أغاني لول في تنويم اليهال

صبحكم الله بالخير ..

شحوالكم .. شحوال جهالكم ؟؟

اليوم يايب لكم حاجة مغبرة وعليها سافي ..

من هو امه لو يدته ماغنت عليه يوم هو ياهل ..تدكروا أغاني لول لو ماتدكرو عاد ماتحلى النومة الا بها ..
اليوم جبت ليكم شم غناية .. بس لاحد يسأل عن الكلمات الصعبة ..
والا عنده اغاني فانية يحطها شان الكل يستفيد ويغني على اوليداته
عاد بعدين الله يعين الجيران ..

اول شي : التصبيح بالياهل :

wصباحك الصباحي والورد والتفاحي
wصباحك صباحين صباح الكحل في العين ...صباح يطرد الفقر .. صباح يطرد الدين .. صباح الناس مرة صباحك عشر وفنتين
wصباح الخير قبل مايرفرف الطير والطير له جناحين والى وليدي نبا الخير
wصباحك السعادة زيارة علي و أولاده وكل يومٍ مضى من عمر وليدي زيادة
wصباحك لولو البحر مسباحك .. والبين مايندلك ولا يسمع صياحك
wيعمري من نام وقعد... والنوم في عيونه بعد

أغاني باسماء الوليدات
بابا "الأسم " تعال جيب ليها خلال .. من خلال الداليا .. "الأسم " يالغالية

زهرا:
زهرا زري امقنعة بالمشمري أبوها غايب السفر يبيع ويشتري

حسين :
هذا حسين نور العين .. يفرح لا شاف القرشين

احمد او احمدوه :
أحمدوه دقاق الشلبة ... أحمدوه ماحد يغلبه ...أحمدوه أحرس ربه ... أحمدو وايد أحبه

حسن :
حسن حسن حسنسن راح البحر يتسنسن ..في مشيته يتفنن كلامه أحسن وأحسن
علي :
علوي شب "جب" اللبن راح لأمه مستجن .. علوي شب "جب" الحليبة علوي ماحد يجيبه ...
زينب :
زينب تجمع الحوي .. ضاعوا تراكيها .. تمبى تراكي ذهب .. وابوها يراشيها

أغاني الترقيص :

¤ ياغناتي هالولد يكبر ويعمر البلد ويعيش لأمه هالولد
¤ متى اشوفك ملتحي واشوف قدك واستحي واقول تغطوا جاكم "الأسم " ريال
¤ ارقصي ياراقصة فوبش ماناقصة ..طوله طول القدم .. زايد ماناقصة
¤ ارقصي يا رقاصة ابوش مقدم الغاصة يجيب لأمش لولو وإلى العدوة ارصاصة
¤ هلو هلو هلوها ... من الذهب ملوها .. سبعين حبشية تخدم في بيت ابوها
¤ تشيل ريول وتحط ريول حسافة ماعليها حيول
¤ صبري عليي بس شهر يا غناتي... وأعطيش ريالٍ غني ياغناتي ... سيد ولا عنده امبني ياغناتي

إذا وقف الياهل :

وقف وقف " الأسم " طال السقف " الأسم "
وقف وقف حيدة .. طال السقف بيده

متفرقات

§ ياسنور تت ماعندنا بت ماعندنا إلا " الأسم " اتصيح وتسكت

§ حبيبتي وريدش .. والعبدة تغسل أيدش .. حبيبتي واني امش ... اشق شبدي واضمش

§ إلا مايقول لش يعيني يعمى بالفنتيني .. يطلق أم أولاده ويكفر عليه الدينِ ..
إلا مايقول لش مرحبى ..لا عاد في بيته ربى .. ولا فرح بيوم عيد ومالبس فوب يديد

§ زانة زانة زانة والباقي تعرفوه ..

§ سطاحة بطاحة وكلاب البدو نباحة .. هذا للبابا .. هذا للماما .. هذا لديدة ..هذا للخالة .. هذا لرنيم وقال الفار دلوني بيت رنيموه ودوني ..

ولتنييم الياهل ..
نام هلولو عن الشـ "جـ"ـليب والعوعو .. نام هوّى عن الشليب والعوى ..

صلوات على النبي .. ياعين عنها جنبي ..صلوات اعلى محمد والعدو اعمى مصمد ..

صلوات اعلى النبي والسلام على علي نور الهدى يامحمد شمس الضحى ياعلي ..شمس الضحى اظلمت وردها المولى علي

منقوووول من ايميلي

يسلام يا عفاف :icon30:الله يعطيك العافيه
بقولك شي قبل الإجازه رجعت ابنتي من المدرسة وهي تردد (ياسنور تت ماعندنا بت ماعندنا إلا الماما اتصيح وتسكت )هههههههه وترجع تقول
(ياسنور تت ماعندنا بت ماعندنا إلا البابا يصيح ويسكت )
انا ما قدرت املك نفسي من الظحك وسألتها من وين تعلمتيها قالت ان البنات في الفصل يقولونها .

الحين انا بعد جايبه اغنيتين .
حبيتــك يا ولــــدي حــــب الـمال والأهــــل والغــنى
ـــــــــــــــــــ وحـــب الضنــــا ما حــال دونـــه دون

وحبيتـك يــا ولــدي حـــــب لا لـها ولا عليهــــــا
ــــــــــــــــــ يـــرث عليــه عقــب العقـــال ينـــون

وحبيتــك يــا ولــدي حــب داخــــــل مستـــداخــل
ــــــــــــــــ مـغـــــزر لــه ما تـــراه عـيــــــون

وحبيتـك يــا ولــدي حــب يــــدعي الـملــح سكـــر
ـــــــــــــــ ويــدعي عـــويــدات الثمــام كــــــرون


هو هو يا وليدي....هو هو يا غناتي
ارقد رقدةٍَِ هنيه....ارقد.. رقدة الغزلان في البريه

عجبتني انشودة بنتش
الله يخليها
هاهاها
ويعطيش الله الف عافيه

هو هو يا وليدي....هو هو يا غناتي
ارقد رقدةٍَِ هنيه....ارقد.. رقدة الغزلان في البريه

ونشيدش هادي ذكرتني بزوجة الوالد الله يرحمها كانت دوم اتقولها لأولاد اخواني اذا بتنيمهم

روووعهـ

كلهم حلوين

اني اقول هذي

ياسنور تت ماعندنا بت ماعندنا إلا " الأسم " اتصيح وتسكت

يحبوها الجهال هههه

يسلمووو عفاف ع الطرح

لاعدمنآ جديدك

الله يسلمش غناتي
واحنا بعد دوم انردد هادي النشيده

أما أنا كلهم غنتهم عليي أمي الله يرحمها بس أنا غير أعمي قلب ما أحفظ شي

عفر طالع على أبويي الله يرحمه

لا، و لا ديك الخراريف الطويله اللي كانت اتقولها ليي حتى اتخليني أنام على ضهر الجابور قي الحندس تحت سقف النجوم و هبوب الريح

و مشكورة على الضكران

يعطيك العافيه عمو
لا والله الا بصير قلب
اسم الله عليك
ولا كان ما احييت الينا
قسم التراث
الله يطول بعمرك عمو

حلييييوين

يسلمو

عيونش الأحلى

يبالي احفظهم علشان اذا جا الولد اغني عليه
مشكورة واااااااجد
تسلمي على الطرح الرائع

يسلمو عللطرح الفله

::

موفقينـ

,,,

وجودكم اسعدني

ياسنور تت ماعندنا بت ماعندنا إلا " الأسم " اتصيح وتسكت>>دايم نقولها خخخ

حلــــــــــــــــــــــوين مــــــــــــــــــــــرهـ


يعطيك ربي ألف عافيهـ
وبنتظار القادمـ
لك مني ارق التحايا :: ورده محمديه

مشكوره حبيبتي عالمرور

حركتات,,تصدقين ان بعضها نقولها بس ناقصه طبعاً,,
مااحفظ هالسوالف,,خخخ يمكن لأني أكون سرحانه وأمي تقولها,,
,,لي رجعه مع أغاني لول..إن شاء الله
,,

مشكوره عفاف

ههههههههههههههه قرفتني امي من كثر ماتقولهم لي<<<<<<<كل صباح واني اسمعهم

عالمرور مشكوره

يسلموووو هـــــــــدى يالغلا
بجد حلوووين اذكر منهم الوالده الله يرحمها تقولهم
بس انا طبعا غير الامهات:embarrest::toung: هههههه مااعرف هالسوالف
تسلم الايااااادي ويعطيك العاافيه
دمت بخيييييييير

اعرفش متحضره
هاهاهاها
مشكوره فروحه عالمرور

منتازين منتازين

تسلم الأيادي خيتنا عفاف الهدى

الحين الوالده والعمه وأم زين تقولهم

لأيليا علشان ينام

وأحاول أكتبهم

بس مفل ما قال أخونا أبو سلطان ...الله يرحم الذاكره

خالص تحياتي
فمان الله

تسلم يابو زين
والله يخلي ايليا وزيون
وطول الله في عمر جداتهم