أشششششششششش"مزعت لها قطعت منديل صغير وحطتها في أذن رزان السرحانه ...
رزان: فيصـــل
البنات: ههههههههههههههههههههههههههههههههههههههههههههه
مرام: حرام دانو أخوك شمسوي في البنت؟؟
عهد اللي جالسه ع الطاوله: هههههههه حتى في المدرسه ع بالها أنه بيجي معاها
دانا: قولي موجود في قلبها
رزان أحترق وجهها: سخيفات
رانيه: أنا بخترع أختراع يروح الحياء منها ياخي أحنا بنات مثلنا مثلك
رزان: شسوي في نفسي الله خلقني كذا
رانيه: شنو آخر التطورات مع روميو؟؟
عهد: عندي لك سالفه تفتييييييييق
رزان بتوعد: عهـــــد
عهد: خلاص خلاص ما راح أقول
رانيه سحبت أذنها: بتتكلمين ولا شلون؟؟؟
عهد: وش لي قايله ألاقيها من مين ولا مين
مرام: ماعليك رزون ماتخالف قولي
عهد: أقول؟؟
رزان: إذا قلتي بقول
رانيه: ههههههههههههههههههههههههههه يابختك يادانو الظاهر أنك شاهدتي في الإجازه أفلام إباحيه ع الهواء مباشره
دانا: أفا عليك بس آآآآكشن
رزان: دانوه خلاص عاد
رانيه: أفااا رزون خلينا نستفيد
مرام: عادي رزون غير فيصل مو غريب
رزان: مو غريب في عينك شيقرب لك هو؟؟
مريم: يووووه لاتفهميني غلط بس قصدي عشانه أخو عهد ودانا وتعودت عليه من كثر سوالفهم عنه
رانيه: ياويلي صديقتي تغار يلا رزون بس سالفه
رزان: بكيفكم بس بروح شوي
دانا: خديني معك ماباخليك بروحك "وقامو مع بعض"
رانيه:ياربي أول مره في حياتي أشوف بنت تستحي كذا بس نقول أسمه تتغير ألوانها وسالفه عنه بتقولها عهد قامت كل هذا حياء؟؟؟
عهد قالت لهم عن سالفة الدم اللي في بلوزة فيصل لأنه حط راس رزان في حضنه وطناز راشد عليه لمن شاف الدم اللي في بلوزته
مرام-رانيه: هههههههههههههههههههههههههههههههههههه
رانيه: لا بصراحه هذا ولد خالتك كشــــخه
عهد: لا أنتي أسمعي الأدهى والأعظم فيصل هو اللي وقف مع الطبيب
رانيه: عددددددددددددددل كملي كملي
عهد: قال له الطبيب أن رزان تفقد دم كثير في هالقتره و لازم تعوض وتآكل زين وهو بكل براء ولا يدري وين الله حاطه جاي يقول لها"وهي تقلد صوته: أنتي تفقدين دم كثير هالفتره لازم تعوضين وتآكلين زين
مرام-رانيه: هههههههههههههههههههههههههههههههههههههههه
رن الجرص وصفو طابور وبدء يومهم الدراسي وكان متعب بما أنه أول يوم وكانو البنات مواصلين من التعب كل وحدة رجعت بيتهم وطوالي نامت ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 9:15ص في مدرسة فضليه // كانت فضيله جالسه تراجج أوراق عندها سمت صوت طق ع الباب ...
فضيله: تفضل
سمانه: السلام عليكم يما
فضيله قامت وضمت سمانه وتباوست معاها ورجعت ع كرسيها وأشرت لسمانه تجلس: كيفك حبيبتي؟؟
سمانه: بخير ربي يسلمك,,كيفك أنتي؟؟
فضيله: بخير كيف كانت الإجازه معك؟؟
سمانه: الله يعين كالعاده لا طلعت ولا رحت ولا جيت أمي وأبوي وأخواني يطلعون وأنا أظل في البيت بروحي يا أجلس ع النت يا أشاهد
فضيله: الله يعينك حبيبتي,,شفتي فصلك؟؟
سمانه: أيوا وصرت مع غدير كمان
فضيله: ماشاء الله,, الله لايفرقكم
سمانه: كيف البنات؟؟
فضيله: بخير دايم يسألون عنك تعالي زوريهم
سمانه: إن شاء الله قريب إذا حصلت لي فرصه,,يلا أستأذن بس حبيت أسلم عليك
فضيله: تسلمين لي أنتبهي لنفسك وكلي زين وأي شي تحتاجينه بس أشري أنتي
سمانه: ماتقصرين ,,مع السلامه
فضيله: هلا والله حافظك ربي

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 8:00ص في فيلا أبو وافي أستعدت حنين لروحة الجامعه ونزلت أكلت لها خفايف ع السريع وبعدها ركبت السيارة جا ع بالها سيف بدلت شريحتها ورسلت له ...
حنين: "صباح الخير"
سيف: "هلا والله صباح النور"
حنين: "عسى ما أزعجتك"
سيف: "لاشدعوه أصلا أنا الحين ما خد لي بريك وأفطر في الكفتيريا"
حنين: "بالتوفيق يلا كمل فطورك أنا رايحه الجامعه تآمرني بشيء؟؟"
سيف: "سلامتك,,وش جالسه تسوين؟؟"
حنين: "المشوار ممل قلت أصبح عليك"
سيف: "طيب سولفي معي"
حنين: "أفطر ع راحتك"
سيف: "لا صدقيني كنت محتاج حد يسولف معي وسمعت صوت رسالتك وأنبسطت كثير"
حنين: "طلعت حنين للمهمات الصعبه"
سيف: "هههههههه هذي كلمة رانيه أختي"
حنين: "وأنا ماخدتها منها"
سيف: "كويس ,,أخبارك بعد؟؟"
حنين: "الحمد لله عايشين اليوم جايه الجامعه ع أساس أعدل جدولي والله يعين"
سيف: "بالتوفيق يارب"
حنين: "عطيت عائلتكم الرقم"
سيف: "أيوه وعجبهم كثير الرقم"
حنين: "الحمد لله أنك حليت مشكلتك"
سيف: "مشاكلي اللي أنحلو كلهم مايعدلون المشكله اللي أنا فيها صدقيني خايف ياحنين خايف"
حنين: "لاتقول أنك خايف خليك أقوى من أنك تقول خايف حط في بالك دائما أنك قوي وأقوى من المشاكل اللي أنت فيها وصدقني راح تقدر تحل مشكلتك"
سيف: "ياليت أقدر ياحنين ياليت"
حنين: "حط في بالك أنك تقدر وصدقني راح تقدر"
سيف: "أن شاء الله"
حنين: "يلا أنا أستأذن قربت أوصل للجامعه"
سيف: "بالتوفيق مع السلامه"
حنين: "مع السلامه"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

بعيد عن شخصياتنا اللي عرفتوهم بنت أنضمت لأبطال قصتنا وهي سمانه طالبة فضيله<<أعتقد عرفتوها ...
الساعه9:20م في فيلا أبو طارق ...
سمانه..صحيت وأحس نفسي تعبااانه يمكن من كثر النوم ناظرت ساعتي لقيتها الساعه9:20م وااو نمت كثير جوعانه ناظرت في ثلاجة المعلبات اللي في جناحي لقيتها فضت ياربي نسيت أمر البقاله وش آكل الحين؟؟ أخاف أطلع العقربه مرت أبوي تسوي لي قصه هي وبنتها ناظرت من عين الباب الظاهر أنهم طالعين توكلت ع الله وطلعت للمطبخ الحمد لله محد موجود فتحت الثلاجه وتحيرت شآكل الثلاجه مليانه حز في نفسي ثلاجتنا مليانه وأنا في غرفتي جوعانه الله يسامحك يابابا أنت ومرتك والله يرحمك ياماما ويسكنك الجنه يارب,, خديت معي معلبات في كيس كبير ونقلتهم لثلاجة غرفتي ورجعت آكل الأكل اللي سويته سمعت صوت الباب ينفتح وأنتفضت من الخوف لقيت أخوي طارق جاي من برى خفت أنه سكران كالعاده أبي أهرب مافي مجال هو ساد الطريق ياربي شسوي نزلت راسي وكملت أكل تقرب مني وتركت اللي في يدي وقمت تقرب مني وأنا أبي أهرب شفت إبره في يده أكيد يبي يلوث دمي عشان يتخلص مني هو وأمه ياربي شسوي ياربي ساعدني التفت ع وراء ولقيت الباب الخارجي للمطبخ مفتوح وهربت وأنا ما أشوف قدامي الرؤيا عندي ضبابيه من دموعي كنت أمشي وأحس أن دموعي تتطاير مع شعري اللي يلعب فيه الهواء فجئه صدمت في شيء حسيت نفسي غارقه في بحر وتمسكت في الشي اللي أصتدمت فيه كأنه قارب النجاه بالنسبه لي ضميته لصدري رفعت راسي ولقيت كم ثوب يعني أنا ضيت رجال غريب!!ياربي وين أروح ركضت لغرفتي ورمت نفسي ع السرير وأنا أبكي لمتى بظل ع هالحال ...

أبعرف يابحر ذنبي وش اللي بس سويته ..
أنا لاعمري جرحت أنسان ولا عمري بكيته ..
أبسكت يابحر وأمشي ..
وأخلي ضيقتي فيني ..
أبسكت وأبتعد عنك وأدور من يواسيني ..
تصدق يابحر أني توقعتك تشيل الهم ..
ولكني أنصدمت ..
أنك ..
غرقت بدمعه من عيني.!

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

في نفس الوقت خالد ركب السياره وهو سرحان..
مبارك: هيييي أبو الشباب خلووود
خالد: نعم نعم خير محد يفكر ع راحته؟؟
مبارك: لالالا أنت مو طبيعي أنت رحت توقع أوراق عند أبو طارق وشنو؟؟
خالد: غبي أنت موصلني بيت أبو طارق يعني وين بروح مثلا؟؟
مبارك: قلت يمكن أنا غلطان في العنوان ولا شي لأن شكلك مو شكل واحد رايح يوقع أوراق
خالد يفكر بصوت مسموع: ياترى ليه تبكي؟؟وشنو قصتها؟؟
مبارك: ههههههههه لالا أشهد أن صديقي راح فيها وعلى عقله السلام قل لي وش سالفتك
خالد: بعدين بعدين مو وقتك الحين
مبارك: حلوة؟؟
خالد وهو سرحان: أهي بس حلوة قول تطيح الطير من السماء
مبارك: ليه تبكي؟؟
خالد أنتبه لنفسه: أنت وش دريك أنها تبكي؟؟
مبارك يضرب راح ع راح: لالا مو طبيعي الولد طاح في شباك الحب
خالد: جب جب بس سكر ع الموضوع

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

لي رجعه مع التكملهـ>>

الساعه7:20م في فيلا عبد العزيز رزان صحت ع صوت الجوال ...
رزان: ألو
رانيه: هلا والله هلا وغلا ياحي هالقبال كيفك؟؟شلونك؟؟شمسويه؟؟أكلتي زين؟؟صليتي؟؟صحيتي من النوم أو لأ؟؟جلدتي كتبك أو لأ؟؟....
رزان: بــــس بسم الله الرحمن الرحيم أجاوب ع هدول كلهم أختاري واحد وأنا أجاوب عليه حبه حبه
رانيه: صحتك أهم أكلتي زين؟؟
رزان: لا توني صاحيه الحين بنزل أتعشى
رانيه تقلد صوت فيصل: أنتي تفقدين دم كثير هالفتره لازم تعوضين وتآكلين زين
رزان: ............
رانيه برومنسيه: أمووووت ع الحيا
رزان: رانيوه أعقلي عني
رانيه: الله يساعد العشاق ياكريم,,يلا يلا أنزلي وكلي زين لأنك"وهي تقلد صوت فيصل: أنتي تفقدين دم كثير هالفتره لازم تعوضين وتآكلين زين
رزان: الشره مو عليك الشره ع عهدو الخبله اللي ماتعرف تكتم شي ياخي الولد قال بالغلط بالغلط ومسكتوها عليه
رانيه: ههههههههه تسكت ع بالي أنها مستحيه أثاريها ماترضى ع حبيب القلب
رزان: نحيــــــــسه
رانيه بعناد: منتحـــــــسه
رزان: الكلام معاك ضايع يالدبه بروح أتعشى
رانيه: واللي يسلمك روحي تعشي لأنك"وهي تقلد صوت فيصل: تفقدين...
رزان وصلت معها: وبعدييييييييييين
رانيه: ههههههه خلاص خلاص بتأدب يلا باي
رزان: ههه باي
رزان..قفلت من رانيوه الخبله وأنا أضحك من قلب تعرف تقلد وكأنها كانت معانا خل أتصل ع البنات أشوفهم شسون ...
ملاك: ألوووو
رزان: هلا ملوك قلبو كيفك؟؟
ملاك: الحمد لله كيفك أنتي أن شاء الله أحسن
رزان: أي الحمد لله كيف ثاني متوسط؟؟
ملاك: والله مادرسونا شي بس وناسه
رزان: حور صارت معك؟؟
ملاك: أيوه وجالسه جنبي بعد
رزان: الله حركات,,جالسين خواتك؟؟
ملاك: لاوالله توهم طارديني من غرفة النوم وأنا الحين في غرفة المكتبه
رزان: هههههههه وكيف غلوي مع أول أبتدائي؟؟
ملاك: أوووه سكتي أنتي بس تقول أن شوق صارت معها
رزان: الله يعين الأبله شوق وغلا في فصل,,ورهوف بروحها؟؟
ملاك: لا رهف صارت مع صاحبتها مدري منهي
رزان: كويس يلا ملوك إذا جلسو البنات عطيهم خبر أني أتصلت
ملاك: أوكي وأكلي زين وأنتبهي لنفسك
رزان: أن شاء الله حبيبتي يلا سلام
ملاك: سلااام
رزان..قفلت من ملوك وخديت لي دش سريع بدلت ملابسي ونزلت الصاله لقيت أمي جالسه بروحها رحت جنبها سلمت عليها وبست راسها وجلست جنبها...
رزان: شتسوي الحلوة بروحها؟؟
مريم خلت رزان تنسدح ع الكنبه وخلت راسها ع حضنها وغطتها بالبطانيه وجلست تلعب بشعرها: جالسه أنتظر أبوك كيفك اليوم وكيف المدرسه؟؟
رزان: والله عال العال
مريم: ماتعبتي ولا شي؟؟
رزان: لا أبد دانا والبنات ماقصرو
مريم: الله يخليكم لبعض ويديم المحبه
رزان: آمين يارب,,أتصلتي ع ريهام؟؟
مريم: أي ياحليلها رهوف كبرت
رزان: شيبو أسمع ملوك تقول صارت مع صاحبتها في فصل وغلا وشوق مع بعض
مريم: أي الهدئات مع بعض والمرجوجات مع بعض
رزان: هههه حلوة
مريم وهي تمسح ع راس رزان: أحط لك عشا ماما؟؟
رزان: لا ماما بنتظر بابي وفهد
مريم: حبيبتي والله أنا بقوم أحط العشا أنتي أرتاحي
رزان: يما تبالغين والله مافيني إلا العافيه عادي بقوم معك
مريم: أن قمتي إلا أخلي أبوك يرجعك المستشفى...
رزان: لالالا تكفين بقعد هنا ولا أتحرك بعد
مريم: ههه يلا حبيبتي ولا تخافين معي مونياتي
رزان: أوكي مابتحرك وأمري لله
فهد: السلاااااااام
رزان: وعليكم السلام
فهد: وش هالحركات وش هالدلع الله لينا بس
رزان: أسكت بس الله لا يبلاك سجن أبو غريب أبرك لي بصير دبه من الجلسه أمي مو راضيه أتحرك وفي المدرسه عهد ودانا كملت
فهد: ههههههه من قدك يخافون عليك
رزان: والله أنا بخير تحسنت كثير
فهد: أي بس لازم ترتاحين صح أو لأ؟؟
رزان: صح بس مو لهدرجه حتى الحركه مايخلوني أتحرك
مريم: ترى
رزان: والله والله ما بتحرك وبآكل زين
فهد: ههههههههههه كل هذا كره للمستشفى؟؟
رزان: وأكثر أنا أحس أني بس أشم ريحة المستشفيات حتى لو أنا مو مريضه أمرض
فهد: الله يعينك,,وكيف ثالث
رزان: من اليوم درسونا
فهد: الله يعينك,,وين ريهام؟؟
رزان: شكلها ماراح تجي طلال مايرجع من العمل إلا الساعه 8
فهد: الله يعين,,كيف بنات عمتي؟؟
رزان بخبث: من فيهم؟؟
فهد أنحرج: عاد خيو مافي داعي للإحراجات كلهم
رزان: ههههههه يسألون عنك
فهد..ياعمري هم"وسرح"
رزان: ههه كلهم ياعمرك؟
فهد: لالا أنا مو جالس مع رزان جالس مع دانو
رزان: هههههههههه من عاشر قوم
فهد: بسوي لكم عمل بس عاد عرق اللقافه لاينط لك تكفين خليك رزان الهادئه أبرك
عبد العزيز: السلام عليكم
رزان قامت وسلكت ع أبوها وباست راسه: وعليكم السلام
فهد باس راس أبوه: يالله أنت حي بو فهد
عبد العزيز: يالله أنت حي بو عبد العزيز
رزان: ههههههههه
فهد: يالله أنت حي أم ناصر
رزان حمرت خدودها ورمت فهد بالخداديه: ومن قال لك أني أم ناصر؟؟
فهد: مو عاجبك أم ناصر نغير؟؟
رزان: جب جب بس
مريم: يالله تعالو تعشو
الكل: أن شاء الله

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه8 في فيلا ناصر..
كانو البنات يغلفون كتبهم في غرفة المكتبه وعهد في غرفة الألعاب جالسه تشتغل ع الاب توب دخلت عليها فضيله ...
فضيله: السلام عليكم
عهد: وعليكم السلام
فضيله: وين خواتك؟؟
عهد: في غرفة المكتبه اللي يحضرون لبكره ويغلفون كتبهم
فضيله: بالله أنتي ليه ماتذاكرين وتغلفي كتبك معهم؟؟
عهد: ماعندي شي بكره
فضيله: وش دعوه أنتي مو بالمدرسه مثل خواتك وهم يدرسوهم وأنتي لأ؟؟
عهد: الاب توب وقفلناه والحين بقوم أذاكر كل شي ولا زعلك يالغاليه
دخلو فضيله وعهد غرفة المكتبه سوا ...
فضيله: قواهم الله
ملاك-دانا قامو سلمو ع أمهم: يقويك مامي
فضيله: خلصتو ولا لسه؟؟
دانا: أنا ماخده لي بريك شوي وبكمل
فضيله وهي تناظر ملاك: وأنتي حبيبتي؟؟
ملاك: أنا بعد ظهري تكسر
فضيله: يلا أنا بصحي فيصل أنزلو العشاء جاهز
البنات: أن شاء الله

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 9في فيلا أبو مشاري...
كانت رانيه تغلف كتبها ونرجس مرت أخوها تساعدها في الصاله دخل عليهم سيف ...
سيف: السلام عليكم
نرجس-رانيه: وعليكم السلام
سيف: تعالي نور سلمي
نور سلمت ع سيف وباسته في خده: كيفك عمي؟؟
سيف: ياعيوني أنا بخير وحبيبتي كيفها؟؟
نور: بخير أثأل عنك
سيف مستجن ع نور: ياقلبي اللي تثأل عني تحبيني؟؟
نور: أعثقك
سيف ضمها بقوه: من وين متلعلمه هالكلام الحلو ياقلبي تجننين
نور: روح معي البقاله
سيف: ماطلبتي شي
نرجس: أتركها سيف توك راجع من الدوام أرتاح
سيف: لالا بعد أذنك باخدها معاي "وطلع معاها"
رانيه: سيف تغير كثير
نرجس: الحمد لله من جد فرحنا له,,أخبار عبير
رانيه: تصدقين ذكرتيني بدق عليها,,ألوو
عبير: مااااااااااااالت عليك يالخاينه
رانيه: ههههههههههههههههه
عبير: يومين ماتقولين بسأل عن خالتي ميته لو حيه؟؟
رانيه: والله عندي دراسه ورجعت وأنا متكسره كيفك عارفه أنك ربة منزل هالفتره لا شغله ولا مشغله
عبير: طفـــــش كل العالم بدت دواماتهم إلا أني حتى جسور تاركني وحيده
رانيه: ياقلبي وحيده تعالي عندي
عبير: والله زين أنك أتصلتي كان نفسي أهاوش ولقيتك متصله
رانيه: مالت عليك الناس تقول واحشتني نفسي أفضفض هذي تقول نفسي أهاوش,,وش عندك معصبه؟؟لايكون العقربه؟؟
عبير: لالالا العقربه صايره طيبه هالأيام الله يستر وش وراها
رانيه: ليه؟؟
عبير: الأمس جوها أهلها وأصرت علي أركب أجلس معاهم وركبت أهلها ما شاء الله طيبين
رانيه: عارفه أنهم طيبين بس هي الله يهديها,,من من أهلها كانو موجودين؟؟
عبير: خلاتها وأمها
رانيه: أهااا يلا بقفل الحين بتجي البيت تقول لك نرجس إذا تبين راح تكلم مشاري
عبير: لا الحين جسور جاي وبجلس معاه إذا قال بينام بخليه يوصلني عندكم ومشاعل تقول أنها راح تجي مدري والله
رانيه: أوكي وسلمي ع جسور وخالتي مشاعل
عبير: يلا بيباي "وقفلت"
نرجس: هههههههههههههههه مقدر عليكم إذا كلمتو بعض يعني مشاعل خالتك وجاسر ماقلنا سميه خالي ع الأقل سميه جاسر بس مو جسور
رانيه: عادي غير جسور
نرجس: هههههههههه

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 11:00م في فيلا ناصر كانو البنات في غرفتهم يكلمون رزان بالمايك ...
عهد: تتوقعون من جالسه وراي؟؟
البنات: من؟؟
عهد: شهد
دانا: شهــــــــــــــد!!
عهد: أي والله تفاجئت
رزان: عهود حبيبتي أنتبهي لحالك
ملاك: ليه وش فيها شهد؟؟
عهد: سوالف أكبر منك
دانا: لا ملاك كبرت وهي بعد لازم تحذر من هالأشياء,,ملاك حبيبتي هذي شهد بنت ماعندها حد ينصحها وأنحرفت فـ أنتبهي لنفسك إذا تبين شي أحنا عندك
ملاك: أكيد بس هذي شهد وين أهلها وين أمها؟؟
عهد: أمها متوفيه وأبوها ينفد لها كل طلباتها ومرت أبوها كمان ع بالهم بهالطريقه بيعوضون البنت عن حنان أمها
رزان: صحيح هالأشياء كلها مالها معنى إذا هم ماحسسو البنت بإهتمامهم
ملاك: معانا بنت كذا في المدرسه أسمها نغم الـ****
عهد: نغــــــــــــــــــــــــــــــــــــــــــــــــ ـــــــــــــــــــــــــــم
دانا: وش فيك عهد اليوم مسويه تعداد للسكان عارفه كل بنات الشرقيه
البنات: ههههههههههههههههههههه
عهد: لا بس نغم أخت شهد من أبوها
رزان: ياربي مايصير كل بناتهم كذا حرام في عمر الزهور ولا يتربون صح
عهد: أنا اللي منصدمه منه أنهم يقولون أن شهد أنخطبت
البنات: أنخطبـــــــــــــــــــــــت!!!
عهد: وأزيدكم من الشعر بيت خطيبها هو بسام الـ****
البنات: بســـــــــــــــــــــــــام
:مستحيل!!
:كيف!!
:كذابه
عهد: ألعب معكم أنا والله وشفت الدبله بيدها ومكتوب عليها أسمها وأسمه
رزان: وكيف مادرينا ولا حضرنا الملكه
دانا: أي بسام ولد صاحب أبوي
عهد: لأنه يدرس في الرياض ولا سوو حفله بس ملكو
ملاك: سمعت نغم تقول بس ماصدقت بس الحين تأكدت
دانا: وكيف بسام الـ**** يخطب بنت أستغفر الله
عهد: عادي لأن عائلتهم فري وكل شي عندهم عادي أحنا نشوف خواته وأهله تذكرون في إيطاليا كانو خواته فاسخين حجابهم أهم شي أنه تمام وخواته مايعيبونه
رزان: الله يعين بس الله يوفق لها ويهديها أنا مره سمعت فهد يقول أن بسام خوش ولد
دانا: أي وأنا بعد سمعت فيصل يقول أنه تمام ويصلي في المسجد وماشي ع السراط المستقيم
رزان: دامه خوش ولد أن شاء الله يأثر ع شهد وتتغير
البنات: أن شاء الله
"وبعدها قفلو النت وراحو في سابه نومه"

:*:*:*:*:*:*:*:*:*:*:*:*:*:**:*:*:*:*:*:*:*:*:*:

الساعه 1:55ص في فيلا أبو وافي كانت حنين ع سريرها وتفكر ...
حنين..أنا صرت أتراسل معه بالمسجات عشان أساعده ويحل مشاكله والحين هو حل مشاكله وبقى له مشكله مو بيدي أني أساعده ويحلها وهو اللي حط نفسه فيها وأن شاء الله يقدر يحلها وأنا ليه تعلقت فيه زياده عن اللزوم ليه صار تراسلي معه بالمسجات شي روتيني؟؟صحيح أني محترمه حالي ولا قلت له أي شي عني وحدنا بس نسولف عنه وعن مشاكله بس ماكان لازم أني أتعلق فيه كذا حالي الحين مو قادره أنام لأني ماتراسلت معاه اليوم بس لازم أحارب نفسي لازم ما آخد راحتي ولازم أني ما أتعلق فيه وأتعود عليه حتى ولو بس كأخ هو ولد وشي أكيد بيجيه يوم ويتزوج وبيصير شي مستحيل أني أتراسل معاه وأنا تراسلت معاه ليه؟؟وبصفتي شنو؟؟ليه تهورت وتسرعت مافكرت في لمى أعز صديقاتي كيف بحط عيني بعينها لو درت أني أتراسل مع أخوها حتى لو أنصحه وأسولف معاه كأخت مو من حقي هو عنده خوات وخلات فمالي عذر لو حد كشف علاقتنا مو الكل بيفسر علاقتنا زي ما أنا وسيف نفكر الكل بيفسرها ع كيفه ويمكن بتهوري تروح سمعتي سيف ولد وممكن أن لو راحت سمعته ترجع بس أنا بنت ومثل ما يقولون ماضي الولد طيش وماضي البنت حرام ,,ليه أنا تهورت مافكرت في أمي وأبوي لو يدرون عن علاقتي بسيف شنو راح تكون ردت فعلهم مافكرت في أخوي وافي أخوي اللي أصغر مني كيف راح أحط عيني في عينه لو كشف علا قتي مع سيف مافكرت في خواتي اللي أصغر مني شنو راح تكون ردت فعلهم لو درو أن أختهم قدوتهم تتراسل مع ولد بالمسجات لو فرضت أن اللي أسويه صح ليه أخش عن أهلي دامه صح ومافيه شي؟؟جلست أبكي وأبكي وأبكي شنو فائدة البكي خلاص أنا تعلقت في سيف مو قادره أتركه تخلصت من شريحتي اللي أكلمه فيها وهنا زدت في البكي خلااص مستحيل أكلم سيف الشريحه تخلصت منها ياربي ساعدني أبي أنساه يارب يارب"نامت حنين وهي تبكي" ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

تم بحمد الله الجزء الخامس
((هذا الجزء
-سمانه ودخولها في قصتنا شنو بيكون تأثيرها ع قصتنا وإلى متى بتظل مرت أبوها تأديها
-خالد هل راح يكون بطل من أبطالنا وشالمفاجئات اللي تنتظره؟؟
-نهى تغيرت معاملتها لعبير تتوقعون شنو سبب تغير معاملتها لعبير؟؟
-شهد تتوقعون هل بيقدر بسام يغيرها أو لأ؟؟
-حنين وقرارها أنها تترك سيف هل بتقدر؟؟وسيف شنو راح تكون ردت فعله؟؟
يعطيكم ألف عافيه
تابعونا
تحياتي))

.
.
.

هذا البارت الخآمس

ياربي يكون عجبكم

متابعه شيقه

تحيآتي

.:دانهـ العشآق:.

كل باااارت اروووع من الثاني...ْ~
ننتظر البااارت القااادم...}
تحياتووووووو] سلامي..!}~

عوافي مجنونه يالغلا

لا عدمتك غناتي

أخجلتي تواضعي لكن كله من ذوووقك ياعمري:in_love:

.
.
.

إلى اللقاء في البارت الـ6

:clap::clap::clap:

ذايب في هواهم

((الجزء السادس))
بسم الله الرحمن الرحيم

((المستجدات في هذا الجزء
-مر أسبوع الدراسه ثقيل ع شخصياتنا وجا الوكيد آند اللي الكل ينتظر ع أحر من الجمر
-غدير و أهلها معزومين عند أهل سمانه <<راح تتعرفون ع بيت أبو خالد
-مر الأسبوع كامل وحنين ما تراسلت مع سيف وهو مايدري عن السبب
تابعونا))

نبدأ
"أبتعدنا..ويشهد الله أن قلبي لك قريب..أبتعدنا..وفي خيالي صورتك ماتغيب..أبتعدنا..وشوقي لك حاضر ودايم يزيد..أبتعدنا والبعد بين الحبايب ما هم بعيد..أبتعدنا وأبتعدنا وأبتعدنا وأبتعدنا..وللقا لازم نعيد.."

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 11:30ص في الشغل عند سيف كان سيف حده تعبان ويفكر ...
سيف..ليه تركتني كذا فجئه حتى ماقالت لي السبب يمكن أنا ضايقتها؟؟أو يمكن حد من أهلها عرف أنها ع علاقه معي ياربي أبي أتطمن عليها لو بس ترسل مسج أهم شي أتطمن عليها وصلني مسج طوالي فتحته ...
"على بالك أنك بتغير رقمك يعني ما بعرفك أو أني بتركك في حالك هـ هـ هـ حلمك ياماما
معك هدى يمكن نسوك البنات أسمي
سلاااام"
سيف..تنهدت بضيق أنا ناقص عشان تجي هذي تكمل علي آآآآه خلاص أنا قررت أخطب حنين بس هدى خايف تسوي شي تذكرت كلام حنين وعزمت أني أروح اليوم أكلم لمى عشان تخطبها لي بس هي تركتني يمكن حد من أهلها عرف بعلاقتي معاها بروح وبترجى أهلها وبفهمهم السالفه أهم شي أنها ماتروح مني قمت ركبت سيارتي وأتصلت للمى ...
لمى: هلا وغلا
سيف: هلا والله كيفك يالعروسه؟؟
لمى: ههههه بخير كيفك أنت؟؟
سيف: بخير أسأل عنك كيف مشعل؟؟
لمى: تمام,,وينك أنت؟؟
سيف: أنا توني راجع من الدوام في الطريق تآمرني بشيء؟؟
لمى: أي والله إذا تقدر تمرني البيت مشعل طلبوه العمل وقلت له يروح وأنا جالسه الحين بروحي
سيف: أوكي جاي عندي معك موضوع أبي أكلمك فيه
لمى: خلاص أنتظرك
"بعد ربع ساعه وصل سيف لبيت لمى وسلمو ع بعض وضيفته لمى وجلست جنبه"
لمى: ها سيف شنو الموضوع اللي تبيني فيه؟؟
سيف: بصراحه وبدون مقدمات أنا قررت أخطب
لمى: ماشاء الله مبروك مبروك من متى؟؟
سيف: محد يدري أنتي أول وحده أفاتحها بالموضوع
لمى: أحم أحم طلعت مهمه في حد في بالك لو أدور لك عروس؟؟
سيف: لالا موجوده
لمى: أبتسم وش فيك تقولها كذا بالله هذا شكل معرس شوف وجهك كيف أصفر والسواد اللي تحت عينك
سيف بابتسامه: كذا
لمى: أيو كذا ماقلت لي مين العروس؟؟
سيف: حنين صديقتك
لمى: !!!!!!!!!!!!!!!!!!!!
سيف بألم: وش فيك تناظريني كذا ما أستاهلها صح؟؟
لمى: لا سيف مو قصدي بس ...
سيف بدأ يعصب: بس شنو تكلمي يالمى تكلمي لا تسكتين أنتي ماتعرفين حنين وش تعني لي أنتي ماتعرفين شنو راح يصيبني لو حنين أنخطبت لواحد غيري
لمى منصدمه: سيف وش هالكلام أنت تعرف حنين؟؟
سيف وهو منفعل: تبين تعرفين حنين شنو بالنسبه لي حنين هي اللي طلعتني من اللي أنا فيه حنين هي اللي خلتني أكبر وأصير رجال في عينكم حنين هي روحي حنين قلبي تكلمي لمى وش فيها حنين بس شنو؟؟
لمى وبعدها منصدمه: سيف أبي أعرف قصتك لو أنا مو واثقه من حنين وأخلاقها كان قلت أنك ع علاقه معاها
سيف: مو مهم تعرفين مو مهم أهم شي تخطبينها لي لو ما صارت حنين لي بموت صدقيني لمى أبيها
لمى: بس ولد خالتها يبيها
سيف بضيق: يعني حنين مخطوبه!!
لمى: أهدأ سيف حنين مو مخطوبه بس ولد خالتها يبيها
سيف: هي تبيه؟؟
لمى: لا ماتبيه ولا تقدم لها بس هو قال أنه يحبها
سيف: تكفين لمى كلمي أمي ما أبي حنين تروح علي من بكره أخطبوها لي
لمى: خلاص بلبس عبايتي وصلني بيت جدي بكلم أمي
سيف بفرح: صدق لمى
لمى: يلايلا وصلني لا أغير رايي
سيف: يلا مشينا صاروخ
لمى: هههههههههههههههههههههههههههههه

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 10:30ص في مدرسة البنات...
كانو البنات جالسين ضحك وونا سه تاركين الكراسي وجالسين ع الأرض في الساحه ...
رانيه: مستااااااااااااااااااااااااااااااااااااااااااااااا ااااااااااانسه يانااااااااااس اليوم الأربعاء ومادرسونا غير 4حصص وبنزل في بيت جدي يآآآه صدق وناسه
دانا اللي كانت توها جايه من الإداره وملامحها مو ع بعضها جلست بين رانيه ورزان ...
رزان: وش فيك دانا شو يبون فيك الإداره؟؟
دانا: أمك في بيتنا وتقول لك أنزلي معانا
عهد: يـــــــــــــس"ضمت رزان"
دانا: ونااااااااااااااسه ياويلي
رزان: الخبله من شوي عافسه وجهك روعتيني
رانيه: لزوم التشويق
عهد: أعذرها تدريبات رانيه
رانيه: فيني رقصه
رزان: هييي أحنا في المدرسه وش فيك "شوي وطلعو الأبلات"
رانيه: جت البلديه
البنات: ههههههههههههههههههههههههههههههههههههههههههههههههه
الأبله: شصاير الضحك
رانيه بابتسامه ووقفت للأبله: هلااااااااااااااا كيفك؟؟وش أخبارك؟؟
الأبله: هلا رمله كيفك؟؟
رانيه: هههههههههه أبله أسمي رانيه
الأبله أنحرجت: آسفه من كثر اللي يمرون علي نسيت أسمك كيفك مع ثالث؟؟
رانيه: ولا تمام ممشيين بس ناقصتنا أنتي خلاص تخليتي عنا
الأبله: ضروفي يارانيه صار لازم أدرس ثاني
رانيه: الله يعينك كيف أولادك؟؟
الأبله: بخير,,يلا حبيبتي أستأذن
رانيه: لاااا بدري مابعد نقهويك جلسي معانا
الأبله: بجد شكلها حلوة جلستكم بس مشغوله حبيبتي مره ثانيه بجلس معاكم
رانيه: أحلفي؟؟
الأبله: ههههههههههههه مره ثانيه ليلا أستأذن"أنتبهت لرزان منزله راسها"كيفك رزان
رزان وقفت: بخير أبله كيفك أنتي؟؟
الأبله: بخير أسمع يقولون الأبلات أنك مريضه صرتي أحسن
رزان: الحمد لله
الأبله: الحمد لله,,أووووو دانا ومرام كيفكم؟؟
دانا ومرام وقفو يسلمون ووقفت معاهم عهد
الأبله: وش تقربين لرزان؟؟
عهد: رزان بنت خالي وبنت عمتي في نفس الوقت
الأبله: ماشاء الله
دانا: أبله هذي أختي
الأبله: هههههههههه صدق ثلاثكم تتشابهون الله يخليكم,,يلا أستأذن
البنات: أذنك معك
جلسو البنات
رانيه: ياحليلها مريم نور تونس
البنات: هههههههههههههههههههههههههههه
رزان: حرام عليك تسمينها مريم نور
رانيه: مو قصدي أسخر عليها بس من جد تشبهها
عهد: أول مره أشوف أبله تسولف مع البنات كذا
دانا: ماشفتي شي رانيوه كذا مطيحه الميانه مع كل الأبلات
مرام بمزح: هههههههههههههههه هي ماتتعرف ع أبله إلا إذا تأكدت أن عندها أولاد مو متزوجين
البنات: ههههههههههههههههههههههه
رانيه تجاريها: لا حياء في الدين شسوي بعد أضمن مستقبلي تعرفون بعد تحاليل وسالفه
رزان: أي والله إذا ما زبط التحليل مع واحد تحولين ع الثاني
البنات: ههههههههههههههههههههه
رانيه: مافي إلا أنتي مفتكه محلله ومخلصه من اللعام
رزان حمرت خدودها: عقبالك
رانيه ضربت راح ع راح: لازم أنا أسارع في أختراعي اللي يروح حياء رزان
البنات: هههههههههههههههههه

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه1:56م في فيلا أبو صقر...
شهد..رجعت من المدرسه وخديت لي دش سريع وصليت وأنتظر أتصال بسام وجلست أفكر,,صار لي 3أسابيع مخطوبه في البدايه أنا ما وافقت ع بسام إلا عشان شكله الخارجي ولأنه الوحيد اللي بعيشني عيشه قريبه من العيشه اللي أنا عايشتها في بيت أبوي لأنه تقريبا بنفس مستوانا المادي حتى أول ما أنخطبت ما تركت لعبي في الجوال مع الشباب ولا حتى في النت ولا حتى كنت آخد رايه في طلعاتي للمجماعت مع خواتي بروحنا مع السايق بعد أسبوعين تركت كل هالأشياء أنشغلت ببسام والمدرسه فتحت حتى المجمعات خفت روحتي لها مع خواتي أصلا أنا ماتوقعت أني أتعلق في بسام كذا أو أحبه صحيح أني ماتوقعته كذا توقعته زي الظاهر أنه فري وماعنده خلاف ع العبايات والغطا وغيره,,قطع علي حبل أفكاري أتصاله ...
بسام: هلا بنور الدنيا هلا بالغاليه
شهد: هلا والله حبيبي هلا فيك كيفك؟؟
بسام: بخير أنتي كيفك مع الدراسه
شهد بدلع: أمم بصراحه متعبه كثير رجعت وأنا دايخه بس جلست أنتظر أتصالك
بسام: تسلمين لي عارفه أني بعد 10دقائق بركب الطياره راجع الشرقيه
شهد بفرح: صدق
بسام: أي والله قدمت وقت نزلتي عشانك أشتقت لك
شهد: تسلم وأنا أكثر,,أجل متى راح تجيني عشان أستعد؟؟
بسام: وش رايك بعد الصلاة؟؟
شهد: حلو
بسام: يلا أستأذن
شهد: طيب توصل بالسلامه
بسام: يسلمك مع السلامه
بسام..ركبت الطائره سندت راسي للكرسي,,صار لي3أسابيع وأنا خاطب شهد اللي ما كنت أعرفها أصلا ولا شفتها إلا يوم الملكه وخطبتها لأن خواتي مدحوها لي كثير حتى ما دريت أن عمرها16سنه إلا وقت التحليل ماقدرت أتراجع قلبتها في مخي وصار عادي في مجتمعنا أن البنت تنخطب في هالسن تعبت معاها في البدايه كنت أتفاجئ أني أتصل لها ألقاها في مجمع أو مع وحده من صديقاتها بدون ماتعطيني خبر ماحبيت أضغط عليها شوي شوي بركاده وبدون لا أضغط عليها عودتها بدون ما أحسسها أني متسلط ومتحكم فيها أنها تخبرني قبل لاتروح أي مكان صح في البدايه كانت تزعل وتتضايق بس مع الوقت تعودت تجيها أيام ترد تقلب وتغير رايها بس أحسن من قبل كان كلام أمي دايم يتردد في بالي"دير بالك ع شهد تراها صغيره ويتيمه لا تزعلها" أحاول قدر الإمكان أني ما أزعلها وأعامها وأدي كل حقوقها والله يقدرني وأسعدها ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 1:30م كانو فهد وفيصل راجعين من الشركه حمحمو عشان البنات يلبسون عباياتهم وبعدها دخلو ...
فيصل-فهد: السلااااااااااااااااااااااااااام
الكل: وعليكم السلام
دانا: فهد فيصل مسخنين!!حد قاري عليكم!!
فهد: ههههههههههههههههه لا هذا ولا ذا
ملاك: لالالالا أشهد أنكم مو طبيعيين أجل فهــد وفيصــــل مشخصين ثوب وشماغ مو ع العاده
فيصل: وأزيدك من الشعر بيت ترانا راجعين من الشركه
عهد: لالا يما من جد ولدك مو طبيعي روحي معه لشيخ يقرأ عليه
عبد العزيز: السلااااااااام
الكل: وعليكم السلام
دانا: خالي الحق ع ولدك مدري وش فيه
عبد العزيز: وش فيه هذا هو حصان قدامك وصاحي من صبح ربي رايح معانا الشركه هو مع فيصل
ملاك: وهذا اللي محيرنا معقول فهد وفيصل يداومون في الشركه كذا بدون سبب!!
عبد العزيز"يناظر فهد وفيصل: من جد أن خواتكم مساكين وماخدين فيكم مقلب الحين هذول وجه شغل بالله عليكم
البنات بصوت واحد: طبعا لأ
فهد: بابا لاتحطم
عبد العزيز: الحين أنا مستانس ومتعشم خير وراز وجهي أسأل عن ولدي أطلع من الإجتماع ألقاكم أنت وياه قالبين مكتبي أستديو
البنات: ههههههههههههههههههههههههههههههههههههههههه
عهد: توقعـــت ولا هذول يداومون"تأشر ع فيصل"ورنا الصور بس ...
فهد ببرود طلع كاميرة رزان من جيبه: تفضلو
رزان: ياسلاااااام حرامي بأدب مطلعها بكل برود
فهد: بصراحه لقيتها في الصاله كنت بستأذن بس لقيتك نايمه قلت لا أزعجك
رزان: جيبها جيبها بس
أخدت دانا الكاميرا وقامو البنات يتفرجون ع الصور وهم يتطنزون: ههههههههههههههههههههههه
فيصل قرب يبي يشوف شلي مضحكهم: شتشوفون؟؟
دانا: حتى العمال ماسلمو من شركم شوفي يما
فضيله: أستغفر الله هذول عمال في الشركه؟؟
فهد: لا بس شفناهم قدام عماره عجبني وزار واحد فيهم قلت لفيصل خل ننزل نصور معاهم
الكل: هههههههههههههههه
مريم: بعرف بس هالصور وش فايدتها؟؟
فيصل: ذكرى عمتي ذكرى وكمان إذا رحنا فرنسا نراويها الشباب
عبد العزبز: الله يخلف ع عقولكم رايحين الشركه يسلمون ع الموضفين وفاتحين لهم ستديو هناك ع غفله
مريم: زين اللي لقو ليهم شغله يسلمون ع الموضفين وراها أجر وثواب
عبد العزيز: الموضف اللي يسلمون عليه أمه داعيه عليه يفصفصونه مايخلون فيه شي مايتطنزون عليه اللي شماغه متكرفس واللي واللي ...
عبد العزيز: فهد يهون شوي إلا فيصل لازم من يروح الشركه يوم ثاني كل الموضفين يسألون عنه بعرف شيسوي لهم
فيصل: أحم أحم يبا تعرفني أنا حبوب وكل اللي يشوفوني ينعجبون فيني
فضيله: صادق ياولدي أنت أجتماعي طالع علي
مريم: دامه طالع عليك غصب عنهم يحبوه
فضيله: تسلمين من ذوقك
فهد ماد البوز: وأنا طلعت الجلف الحين
دانا: بصراحه مو جلف أنت طيب وحلو بس مو مثل فيصل مع الناس هذاك كلن شافه صار صاحبه عطيني الخلطه بس كيف الناس كذا يحبوك علمنا بس
فيصل: هذا شي من ربي فطري فيني يعني سوري مقدر أعلمك
ملاك: أحلى يالواثق
مريم: يلا الغداء جاهز
"جلسو ع طاولة الطعام وسمعو صوت الجرص غلا قامت تشوف رفعت السماعه"
غلا: مين؟؟
....: أنا غلاي عمري أفتحي الباب
غلا: لحظه
فضيله: غلا مين اللي ع الباب؟؟
غلا: يقول غلا عمري أفتحي الباب
فضيله: جلسي ماما فيصل حبيبي روح شوف من ع الباب
فيصل قام وهو يتحرطم..مقوميني من ع الغدا عشان أشوف من ع الباب الحين غلا خايفين عليها تطلع تفتح الباب والله لو حرامي يشوف وجه غلا ويعتزل ولا ناسوه خدامه ع الفاضي قالو إيش قالو تتغدا مع نسيم سهال يدقها هي ونسيم أفففف ...
"البنات ناقعين ضحك ع تحرطم فيصل"
فيصل فتح الباب: هلاااا بابا متى وصلت الحمد لله ع السلامه
ناصر: يسلمك,,بظل ع الباب بعد شوي صرت مشاوي من الشمس
فيصل: هههه تفضل بابا محد غريب بس خالي وعمتي وفهد ورزان يتغدون معانا
ناصر: السلام
"الكل قامو يسلمون ع ناصر وبعد ماسلمو كلهم جلس ناصر جنب فيصل"
فيصل: لالالا مايصير أخرب جو المعاريس"وبدل مكانه مع أبوه وصار أبوه جنب أمه وهو جنب رزان
كلن كان منشغل بالغدا ولا حد أنتبه أن فيصل جلس جنب رزان وهي وجهها محمر ولا صقه في الكرسي أنتبهو البنات ...
ملاك: مو لله مبدل الأخ يبي يجلس جنب رزان
رزان قرصتها عشان تسكت ...
فيصل بابتسامه: رزان ماتاكلين؟؟
رزان بابتسامه خجوله: الحمد لله"حاولت تطلع كلمتين ع بعض تخفي خجلها اللي الكل ينتقدها ع زيادة حياها وقالت: أنت ماتاكل؟؟
فيصل: أكلت وشبعت والأكل يكفيني أسبوع بعد
ملاك: حشى جمل
فيصل..لاحول أنا ماصدقت ع الله تتكلم معي كلمتين ع بعض تجنا هالملقوفه أففففف ...
فيصل بقهر: ههه بالعافيه
ناصر: حرام عليكم صرت مشاوي من الشمس
فضيله: مفاجئاتك ماصارت لصالحك هالمره
فهد: هههههههه خالي يبي يقلدنا مسويها مفاجئه بس أنقلبت ضده
الكل: هههههههههههههه
فيصل: طالع فيها شبابي الوالد
الكل: ههههههههههههههههه
"وبعد الغدا توزعو اللي راح ينام واللي طلع واللي واللي ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 3:40م في فيلا أبو تركي كانو جالسين جلسة شاهي بعد الغدا وأكثر اللي كانو موجودين توزعون وبقو أم مشاري وبناتها وجاسر وعبير وأم تركي وأبو تركي وأم فارس ...
سيف يكلم لمى بصوت واطي: يلا كلميهم
لمى: ههه طيب بقول بس محضوضه ومبروكه هنا الله يعينك ع رجتهم
سيف: الله يعين نتحمل
أبو تركي: لمى وسيف اليوم مو طبيعيين من جيتو وش عندكم تتساسرون؟؟
لمى: سلامتك جدي بس سيف قرر يخطب
ماكملت لمى كلامها إلا: كلللللللللللللللللللللللللللللوووووووووووووووووووو ش
عبير ورانيه قامو يسلمون ع سيف ويباركو له وجلسو جنبه<<مو لله خخخ ...
رانيه: خاويني سيوف من العروسه؟؟
عبير: من وين عرفتها؟؟
رانيه: حلوة ولا لأ؟؟
عبير: كم عمرها؟؟
رانيه: كم طولها؟؟
عبير: كم وزنها؟؟
رانيه: كم مقاس جزمتها؟؟
عبير: شريحتها موبايلي ولا سوا ولا زين ؟؟
رانيه: حجت لو لأ؟؟
عبير: وإذا حجت كم حجه حجت؟؟
رانيه: عندها أخوان مزايين ولا لأ؟؟
أم تركي: خلااااص بس ذبحتو الولد
سيف: هذول بيجيبون أجلي قبل أوصل لها
جاسر: هي محضوضه وأنتي مبروكه وخرو عن المعرس حجزتو عنه الأكسجين
أم مشاري: حسبي الله ع إبليسهم حتى أسم العروسه ماعرفناه منهم من العروس ماما لمى؟؟
لمى: حنين صديقتي
أم فارس: ماشاء الله ماشاء الله يازين ما أخترتم
عبير ورانيه: كلللللللللللللللللللللللللللللوووووووووووووووووووو ووشيويش
ليلى: فشلتونا ماتعرفون تزغرتون أنطمو
أبو تركي: من بنته حنين؟؟
نرجس: بنت أبو وافي الـ****
أبو تركي: ماشاء الله ما شاء الله ونعم فيهم
أم مشاري: ومتى تبي نخطبها لك ماما؟؟
سيف: الحين
أم تركي: أركد أنتظر شوي
أم فارس: شينتظر يايما العروس وجاهزه والكل موافق خلاص خل نخطبها له نريح قلبه
سيف باس راس خالته: ونعم الراي
أم مشاري: خلاص أنا أكلم أمها اليوم ونحدد معاهم موعد نخطب رسمي وش رايكم؟؟
أبو تركي: والله اللي تشوفونه
سيف: يعني مطوله السالفه؟؟
أم فارس: أي يما هذا زواج مو لعبه أول شي لازم نكلم أهلها وبعدها نخطب رسمي ويشوفونك أبوها وأخوانها ويسألون عنك وبعدها ياخدون راي البنت
سيف بإحباط: وأنا بتم أنتظر كل هالمده؟؟
أم مشاري: أركد يايما عبير خيو جيبي لي التليفون
"رانيه عرقلت لعبير وطيحتها"
عبير: وجععععع
رانيه: جيبي التيلفون أنا بكلم
الكل: هههههههههههههههههههه
أم مشاري: أنا أمه لو أنتي
رانيه: شنسوي بعد نتدرب عشان في المستقبل نخطب لأولادنا
الكل: ههههههههههههههههه
وائل: فاسخه الحياء هذي
جاسر: أنا أشك أن الرجال في المستقبل هو اللي بيخطبها
سيف: قول هي اللي بتخطبه
أم مشاري: يما أنتي كلمي دقيت الرقم
أم تركي: طيب,,ألووو....هلا السلام عليكم....أم وافي موجوده......أم تركي....هلا والله أم وافي......كيفكم وكيف الأولاد حنين وأخوانها وأبو وافي.......الحمد لله......والله أحنا بخير.....يسلمون عليك....قريب أن شاء الله نتلاقى في الأفراح.....ماتقصرين أم وافي.......والله يا أم وافي أحنا جاييين نخطب لولدنا وما حصلنا ناس أحسن منكم نناسبهم.......ساعتك أبرك...أي بنتك الكبيره حنين لسيف ولد بنتي أم تركي....تشارورو خدو راحتكم.........حدوو الموعد وعطونا خبر....وبنظل أهل وحبايب وهذا الموضوع بيد البنت ولا راح يأثر في علاقتنا......يسلمك حبيبتي....مع السلامه...موفقه...سالمه وسلمي.....مع السلامه,
عبير ورانيه نطو في وجه أم تركي: وش قالو
رانيه: شكلهم رافضين وجهها مايبشر بخير
لمى: فال الله ولا فالك وخري يالبومه
أم تركي: أنتظرو يسألون عن الولد وبعدها يحددون موعد نخطب رسمي ونحدد الملكه ويشوفو الولد ويتعرفون عليه,,أبو تركي ماعليك أمر كلم أبو البنت عشان يصير كلام رجال
"وبدأت حوستهم والكل كانو مبسوطين وينتظرون رد بيت أبو وافي ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه9:00م في بيت أبو طارق كانو بيت أبو خالد معزومين في بيت أبو طارق ع العشاء في البدايه راح أعرفكم ع بيت أبو خالد..

*أم خالد وأبو خالد أبوين حنونين ع أولادهم وسعيدين مع بعض ...

*خالد رجل أعمال معروف عمره25سنه جدي ومن شغله للبيت ومن البيت لشغله وصديقه المقرب مبارك لكنه صار أغلب وقته بين البيت والشغل ورحلات العمل لأن مبارك تزوج علاقته عاديه جدا في خواته إلا الجوهر فهي أقرب وحده له ودلوعته ...

*عمر شاب منحرف عمره23سنه عكس خالد في كل شي ...

*سحر عمرها 20سنه ...

*غدير عمرها 16سنه <<صديقة سمانه الروح بالروح ...

*أخيرا الجوهره عمرها13سنه أقرب وحده في خواتها لأخوها خالد ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

نرجع لبيت أبو طارق...
كان الوضع متكهرب ولمياء أخت سمانه كل شوي تحرج سمانه وغدير والبنات مستنكرين الوضع وسمانه طول الوقت ترقع للمياء مرت أبوها حتى في البدايه قالت لهم أن سمانه مو بنتها وكلهم متضايقين من سوالف لمياء وأمها اللي كلها طعن وتجريح في سمانه وسمانه عادي وكأنها تعودت ع الوضع ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 10:30م في فيلا ناصر عند البنات كانو جالسين جلسه ولا أروع...
رزان: بليرز شوي بس أهدءو ريهام متصله
البنات: طيب
رزان: ألووو
ريهام: هلا والله هلا رزونه حبيبتي
رزان: أهلين أم حمود كيفك؟؟
ريهام: بخير,,رزون عندي أحسااس أنكم ملانين ولا طلعتو
رزان: إي والله فهد وفيصل قربت رجعتهم فرنسا ومشغولين يخلصون أوراقهم وعبد الحق ونسيم مشغولين معاهم وبابي وخالي كمان مشغولي بالشغل........
ريهام: بسسسسسسس بس كسرتو خاطري أجهزو بنروح معاكم الكورنيش
رزان: ياسلاااااااااام بس تعالي تأخر الوقت وما أتوقع حكومتنا الرشيده توافق
ريهام: معانا أنا وطلال يالخبله
رزان: أمبيه أستحي أنتي مع طلال وأنا شراز وجهي؟؟
ريهام: أقول معانا مها وأسامه وسلمان وهنادي ورؤى ورائد
رزان: بس أنتو كل وحده بتصير مع زوجها و...
ريهام: رزون أنا جايه ألبسو عباياتكم عن الهدره الفاضيه
رزان: طيب طيب
البنات: عااااااااااااااااااااااشـــــــــــت أم حمود
"بعد كذا توزعو البنات في السيارات وهالمره صاير مؤدبين ووصلو الكورنيش ونصبو خيمه للرجال وخيمه للحريم,,فهد وفيصل أتصلو ع أسامه سمعو أنهم في رحله وتوجهو للكورنيش"
فهد وفيصل نازلين من السياره وهم يسولفون ...
فيصل: تصدق أني دايخ بس نفسي أطلع أغير جو باقي ثلاث أيام ونرجع فرنسا
فهد: لا تذكرني عاد أنت وفروس خليتونا نشوف البيت حتى لون غرفتي ما أذكره
فيصل: ههههههههههههههه أجل جايين هنا شنسوي نبي نشوف الدنيا نتنفس بنات أحنا نحكر نفسنا في البيت؟؟
فهد: أنا بيتوتي بس أنت اللي خربتني
فيصل: جزاتي هذي تقول لي خربتني جب لا أوديك البيت
فهد: لا تكفى"أنتبه لشيء لفت أنتباهه: فيصل لف يمين شوف
فيصل: هذا فروس حتى هنا ملاحقنا خل نتقرب له
فهد مسكه: هيييي أحنا في السعوديه يالخبل معاه أهله وش فيك أتصل عليه جوال أكو معاه جسور بعد
فيصل: ههههه نسيت أن أحنا في السعوديه تصدق,,ألووو
فارس: ألو هلا والله
فيصل بأسى: وأنا مكتوب علي أني طول عمري ما أفتك من وجهك وفي فرنسا ولا هنا؟!
فارس: لا تقول أنك في الكورنيش؟!
فيصل: أيوه في الكورنيش معاك جيش بنات ياقيل الأدب أعترف مين؟؟
فارس: ههههههههه هذول الأهل ماشاء الله ماخدين نص الكورنيش وأحنا نمشي
فيصل: لالالا أنتو معزومين ع حسابي دامنا شفناكم
فارس: فيصل مسخن ترانا في السعوديه شاللي معزومين ع حسابك!!
فيصل: ياحمار معي خواتي وبنات خالي جالسين من جهه وأحنا من جهه ناصبين لنا خيام
فارس: ياثور كان قلت من البدايه
فيصل: ياجلف تعالو يلا وعن العياره ما يرد الكريم إلا اللئيم
فارس: طيب خل آخد راي البنات وجسور ووؤل
فيصل: وش عليك منهم إذا مارضو ركبهم السياره وتعال أسهر معانا
فارس: ههههههه وين جالسين أنتو
فيصل: الحقني
في الخيمه عند البنات كانت أجواء روعه اللي تشك اللحم واللي تقطع السلطه وهم يسولفون دخلو عليهم البنات ...
رزان وقفت تسلم: هلاااااااااااااا هلا وغلا رنوش كيفك؟؟
رانيه: ههههههههههههه هلا والله أكيد متروعين مره وحده نطينا عليكم
هنادي: هههههههه لا شدعوه وش هالمفاجئه الحلوه؟؟
عبير: البركه في الشباب تلاقو مع بعض وعزمونا عندكم
رؤى: والله زين سوو
لمى: عاد أنا عزابيه هالأيام ومتباركه عليهم في الطلعات
مها: هههههههههه الله يعينك مشعل في الشغل؟؟
لمى: أي في الشغل وصايره يافي البيت معاهم يا أعزمهم عندي في الشقه
ريهام: وأخيرا تجمعنا مع بعض في رحله
رانيه: شفتي عاد القرعه وما ترعى
نرجس: ههههههههههه رنوش أعقلي وش جيب أبو اللي جاب
هنادي: هههههههههه شدعوه هذي رنوش تعودنا ع سوالفها
رانيه: أحم أحم صرت مشهوره
رؤى: أقول أخدي بنتي بس
رانيه: ياقلبي هي كبرت ياااي تجنن"جلست تلاعبها: ريوفي
لمى: أجل وين جاسم؟؟
هنادي: طلقته عطيته لأبوه زهقني
لمى: ههههههههه الله يعينك
مها: عاد تصدقون أنا ما أستغني عن ريانوه مع أنه لاعب فيني لعب ولا أقدر ع فراقه بعد
رؤى: ومين اللي يقدر ع فراقهم ع اللي يسووه فينا
ملاك: لا بس مها بزياده
مها: زي مره قال لي أسامه خل نطلع نغير جو قلت أوكي وتكرمت ملاك وخدت ريان عندها ولا أرتاح قلبي أبد كل شوي أسأل أسامه تتوقع ريان شيسوي ساكت ولا يبكي أو أقول له وحشة ريان عصب فيني ووداني البيت قال لي جيبي ولدك فضحتينا
الكل: هههههههههههههههههههههههه
ملاك: عاد أنا تروعت الساعه ثلاث الفجر داقه علي نزلي لي ريان
الكل: هههههههههههههههههههههههه
ريهام: الله يعين بس عقبال ما نشوف أولادك لمى
لمى: خل أرتاح شوي وتستقر أوضاعي بعدها أفكر في الأولاد من كلام ليلى الأولاد يبي لهم صبر وأنا مافيني صبر أخاف أجيب بيبي وأنيمه بضرب وأصحيه بضرب
رؤى: ههههههههههه أنا بعد ترى قلت ما أبي وتأسفت تأخرت في الحمل ومت خوف
ريهام: ترى أنا كنت مالي في الأطفال ولا أواطنهم في عيشة الله بعد بس أولادي غير
هنادي: هو أكيد أولادك غير,,كيفك عبير مع الدراسه؟؟
عبير: توها هالأسبوع بتبدأ دراستي
رؤى: بالتوفيق يارب
عبير: جميعا
رزان تناظر عبير: وكيف نفسيتكم أستعديتو لفراق فارس؟؟
عبير: أووووووووه لا تذكريني صايرين مجانين عليه حتى النوم أنام في بيتهم
دانا...سمعت طاري فارس وتذكرت موقف صار لي معاه وهو أول مره شفته فيها كنت أكلم فيصل في المسن وكان عندنا أختبارات وكنا جالسين ساعه نسولف وساعه نذاكر وأنا كنت كاشخه حدي عشان تنفتح نفسي للمذاكره وأندمجت مع المذاكره ونفس الشي فيصل كنت ألعب بشعري وأنا منسدحه ع بطني و أحرك رجايلي وأردد اللي أذاكره وأنا أحفظ ...
في نفس الوقت فارس..كنت داخل غرفة فيصل هجوم ولقيته يذاكر وساعه يناظر في الاب تقربت أبي أشوف شيناظر في الاب شفت قدام عيوني قمر ماتوقعت أنها وحده من عندنا توقعت أنه منزل له مقطع من النت ظليت أناظرها وأتأمل ملامحها كأنها حوريه بشعرها الحريري اللي كل شوي ترفعه عن وجهها ركزت في ملامح وجهها فيها شبه من فيصل توقعت أنها أخته وصحتني صرخة فيصل ...
دانا..ياربي وش هالفشله قفلت المسن وطوالي أتصلت ع رزان قامت تتطنز وتخربط علي قفلت منها وأستلمتني عهدو أهي الثانيه وطشتهم ورحت أنام ...
فيصل: فارسوه ياحمار شتناظر
فارس: أووو آسف آسف
رانيه بصراخ: هيييييييي دانو
دانا: هلا
رانيه: وش فيك سرحانه تخللت اللحمه في يدك أكلي نمنم وصل اللحم
دانا: أممم لذيذ
"غلا جايه تركض وعندها صيخين لحم وراحت تساسر رزان ولمحو البنات أن حمرت خدود رزان عرفو أن السالفه فيها أن"
رانيه: غلا تعالي
غلا: ها
رانيه: قولي لي سر شنو قلتي لرزان؟؟
غلا تساسر رانيه: فيصل قال لي أعطي رزان هذول ولا أقول لها أنهم من عنده بس أنا قلت لها وقال لي ما أقول لأحد يعني سر
رانيه: كفو والله يلا أنقلعي
كلهم تجمهرو عند غلا وقالت لهم نفس الكلام وطلعت والبنات قامو يناظرون رزان
رزان..الله يهديك يافيصل مادورت إلا غلا كان خليت رهوف أهدء شوي يااااربي ...
عبير بنذاله: رزان أبي أذوق اللحم اللي عندك
رزان ببراءه: تفضلي
عبير بكذب: كح كح كح مليان بهار
رزان: لا لذيذ تتوهمين
رانيه: حتى لو مسموم بيصر عندك لذيذ
الكل: هههههههههههههههههههه
رانيه شافت حمار رزان ضربت راح ع راح وقالت: لازم أسارع في إختراعي
هنادي: ههههههههههه وش هالأختراع كل كلمه والثانيه ذليتينا فيه
رانيه: أنا حالفه أختراع أختراع يروح حياء رزان
ريهام: ههههههه قصي يدي إذا نجحتي
لمى: خلاص مسكينه رزان خفو عليها
رؤى: هذا حياء الأميرات محد يحصل مثله
مها: رزون الله يعينك حبيبتي إذا أحنا تستحين منا كذا كيف في المستقبل رجلك؟؟
عبير: أي تستحي من رجلها عادة المؤدبات يفلونها مع رجالهم زي صاحبتي خجوله وفي النهايه تحمل في الخطوبه
رزان شهقت بأستنكار: بسم الله علي
الكل: ههههههههههههههههههههههه
رانيه: أجل أبشرك من الحين خدي حبوب منع الحمل في الخطوبه
لمى: وأنتي الصادقه الحين صارت الموضه البيبي بدل باقة الورد
الكل: ههههههههههههههههه
هنادي: ولا وحده تسوي عرسها في غرفة الولاده
الكل: ههههههههههههههههههههههه
ريهام: زمن قبل أمهاتنا وجداتنا مايشوفون رجالهم إلا ليلة الزواج
رؤى: بس كذا أحسن ع الأقل فترة الخطوبه يتعرفون ع بعض وكذا
لمى: هي فترة الخطوبه عشان يتعرفون ع بعض الحين فلوها أكثر وصارو يحملون فيها
رانيه: هييييي أنتو طلعتو منها سالمين ترى ماحد يعيب ع حد لا تصير فينا خلاص سكرو ع الموضوع
هنادي: هههههههههههههه خافت ع نفسها رنوش
لمى: تعلمي ع الأدب شوفي الناس كيف يحمرو ونزلو روسهم لين طرو هالسوالف مو أنتي ناطه عرض وتناقشين
رانيه: لاحياء في الدين هذي سنة الحياة وبعدين مافي حد غريب
هنادي: ههههههههههههههه وش لك بالعقاله رنوش خلك كذا
عبير: إلا شخبار أم فيصل وأم فهد؟؟
رزان وأخيرا نطقت: بخير يسألون عنك
لمى: ليه ما جو معاكم؟؟
ريهام: والله هي طلعت شباب أحنا خططنا لها كل وحده مع زوجها وخدينا معانا البنات
عبير: حركات والله"رن جوالها وردت: ألوو
وائل: هلا خاله أطلعي لي أنا جايب لكم آيسكريم تغيرون بعد العشاء
عبير: أوكي"دخلت ع البنات: تفضلوو
رانيه: ياحليله أخوي صاير كادر هو منظم الرحله
لمى: ههههههههههههه محد قاله يجي مسكين هو أصغر واحد والكل يتأمر عليه
عبير: شغيل وؤل مايخالف
عهد: لا شكلنا مطولين الساعه صارت12
ريهام: أسهرو وش عليكم أكيد أمي وعمتي مابيقولون شي دامكم معانا
رانيه: وأحنا مع لمى وجسور كملت
رؤى: وناسه يلا قومو نتمشى ع البحر
هنادي: أنا حكومتي ماراح توافق
مها: ولا أنا
رانيه: الحمد لله بعدنا عزابيه الحمد لله والشكر لك يارب
:الحمد لله
:أشكرك يارب العالمين
:نعمه العزوبيه
هنادي: أقول جب أنتي وياها لا أجيب شيخ يملك عليكم هنا
الكل: ههههههههههههههههههههههههههه
رؤى تكلم ريهام: وأنتي حكومتك بتوافق أو لأ؟؟
ريهام: ع حسب المزاج
رانيه: وأنا بدون حكومه ماخده راحتي
لمى: لا ياغناتي جايه مع خالك يعني هو المسؤول عنك لازم تستأذنين منه
عبير: والله دنيا الحين جسور يحكمنا صدق دنيا
الكل: هههههههههههههههه
مها: ع هالسالفه شكلنا ما بنتمشى
رانيه: أختارو ألين واحد في الرجال ويقدر يقنعهم كلهم وأتصلو له
رؤى: مافي غيره فيصل
رانيه والبنات قامو يناظرون رزان: الله يهنيك بس
رزان رمتها بنظره ...
الكل: هههههههههههههههههههههههه
دانا: خلاص خلو رزون تكلم فيصل
رزان: لاوالله تبي تكلميه كلميه أنتي أما أنا نوو وي
ريهام: أقول أعقلو عن أختي ماعندكم شغله إلا هي أنا راح أكلمه,,هلا أبو ناصر
فيصل: هههههههه هلا دام أبو ناصر وراك شي
ريهام: أي والله رزان تعبانه وتحس نفسها مختنقه وتبينا نتمشى"رزان قرصتها: أييي هذي جزاته أقنعه عشان يوافق
فيصل: هههههههههه أعقلو عن رزان وش فيكم عليها
ريهام: ياعيني
فيصل: أول أستأذنتي من طلال؟؟
ريهام: تكفى فيصل أقنعهم الحين أحنا جايين وطالبينك وكل أملنا فيك
فيصل: الله الله الله الحين كل هذا أنا مهم بس تعالي أقدر أقنع الكلا إلا الهيئه
ريهام: وهذي مشكلتنا ماراح نخلي هنادي بروحها أقنعه ورد علي
فيصل: أوكي "وقفل"
:بشري
:وش صار؟؟
:قنعهم؟؟
:أهم شي سلمان أقتنع؟؟
ريهام: وخـــرو عني للحين مارد علي"رفعت السماعه وحطت ع الإسبيكر: هلا فيصل
فيصل: هههههههه بصراحه ولد خالتك تحـــغه رهيييييييب
ريهام: أكيد ماوافق
فيصل: وافق بس بشروط
ريهام: ههههههه أخلص علينا شنو شروطه الأخ؟؟
فيصل: لازم البنات يتغطون وواحد منا يروح معاكم
ريهام: ياسلااااام
فيصل: أنا مع جاسر ووائل وفارس وفهد أنقدناكم فأتفقنا نخليكم في مكان صاد بحيث أنكم تاخدون راحتكم وأحنا نشوفكم ونتطمن عليكم والباقي مايدرون وين ربي حاطنهم ها وش قلتو؟؟
ريهام: إذا كذا أوكي بس ع البنات ها وش رايكم؟؟
البنات: خلاص صار
فيصل: يلا أطلعو ننتظركم قريب الخيمه
وطلعو البنات وقضو أوقات ولا أروع ع البحر وبعدها رجعو عشان الرجال قررو يروحون البيت وطبعا كالعاده كل وحده ماده بوزها شبر وهم يرتبون الأغراض ...
عبير: ودعو هالنعيم فروس بيسافر
رزان: وحالنا مو أحسن من حالك فهد كمان بيروح معه
دانا: ولا تنسون فيصل كمان
رانيه: أرسلي لي الصور رزون
رزان: لا نتهزأ إذا التقينا مره ثانيه
رانيه: أوكي
وودعو البنات بعض وكلن راح ع بيته ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

تم بحمد الله الجزء السادس
((هذا الجزء
-سيف وخطبته لحنين هل بتوافق أو لأ؟؟وهل في عقبات في طريقهم؟؟
-سمانه هل زيارة بيت أبو خالد لهم بتغير شي من معاناتها؟؟
-بسام هل بيقدر يغير شي وشنو المفاجئات اللي تنتظرهم؟؟
-فيصل وفارس وفهد الإثنين سفرهم شنو التغيرات اللي بتحصل له في فرنسا؟؟
يعطيكم ألف عافيه
تابعونا
تحياتي))

.
.
.

.:دانهـ العشآق22:.

روووعه البااارت..
ننتظر البقيه
تحيااااتي... مجنونة وحلوة

مرورك الأروع غاليتي مجنونه

لا عدمناك يارب

.:دانهـ العشآق22:.

ذايب في هواهم

((الجزء السابع))
بسم الله الرحمن الرحيم

((المستجدات في هذا الجزء
-موافقة بيت أبو وافي ع خطبة سيف لحنين موافقه مبدأيه وتمت الخطبه الرسميه باقي در حنين
-جا يوم الإثنين اللي بيكون صعب ع البعض
تابعونا))

نبدأ
"حان موعد سفرهم..ويل حــالي بــلاهم..يعل ربـــي يحفظهــم..ياللي بقلبي غلاهـــم.."

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 4:40ص في فيلا ناصر كانو البنات وحده رايحه ووحده جايه يشوفون فيصل يجهز ملابسه وهم متغبنين دخلت دانا جناحهم وأنسدحت ع السرير وهي تبكي سمعت صوت جوالها ...
دانا بصوت مبحوح من البكي: هلا رزان
رزان بكت معاها: دانا فهد وفيصل بعد ساعه بيسافرون
دانا: آآه مو قادره أناظر فيصل طوالي تطيح دمعتي مو قادره أشوفه وهو يرتب ملابسه
رزان: أنا وماما بعد قالبينها مناحه
دانا: الله يعين يارب يردون لنا بالسلامه
رزان: يارب,,سألتي عمتي؟؟
دانا: أيوه في البدايه قالت ليه ماتجين معانا قلت لها عشان عمتي ماتظل بروحها إذا جيتي معانا قالت أوكي لكن بس أنا اللي بنام معاك عشان مايفضي البيت
رزان: أوكي عمري كذا ولا كذا اليوم ماراح نروح المدرسه
دانا: يلا نلتقي بعد قليل
رزان: بااي
دانا: سلاام
فضيله: دااااااااانا دااااااااااااانا
دانا: هلا ماماا
فضيله: نادي لي فيصل وفهد
دانا: لحظه بشوف بيت خالي وصلو أو لأ وبنادي فيصل
دانا..مو قادره أناظر فيصل ياربي أووه جات لعندي ...
دانا: غلا تعالي
غلا: وش تبين؟؟
دانا: وصلو؟؟
غلا: أيوه كلهم موجودين ليه؟؟
دانا: قولي لفهد وفيصل يروحون غرفة أمي تبيهم ونادي رزان تجي غرفتي
غلا: طيب
]]في مجلس غرفة فضيله[[
فضيله: تفضلو حبايبي أجلسو
فيصل وفهد باسو راس فضيله وجلسو ع الكنبه اللي قبالها
فضيله: حبايبي أنتو أن شاء بتسافرون لبلد غربه والغربه صعبه خليكم مع بعض وتمسكو بدينكم وخلو هدفكم واضح
فهد وفيصل قامو وباسو راس فضيله: أن شاء الله
فضيله: حطيت في شنطكم كتب أدعيه ومصاحف لاتنسون ذكر الله ع الأقل لو تقرون قرآن صفحه بس في اليوم
فيصل-فهد: مايهمك يالغاليه
ناصر: يافيصل يافهــد
فيصل: هلا
ناصر: هذا واحد بيسافر يلا يايبا لا تتأخرون الساعه 7:30 تقلع الطائره
فيصل: أن شاء الله
ملاك بصراح: خلص مؤتمركم
دانا: خد لك هذي الناس في شنو وهي في شنو
رزان: حالها مو أحسن من حالها لمسه وتطيح دمعتها بس تخفي دموعها برجتها
"بعد كذا ركبو السيارات ووصلو المطار وخلصو فهد وفيصل وفارس الإجراءات وراحو عند أهلهم ...
كانت الأجواء بكي وكل وحده توصي ولدها من جهه وكل مابعدو عنهم ردو حضنوهم مع أن الشباب موصينهم أنهم مايتحاضنون معاهم في المطار بس ماقدرو,,دانا ورزان عارفينهم مفزعين المطار من البكي وعبير مثلهم عشان فارس,,ورانيه ماعندها سالفه جايه ع قولتها تشوف لحظه الوداع وكل شوي تحضن وحده وتبكي معاها وتواسيها,,مريم وفضيله وأم تركي وأم فارس كانو يبكون ويوصون أولادهم,,ملاك كانت متغبنه بس تخفي بكيها بضحكها وطنازها وعهد كالعاده كتومه لكن من شافت فيصل دخل خلاص يخلص إجراءاته أنفجرت في البكي,,جاسر وطلال وسلمان وراشد وسيف ووائل وأسامه كانو وجوهم متغيرين وفيهم الصيحه بس يتطنزون ع أشكال فهد وفيصل وفارس ويقلدون الحريم يحضنوهم وهم يبكون ويطبطبون ع ظهورهم,,فيصل وفارس وفهد كانو متغبنين بس ماسكين نفسهم مايبون يبكون في المطار ويتطنزون مع الشباب كان فهد أكثر واحد فيهم متأثر وكل شوي يحضن رزان وأمه وريهام .. ومسوينه الشاب مسخره بعد كل لحظات الوداع الحاره كلن راح ع بيته وتوجهو فهد وفيصل لفرنسا<<بالسلامه أن شاء الله ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 7:30ص في شركة خالد ...
خالد: يبا وش هالكلام خلاص أنا رجال يعني مو من حقك تغصبني
أبو خالد: أحترمني أنا في مكتبك
خالد: يبا لك الحشيمه والكرامه بس يبا هذا الشي نسمعه عند الناس اللي مو متعلمين مجتمعنا حتى البنت مايغصبونها ع الزواج
أبو خالد: أنا ماغصبتك أنا خطبت لك لمتى بتظل عزابي خلاص عندك شركات ماشاء الله ولا شي ناقصك غير المره
خالد: يبا أنا ماشكيت لك أنا مرتاح من حالي كذا ما أستعديت للزواج
أبو خالد: قول لي شناقصك فلوس وعندك و..
خالد: يبا الفلوس مو كل شي أنا ماتهيأت نفسيا
أبو خالد: وأنا كلمت الرجال
خالد: يبا ترضون علينا أنا والبنت نتزوج لمصالحكم وتقول لي إذا ما عجبتك طلقها لا أتزوجها من الأساس
رن جوال أبو خالد: هلا أبو طارق.....الله يبشرك بالخير.......ع بركة الله...مع السلامه."قفل من عند أبو طارق والتفت لخالد: خلاص بعد أسبوع ملكتك
خالد: يبا هذي الحركه ماتصير عندنا شنو تغصبني وبعد أسبوع ملكتك في شي أسمه حريه شخصيه و...
أبو خالد: أسمع لاتجي تطبق اللي تعلمته عند الغرب عندنا
خالد: أي غرب يايبا واللي يعافيك حتى الإسلام مايرضى بالزواج غصب
أبو خالد: أنا قلت بعد أسبوع الملكه وبعدها بشهر الزواج
خالد: يبا كيف البنت ما أستعدت وفترة الخطوبه شهر وأسبوع بس كيف أتعرف عليها كيف أعرف طبايعها كيف أتفاهم معها
أبو خالد: أنت تزوجها بتصير عندك في البيت وكيفك فيها,,يلا بعد أسبوع الملكه هاا
خالد: يبا لا تسوي شي يمكن أنا نندم عليه ع الأقل لو بس تطول فترة الخطوبه
أبو خالد: اللي عندي قلته واللي مايطيعني مو ولدي "طلع"
خالد ضرب المكتب بكل قوته وحط راسه ع المكتب ومرر يده ع شعره بتوتر "دخل عليه مبارك"
مبارك: خلود خلود
خالد: مبارك واللي يسلمك مو ناقصك اللي فيني يكفني فـ أحسن لك روح مكتبك أشرف لك
مبارك: أوووه خلود وش فيك
خالد: مبارك أبي أجلس بروحي
مبارك: قم قم معاي ريح أعصابك مستحيل أتركك ونفسيتك كذا
خالد: وين بتوديني
مبارك: قم أي مكان بس المهم ماتجلس هنا ونفسيتك كذا
خالد: يلا
مبارك: خلود بتقوم كذا شوف شكلك اللي يشوفك يقول حبيبته متوفيه شو أنت وجهك شلون صاير وقل لي وجه واحد بيطلع شوف كيف وجهك أحمر من العصبيه وأزارير ثوبك مفتوحه وشماغك مرمي ع المكتب بالله عليك بتطلع كذا
خالد ضبط شكله ولف لمبارك: كذا يعني؟؟
مبارك: خلود عدل وجهك مو كذا كأنك شايف قدامك شي مو عاجبك
خالد: وش فيك أنت ماسكها علي خلود وخلود لايسمعك واحد من الموضفين يسميني أستاذ خلود
مبارك: ههههههههه حلوة
خالد: أقول لا أجلس مكان ما قمت
مبارك: خلاص خلاص مشينا
خالد..طلعت من المكتب لأصرار مبارك علي طلعت وأنا ما أشوف قدامي أسمع أصوات الموضفين يسلمون علي أرد عليهم وعقلي مو معي اللي يبارك لي واللي يمزح واللي يسولف .. أبوي خيرني بين رضاه وأهم شي في حياتي .. رضاه اللي الله يوفقني بسببه .. و حياتي أنا أكيد بختار رضا أبوي لكني مو مقتنع أول مره آخد قرار كذا مو مقتنع فيه كنت أسمع عن الناس اللي يغصبون أولادهم ع الزواج كنت أقول عنهم متخلفين وماعندهم ثقافه دينيه ما توقعت أبد أني أنحط في هالموقف ومين اللي يغصبني أبوي اللي حتى وأنا مراهق ماغصبني ع شي الحين يوم كبرت يغصبني ع الشي اللي بيحدد مصيري وهو الزواج آآه ...
مبارك: خالد وصلنا
خالد..نزلت ع البحر وأنا أجر رجلي جر ضايقه فيني الدنيا مدري شسوي مصيري مجهول مو عارف من اللي بتكون في المستقبل شريكة حياتي حتى أسمها ما أعرفه آآآآه الله يسامحك يايبا ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 7:00ص في فيلا عبد العزيز..
دانا ورزان رجعو من المطار وطوالي كل وحدة أنسدحت ع السرير وهي تبكي وكل وحدة عطت الثانيه ظهرها بعد ساعه دانا همست لرزان ...
دانا: رزان
رزان..كنت مندمجه مع كلمات الأغنيه حاسه أنها تنطبق ع الجو اللي أنا عايشته الحين ...

فقدتـــك يا أعز الناس فقدت الحـــب والطيبـــه ..
وأنا من لي بهالدنيا سواك أن طـــالت الغيبــــه ..
رحلت ومن بقى وياي يحس بضحكتي وبكاي وحتى الجرح في بعدك يخزني وأهلي به ..
أنا من لـي بهالدنيا سواك أن طـــالت الغيبــــه ..
تصدق قد ما حنيت أشوفك في زوايا البيت وأسولف معك عن حزني وأحس أن أنت تدري به ..
أنا من لـي بهالدنيا سواك أن طـــالت الغيبــــه ..
شسوي بالألم والآه ولكن البقى لله شيصبرني على بعدك وذا حظي وراضي به ..
أنا من لـي بهالدنيا سواك أن طـــالت الغيبــــه ..

رزان..دققت في معاني الأغنيه وأنا أبكي المقطع الأول ينطبق ع أخوي فهد ويمكن نوعا ما فيصل والمقطع الثاني كمان ينطبق عليهم المقطع الثالث كمان ينطبق عليهم وينطبق ع الجو اللي أنا عايشته الحين كررت هالمقطع مره ومرتين وثلاث ولا شبعت منه من جد أحسه يناسب وضعي هالمره تميت أسمع للنهايه ولا عدت المقطع سمعت آخر مقطع تذكرت شكل خالتي نورة وهي ميته صرخت ...
رزان: خااااااااااااالتي
دانا: رزان حبيبتي شفيك؟؟"مدت لها جلاس مويه: أشربي أهدي
رزان ضميت دانا: دانا شفت خالتي نورة شفت السياره وهي تتقلب فيها شفتها والله شفتها شفتها تموت قدام عيني
دانا: خلاص حبيبتي رزان أستعيذي من إبليس الله يرحمها
رزان: صعب يادانا أنك تشوفين أعز أحبابك يموت قدام عينك صعب
دانا: أدعي لها بدل هالبكي الله يرحمها هذا طريق كلنا بنمشي عليه
رزان: أعوذ بالله من الشيطان الرجيم الله يرحمك ياخالتي"أخدت نفس وكأني أبي أغير الجو: مانمتي؟؟
دانا: لا مو جايني نوم
رزان: أنا بعد أشوف فهد في زوايا البيت أحس له كأنه يضحك لي ويسولف معي
دانا: أنا بعد مع أن فهد وفيصل مايجلسون معانا في هالوقت بس مدري كيف مو قادره أنام
رزان: مايجلسون معانا صح بس عارفين أنهم معانا في نفس البلد وأنهم مرتاحين ومو محتاجين شي
دانا: الله يوفقهم يارب
رزان: في المطار ماقدرت أبعد عن فهد
دانا: أنتبهت لك حتى دمعته طاحت مسكين الشباب ماقصرو فيه
رزان: هههههه وهم خلو حد في حاله بذات رشود هو وجاسر أخو عبير وسيف
دانا: وطلال ضحكني قمت أبكي وأضحك في نفس الوقت
رزان: أنا ماهلكني إلا لمن بعد فهد عن ريهام
دانا: إذا تحاظرو جنون قلبو المطار مسخره
رزان: أنا كسر خاطر وائل أخو رانيوه يحضن فارس ويبكي ويضحك شوي معاهم ويجلسو يسخرون عليه وكل واحد يحضنه من جهه
دانا: ههههههههههه زين يصورون مسخرتهم ينشرونها بلوتوث
رزان: تفكري عطيت رهف الكاميرا خليتها تصورنا
دانا: هههههههههههههههه أنتي شي خطير عندك هوس تصوير وأنا أعظم منك
رزان: أفا عليك بس أنتي شوفي شكل رانيوه ماعندها سالفه جايه مسويه نفسها المنقذه
دانا: ههههههههههه أي والله أنتي شوفي هبالها مع جدتها
رزان: رانيوه والأجر ع الله فاسخه الحياء حتى مع جدتها فالتها فله
دانا: ههههههههه,,أوووه صح رزون ماكملتي لي السالفه
رزان أستحت: ماني
دانا: أبي أعرف ليه فيصل مدحك كل هالمدح؟؟
رزان: خلاص دانوه
دانا: أمووون عاد يلا قولي بنلعب لعبة الصراحه وبقول لك أنا كمان وش صار لي
رزان: أممم خلاص صار
دانا: يلا قولي
رزان: طبعا أنتي عارفه ما أستغني عن أخوي فهودي حبيبي يوم يروحون الرياض كنت كل شوي أتصل عليه وأتصلت عليه وأنا عارفه أنهم ياوصلو يا بيوصلون رد علي فيصل
دانا: ياسلااااااااااام كملي كملي
رزان نزلت راسها: أنا طوالي قلت هلا حبيبي هلا عمري وصلتو؟؟
دانا: أكيد فصيل ماقصر رد لك بمثلها
رزان أستحت: دانوه خلاص ما بكمل
دانا: آسفه آسفه كملي
رزان: قال لي هلا رزان أنا بس سمعت صوته خلااااص بغيت أموت جاتني صاعقه ع راسي رديت عليه ياذوبي قلت السلام عليكم
:وعليكم السلام هلا والله رزان
:هلا"تورطت وسكتت جمعت قواي وقلت: فهد موجود؟؟
:لاوالله نايم بس رديت ع جواله عشان ماتقلقون عليه
دانا: أقص يدي إذا رد عشان مانقلق عليه كملي كملي بس
رزان: تجرأت شوي وسألته وصلتو؟؟
:أيوه وصلنا بس أعتمدنا ع الشباب ع الفندق وطلع مافيه حجز وصار لنا ساعه وشوي وأحنا ندور ع فندق
:"طلعت مني بالغلط: ياعمـــــــــــري
دانا: أووووووووه ياويله أخوي ما أقدر أكيد ذااااااااب ويلي كملي كملي
رزان حمرت خدودها وكملت: هو الظاهر ماكان له خلق وتعبان فما علق أنتبهت للكلمه اللي قلتها وخلاص بغيت أموت أختفى صوتي حمحمت وكأن لمبه جات فوق راسي وقلت ...
:طيب أتصلتو ع عذيب؟؟
:مين عذيب؟؟
:هذا واحد يشتغل في فرع الرياض كلموه خله يدبر لكم سكن
:أيه بس ماعندي رقمه
:خلاص أروح مكتب أبوي أدور الرقم وأرد عليكم
رزان: بس عطيته الرقم وشكرني هذي السالفه
دانا: ياسلااااااااااام يامكثر بطولاتكم أنتي وروميو أحلى شي لمن حط راسك في حضنه فننننن
رزان: خلاص دانو ولا آخر مره أقول لك
دانا: هههههههههه عادي حبيبتي لاتستحين
رزان: مالت عليك أستحي منك أنتي
دانا: أي باين أنك مو مستحه عيني في عينك
رزان: لا تضيعين السالفه وقولي لي شنو شعورك في المطار وأنتي تحسين أنك مراقبه من أثنين
دانا: أممم مدري أرتبكت وحسيت أني مو قادر آخد حريتي في تصرفاتي
رزان: الله يعينك قلبوو بس بقول لك موتعصبين
دانا: عادي قولي ماراح أعصب
رزان: أنتي أحساسك يقول أنك راح تاخدين من في المستقبل؟؟
دانا: بصراحه ما أكذب عليك أنا مو عارفه أنا أحب من في البدايه أول ماشفت فارس صرت أكره راشد مدري ليه بس يمكن عشان ما أحس أني متشتته أو ضايعه بين أثنين بس فكرت أنا ما أنكر أن راشد جميل وعاقل وخفيف دم ومعتمد ع نفسه بس أعتربره أخوي
رزان: طيب لو تقدم لك؟؟
دانا: ما أقدر أرفضه مو عشان حد أو عشان أنه ولد عمتي بس من جد أنه ماينرد
رزان: أنا بعد أحس كذا,,طيب وفارس؟؟
دانا: أممم تصدقي إذا فكرت بيني وبين نفسي أحس أن فارس وراشد يتشابهون كثير
رزان: شلون؟؟
دانا: تأملي في ظروف الإثنين أثنينهم أبوهم توفى وتيتمو من هم صغار وأثنينهم تحملو مسؤليات وهم صغار وأثنينهم أعتمدو ع حالهم وبنو مستقبلهم بنفسهم بدون مساعدة أي حد
رزان: ماشاء الله توني أعرف أنك قوية ملاحظه
دانا: مو سالفة قوية ملاحظه وغيره تخيلي أنك تشوفين أثنين مابتقولين يحبونك ع الأقل يميلون لك شي طبيعي أنك راح تقارنين بينهم
رزان: طيب وش سالفة هواشك أنتي ورشود دامك تحترمينه؟؟
دانا: مدري يمكن عشان أصيطر ع مشاعري ولا حد يحس فيني
رزان: أحسك بقوه متشتته
دانا: لا بالعكس أحسن وفي أحتمال كبير لا آخد لا ذا ولا ذاك
رزان: كل شي يجوز
دانا: أنا ما أتمنى لي أي واحد منهم بس أتمنى يجي لي زوج في المستقبل أخلاق ودين وقريب من مستواي العلمي مو أني أرفضهم ولا أتمناهم لي فهمتي يعني عادي
رزان: عاد أحنا ماحد يفهم ع أحد كثر ما نفهم ع بعض
دانا: الله لا يحرمني منك
رزان: ولا منك حبيبتي,,خل نتصل نشوف ملكو وعهدو شيسوون,, ألوو
ملاك: هلا مانمتو؟؟
دانا-رزان: لأ
عهد: أقول أشبكو ع النت عبير ورانيه يسألون عنكم
دانا-رزان: طيب
وبعد كذا جلسو البنات ع النت ضحك وسوالف وكل وحده تواسي الثانيه<<إجازه في يوم الإثنين لا إله إلا الله خخخ ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

لساعه3:30م في فيلا أبو وافي كانت حنين توها راجعه من الجامعه وحدها تعبانه وأنعصر مخها من التفكير وأتخدت قرارها النهائي ركبت غرفتها خدت لها دش وبدلت ملابسها وحاولت تنام ماجاها النوم حاسه أن قرارها زي الحمل الثقيل عليها وماراح ترتاح الا إذا قالته لحد نزلت المشغل لقت أمها تمكيج زبونه ...
حنين: السلام عليكم
أزهار: هلا يماوعليكم السلام
حنين: ماما إذا ماعليك أمر أبيك شوي
أزهار: خلاص خلصت تعالي مع داخل
"دخلو سوا المجلس وحنين ساكته"
أزهار: كاما حنين قولي وش عندك؟؟
حنين: ماما أنا قررت بخصوص موضوع خطبتي
أزهار: أي شقررتي؟؟
حنين: يما أنا..............
أزهار: قولي حبيبتي أنتي شنو
حنين قالت بسرعه وياذوب طلعت منها هالكلمه: موافقـه
أزهار ضمتها: مبروك يايما الله يفرح قلبك مثل مافرحتي قلبي عقبال ما أفرح فيكم كلكم يارب
حنين: آآميــن يما
أزهار: يلا بروح أبشر أبوك وأخوك
حنين: طيب أنا رايحه أنام
دخلت حنين ودعم كتفها في كتف وافي ولا كلمته
وافي: الله الله ياساااااااااتر وش فيها حنون؟
أزهار بفرح: حنين وافقت
أو وافي: اللهم صل ع محمد وآل محمد
وافي: الحين ماسلمت عشانها وافقت ياسااااااااتر من حقها عروس
أزهار: كلمو أبو مشاري قبل تغير رايها
بعدها بشرو بيت أبو مشاري اللي الفرحه ماشالتهم وأتفقو أن التحليل راح يكون بكرا ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 7:30م في فيلا أبو طارق كالعاده كانت سمانه في غرفتها وطارق مدري وين ربي حاطه ولمياء في نفس الحال وعايشه توها واصله وتنتظر أبو طارق دخل أبو طارق ع عايشه وسلم وبعدها توجه لغرفة سمانه ...
عايشه: ع وين؟؟
أبو طارق: رايح عند سمانه في شي؟؟
عايشه: وليه أن شاء الله رايح عندها نازل عليك الحب ولا شي؟؟
أبو طارق: خلاص أنا قررت أزوج سمانه
عايشه: لا والله
أبو طارق: قصري صوتك مالك شغل
عايشه: صح بفتك منها بس ماقلت مين المعرس؟؟
أبو طارق: خالد الـ****
عايشه: نعـــــــــــــــــــــــــــــــــــــــــــم
أبو طارق: أنا مو جاي أشاورك ولا أشاورها أنا عطيت الرجال كلمه وراح أقول لها عشان تستعد بس مو عشان آخد رايكم
عايشه: يعني هالبقرة تاخد خالد وبنتي الله أعلم مين بتاخد
أبو طارق: والله بنتك اللي خطبوها ياكثرهم بس هي مدري وش فيها محد عاجبها
عايشه: يعني الحين طلعت سمانوه الملاك وبنتي الـ...
أبو طارق: بس مثل ما لمياء بنتك سمانه بنتي
عايشه: طيب الحين تزوجها وفلوسها تروح لخالد كيف؟؟
أبو طارق تنهد بقهر: أخخ يالقهر لو أعرف وين راحت الفلوس
عايشه: لازم ماتفقد الأمل يعني وين بيروحون إذا هي ماتطلع وبطاقتها البنك عندك شيك ع الحساب مره ومرتين وثلاث
أبو طارق: يابنت الحلال قلت لك الحساب فاااااااااااضي ولا ريال فيه
عايشه: ولو سمانوه ماراح تآخد خالد يعني ماراح تاخده
أبو طارق: خلاص خلها تروح جا نصيبها أنا عارف أنك ماتحبينها وفراقها المفروض يسعدك
عايشه: ولو بس ماتاخد خالد
أبو طارق: بـــــس خلاص خلي البنت ترتاح خلاص والله حتى النوم مو عارف أنامه وهي بهالحال حرام حرام عليك ياعايشه
عايشه ضحكت بسخريه: لا تنسى ياحلو أنك الشريك معي في كل اللي سويته ولو أنك تحبها كان ما اخدت فلوسها ونيمتها بضرب وصحيتها بضرب وحرمتها من أمها في آخر لحظات حياتها
أبو طارق رفع يده: بـس
عايشه: أي أضرب لأني صادقه وماعندك كلام ترد علي فيه وسمانوه شغلها عندي
أبو طارق دفها بيده وراح عند غرفة سمانه: بابا سمانه أفتحي الباب
سمانه بخوف: أأ هلا بابا
أبو طارق: أي بابا أفتحي الباب
سمانه: تفضل
أبو طارق: كيفك بابا؟؟
سمانه: الحمد لله
أبو طارق: بدون مقدمات أنا جاي أقول لك أن في رجال ونعم فيه خطبك وأنا موافق وعطيت الرجال كلمه
سمانه..وش يبيني أقول هو مو جاي ياخد رايي هو جاي يعطيني خبر وبس بلعت غصتي وناظرته وهو يكمل كلامه ...
أبو طارق: ع العموم بعد أسبوع الملكه وبعدها بشهر الزواج"باس راسها"بالتوفيق يابابا عاد ما أوصيك أي شي تحتاجينه السايق موجود لا تقصرين ع نفسك في شي
سمانه..اللي قدرت أسويه هزيت راسي طلع أبوي وأنفجرت في البكي كذا نهايتك ياسمانه يخطبك واحد ماتعرفين عنه شي لا كم عمره ولا من ولده ولا من وين طلع لك ولا شلون بيعاملك بعد شهر بتروحين له بتطلعين من رحمة مرت أبوك اللي عمرها مارحمتك وبتروحين لواحد الله أعلم راح يرحمك أو لأ والتجهيزات وكل هالأشياء ما أعرف لها ماعندي أم أروح معها ولا أخت زي الناس بس لحظه عندي أختي اللي ماولدتها أمي أتصلت ع غدير ...
غدير: هلا سمسومه"وصلها صوت شهقات سمانه: سمانه وش فيك؟؟
سمانه: غدير أنا أحبك
غدير: وأنا أحبك يعني بتسويين فيلم الله يهديك هذا شكل عروس؟؟
سمانه وهي تبكي: حتى أنتي ضدي حتى أنتي تعرفين أن بعد شهر وأسبوع زواجي ولا كلفتي نفسك تقولي لي؟؟
غدير: هذا أنتي دريتي وبعدين أنا حالي من حالك توني اليوم عارفه من أبوي وبعدين ليه البكي مو عاجبك أخوي؟؟
سمانه: أخـــــــــــــــــــــوك!!!!!!
غدير: أي أخوي وش فيك لايكون ماتدرين مين المعرس؟؟
سمانه وهي لسه تبكي: لأ بس اللي أعرفه أني أنخطبت وبعد أسبوع ملكتي وبعدها بشهر زواجي وما أعرف شي غيره
غدير: ياقلبي خلاص حبيبتي أنا راح أعلمك بكل اللي أعرفه"تمت تهدأها وبعدها قالت: تعرفين رقمي؟؟
سمانه: أيه ليه؟؟
غدير: لأن ماينفع أكلمك وأنتي بهالحاله هدي نفسك وبعدها أتصلي لي
سمانه: لا تكفين غدير أنا محاتاجتك صدقيني أنا مرتاحه وأنا أكلمك
غدير: ياقلبي بس بعد شهر راح تطلقيني خلود بيحل محلي
سمانه: لا شدعوه
غدير: أقول أجهزي بمرك خل نروح السوق سوا ياذوب يمدينا
سمانه: تسلمين لي ياربي من لي غيرك....
غدير: أقول لا تقلبينها فيلم هندي يلا أجهزي
سمانه: ههههه أوكي باي

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه8:14م في فيلا أبو خالد كانو البنات طالعين السوق وقفهم خالد ...
خالد: ع وين أن شاء الله؟؟
سحر: طالعين السوق مع العروسه تآمرنا بشيء؟؟
خالد: أي عروسه؟؟!!لايكون وحده فيكم أنخطبت وأنا مدري؟؟
غدير: ههههههههه خالد وش فيك عروستك سمسوم
خالد: أيييه قصدكم بنت أبو طارق؟؟
سحر: أيوه سمانه زوجتك المستقبليه
خالد: وليه أن شاء الله تروحون معاها؟؟
غدير: إذا ما رحنا معاها مين يروح معاها برايك يعني؟؟
خالد: أمها خواتها أحد من أهلها
غدير: أنا أختها وأمها متوفيه
خالد: الله يرحم أمها ويخليك لها,,طيب يلا وما أوصيكم لا تتأخرون
سحر: أن شاء الله "وطلعو البنات سوا"
خالد..ياربي وش هالمشكله اللي أنا فيها بتزوج وحده توني عارف أسمها وع كلام خواتي أنها ماعندها أم ولا خوات يمكن عشان كذا وافقت علي لا يمكن وافقت علي عن قناعه وأنا شنو فيني عشان تردني"صحاني صوت جوالي" ...
مبارك: ياحي معرسنا
خالد: الله يرجك وش تبي؟؟
مبارك: ياخي عطينا وجه الأبتسامه في وجه مبارك صدقه ماقلت لنا شنو آخر الأخبار؟؟
خالد: أبد بس عرفت العروس بنت أبو طارق الـ****
مبارك: أحلـــــــــــــف!!,, لالا لاتقول المزيونه اللي سهرتك الليالي؟؟!!
خالد: ههههههههه الله يرجك ومين قال لك أنها سهرتني الليالي أصلا ولا عمري شفتها
مبارك: لا ياحلو تذكر البنت اللي شفتها وأنت رايح توقع ملفات عند أبو طارق؟؟
خالد: مو شرط تكون هي
مبارك: هههههههههه ياحليلك,,وش أسمها؟؟
خالد: لاوالله تبيني أن شاء الله أقول لك أسم زوجتي
مبارك: هههههههههههههههههههههههههه أحلى ياخلود والله وصرنا نغار
خالد: جب بس جب روح الشركه خلص الملفات بس
مبارك برومنسيه: خلووووودي
خالد: ما يمشي عندي ماراح أوقع شي أنت روح الأسبوع اللي راح قطيت الخيط والمخيط علي الحين أنت روح مايخصني فيك
مبارك: معرس ماتنلام لكن هين بعد شهر أوريك اللي يوقع عنك أوراق ويسد مكانك إذا لهتك العروسه
خالد: أقول روح شوف شغلك أزين لك"مبارك سد الخط في وجه خالد: هههههههههههههه خبل

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

نحلق معاكم في الجو مع ثلاثه من أبطالنا...
كانو فيصل وفارس مستلمين فهد عشانه متغبن شوي ويبكي<<اللي يشوف حالهم أحسن منه ...
فارس: تدرون عاد أنا موصيهم لا يضموني قدام الله وخلقه في المطار بس أمي وجدتي الله يهديهم
فيصل: وأنا اللي يشوفني قصرت طول ما أنا معاهم في البلد أوصيهم لاحد يضمني قدام الشباب
فهد: أتحداكم تقدرون أصلا أنا ماقدرت أبعد عن أختي
فارس: يااابو قلب رهيف خف علينا بس
فهد: أثنينكم ياتسكتون ياتنقلعون مالي خلقكم بنااام
فيصل: يبينا نروح عشان يبكي براحته هههههههههه
فارس: هههههههههههه
فهد: القعده معاكم تقصر العمر الله يعينني بس
فيصل يساسر فارس: الحين ببكيه أصبر علي شوي"رفع صوته: أفا يافهد!!
فارس: يقطع أم النذاله
فيصل: يافهد المفروض ماتمل منا فروس بس باقي له نصف سنه وينزل عنك وأنا باقي لي سنه كامله وأنت بتظل بروحك سنه فالمفروض ماتزعلنا لأنك بتظل بروحك
فهد تغيرت ملامح وجهه بس يبين لهم أنه طبيعي: فكه منكم يالجلوف
فارس: وأنت الصادق قص يدي إذا كملت
فيصل: تلاقيه يدعي علينا نرسب بس عشان لاياخده العو
فهد: وأنتو الصادقين بلعب وأطرب في البيت ع الأقل ماعندي أزعاج
فيصل: فهد عيني في عينك
فهد يبي يمسح دموعه مو عارف عطس: أشهـــــد إكلينكس
فارس: تفضل تفضل رحمك الله
فيصل: ههههههههههههه أي والله رحمك الله
فهد: وحشنتي جلسات الشباب والوناسه والبيت
فارس: يلا أنا نصف دراسي وبرجع
فيصل: وأنا سنه وبرجع
فهد وصلت معه: يانذول خلاص لاتقلبون المواجع
فارس: خلاص خل نهجد عنه الشماته مو زينه
فيصل: لاوالله الشماته في فهود عباده
فارس: ههههههههههه ليه شمسوي لك
فيصل: ياخي باط كبدي خلني ساكت أحسن
فهد: هههههههههههههههههههههههههههههههههههههههههههههههههه ههههااااي عارف شاللي باط كبدك حررره والله توني حاس نفسي أخدت حقي منك
فيصل: أخخخخخخخ يالقهر ماسويتها فيك
فارس: الله يصلحكم بس
فهد: خلااااص بنام حرام عليكم أرحموني بنوصل وطوالي بروح للجامعه أرتب جدولي ويوم ثاني عندي كلاس
فيصل: تصدق فارس أنا بقى لي سنه وأخلص ودراستي تبدأ بعد أسبوع
فارس: تصدق فيصل أنا دراستي تبدأ بعد أسبوع وبقى لي نصف سنه وأخلص
فهد: نذوووووووول لا أدعي عليكم ترسبون أنت وياه
فيصل: خلاص خلاص توبه أنا واحد وراي ألتزامات بس أخلص دراسه بنزل وطوالي بملك
فارس: أي والله يقولون دعوة المظلوم مستجابه
فيصل: المظلوم ماقالو الظالم يعني عادي نستلم فهود
فارس-فهد: هههههههههههههههههههه
فهد: بايق حلالك وأنا مدري
فيصل: تصدق فارس باقي لي سنه وأخلــ.......
فهد رماه بالإكلينكس وجلسو يضحكون وطناز ومناقر<<يوصلون بالسلامه يارب

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 7الصباح في بيت لمى كان مشعل طالع للشغل وسيف توه واصل ...
لمى: أفضل الصلاة والسلام عليك ياحبيب الله محمد وآل محمد كللللللللللللللللللوووووووووووش
سيف: تسلمين يالغاليه
لمى: يسلمك,, كيف النفسيه؟؟
سيف: حطي يدك ع قلبي أنتي
لمى حطت يدها ع قلبه: ههههههههههههه مدري حنون وش أخبارها
سيف: ليه ما كلمتيها؟؟
لمى: إلا آخر مره لمن هزئتني والأمس كلمت أمها عشان نمرهم اليوم
سيف: قولي أن شاء الله يطلع التحليل أوكي
لمى: أن شاء الله ,,ربي يفرح قلبك,,تبي أحط لك فطور؟؟
سيف: صدق متفرغه قومي ألبسي عبايتك وأتصلي عليهم
لمى بخبث: أتصل ع من؟؟
سيف: لمووووووووه قومي ألبسي عبايتك أهجدي عني بروحي ثلاث أسابيع مو نايم
لمى بعناد: ياحراااااااااام روح نام
سيف: أقول باي أروح مع جدتي أم تركي أحسن لي
لمى: هههههههههههه خلاص بلبس عبايتي
سيف مد لها الجوال عشان تتصل
لمى: هلا والله وعليكم السلام.........كيف حنون؟؟.......هههههههه ربي يعينها............جاهزين ولا؟؟...............أهااا.....................خلاص ربع ساعه أحنا عندكم.............ماتقصرين يا أم وافي.................يسلمك..........حافظك ربي............مع السلامه,
سيف: ها وش قالت؟؟
لمى: ينتظرونا
سيف: يلا مشينا
"في السيارة"
لمى: تاكل زين سيوف؟؟
سيف: أيوه ليه؟؟
لمى: لأن أكثر المخطوبين ماياكلون زين ويطلع عندهم أنيميا ويصير عدم توافق في التحيل
سيف بخوف: لالا آكل زين,,حنين تآكل زين؟؟
لمى: هههههههههههههههه ياعيني,,أيوه أمها مو مخليتها قبل شوي لمن أتصل تقول أنها جالسه تأكلها
سيف: ماتقصر عمتي
لمى تناظره بنص عين: ما أتفقنا ع هالألقاب
سيف: لاحول لموه أعقلي عني
لمى: ههههههههههههه طيب
سيف: شنو أقول إذا ركبو السياره؟؟
لمى: سلم وأسأل عن حالهم طبعا لا تكلم حنين كلم أم وافي
سيف: أوكي,,بس؟؟
لمى: لايكون بعد تبي تسلم ع حنين وتتباوس معاها وتجلسها معك قدام
سيف: ياليت والله
لمى: هييييي أستح أنتو رايحين للتحليل ما ملكتو
سيف: آآآآآه,, أقول قربنا نوصل رني عليهم
لمى: هههههههههههههه طيب

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

نحرق أعصابكم شوي ونروح لمدرسة البنات الساعه 8ونص نهاية الحصه الثانيه ...
طلعت الأبله رانيه طواااااااااااااالي مدت يدينها بكل ماعندها ...
رزان: هههههههههههههههههههههههه بسك رانيوه لاينشق مريولك
رانيه: خليني أبي أتنشط
دانا: خلاااص رانيوه لاينفسخون أياديك
رانيه: ياويلي اليوم صاير يلوع الكبد كأنه السبت مو الثلاثاء
مرام: لأن حضركم ماخدين إجازه الأمس
رانيه: كيف المدرسه بدوننا؟؟
مرام: هو مو بس أنا كل بنات الفصل أفتقدوك
رانيه: أحم أحم
دانا: ياسلاااااااام وأنا
رانيه: أفتقدوك بس ع خفيف صح مرام؟؟
مرام: ههههههههههههههههه أنا عن نفسي أفتقدكم كلكم بس البنات متعودين ع رانيوه هي اللي تسوي الجو
رزان: هي بس في المدرسه في المطار تسدحنا من الضحك عليها
رانيه: هههههههههههه ماتوقعت أني أبكي
دانا: هو ع أنك بكيتي بس ع قولت هنادي لاعبه دور المنقده رنوش
رانيه: هههههههههههههههه هنادي تجنن هالمره مايبين عليها متزوجه وعندها أولاد
رزان: تجنن لأنها زيك ما أتخيل أنتي معاها تجلسون في مكان واحد
دانا: عزات الله أنفجرت بطوننا من الضحك
مرام: حتى أنتي ورزان حاشتكم العدوه صرتو زيهم
رزان: ههههههههههههه حتى فهد لاحظ يوم الخميس ع السفرة يآآآآآآآآآه وناسه دموع تطيح من الضحك هنادي ورشود ولد خالتي
رانيه: خساره مايمديني أجي معكم
دانا: مو شرط تنغدى مع الرجال سوا بس الفتره اللي راحت عشان فهد وفيصل وطول الوقت بعباياتنا
رانيه: والله فاضيين بعباياتكم أنا وعبيروه نلبس قميص طويل وواسع مع بنطلون وحجاب أو مشمر
الكل: هههههههههههههههههههههههههههههههههههههههههههههههههه هههه
مرام: ياويلي أشكالكم تحـــفه أجل
رانيه: تحفه قولي خلاص تعودنا,,إلا شخبا الهيئه؟؟
دانا-رزان: ههههههههههههههههههههههههههههههههههههههههههههههههه
مرام: أي هيئه!!
رانيه: عندهم ولد خاله اللي هو زوج هنادي مره متشدد خلانا نتغطى في الكورنيش والشباب يمشون معانا
مرام: ههههههههههههههههههههههههههههههههههههههههه
رانيه: ويرضى تجلس هنادي معاكم ع السفرة والشباب موجودين؟؟
رزان: أيوه تخيلي كم سنه هنادي ويانا8سنوات بنتنا وبذات مع راشد كأنها أخته لأن ساكن تحت وهم فوق راسه
رانيه: أقول لكم تجنن هالمره
دانا: خل هنادي تجي تسمع هالمدح
رزان تناظر في ساعتها: كأنها تأخرت المعلمه
شوي ودخلت وحده من الطالبات: المعلمه غايبه
البنات: هييييييييييييييييييييييييييييييييييييييييييااااااا اااااا كللللللللللللللللللللللللللللللللللللللللللللللللل للووووووووووووووووووووووش عااااااااااااااااااااااااااااشو
وبدأت الفوضه تكلمت رانيه وكلهم سكتوو ...
رانيه: أحنا راح نجلس ع الأرض بمعنى أصح كرسي الأعتراف نختار وحده ونستلمها بالأسئله اللي يحب يتفضل معانا
أغلبية البنات راحو مع رانيه وماخلص كرسي الأعتراف إلا الدموع أربع أربع عاد تعرفون رانيه سألت البنات كل اللي جاء ع بالها وكالعاده فاسخه الحياء ومطيحه الميانه مع الكل مع أن كان في معلمات يتفرجون وهي ولا عندها فيها بعد ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

نرجع لبيت أبو وافي الساعه 7:14ص كانو أم وافي وحنين يفطرون وهم ينتظرون سيف ولمى عشان يروحون للتحليل كانت حنين حدها متوتره بعد شوي راح تكون في السياره مع سيف وأعصابها تالفه ووجها يطلع نار وأمها تهديها ...
فاجئهم صوت الجرص ...
أزهار: غريبه حنين قالت أنهم راح يوصلون عقب ربع ساعه
حنين: يمكن نازله تسلم
أزهار: لحظه بشوف
حنين..خديت لي نفس طويــل أبي توتري يروح شوي وسندت راسي ع الجدار أبي أسترخي فاجئني صوت أمي كأنها تصارخ تهاوش حد بسرعه لفيت لفتي وقمت ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

((هذا الجزء
-سفر فيصل وفهد وفارس ثلاثه من أبطالنا تتوقعون شنو التغيرات اللي راح تصير؟؟!!
-خالد وسمانه شنو راح يكون مصيرهم؟؟!
-عايشه ورفضها لزواج خالد وسمانه دافعها الحقد والحسد تتوقعون راح تقدر توقف الزواج؟
-رزان والجو اللي تعيشه تتوقعون في حد يقدر يغيره؟
-تتوقعون مين اللي جاي بيت أبو وافي وشنو اللي يخلي أزهار تصارخ وتهاوش؟
يعطيكم ألف عافيه
تابعونا
تحياتي))

.
.
.

.:دانهـ العشآق22:.

هلا والله...ْ}
ننتظر الأجزاء البقيهـ بشوووووووووق...........{~
تحياتي... مجنونة وحلوة..}.؟}

أهلين في غاليتي مجنونه

عوافي غناتي ع المرور

ولعيونك راح أنزل هالبارت

.
.
.

.:دانهـ العشآق22:.

ذايب في هواهم

((الجزء الثامن))
بسم الله الرحمن الرحيم

((المستجدات في هذا الجزء
-سمانه ومصيرها المجهول مع خالد ...
-لاتنسون سيف ولمى في طريقهم لبيت أبو وافي ...
-حنين وأزهار ينتظرون سيف ولمى مين اللي جاهم وخلى أزهار تعصب ...
تابعونا))

نبدأ
"عرفت أبكي من الفرحه..عرفت أضحك من الأحزان..عرفت أن الدموع أصدق وأرحم من يواسيني..عرفت أن الوهم دربي ولابه من يقدرني..عرفت أنك أمل عمري وأنا دايم عليك ولهان"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 7:19ص في فيلا أبو وافي ...
حنين..خديت لي نفس طويــل أبي توتري يروح شوي وسندت راسي ع الجدار أبي أسترخي فاجئني صوت أمي كأنها تصارخ تهاوش حد بسرعه لفيت لفتي وقمت سمعت صوته يقول ...
: حرام عليكم تزوجونها أنا أبيها"وهو يدف أزهار: ماتفهمين أنا أبيهاا
أزهار: تصرفك هذا يدل ع أنك مو رجال لو كنت رجال ما كلمتني بهالطريقه وأنا خالتك ولا دخلت بيتي كذا روح الله يسهل دربك البنت جاها نصيبها وبعد شوي راح أروح معاها للتحليل مانبي فضايح روح
سعد: فضلتو الغريب علي ياخالتي
أزهار: لو أنت تبي البنت كان جيت خطبتها من زمان وأنت عارف أن الخطاب يتقدمون لها وأي واحد يكون مناسب وولد ناس راح نوافق عليه
سعد: مايخصني تكنسلون الموضوع وراح أتقدم لحنين
أزهار: لعب جهال هو خلاص قلت لك بعد شوي بنروح للتحليل
سعد..صحيت ع كفف لفيت وجهي ...
وافي: مو أنت اللي تاخد أختي أختي ماياخدها إلا رجال سمعت
سعد: رجال غصب عنك وبعدين أنت بزر مالك في هالسوالف
وافي ضحك بسخريه: بزر يمكن عمري أصغر منك بس ما أنزل لمستوى عقلك
سعد بصراخ: باخدها تسمعون باخدها وطلعه من البيت ماراح تطلعون
وافي طلعه برى وكان سيف توه واصل مع لمى ...
سيف..طول المشوار كنت ضابط أعصابي بس وصلنا قريب بيتهم حست أن الدركسون بيفلت مني ودقات قلبي تسارعت أنتبهت وافي يتهاوش مع واحد نزلت من السياره لفتت نظري حركته وهوي يأشر علي باستخفاف ...
سعد: هذا الحقير اللي فضلتوه علي
سيف نزل من السياره: وافي فكه منك هدو مايصير كذا
وافي بعصبيه: ويصير هذا الحقير بنذالته يبي يوقف خطوبتكم أنت وحنين
سيف..مجرد أني سمعت جملة وافي كأن حد ضاربني خلاص حسيت أني لا يمكن أفرح في يوم لازم شي يصير يخرب علي فرحتي الحين ولد خالة حنين من وين طلع لي وهدى يارب ساعدني يارب ...
أزهار طلعت بعبايتها: ماراح يتوقف شي والحين راح نروح وتحللون أنت وحنين
سعد: وأنا ياخاله تفضلين الغريب علي
أزهار: هالغريب اللي تتكلم عنه إذا ربي أراد وتوافق التحليل راح يصير زوج بنتي وهالغريب مامد يده ع خالته ولا ع أمه هالغريب ماسمعنا عنه طالع من سجن هالغريب ماسمعنا عنه وعن أهله إلا كل خير هالغريب يوم بغى البنت تقدم لها ما أنتظرها تنخطب وجا يفرض رايه عليها و ع أهلها
سعد: كل هالعيوب طلعت فيني أنا لكن أنا قلت راح أمشي بس هالكلام ماراح يعدي ع خير ياخالتي"وركب سيارته"
أزهار: يعطيك العافيه ماقصرت نكدت علينا"صرخت: سيييييييييييييييييييييييييييييييييف
سيف نط فوق كبوت السياره بحركه سريعه وسعد راح بسرعه جنونيه
وافي ساعد سيف عشان يقوم من ع الأرض: أسمح لنا ياسيف
سيف: لايا وافي مابيننا هالكلام
وافي: تفضل معي المجلس
سيف: لاماله داعي لمى في السياره
وافي: لمى تدخل مع أمي أنت تعال معي المجلس "ودخلو سوا"
أزهار طقت نافدة لمى في السياره: السلام عليكم
لمى: وعليكم السلام
أزهار: تفضلي داخل البيت حبيبتي
لمى: وين سيف؟!
أزهار: ماعليش أسمحو لنا بس المجنون سعد جا وفاجئنا,,تطمني سيف بخير في المجلس مع وافي تفضلي معاي حنين مامعها أحد وقاتله عمرها بكي
لمى دخلت مع أم وافي لقت حنين ع باب الصاله تبكي ...
أزهار: حنون يما ماصار شي
حنين: ماما أنا عله ما أقدر أفرحكم لازم تجي مصيبه في اليوم اللي تفرحون لي فيه
أزهار: ياماما هذا أختبار من رب العالمين وأن شاء الله خير أشربي مويه حبيبتي
لمى: يلا عاد حنون ماشفنا عروس تبكي
حنين: وما في واحد يرضى ببنت قاله ولد خالته أنه يحبها ويضربه عشانها
لمى وأزهار ناظروها بذهول ...
لمى: حنون حبيبتي سيف رجال ماراح يرد في كلامه وبعدين هو متمسك فيك
حنين: وأنا مو أنانيه عشان آخد واحد ممكن أنه يتعرض للخطر بسببي
أزهار: حنيــن أنجنيتي أنتي!!
لمى: حنين هدي أعصابك لاتتخدين قارات وأنتي معصبه صدقيني ماينفع ويمكن تندمين
حنين تنهدت: مدري يمكن الولد مايبيني عقب اللي صار
لمى..عافه اللي تفكر فيه حنين وعاذرتها فيه لو أنا مكانها كان فكرت نفس التفكير صعب أن البنت يصير لها هالموقف وهي رايحه تحلل هي الحين في موقف صعب تحاتي نتائج التحيليل وتحاتي موضوع ولد خالتها ومو عارفه تفكير سيف شنو راح يكون لو مثلا أنه غير رايه بتنصدم البنت عندها تعيف الرجال ولا هو يعيفها ماتبي تحسس نفسها أنها رخيصه لكن ما راح أخلي هالسالفه تأثر ع خطبة سيف وحنين ...
أزهار: لمــى
لمى: هلا
أزهار: وين سرحتي؟
لمى: آسفه وش كنتي تقولين خالتي؟
أزهار: حنون يما شوي بتكلم مع لمى
حنين: عن أذنكم "ورقت الدرج"
أزهار: لمى أنتي بنتنا وأحنا حسبة أهل ولا أحنا جديدن عليك ولا أنتي جديده علينا وبدون مقدمات راح أبدء
لمى: أسمعك خالتي تفضلي
أزهار: أنتي بنت ومن حقك تخافين ع أخوك وهذا شعور أي وحده فينا وكل وحده شعور طبيعي أنها تخاف ع أخوها ويمكن لو الله كتب وأخد سيف حنين ماراح تحسين أنك مطمئنه عليه وأنتي شفتي ولد أختي وجنونه ...
لمى عرفت قصدها وبدفاع: لا ياخالتي مو أنا اللي تأثر فيني هالسوالف أحنا أهل لا أنا ولا سيف راح نغير راينا اللي صار قضاء وقدر وأنتو مالكم دخل فيه وممكن أنه يصير لأي حد وما أرضها ع حنين تتكنسل بهالسهوله خطوبتها عشان شي تافه
أزهار: بس يالمى ..
لمى: لا ياخالتي أنتي أم وعارفه أن هالكلام غصب عنك بس ترى صدقيني لا أنا ولا سيف راح نغير راينا وهالشي ماراح يلطع لأي حد من أهلنا وبعد شوي نروح للتحيليل ولا كأن شي صار
أزهار: وسيف وحنين
لمى: الحين راح أكلم حنين أسمحي لي برقى غرفتها
أزهار: بيتك يايما
لمى..فتحت باب غرفة حنين بهدوء لقيتها جالسه بصمت وحاضنه دبدوبها وسرحانه قلت ...
لمى: شفيها الحلوة سرحانه؟
حنين: تخيلي يالمى ..
لمى: لاتكملين ياحنين عارفه اللي تفكرين فيه وعاذرتك مو أنا اللي تخبين علي
حنين ضمتها: ربي لايحرمني منك
لمى دفتها بمزح: لا تقلبينها مناحه يلا أجهزي بنروح المستشفى تحللون ويارب النتائج تكون توافق عشان حنون تصير مرت أخوي
حنين: بس ....
لمى: لا بس ولا شي يلا تحركي قدامي يلااااا
حنين: ههه طيب
لمى: بنزل أجلس مع أمك 5دقايق أنتي نازله مفهوم؟
حنين: أن شاء الله
لمى..طلعت من الغرفه وأستقبلتني أم وافي وعيونها مليانه أسئله من حقها أم ...
أزهار: خير أن شاء الله بشري؟
لمى: خير حنون تجهز عشان بعد شوي نروح المستشفى
أزهار: الحمد لله هم وأنزاح بس باقي النتائج نحاتيها
لمى: الله يعين سيف قال بيطلعها في أقل من يوم لأن ثامر زوج جهان بنت خالتي دكتور في المستشفى
أزهار: خير أن شاء الله أنا بكلم وافي,,هلا يما وافي.............الحمد لله بخير...............كيفه سيف.....................الله يطمنك..................هههههههههههه لازم يحاتي...................طمنه قله يجهز الحين بنروح...........................أوكي يالغالي.........................شوي ونطلع لكم....................مع السلامه,
حنين..سميت بسم الله وركبت السياره صرت ع الطرف خلاص قلبي مو قادر يوقف أسمع أمي ووافي وسيف يسولفون ولمى تشاركهم ع خفيف بس مو عارفه شيقولون مو قادره أركز ع شي اللي أسمعه بس دقات قلبي أحاول أذكر ربي أردد الأذكار مو قادره أثبت ع شي ...
سف..تشجعت أكثر من قبل يمكن عشان معي وافي بس ركبت تلخبط كياني توترت حتى السياقه مو قادر أثبت عليها أحاول أسولف أضحك أخبي توتري أبد ألقط كلمه وأضيع عشر تبادلت مع وافي لأني مو قادر أسوق الحمد لله أن خالتي حست ولا كان ما عدت هالسياقه ع خير ما أشوف شي قدامي ...
لمى..أحس بنفس شعور حنون ربي يعينها يمكن لأني جربت من قبلها أو يمكن عشانها صديقة روحي الحمد لله جت ع بال أم وافي فكرة أن سيف يبدل مع وافي ولا كان رحنا في داهيه ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 12:40 في فيلا أبو تركي كانت رانيه راجعه من المدرسه ونازله في بيت جدها وخاربه الدنيا ...
عبير: محترقه أعصابي يارانيوه أبي أروح معاهم لكن أخخخخ ياقهر لو ماعندي معهد كان أنا أول الواصلين
رانيه: ويلي لا تذكريني أجل آخر عمري أنا رانيه يروح علي هالموقف المهم
أم تركي: هههههههههههههههه الله يرجكم فجرتو راسي
رانيه وهي تضرب ع فخدها: هضيمه ياجدتي هضيمه لكن آخر مره تحصل يصير شي مهم كذا و رنوش مو موجوده
عبير: أتصلي ع لمى ماصار تحليل للحين ماوصلو
رانيه: لمى الحين في بيتها مشعل ع وصول
عبير: جب شوي,,هلا خالتي هلا حبيبي ياحي المعرس...............تعال البيت مشتاقه لك كثير...................إيش اللي تعبان تعال نفسي فيك.........................طيب طيب.........الليله تعال.................كيف!..................الليله بتاخد نتائج التحليل حركااات............بس أحلفك بأغلى ماعندك أنا أول وحده تبشرها.............................أوكي.........لا تنسى...........................الساعه كم بتروح المستشفى..........................الله يجيب الساعه 7بسرررعه يارب........ويفرحنا فيك ياسيفوه...........................مع السلامه,
أم تركي: نامو ع ما يجيب تنائج التحليل صجيتو راسي
رانيه تضرب راح ع راح: من وين يجينا النوم ياجدتي وأحنا نحاتي
نهى: السلام عليكم
أم تركي-عبير: وعليكم السلام
رانيه تساسر عبير: إذا حظرت الشياطين دهبت الملائكه قومي قومي بس
عبير تساسر رانيه: وأمي مسكينه نخليها مع هالـ أستغفر الله
رانيه: ذيبه أم تركي لا تهاب المخاطر قومي أنتي
عبير: ههههههههههههههه طيرزان شايفتها عشان لا تهاب المخاطر قومي يلا
"قامو سوا"
نهى بلقافه: ع وين؟
رانيه تحقرها: أسمحي لي ياجدتي أنا مصدعه ولا لي خلق حد ينكد علي عن أذنك
عبير تكتم ضحكتها وتقرص رانيه: عن أذنكم
أم تركي: أذنكم معكم نامو زين
عبير-رانيه: أن شاء الله
نهى: عبير تطلعين معي الليله؟
عبير: أسمحي لي معي رانيه وننتظر نتائج تحيليل سيف وأحتمال نطلع السوق خليها مره ثانيه
نهى: أوكي
رانيه رمت نفسها ع سرير عبير: عبيروه قولي لي من وين نازل عليها الحب هالعقربه؟
عبير: مدري عنها من أسبوع وهي صايره طيبه
رانيه: ياويلي أخاف بس تسوي فيك شي تختطفك ولا شي لاتطلعين معاها
عبير: هههههههههه وحش هي رانيوه أعقلي
رانيه: تصدقين مو حاسه أن بكره الأربعاء
عبير: لأنك فالتها في هالأسبوع ياغياب ياتروحين المدرسه وتخربين الدنيا
رانيه: محلاها بس لو أقول لك اليوم وش سوينا تموتين من الضحك ونااااسه
عبير: لا تذكريني بأيام المدرسه من جد حنيت لها
رانيه: يبي لي أدور لي يوم أصطحبك فيه
عبير: هههههههههههههههه خبله قولي وش سويتو؟
رانيه: أسمعي...........

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 5:40م كانو البنات طالعين السوق(سمانه-غدير-سحر)ومعاهم أم خالد ...
أم خالد: الله يهديها أم طارق
سمانه ترقع: لا هي كان ودها تجي معانا بس عندها شغل أنتي تسدين ياخالتي
أم خالد: تسلمين يايما,,الله يوفقكم يارب
الكل: آميــن
سحر: سمسوم الإضافات اللي شريناهم اليوم راح نوديهم للمصممه
أم خالد: ماخلص هالفستان؟
غدير: وين يما يمكن بعد شهر لو ثلاثه اسابيع يخلص
أم خالد: أهم شي الفستان حق الملكه لأنها الخميس ماباقي شي
سحر: تطمني يما كل شي أوكي أن شاء الله راح نخلص كل شيء قبل يوم الزواج
أم خالد: الله يهديهم بس مستعجلين كل ششي حددوه بسرعه يلا الله يتمم ع خير
الكل: أن شاء الله
أم خالد: سمانه يما لاتستحين عديني أمك أي شي تحتاجينه لايردك إلا لسانك
سمانه: ماتقصرين ياماما
سمانه..كنت مبسوطه وأنا أمشي وأسولف معاهم مبسوطه لأنهم يعاملوني زي وحده منهم في نفس الوقت منحرجه من أختي اللي مافكرت تجي معاي هي وأمها الله يسامحهم أستحيت وأنا أرقع لهم صرت كذابه بس عشان لاحد يعرف أن أختي ومرت أبوي مو قد المسؤليه أنصفعت ع راسي لمن أنتبهت ...
لمياء بوقاحه: ماشاء الله الأخت سمانه لقت لها ناس يروحون معاها السوق
أم خالد: وعليكم السلام هلا والله لمياء
لمياء: ماشاء الله أهنيك ياسمانه ع قدراتك قدرتي ترزين وجهك عند ناس وتبينين لهم أنك ضعيفه ومسكينه وأخدتي ولدهم حلوو
سمانه: لو سمحتي لمياء....
لمياء: آآآه لو سمحتي أسلوب رائع ومفيد لكسر خاطر الناس حافظه مثالياتك باي صاحباتي يتنظروني وسوري لا تمشين قريبه مني لأن صاحباتي قربو يوصلون مايشرفني أنهم يعرفون أنك أختي "ومشت وهي تطقطق بكعبها العالي"
سحر: الحمد لله والشكر
غدير..كلنا ننتظر ردة فعل سمانه فاجئتنا ...
سمانه: السموحه ياخالتي أمسحيها في وجهي
أم خالد: لا يابنتي لا تقولين هالكلام الله يعينك أن شاء الله خالد يسعدك ويعوضك أشهد أني أخترت لولدي جوهره وماغلطت ولا راح أندم

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

أخيرا هبطت الطائر في فرنسا ووصلو أبطالنا بالسلامه ...
كانو تعبانيـــن حيل من المشوار دخلو البيت وكل واحد رمى نفسه من جهه ...
فارس: وصلو الشنط زهقااان أقوم أفتح للعامل الباب
فيصل: من اللي فاضي يقوم"وعلا صوته: تفضل تفضل صديق
فهد: ههههههههههههه فيصلوه الله يغربلك أحنا في فرنسا مو في السعوديه عشان تقول صديق
فارس: ههههههههههههههههههههههه تحفه أنت فيصل
فيصل: سدو حلوقكم"وعلا صوته: تفضل
العامل: شكرا,,أين أضعها
فيصل: ضعها هنا من فضلك
العامل: إذا أحتجتم أي شيء نحن في الخدمه
فيصل: شكرا
العامل: عفوا مع السلامه "وسكر وراه الباب"
فهد جلس يركب شريحته الفرنسيه وفيصل وفارس يناظرونه ولا لهم خلق يسوون شي هلكانين ...
فهد: هلا ماماا
مريم: هلا حبيبي هلا بالغالي,,شلونك ماما؟؟
فهد وبدأ يتغير صوته: بخير ياماما أسأل عنكم وشلونكم وشلون رزان وأبوي وعمتي وخالي وريهام ومها وأسامه وطلال ورشود والبنات
مريم: ياقلبي حنون مانسيت حد تمام ياماما كلهم يسألون عنك,, متى وصلت ماما
فهد: تسأل عنهم العافيه يارب,, توني قبل ربع ساعه وصلت
مريم: فيصل وفارس كيفهم عارفه فيصل مايتحمل المشاوير
فهد: ياماما بخير تعود
مريم: الحمدلله
فهد: معك فيصل ماما
رزان من سمعت أن فهد بالجوال مع أمها طوالي سحبت الجوال: هلا حبيبي هلا عمري"وبدأت تبكي: كيفك مع الغربه عسى مرتاح متى وصلت؟؟أكلت زين أو لأ؟؟متى تبدأ دراستك؟؟
فيصل: أأ هلا وغلا
مريم سحبت الجوال من رزان: جيبي لا تبكين ولدي كفايه أن هو في غربه,,هلا ماما
فيصل تلعوز: أأ هلا عمتي كيفك؟؟
رزان طواااااااااااااااااااااااااااااااااااااااااالي هربت غرفتها ...
مريم: هلا ماما لا يكون بس رزان بكت لنا فهد؟؟
فيصل تورط: لالالا عمتي بس أأ أنا بغيت أكلمك
مريم: ما تقصر ياولدي أرتاحو نامو زين وأكلو زين ما أوصيكم ع بعض وسلمو لي ع فارس
فيصل: ماتقصرين ياعمتي يعطيك العافيه
مريم: مع السلامه حبيبي
فيصل: مع السلامه "وقفل"
فيصل..قفلت الجوال وحضنته لا إرادي وسندت راسي ع الجدار ياقلبي تهبل بس أكيد أستحت لمن سمعت صوتي أحسن أحب أخليها تستحي ياحلوها وهي محمره من الحياء تهبل ياقلبي هي ...
فارس يساسر فهد: هههه تعال شوف ولد عمتك أستخف ولا شي يحضن في الجوال ويتبسم
فهد بنفس الهمس: ههههههه ياويلي أحنا في فرنسا مو ناقصين مستشفيات مجانين وحاله
فارس بنفس الهمس: أنا أراويك في"قال برومنسيه: فيصــل
فيصل برومنسيه: ياعيونه ياقلبه يارووووحه
فهد ما قدر يكتم ضحكته راح الغرفه وهو حاط يده ع فمه ...
فارس بنفس الرومنسيه: ممكن تلب
فيصل: عيووووني"رفع راسه أنتبه لفارس: وأنت وش جيبك هنااا ياجلف أقول أنقلع
فارس ضرب راح ع راح: راح فيها الولد وعليه السلام
وبدأ المناقر وتوزعو الشباب اللي راح يكلم أهله واللي راح يتحمم واللي طلع يشتري عشاء ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 10:00م في فيلا عبد العزيز...
رزان..ركبت غرفتي وأنا أنفخ من الركض ع الدرج ياربي فيصل سمعني وأنا أبكي ولا بعد أتغزل الحين بيقول عني متعمده الله يهديه فهود وش سوى فينا لمن سافر الله يرجعه بالسلامه يارب ...
طالعت في الشاشه أبتسمت دانوه أكيد حست وأتصلت فيني: هلا دانينوو
دانا: هلا وغلا هلا فيك
رزان: ياربي دانو توني راقيه الدرج ثلاث ثلاث
دانا: ههههههههههههههه فيصل مو هنا عشان نقول صار لك آكشنات ولا شي غردي وش صار
رزان: هو هنا ولا هناك لازم تصير لي هالمواقف
دانا: ههههههههههههههه قولي وش صار
رزان: رحت سحبت الجوال من عند أمي وأنا أتغزل وأبكي في النهايه يطلع فيصل مو فهد
دانا: هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه ياويله أخوي راح فيهاااا
رزان: حرام عليك الحين بيفكرني متعمده
دانا: فيصل عارفك أكثر من نفسه تلاقيه مستانس لأنك أنحرجتي
رزان: ياربي,,وش جالسه تسوين؟؟
دانا: بروحي كالعاده ملوك ع النت وعهد في غرفة المكتبه تذاكر
وبدأت النشره بين دانا ورزان كل وحده تقول للثانيه وش صار لها طول اليوم ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 8:40م في فيلا أبو خالد ...
خالد..كنت في الكتب داير للجدار وأكلم مبارك قفلت الجوال ع صوت شدخة الباب ورحت أركض وراء الجوهره ...
خالد: جوهره وش فيك زعلانه جوهره كلميني
الجوهره وصلت غرفتها وتوها بتسكر الباب دخل خالد وجلس ع سريرها ...
خالد: وش فيك جوهره من مزعلك؟
الجوهره: أنت أناني ما أحبك ما أحبك
خالد..أختي الصغيره تربيتي وعارفها مو من هنا والطريق بتقول لي ما أحبك ...
خالد: عيب جوهره ليه ماتحبيني شنو سويت أنا؟؟
الجوهره: تذكر الكلام اللي قلته في المكتب وبتعرف شنو سويت
خالد..جا في بالي الكلام اللي قلته بس ما أتوقع سمعتني الجوهره محد يعرفها كثري الحين بعرف منها السالفه ...
خالد: طيب وش رايك تغسلين وجهك وأطلع معك الحين؟
الجوهره: ما أبي أطلع معك
خالد بدأ يعصب: جوهره تكلمي وش صاير ما أعتقد أني سويت جريمه عشان تكلميني بهالطريقه
الجوهره: ليه ياخالد دامك ماتبي البنت ليه وافقت عليها ليييييييه؟
خالد..ياربي حتى الجوهره بتلومني المشكله هي صغيره مو مثل أي وحده من خواتها بتتفهم الوضع آآه يالجوهره حطيتي يدك ع الجرح ...
خالد: مين قال لك أني ما أبيها؟
الجوهره: لأني صغيره تبي تقنعني أنك تبيها تطمن أنا عارفه كل شي
خالد: حبيبتي أنتي صغيره ع هالسوالف غسلي وجهك وألبسي بطلع معك تغيرين جو
الجوهره بدأت تبكي: كل شي قلتو لي أنا صغيره مو حاله وياكم أبي أروح مع خواتي السوق قالو لي بعدك صغيره أبي أروح معاهم لسمانه قالو لي بعدك صغيره وأنت تعاملني ع أني بزر في الروضه ما كأن عمري 13سنه
خالد ضمها: طيب حبيبة أخوها وش فيها زعلانه؟
الجوهره: أنا مو زعلانه عشان نفسي أنا زعلانه عشان سمانه
خالد: وش فيها سمانه؟
الجوهره: سمانه طيبه ونتحب بس مرت أبوها دوم تضربها وما تعاملها زين
خالد: طيب حبيبتي أن شاء الله راح تجي بيتنا وأحنا بنعاملها زين صح أو لأ؟
الجوهره: بس أنت ما تبيها
خالد: الجوهره كبري عقلك شوي بتكلم معك كلام أكبر منك وهو اللي أنتي تبين تعرفيه
الجوهره: طيب أسمعك
خالد: أنا مو رافض سمانه ولو ما تقدمتو لها أنتو كان أنا من نفسي خليتكم تخطبونها لي بس أنا رافض الطريقه اللي راح يزوجوني فيها بذمتك تحسينها عدله؟
الجوهره: لأ
خالد: هالطريقه البدائيه في الزواج ماتصير في مجتمعنا أحنا عندنا لازم فترة خطوبه يتعرفون فيها العروس والمعرس ع بعض شوفي عاد كم فترة الخطوبه أحينا إذا زادت حتى أربع سنوات توصل وأنا خطوبتي شهر وفارضين رايهم علي تتوقعين شنو بيكون موقفي عمري ما أنجبرت ع شي أهم قرار في حياتي يجبروني عليه
الجوهره: .....................
خالد: فهمتي موقفي الحين؟
الجوهره: بس تكفى خالد عامل سمانه زين ترها طيبه وحبوبه
خالد: أن شاء الله,,زعلانه مني؟
الجوهره هزت راسها بالنفي: أبدا أنت أحلى أخو في الدنيا
خالد يبي يلطف الجو: حلوة سمانه؟
الجوهره: أهي بس حلوة تطيح الطير من السماء
خالد: ياويلي شوي شوي علي مقدر ع الحلوين
الجوهره: هههههههههههههههههههههه

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 7:00م في فيلا أبو تركي ...
بالتحديد في غرفة عبير كانو عبير ورانيه نايمين وصحاهم صوت المنبه ...
عبير بصوت كله نوم: رانيووووه قفلي منبهك لا أذبحك
رانيه: هيييييييي عبيروه قومي عندنا موعد مهم
عبير: أففففف وش موعده بعد
رانيه: الحين سيوف بيروح يجيب النتائج من المستشفى
عبير قامت ع طولها: صح ذكرك الله بالشهاده بتصل له,,هلا سيوف خاله
سيف: هلا والله
عبير: سيوف جبت النتائج؟
سيف: لا أنا في الطريق
عبير: أمانه تجي البيت كل الشعب هنا
سيف: ههههههه أن شاء الله
عبير: ننتظرك هااا
سيف: أوكي أنا نازل المستشفى باي
عبير: باي "وقفلت"
رانيه: أحملي كتاب الأدعيه وسجدات وجلال صلاة
عبير: ليه؟
رانيه: عشان ندعي التحليل يطلع أوكي حتى لو فيهم مرض وراثي أو عدم توافق الله يعميهم عنه ويملكون
عبير: صادقه
رانيه: أووووه نسيت أحملي بعد شريط طقاقات
عبير: ليه؟
رانيه: عشان إذا طلع توافق نزف سيف
عبير: هههههه كيف راحت عن بالي يلا خلصي عشان ننزل
"نزلو رانيه وعبير وكل وحدة بيدها العده وكل وحدة لبست جلال الصلاة وسلمو"
أم تركي: من وين نازل عليكم الإيمان؟
عبير: وش فيك يايما عشان ندعي يطلع تحليل سيف وحنين أوكي
أم مشاري: ماشاء الله وأنا أقول وش هالنشاط وليه الأشرطه والأستيريو؟
رانيه: عشان نسوي زفه لسيف إذا وصل
أم فارس: هههههههههههههههههههههههه
أم تركي: لا ياعمري لا تسمعونا أغاني
رانيه: لا جدتي عبد المجيد أغانيه مو حرام
أم تركي: ليه أن شاء الله؟
رانيه: يقول عسى الله مايجيب عتاب ولابعد وهجر وغياب عسانا مانتفارق يوم عسى دايم نكون أحباب ...
عبير: أحباب..من الدنيا وش المطلوب سوى راحة فكر وقلوب وخل في هواه أذووب وهو مثلك بخلك ذاب ...
رانيه: عسى الله مايجيب عتاب ولابعد وهجر وغياب عسانا مانتفارق يوم عسى دايم نكون أحباب..عسى تسلم وتبقى لي فرح دنياي يالغالي ...
عبير: في قربك ياهنيا لي تهنيت وزماني طاب ...
رانيه: عسى الله مايجيب عتاب ولابعد وهجر وغياب عسانا مانتفارق يوم عسى دايم نكون أحباب
أم تركي: بــــــــــــــــــــــــــس
جاسر: هي لا تعلمون أمي ع الأغاني
وائل: باكر نشوف جدتي تجمع صور راشد الماجد ولا شي مو ناقصين غيرة جدي
أم تركي: مغسول وجههم بمرق هالجيل
رانيه: طالعين عليك جدتي
الكل: ههههههههههههههههههههههههههههههههههههه
أم تركي: ماتستحي هالبنت أبد
رانيه تسوي نفس أسلوب جدتها وتضرب راح ع راح: أبد
الكل: هههههههههههههههههههههههههههههههههههه
مشاعل: السلااااااااااااااااااااااااااام عليكم
الكل: وعليكم السلاااام
جهان: السلاااااااام عليكم
الكل: وعليكم السلاااام
رانيه: لاحول صارت شغلتنا نرد السلام وبس خلو مسجل ولا شي لو نجلس من هنا لبكره ما بنخلص
أم فارس: سبحان الله العرايس جو سوا
عبير: ويه خيووو خبرك عتيق أنتهت مدتهم الحين دور حنين
مشاعل: لا والله أنا أجدد من جهانوه
جهان: سكتي الفرق بين زواجي وزواجك شهرين و4أيام
رانيه: إلا شخبار البيبي؟
جهان أستحت: بخير يسأل عن بنت خالته
رانيه: بسمع صوته
جهان: وخري عني مقدر أحد يلمس بطني هههههههههههههههه رانيوه وخري هههههههههههه رانيوه هههههههههه
رانيه: ههههههههههه كل هذا عشان لمست بطنك كيف تغارين إذا حد لمس بطنك؟
جهان: يجيني هوس ضحك
رانيه سمعت صوت الباب ينفتح تركت جهان وراحت ركض: هلااااااااااااا سيف بسرعه بسرعه بشر
عبير: أنا بيبشرني قبل قول يلا
سيف: لا أنتي ولا هي الغاليه"باس راس أم تركي: الحمد لله جدتي توافق
الكل: كلللللللللللللللللللللللللللللللللللللللللللوووووو ووووووووووووووووووووووووش هيييييييييييييييييييييييييييييييي لا إله الله
عبير: حد منكم شاف بالدنيا بدر مقبل يمشي ومن حوله بشر من حلاه........
الكل كان منشغل بالتبشير والغايب يعلم الحاظر مافي إلا رانيه مسكت جوالها وصراخها مفزع الدنيا
رانيه بصراخ ممزوج مرح: مبروووووووووووووووووووووووووووووووووووووك توافق
حنين: .................................
رانيه: خلاص صرت حماتك ههههههههههههههههههههههههه
حنين: ......................................
عبير: تكلم مين هالخبله؟
أم تركي: رانيه تكلمين مين؟
رانيه: العروس,,أقول حنون عادي ترى أسوي لك آكشنات أخليك تكلمين سيف أنتي أشري بس
أم تركي سحبت الجوال منها وطلعت برى الصاله واللي في الصاله كلهم متسدحين ضحك ع حركة رانيه ...
أم تركي: ألو
حنين بحياء: ألو
أم تركي: هلا والله بنتي أسمحي لنا أدري هالخبله لعوزتك
حنين: ...................
أم تركي: ماعليش خدي لك نفس أرتاحي عارفه أنك متفاجئه مبروك يابنتي
حنين بحياء: جميعا<<مو عارف شتقول من البهدله
أم تركي: مع السلامه حبيبتي
دخلت أم تركي الصاله وهي تضحك: وش سويتي فينا يالخبله
رانيه: من الفرح أبي أفرح قلب العروس
جهان: هههههههههههههههههههه يالخبله حد يتصل ع العروس يتصلون ع أهلها
رانيه: عادي تبشر أهلها
مشاعل: خبلللللللللللللللللله أنتي كيف تبشر أهلها وهي عروس
رانيه: عادي تروح لهم وتقافز وترقص وتقول تواااااااااااااااااااااااااااااااافق توااااااااااااااااااااااااااااااااااااااافق هيييييييييييييي
الكل: هههههههههههههههههههههههههههههههههههه
وائل: هذي أنتي شكلك بتسوينها رانيوه
أم تركي: مسكينه البنت راحت فيها حتى الكلام مو عارفه تتكلم
أم فارس: ههههههههههههههههههههههههه الله يقطع سوالفك يارانيوه لازم تسوين لنا مقلب
رانيه: وش أسوي فرحانه"قشرت جزره وحطتها عند فم سيف وهي تسوي نفسها مذيعه: وش شعورك؟
أم مشاري: ههههههههههههههههههههههه رانيوه حرام عليك
رانيه: أصبرو علي للحين ماشفتو شي ناويه ليهم ع نيه
جاسر: لا الحين لي الحق أقول الله يعينك ياسيف تكفووون إذا خطبتو لي هذي والخبله اللي معاها لا تعلمونهم
الكل: هههههههههههههههههههههههههههههههههههه
أم تركي: عبير يما عطيني رقم بيت أبو وافي
عبير: 8*****
رانيه: جدتي عطيني باكلم
أم تركي: أنتي جدتي مو أنا جدتك
الكل: ههههههههههههههههههههههههههههههه
أم تركي أشرت بيدها عشان يسكتون: السلام عليكم
أزهار: وعليكم السلااام هلا والله
أم تركي: كيفكم وش أخباركم كيف البنات ووافي وأبو وافي
أزهار: بخير ربي يسلمك
أم تركي: أبشرك نتيجة تحليل حنين وسيف توافق
أزهار بفرح: الله يبشركم بالخير وطولة العمر
أم تركي: جميعا,,متى أن شاء الله تحبون الملكه
أزهار: براحتكم
أم تركي: بعد شوي أرد لكم خبر
أزهار: ع خير أن شاء الله
أم تركي: مع السلامه
أزهار: مع السلامه
أم تركي: ها متى الملكه؟
أم مشاري: البنت يبي لها تستعد يعني ع الأقل شهر
سيف بأحباط: يما حسو فيني شهـــر أنا ثلاث أسابيع ع أعصابي وبعد أنتظر شهر
أم تركي: وهو الصادق ولدي فرحو قلبه
لمى: السلاااام
الكل: وعليكم السلام
لمى: مبروك يالمعرس
سيف متضايق: بيجي أجلي وأنا مابعد صرت معرس
لمى: خير وش صاير؟
أم مشاري: عيارته أخوك مستعجل ع الملكه
لمى: حددتو أو لأ؟
أم تركي: لا لسه ما شاورنا الرجال
لمى: الله يعينك ياسيف ترى الأسبوع الجاي يوم الأحد تبدأ أختباراتنا وما نخلص إلا بعد أسبوعين
سيف: مالي شغل أبي نملك قبل الإختبارات
أم فارس: البنت ما أستعدت ولا شي بكيفك هو
سيف: هي بتستعد وبتتعدل لمين لي أنا عادي أنا أبيها جرفليه مو لازم تتعدل ولا تستعد
الكل: هههههههههههههههههههههههههههه
مشاعل: أعصابك سيف بهدوء تناقش لاتهاجم
سيف: ياخالتي لاعت كبدي ثلاث أسابيع و4أيام وأنا أنتظر
أم فارس: خلاص وش رايكم تملكون هالأسبوع الخميس ملكه عائليه وبعد أختبارات حنين تسوون الحفله؟
سيف: ونعم الراي ياخالتي موافق
لمى: تخيلو البنت ما أستعدت إذا اليوم الثلاثاء وما بيمديها تطلع السوق يعني مابتقدر تجهز في يوم
أم فارس: لا لمى مو حفله بس يملكون وسيف يشوفها حتى مو ضروري تروحون تتعدولون ولا شي مسكين الولد تأزم نفسيا ها وش قلتو؟
أم تركي: خلاص بس نشاور الرجال ونرد خبر لبيت أبو وافي
سيف: لاحول لازم يعني؟
أم مشاري: أي يما لازم وش فيك
وبدت زحمتهم واللي تشارور الرجال واللي تتصل في بيت أم وافي والبنات يسولفون ع جنب ...
لمى: وحشتني حنون خل أتصل أشو وش حالها
الكل: ههههههههههههههههههههههههههههههههههه
لمى: وش صاير قلت شي يضحك؟
مشاعل: لا بس رنوش سبقتك
لمى: لاتقولون كلمتها؟
جهان: هي بس كلمتها توه جاي سيف أتصلت لها برجتها وتبشرها
لمى: ههههههههههههههههههههههههههه ياعمري حنون وش سوت؟
عبير: أستحت مسكينه ماقدرت تتكلم
لمى: هههههههههههه الله يغربلك يارانيوه
رانيه: جزاتي أبي أبشرها قبل أهلها
أم تركي: ما أقول إلا الله يخلف عليك
رانيه: جميعا جدتي
الكل: ههههههههههههههههههههههههههههه
أبو تركي-أبو مشاري: السلام عليكم
الكل: وعليكم السلام
أبو تركي: خلاص الملكه الخميس
الكل: كللللللللللللللللللللللللللللللللللللللللللووووووو وووووووووووووووووووووووش هييييييييييييييييييييييييييييييييييييييييي
وبدأت الفوضه والتخطيطات والزغاريت وبيت أبو وافي نفس الحال مزحومين في التجهيز للمكله ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه2 الفجر كان خالد عند البحر...
خالد..آآه مو حاله ياخالد ملكتك ع البنت بعد يومين وأنت كل يوم تعرف عنها شي تنصدم فيه أكثر ,,عمري في حياتي ماتخيلت أن أبو طارق رجل الأعمال المثقف يعامل بنته بهالطريقه أو يخليها مداس تحت رجلين بنته ومرته ياربي كيف بعاملها؟! وهي بتتقبلني أو لأ؟! ع بالي أني أنا بس اللي أنفرض علي الزواج اليوم عرفت من كلام الجوهره أني مو بس أنا اللي أنجبرت حتى البنت ماعرفت إلا بالصدفه ومزحومه مع التجهيزات,,آآه ياربي تقدرني وأسعدها حتى لو ما قدرت أسعدها أهم شي أني ما أظلمها وهذا عهد بيني وبين نفسي ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 11:40م في فيلا أبو صقر ...
شهد: هلا بسام
بسام: هلا شهود حبيبتي هدأتي؟
شهد: الحمد لله
بسام: أن شاء الله شهر وبرد لك ويمكن أنزل إذا صارت عندي فرصه
شهد: بالتوفيق يالغالي
بسام: عاد ما أوصيك ع دراستك
شهد: لا توصي وأنت بعد ما أوصيك ع دراستك
بسام: أن شاء الله,,محتاجه شي حبيبتي قبل أركب الطائره؟
شهد: تسلم لي
بسام: مثل ماوصيتك والرياض مو بعيده أي وقت تصير عندي فرصه بنزل لك ,,أهم شي ماتضايقين نفسك وتقصرين ع نفسك بشي وتهتمين بدراستك وأي شي ناقصك لاتترددين
شهد: تسلم لي حبيبي
بسام: يلا عمري باي
شهد: باي
شهد..قفلت من عند بسام وجلست أبكي تعلقت في بسام بشكل ماحد يتصوره صار كل حياتي حتى لمن كان موجود شي رسمي أنه يمرني كل يوم مو قادره أتصور أنه راح يغيب عني شهر الله يصبرني ,,أنا أبكي لكن ما أبكي عشان أن بسام بيسافر في شي حتى مو قادره أصارح نفسي فيه ياربي ساعدني جا ع بالي أرسل لبسام رساه رسلت له ...

""من فارق احبابه ظلم"

غلاك موجود واكيد
ماجد في هذا جديد
مادامك الحب الوحيد
عالروح والقلب انقسم

حاولت انا اخفي الجروح
عل وعسى يمكن تروح
جروح لك عنها ابوح
جروح من عانا الندم

ابكي على وقت مضى
لحبي على نار اللضى
عقبك ترى ضاق الفضا
واليوم شيفيد الندم"

شهد..طوالي لغيت الأرسال خفت بهالرساله أضايق بسام أو أنه يعرف الشي اللي مو قادره أصارح فيه نفسي"نامت شهد وهي ع هالحال" ...

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

تم بحمد الله الجزء الثامن..
((هذا الجزء
-سعد وجنونه هل تتوقعون أنه راح يقدر يوقف ملكة سيف وحنين؟
-خالد ومصارحته للجوهره أصغر خواته عن شعوره والعهد اللي أخده بينه وبين نفسه ...
-شهد شنو الشيء اللي مخليها تبكي واللي ماتقدر تصارح فيه نفسها؟
-البارت الجاي ملكة سيف وحنين,,وملكة سمانه وخالد؟!
يعطيكم ألف عافيه
تابعونا
تحياتي))

.
.
.

.:دانهـ العشآق22:.

يسلموووووووو كثير على البااااارت الحلوووووووووو
تحياتيوووووو؟؟

تشكرااات غاليتي مجنونه ع المرور والتواصل العطر

لاعدمناك

///

ذايب في هواهم

((الجزء التاسع))
بسم الله الرحمن الرحيم

((المستجدات في هذا الجزء
-اليوم الخميس عند بيت أبو وافي وبيت أبو مشاري ملكة سيف وحنين ...
-وملكة سمانه وخالد عند بيت أبو طارق وأبو خالد ...
تابعونا))

نبدأ..
"حبيبي إاآنت..ومن غيرك له بقلبي مكان..حياتي اإآنت..وما اعطي حياتي لغيرك مهما كان .."

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 8 الصباح في فيلا أبو طارق ...
سمانه..صحيت من النوم مفزوعه طول الليل مانمت كنت أفكر وأبكي مدري شنو مصيري اليوم ملكتي محد صحاني من النوم ماعندي أم تهدأني تسولف معي تروح معي الصالون تتعب معي في عرسي تفرح لي تقر عينها بشوفتي عروسه صحيح البنات ماقصرو وحتى معلمتي فضيله وربي أستحيت منهم تعبو معي كثير طردت هالأفكار من بالي وقمت من ع السرير مريت عند المريا شفت وجهي منتفخ ودبلان من السهر والبكي خديت لي دش ع السريع وصليت لي ركعتين عشان أهدأ خلصت صلاة وسمعت صوت جوالي شفت رقمها أستحيت حدي أرد هالأنسانه تعبت معي كثير ولها فضل علي عمري ماراح أنساه رديت عليها ...
سمانه: هلا ماما
سمانه..ماماا مدري وش اللي خلاني أقول هالكلمه يمكن أواسي نفسي لأني هاليوم محتاجه لأمي أكثر من أي يوم صوتها شال جبال هموم من ع ظهري ...
فضيله: هلا ماما حبيبتي سمانه صاحيه؟؟
سمانه..هو أنا نمت عشان أصحى!! ...
سمانه: أي ماما صحيت
فضيله: يلا عشان نروح الصالون سوا أنا وأنتي والبنات
سمانه..فرحت لمن سمعتها تقول البنات راح يجون معانا حسيت أنهم خواتي وأبله فضيله أمي قلت بفرحه ...
سمانه: تسلمي لي ماما تعبتـ
فضيله: أششش أستحي ع وجهك وش هالكلام أنا أمك يلا أنا والبنات بنتقدم وأنتي أتصلي ع سحر وغدير ولا بتروحون معي؟؟
سمانه..هو أنا عارفه أن مرت أبوي ولمياء طالعين مع السايق بس أستحيت أقول ...
سمانه: لا تسلمين بروح مع غدير وسحر
فضيله: أوكي نشوفك هناك
سمانه: على خير أن شاء الله مع السلامه
فضيله: مع السلامه
سمانه..قفلت الجوال وطاحت دموع من عيني مدري ليه يمكن لأني حسيت في حد يهتم لي أووه صدق ماعندي سالفه أتصلت ع غدير .. هلا غدوره
غدير: هلا والله بالعروس كيف النفسيه؟
سمانه: أوووووه لا تذكريني
غدير: ههههههههههه الله يعينك يلا خمس دقايق وأحنا عندك
سمانه: أوكي أنا جاهزه
غدير: أوكي باي
سمانه: غدووور
غدير: هلا
سمانه: تدرين أبله فضيله بتتعدل معانا هي مع بناتها
غدير: أحلفي!!
سمانه: أكذب عليك أنا توها متصله لي
غدير: أوك يلا خمس دقايق وأحنا عندك مو تتأخرين
سمانه: طيب بااي
غدير: باي

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

الساعه 9 وربع في الصالون وصلو سمانه وغدير وسحر وبعدهم بربع ساعه وصلو فضيله والبنات ...
أم خالد وفضيله كانو جالسين سوا جت لعندهم سحر ...
فضيله: هلا ماما سحر
سحر: ياهلا فيك خالتي ,, يلا أنا أخرت أدوارنا عشان أنتو تخلصون بدري وتباشرون المعازيم
أم خالد: ماتقصرين ماماا
سحر: يلا تآمروني بشي؟
فضيله-أم خالد: سلامتك
سحر: يسلمكم يلا أنا أستأذن "وراحت عند البنات"
أم خالد: باين عليك متعلقه في سمانه كثير
فضيله: أكثر من ماتتصورين أنا ما أحب أن تكون لي علاقه خارجيه بطالباتي إلا عقب مايتخرجون إلا سمانه غير
أم خالد: الله يعينها نتحب وفي نفس الوقت تكسر الخاطر
فضيله: ديرو بالكم عليها تراها جوهرة
أم خالد: لاتوصين يا أم فيصل ,,عارفه أني بالغلط سألتها عن مرت أبوها وتغيرت ألونها
فضيله: الله يعينها مرت أبوها طالعه من صبح ربي عشان برستيجها وستايها ولا فكرت تباشر المعازيم أو حتى أنها تسأل بنت زوجها وش محتاجه
أم خالد: أنتي قلتيها بنت زوجها ,,الله يهديها بس أنا ماكنت أعرف عن معاملتها لسمانه بس البنات قالو لي لأني مدري عن الدنيا وكل مره تجينا سمانه أسألها عنها وهي تنحرج
فضيله: الله يعين
]]ـ-ـ-ـ-ـ-ـ-ـ-ـ-[[
في نفس المكان عند البنات كانو جالسين يتفرجون ع ألبومات الميك آب ...
رزان: سمانه هذا حلو أحسه يناسبك
سمانه: مدري
دانا: سمانوه وش فيك كل شي بكيفكم ع راحتكم أنتي عروس أختاري اللي يعجبك لا تستحين أو وآخر شي ضروري أنك تكونين مقتنعه في شكلك
سمانه: ما أعرف أختار بروحي ساعدوني
غدير: من جد أنتي تحفه يلا خلصي عشان باقي عليك ميك آب وتصوير ووو....
سمانه بخوف: لاتذكريني
عهد: حرام عليكم لاتذكروها
سحر: سواء ذكرنها أو لأ هذي الحقيقه لا مفر
سمانه: عقبالكم
البنات: آآآآآآآآآآآميــــــــــــن
فضيله: آمين هااا
البنات تلعثموو ...
:كنت أقصد آمين يسعد سمانه وخالد
:كنت أقصد آمين يخليك لنا
:كنت أقصد آمين تطلع سمانه حلوة
:كنت أقصد آمين ينصر فلسطين ع الأستعمار الصهيوني
أم خالد-فضيله: هههههههههههههههههههههههههههههه
فضيله: الله يسعدكم جميعا يارب
أم خالد: إلا أم فهد ما جات؟؟
رزان: تعبانه شوي الليله راح تجي
أم خالد: الله يقومها بالسلامه
الكل: آآآآميــن
فضيله: حركات سمسوم
سمانه: تسلمين
عهد: مابعد يخلصون الحين بس سشوار باقي لهم التسريحه بتطلع سمسوم غييير شكل
دانا: هي بدون شي ماشاء الله عليها
فضيله: أي والله ربي يعمي عنك عيون الشياطين والأباليس
الكل: آميـــن
أم خالد: إلا وين الجوهره؟؟
سحر: مع ملاك مسوين صداقات
فضيله: ههههه زين والله أنا ساحبه ملوك معانا بالموت رضت تجي تقول ماعندها حد في عمرها حتى جابت معاها لابتوبها لاتمل
أم خالد: جبتي دواهم باللاب مستحيل يملون
الكل: هههههههههههههه
رزان: عمتي نسيت أقول لك
فضيله: قولي حبيبتي ...
رزان: الليله ملكة سيف أخو رانيه ع حنين
فضيله: ماشاء الله مو ناوين تروحون إذا ناوين تروحون قسمو نفسكم شوي هنا وشوي هناك
رزان: هههههههه لا رانيوه عزمتنا بس الملكه عائليه وفي بيت العروس فما له داعي نروح الحفله أن شاء الله بنروح
فضيله: ع خير ,,يلا بنات عن أذنكم
البنات: أذنك معك
أم خالد: ما أوصيكم ع عروستنا
الكل ضحك ع حمار سمانه: ههههههههه أن شاء الله
راحو أم خالد وفضيله مع بعض وضلو البنات ...
غدير تتكلم مع سحر بلإشارات والبنات مشغولات أشرت غدير لسحر بإشاره أنها تبي تجلس مع سمانه شوي بروحهم سحر طلعت مع البنات والبنات أخدو الموضوع برحابة صدر لأنهم عارفين علاقة سمانه بغدير ...
غدير: سمانه حبيبتي وش فيك
سمانه طاحت دموعها: مدري ياغدير حاسه أني مختنقه
غدير ضمتها: حبيبتي أنتي عروس أنتي سمانه القويه وين قوتك وين ...
سمانه: من وين لي القوه ياغدير أي قوه اللي تتكلمين عنها كلها قناع ثاني الكل يشوفني مبسوطه فاكرني من جد مبسوطه وأنا من داخلي أتقطع
غدير: فضفضي حبيبتي طلعي اللي في قلبك
سمانه: تخيلي حالتي أبي أحس أني زي كل البنات من أمس وأنا ع أعصابي وأحاتي ومحد معي في البيت طول الوقت بين أربع جدران أحاتي بروحي وأتقلب ع السرير أنتو كل شوي تتصلون علي تتطمنون صدقيني هالشيء هو اللي بكاني مدري كيف لمن تحسين نفسك وحيده والناس اللي المفروض أنهم يكونون حولك تلقينهم لاهين عنك تخيلي أشوف أختي ليلة ملكة صاحبتها كيف أنها مانامت وتجهز معاها وحتى النوم نامت معاها وأنا أختها حتى ماسألتني محتاجه شي أو لأ وأنتو ماقصرو معاي مدري ليه كل ما أشوف وقفتكم جنبي أحس أني ببكي
غدير: خلاص حبيبتي أحنا جنبك لاتبكين
سمانه: مو قادره أحط عيني في عينكم أنتي وسحر وأمك وأبله فضيله ودانا ورزان وعهد وحتى ملاك والجوهره ماتصدقون أنتو وش قد فرحتوني وقفتكم معاي عمري مابنسها لكم
غدير بمزح: عن العياره وش وقفتكم وما وقفتكم زي ماكرفنا في ملكتك تكرفين في ملكاتنا
سمانه: هههه أن شاء الله
غدير: هههه سمانوه مو قادره عليك كيف كذا تضحكين وتبكين في نفس الوقت؟!
سمانه: هههههههههههههههههههه
غدير: أي خلك كذا يلا أمسحي دموعك"سمانه مسحت دموعها" , "غدير شهقت بإستنكار: سمااااااااااااااانوه شوفي شعرك
سمانه بروعه: هاا
غدير: شوفي قدلتك وش صار فيها
سمانه شهقت: ياااااااربي
غدير: قومي قومي بس خليهم يسشورو لك عفستي الدنيا أهم شي ماتسويين لنا مناحه كل شوي تعفسين نفسك
سمانه: أن شاء الله
غدير: أكيد خلاص مافينا كل شوي نعدل لك شي إذا في شي في قلبك طلعيه قبل يحطون لك الميك آب
سمانه: هو بس شي لو أبكي من هنا لين سنه ماراح أطلع اللي في قلبي,,خليها ع ربك بس
غدير ضمتها: خلاص حبيبتي هدي نفسك هذا أختبار من رب العالمين لك كلنا حولك أنا وأمي والبنات وأبله فضيله وخالد صدقيني كلنا نحبك ياسمانه كلنا
سمانه: وأنا أحبكم ربي لايحرمني منكم
غدير بخبث: أهم شي خالد
سمانه: غديروووه خلاص عاد
غدير: أقول أنا حماتك طيعيني أمسحي دموعك ويلا أمشي معي يعدولو لك سشوارك عشان يبدون في التسريحه
سمانه: طيب

:*:*:*:*:*:*:*:*:*:*:*:*:*:*:*:*:*:*:*:*:*:*:*:*

ركزنا كثير ع سمانه لا ننسى عروستنا الثانيه حنين,,الساعه 10ونص الصباح في فيلا أبو وافي ...
كانت أنهار مشاركه حنين وجدانيا ونايمه معاها طبعا كانت حور بتنام معاهم بس طردوها خخخ واللي يشوف شكل أنهار يقول أنها هي اللي بتملك ساعه تهدأ حنين وساعه حنين تهدأها وما نامو إلا بعد شروق الشمس وطبعا حنين بتتعدل في مشغل أمها فماله داعي أنها تصحى بدري وعاد الكوابيس والأحلام حدّث ولا حرج مو بس حنين حتى أنهار مشاركتها من قلب ...
أنهار بصوت كله نوم: ألووو
سناء بلهجتها اللبنانيه: شو حبيبتي أنهار مابدكون تنزلو يلا شروفو أبل يزدحم الصالون
أنهار: طيب طيب شوي وأخلي حنينوه تنزل لينا وصلت؟
سناء: أي حبيبتي كلن الصبايا وصلو ,,لا تتأخرو أي حبايبي
أنهار: أن شاء الله باي
سناء: باي
أنهار: حنون حنين
حنين قامت مفزوعه: هااا
أنهار: بسم الله يلا الساعه صارت عشر أنزلي الصالون سناء تنتظرك
حنين: طيب آخد لي دش وأبدل ملابسي وأنزل بتتعدلين عند من؟؟
أنهار: بلا شك لينا وأنتي؟؟
حنين: الميك آب أمي والشعر سناء
أنهار: يلا يلا خلصي بسرعه
حنين: طيب
نزلو حنين وأنهار مع بعض لقو الكل متجمعين ع الفطور ...
حنين-أنهار: صباح الخيررر
الكل: صباح النور
أبو وافي: هلا هلا ببناتي
أنهار: هلا بك زود يبا
أو وافي: الله يحيك,,إلا العروس مو عاطيتنا وجه عسى بس مو زعلانه علينا؟؟
حنين بخجل: وش دعوه يبا
وافي: ياناااااااااس شوفو أختي تستحي ياحلوك مستحيه ياحنون
حنين: لا والله
وافي بعناد: مقدر ع الدلع أختي بس أنخطبت صارت رقيقه ياويلي
أزهار: وفوي حرام عليك أعقل عنها
حنين بصوت واطي: الله يراويني فيك ياوفوي
وافي: الله يسمع منك متى بس ياربي
أبو وافي: أستح ع وجهك
وافي: بنت أنا عشان أستحي لاحياء في الدين الزواج نصف الدين اليوم ياحنون راح تكملين نصف دينك...
أنهار: هههههههه وفوي وش فيك صاير كأنك عجوز قريح
الكل: ههههههههههههههههههههههاااي
أزهار: أكلي حنين ماما
حنين: آكل
وافي: عز الله بيتروع الرجال أكلي لا تفشلينا يفكرك أفريقيه ولا شي
حنين: وفووووووووي أعقل عني
وافي: ياعيووووووونه ماراح أعقل
أبو وافي: واااااافي وش فيك أحشمنا
وافي: لايبا بس جالس أمهد ليها عشن تتعلم ع الكلام الرومنسي لاتفشلنا مع الرجال
أبو وافي: أستح ع وجهك ياللوح
وافي: مقبوله يابو وافي بس عشانك أبو العروس
أنهار: يلا حنون هذا بيشيبك كفايه أنك قبل أمس صابغه شعرك مو ناقصين تردين تصبغينه اليوم
وافي: والله يلعبون عليكم يالبنات كان أنتظرتي تشيبين ولا تخسرين حالك
أزهار: وش حليلها بنتي جب بس جب ياللي ماتعرف
وافي: بعرف بس وش بقى من ملامحها اللي يشوفها مايقول هذي حنين
حنين: هيهيهي أجل خيالها عارفه أني حلويت
وافي: لا والله قبل أحلى قصي أضافرك لاتروعين الرجال يفكر وحش بيفترسه بهالمخالب
أنهار: جب بس بنشوف مرتك شتسوي في نفسها
عبد اللطيف خال حنين: السلاااام
الكل: وعليكم السلام
عبد اللطيف: أحم يالله يالله
أنهار: ههههههههه تفضل هذي حنين
عبد اللطيف: من جد ,,أنا فاكر نفسي غلطان في العنوان أقول شاللي سوى بنات أختي شقر كذا
الكل: ههههههههههههههههههههههههه
أزهار: وش رايك حلوة صح؟؟
عبد اللطيف: أي بصراحه شي سوو شعر غاده
أزهار: ولا يهمك ع يدي
أنهار: أيووووه يالخال أكشخخخخخخخخ هذا اللي يعرف مو اللي هنا"وتأشر ع وافي: ما أقو اللي مالت بس
حنين: هذا خدو له صوماليه يكون أحسن
الكل: ههههههههههههههههههههه
وافي: هيهيهيهيهيهيهي ترى سيف كأنه هندي
حنين: لاوالله
الكل: ههههههههههههههههههههههههههههههههههه
عبد اللطيف: أحلىىىىى يالخال من الحين هااا
أنهار: الله يعينك ياحنون يلا يلا بس خل نروح الصالون
عبد اللطيف: أذن ترى أول شي صلو
أنهار: يووووه راح علينا الوقت وسناء ولينا ينتظرونا يلا حنون خل نصلي في المشغل عشان طوالي نتعدل عقب الصلاه
سالم: ع الساعه 2ونص أستعدي بابا حنين عشان الشيخ راح يجي يسمع موافقتك
حنين بحياء: أن شاء الله "وراحت مع أنهار عند المشغل"
أنهار وهي ماسكه مقبض الباب: تفضلي
حنين: ياربي أنهاروه خايفه
أنهار: يالبقره أحنا بندخلك الصالون مابندخلك عند سيف يلا حركي
حنين: لحظه باخد لي نفس
أنهار دفتها ودخلو سوا
البنات: أفضل الصلاة والسلام عليك ياحبيب الله محمد كللللللللللللللللللللللللللللللللللللللللللللللللل للللللللللللللللللللوووووووووووووووووووووووووووووو ووووووووووووش ...

طلت عروستنا يامحلا طلتها ..
طلت عروستنا وبيدها دبلتها ..
عروسنا غاليه وياكثر غلاوتها ..
كلنا نحبها وما راحت محبتها ..
طلت عروستنا والليله ملكتها ..
على الهادي صلينا بارينا يحفظها ..
طلت عروستنا وغار القمر من حلاوتها ..
ياربي تسعدها ومن عين الحساد تحفظها ..

وقام الرقص والفوضى والكل أستقبل حنين اللي تبوسها واللي تغني واللي ترقص وكأن الليله الزواج ما كأنه بس ملكه عاديه كانت أجواء الفرح ماليه المكان والبنات مسويين أجواء جنان وهم يمكيجون حنين وساعه يرقصون وساعه يغنون وساعه يكملون شغلهم ...
حنين..أشوف البنات من حولي يرقصون ويغنون وكأن الليله العرس جا في بالي ليلة الحفله والعرس وش بيسوون إذا الليله ملكه عاديه وسوو كذا من جد أنبسطت وأبتسمت لكن بس أتذكر أن الليله ملكتي وباشوف سيف ياااااااربي يجيني رعب من هالفكره ...
أزهار: حنين ماما كيف تبين شكل شعرك؟؟
حنين: أممم مابي شي ثقيل أبي شي بسيط
سناء: شو شي بسيط الليله ملكتك أنتي عروس عن الجنان حنين هي ليله مافي غيرا
حنين: أنتي قلتي ملكة مو حفلة ولا عرس بعدين إذا سويت ميك آب ثقيل الحين ليلة الحفلة مابيتغير شي
أزهار: حلو وأنا أقول كذا لأنه أول مره راح يشوفها الأفضل أنها تكون الأقرب إلى الطبيعه ولا وش رايك ماما؟؟
حنين: أي خلاص
أنهار: يلا حنون أبوي جا مع الشيخ يبي يسمع موافقتك وبعدها كملي سشوار شعرك
حنين..جاني مغص في بطني وأحترق وجهي وبلعت ريقي وكأن الضربه القاضيه جتني ...
أزهار: لاتخافين ماما راح أجي معك
أنهار: باجي معاكم أبي أشوف شكل حنينوه
الكل: هههههههههههههههههههههههههههههههههه
سناء: ومين اللي مايبي يشوفا وراكن ماراح أتركن ياا
وتوجه الجيش مع حنين للمجلس وكلهم بعبايتهم ومتغطيين ...
أنفتح الباب شوي هنا حنين طاح قلبها ...
الشيخ من وراء الباب: هل تقبلين بسيف بن...... الـ......... زوجا لك ع سنة الله ورسوله؟؟..<<نسيت الباقي هع هع
حنين: ..................
أزهار أنقدتنها: نعم
الشيخ: مبروك وتقفل الباب
"سمعو طق ع الباب هنا حنين طاح قلبها"
أزهار: تفضل ماما وافي
وافي..بسم الله الرحمن الرحيم شيسون هذول لايكون بس سيف بيتزوجهم كلهم خخخخ وين أروح أنا أيي أنتبهت لأمي وحنين وأنها فاتحين وجوههم ورحت عندهم تباوست مع أمي وبست راسها وباركت لها ونفس الشي حنين وأنهار ومديت الدفتر لحنين ...
وافي: هنا وقعي
حنين وقعت وعطته الدفتر ...
وافي رد سلم عليها وتباوس معاها: مبروووك
حنين بخجل والصوت ياذوبه يطلع: ربي يبارك فيك
أزهار: عقبالك ماما
وافي: الله يسمع منك مع السلامه "وطلع"
البنات: أفضل الصلاة والسلام عليك ياحبيب الله محمد كللللللللللللللللللللللللللللللللللللللللللللللللل للللللللللللللللوووووووووووووووووووووووووووووووووو ووووووووووش
وفسخو عباياتهم وراحو ع المشغل وهم يغنون ويرقصون ...
لمى: السلاااااااااااااااااااااااااام
أنهار وهي تقرص وتردد الأغنيه: ياسامعين الصوت مجنون أنا فيها ماهي بحلوة موت بس ميتن فيها"وهي تهز كتفها في وجه لمى سلمت عليها وتباوست معاها: هلا وغلا بأخت المعرس
لمى وهي تضحك: أهلين بأخت العروس
أنهار: تعالي الحين أنا شسميك؟؟
لمى: هههههههههههههههههه مدري أصير لك مرت أخو أختك يعني أختك أسهل
أنهار: هههههههههههههههههههههههههه ,,لا تصيرين لي أخت رجل أختي
لمى: هههههههههههههههههه أعذرني تراني مخرفه
أنهار: الله يعين مانمت مع حنون
لمى: ههههههههههههههههههههه زي حال عبيروه ورانيوه الأمس
أنهار: هههههههههههههههه وينهم؟؟
لمى: جايبين لهم وحده تعدلهم في البيت لأن كلهم بس سشوار وميك آب عادي
أنهار: أهاا,,حلو مكياجي؟؟
لمى: رهييييييييييب ,,وين مرت أخوي؟؟
أنهار: مرت أخوك تصور لحظه تعالي معاي
دخلت لمى مع أنهار لغرفة التصوير لقت حنين تصلي: تقبل الله
حنين وقفت تسلم وتتباوس مع لمى وبهمس خجول: الله يبارك في عمرك
لمى: الله الله كل هالحلاه الله يساعد أخوي
حنين أبتسمت ...
لمى: هييييي حنون مو أول مره أشوفك خلي الحياء ع جنب شوي
حنين بخجل: ههه
أنهار: أبعرف بس وش راح تسوي هذي إذا دخل سيف
حنين أنمغص بطنها بمجرد أنهم جابو طاري سيف وضربت أنهار ع راسها ...
لمى: هههههههه الله يعينك ياحنون صدقيني عاذرتها لأني صرت في موقفها وربي صعبه لكن بعدين إذا تذكرتي حياك تضحكين ع نفسك
أنهار: ترى الحين بس نزل عليها الحياء من شوي فالتها ضحك ووناسه مع البنات
لمى: هههههههههههههههه الله يعينها"رن جوالها: أووووووه المعرس......................هههههههههههههههههه.... ...........................أنا مع العروس..................ههههه.......لايكون تبي تسمع صوتها تراني نحيسه..........................ههههههههههههههههههه هههههههههههههههههههههههههه...........ياخجول أنت...........................متى راح توصل...........................يعني ماباقي شي...........................مين................عب ير ورانيه!! عز الله زفوك ع مستشفى المجانين.................................ههههههههه ههههههه........................مدري والله...................ما أتوقع لأن بس أنا وأمي وخواتك وخلاتي الصغار وخلات العروس وعماتها.........أي بس عائليه مافي ناس كثير....................خلاص أنتو خصلتو صح؟؟..................عارفه من العصر راح علي ماشفتك وأنت تملك.......................ههههه..............بالب ركه.................خلاص نص ساعه وأكون ع الباب................راح أستقبلك........................ههههههه............ .....مو الحين راح تشوفها.................بعد ماتوصل أكيد يعني..............أي خلاص هي خلصت...............خلاص إذا وصلت عطيني رنه.............باي,
أنهار: لاتقولين الحين بيوصلون
لمى: أيوه هم ع وصول بس بيمر عبير ورانيه فاضحين الدنيا يبون يركبون مع المعرس
أنهار: هههههههههههههههههههههه يلا حنون أستعدي نفسيا
حنين "خدت نفس عميق"

:*:*:*:*:*:*:*:*:*:*:*:*:*:*:*:*:*:*:*:*:*:*:*:*