خاص لمنتدى الناصره فقط......تحت المطر ....فاطمة

بسم الله الرحمن الرحيم
اللهم صل على محمد وآل محمد الطيبين الطاهرين

في زمن تنتحب فيه بعض المعاني الانسانية وتبكي فيه
القلوب لما تراه من قسوة البعض
هذه خربشاتي اتمنى ان تروها كما اراها

ابو زين
------000------

-فطامووووه ، فطامووووه وينش رحتي تعالي ليي له
فاطمه:- هداني اماه ، ما رحت مكان
- وينهيه تبلة الشوربا مالتي ، صخنتيها لو لا
فاطمه:- هذي خامس مره اصخنها لش يداه
-يعني الحين بتمني عليي ولا ويش
فاطمه:- لا حاشا يدتي امن عليش ابداً ، تامري امر انتين يا بعد طوايف طوايفي يا يدتي
- ايه الله يرحم والديش ويسلمش ويقويش يا بتي
وقامت فاطمه وصخنت الشوربايه للمره السادسه
وجابتها ليدتها وحطت وياها قصة ليمون وملعقه في التبسي وأخذتها من عندها أم سعيد وقامت تشرب فيها شوي شوي ، على مهلها
وفاطمه تتمتم بالصلاة على محمد وآل محمد
وبس خلصت أم سعيد من الشوربايه اخذتها فاطمه من عندها وراحت المطبخ وعلى طول غسلت الطاسه والتبسي والملعقه ورحعت ليدتها وجلست وياها
فاطمه:- عليش بالعافيه
أم سعيد:-الله يعافيش ويسلمش يا غناتي
فاطمه:-هاه تمبي شي يا يمه
أم سعيد:-سلامتش يا بتي سلامتش ، شااااه وينه بتروحي
فاطمه:- أبداً يا يمه با أروح حجرتي با أذاكر ليي شوي

أم سعيد:- ارحمي روحش يا يمه من هالقرايه لا تروح عيونش ، ارتاحي لش شوي يعني
فاطمه:-داني كل شوي اجي اطل عليش له ، هذي راحتي لامن أشوفش بصحة وعافيه
أم سعيد:- إييييييه يا بتي فاطمه الله يرحم والديش ، ويغمد روح أمش الجنه يارب
فاطمه:-الله يرحمها برحمته يارب
أم سعيد:- ويسامح أبوش
فاطمه:-...........
أم سعيد:- هاه الا سكتتي ، قوليها يغفر اله
فاطمه:-........أ ..أ...أ...آآآآه
أم سعيد:- اي والله من حقش تقولي آآه
وقامت فاطمه والدمعه في عيونها
أم سعيد:- ايه يا بتي على اللي فيش ما ترضي على أحد أبداً حتى أبوش وبعد اللي سواه فيش ما ترضي عليه
بكلمة من أحد ، قلبش أبيض على الكل يا غناتي

وفي نفس الوقت نزلت دمعه من عيون أم سعيد
وتذكرت ما جرى في سابق الأيام


وهذه هي حكايتنا وروايتنا

أتمنى أن تحوز على رضاكم

إنتظرونا في الجزء القادم ان شاء الله

خالص تحياتي
فمان الله
..........
أبو زين

اللهم صل على محمد و آل محمد
يسلموا اخوي على هالمقدمه البسيطه
شكلها الروايه مررررررررررررررره رووووووووووووووووووعه
من الحين فطوم معوره قلبي
وشكلها ام سعيد مرررررررررررره طيبه وحنونه
حبيتهم ثنتينهم :embarrest:
متعودين على قصصك الحلوة
بانتظار بقيه الاحداث
مو تطول علينه
وحوائج مقضيه انشاء الله بحق محمد و آل محمد الطيبين الطاهرين
مع خالص تحياتي
ودمت بخير

اللهم صل على محمدوعلى آله الطاهرين
ماشااااء الله
اخوووي ابو زيــــــن
احجز لي مقعد واكييييد في المقدمه
ايييه مايصير بعد فرح وتجلس ورى:wacko::rolleyes: ههههههه
يااارب سكتي وطلعي لايجيك كف:wink::embarrest:
بجد خيي بداااايه موفقه سلمت وسلم قلمك المميز
وننتظر القادم
دمت بخيييييييييير

اللهم صلي على محمد وال محمد


بدايه جداً رائعه ومشجعه لمتابعه


تسلم خيي ابو زين ويسلم عقلك وتفكيرك

ويسلم لينا قلمك النابض بحلاوت الكلمه وصدق المعاني

بنتظار التكمله خيي

الله يسعد ايامك ويوفقك ياكريم

أم سعيد تروي لنا ما جرى وما حدث

تقول ام سعيد ليكم ولينا >>>>>>>>>.............

قبل 25 سنه وأزيد بشوي
كنا عايشين في فريق من فرقان لول اللي الجار يدش على جاره ما احد يقول له شي ، النفوس أطيب من الحين
وما ميش تفاخر الا بالشي الزين ، بس كيد النساء موجود
وخبث الرجال موجود ، وهذا الشي من أبد الآبدين موجود
ولاهوه محدود بمكان ولا زمان عشان نقدر نقول لا مو موجود بعد هالشي

المهم بتي حميده كانت حيفها صغيره ما صار عمرها سنه ، تلعب في الحوي ولا عليها من شي وإحنا بعد نخليها على راحتها ، وابوها الله يرحمه ما يقصر وياها بس غفل عن شي
ما اهتم به ابداً

ما طعمها من اول ما جابوها ولا راح بها سبيتار
عشان يوتنوها ، عاد أقول ليكم لا تنسو توتنوا
جهالكم عشان لا يصيروا مفل ما صارت حميده هاه

المهم وكبرت حميده وكل يوم عن الفاني نشوفها تضعف واحنا يا غافلين ليكم الله
ما عرفنا انها مابتقدر تمشي ولا تخطي من وعت على هالدنيا وعرفتها
مسوى ابوها ما راح بها سبيتار صار ليها هالشكل
ونحمد الله ونشكره على هالشي هذا بعد ما بيدنا حيله

وهذا جارنا اللي هوه ولد الملايه أم علي بعد من وعى على هالدنيا وهوه ما يتكلم ، وامر الله جرى وصار

وأمه يا غناتي مهي مقصره عليه تعلمه وتربيه احسن تربيه
ومهي مقصره عليه في شي ابد
وابوه بعد مهو مقصر ايه مو مقصر بعد
من يروح الارانكوووه يجيب له من الكانتين اغراض حليوه
وهوه من يجيب الاغراض ابوه يجي لينا البيت ويقعد يعطي حميده اغراض ويدلعها بعد ويش
واني ينتابني شوي حاجات ما يقصر ويايي بعد

ومن اشوف اني قوطي عرانص من العزيه ولا ستروله عاطيني وياها العزيه اضمها اله
ولا كل يومين فلافه اعطيه بيض للملايه
مسوى البيض العربي ويا حليبة الغنم من تخلطوهم ويا بعض يصيروا زينين للحلق والبلاعيم ويروحوا الكحه عنكم
إخطشّرْ عنكم وعن ولادكم
وأبو سالم وابو فاطمه ربع من زمان
من قبل لا ابو سالم يشتغل في الأرانكوووه
وابو فاطمه يشتغل في شركة الكهرب

كانوا يروحوا ويا بعض عند البحر ويتحدقوا ويا بعض
ويتقاسموا اللي يصيدوه

ايييييييييه ايام راحت وايام جت
بس ما انقطعت الصداقه والمحبة والمودة بين الناس ، الله يديم النعمه يارب ويديم المحبة

المهم .........نتابع وياكم ان شاء الله
يالله ..فمان الله

خيتي اول دمعه مراحب

اقتباس:

---

المشاركة الأصلية كتبت بواسطة اول دمعة

اللهم صل على محمد و آل محمد
وعجل فرجهم يا كريم

يسلموا اخوي على هالمقدمه البسيطه
شكلها الروايه مررررررررررررررره رووووووووووووووووووعه
الله يسلمك خيتي ويعافيك
الروعه بتواجدكم خيتي
من الحين فطوم معوره قلبي
وشكلها ام سعيد مرررررررررررره طيبه وحنونه
حبيتهم ثنتينهم :embarrest:
متعودين على قصصك الحلوة
الله يسلمك خيتي
والف شكر على الثقة الغاليه خيتي
بانتظار بقيه الاحداث
مو تطول علينه
وحوائج مقضيه انشاء الله بحق محمد و آل محمد الطيبين الطاهرين
مع خالص تحياتي

ودمت بخير

---

الله يقضي حوائجكم بحق محمد وآل محمد الطيبين الطاهرين

خالص تحياتي
فمان الله

خيتي ام حمزه مرحبتين

اقتباس:

---

المشاركة الأصلية كتبت بواسطة فرح

اللهم صل على محمدوعلى آله الطاهرين

---

اقتباس:

---

المشاركة الأصلية كتبت بواسطة فرح

ماشااااء الله
وعجل فرجهم يا كريم
وفرج اللهم لنا بهم ياكريم
اخوووي ابو زيــــــن
احجز لي مقعد واكييييد في المقدمه
ايييه مايصير بعد فرح وتجلس ورى:wacko::rolleyes: ههههههه
يااارب سكتي وطلعي لايجيك كف:wink::embarrest:
أف على غيرش بس خيتي أفا
الش الكنبه الرئيسيه في القصه
في أول صف خيتي :cool:
انتي ضيفة الشرف الرئيسية
بجد خيي بداااايه موفقه سلمت وسلم قلمك المميز
وننتظر القادم
دمت بخيييييييييير

---

الله يسلمك ويعافيك خيتي

هذه الكتابة خصوصاً الى المنتدى ككل
وهو بصراحه هدية مني اليك خيتي
والى منتدى ذوي الاحتياجات الخاصة خصوصاً
لأننا مقصرون في حقه كثيراً
وهي بمثابة إعتذار أتمنى قبوله مني

خالص تحياتي
فمان الله

خيتي أم الحلوين مراحب

اقتباس:

---

المشاركة الأصلية كتبت بواسطة ام الحلوين

اللهم صلي على محمد وال محمد
وعجل فرجهم يا كريم
بدايه جداً رائعه ومشجعه لمتابعه

نتشرف بتواجدك وحضورك
تسلم خيي ابو زين ويسلم عقلك وتفكيرك
ويسلم لينا قلمك النابض بحلاوت الكلمه وصدق المعاني

الف الف الف شكر خيتي لهذا الكلام
الذي لا يصدر الا من أخت رائعه

بنتظار التكمله خيي


الله يسعد ايامك ويوفقك ياكريم

---

الله يسلمك ويعافيك

خالص تحياتي وتقديري
فمان الله

اللهم صل على محمد وآل محمد وعجل فرجهم
بداااية حلوووة والقصه مشجعه
اخوي ابو زين،،،
ليس بغريب على قلمك الرائع هذه الكتابات
الله يعطيك الف عااافيه
واحنا بانتظاار البقية المشووقه
دمت بعين الله ......

السلام عليكم

احسبوني معكم من المتابعين المنصتين لسوالف ام سعيد

اللهم صل وسلم على محمد وآل محمد وعجل فرجهم وفرجنا بهم ياكريم ...

ماشاء الله البداية موفقة كعادتك أخوي....

ويبان إن عنصر التشويق مُتجلي في أحداث هذه القصة..

عجبتني سوالف أم سعيد .....

مرة أجودية معودة بالله والنبي

تسلم أخوي ويسلم قلمك وفكرك الخصب..

ننتظر باقي السالفة ويا إديده أم سعيد ...

يعطيك العافية أخوي على كل ماتقدم من بذور وتسقيها هنا وهناك


لنجني ثمارها جميعاً ونستفيد منها ...

موفق لكل خير إن شاء الله تعالى

دمت بعين المولى الجليل

اللهم صلي على محمد وآل محمد

ايييييي واني اقول وينه ابو زين
الي هو في منتدى ذوي الاحتياجات الخاصه
والله حركاااااات >>>خلاص مع القوم ياشقره ههههههههه

خييي ابو زين كما هو قلمك مميز
قصه اكثر من راااااائعه...
في انتظر الباقي بكل شوووق

موفق لكل خير وصلاح
حوائج مقضيه بحق من م النور على النور
ربي يعطيك الف عافيهــ على هيك مجهود
دمت بخير

الله شكلها مرررررررررة روعة القصة

بس اخوي في اشياء مافهمتها خخخ ويش سبيتار هههه>>>> لايكون الدختر
الله يعينك علي خخخ

ننتظر المزيد اخوي

يعطيك العافية ابو زين
بصراحة من البداية مبين ان الرواية بتكون اكثر من روووعة والابداع مو غريب عنك وعن قلمك المتألق داائما
في انتظار بقية الاجزاء وانشا الله ما تطول علينا
تحياااتي

بدايــــهـ موفقه
ننتظر الجزء الجديد

اخوووي ابو زيــــــن
جــــــــــاااااااري الانتظاااااري ..!!!؟

خييي ابو زين

وينك

شوقتنا وخليتنا

وينك خيي عسى ماشر

على العموم عذرك معاك

والله يرجعك بالسلامه

ومتباركين خيي بالليله الحيدريه

وأبو سالم وابو فاطمه ربع من زمان
من قبل لا ابو سالم يشتغل في الأرانكوووه
وابو فاطمه يشتغل في شركة الكهرب

كانوا يروحوا ويا بعض عند البحر ويتحدقوا ويا بعض
ويتقاسموا اللي يصيدوه

ايييييييييه ايام راحت وايام جت
بس ما انقطعت الصداقه والمحبة والمودة بين الناس ، الله يديم النعمه يارب ويديم المحبة

وفي يوم من ايام الله الكفيره راح ابو سالم
الشركه الا قالوا له اليوم تروح البحر تشتغل هناك وبنزيد فلوسك ومعاشك ، هوه قام يحسبها يمين يسار وتالي شاف ان الروحه للبحر ابرك اله وانها بخليه يزيد معاشه واجد

قال ليهم في الشغل انا الحين عطوني إجازة شهر وتالي اروح ليكم البحر ، قالوا اله زين روح
وسأله مديرهم العنقريزي ..لاويش تمبى اجازه شهر ؟؟
يعني هم واللي يقولوه ههههه ما اعرف اني عنقريزي عشان اقول ليكم ، عاد مااطول عليكم
قال ابوسالم : انا امبى اعرس ولدي سالم وشايف اله بنيه
وامبى افرح به قبل لا اروح البحر ,
ومن عود ذاك اليوم خلا مرته الملايه تجي بيتنا وتخطب حميده لسالم وصدق ناس واجد عارضوه وقالوا اله ما يصير
كيفه بيعيشوا هذولا ، ايه تعرفوا بعد انتون هدرة الناس ما تخلص له ، ما علينا منهم ومن هدرتهم

المهم عرست حميده على سالم
وتعرفوا لول العرس ما يمبى اله شي ، بقشه وحجره وعرسوا مو مفل الحين يالله يالله يعرسوا

المهم عاد ما اطول عليكم ، وعرسوا ذيك الليلة المبروكه
وصار العرس فيه ناس واااااااجد من كل الدير ومن كل المحلات ، وجاء القريب والغريب
وما ميش غريب بيننا وما غريب الا الشيطان

وبعدها بإسبوع راح أبو سالم البحر علشان المعيشه بعد ويش يسوي ، ومن راح ما شفناه ليومكم
لا دفنا أحد في المقبره ولا شي
سوينا فاتحه على روحه والرحمة عليه وعلى المومنين والمومنات
المهم عاد ما أطول عليكم
وعاشوا سالم ويا بتي حميده خوش عيشه والله يهنيهم
ومن ليلتها بتي حملت بفطاموه
عاد أخو رجل بني الله يسامحه اللي إسمع علي
لا علاه علي ولا نباه نبي ، النحيس عاد خلاهم في حالهم
لا ما خلاهم

ومن سالفه لسالفه يسوي ليهم
وأول سالفه سواها يوم عرسهم وأني بعد ما أدري
أتاريه النحيس حتى الملايه متأذيه منه
طلع حسود وعيونه حاره ويشوف اللي عند غيره ويمباه
كل شي يمباه ولا تهنى له معيشه الا لامن ياخذه
المهم عاد رجل بتي مفل ما قلت ليكم من يوم هوه صغير ما يخلي شي على حميده بتي
عاد أقول ليكم بسر بس مو تقولوه لفاطمه
ترى بتي فاطمه ما تدري عن أبوها انه
سالم وكله تفكره عليوه
ويش نسوي بعد العيشه الهنيه ما تدوم

هذا علي يوم إسمع ان أخوه سالم بيعرسه أبوه وقف لأبوه بعد وما خلاه في حاله
- يباه الحين انته تمبى تعرس هالأغتم وأنا بتخليني ، لا ما يصير اذا ما أعرس أنا بعد أمبى اعرس ولا با اخرب عرس اخويي ، وقال له ابوه :- ما يصير يا ولدي علي ويش فيك أخوك بيعرس وامبى اتطمن عليه قبل لا اموت وانته العمر وراك وبعدك ما تشتغل ولا شي

وركب راسه الا يمبى يعرس وانتبه ابو سالم لولده وطمعه واللي كان يخاف منه من هالولد
وزين سوى يوم كتب البيت والنخل بإسم سالم وخلا الارض لام سالم الملايه
وما ظلم ولده بعد كتب له ارضين بإسمه بعد
يعني قسم ورفته قبل لايموت رحمة الله عليه
بس هذا عليوه ما يترس عيونه لا التراب

وبا أقول ليكم ويش سوى ليهم بس نعود مره فانيه
وهالمره ما بنطول إن شاء الله
الحين إسمحوا لينا الحين

فمان الله

لكل من مر من هنا

لكم جميل التحية وفائق الإحترام


ان شاء الله نواصل معاكم ويا الديده أم سعيد

خالص ودي وإحترامي لكم جميعاً

فمان الكريم

اللهم صلي على محمد وال محمد وعجل فرجهم وفرجنا بهم ياكريم


والله انها خوش قصه شيقه وممتعه لا والكلمات الي فيها روعه تجنن

الله يخلي ام سعيد الى عبادت ربها والى عياله ياكريم


وهذا علوه ويش سالفته <<<<<<< لولا الحسد مامات احد


والله شوقتنا اكثر خيي ابو زين

الله يعطيك الف عافيه

ويسلم عقلك وتفكيرك على هالدرر الطيبه

اللهم صل وسلم على محمدوعلى آله الطاهرين
ماشاء الله ابو زيــن العابدين
تسلسل جدا رااائع
متعابعيييييييييييين خيي
وهذا علي اكيد ليه سالفه ننتابع ونرى الاحدااااث خيي
دمت ودااام ابدااااعك
دمت برعاية لله وحفظه

ماشاء الله تبارك الرحمن طريقة القصة وسردها مرة جميل ومشّوق

بأنظار البقية ويعطيك العافية اخوي

يعطيك العافية اخوي
القصة رووعة
والاسلوب يجنن عجبني الكلام القديم ونااااسة >> بلا هبالة
لا تطول علينا في الجزء الجديد