غربة الأوطــــــــــــــــــان...

شيء من الحلم ...
يداعب مخيلة كل حي ،، وحفنة من الأماني تحلي الأيام المُره....

حيٌ هو و أي حياة تلك ؟؟؟!!

ان زينتها الفرحه اثقلتها الأتراح..
وان داعبتها السعاده نثرت الهموم ملحاً على الجراح...

قد يكون القدر صعباً عسير ..
و الفراق بطل في حياة ذلك الحي ..!!

وقد يضع اللقاء نقطاً على حروف حياته الصماء..
لتنطق بما يجعلها تزدان بـالأمل...
ربما يخذله من يحب..
وربما ينال الأحسان ممن لم يتوقع ان ينال منهم أي شيء.!!

تراه معاتباً القدر ونادباً حظه وناعتاً اياه بالدقيق الذي فوق الشوك قد نُثر!!!
وبقسوة يُأمر الحافي بجمعه مع هبوب رياح الملمات العاتيه...!!

إلا ان لـلأبتسامة الصادقه سحرا ... ولـلعيون الناطقة جاذبية ...
يأبى أي شجن ان يخمد تأثيرهما ...
.
.
.
.
.
.

غربة الأوطان...

احداث القصه عام 2007 م

موسيقى الحكاية...

http://www.alnassrah.org/uploads/ima...3492d4cd83.gif

الشخصيات:
عائلة يوسف :
يوسف : 20 سنه ..
ماريا : اخته الصغيره صف ثاني ثانوي..
حسن : اخوه الكبير 33 سنه
وداد : مرت اخوه ..
فرات : بنت اخوه .. صف اول
محمد : ولد اخوه صف ثالث
علاء : ولد اخوه سنتين
ناجي : اخو يوسف ..مفقود وعمره 25 سنه كان يشتغل في امريكا في ولاية فلوريدا .. صاحبة اعصار كاترينا .. واعتبر من ضحايا الأعصار بعد فقدان اي اثر يدل عليه....
---------------------

الجيران :
عبدالأله .. سائق باص ثانويه للبنات .. مسؤول عن عايلته بعد وفاة ابوه
ام عبدالأله .. تحط بالها بالة كل شي
شهربان .. اخته صديقة ماريا..
---------------------

الأهل :
بيت ابو مجتبى:
ابو مجتبى .. يمتلك مزرعه
ام مجتبى .. تدرع .. (( تشتغل مدرعه))
مجتبى .. 30 سنه ..يشتغل في الخفجي من سنين
اماني .. اخت يوسف متزوجه مجتبى .. 28 سنه عمرها
ايثار : بنتها 5 سنوات
باقر : ولدها قد ولد خاله .. ثالث ابتدائي
أحمد : اخو مجتبى .. خريج جامعه ..
نور : صديقة ماريا بثالث ثانوي
أمير : اخوهم الصغير مصاب بالتوحد .. 13 سنه

----------------------
جيرانهم ..
فتحية : ام وداد...امرأه متقلبه.. يوم زينه ويوم شينه..
عبدالستار : ولدها الكبير .. شاب والنعم فيه .. صديق حسن اخو يوسف
فتحي : ولد فتحيه .. 26 سنه.. راعي محل شيشه ومعسل ومعروف في الفريق بسوالف مهي زينه..

-----------------------------
شلة الدراسه بالرياض .. مع ذكر سلبيات كل شخصية.
نوري .. 25 سنه .. راعي صواريخ
مصطفى .. 24 سنه خجول جدا
محسن .. حسود
ايمن .. بخيل
هاني .. هدار وراعي سوالف ..
<< الثلاثه عمرهم 22 سنه
مراد : فيه شوية صياعه
شفيق .. يعاني من الوسواس القهري
<< اثنينهم قد يوسف 20 سنه

حبيب .. 25 سنه.. عصبي
سيد هادي .. 25 سنه .. يرتفع صوته ويتفاعل على اقل شي
كاظم .. بارد و تجيه حالات يفهي
صادق : لا يسمع لا يرى لا يتكلم اذا مسك كتاب .. (( مثقف بزياده))
<< الأثننين 23 سنه

----------------------------

امريكا..
جون : رئيس عصابة سرقة
سام .. الذراع الأيمن لجون.. من اصل عربي...
مايك + ستيف + رامون ... الشخصيات البارزه في العصابه

مع ظهور شخصيات اخرى في الروايه..

.
.
.

بسم الله و الحلقة الأولى....

صوت حنين الباص يجبر الطلاب المسافرين الى الرياض... على الصمت ... هدوء يعم الأجواء... وعلى كرسي فردي وعند النافذة سند يوسف راسه وسرح في عالمه اللي خلفه وراه بالقطيف ...

حسن بعصبيه : ــ افشل منك في هالحياه ماشفت ... دلعوك وايد المرحومين ... مو لأنك آصغر واحد بتصير اكل ومرعى وقلة صنعه... يعني مجموعك مو قوي و ماحصل لك هندسة طيران خلاص تقعد عله على شبدي ... انا ابدي ويش لو ويش..؟؟؟ هاااا ليش لمتى بتقعد كذا ... لا يكون خلفتك ونسيتك؟؟؟ اخو على قلة فايده... قال ويه مهندس طيران.. ويش بتسوي يعني؟؟ بتصلح طيايير لو بتسووقهم .. طلع لك ريش من هالقعده وماغيرك اللي بيطير....

يوسف بعصبيه اكثر : ــ اوووووووه... وانا ما ارجع البيت الا الاقيك مقابلني بهالهدره.. قلنا لك طافنا هالسمستر التسجيل ... مافي محل يقبلنا خلاص وتوي راجع من المداور والمشاوط اشوف أي محل يضفني اشتغل فيه هالفتره مانى محصل ,,, امووت يعني ... اذبح رووحي ... وبعدين ويش هالمذله على الصرف ..اتوقع ما صرفت من عندك ولا ريال كل من نصيبي في الورث ..

حسن يزيد : ــ نصيبك ونصيبك... طايح على مال قارون عفر .. اقول بس ان ما بطلت شغل هالهياته الا اراويك؟؟؟ طافك ... طافك من ويه..؟؟... من الخيابه... من طياحة الحظ ... والا احد يسجل بس في محل واحد.. اقعد يللا ... نشوف آخرتها وياك...

كان بالصاله معاهم اماني اختهم عمرها مابين حسن ويوسف.. ومرت حسن .. وداد.. امرأه فيها من الخبث والنحاسه ما شاء الله... لا تحل ولا تربط وبس حيه من تحت التبن تنفث سمومها...
تدخلت اختهم اماني و حدها متأثره على يوسف وحالته:
ــ ياخوي .. ابو علي .. هدي بالك بس .. يوسف مو مقصر ويانا اني وماريا وشايلنا شيل ... وفوق هذا يدور اكو شغل لويه تقول له مامنه فايده.. الله العالم اني بدونه في غياب مجتبى ويش حالتي..!! (( ماريا اختهم الصغيره بالصف الثاني ثانوي))
حسن بدون أي ادراك:
ــ انتين ما تتدخلي ... مو كفايه بعد متحملنش انتين وولادش ... ريلش يوم ماعنده سكن لويه يعرس .. ومن متى وهو في الخفجي...؟؟؟ ماصارت دا عمل..!!
دموع اماني طغت في عيونها وحست بالأهانه...
يوسف ماقدر صرخ في اخوه:
ــ ويش ماخذه منك هي ياحسره.. مصرف بعد ؟؟؟.. لو ماكله وقتك بالمشاوير .. لو محتله غرفه ...؟؟؟ في المجلس هي وولادها.. وريلها في الصحرا يكرف لويه.؟؟؟. مو على شانها وعلى شان ولادها.. صحيح ماعندك احساس..

حسن :
ــ انا ماعندي احساس.... ماعليه لكن... اراويكم....
حسن بيطلع من البيت الا بدخلة ماريا.. راجعه من المدرسه..
حسن بعصبيه:
ــ وخررري عني زين...
ماريا مختلعه:
ــ بسم الله ويش صاير؟؟!!
وطلع وكفخ الباب...
وعلى طول وداد انحاشت غرفتهم وسكرت الباب....
اماني بقهر :
ــ انحاشت ساس البلا...
ماريا: ــ ويش صاير في حسن؟؟
يوسف مقهور :
ــ خلوه يولي .. سكانه مرته....

قطع على يوسف سرحانه صوت نغمة رساله في جواله... فتحها..لقاها من اخته اماني :
ــ غناتي .. قاعد لو نايم... ؟؟ لويه ما اخذت كيس الأكل اللي على الطاوله وياك...
ابتسم يوسف و رد عليها برساله:
ــ غافيه عيوني ... المشوار ماكنه 4 ساعات كنه دهر... ماعليه خليه للصغار انا ادبر عمري لا تحاتيني...

ابتسمت اماني وغرقت عيونها بالدموع...
ماريا جنبها صارت تضحك:
ــ توه بداية السمستر الثاني ترى.. هذا لو مفارقنش من السمستر الأول ويش سويتي..؟؟
اماني:
ــ غصب عني ياخيه مو بيدي .. هذا الغالي الحنون...
ماريا: ــ ايييه... لام الله اللي يلومش.. مادري ويش خانتنا الحين بدونه.. الله يرحمك يا ناجي... والله يعييننا على فراقك يا يوسف..
ــ يارب ياكريم...

رجع يوسف سند راسه وغمض عيونه ومابين اليقظه والحلم صار يسمع نغمة جوال...
كلما قلبني الهم سأشكـــــــــــــو يا علي. حينما يهزمني الدمع سأبكــــــي يا علي. في قيامي في قعودي سأنــــادي يا علي ..
ظل مغمض وهو يسمع النغمه اللي كان يعشق قصيدتها بشكل مو طبيعي... وفي قلبه يردد.. يااعلي .. وياعلي... وياعلي...

وراه بكم كرسي .. كان مصطفى... شاب متيين خجول... وعالنيات عايش...
انتبه هو الأخر لنغمة الجوال وكان جواله حاطنه بشنطه مع اغراضه وهالشنطه في الرف فووق بعد كرسي يوسف بشوي...
مصطفى خجلان بالمره انه يطلب من اللي قدامه يكلمو يوسف يناوله الشنطه... ومرتبك .. والجوال مو راضي يسكت...
وكل واحد يطالع في الثاني واللي يسولفو واللي حاقرين الرنه مو شغلهم يتلقفو..
جازف مصطفى وقام.. وما شالله على قومته.. عبر في الممر بين الكراسي وهو مرتبك لين وصل قريب للشنطه عند كرسي يوسف ..
الا على حظه يضرب الباص مطب من فشالة الطريق في جهه متكسره .. يجبر مصطفى يفقد توازنه ويزيد ارتباكه... وهوووب يطيح في حضن يوسف
اللي مااحس الا بشي هابط عليه مخمد على انفاسه وهو غافي ومندمج.. وخلاه يصرخ من قلب :
ــ آآآآآآآآآآه..
خلت السواق يختلع ويوقف يلتفت ليهم..
ــ خير ..؟؟ ويش فيكم...؟؟

الا يسمع الصبيان مابين ضاحك وساخر ومابين اللي يقول سلامات عسى ما تعورت << يقصدو يوسف ..
واللي يقول لمصطفى الله يهديك كان قلت لينا نناولك اياها...
والضحك والهدره قايمه..
واللي لسانه متبري منه ويقول .. دبابه هجمت عليه واللي يقول اشوى ما فطسه..
مصطفى خلاص حس نفسه قد النمله من الأحراج والأرتباك.. احمرت خدوده عيونه و خشمه.. وبصوت متقطع:
ــ آآسسف..
يوسف من بعد الخلعه عور بقلبه مصطفى... ابتسم له وصار يواسيه:
ــ لا تحط في بالك ياخوك.. حصل خير...
ابدا مصطفى يحس روحه مايسمع شي من الأحراج.. مسك شنطته مثل الطفل حضنها ورجع محله يزحف من الحيا...
محسن :
ــ ووووووووووول .. صافيوه زين ما دبحت الرجال...
مصطفى منقهر ومرتبك:
ــ انشب يالحسود...

محسن : ــ ههههههههه ماتقدر الا علي ..
نوري : ــ هههههههههههههههههه تصدقو ان الخلعات مفيده تنشط الدوره الدمويه...
ايمن : ــ وووووووفففففففففف بووووم صاااااااااارووخ ارض جو .. ماعليـــــــــــــه..
نوري : ــ اوووووه صدقني كيفك..
ايمن : ــ من كم ؟؟ اذا كلامك اخرررطي ..
نوري : ــ من كف..
ايمن : ــ فارق زين..
محسن: ــ وانتون كل شباق.. وووول عليكم...
نوري : ــ ول في عينك.. يا بو عيون .. زي التفق عيونه حسدتها والقبر..
محسن: ــ تافقو بك..
نوري : ــ هههههههههههه ويش تافقو بي بعد... اقول مصطفى مين المتصل؟
مصطفى مافتح الشنطه من الأحراج
ايمن : ــ استر ياللقفه.. شدخلك....
نوري : ــ صديقي وكيفي وياه.. التهي عد قروشك بس...
ايمن : ــ قرقشو بك..
محسن : ــ ههههههههههههههههههههه ايوا ايوا طايحين فيه ابو الصواريخ
نوري : ــ بتنشب لا امردغك واطلع عواينك العب بهم تيل في الممر ..
محسن: ــ هههههههههه استر عالعضلات..
نوري كان لابس مزلط ... نفخ عضلاته وبحمق:
ــ ماتشوووف لو اراويك بعد...
محسن: ــ ول .. خلاص خلاص لا يتفجرو...
نوري : ــ ما بتووب ياحسود لو بتووب تبت..
محسن بسخريه: ــ اذا تبت عن صواريخك باتوب عن حسدي..
ايمن: ــ تتوقعو على اللي دفعناه بتكون الشقه عدله ومحترمه..
نوري : ــ كح .. اللي يسمع دافع مليون ...
ايمن : ــ ويش قصدك..!!!
نوري : ــ لا سلامة عمرك يا بعد شبدي... << شاف الشقه من قبل وحالتها حاله.. بس سكت لأن مافيه غيرها تناسب ميزانيتهم..

كلما قلبني الهم سأشكـــــــــــــو يا علي. حينما يهزمني الدمع سأبكــــــي
نوري : ــ ارد عنك..؟؟
مصطفى بنظرات منقهر:
ــ الوو... هذا انت يادفش..

ايمن : ــ ههااااي ماغير هانيووو ابو حريمات..
نوري : ــ استح بس استح.. لا احد يسمعك تشوه سمعة الرجال..
ايمن : ــ هههههههههه خلاص نعدلها.. ابو هدرة الحريمات..
محسن: ــ ول .. يازعم عدلت..
ايمن : ــ منى عمري ما اسمعك تقول ول...
محسن: ــ ومنى حياتي ما اسمعك تقول من كم وبكم...!!

مصطفى : ــ اووه.. ماحد قال لك ماتطلع ويانا تبغى بس تجي بارده مبرده بعد مانرتب وضعنا والحاله لكن ما نبغاك ويانا بالشقه بنطردك برى.................... زين على خير .. .......... زين خلاص ... ويش دخلني في نادروه و صاقعوه.. جعله يروح المريخ مو استراليا بعد.. شان رحت وياه..

محسن: ــ ول .. نادروه العتوي المقرطع راح استراليا
نوري : ــ هههههههههههه انا لله الرازق في السماء والحاسد يمشي على الأرض..
ايمن: ــ تتوقعو كم كلفته هالسفره؟؟ خبري مو بعثه .. لنه خايب وطايح حظ و..
نوري : ــ اتوقع بجيك كف انت وياه صجيتو راسي بهدرتكم الماصخه..

مصطفى قفل جواله: ــ انا بعد اقول ..

يوسف بعده قلبه يصافق ... وبنفس الوقت فيه ضحكه... وفي باله :
ــ ظريف هالرجال... باين عليه خوش واحد من خجله مسكين.. انحرج وايد....

ساعه بقت ويوصلو ... ويوسف يفكر شلون بيكونو زملائه بالشقه... وكيف بيكون وضع الدراسه في الجامعه خصوصا بعد ما رضخ للأمر الواقع و قرر يدرس هندسة ميكانيكا .. عالأقل يحسها اقرب شي لطموحه و حلمه..

ومابين زحمة الأفكار الا بالسواق ..

الى الملتقى

الله تجنن وتصيح هذا واول جزء بس
خلاص بكره اجهز علبه الكلينكس جنبي
مشكوره اميره على الروايه كنت متحمسه عدل لين
حطيتيها وبعدني متحمسه للاجزاء الجايه
بانتظار الاجزاء الباقيه على احر من الجمر
تحياتيـ ..

الرواااايه شكلها جونان<<طبعا بتكون جنان مو هي من امووورة
غنااتي امورة ياليت بس لو تطولي الباارتاات ماحتمل اقرا روااية مقطعة
بس شكلها شوية حزينة من اسمها ومن بدايتها موو؟
من الحين نجهز المنااديل للبكاء <<خوش فصحة
ياااربي اني متحمسسة مرررة للأجزاء البااقية
ولاتنسي تطوليها
يسلمووو ع الروااية الحلووة زيش
الله يعطيش الف الف الف الف عااافية
ولاتحرمينا منش
ويشرفني ااكون ثاني وحدة ردت وشافت موضوعش الحلوو مثلش
طولت الكلام مو؟؟ شسوي اني هداارة والرواااية حلووة
بلآنتظار للبارت الجاي
يلا سي ياا..~

حركتتات ياا أمووور

بس الشخصيات طوويلة يبغى لهم مذاكرة عـدلة هع

بقراها عن قريب بس عندي لأنو شوية زحماات

يلا عاد حجزت ليي مقعد ^_*

تحيااتي

من بدايتها تجنن

خاصة شلة الباص والشقة خخخ حركات شكلهم

تسلم ايدك

ربي يعطيك العافية

روايــه مــن اسـمهـا حـزينـه جـداً

ولو تطـولي البارتات احسـن لان قـصار شـوي

امـور روايـه حلوه من بدايتـها واكــيـد نهـايتـها حـلووه

و ننتـظر البــارت القـادم و ماذا سيحصل في السـوق
تحياتي
جنون الذكريات

عدل .. عدل .. عدل .. http://smiles.oo3o.com/small-smiles/...all%20(15).gif

والتكلمه الا بالسواق يقول وصلنـأإ < جابتها http://smiles.oo3o.com/small-smiles/...all%20(18).gif
عجبتني سوأإلفهم ونـآأإسسسـهـ http://smiles.oo3o.com/small-smiles/...all%20(37).gif ..!
أإحسن وأإحد مصطفى مسكين عور قلبي لو مكانه صحت هههههههه http://smiles.oo3o.com/small-smiles/...mall%20(3).gif
شكريـأإت أإموره ..
ننتظرك http://smiles.oo3o.com/small-smiles/...all%20(21).gif

يعطيش العـآفيـة آموورة ع الروآية

عـآد لا تصيحينــآ وآجــد>> * *

لي عودة بقرآتهــآ
وآكيد أنها رووعه مثل الللي قبلها

الله يعطيج العافيهـ
يسلموووو على القصة الروووووووعة
تحياتي,,... مجنونةوحلوة

يعطيش العافيه أميرة
بدايه موفقه إن شاء الله
ننتظر التكمله

سلمتي سلمك الباري
قريت رواياتش كلهم وبس شفت الاعلان جيت طياري
والله ابداع اني كل ما ابدي برواية اطفش اكملها ...ابو الكسل
بصراحة الصلات على محمد لا عدمنا جديدك
ابدعتي وتألقتي غاليتي
لك خالص ودي على بدات روايتك الممتازة

بداية موفقة كـ العادة
احلى احلى يالحركات
اذا هذا الاول كذا الله يستر من الجاي
بس الله هالله مانوصيش خيتو
بس اذا في مقاطع يبغا ليها دموع قولي لينا عشان نخليها حق الليل << يقول البكي بس على أهل البيت عليهم السلام مايفطر
بنتظار البارت الجديد
ونشاء الله يكون اطل ^_^
سيٌٍىُْ~يآَإ‘

روووعة امووور جد روووعة من بدايتهاااا
ياااعلي وعلى قلبي صفوي عور قلبي من الفشلهـ<<<<<كف الحين
يلا بالانتظاار قلبي << امم بطلب منج طلب امووورة ياليت لوو تكبري الخط شوي
<<<على كيفج سكتي لاطراقات
يسلمووووو يالغلااا

رووووووووووعة من بدايتها روووعة
امورة كبري الخط
ننتظر الاجزاء

بسمهـ تعالي ..!

غاليتي اموره واخيرا نزلتيها وي ننتظرها من زمن جدي ..

::

راح يرجع النشاط بتواجد قصتك يالغاليه ..مرهـ روعه بدايةموفقه

لي عوده اقراها مره ثانيه اقراها باللعجله وراي شغلات

::

موفقينـ

كل مرهـ بقراهااا بحط الموسيقي الي انتي حاطتها عشان اتفاعل مع الروايهـ

::

مرهـ روعهـ الموسيقي

جايه متاخره الحمد لله ماحطيتيها اميره
شكلش تدري اني بطلع اليوم
بانتظار الجزء على احر من الجمر
تحياتيـ ..

مرحبا
اعود ..
تسبقني اشواقي اليكم.. لأرى ردود افعالكم..
رائعين انتم كعوائدكم في الترحيب و التشجيع..
تطربني تعليقاتكم فأنتشي فرحا.. ولا املك الا الشكر والدعاء اليكم ..
ادامكم الله بصحة وعافيه
وبلغكم كل مراد....

:) بالنسبه للخط.. من عيوني نكبره حاضرين..
:) بالنسبه لتطويل البارتات.. قلت ليكم اني شوي شوي علي حق تنالو اللي يسركم.. وليكم هالشي طول ما اني اقدر..
فلذلك صبروا علي ..

و تفضلو الجديد...

ومابين زحمة الأفكار الا بالسواق ..

ــ الحمدلله عالسلامه شباب ... وصلنا يللا تسهلو .. .. و لا تنسو اغراضكم.....
نزلو اللي بالباص.. ويوسف كرسيه اقرب واحد الى الباب حاط شنطته و ماد رجوله وسرحان و قاعد ماتحرك...
الا نوري يعلق وهم نازلين:
ــ خذ لك .. مصطفى شكله الرجال مات بعده قاعد..
مصطفى منقهر ولا رد على نوري..
نوري تقرب من يوسف:
ــ هلا ياخوك...ما بتنزل .. ؟؟؟
يوسف انتبه من سرحانه:
ــ هااااا....
نوري فيه ضحكه يحاول يكبتها:
ــ وصلنا ياخوك الرياض ....
يوسف استوعب الموضوع: ــ هااا.. ايه ايه....
ومابين ما مصطفى ينزل ومطنش هدرتهم هو وصل للأرض .. الا بنزلة يوسف بالسرعه مانتبه ان قدامه احد غير انه كان طول الطريق مابين الصاحي والنايم ..
شووي ... اسودت الدنيا في عيونه ودار راسه.. وصقع في مصطفى..

مصطفى انصرع...وتباعد عنه ... ويوسف يحاول يتوازن....

محسن: ــ ول ... ويش فيه... !!
نوري : ــ ياساتر دار راسه ....
طلع له غرشة ماي ومسكه:
ــ سلامات ياخوك...
يوسف توازن وانتبه لروحه.....
ــ الله يسلمك .. مشكور بس...
نوري يسكر الغرشه:
ــ الا ما تعرفنا ويش الأسم.. ومن وين خيوو ...؟؟
يوسف : ــ يوسف يعقوب آل ... من الـ.........
نوري : ــ ياهلا فيك خيوو.. انا نوري آل ... و هذا ايمن آل .... وهذا محسن آل ....... وهذا مصطفى آل ... وكلنا من القطيف و من قرى مختلفه فيها ..

يوسف يصافحهم ولما وصل لمصطفى ابتسم وضغط على ايده بحراره..
مصطفى خجل وارتبك...

نوري : ــ الا ياخوك وين ساكن بأي عماره..؟؟
يوسف ابتسم : ــ العماره اللي في حي .... قريب بقالة ميد..
نوري : ـ ياسلااااااااام عالصدف يا سلاااااااام... نفس عمارتنا حنا مغيرين السكن وتونا بنسكن فيها..... يللا اجل ويانا تاكسي ونرووح جميع ..
ايمن يساسر محسن : ــ نوريوه ملقوف وصواريخه عالميه.. من يلبق في الواحد يبدي يفلت مجاملات من كل نوع...
محسن : ــ ول عليه ... ما يقدرررررررر ...
مصطفى يطالعهم على جنب سمعهم...
محسن ابتسم: ــ ههههه.. صطيف .. شحالك؟؟؟
وقفو ليهم تاكسي ..
ايمن: ــ مصطفى قدام..
مصطفى يطالع ايمن على جنب .. :
ــ ادري مايحتاج تقول ...
ايمن : ـ لا مو على شان شي ...
مصطفى حط اغراضه في الشنطه وركب ولا كنه يسمع ايمن..
نوري : ــ وانت كل تحرج فيه ما تخف عنه شوي..
ايمن: ــ ما قصدي ... والله ماقصدي ...
ركبو البقيه ورى وصارو يسولفو
يوسف : ــ انا في شقه 4 في الدور الثاني...
نوري : ــ تمام يعني فوقنا على طول واللي جاي وياهم تعرفهم؟؟؟
يوسف : ــ ايه من طرف حمي اختي ....
نوري : ــ تمام .. زين اريح لك.. حنا مغيرين سكننا هالمره .....مممممم شكلك مستجد هذا اول سمستر لك .. صح؟
يوسف : ــ ايه صح... شلون عرفت ؟
نوري : ــ هههههههه يبين على الواحد اعرررف من شكله.
محسن: ــ ووووووووووووووووووووووووووف
يوسف يطالع محسن مستغرب يعني ويه...؟؟ ريحه خايسه لو حراان لو غفصه.. وصار يعدل قعدته..
نوري عصب : ــ صاروخ في عينك ... انشب احترمني عالأقل مو اكبر منك انا..!!؟؟
مصطفى ماقدر صار يضحك..
يوسف حس انه سبب لنوري احراج بس شلون مو فاهم...
فتدارك الموقف بسؤال :
ــ ليش انتون من زمان هنا..؟؟؟
نوري : ــ صار لينا سنتين ...كلنا سنه ثانيه .. انا محاسبه في كلية العلوم الأداريه.. محسن كلية الزراعه تخصص علوم اغذيه هو ويا هاني... هاني ماجى ويانا
ايمن : ــ ايه بس نوريو اكبر واحد فينا لأنه كان يرسب ايام متوسط وعاد ثالث ثانوي ..
نوري يطالع ايمن على جنب : ـ احد قال لك اسرد قصة كفاحي !! ؟؟؟
محسن يتدخل : ــ بل اكلته بعيونك.... زي ما انت لسان الحال عنا يقول!
نوري : - ما شالله صاير في صفه هالمره <<< لأن ايمن ومحسن 24\24 ساعه مجاكر..
و يكمل : ــ ايه المهم... ايمن كلية العماره والتخطيط .. تخصص تخطيط عمراني... و مصطفى كلية الهندسه .. تخصص هندسه كهربائيه
يوسف ابتسم ابتسامه عريضه:
ــ مصطفى .. بنفس كليتي انا لكن ميكانيكيه ..
نوري : ــ اووه تماام.. صااافيو سمعت الله الله بخوينا
مصطفى ابتسم..
محسن مو قادر قام يضحك..
نوري : ــ على ويه تضحك...؟؟؟
محسن : ــ لا ,.. ولا شي ..
يوسف حس منهم ان نوري صاير الكل بالكل تقريبا وماكل الجو بالمختصر زعيمهم وفي الصداره.. ومايدري شلون ارتاح لمصطفى وحسه حباب وخفيف دم .. واللي فرحه انه راح يتقابل وياه بنفس الكليه مابين وقت ووقت ..

وصلو العماره...
ايمن : ــ بسكم هدره يللا نزلو... ميت تعب عدلتو الأثاث ونقلتو العفش كله يوم تجو..؟؟؟
نوري بقهر :
ــ استر على دا عفش .. زوليه .. و كم مخده وتكايتين و كم ماعون و فلاجه صغيره و ...
محسن : ــ بل بيقعد يعدد..
ايمن : ــ جبتو منامي وياكم؟؟
نوري :
ــ ايه مسمار جحا هالمنام.. اشوى ماعندك غيره..

ايمن ما اخذ له لا سرير ولا دفع شي في ثمن كبت الثياب وثيابه مخلنهم في شنطته.. حده منام ومخده وبطانيه ويناقل بهم من محل لمحل...

ايمن : ــ تمام .. زين .. حلو... يللا ان شالله بس ما انترست غبار مافيني شدة اعدل شي ..

نوري واصل حده من ايمن من شوي يتليقف فيه والحين يسوي روحه عدل... رد عليه بقهر:
ــ امشي قدامي استر عالنظافه لأني نسيتك في شقتنا الأوليه ونسيت شقد انت مرتب .. والله لو ماغيرناها احسن...
محسن : ــ من حلاوتها عاد.. احس الطيفان مشبيه . نسيت الفار اللي طلع لينا من بالوعة المطبخ... هذي الحين اغلى فأتوقع تصير انظف ..
مصطفى : ــ هههههههههه ,, لا تذكرني بذاك الفار ... كنه خرووف من كبارته...
و يوجه الكلام لأيمن: ـ ويش نسوي ياخوك مد رجولك على قد لحافك...
نوري : ــ اقول محسنو .. خلاص لا تقوول اغلى لا يدحن ايمنووو
ايمن : ــ اقوووول ....
نوري : ــ عسى عمري يطووول,,, لا تقووول ولا شي ..

وهم داخلين العماره ويوسف وياهم وفي قلبه حاسدنهم على معرفتهم ببعض ويحاتي اللي بيكونو وياه بالشقه هل بيتأقلم وياهم والا لأ .. ؟؟!!
بنفس الوقت... متطمن نسبيا لأنه جاي من طرف حمي اخته اماني اللي من درى به ناوي عالرياض .. قال ليها تخليه يروح العماره الفلانيه و كلم على شانه واحد من الشباب بالشقه اللي بيسكن فيها انه بيشاركهم بداله .....

دخلو شقتهم ويوسف توجه للأصنصير بيركب لشقته...
الا باب الأصنصير يفتح وداخله شباب ميتين ضحك وصريخ ,,, و مشلحين اكمام اقمصتهم وشكلهم كنهم تبع عصابات و مشكلجيه...
واحد منهم:
ــ اتاااريك انت اللي مقلقنا ومنزلنا تحت...
يوسف ابتسم ...
واحد ثاني :
ــ وش بلاك؟؟ قلنا شي يضحك.!!.. بتركب والا شلون اخلصنا...
يوسف يطالع مايحس فيه محل ..
ابتسم وبلباقه:
ــ لا خلاص شوي وباركب..
رد واحد بمنتهى الأستفزاز:
ــ اجل ليه منزلنا.. ؟؟ لا تضغط مثل البزارين .. لا اقص اصابيعك ... يللا فارقنا
وسكر الأصنصير
يوسف :
ــ ياساااتر دام هذا اولها...
وصل الأصنصير الدور 2 ورجع نزل ...
انفتح الا هم فيه...
يوسف منصعق...
قامو يستهبلو عليه..
ــ ليش تضغط؟؟؟؟؟؟؟؟؟
يوسف فتح عيونه:
ــ والله ماضغطت..
واحد منهم:
ــ لا تتريق علينا ترى محنا فاضيين لك..
يوسف استاء منهم حقرهم وركب الدرج احسن له..
ماوصل الدور الثاني الا خلاص انفاسه يجرها جر من شنطته والتعب اللي هو فيه...
ولما وصل فوق ... الا انفتح باب الأصنصير والشله المقرفه نفسها داخله ومعصبين في واحد كان فوق ينتظر ...
ــ ليش تضغط؟؟؟
تأكد يوسف حزتها انهم شلة خربانه وسمع من ناس في الممر يحشو في هالشله وعرف من كلامهم انهم مو من سكان العماره بس جايين يضايقوهم!! لعانه......
دخل مفتاح الشقه ..
ــ بسم الله اللهم صل على محمد وآل محمد

و فتحها.. ودخل...

هو دخل الا يلاقي علبة نشاف تنحذف وطرااخ تصفق في الباب .. وهو لاف بيسكره...
يوسف اختلع... والتفت بالسرعه لمصدر العلبه... الا واحد جاي ومره خجلان حده ..
ــ آآآآآآآآآآآآسف ,,, آآآسف آآسف ,,, حسبالي كاظمووه...
يوسف ابتسم وبهدوء:
ــ سلام عليكم...
ــ عليكوووم السلاااام ياهلا بأخونا.. اتوقع انت يووسف آل ... صح؟؟
ــ ايه ..
ــ هلا فيك والله حبيب وغااالي موصننا عليك أحمد آل ..... انا حبيب آل .... ،، مسامح خيوو حسبالي اللي داخل كاظموو...
ــ هههههه مسامح.. خلعتني لكن خوش استقبال...
حبيب يضرب كتف يوسف عن مزح:
ــ افاااا عليك ... منورنا ياخوك .. بس خل يجي ساس البلا ... كُظموووه دا ,, اراويه شغل الله.. تفضل حياك ...
وفي الصاله لقى يوسف على الجلسه واحد منسدح
حبيب:
ــ سيدوو .. قوم طق سلام تحيه لضيفنا الجديد..
اعتدل السيد وابتسم: ــ عليكم السلام والرحمه...
وقام وصافح يوسف ...
ــ هلا فيك والله.. انا سيد هادي آل .... ،، مين حضرتك..؟؟ يوسف والا مراد والا شفيق...؟؟؟
ــ هلا فيك سيد.. انا يوسف ...
ــ منورنا ابو يعقوب ..
ــ النور نوركم تسلم...
حبيب : ــ كنا 6 في الشقه كل 3 في غرفه.. انا .. وكاظموه و السيد بغرفه و3 تخرجو السمستر اللي طاف .. وعن حساب بيجو بدلهم 3 هذا انت اولهم .. وواحد قالو لينا الشباب اسمه مزاد والفالف شقيق ..
السيد : ــ هههههههه حبوه ما بتهون عن النحاسه ... اتحداك تقول قدامهم اذا جو هلا مزاد هلا شقيق...
حبيب : ــ اقووول ليش ما اقول ...وانا زبيب ...
ضحك يوسف :
ــ الله يستر ما يندرى ويش كنت مسمني...؟؟؟
السيد : ــ ههههههههه لا.... لا تخاف ,,, تعب يبغى يقلب اسمك زيهم مافلح ,,, ما يفيد وياه ابو الحب..
حبيب : ــ شدعوه سابنهم؟؟
السيد : ــ لا .. بس فيه ناس تزعل ترى...
حبيب : ــ يوسف .. تزعل ...؟؟ انت تزعل..!!
يوسف : ــ هههههههههه لا ما اظن..
حبيب يرجع يصفق كتف يوسف :
ــ ايوااا تعجبني .. وتمون... سيدوووه...قالو لك بنيات حنا..؟؟ رجال ما ناخذ بخواطرنا
السيد يكلم يوسف :
ــ ههههههه يامالك ياخوك من الضرب من حبووب لين ما ينخلع كتفك .. متعودين عليه.. وعلى نحاسته..
ويغمز له .. ويكمل الكلام:
ــ مزووح بس طيب وايد...
حبيب يطالع على جنب :
ــ سيدوو عن النحاسه..
ــ هههههههه ويش قلنا..!!!.
وصار حبيب يعرف يوسف على الشقه ... و راواه غرفته مع النفرين الجدد .. حط فيهم اغراضه ...

الا بدخلة كاظم...
حبيب صفق : ــ اووووووو خساره مافيه شي ارميه عليك
كاظم يضحك وببرود:
ــ لووويه عااااد..؟؟
حبيب : ــ ياااااااربي ... سيدو من متى طالع البقاله يجيب شاي ؟؟؟
السيد : ــ ههههههههه من ساعتين و خمس دقااايق بالضبط
كاظم :: ــ خذ لك.. يحسبو ورايي..
حبيب : ــ ايه ايه... نحسب .. ماصارت دا شاي .. هونا ما نبغى لا شاي ولا صاقعه ... عافته نفسنا... كل منا اللي زي الشياب ما يمشي غدانا الا بشاي ..
والتفت ليوسف :
ــ مسامح ياخوك الواجب نضيفك لو استكانه... جوعان؟؟ نحط لك غدى؟؟
يوسف ابتسم : ـ لا تسلم..
التفت حبيب على كاظم: ــ بس هالباااااارد يخلي الواحد يعصب ..
كاظم : ــ ههههههههههه يللا عاد... بدت نشرة الأخبار CNN ويش بعد قال عني في غيابي..؟؟
السيد : ــ ههههههههههه لا تخاف كل خير
كاظم : ــ ايه... ادري ادري..
حبيب : ــ انا بس ابغى افهم .. ويش تسوي في البقاله كل هالوقت.؟؟. تتفقد تواريخ الحوايج...؟؟
كاظم : ــ ويش اسوي ماحصلت دخاني المفضل رحت بقاله فانيه
حبيب حمق: ــ اووووو رررررررريح... الحين كل هالتأخير على حساب باكيتك .. اف منك ومن دخانك اللي ماندري متى بتهون عنه....
يوسف في باله: ــ اف .. يدخن بعد.. كملت...
حبيب : ــ الا تعال... هالكيس الطشونه اللي في ايدك... فيه الشاي..؟؟
كاظم يطلع العلبه وويش صغارتها من الكيس..
حبيب : ــ أه... أه أه أه أه
السيد : ــ هههههههههههههههههههههههههههههه ما هكذا الظن بك يا كاظم..
يوسف ماقدر عليهم ،، و صار يضحك وياهم..
حبيب : ــ ويش هالبخل اللي حل عليك فوق برودك.. راسي مانى قادر .. شبدي منك... هذا كم كيس شاي فيه ؟؟؟
كاظم ببرود يقلب فيه ويدور وين عدد الأكياس .:
ــ ايواا.. ايه.. 10 اكياس .. وهذا بقايا الفلوس ...
حبيب يصفق كف بكف : ــ مادري.. مادري ويش اقول.. ؟؟؟ عن جد .... فعلننننن فعلننننن .. تخونني العبارات...
السيد مو قادر : ــ هدي هدي حبيبي حبيب ههههههههه خلاص تالي بعد محاضرتي امر البقاله و اشتري لا تعصب...
حبيب : ــ عساك سالم يابعد روحي ..
السيد : ــ هههههههههه هالضبعه دا... إلا لويه كاظم ماخذ هالعلبه ؟؟
كاظم : ــ البقاله اللي فيها دخاني المفضل مافيها شايكم المفضل الا هالحجم مخلصين العلب الكبار ويش اسوي.؟؟؟ اروح بقالة فالفه؟؟؟.. الحين ويه .. تبغوه لو ويش سالفتكم؟
حبيب يستفز كاظم من القهر:
ــ زين يالخناقه شان جبت فنتين لو فلاف بسعر الوحده الكبيره.. والا مخك منتهي..؟؟
كاظم عصب :
ــ يلعن شكلك زين.. قالو لك بهيم ..؟؟ قوطي؟؟؟ مافيه من هالنوع الا هالقوطي و الأنواع الفانيه انتون متحججين ما تحبوهم..
حبيب فلت روحه على مخده بالصاله :
ــ سيد.. فديتك.. ياغناتي انت...خذه من عنده وروح به المطبخ .. لا اشب فيه حريقه..
خذ السيد العلبه وهو ميت ضحك .. وكاظم طلع باكيت دخانه ودخل الحمام..
حبيب : ــ إيـــــــــــــــــــــــــــــــه ...مو هذا اللي خارب مخك ... شغل الهوااايه لو سمحت... انا مانى داري ما دخن قبل لا يجي لويه..؟؟؟
والتفت الى يوسف :
ــ استريح ياخوك استريح...
يوسف قعد وهو مابين ضاحك ومبهوت منهم..
وصار يشرح ليوسف وضعهم في الشقه:
ــ حنا يا بو يعقوب متفقين نسوي عزبه كل واحد يحط شوي ونشتري حوايج للمطبخ خفايف من شاي و زيت وبيض وجبن وبطاطس .. يعني حويجات نعرف نتصرف بها وتسد جوعنا و نغير بها عن اكل المطاعم... وهذا الله يسلمك هالكاظموو الحين ماخذ من فلوس العزبه وخذ لك ويش ماخذ لينا..مو يعصب .. !!! ؟؟؟ايييه مسامح ياخوك... يعني اول يوم لك والبدايه كفخه بنشاف وتالي شبقه ... افففف مننا ...

يوسف : ــ هههههههه لا تحط بالك عاد.. بس ما شالله عليكم تونسو خوش ناس باين عليكم..
حبيب : ــ تسلم والله انت اللي باين عليك خوش واحد... وعالأقل موصى بك ومن طرف صاحبنا.. ما ندري عاد عن مزاد وشقيق ويش بيطلعو ...
يوسف : ــ ههههههه ان شالله تمام .. اتمنى والله.. دام بيشاركوني بالغرفه...
ــ ان شالله يارب
الا السيد داخل المطبخ ينادي:
ــ حَبوووووووب.. مافي شخاااط..
حبيب يتحلطم :
ــ يااادا الشاي اللي بيطلع من شبدنا...
وينادي على السيد:
ــ تعاااال للي يقند راسه بالحمام... خذ ولاعته..

طق السيد على كاظم باب الحمام.. وفتحه لقاه مقفل ..
كاظم : ــ هااااااااا
السيد: ــ ويش تسوووي ...؟؟
كاظم : ــ ارقص .. ويش يسوي الواحد في الحمام يعني ؟؟؟
ــ عن حساب تدخن... افتح عطني الولاعه...
ــ اف اف .. الواحد يعني حتى بالحمام ما ياخذ راحته ...
حبيب : ــ ههههههههههههه خذ لك الله يلوع شبدك صراحه اليوم كاظمو بارتكب فيه جريمه...
السيد : ــ ههههههههههههه انا لله و الآخير وياكم..؟؟؟... يللا كاااظم...
فتح كاظم الباب وعطى السيد الولاعه ورجع سكره..

حبيب : ــ اوووووووف اف اف اف
يوسف صار يضحك مو قادر عليهم..
كاظم في الحمام يسمعه:
ــ اف في عينك .. الهوايه شغاله يا متعيلف.. قوم جيب لي فوطتي باسبح..
حبيب : ــ ههههههههههههه .. دا الواد وسخ نفسوو
كاظم طالع من الحمام : ــ حبوه... استح هااا.. استح...انحس منك ماشفت...
دخل غرفتهم و اخذ الفوطه...
حبيب يتحرش فيه:
ــ تفرك عدل هااا.. ترى باشمك..
كاظم يصفق باب الحمام..
حبيب : ــ هيييييييييه يقبع بعد تالي نتكلف به...
ويرجع ليوسف :
ــ حيا الله ابو يعقووب.. عورنا راسك هااا..
يوسف : ــ الله يحييك.. لا بالعكس .. تونسو والله
الا بجية السيد حامل تبسي فيه 3 ستكانات شاي ..
حبيب : ــ هلا بعيوني الساده.. شايهم فوق العاده...
السيد : ــ هههههههههه ما تجوز عن سوالفك...
يوسف : ــ وين اللي حق كاظم..؟؟؟
السيد : ــ أي والله نسيت..الحين بيحرقنا كفايه هو اللي جايبنه..
حبيب : ــ الله عاد .. بيسبح .. اكو الأبريق مليان يعود يغليه طلعته ويصب له..
حبيب مندمج وهو يهف الشاي بيشرب بنفس الوقت بيسأل يوسف سؤال...
ــ يوفف .. احححح ... غربال
يوسف ضحك ..
السيد : ــ اووو حصل له للأسم قَلْبَه.. قال ويه يوفف .. ما بتطير الأستكانه .. تكلم تالي اشرب
يوسف : ــ هههههههه لا ماهو اول واحد يقلبه... بنت اختي الصغيره ماتقول الا يوفف ..
السيد : ــ الله يحفظها ياارب .. ما شالله عليك خال يعني ..
حبيب : ــ اه .. نسيت شكلك.. مو احمد حمي اخته..؟؟؟
ــ اووو صح صح.. نسيت ...
يوسف : ــ ايه حبيب .. ويش كنت بتقول ؟؟؟
حبيب : ــ بسألك ويش تخصصك وهيكات..؟؟
وصار حبيب يسولف مع يوسف ... عن الجامعه والتخصصات ويعرفه اكثر عن الوضع في الرياض شلون راح يكون...

و في القطيف ......

الى الملتقى... :amuse:

وناسهـ وناسهـ ياموره فيها الرياض وحركات اكيد كلا ضحك

::

اللهـ يعطيك العافيهـ غاليتي اموره

موفقينـ

ههه
تسلم ايدش اميره على الجزء
يوم قلنا بنجيب علبه الكلينكس
صار الجزء يضحك
بانتظار الجزء القادم
تحياتيـ ..

يسلمووو أميره بجد الروايه حلوه و مشوقه

بس مع الأسف مآآ أقدر أتآآبعهآآ أول بأول

ههههههههههههههه
الجزء مررررررررة حلو ويضحك
ربي يعطيش الف عاافية
بأنتظار الجزء الجاي

هههههههههههههههههههههههههههههه
حلوووة ياااميرة جزء كشوووخة حدهـ
ههههههههه ماقدرت على هالحبيب مع حرقة الشاااي وحلوة يوفف,,
اتوقع بيكوونوا خوش اصدقاااء هالرباااعي
وناااااصهـ
بالانتظااااااار قلبووو

اللهم صل وسلم على محمد وآل محمد وعجل فرجهم وفرجنا بهم ياكريم..

بسم الله ماشاء الله ...

أيه الحركات دي...خمسة وخميسة في عين اللي مايصلي ع النبي وآله

>>مصرية البنت

ماشاء الله القصة باين عليها جناااااااااان..

كلها حماااس ماشاء الله .......وخفة دمك واضحة في النص بقوووة :)

حلوة حركات الشباب وعنادهم.....ودي اعلق على كل شي.. بس أخاف اعبي لك الصفحة ...

خليني اكتفي بإعجابي الجم...

تسلم الأيادي يااارب...

وننتظر البارت الجديد بكل حمااااس :)

سلم قلمكِ والفكر الراقي..

موفقة ومقضية حوائجكِ بحق محمد وآله الطاهرين

دمتي بعين المولى الجليل

ههههههههه
يـآأإأعـ‘ـيني ع حِبيب وخفة دمووو ..!
يعطيك العـأإفيـ‘ـه .. جزززء ونـآأإسـ‘ـه ..
أإكيد بـآألآنتظـآأإر ..!

جزء يموت ضحك

كاظموه باارد يبط الكبد

ظريفين النحيسين اللي بالاصنصير لحالي عندي عقدة اصنصير خخخ

ربي يعطيك العافيه

وموفقه يارب

ربي يكتب لك بكل خطوه نجاح يارب

مرآإأحـبووون ..}~!
<< كل بآرتين بترد مره << كف هاهاهاهاي ..!
بدآيه روووعه مرره ..
هههههههه أنـآ عجبتني شخصية هالـ حبيب << الحين بتتعمد تقتله أميروهـ ..{
و شكله هالكآظمو وآحد دفش مدري ماحبيته < كيفي
و سيدوه ماله عندي تعليق ..
مصطفى خفيف دم مع وجهه ..}
وأيمنو دفش << عـآدي تسوي فيه مصيبه بعدين مسموح ..}
ههه تسلمي أمروش ..
لآعدمـ ..
سلآم

مرآآآحب..]
كل جزء احلى من الثانيي..,,..][
.....,,.....بجدالقصة روووعة.....,,.....
تحياتي...][
[..مجنونة وحلوة..]

اللهم صل على محمد وآل محمد

أولا : ابداع وشي خيال
ما شاء الله عليك أميرة

كأنك عشتي في شقة الشباب حتى تقولي بهالأسلوب

أسلوب جدا ممتع وشيق
وشخصيات كثيرة - لكن بنفس الوقت أبدعتي بتداخلها مع بعض

ولا أحد يفاول على أحد بالموت ..
مانبغى نشوف أموات بالقصة >>> ههه


من المتابعين وبكل حماس
ان شاء الله ..


عذرا" من الجميع ان قلت مشاركتي بالمنتدى أو الرد على المواضيع
لأني سأتربع هنا ..

تسلم يمناك أخيتي أميرة
يعطيك العافيه وننتظر الجزء الجديد

اللهم صل على محمد وآل محمد
ما شااااااء الله علييك غناتي ع القصه من زماان واحنا ننتظررر قصه جديده لك :)
وان شاء الله اكووون من المتابعين المستمرين ..~ بسرعه اتمل هع
البارت الاول: في البدايه كنت مو مستوعبه الشخصيات بس الحييين صرت اعرفهم خخخخ
البارت الثاني : روووعه لانه فيه ضحك عجبوني صدقان يوسف الجديده هع
امثال حبوو >> خوش تدليع هع عليه تعيلف لا صار ولا استوى احليووو مرره ههههه

الله يعطيييييييييك مليووون عافيه
وسلمت يمنااااااك
ربي يوفقش لكل خيرررر وصلاااح
سلامي مصحوب بدعائي لك
دمتي بكل الاماني

ماشاء الله { تبارك الرحمـن ..
بصرآآحـه مرررررررررررة روووعة ...
إن شاء الله أدخل اتابع وياكمـ ~
الصراحة ونسوووني هع هع سوالف الشباب مصخرة ههههه >>
تسلم الايادي اموووووووووووووووووورهـ ...
بانتظار البارت القادم بشوق
كل الشكر لطرحك
ودي { .. :embarrest:

حركات اميره
البارحه قريتها وبمووووت ضحك
ابداع خيتووو
سلمتي وسلمت يمناك
من المتابعين

البارت اليـوم حـلـو ضـحك و ونـاااسه هع هع

ننتظـر ماذا سيحـدث في القـطـيـف

و ننتـظر البارت الجـــاي اموووره

اموووووورة قلبي وينج... بالانتظاااار والحمااس مولع حدهـ
مو تطوليييين يالغلااا...
تحياااااتي ودعائي لكي

يلا بلانتظار
موتتأخري امورررره
تحياتيـ ..