الجهال في المواتم ..

السلااام عليكم ..

في ضاهره منتشره جداا ..

خلوني اقول ليكم مووقف ..

(( مره انا رايحه الماتم و الماتم اللي اروحه زحممه حده ما في مكان تقعدين فيه .. و قبالي كانت حرمه عووده شوويه .. المووهم كان عندها ثلاثه جهال من بداءت القاريه قالت الى اولاده يلا افرش ليكم عشان تنامون .. و فعلا فرشت ليهم وناموا .. و طبعا اللي حوالينها كانوا متاضيقين حدهم لانه ما في مكان وهي ماخذه راحتها فعلا .. وماكانت بس هي ناس واجد .. ومو بس في ماتمنا في كل المواتم ))
مو بس ينامون الجهال في المواتم ..
جهال ياكلون و يلعوزون ..
و جهال يصارخون و يلعبون مع جهال في المواتم ..
و بعض الامهات ما يكلمونهم حتى ..
و يدوسون ع نسوان كبار و عادي عندهم ..
وما يكلمون جهالهم ..

شنو تعليقم ع الحرمه او الناس اللي يسون جذي ؟؟
و في كل المواتم جذي او بس احنا ؟؟

و شنو رايكم ؟؟

تحياتي ..

نااااس واااجد يعملوا كذاا


ساعات المأتم يكوون زحمممممممممممممة

وفي وحده قاعده وأولادها يلعبو وياكلوا

وبعدهم جاين بجيمبو


وين قاعدين

.؟

حنا قاعدين في مأتم مو قاعدين في محل عام أستغفر الله

يعني المفروض كل وحده تخلي أولادها في البيت او لايجيبوا ألعاب

ماافي حل وسط أبدا ؟؟؟


تحياتي

موضوع حلو
لكن بحق شو انسوي
ام الجهال وين تتسمع وهي من حقها تتسمع
في بعض الأماكن يوفروا غرفه للي عندهم اطفال
بس هالغرفه راح اتكون حضانه مو سموعه برأيي
وبعد الأمهات لازم يأدبوا جهالهم
عشان ما يتضايقوا منهم الناس
والله خيو في كل مكان هالفوضى مو بس عندكم
احنا في ماتمنا في البيت كمان كدا بس ما وصلت انها تفرش الى ولدها

طرح رائع غاليتي
لكن أني عندي نقطة :بدون الاطفال وصراخهم والازعاج الا يعملوه
المجلسهم بدونهم ولا شيء
هو المفروض على الام تأدبهم لكن شنو أسوي ماتروح تسمع علشانهم
يعني كلما قالت تأدبوا مانفع لاتضرب فلان يعاند ويضرب
شنو الحل طيب علشان يبوا الفكى يخلوهم ينامو
وهذا أمر عادي وأني مأنزعج من الاطفال على الاقل أحسن من الكبار الا هدرة وسوالف ومدري شنو وترسيل بلوتوث في الماتم
صح ولا كلامي مايعجبكم
والان الا صاير بعد عدنا بالمنطقة ممنوع أصطحاب الاطفال شنو رايكم بالهشي والام وين تودي أطفالها
تجلس بالبيت يعنوو ولا تروح
وهذا الا عندي
وأسفين طولنا عليكم
مشكووورة خيتوو على طرحك الرائع
موفقة لكل خير

هذي المشكله يمكن عند الحرييم اكثر
بس يالله ندخل معاكم في النقاش
من رايي ان تعووييد الاطفال للدهاب في هذه الاماكن
شي ممتاز جدا لكن هكذا تربينا نحن الشيعه في
مأتم الامام الحسين سلام الله علييه لكن للاسف بعض
الامهات تبالغ في ترك الطفل يلعب ويمرح كيفما شاء قد يقوول البعض
ان الطفل لا يستطييه ان نتحكم في تصرفاته فأقوول عكس ذلك نسنطييع
ان نتحكم في تصرف الطفل ولو بالشيء القلييل فلو جلبنا مثلا بسكوويت
للطفل وقلنا له ان جلست بهدووء اعطييك هذا او ان جلست بهدووه
سأشتري لك الشيء الفلاني اعتقد ان الطفل سيهدء ولو قليلا صحييح
ان هناك اطفال لا تبالي بهذه الاسالييب فاستطييع ان اسيطر عليعم باسلووب ااخر ؟؟؟
اما اما اذا كانت الام هي اصلا مستهتره بالامر ولا تبالي في الحقييقه ما اعرف
كييف يتصرفو معاها في هذي الحاله وبالنسبه للمثال اللي قلتييه
اعتقد ان الوضع يفسر نفسه وقد ترييد ان تتقي من حركتم الزائده
والمؤدييه للاخريين فبنوومهم تحافض على الهدووء في الماتم...
مشكووره خييه لطرح هذا الامر
دمتم بخيير

يام اخذهم معي او اجلس عندهم في البيت


لكن الحل اان نعلمهم كيفية احترام مثل هذه الاماكن

وان اللي يسوي شقاوة تزعل منه الزهراء عليها السلام.


كمان على الام قبل ذهابها للماتم ان تؤكل اطفالهها


وتعودهم الذهاب لدورة المياه


حتى لا يتعذروا باي عذر لحركتهم


الله يعيننا ويصلح لنا اولادنا واولادد المسلمين

اسعدتوني بتواجدكم الغالي .

انا ما قصدت انه ما يروحون الجهال الماتم بس ان تعلم الام الطفل كيف يحافظ ع هدوءه ..

واتوقع هذا الشي تقدر عليه ..

تعليقاتكم واجد اسعدتني و مهمه ..

اتمنى اشوف تعليقات اخرى ..

مووفقين ..

عزيزتي (عنيده ) ..

هذهِ ظاهره منتشره في معظم المآتم ..

بس لحظه يمكن هي المرأه ديك كان قصدها انها عشان مايسوي ازعاج ولدها فعشان كذا قالت باخليه ينام اريح لي ..

بس إذا تقولي المكان زحمه ماادري المفروض هي تراعي بعد شوي ..

بس على سالفه الأكل والصراخ هاذي يااختي في كل مكان وفي كل المآتم ..

حتى الملالي مايعرفوا يقرأوا،، بس ويش بيسووا دولا جهال بعد .. هو المفروض ان اهلهم يعلموهم انهم يهدأوا بس ماادري يعني صغار مايفهموا ..


تسلمي غلاتي على الموضوع ..

ربي يعطيش ألف عافيه يارب ..

تحياتي
نبض قلب

الله يحفظ هالجهال وإن شاء الله يكبروا بحب محمد وآل محمد

عنيدة يوم كنتي جاهلة ، ماكنتي تسوين شي بالمآتم ؟؟؟ أمزح ...
في بعض الجهال مؤدبين وبعضهم بكل الطرق مايفهم

بصراحة انا أعاني من هالمشكلة مع أخوي الصغيرعمره 6 سنوات دايما يقوم واحنا نسمع أو يقعد يسألني ويناقش عن أشياء قالها الخطيب ...

بسم الله الرحمن الرحيـم ...

اللهم صلي على محمد وآل محمد وآلعن اعدائهم ...

بوركتي اختي على طرحك هاذا الموضوع ...

طبعآ هاذا الشي شيْ غلط وأمهاتهم ... لـآيبالون ..

او ربما الطفل عنيد ولاتقدر عليه امه .....

وبشغلت اليهال الي ياكلو ... شيء عادي ...

الام تاخذ ... اكل لهم عشآن يقعدو وياكلو ...

لـآيقومو ويسوو ازعاج ... اما الجهال الي يدوسو على الحريم ...

المفروض امهم تاخذهم على حضنها .. ولاتخليهم يدوسو على الحريم ...

وهم جهال تخليهم بالبيت المفروض .. تخليهم مع خواته الشغاله .. الأب ..

بس لاتجيبه ... وناس الي تنيم جهالها ... المفروض تصحيهم يتسمعو بدال لاينامو وكان نامو ..

بالبيت .... واني بعد اشوف اغلب المجالس ... كذا ..

يعطيك ربي الف عافيه على الموضوع ....

دمتم بحفظ ورعايه ...

مرآحب ..~!
وإن لم تستحي فافعل مآ تشتهي ..~!
يعني يآ تمسكهم عن النـآس ..
يآتجلسهم بالبيت ..!
ظآهره منتشره صحيح ..~
والله يعين البشريه ..~!
كبريآء..~

عنيده

تسلمين على الطرح

وبنسبة للمواتم تصير اشياء يمكن البعض يرفضها

بس فيه بعض انقاط


كل انسان وله ظروفه

اكثر الناس تحب انها تتواجد في الماتم على طول

واكثرهم عندهم عيال والماتم بنسبة لهم مزار الى اهل البيت

واكثرهم تكون عندهم ضغوط من ازواجهم ومنعهم من الخروج بدون اطفالهم

تكون الحرمة ماعندها غير هذا طريق وانها تاخذ اطفالها معاها حتى لو سببو لها اجراح اهم شي انها تدخل الماتم


وتتسمع


يمكن اكثر الناس تعطي نفسها اخذ قرارات بدون ماتعرف شنهو وضع الحرمة

احنا والحمد الله مؤمنين واي شي يواجهني ما نرتاح الى في مواتم الحسين

جمعنا الله وياكم في مقامه



تحياااتي لك



اختك :شهد الاحزان

اسعدتوووني بتواجدم الغاالي ...

الله يعطيكم العافيه

و اتمنى اشووف تعليقات اخره

موووفقين

– أنا منّي وحدة أتضايق لمن أسمع صوت اليهال والملاّ يقرأ !
يعني الطفل يكبر على اللي يربّوه أهله .. لو يكبر الطفل والأم قايلة له إن فاطمة الزهراء موجودة بالمجلس .. واهي تشوفك كيف تتكلم .. وتراها تزعل عليك لمن تزعج الناس ! ووووو ألخ !
كان كبر الطفل وهو محترم المجلس ..



انزين ! .. الحين السالفة مو سالفة مجالس القراءة في الوفايات !
المصيبة في مجالس الموالد !
مثلاً
الليلة ميلاد الزهراء عليها السلام
والكبير يهذر ! و ألف طعش سالفة يتذكروها في وقت القراية !
والصغير يلعب بالألعاب أو يتهاوش على الأكل !
والحالة حالة
الحين فين صوت الملاّ ! بح !
وكأن الناس عندها تقدير بس للحزن ! والمولد ضايع في الطوشة !
أهم شيء البنت حطت مكياج ولبست جديد .. وخلصنا .. كاهي زهوة المولد بس .. :evil:




صج حاجة تقهر :evil:

إلى الآن ونحن نستعرض معاً هذه الظاهرة ولم نهتدي إلى حل يقلل على الأقل حدة المشكلة ، كأننا نعزف على بيانوا المشكلة دون البحث بجدية عن حل ناجع ، ولأن المشكلة ليست حديثة العهد فهي وليدة منذ فترة طويلة وما زلنا نعاني منها وعلى فكرة فالأخت / عنيدة ليست أول وحدة تتطرق إلى هذه المشكلة فلقد كانت جدتي خديجة الله يرحمها إبان صباها قد طرحت مثل هذا الموضوع مع جارتها أم حبيب الداية الذين أصروا على إثارة الموضوع في العزية مع بقية الجارات الذين تركوا الاستماع إلى الملاية وهي تقرأ وتفرغوا لمناقشة هذه الظاهرة ، وتصوروا إن هذا النقاش كان يحدث بمرأى ومسمع من الأطفال مثلي أنا وغيري من الأطفال !! فبا الله عليكم منظر مثل هذا ويحدث أمامي وأمام جميع الأطفال فماذا ستكون النتيجة ؟ إذا كان الكبار لا يتقيدون باحترام هذه المناسبة ويهملون في الاعتناء بها ويتركون عنهم طق الحنك والسوالف فكيف أنا صاحب الأربع سنوات سأتقيد بالهدوء والاحترام للمنبر الحسيني ..؟؟

أعتقد إنها ظاهرة مزمنة ولن تنتهي فأعمارنا أزفت وأوشكت على الانتهاء والظاهرة ما زالت تجلد آذان المحترمين ، ويبدوا إننا سنبقى هكذا نستعرض هذه المشكلة في كل مرة لعل وعسى نتغلب على جزءاً منها وإن كان ذلك شيئاً مستصعباً وبدون جدوى ومع ذلك فلا ينبغي لليأس أن يدب في إصرارنا وعلينا أن نتناول هذه الظاهرة بين حين وآخر لنحاور أطراف المشكلة وأسبابها على سبيل النقاش والاستفادة ..؟؟

تحياتي
يوم سعيد

السلام عليكم ورحمة الله وبركاته

طرح جميل أخيه عنيدة

ولكن أنا مع أختي شمعة الوداي
اذا ماخذنا أطفالنا معانا الى المأتم وين نخليهم؟
عندك أنا مثلا ولدي عمره سنة ونص مايرضى يجلس محله كل ماتسمع من كثر ماقوم واقعد معاه من يشوف الجهال يقوم يبغى يقوم معاهم لو مثل مايقولون الاخوان ان نحن نقول لهم هنا مثلا فاطمة الزهراء هذا العمر شيفهمهم
هذا الكلام نقوله للي يفهموا انا معاكم ان بعض الامهات الله يهديهم يسكتون عن اولادهم يلعبون ويروحون ويجون وهم ولا همهم شيء اصلاً

تقبلوا مروري