السلام عليكم ورحمة الله وبركاته ..
اقدم لكم قصيدتي بعنوان قلب هالك ..
:: :: :: ::
استغاثة قلب هالك ،، يعتريه الشوق جالك ..
منتهي ظامي لحنانك ،، ينتظر لحظة وصالك ..
:: ::
مل من كثر الغياب ،، ممتلي شوق وعذاب ..
ماترك لك أي باب ،، إلا وتعنى وجالك ..
:: ::
ماهو متحمل عذابه ،، لك حنين وشوق جابه ..
حتى في عز الكآبه ،، خافقي يتبع ظلالك ..
:: ::
طير وأجوائي عيونك ،، غارق بفوضى سكونك ..
ما أبي الدنيا بدونك ،، ولا أبي واحد بدالك ..
:: ::
صاينك هالقلب تدري ،، ولو تمادا عندي عذري ..
عاشقك والقلب مبري ،، عايش بقلبي لحالك ..
:: ::
حس في نبضة خفوقي ،، وارحم احساسي وشوقي ..
ياللي تسكن في عروقي ،، ياترى اسكن في بالك ..
:: ::
ياللي تتملك احساسي ،، لاتصير انسان قاسي ..
غلطه وحده منت ناسي ،، وآنا كل عمري فدالك ..
:: ::
خذ عيوني وشوف بيها ،، كيف عينيك أفتديها ..
من كثر ما أموت فيها ،، ليت كل عمري قبالك ..
:: ::
يامساءاتي وصباحي ،، انا من كثرة جراحي ..
لاانام ولاني صاحي ،، سارح بجنة خيالك ...
:: :: :: ::
في انتظار انتقاداتكم ..
لا احلل ولا ابيح من ينقلها..
بقلم شبكة الناصرة ..
