سرقتك بالزمن لحظه ... وعشتك با الفراق اوقات "بقلم أميرة الورد

السلام عليكم ورحمة الله وبركاته...
اعزائي اعضاء المنتدى الرائع
بعد طول غياب ... احببت ان اشاركم هذه الرواية الرائعه
قرأتها واعجبتني واتمنى تعجبكم
طبعا منقولة :wink:
وانتمى القى تفاعل من الاعضاء ومايخيب ظني:bigsmile:

عن لسان الكاتبة سرقتك بالزمن لحظه ... وعشتك با الفراق اوقات
باذن الله تكون من اجمل القصص وهالشي بدعائكم ودعمكم ...
احمل لكم نضج قلمي المتجدد بعد كل قصه ...
احمل لكم احاسيسي .. في كل نبضه قلب .. في كل كلمه حب .. في كل موقف .. مؤلم كان او مفرح ...
من السهل النجاح لكن من الصعب المحافظه عليه ...
وردتي الثالثه اكبر تحدي لي ... ومقياس نجاحي واستحقاقي لمحبتكم ..
عارفه اني راح ادين نفسي بهالكلام لكن ماعندي اي اعتراض ومانع لان كلي ثقه في الشي الي راح اقدمه وانتم الحكم ...
قصتي تتحدث عن الحب ولا شي غير الحب ..ومو اي حب ...
تتكلم عن اسمى انواع المشاعر وارقاها في الوجود
*&* علاقـة حبيبين تحت اطار الزواج*&*
بتقولون نفس الكلام بقصه لمني بشوق واقول هذا طريقي وخطي الي راح امشي فيه ...
في قصصي راح اتجاوز حدود الماده والصراعات التافهه راح طبعا يكون لها نصيب لكنها ماراح تكون محور قصتي ...
لان الصراعات الداخليه بكل انسان اعظم وادهى ...
الكتابه عندي حب اكثر منها هوايه ... وانا لاحبيت عطيت الي احبه حقه ...
راح نعاصر كل شي التقاليد العادات الرجوله الشهامه العناد والقسوه ...
راح نغوص في اعماق اعماق ... ابطالنا .. راح يتصفون بالقسوه فمواقف وبالرقه في مواقف ...
ابطال يلف شخصياتهم الغموض والحيره ..ومن غيركم راح يفك رموز وشفرات شخصياتهم وبالخصوص اعضاء شلتي الحبيبه الي تعودوا على اسلوبي وعلى طريقتي
اليكم قصه اخرى
من
صميم المجتمع السعودي
.......بقلم محبتكم أميرة الورد 25

..::: سرقتك بالزمن لحظه .. وعشتك بالفراق اوقات :::...
بقلم / أميرة الورد 25
بسم اللهـ نبدأ
الشخصيات

عايله بطلنا (ماجد)
ماجد كبير اخوانه عمره 32 سنه
مشاري عمره 27 سنه
فارس عمره 26 سنه
اماني متزوجه عمرها 30 سنه
ريوف متزوجه عمرها 24 سنه
البتول عمرها 22 سنه
×
×
عيله ابو متعب (صالح)
متعب عمره 60 متزوج وعنده بنات وعيال كبار ...(يرد ذكرهم لاحقا بالقصه)
بندر عمره 32 سنه
عمر عمره 28 سنه
الوليد عمره 26 سنه
يزيد عمره 19 سنه
آمال متزوجه وعمرها 27
اريام متزوجه عمرها 26 سنه (توام الوليد)
ندى عمرها 25 سنه
جود عمرها 23 سنه
*******

//**~::الفصل الاول ::~ **//

ام ماجد " يمه البتول تعالي ردي على تلفون البيت "
نزلت البتول تركض ويد فيها لفافه شعر واليد الثانيه ماسكه بها شعرها ، قالت وهي ماده بوزها "يمه وين الشغاله ليش ماردت انتي ناسيه اني بروح لاختي اماني "
ام ماجد بابتسامه "ههههههه يمه الشغاله ما تتكلم الا انقليزي من بيفهم عليها يا حسره "
البتول "هههههههههههههههههههههاي صدقتي اذكر خالتي ام يحيى يوم دقت علينا جلست تصارخ في التلفون هاه هاه "
ام ماجد "ههههههههههههههههههههه طيب ردي نشفت كبد الي يدق "
اخذت البتول السماعه قالت برباشه "yes"
"الو السلام عليكم "
ارتبشت البتول وطاحت اللفافات الي بيدها قالت بعصبيه "وعليكم نعم "
قال بندر بهدوء"ينعم عليك وين ماجد "
مسكت البتول نفسها لا تنفعل لانها ماتطيق ولد عمها ذا ..ما تواطنه في عيشة الله قالت بدون نفس "مدري عنه "
قال باستهزاء " اخته وماتدرين عنه وين عايشه انتي "
قالت بانفعال "يا سلام بتتحكم فيني من الحين "
مسك اعصابه وهو يقول في نفسه ×صبر جميل والله المستعان×
قال بعصبيه " عن حركات البزران قالو لك اني فرحان يعني بزواجي منك"
انجرحت البتول من كلمته مهما كانت تكرهه وتكره حركة المرحوم ابوها يوم زوجها لولد عمها الكبير وهي ما كملت عشر سنوات ..حرام عليه هو اكبر منها بـ عشر سنين ليش يسوون كذا فيها ليش يقرر مصيرها عنها ليش !
قالت له بقهر فيه دلع " ماتعرف تجامل انت "
قال باستهزاء " لا،(كنه يتحسر) شفتي القهر متزوجه واحد مايعرف يجامل وكبير بالسن "
حمر وجه البتول ولقطت وجهها لانها تذكرت انها قد قالت لجود بنت عمها انها ماتبي بندر لانه كبير عليها بالسن ومن سوء حظها انه سمعهن وهن يتكلمن حتى انه قال لها "هذا نصيبكـ ومالاعتراضك معنى .."
خنقتها الغصه :-الحين انت وش تبي
بندر بدون مايقدر يمسك نفسه "ههههههههههههههههه"
عصبت "جالسه انكت انا "
بندر ببرود "ما يلبق لك التنكيت .. ليش قد سمعتي في حياتك عن مغروره تعرف تنكت "
تاثرت مره من كلامه لو انها قدامها كانت خنقته لين يموت ...
قاطع افكارها صوت ...
"البتول شفيك"
التفتت بخوف وشافت اخوها ماجد واقف وراها رمت السماعه وركضت لغرفتها تبكي .. عقد ماجد حواجبه واخذ السماعه "الوووو"
قال بندر بعصبيه :-الحين انت وينك وبعدين ليش ماترد على جوالك
ماجد وهو يتافف:-اف شفيك محترق
بندر بعصبيه :- لازم يرتفع ضغطي كل مره ادق فيها عليك
ماجد بضيق :-الحين وبعدين معكم والله انكم تجيبون الهم للواحد
بندر حس انها زودها على ولد عمه وحب يروق الجو :-اسمع ما رديت لي خبر بتطلع البر معنا ولا لا
ماجد انشرح صدره وباله من سيره البر والمكاشيت :-ما يبيلها كلام اعتمد خلاص كلمت الربع
بندر :-لا هالمره بنطلع بدون ربعنا
ماجد بتعجب :-ليش ؟
بندر :-ياخي ابوي هافه نفسه على تخييم بالبر ومن زمان وهو يطري عاد بما ان الدنيا ربيع الحين والصيد وافر قلت فرصه زينه تطلع عيلتنا كلها
سكت ماجد شوي وقال :-انت ناسي ان امه لا اله الا الله مخيمه الحين كيف تبي بناتنا يطلعن البر وينامن فيه
سحب نفس طويل وقال :-ماجدوه خل عنك حركات التعقيد البنات ودهن يطلعن البر لهن كم سنه ما طلعن
ما دخلت فكرة طلوع البنات راسه :-حتى لو ؟ انت تعرفني وبعدين حنا ما نمنعهن عن الطلعات بس طلعه بر ماني بالي اايدها
بندر بملل :-ياربي منك بدوي معقد
ماجد :-قم انقلع
بندر :-ههههههههههههه ابشر بس قل تم ياخي حرام عليك تكسر بخاطرهن
ماجد يستهزأ فيه :-يا ولد يا حنون
بندر :-هههههههههه هاه يا النسيب شقلت
ماجد :-قلت لا اله الا الله والله انك لزقه عنزروت
بندر :-ههههههههههههههه اعجبك
ماجد :-هههههههههه لا والله ما تعجبني
بندر يستهبل :-ياربي مايعرف يجامل الله يعين الي بتاخذكـ
ماجد :-ههههههههههههاي يجيب الله مطر
بندر :- الايام بيننا يا ولد عمي يا خوفي تطيح ومحد يسمي عليكـ
ماجد بكبر :-
ماترتضي نفسي مذله وحقران
اردها عن من سعالي بذلي..
نفسي عزيزه ساميه فوق يافلان
وابعد من نجوم الثريا محلي..
الله خلقني وهامتي فوق الامتان
واخذ من الدنيا تجارب واخلي..
واصبر على مر الليالي والاحزان
وارضى بماقدر من الله وحصلي
بندر :-اوف اوف تكلم الشاعر اسمع ياخي اقول لك من الحين انت بالشعر راح تغلبني ..
ماجد :-ههههههه طيب رح زهب العزبه متى تبينى نطلع ..
بندر :-الخميس
ماجد بهدوء :-انت ناسي شغلي
بندر :-خذ لك اجازه حشى مكينه مو ادمي
ماجد بابتسامه كبيره:-بسم الله من عينك خلاص تم
بندر تنفس بقوه مو مصدق كيف ان ماجد الشديد وافق بشوية ضغط منه :-اتفقنا يالله مع السلامه
ماجد :-هلا والله مع السلامه
سكر ماجد السماعه وطلع لغرفه اخته .. وبعدين البنت ذي جابت له احباط ..
كان واقف ويفك ازارير ثوبه الي فوق .. جت امه وقالت :-يمه
التفت ماجد وقال بحنان :-هلا ياالغاليه امري
امه بابتسامه فيها حزن :-يمه اختك شفيها طلعت غرفتها تصيح
مسك اعصابه لا يتافف من اخته وعنادها ودلعها الزايد :-ابدا يمه ولا شي
امه بحزن :-يمه البتول طالعه تبكي وتقول مافيها شي
حب راسها وقال وهو يحط شماغه على كتفه :-انا بطلع لها وان شاء الله يكون خير
مر من جنب امه ومسكته مع يده من فوق ..ناظرها وقرا الي تبي فعيونها
امه :-لا تقسى يمه لاتقسى عليها
هز راسه وماتكلم وطلع لغرفه اخته لازم يحط حد لتصرفاتها ذي مع زوجها .. مايكفي انه مقدر مشاعرها وماجل العرس يمكن مع نهاية الجامعه تتقبل الفكره لكن كل ما طال الوقت كلما زاد عنادها ، عمره ماحب القسوه ولا كان يستخدمها الا نادرا جدا لكن فيه مواقف تجبره تغصبه وتفرض سيطرتها عليه . البتول مو اخته بس البتول تربت تحت نظره تحت مسؤوليته وغلاها يفرق عن غلا باقي اخواته المتزوجات ..
وصل لباب غرفتها ودقه ومحد رد رجع دقه مره ثانيه وماردت اخته ويعرفها اكيد مطفيه النور ونايمه على السرير تصيح ..
عد لين ثلاثه وقال بهدوء :-البتول
انخرش قلب البتول لانها تخاف من اخوها او نقدر نقول تحترمه مره لانه كان بمكان ابوها ... اخوها الي ياما حن عليها اخوها الي كان عون لها الي عمره ماقصر عنها بشي ..صحيح محد يجي وياخذ مكان الابو لكن ماجد غير ، ماجد محور حياتها وكل شي فيها ... مسحت دموعها وفتحت الباب ..
قالت بادب :-هلا ماجد
ماجد :-ممكن ادخل
البتول وهي تحاول تخفف من خوفها :-ها...اي ايه ممكن ليه لا
دخل ماجد وجلس على الكرسي الي جنب سريرها قال بهدوء وماخفى عليه تاثيره الكبير على اخته :-انا راح ادخل مباشرة للموضوع وبعدين معك
بلعت ريقها من الخوف سبحانه الي حط رهبته العظيمه بقلبها رغم ان ماعمره رفع يده عليها ولا رفع صوته حتى لكنه كذا شخصيه حازمه شديده جديه وتنزل الرهبه في قلوب الناس حتى المقربين منه ..
قال وهو يحاول يمسك نفسه لا ينفعل :-انتظر ردك
البتول فيها احيانا نزعات متمرده حتى على ماجد الي يرهبها .. قالت بثقه :-ماسويت شي شسويت انا
قال بعصبيه لكن صوته ما ارتفع لحظه عن مستواه الطبيعي :-البتول
خافت وضاعت علومها :-انـا...انـ
وفكتها مناحه وجلست تبكي ... ناظرها ماجد بضيق وهو يقول في نفسه "الحين الواحد ماياخذ من الحريم لا حق ولا باطل من ورى حركات البكا ذي "
جلست تصيح وتنتفض كسرت خاطره وقال بحنيه :-البتول اذا بتجلسين كذا ماراح افهم منك شي
مسحت دموعها وبعد جهد جهيد قالت :-ماجد
ابتسم :-عيونه
ابتسمت ورجعت بكت من نبرة الحنيه الي سمعتها في صوته وحستها من نبرته وشافتها بعيونه
تعوذ من ابليس ... اليوم ذا باين من اوله ...
قالت بانفعال :-انا مابي اتزوج بندر
قال بهدوء :- انتي الحين زوجته
قالت بانفعال وهي ترجع شعرها الاسود الطويل ورى بقوه :-ابي الطلاق مابيه
طلعت عيون ماجد قدام وفز من مكانه قال بقوه :-طلاق
خافت وقالت بهمس :-ا .. ايه
قال وهو يناظرها بقوه :-ليش وش الاسباب
قالت بتمرد :-كذا مابيه
عصب ماجد منها ومن عنادها ودلعها :-كيف كذا مابيه
البتول بصراخ :-كذا مزااااااااااااااااج
رفع يده بيضربها لكنه مسك نفسه فاخر لحظه وهو يتذكر وصية ابوه له قبل لا يموت .. انكمشت على نفسها وغمضت عيونها تنتظر الكف وحرارته على خدها ...
لكنها فتحت عيونها على مسكته ليدها من فوق قال وهو يهمس بعصبيه عشان امه ماتسمعه وتتنكد :-اسمعي يا بنت بندر الف وحده تتمناه والحين هو زوجك رضيتي ولا مارضيتي وان سمعت أي اعتراض او كلام من كلامك الفاضي الي تعودت عليه لا تلومين الا نفسك
قالت وهي تبكي :-بس ياخوي.....
هزها :-ولا كلمه انتي ماتعرفيني زين يا البتول لا تخليني اتصرف معك بطريقه لا انتي ترضينها ولا انا ارضاها بعد يكفي بس انها امنية ابوي وقراره الله يرحمه
فك يدها وطلع قبل لا يمد يده لانه حس بنفسه قريب من هالتصرف
صرخت :-لو ابوي حي ما رضى على الي تسويه فيني وينك يا بوي ...
كان واصل لباب غرفتها مسك طرف الباب بيده وضغط عليه بقوه كملت كلامها الي يجرح حتى لو كانت اخته الصغيره وجاهله ومن هالكلام :-ايه ايه لو ابوي حي ما تكبرت علي عشان بندروه خويك
وهنا وبس ...
فار طبعه الحامي وراح لها بسرعه ومسكها مع يدها وهو يصارخ لاول مره حتى البتول نفسها خافت موت منه :-اسمعي سنين وانا اسمع هالكلام الي مامنه فايده وربي ان بندر السنافي خساره فيك
قالت بقلة ادب نظرا لانها وصلت لمرحلة التبلد والتمرد :-اشبع فيه انا مستغنيه عنه
الي مايعرفونه ان امهم كانت واقفه برى وسمعت كل شي ...
صرخ ماجد :-انا مليت منك هذا جزى التربيه ..
البتول وهي تصارخ :-هذا حلال ابوي مو حلالك
كان كلامها كان زي طعنة الغدر الي تغافل الواحد نست ايام السهر والتعب لما كان يجي من الجامعه تعبان ويمرها بغرفتها ويلقاها مريضه ويرمي كتبه ويركض بها لاقرب مستشفى حتى امه ماكانت تدري عنه ..
نست يوم كانوا البنات يزعجونها بالمدرسه وترجع ودمعتها على خدها وبمكالمه وحده للمديره انحلت المشكله وماتعرضت بعدها لاي مضايقات ...نست ونست ونست اشياء كثيره
التفت لجهتها وقال بصوت مافيه ملامح ومعالم :-شقلتي
البتول لا انفعلت تروح كل اخلاقها الحلوه في لمحه بصر :-الي سمعته انت مو متفضل علي بشي
لاول مره يرفع يده لكن صرخة امه منعت كفه عن وجه البتول التفت بعيون فيها من الحزن مثل التعصيب والزعل ..
قالت امه بوجه شاحب :-لا يمه لا تضربها
قال بكل صوته الي لاطلع في مكان عمه السكون والترقب :-عشان خاطرك يمه بنسى الي قالته لكن يكون في معلومها (وجلس يناظرها بقوه) ان زواجها من بندر راح يكون بالعطله الطويله يعني لا انتظار لوظيفه ولا يحزنون
انصدمت البتول وشوي وتنهار قالت بدلع وبكا :-يمه
جمدت امها قلبها وقالت :-الي تشوفه يمه
طلعت عيونها قدام تزلزل الكون تقول لهم تكرهه تحقد عليه ليش مايفهمون الاهل يدورون راحه بناتهم وهم رجعيين في تفكيرهم واذا كانت هذي رغبه ابوها هذا مايعطيهم الحق في تجاهل رغبتها ..
صرخت :-ماراح اتزوجه لو اخر يوم في حياتي
مر من جنبها وقال وهو ماشي :-لا جيتك اشاورك ذيك الساعه قولي رايك ..
قال لامه يوم صاار جنبها :-راح نتكلم انا وانتي بكره الصبح قبل لا اروح الدوام لاني الحين تعبان وابي انام
طلع من الغرفه مايشوف قدامه مايكفي الي صار له اليوم تطلع له اخته بافلامها الهنديه المعتاده
دخل غرفته ورمى الشماغ على السرير يبي يتمدد يرتاح يفرد ظهره شوي ...فك ازارير ثوبه وترفق على اخر زر لسى صدره مورم ويعوره يحمد ربه انه ماجاه كسر ولا تهشم صدره وانطبق على قلبه ورئته ...
دق الباب تحمل الالم وسكر ثوبه :-ادخل
دخلت امه الغرفه وقالت بعيونها الحنونه :-يمه انت بخير
ابتسم :-الحمد لله
سكتت امه لانه ماراح يتكلم ماجد وتعرفه قالت بحنيه :-نم وارتح انت لك يومين في الدوام مهلك نفسك وبكره الصبح بيننا كلام
ماجد بهدوء :-ان شاء الله
ماصدق امه طلعت من هنا الا ويحط راسه على طول ...
>>في بيت ابو متعب
قالت ام بندر وهي تصب لزوجها قهوه :-تفضل
كان سرحان بعالم ثاني ... كررت كلامها :-ابو متعب تقهو
التفت يم زوجته وام عياله الي عاشرته خمسين سنه على الحلوه والمره ، اخذ الفنجال منها ..
قالت له :-علامك مهموم وسرحان
قال ابو متعب وهو يعدل نظارته العريضه على وجهه الي جعده الزمن لكن وقاره بقى زي ماهو ..:-والله افكر في هالعيال وفي مستقبلهم
ام بندر :-ههههههههه أي عيال الله يسلمك ..كلهم كبروا
ابو متعب :-بلا المسؤوليه ماتزيد الا اذا كبروا
ام بندر –يا ابن الحلال اترك عنك الافكار الي ترفع ضغطك وسكرك وتتعب صحتك وبعدين اصغر عيالنا كلهم جود وجود حرمه الحين وهذي اخر سنه لها بالجامعه
قاطعها بوجه مهموم :-اخوي سلمان الله يرحمه امن مستقبل بنيته البتول وان وش سويت لمستقبل بنتي
قالت ام بندر بضيق :-صالح علامك موسوس اليوم ...
قال بكابه :-انتي عارفه ان المرض الي بكبدي كل يوم يزيد وانا موب دايم لها
خنقتها الغصه والله لولا حلفه بالطلاق عليها لتعلم عياله عشان يعرفون ان ابوهم مريض بالكبد :-لا تقول كذا
ابو متعب :-انا ما انكر ان متعب حنون وقلبه كبير لكنه مايعرف لجود مثلي وراح يقسى عليها واجد وعارف طبع بندر الحامي ولابيه يتمشكل مع اخوه غير العيال الباقين ...
سكتت ام بندر هنا معه حق عيالها وتعرفهم ...
ام بندر :-يعني وش السواة نخطب لبنتنا ...
طقت الفكره براسه شلون مافكر فيها من زمان ... ناظرته ام بندر وعرفت ان كلامها الي تو ما مر عليه مرور الكرام وانه دخل داخل هالعقل الي لا يكل ولا يمل من التفكير والتحليل والقرارات ..
قالت بصدمه :-بتخطب لبنتنا ..
سكت ابو متعب ومارد عليها ..وفي هاللحظه دخل عليهم بندر ...
"السلام عليكم صباح الخير" ثم حب راس امه وابوه
ابوه "صباح النور "
بندر " كيف حالك يبه اليوم "
ابوه " الحمد لله زين بشر جهزت للرحله "
بندر "-ايه كل شي زين والخيام راح تسبقنا بيوم للموقع الي اختاره ماجد "
ابتسم ابوه "اذا ماجد الي مختاره فاكيد انه موقع طيب "
بندر "ههههههههههه والله اني عارف انه مايجوز لك الا شغل ماجد فقلت احترم نفسي واخليها عليه"
ابوه :-هههههههه فيكم الخير كلكم بس ماجد يعرف الي يجوز
"ماجد ماجد الحين اهلي ماعندهم سيره الا هو "
دخلت جود الغرفه وكتبها على يدها بتروح الكليه "صباح الخير"
حبت على راس ابوها وعلى راس امها وجلست
ابوها :-صباح النور يبه ..
اخذت لها كاسه شاهي على السريع ووقفت عشان تطلع للسواق امها :-يمه افطري كلي شي
جود بابتسامه حلوه :-تاخرت يمه عندي محاضره بعد ربع ساعه..
امها :-براحتك بس انتبهي على نفسك
جود :-من عيوني سلام
الكل "وعليكم السلام"
لبست عبايتها وتغطت وطلعت للسواق ومعها اخوها يزيد الي يدرس بالثنوي ويروح معها لانها ماتركب مع السواق بلحالها ...
يزيد :-يا الله صباح خير ..
جود :-هلا والله شفيك تقولها من ورى خشمك
يزيد :-هههههههه كشتك علامها طايره
جود :-ههههههههههه قم ضف وجهك هذا يسمونه تجعيد يا جاهل
تذكرت :-بعدين تعال كيف شفت كشتي وانا متغطيه
يزيد :-ههههههههه شفتك قدام المرايه وانتي تلبسين عبايتك طبعا ما تنلامين ألي يشوفك يقول ماشافت مرايات بحياتها
جود :-ههههههههههههههههه كيفي حره
يزيد وهو يزين كتبه على يده :-طيب ياحره اركبي تاخرنا
ركبوا السياره وراحو ..
~*~*~*~

>>بيت ماجد
طلع ماجد من الشاور ولبس ملابسه ...دق جواله
"الو"
بندر :-هلا يا استاذ ماجد وين الناس
ماجد بروقان :-ههههه يالله صباح خير
بندر :-افا يا النسيب
انعصر قلب ماجد وتذكر اخته وجنونها قال بسرعه :-بندر انا اليوم ماخذ اجازه من الشغل برجع اكلمك بعد ما افطر
بندر :-زين انتظرك سلام
ماجد :-سلام
لبس غترته البيضاء واخذ مفتاحه وجواله ونزل تحت ... مرته البتول في طريقها ونزلت عيونها بالارض قال بصوته الخشن القوي :-مافيه كليه اليوم
ارتبكت :-ا ا ا عنـ عندي اوف
ناظرها بطرف عينه ممكن تكون عيوب البتول واجد لكن الكذب مو منها ...سفهها ونزل وقلبه يتقطع لانه زعلان منها ..
ناظرته البتول ودمعتها في رمش عينها ودها تكلمه وخايفه منه ،يوم صحت من النوم حست بالمصيبه وبهول الي قالته البارح ...
نزل بسرعه ولقى امه كالعاده جالسه تتقهوى ومعها اخوانه الي يصحون يفطرون معها قبل لايروحون دواماتهم "صباح الخير "
الكل "صباح النور "
ماجد وهو يجلس :-زين اني لقيتكم هنا
فارس :-خير ان شاء الله
مشاري :-خير
ماجد بسلطته المعتاده :-انا قررت يكون زواج البتول وبندر بالصيفيه الجايه
ناظروا العيال في بعض ...
قال ماجد وهو رافع حاجب :-انتم اخوانها مثلي ورايكم مهم
قال مشاري :-لا يا ماجد انت اخونا الكبير والي تشوفه سوه ماعندنا مانع
قال فارس :-صادق مشاري انت اخونا الكبير والي تشوفه يصير
هز ماجد راسه وانتبه ان امه ساكته :-هاه يا الغاليه وش قلتي ان كنتي ضد تغيير الموعد علميني وماراح يصير الا الي ترضينه
ام ماجد بابتسامه :-يمه مالنا قول بعد قولك
ابتسم ماجد وقال بحنيه :-كلامك يمشي على الكل يمه وانا اولهم
مسكت امه يده وهي تهز راسها ..:-الي تشوفه سوه انا تعبت من اختك
فارس بتعجب :-غريبه ردت فعلها بندر مايتعوض
ماجد بملل :-من يفهم اختك لنا سنتين وحنا بمشادات وهواش في هالموضوع حتى بندر شكل عنده خبر عن شعور اختنا واعتراضها عليه
مشاري طلعت عيونه :-ول هذي مصيبه
ماجد :-لا مصيبه ولاشي دلع بنات ويروح بعد الزواج
العيال:-هههههههههههه ...
وقف ماجد قالت امه :-وين يمه هذا فطور
ماجد :-الحمد لله شبعت وراي موعد مهم
امه :-بحفظ الله
طلع ماجد فتح باب البيت الكبير الا ويحس باحد ورا التفت
رفع حاجب :-خير
قالت البتول وهي منزله عينها بالارض :-سامحني يا ماجد على الكلام الي قلته
ماجد للحين متضايق من كلامها بس مايبين :-صار خير
دمعت عيونها :- لا ماصار خير انا اسفه مايحق لي اقول هالكلام .. انت بمكانه ابوي انت الي ربيتني
قال ببرود والم :-زين انك تذكرتي هالكلام
مسحت دموعها :-متذكرته بس لاعصبت ما اقدر افكر في الي اقوله
ماجد :-بهالشكل ماراح تعيشين مع الناس ..
حمر وجهها من كلامه وتهزيئه لها ..
فتح الباب وطلع لسيارته لحقته البتول وقالت له وهي تضلل عيونها عن الشمس :-ماجد انت جاد في تقريب موعد العرس سنه عن موعده الاصلي
ناظرها بقوه (يمه منه لا ناظرني كذا يكسر عيني وعين أي واحد يتجرا يراده في كلامه )
قال وهو يلبس نظارته الشمسيه :-تعرفيني زين لا قلت كلمه ما اتراجع عنها وان سمعت أي اعتراض ماراح تلومين الا نفسك
وركب سيارته وجحدها ...
وقفت بالشمس تناظر في سيارة اخوها الي ماشيه باتجاه البوابه الكهربائيه الكبيره ...
دخلت البيت بتموت من القهر ...
قابلت اخوانها وعرفت انها لو استعانت فيهم مافيه امل لانهم مايعصون كلمه لاخوهم الكبير وشورهم دايم من شوره ..
طلعت غرفتها يحرقها القهر وقله الحيله قهر من اشتعال النار بالهشيم .. شتسوي ياربي تدق على بندر وتهزئه لا لا مستحيل مهما كانت مجنونه كل شي ولا سمعتها وسمعه اخوانها
نهاية الفصل الاول واتمنى تعجبكم :)
تحياتي للجميع

يسلمووووووو خيتو
الله يعطيج العافيه

@الجزء الثاني@
>>بيت بو متعب <<
اخذت جود الجوال ودقت على ريووف بنت عمها
ريووف :-اهلين جوجو
جود :-اهلين ريووف اخبارك
ريووف :-انا بخير الحمد لله .. عايشين
سكتت جود شوي حست بشي مو طبيعي من برود ريووف ..
قالت بهدوء :-ريوف فيك شي
ارتبكت ريوف شوي وقالت بابتسامه حزينه :-مافيه شي جديد ..
مسكت جود اعصابها وقالت :-لا تقولين عمة رجلك مرة ثانيه
رجعت ريوف شعرها الاشقر ورى اذنها وقالت وهي تثني رجلينها تحتها :-الله يسامحها
عصبت جود :-الله لا يسامحها ياشيخه ..
قالت بطيبة قلب :-تعودنا
انهبلت جود :-لو مكانك شرشحت هالعانس الي ماوراها شغله الا رمي الكلام يمين ويسار ..
قالت بصوت رقيق كله محبه وشلون مايكون صوتها رقيق وهي بتنطق اسمه :-من اجل عين تكرم مدينه وعشان خالد يهون كل شي ..
تنهدت جود بصوت عالي :-بدينا في كلام الحب
ريووف :-هههههههه ياشين الغيره
عصبت جود :-انا اغار ههههاي لا يمكن حياتي
ريوف :-اعصابك طيب لا يصير فيك شي
جود وهي تناظر في الساعه :-ريووفوه ووجع لازم انام بدري ورانا مسراح بدري
ريووف :-ياي وناسه
جود بحماس :-تعالي معنا بلا سخافه
ريووف بتردد :-والله مدري عن فضوة خالد
تنحنحت جود وقالت بلهجه فيها خبث :-علينا انتي لا بغيتي الدرب مشيتيه
ريووف :-هههههههههههههههههه وجع استحي
قالت ببراءه :- وجعين ماقلت شي انتي الي تفكيرك غلط
ريووف بصوت فيه ضحكه :-انا
جود :- لاجدتي يالله سيو بروح انام وبليز حاولي تجين والله من زمان عن المكاشيت
ريووف مو تايهه عن طبع جود ولا عن حماسها الزايد للطلعه قالت بجد :-عارفه انك تحبين الشي الي يغث ماجد عشان كذا بتتشققين وناسه
طار النوم من عيون جود وقالت بعصبيه :-من قال له
ريووف :-غشيمه عنك انا
ارتبكت جود وقالت :-بصراحه ايه على ايش شايف نفسه ابوي الي المفروض هو كبير العيله والي المفروض رايه يمشي على الجميع ما يسوي شي الا يشوره
قالت ريووف بعقلانيه :-شي طبيعي هذا بدال ماتفخرين بولد عمك تعصبين
ارتفع ضغطها :-افخر بايش يا حظي باستبداديته (لحقت على عمرها) تكفين ريوف لا تزعلين عشاني اتكلم عن اخوك كذا
ريووف :-ههههههههه مازعلت ولاشي انتي بنت عمي ومجبوره اتحملك غير اني اعرف ماعندك سالفه
كنها ارتاحت شوي :-شكرا دايم تحرجيني بذوقك
ريووف :-هههههههههههههههههههه ولكمو
الا ويقاطعها صوت خالد زوج ريوف :-مسا الخير قلبي
قالت بحنيه :-هلا حبيبي ...
ولع وجه جود وصرخت باستهبال:-وجع ريوفوه يالي ماتستحين نعنبو ابليسك توني ما خشيت دنيا عيب هالكلام
ريووف وش الي مخلي جود غير الناس عندها .. غير روحها الحلوه الطاهره لا تعرف الحقد ولا النفاق ولا الاشياء الشينه ممكن تدعي انها ماتحب ماجد لسبب ما ريووف شاكه فيه ... معقول بعد كل الي صار بينهم فيه شعور باقي ما مات ؟؟
مافيه غير هالسبب لسبب بسيط ان جود ماتعرف تكره
طفله في جسد امراه ... ملامح كلاسيكيه وجه دائري عيون ناعسه بشره بيضا وشعر اسود مقصوص طبقات يوصل لنص الظهر .. الي يشوفها مايعطيها 23 سنه يعطيها 18 ،19 سنه ...لجمالها وبراءة مظهرها
قالت ريووف وهي تضحك :-اقطع يدي ان كنتي صاحيه يالله انا بسكر
جود بخبث :-ايه الحين احترق كرتي
ريووف وهي تضحك بصوت عالي :-جودوه
جود تستهبل :-يمه خلاص بسكر سيووووووووو
ريووف :-ههههههههههه سيو
سكرت جود التلفون وجلست تتقلب ساعه في الفراش .. عيا يجيها النوم سبحان الله قبل شوي كانت راح تنام وهي تكلم ريوف والحين طار النوم من عيونها هواجيس وافكار تضايقها تجي وتروح ...
ماجد ماجد ماجد
الناس ذولا ماعندهم غيره .. مالهم الا سيرته .. وش شايفين فيه بالله يوم متشققين عليه هالكثر .. بصراحه ماتشوف فيه زود عن اخوانها

اخ من اخوانها ...
والله انهم قاهرينها خصوصا بندر الي ماوافق على روحتهن البر الا بعد مشورة ماجد ضربت المخده بيدها بقوه من القهر ليش ياخذ رايه شي يقهر ...
ماتدري كم جلست على هالحاله الا وهي نايمه ...

~*~*~*~

>>> بيت ماجد
صحى ماجد من النوم قبل صلاة الفجر بنص ساعه عشان يصحي اهله يصلون وعلى طول يمشون .. توضى استعدادا للصلاه وجلس على سريره ينتظر الاذان .. عقد حواجبه ووقف وهو يحمد ربه انه ذكر هالشي فتح درجه وطلع منه سلاح الصيد ابتسم بسعه صدر وبال كان وراح يظل الصيد وطلعات البر من احب الاشياء على قلبه نظف سلاحه الا والاذان ياذن للصلاه .. طلع من غرفته وراح لغرفه اخوانه مشاري وفارس عشان يصحيهم للصلاه ...
دق الباب وقال مشاري بصوت كله نوم :-نعم
ماجد بصوته القوي :-قوموا للصلاه
قال مشاري بكسل :-طيب
ماجد بهدوء :-قم وصحي فارس معك
مشاري وهو مدلي يده من طرف السرير :-ان شاء الله
تركه ماجد وراح لغرفه امه الي كان نورها طالع دق الباب..
امه بحنيه وهي على سجادتها جالسه :-ادخل يا ماجد
دخل وهو مبتسم :-كيف عرفتيني
امه بابتسامه :-مافيه احد من اخوانك عنده دم وذوق الا انت انا ادري طالعين على من في دفاشتهم
ماجد :- ههههههههههههههههههههههههههههههههه غريبه هالدفاشه ما اشوفها لابغاني احد منهم
امه باعتزاز :- لانهم يهابونك
كشر : -والله ذي مشكله عمري ماسويت شي يخليهم يهابوني دايم عادي معهم
امه :- هذي هبه من الله مو كل شخص مهيوب ولا كل شخص يحط الله رهبته في قلوب الناس هز راسه وهو يقول في نفسه /مهيوب مهيوب مهيوب .. لكني مو قريب من احد /
ماجد :- طيب يمه انا طالع المسجد
امه :- الله يحفظك خلاص بنمشي عقب الصلاه
ماجد وهو واقف يعدل شماغه :-ايه ان شاء الله نبي نطلع سيده لبيت عمي ابو متعب عشان نمشي سوى تعرفين مايدل الموقع الا بندر وبندر مو فيه
امه :- وينه ؟
ماجد :- سبقنا للمخيم ..
امه بحزن :- والله انه رجال طيب
ماجد بثقه :- عارف
امه بتردد :- لو البتول تقتنع فيه
ماجد وهو يناظر امه بعيون لابوه اكثر ماهي له :-يمه الكلام في هالموضوع انتهى من 12 سنه تقريبآ بندر بيسوي العرس بالعطله الجايه سواء رضت ولا مارضت انا استعجب (قالها بقهر) قبل كان الموضوع عادي عندها ومن سنتين مسودة لي حياتي بعنادها ودلعها الزايد
امه تحاول تلقى تبرير لسلوك بنتها لكن مالقت ... استاذن ماجد وطلع من الغرفه طفشان وزهقان ...
تذكر اخوانه ومن التعصيبه رجع لغرفتهم وصرخ بصوته :-مشاري فارس
فزوا من اسرتهم متروعين منه قال فارس لمشاري :- ياشينك ورى ماقومتني
مشاري بربشه :-انت الي ورى ماقومتني
فارس وهو يركض يدور ثوبه :-انا عندي دوام ومارجعت الا متاخر
مشاري وهو يلبس ثوبه :-لا انا الي جالس العب ماعندي دوام
فارس بمزاج مقفل :- ها ها ها خفيف دم
مشاري وهو يلقط شماغه :-امش لا يجي يميدنا بالعقال
فارس بدون نفس :-هههههههه اشك في عقلك
مشاري وهو يفتح باب الغرفه :-شعور متبادل
قال ماجد بدون نفس :-لمتى وانا الي اقومكم للصلاه
قال مشاري يستهبل :-مالنا غنا عنك
ابتسم ماجد غصب وقال :-هذا الي فالح فيه وين اخوك
فارس من راهم وهو يرجع اكمام ثوبه من بعد الوضوء :-وراكم
التفت ماجد ، قال فارس :-صبحه بالخير
ماجد "صبحه بمثله يالله بيقيم اخلصوا علينا "
سبقهم مشاري تحت عشان يتوضا .. وطلعوا كلهم سوا

بعد ما صلت ام ماجد راحت تصحي البتول لقتها صاحيه ومجهزه اغراضها
ام ماجد :-هههههههه وش صاير بالدنيا اول مره تقومين من بدري
البتول وهي ترفع شعرها ذيل حصان :-اول مره نطلع من يمكن وانا بالمتوسط ماتوقعت ماجد يوافق
قالت امها بلهجه لها معنى :-الفضل من بعد الله لبندر هو الي اقنعه ..
ارتبكت البتول وخرب شعرها وماردت بكلمه
ابتسمت امها وقالت :-عجلي اخوانك على وصول
البتول بوجه مولع :- طيب
ربطت شعرها أي كلام وهي بتموت من التعصيب خير ان شاء الله وش الي صار ولجم لسانها لا يكون بس مصدومه ان فيه احد على وجه الارض يقدر يثني ماجد عن شي ما هو مقتنع فيه .. لايكون بدت تفكر في ايجابياته اكثر من سلبياته الي ترفع لها ضغطها ...
رمت هالافكار عنها هي ماتبيه ماتبيه ولها الحق تختار شريك حياتها بنفسها
وش نقصها عن غيرها ...
رمت فرشه شعرها في شنطتها ... كان باب غرفتها مفتوح قال ماجد وهو مار من عندها" يالله البسي عبايتك مشينا "
ما امداها تلمحه حتى كان زعلان منها رغم انه عادي على طبيعته ماجد العاقل الساكت الي لا تكلم سكت كل من حوله وخلا كلام غيره قدام كلامه حكمته ونبرة صوته ضباب ماله ملامح ولا وزن ولا قيمه ...
ألا إنها تعرفه من نظرته القاسيه ألي كلها جرح من كلامها صحيح إنها اعتذرت وانه تقبل اعتذارها لكن إحساسها يقول انه زعلان عليها ..
مدت بوزها من الضيق .. وراحت تسكر الشنط اقل شي تسويه ماتحرق دمه على هالصبح بتأخيرها المعتاد ..
~*~*~*~

>>> بيت متعب (ابو طارق)
قال ابو طارق لزوجته :-وين بناتك جهزن للروحه
ام طارق :-اسماء جالسه تلبس ومبسوطه وعايشه ماده بوزها شبر ماتبي تروح ونجوى في المطبخ تطبخ مدري وش تسوي
ابو طارق بعصبيه :- محد جالس فاهمه ولا لا ، ابوي رجال كبير ونفسه يجتمع مع عيلته كلها مو نصها
خافت زوجته وقالت :-والله ماقلت شي
ابو طارق بنص عين :-لا انت ابد ماتقولين شي
انقلب لون وجهها وسكتت ...
قال :- قومي نادي بناتك بنروح بيت ابوي عجلي
فزت من مكانها بسرعه وراحت لغرفه بناتها ... لقت اسماء تتزين وعايشه بقميص البيت لسى
قالت بعجله :-ماخلصتن
اسماء بوجه كنه مزهريه ملونه :-انا بخلص
عايشه :-اااااااااااف مابي اروح ودوني بيت خالتي
دخلت نجوى الغرفه وهي تنزل كموم جلابيتها قالت تستهزء :-تتركين اهلك وتروحين للغرب
عصبت امها :-غرب ايش هذي خالتك اختي
نجوى :-ماقلت شي يمه لكن ذولا اهلنا وعيال عمنا
قلبت امها عيونها دلاله ان الكلام ماعجبها وقالت :-والتبن والله
عصبت نجوى وسكتت نفسها تعرف سبب كره امها الي تتقاسمه هي وخواتها لعيال عمهن
اسماء بدلع :-يمممممممممه
امها بضحكه لها معنى :- اغدي في حالك كود الي في بالك يشوفك صدفه ويخطبك
اسماء من قلب :-ااااااااااااااااامين
عايشه ببلاده وهي تاكل فصفص من صباح ربي :-ههههههههههههههه حلوه
حقرتهن نجوى باشمئزاز وراحت تاخذ عبايتها صحيح انها اكبر خواتها وعمرها 25 وماتزوجت لسى الا ان الزواج مو من اول اهتماماتها ومحور كلامها زي خواتها ..
صحيح تتمنى تتزوج وتكون ام لكن عمر الموضوع ماكان وسوسه لانها مؤمنه وفيها دين كثير وتعرف ان الزواج قسمه ونصيب ..
رفعت شعرها الطويل المصبوغ درجات البني بشباصه ولبست عبايتها
قالت اسماء بلهجه ممطوطه :-تعالي هنا صواني الحلا ذي كلها لمن
ناظرتها نجوى ببرود :-انتي في اعتقادك لمن ؟
تفشلت اسماء وقالت لامها :-يمه ان ماخاب ظني بنتك ترسم على واحد من صقور العيله
قالت نجوى باستهزاء :-الله لا يبلاني بالي بلاك فيه
قالت اسماء ببزاره :-وانا شفيني
نجوى بصراحتها المعتاده :-روحي شوفي وجهك ذا الي كنه صحن حلاو العيد وتعالي تكلمي
ام طارق :-خلاااااااااااص نجوى لا تحطمين اختك
نجوى :-احطم ايش يمه وين حنا فيه نسيتوا عاداتنا نسيتوا الدين والشرع وبنتك تتكلم كاني مو متزوجه
انقلب لون وجه امها وقالت :-ليه وش سوينا حنا يوم تقولين اننا نسينا الشرع
نجوى :-مدري عنكم تخططون على فلان وعلان وهذا مايجوز
اسماء بوقاحه :-خليك في دينك اصرف لك واجلسي عند امك طول العمر عانس غبيه
ثقتك نجوى في نفسها مالها حدود ومايهزها احد خصوصا ان كان مثل اسماء
قالت بدلع قهر اسماء:-انتي ناسيه اني مملكه عيوني
اسماء باستهزاء :-مملكه طل لو رجلك يبيك كان يمديكم تزوجتوا مو ملكة 3 سنوات والعرس بح
حزت الكلمه بقلب نجوى وسفهتها
واخذت اغراضها وطلعت من الغرفه قبل لا تكبر السالفه ويتهاوشن ..
قالت عايشه :-اوووووووووف طفش دايم هواش
صرخت امها :- قومن البسن بسرعه
تجهزن بسرعه وطلعن قال اخوهن تركي بعصبيه :-ساااااااااعه
طبعا تركي اصغر من نجوى بسنه عمره 24 سنه بس خواته يخافن منه موت لانه عصبي مره مو مثل طارق الحكيم الي اصلا يالله ينشاف بحكم عمله كطيار وسفرياته واجد
ناظر في اسماء بصدمه وصارخ :_انتي وش صابه على وجهك بسم الله الرحمن الرحيم هذا وجه ينتصبح به من صباح ربي
قال ابوه من وراهم :-تركي علام صوتك واصل لبرى
تركي بقرف :-شف وجه ذي كيف قايل
ماتت اسماء من الخوف ناظر ابوها في وجهها بصدمه وقال بذهول :-بسم الله وش ذا الازرق والاخضر الي حاطته روحي اغسلي خشتك ذي الي كنها خيشة بصل
تحطمت اسماء وراحت تركض لغرفتها ... لحقتها عايشه ...
قالت اسماء وهي تمسح دموعها :-شفتي اخوك وابوك
عايشه بخبث :- هم ركبوا السياره مصدقه عمرك بتغسلين وجهك امشي يالله تغطي ومحد منتبه
طلعت عيونها قدام :-والله وجبتيها ..
عدلت لبسها الي ملون كانها ببغاء فيه وزينت شعرها البرتقالي ولبست عبايتها وتغطت .. طبعا عايشه موب احسن منها بس الفرق ان عايشه ماتحب تحط مكياج ابد وشعرها الاسود الخشن نوعا ما مرفوع بشباصه فوق ..
يمكن احسنهن لبس وترتيب نجوى انسانه رايقه مره ونعومه ولبسها دايم يليق بها ..

@الجزء الثالث@
حطت جود واقي من الشمس على وجهها ويدينها صحيح مافيه شمس قويه والجو معتدل لكن هذي هي عاداتها وشمس الرياض ما تنظمن ساعه حر مره وساعه براد ...
لبست بنطلون جنز ازرق وبلوزه بيضاء وسوت شعرها جديله ثم لبست عبايتها الي مسكره من قدام حتى ما يبين لبسها اذا مشت او تحركت .. ولولا انهم طالعين بر مع اهلهم ماكانت لبست كذا
طل يزيد عليها وهي تجمع اغراضها :-هاه ما خلصتي
جود:- الا خلصت (قالت تمصلح ) يزوووووووودي حبيبي
يزيد وهو مكشر :-ماتعرفين تتمصلحين خير
قالت بابتسامه تشق الحلق :- نزل لي شنطتي
يزيد :- شغال عندك انا
جود تستهبل :-لا انت الخير والبركه بس يرضيك اشيل شنطه واطيح وينكسر عصعصي
يزيد :- ههههههههههههههههههههههه وما تتزوجين وتقعدين عله على قلوبنا لا ياشيخه اشيلها واشيل امها بعد
جود وهي تمد لسانها :-عله على قلبك ..
يزيد :-ههههههههههههه الله يعيننا
جود :-يزيدووووووووووووووه ...
الا وابوها يدخل بما ان الباب مفتوح :-شعندكم يا عيال
حبوا راس ابوهم وصبحوا عليه ..جود :-سلامتك يبه تعرف يزيد يحي يرفع ضغطي من الصبح
يزيد :-وجع قلبت السالفه علي
ابوهم بابتسامه :-يالله ماودكم تنزلون .. نبي نمشي ..
جود ويزيد :-ابشر يبه
ونزلوا العيال ورى ابوهم وهم يدفون في بعض ويتهاوشون بصوت واطي كنهم بزران ...
دق جوال ابوهم وطلعه :-الو
الوليد:-صبحك الله بالخير يبه
ابوه :-هلا هاه جبت الذبايح والاغراض الي موصيك عليها
الوليد :-ايه الذبايح معي وباقي الاغراض راح عمر يجيبهم
ابوه :-انت تعرف عمر بربوس ماهو بجاي الا تالي الليل
الوليد مسك نفسه لايضحك معه حق ابوه عمر لاراح في درب ابطا قال ابوه يكمل :-انت وينك الحين ؟
خلاص مابيني وبين المخيم الا ساعه ..
عصب ابوه :- مهبول انت كم ماشي
الوليد ببراءه :-السرعه القانونيه يبه ؟
ابوه يستهزء فيه :-السرعه القانونيه وان اسمع صوت جرس السرعه هد ترى الطريق الي انت فيه صحراوي يمكن يطلع لي بعير منا ولا منا
الوليد :-على خشمي تامر بشي
ابوه :-لا
الوليد :-سلام
سكر ابوه الجوال وقال لام بندر :-وين ندى ماشوفها
طلعت ندى من المطبخ بابتسامه :-هنا يبه امر
ابوها:- مايامر عليك ظالم يبه لاتنسين علاجاتي
ندى بحنيه :-ولو يبه انسى عمري ولا انسى علاجك حطيته بالبراد وباخذه بنفسي بالسياره
ابوها :-بارك الله فيك يبه بشريني وش اخبار تجهيزات العرس
استحت مره من ابوها وولع وجهها قالت وراسها بالارض :-زينه يبه بالاذن ..
وهجت بسرعه تلقط وجهها ...
جود :-ههههههههههههههه اموت على الحيا حبيب الالب وينه
ندى بهمس :-انطمي وجع لايسمعك واحد من العيال ويحوسك وانا معك
جود :-هههههههههههه خوافه
ندى :-عندك مانع
جود :-عني دواس ههههههههههههههههاي
ندى :-الشرهه مو عليك على الي يكلمك يالبزر
جود :-انا بزر يالمشيبه ترى مابينا الا سنه
ندى :-قرويه ماعليك شرهه ولا وش يفهمك بالصبغات
جود :-قومي انقلعي المهم ماتدري عن خواتنا المعرسات بيجن ولا لا
ندى تستهبل :-توام اخونا الوليد المدام اريام بتجي والاخت امال ماتدري تعرفين هالاسبوع اخر اسبوع لامتحانات المدارس ولدها عنده امتحانات ...
جود :-ايه صح حسبتهم نفس حالتنا معطلين
ندى تبي تقهرها :-احسدك على ذكائك
جود :-حسوووووووووده
الا واريام تقاطعهن :-لا اله الا الله ماتتركن المحانك انتن

صرخت جود :-ريوووووووووووووووووووووومه
وضمت اختها قالت اريام :-وجع بشويش بتموتين ولدي انتي
جود بحركه عفويه :-يوه نسيت انك حامل
ندى :-هههههههههههههه وخري هناك بسلم على اختي
جود بحركات بزران :-كليها واشبعي بها بعد
تذكرت ندى :-الا وين رجلك ؟.
اريام وهي ماده بوزها :-اخونا الغبي عمر مسكته الشرطه لانه قطع اشاره وراح سلمان يكفله جود بتكشيره :-يوه خربت الرحله
طبعا كانن يتكلمن بصوت عالي وهن بالصاله وسمعهن ابوهن وقال :-لا خربت ولا شي البسن عباياتكن بكلم واحد من عيال عمك يجون يودونا
انقبض قلب جود :-يبه ورى مايودينا السواق
ناظرها ابوها ذيك النظره الي خلى خواتها يمسكون انفسهم لايضحكون على شكلها
قالت جود تصرف :-نعم يمه جااااااايه
وراحت تركض للمطبخ بعد طيحة هالوجه لان امها مانادتها ولا يحزنون ..
قالت امها وهي تناظرها :-جود شفي وجهك احمر فيك شي يمه
جوود تصرف :-لا ابد يالله مشينا
امها وهي تهز راسها :-الله يهديه اخوك عمر مالقى يخربها الا اليوم
جود وهي تناظر في الشغاله وهي ترتب ترامس القهوه في السلال :-يمه هذا عمر وهذي طبوعه شنسوي يعني ..
امها :-الله يهديه ...
جود :-امين ..

~*~*~*~

>>>>بيت ماجد..
سكر ماجد جواله وقال ودق على جوال مشاري
ماجد :-الو سلام
مشاري :-هلا ماجد
ماجد :-اسمع انت وينك ؟
مشاري :-ويني ياحظي انا سبقتكم للمخيم معي اماني وريووف
ماجد ماحب يقول له عشان مايشغله عن السواقه :-رحتو بعيد
مشاري وهو ينزل شماغه جنبه ويشغل مكيف السياره :-ايه حنا بمنطقه ..........
ماجد عرف ان مافيه مجال يروح مشاري لبيت عمه :-زين يالله مع السلامه بس حبيت اشوف وينكم
عرف يلف السالفه زين عن مشاري النشبه
سكر الجوال وراح يدور فارس لقاه جالس يشيك على كفر السياره ومنشغل .. الظاهر لازم يروح هو بنفسه
قال لفارس اسمع انت اخذ امي والبتول واسبقونا للمخيم راح نتقابل بعد ربع ساعه في .......فيه طريق مختصر بمنطقه عمي يخلينا نلحقكم ..
فارس عقد حواجبه :-وانت ؟
ماجد وهو يرجع شعره بيده :-انا بودي عمي واهله
طبعا عمهم اعور والعين السليمه نظرها مره ضعيف ويتعب من السواقه ولازم احد يسوق به في كل مشاوريه لان عياله تأدبوا من عقب الحوادث الي صارت له بسبب النظر الشبه معدوم عنده .
فارس :- وين العيال ؟؟ عمر والوليد..ويزيد
ماجد وهو ياخذ شماغه من سيارته الي موجوده بموقف سيااراتهم الكبير :-مدري هو كلمني وقال ارسل له مشاري ومشاري معه البنات وسبقنا بواجد مقدر ارجعه
فارس بشماته :-ههههههههههههههههههه بيموت من القهر لو يدري وش فوت
ابتسم ماجد وقال له :-لا تسرع
فارس :-ابشر
وطلع فارس مفتاح سيارته الكامري 2006 وعطاه لماجد لانهم بيرحون على سيارة ماجد الكابريس 2006 ..
ركب ماجد سيارة فارس وراح لبيت عمه ...
،
،
،
بعد عشر دقايق وصل ....
لقى يزيد واقف برى ينتظره .. رمى عليه السلام
قال يزيد :-بفتح لك بوابة السيارات عشان تدخل السياره
ماجد :-زين
فتح يزيد باب السيارات ..ودخل ماجد السياره ونزل .. عطاه يزيد مفتاح الجمس وركب ماجد وطلعه برى .. ثم نزل
ربط شماغه زي الحمدانيه الاماراتيه ماله خلق يشيل العقال على راسه مدة ثلاث ساعات تقريبا لبس نظارته الشمسيه ووقف ينتظر عمه يطلع ...
مشى بسرعه وحب راس عمه :-صبحك بالخير
عمه :-هلا يا ولدي ليش متعب عمرك ورى ما ارسلت واحد من العيال
ماجد بابتسامه :-تعبك راحه ياعمي يالله صار لهم فايضين من الصلاه نص ساعه تاخرنا
عمه :-الحق معك وانا ابوك (التفت يم يزيد) رح ناد امك وخواتك
يزيد بسرعه:-ابشر
ودخل يناديهم ..مشى ماجد مع عمه لين ركب وسكر الباب وراه والتفت راجع ..قبل لايركب سمع صوت ناعم يهبل :-تو ما انور الحي
انصدم ماجد مو معقوله ماتوقعها من بنت من بنات عمه ..
انهبلت ندى وهي تشوف مشاري قدامها يا زينه هو وحركة شماغه ...
قالت جود بهمس لكن ماجد سمعها :-استحي على وجهك عيب
ندى بنعومه وكنها تكلمه هو مو اختها :-عيب ايش مشاري رجلي صح ولا لا
ماقدر يمسك نفسه ابتسم وهو معطيهم جنب وجهه ومنزل راسه ، رفع راسه والتفت يمهن طلعت عيون ندى قدام من فتحة برقعها ورجعت تغطت امحق لها ساعه تخبص من هالكحول تحسب مشاري هو الي يوديهم واخر شي طاحت لها في مطب قوي بالحيل ..ومع مين مع ماجد يا خزياه بيشره عليها
شهقت جود بقوه وعطتها ندى كوع في بطنها
قالت ندى ترقعها :-صباح الخير ماجد كيف حالك؟؟
ابتسم وقال وهو مدنق :-بخير عساك بخير شخبارك يا ندى ؟؟
على الاقل عارف منهي اشواااااا شي ارحم من شي ...
قال وهو ماسك نفسه لايضحك من ارتباكها :-مشاري لو موجود كان جا يوديكم

فهمت ندى تلميحه انه فاهم انها تحسبنه اخوه قالت تبلع ريقها :-انت الخير والبركه
وركبت السياره طوالي ووجهها طايح ع الاخير ...
قالت جود تهمس :-وجع ان شاء الله فضحتينا
همست لها :-يوم انك فالحه ورى ماقلتي لي انه ماجد مو رجلي
جود بعصبيه وتوتر وقلبها بينفجر في صدرها :-انتي تخلين احد يشوف تهبدين ماتعطين احد فرصه
ندى فيها صيحه من الفشله :-لا يكثر بس ..
جود مرتبكه على الاخير :-فالحه وخري بركب بالمرتبه الثالثه
ندى بقهر :-جودوه اقعد بلحالي يعني
جود :-تعالي معي انا بقرا الصراحه مالي خلق ارتز كني سكني قدام مغيمين الجمس ليه عشان نصور معه .
مسك ماجد نفسه بصعوبه لا يضحك بكل صوته بنت عمه ذي مخروشه ولسانها متبري منها.
ركب يزيد معهم قدام وركبت اريام وام بندر بعد مارموا السلام ...
قال ابو متعب لماجد :-اقول وانا بوك متى بتتزوج
ماجد بابتسامه :-ناسي اني متزوج ياعمي
ابو متعب :-ههههههه لا وانا عمك انت فاهم قصدي
ماجد وهو يسند ظهره لكرسي السياره :-ان شاء الله لين تتزوج البتول واتطمن عليها
عمه :-البتول ان شاء الله بتعرس بعد شهرين ماعاد لك عذر
سكت ماجد
كمل عمه :-ياولدي العمر يركض وأنت مملك لك سنين
قال ماجد وهو يناظر في عمه :-الرأي رأيك ياعمي والشور شورك
عمه :-ياولدى إلي بيعرس أنت موب انا
ماجد :-ههههههههههه عارف ياعمي خلاص الله يقدم الي فيه الخير
عمه :-الله يوفقك ويرزقك كثر برك وطيبك
ماجد :-تسلم يا عمي
طبعا الانسه جود كانت بالمرتبه الثالثه وفالتها منزله طرحتها وفاتحه لها كتاب لها ساعه وماقرت حرف واحد
ما كانت تدري ان ولد عمها من قريب كذا روعه شويه فيه ... لا ومسوي حمدانيه اماراتيه بشماغه ياويل قلبـي ...
عضت طرف الكتاب بقهر ياحظ بنت شيخوه فيه ...انتبهت لعمرها ورجعت تقرا..غصب غصب لازم تقرا هالروايه الي كرهتها من قلب لانها فكرت فيه وهي ماسكتها بيدها ...
مر نص ساعه قال ابو متعب لولد اخوه :-عطنا من قصيدك الزين مبطين عنه
ام بندر والي تعز ماجد من معزتها لعيالها :-ايه وان امك سمعنا شي من شعرك الي يشرح القلب
ماجد :-هذي قصيده الفتها من ثلاث سنين ...
يزيد بحماس :-ماقدر نشرتها
ماجد بضيق لكنه ابتسم :-لا خاصه ما نشرتها
يزيد :-يالله هاتها ترى كل قصايدك حافظها وبعرف ان كانت قد نزلت ...
ماجد بلع ريقه وقال بالقاءه الي يهجد كل من حوله حماس ورغبه في سماع كل حرف وكل كلمه وكل تعبير ...
انا والليل والعبرة وجرح وخاطر ٍمكسور
ونفس من هجير البعد والحرمان مقهورة

وقلب ظامي لشوفك ولايروى ظماه بحور
وعين تحتري لحظة غياب الطيف وحظوره

ونار تنطفي مره ومره تشتعل وتثور
واقول النار مقدورة وهي ما هيب مقدورة

حسبت الليل بغيابك يمرن الليال دهور
وكني شايل بقلبي ليال الوقت وشهوره

تصبرت وتقدرت وبنيت من الخيال قصور
إلين ان الجفا شد الركايب وانتهى دوره

تحريتك على درب القصيد من ثلاث دهور
وحشا ما مات لك غصن يشف الماي بجذوره

تخيرت الغرام وجيت لا راضي ولا مجبور
وجيتي تسبقين خطاك مرضيه ومجبوره

وانا ما كان لي رغبه أبين واكشف المستور
ولكن الجمال أكبر من الخفاق وشعوره

جمال وود وعيون ودلال وكبرياء شعور
وفتنة تخذل عيون النهار وينطفي نوره

ولك في خافقي صوره تلاشت بين ضي ونور
وأخاف اسكت من الفرحة وتنطق باسمك الصورة

عرفتك وانتهت رحلة قساوة دربي المهجور
والا يا جملة أيام الجفا والصد مشكورة

خذتني للجفا عزه واخذني للعناد غرور
واخاف اكون بعنادى حبيب ومات بغروره

وإذا كانت مسافات الخيانة للغرام قبور
وش اللي يجبر العاشق يخون ويحفر قبوره؟

وش اللي يجبر الشاعر يدور للشعر جمهور؟
مدام انتي محبينه وعشاقه وجمهوره
(حامد زيد)

غمضت عيونها بقووووووووووووه وخلت دمعها يسيل ويسيل ....
مايدري كيف جاله قلب وقال هالقصيده بوجودها ولكن لابد بشي من التنفيس تعب تعب تعب من الكبت ...

لمن كتب الشعر وابدع به ...؟؟ مافيه غيرها
لكنها اختارت وهو بعد اختار !!

//**~::الفصل الثاني ::~ **//

×>الجزء الاول<×
>>>في السياره ..
قال ابو متعب :-الحين المكان انت متذكره ولا شلون
فهم ماجد عليه وقال :-ايه اذكر ان هالمنطقه زينه لكني جيت بنفسي قبل ايام واغلب المخيمين عوايل وينعدون على الاصابع يعني مكان مناسب لحريمنا ويقدرن ياخذن راحتهن..
هز عمه راسه رضا على تصرفات ولد اخوه الي حنكه بيدينه وهو صغير وطلع رجال والنعم فيه .
ناظر ماجد في يزيد ووجهه الاصفر :-يزيد اخذت علاجك
كشر يزيد مايبي احد يجيب سيرة الدواء المقرف الي ياخذه
قالت امه :-يو يمه ليش ماذكرتني انت تعرفني نسايه .
يزيد بضيق :-ياليتك نسيتي
قال ماجد بقوه رغم انه صوته ما ارتفع عن طبيعته درجه وحده :-الي معك القلب مو لعبه خلك رجال واخذ علاجك
سكت يزيد ومارد واخذ علاجه لاني مايبي يضيق خلق امه وابوه ..
دق جوال ماجد ورد :-هلا ..زين انا اكلمكم بعدين
ضرب عرق في راس جود ونطت عند راس ندى الي جالسه قدامها قالت بصوت واطي مره :-ندوش تهقينها تكلمه
طلعت عيون ندى قدام وقالت بهمس :-وجع انطمي وانا شدراني
تفشلت جود من لقافتها وقالت :-يختي سؤال برئ ..
ندى :-تلعبين على مين انتي انسي انسي تراه ماخذ بنت اخوك يعني محرم عليك
طعنه ..
طعنـه..
طعنــه..
في صميم القلب ..
سكنت وهجدت ..وخفقات القلب تلاشت ولا كنها كانت واستفاضت وهاجت قبل لحظات .. لحظه بس لحظه عاشتها بدون مكابره والنتيجه صدمه الواقع تهزها هز..
كلام ندى زي الضربه الي جت قويه على الصدر وخدرت كل الاحاسيس من قوة ألمها ..زي الي يتوجع والالم تعدى الجسد وتوغل في الروح ..
رجعت ورى لكرسيها ونزلت دموعها وهي كابته شهقتها بيدينها الثنتين عشان محد يسمعها ودها تصارخ تبكي تبكي ..تترجاه تعتذر منه اخطت عليه واخذها الغرور بمحبته لها وتاليتها خسرته وياليت من بعد الخساره فيه امل ..لا الخساره جتها مزدوجه فزود على انها خساره مات الامل واحترق واستحال رماد للابد .
قال ابو متعب لماجد السرحان الي ماسك الدركسون بيد واليد الثانيه مسندها لباب السياره ..:-غريبه ماشوف عزبتك معك
ابتسم ماجد ذيك الابتسامه الي تقلب ملامح وجهه 180ْ ولانه يعرف عمه ويفهم مقاصد كلامه حتى اكثر من عياله قال :-ههههههه لا مانسيتها لكنها مع فارس
ابو متعب بابتسامه جعدت وجهه اكثر :-انا استغربت يوم ماشفت سلاحك معك
ماجد :-ههههههههههه بعذرك يا عمي ماقد طلعنا بر الا وهو معي
قال عمه وهو يتذكر :-الا على طاري فارس وين قال انه فيه
ماجد :-راح يوصلون بعدنا بربع ساعه ماعليه فارس يخبر هالمنطقه زين لانه يخيم احيانا مع خوياه هنا
ابو متعب :-ايه اشوا بس قل له ينتبه الارض ممطوره ماشاء الله لا يطيح له في بركة مويه
ماجد :-قلت له ينتبه ماعليه الوالده معه ماهي تاركته فحاله هههههههه
ابو متعب :-ههههههههههههه

<<<في المخيم
مشاري وخواته لهم ساعه واصلين والوليد وصل بعدهم بدقايق وذبحوا ذبيحه وجهزوا الفطور وشبوا النار وحطوا الدلال عليها وكل شي جاهز بس ينتظرون العيله توصل ..
بعده بربع ساعه وصل ماجد والعيله ووراه كان فارس وامه واخته .
نزل ابو متعب من السياره ومعه يزيد بقى ماجد بالسياره يشغل جواله الثريا لان المنطقه الي هم فيها ما تشتغل فيها الجوالات العاديه ..نزلت ام بندر واريام وندى الي كانت مستعجله تبي تشوف مشاري قبل لا يروح يعني فرصه اما بالنسبه لجود كانت غافيه بالسياره وانتبهت للهدوء الي حولها بسبب صوت ماجد وهو يلعن الجهاز الي معه جلست بسرعه وشافت الجمس فاضي احترق وجهها وبردت عظامها جمعت اغراضها وحطتها بشنطتها الكبيره وحاولت تنزل ..في هالوقت نزل ماجد من السياره ودنق يبي يزين شي بمرتبته الي كان جالس عليها ، من العجله والرباشه دخلت عباية جود في مكان ونشبت فيه وهي ما انتبهت الا يوم جت بتحط رجلها بالارض الا والعبايه تشد عليها بتطيحها على وجهها صرخت صرخه خوفت ماجد وانتبه لها ترك باب سيارته مفتوح عشان محد ينتبه له وهو يساعدها ما يبي يجيب لها المشاكل "دقيقه "
شب وجهها نار وضرب قلبها ضرب لو جا قدام الطبول نافسها ..
كانت العبايه شاده عليها وتخنقها حاول ماجد يفكها بس مافيه امل والبنت تختنق ماقدر يتحمل مسك العبايه وبكل قوته قطعها وقبل لا تطيح مسكها من ذراعها لا تطيح على وجهها بسبب الموقف كانت اعصابها بتنفجر وبسبب قربه منها زاد حالها سوء والطيحه كملتها نفضت يده وهي تحس ودها تبكي بقوه وترتجف وحالتها حاله قالت بدون شعور :-وخر عني وش سويت أنت خربت عبايتي توني شاريتها جديده مكلفتني واجد
تغير لون وجهه هذا جزى إلي نسى نفسه وجروحه وجا يساعدها قال يستهزء :-أيهم أهم حياتك ولا عبايتك
ومشى وتركها لأنها إن مشت قبله بيبين لبسها لان العبايه صايره قطعتين منفصلات وهي ماسكتها بكل قوتها وكأنها بتموت إذا تركتها ..
ناظرت فيه ونزلت دموعها لأنها شافته يروح لمجلس الحريم عشان يسلم على جدته أم أبوه (ام صالح) وكانت نجوى واقفه عند الباب تبتسم له رمت عبايتها وشنطتها بالسياره وركضت تبي تختفي قبل لا يشوفها احد ويتشمت فيها ما تتحمل ما تتحمل كرامتها فوق كل اعتبار ركضت ماتدري وين وجهتها بس اهم شي تبعد عشان تبكي براحتها وترتاح حتى ترجع قويه وتقدر تتحمل بنات اخوها من ابوها وامهن الحيه والاهم تقدر تتحمل شوفة من حرمتها من ماجد ...
ناظرت في الساعه ولقتها 8 الصبح غريبه مافيه شمس قويه كان الجو مره حلو وكان فيه ريحة مطر المكان كان روعه نفود وعشب ووناسه والاهم ارض فاضيه يعني حريه شخصيه للي يبي يتمشى ويوسع صدره ..
مسحت دموعها وغسلت وجهها بقارورة المويه الي معها من اول مامشوا من بيتهم ...
رفعت راسها للسما وهي تشوف رشاش مطر خفيف ابتسمت من كل قلبها كان جو ولا اروع ..شي يبث التفاؤل في قلبها لكن وش فايدة التفاؤل لما نرجع لواقع يقتلنا ويألمنا

خذتني للجفا عزه واخذني للعناد غرور
واخاف اكون بعنادى حبيبومات بغروره

وإذا كانت مسافات الخيانة للغرام قبور
وش اللي يجبر العاشقيخون ويحفر قبوره؟

وش اللي يجبر الشاعر يدور للشعر جمهور؟
مدام انتيمحبينه وعشاقه وجمهوره

رجعت الدموع بقوه وكانها نار تشتعل في هشيم تحرقروحها معها ..
اه ثم اه ثم اه
ليه يا ماجد ليه ...؟؟
ليه اخذت عزتك منيماقصدت ماقصدت ماقصدت وش الي سويته تزوجت بنت اخوي خليتني محرمه عليك لابد الابدين ..
حست بشويه برد وفكت شعرها الطويل عشان يدفي رقبتها شوي ..
جلست على الارضوضمت ركبها لحضنها وهي تشوف كآبة حياتها تتصادم مع روعة الجو ..
×قلي يا زمن وشباقي حزن تخفيه!!×
~*~*~*~

>>بالخيمه
قالت جدة ماجد لنجوى :-يمه روحي اجلسي جنب رجلك موجنبي
طاح وجه نجوى مره ونزلت راسها ووجهها احمر .. استغلت امها الفرصه وقالت :-ايه جدتك صادقه ..
حست بقلبها بيطلع من محله وقالت بهمس :-لا بجلس جنبك يا جده
ضحكت جدتهم الكبيره بالسن والمريضه :-يوه من دلعكم يا شباب هالزمن
ابتسم ماجد وقال :-لا تحرجينها يا جده (قال بيغير السالفه) الا القهوه الزينه ذي من مسويها
قالت ام طارق :-ذي نجوى من فجرية ربي وهي ناشبه في المطبخ تشتغل
قالت بحيا :-يمه
قال ماجد بابتسامه حنونه :-الله يسلم هاليدين
حمرت خدودها :-صحه وعافيه
ماجد :-يعافيك ..
قالت ام ماجد بابتسامه :-لك نفس يمه في الطبخ ماشاء الله عليه فنان
قالت نجوى وهي تناظر عمتها ام زوجها :-صحه ياعمه
"وخري عني دوري بشوف"
كانت عايشه واسماء مرتزات عند واحد من بيبان الخيمه المسكره ويقزن ماجد من الفتحات الي بالجوانب ..
قالت عايشه :-اف منك شوفيه واشبعي منه
اسماء :-اشبع ما اقول الا مالت على حضوضنا الطين
عايشه :-ههههههههه أي والله وانتي الصادقه
اسماء :-اقول عايشه ما تلاحظين انها غريبه انهم ماتزوجوا لسى
عايشه بغباء:-مو هو يقول مايبي يتزوج الا عقب زواج المدلعه الماصخه
قالت اسماء بكره :-قصدك البتولوه
عايشه :-ايه ماغيرها ...
اسماء :-ماظنيته يا عايشه يعني لو تزوج باختنا وش بيصير للزفت ذي احساسي يقول لي انه مايبيها
عايشه وعيونها طايره قدام :-مجنونه انتي شلون مايبيها ليه حرمه هو ينغصب
اسماء وهي تتنهد من قلب :-الا رجال ونص بس مدري احس فيه نظرته لنجوى شي حزن او فراغ مدري
عايشه :-قومي فارقي الافلام الهنديه مآثره عليك
اسماء :-الشرهه مو عليك خليني املي عيني ابرك لي
عايشه وهي نازله تقز من تحت :-هههههههههههه بالله شوفي نجوى الهبلا عيونها بالارض اسماء :-ههههههههههههه يختي اختنا ذي طالعه هبلا على مين
عايشه :-هههههههههههههههه مدري
وقف ماجد وقال بهدوء :-انا بروح لخيمه الرجال تجين يا جده معي
جدته :-والله يا وليدي رجيلاتي ماتساعدني خيمتكم بعيده شوي
ابتسم وسكت مشى للباب وقال :-نجوى
رفعت راسها وقالت بلهفه :-سم
ماجد تحامل على نفسه وقال :-تعالي شوي
قالت جدته :-يوه اثرنا عذال
ماجد :-هههههههه محشومين ياجده
طلعت نجوى وهي تعدل جلابيتها الحلوه تمنت لو فكت شعرها بدل رفعه شنيون كذا وقفوا عند سيارته وقال :-كيف حالك
شوي وتطير من الفرحه كانه حس بحاجتها له وان هالدقايق الي جلسها ما كفتها ولا ارضت شوقها له قالت بابتسامه :-تمام انت كيف حالك
ماجد :-بخير ..
ناظر في ملامح وجهها الناعمه الراكزه ماشاء الله عليها عيون عجيبه لكن ليش يحس بنفسه كلما طال الوقت انه متضايق ومو فرحان ..ليش؟؟
جواب هو يعرفه بسبب مرض اسمه جود استبد بكيانه وجلس ينهش بروحه ووقف حاجز منيع قدامه وقدام أي بنت ثانيه
قال وهو ياخذ جواله :-يالله تامرين بشي
كانه لمح ومضة حزن بعيونها
قالت بضعف :-اجلس شوي بدري
قال بابتسامه وهو يزين ربطة شماغه :-مره ثانيه ان شاء الله ، يالله سلام
ومشى وما التفت جهتها لو التفاته وحده ..حس بضيق يفوق الوصف لكنه كبته ومشى لين وصل لخيمة الرجال ..لقاهم حاطين الفطور سلم على ولد عمه (متعب) وعلى ولده تركي وجلس اكل لقمتين وبعد القهوه والشاهي انفضوا الي نام والي راح يمشي والي راح يشوف تجهيزات الغداء ..والي جالسين يسولفون ..
فتح ماجد باب سيارته واخذ سلاح الصيد بيده كن الجو بدا يبرد اخذ معه جاكيته الطويل ولبسه ...
قال له عمه :-الله الله بالصيد الزين
ابتسم وقال :-والله يقولون الصيد هنا زين
عمه :-اجل الحق عمك بارينب يشتويها بدل هاللحوم والشحوم
ماجد :-هههههههههههه ابشر وبدل الارنب عشر كم ابو متعب عندي
ومشى ماجد مسافه وشاف له ذيك الارنب ولانه لا رمى مايخطي ابد بطلقه وحده ذبحها ..راح

لها وذبحها بالسكين واخذها بيده...
فزت جود من مكانهابخوف ورعب ماحسته في حياتها هذا طلق نار ...
ماتت من الخوووووف دورت جوالهاوطلعته لقت مافيه ارسال طلعت عيونها قدام من الخوف ..
إلا وطلقه ثانيه نقزت منمكانها وتجمعت بعيونها الدموع المصيبه أنها ماتذكر وين مكان مخيمهم ..وش هالمصيبهإلي طاحت فيها
أرهفت سمعها إلا وصوت مشي التفتت تدور مكان تتوزا فيه لقت الأرضصحرا ممتده ولا شي يقدر يحجبها عن النظر ..
رحتي فيها يا جود يا بنت الأصلوالفصل ضاع مستقبلك وانتهت حياتك ...
كأن خطواته تمشيه مسيره مو مخيره ..شي قبضقلبه وخلاه ينبض وكأنه بينصدم صدمه بتهزه هز ...
مشى ماجد الا هو يوقف مكانهمصدوووم من ذي الي واقفه لابسه جنز وبلوزه بيضاء وشعرهاااااااا اه عذاب ..
تعوذمن ابليس وتنحنح
تجمدت مكانها وشوي ويغمى عليها ..قال ماجد بهدوء :-يا بنت روحيلاهلك المكان ذا فيه شباب وعوايل
ماتت في جلدها ماااااااااااااااااااااجد ماتدريهي تفرح ولا تتمنى الموت ولا يشوفها كذا ...
استغرب ماجد من هالادميه الي ماتحسعلى دمها ياترى هي ادميه ولا بسم الله ابتسم وقال :-انتي انس ولا جن
عصبت "جنبعينك"
قالت وهي تلتفت :-انا جود
انصدم ماجد وقست ملامحه عصب بقوووووه وقال :-وش تسوين هنا صاحيه انتي ولا مجنونه
نزلت عيونها بالارض وهي ترتجف من الخوفوالفشله والظروف الزفت الي حطتها بهالموقف ...
جا لمها وهو واصل اقصى مراحلالتعصيب صرخ :-ماتردين ليه يا بنت عمي ردي ليش انتي هنا ؟
قالت بعصبيه :-ضيعتالطريق
سمع اصوات قريبه منهم اصوات شباب انقلب لون وجهه وتمنت جود لو تموتوترتاح ...
رمى سلاحه وصيده وقال وهو ينزل الجاكيت :- خذي البسيه
اخذته منهوهي شبه مخدره
نزل شماغه وقال :-لفيه على راسك بسرعه
جمدت من البرد والخوفولفته وتلثمت به ...
قربوا لمهم الشباب وهم يقزون جود رد ماجد السلام وهو يقربمنهم عشان تكون جود بعيده عنهم ..
قال واحد وهو يقز جود :-اشوف الصيد وافرهالايام
رفع ماجد راسه ومسك اعصابه وقال :-ايه وافر
قال الشاب :-صيد عن صيديفرق !
ضحكوا خوياه من معنى كلامه ...
حمد ماجد ربه ان سلاحه به رصاص ..قالبعصبيه :-تسهلوا ابرك لكم
قال واحد منهم جثه وشكله مقزز :-وان ماتسهلنا نسيتالمثل الي يقول الكثره تغلب الشجاعه
قال ماجد وهو يقرب منه ويتحداه :-نسيت المثلالي يقول احذر الحليم اذا غضب
صفروا الشله من كلام ماجد وكانهم يحقرونه ...
بلمح البصر رمى ماجد طلقه جت من جنب وجه اول واحد كلمه وقال :-هالمره تحذيروالجايه بين عيونك خذ شلتك وتسهل ...
حست جود بنفسها راح يغمى عليها توقعت الولدتفجر راسه طلع ماجد يبي يخوفه بس ...
التفتوا يم بعض وعرفوا انه ما يمزح خافواموت وخصوصا إنهم شلة مظاهر مو رياجيل بحق وحقيق ..ومشوا على طول
قال إلي خوفهماجد برميته :-ماراح أضحي وعمري عشان وحده .........
كانت كلمهقوووووووووووووووووووويه نسى ماجد نفسه وهدوءه وعقله وثقله مسكه من رقبته وشالهوضرب به الأرض أصدقائه جمدوا من الخوف ماعمرهم شافوا واحد معصب زيه
قال ماجد وهويصارخ :-لا تتجرا وتفتح فمك بكلمه عن بنات الحمايل يا بن ....... قم انقلع قم لاوالله لا أدفنك بأرضك
ووقفه على رجلينه ثم رماه لاخوياه وقال معكم عشر ثواني انشفت واحد قدام عيني ثورت فيكم ولا يهمني احد ...
شافو الجديه بوجهه وركضواوماينشاف منهم الا غبرتهم ..
جمد ماجد مكانه وهو يتنفس بقوه رجع شعره بيده وهويحاول يمسك نفسه لا ينفجر ولا يجيه جلطه..
سكتت جود ماتدري شتقول ..ماجد بغىيموت بسببها وشرفها بغى يضيع بسببها ..
التفت يمها اخذ سلاحه وصيده وقال :-مشيناللمخيم
مشت معه وهي ماتتكلم بحرف ...توها تدري انها مشت بعيد عن المخيم
قالماجد بدون مايلتفت لها :-لا تجيبين سيره لاحد عن انك قابلتيني وعن كل الي صارلمصلحتك يا بنت العم
عصبت وقالت بتهور (ماهي بطبيعتها بعد الاحداث الي صارت):- تهددني يعني
التفت يمها وقال بعصبيه وطبعه يثور :-اهددك ايش مجنونه انتي ولاصاحيه وش بيقولون اهلنا لا شافونا راجعين مع بعض هااااااااه ..انا رجال مايضرني شيلكن انتي بنت والبنت زي الثوب الابيض اقل شي يدنسها
امتلت عيونها دموع وسكتتوهي تمسحها ...
ضاق صدره ماكان يبي يقسى لكنها تستاهل التهزيئ بسبب فعلتهاوتصرفاتها اللا مسؤوله ..
نزل مطر قوي عليهم غمض ماجد عيونه هذا الناقص ...
فجاه قال لجود:- وقفي لا تتحركين
ماتت خوف ..وسوت زي ماقال بهدوء طلع منجيبه سكين ونزل الارض بسرعه طش دم على رجل جود نزلت عيونها تحت لقتها حيه صرخت منالخوف ومسكت ذراعه بقوه بدون شعور وهي خايفه لاقصى درجه
قال بحنيه :-ربك ستر لاتخافين الثعابين مو كثيره هنا بس انتبهي لخطواتك وانتي تمشين احتياط ...
انتبهتلعمرها وفكت يدها منه ووجهها طاااااااااااااايح .
هذي الطلعه الي تحمستي لهايابنت صالح كلها ماسي في ماسي ...
ومشوا شوي وقف ماجد وقال :-الخيمه ذيك خيمةالبنات روحي لها ...وانا بجي بعد شوي
وقبل لاتمشي قال لها :-مانسيتي شي
طاحقلبها وانتبهت لشماغه وجاكيته ..
عطاها ظهره ونزلتهم ومدتها عليه وقالت :-خذ ياولد عمي حسافتي عليك تزيد يوم بعد يوم
تصلب وجمد وكملت هي طريقها التفت لقاهاتركض شعرها الطويل وراها كنه سحابة صيف

~*~*~*~

دخلت جود الخيمه لقت مافيه احد ...الا بدخلة ندى الي قالت بعصبيه :-جود وينك من اليوم
ارتبكت جود وقالت :-رحت اتمشى
ندى وهي من جد معصبه :-تتمشين بلحالك
جود كانت واصله معها قالت :-ااااااااااااف ايه بلحالي ليه فيه مانع ؟
استغربت ندى من رد اختها ...
ثانيه...ثانيتين...ثلاث ...مسكت جود من يدها من فوق وقالت وعيونها فيها دموع :-كنتي معه صح
عصبت جود وصرخت :-ندى احترمي نفسك
قالت ندى وهي شوي وتنهار :-احترم نفسي من الي مفروض يحترم نفسه يا بنت امي وابوي ريحة عطره معك واضحه للكل هذا شي مايختلف عليه اثنين
احترق وجه جووووووود وسالت دموعها وجلست على الارض تبكي ...
طاح قلب ندى واخذتها الظنون يمين ويسار قالت ندى بخوف وهي تهزها :- جود تكفين طمنيني لا تخليني افكر بشي مو زين
قالت جود :-ااااااااااه يا اختي وش اقول
ندى جلست ترتجف قالت بعصبيه :-سوى لك شي
صرخت جود :-حشا ما سوى شي لو الناس مثله كان الدنيا بخير ..ياحسرررررررررة قلبي يا ندى ياحسررررررررررررة قلبي
سالت دموع ندى غصب :-تقولين ولا شلون ...؟؟
قامت جود وقالت لها كل شي صار من سالفه العبايه لين ماوصلها ...
انقلب وجه ندى ازرق وقلبت كبدها من كل الي سمعته بغت تروح اختها فيها لولا ستر ربي ورحمته ...
قالت جود وهي حاطه راسها بحضن اختها :-خسارتي ماتتعوض يا ندى ما تتعوض
مسحت ندى دموعها :-كله مقدر ومكتوب يا جود ارضي بحكمة الله ولا تنسين انتي اخترتي وهو اختار ...
جلست جود تبكي وهي متمسكه باختها :-اخترت الندامه والله
ماتحملت ندى يأس اختها الي تفجر بسبب الضغط النفسي الي مرت فيه :-جود خلاص ما اقول انسي لا اقول ارضي بالنصيب لا تخلين الناس يشمتون فيك لا تخلين المك يصير اثنين الم قلب والم عزه وكرامه قومي بدلي ملابسك لا تموتين من البرد قومي ريحته ما راح تساعد نفسيتك لو مكانك حرقت هالملابس الي شالت واحتوت ريحته ...
سكتت جود ماتدري ندى انها مستحيل تفرط بها لو يكون فيها موتها ..
وقفت واخذت الملابس الي عطتها ياه ندى لبست ملابس دافيه مشطت شعرها .. وعدلت شكلها وراحت مع اختها تقابل المناحيس بنات اخوها وامهم العقربه ...
دخلت جود الخيمه ورمت السلام ..سلمت على جدتها وحبت راسها
قال ام طارق بانتقاد :-وينك فيه من اليوم يا جود صار لكم ساعتين من يوم ماجيتوا ...
قالت جود وهي رافعه حاجب :-اتمشى ليه فيه مانع لا سمح الله
ام طارق تكره جود لانهم كانوا يقولون انها لماجد من سنين غير عن كذا ان جود ماتواطنها في عيشة الله
قالت ام طارق بكره وهي ناويه تركبها الحق (تخليها مخطيه) :-لا مافيه مانع لكن الاصول انك تسلمين على جدتك وعلينا ثم تسوين الي تبين
ارتفع ضغط جود وخواتها حسن بطبعها يبي ينفجر قالت جود :-مخلين الاصول لاهلها ..
قالت ام بندر :-يمه جود عبايتك شفيها منقطعه
انفجر قلب جود وانقلب وجه ندى قالت جود بهدوء :-جيت بنزل من السياره ونشبت بطرف المرتبه ومادريت الا وهي مقطوعه
قالت عايشه بتخلف :-يوه عبايتك غاليه رغم انها عباية راس وعاديه مافيه ميزه
ناظرتها جود باحتقار وقالت :-العبايه للستر ياماما مو للفت الانتباه هذا يسمونه سفور وبعدين قيمتها بقماشها وطريقة خياطتها اذا ماعندك خبر
ابتسمت ندى مايعرف يهجدهن الا جود ...
قالت نجوى تدق :-ذوقي الحلا الي مسويته ماجد تخبل يوم ذاقه
سد الله نفسك يا بنت اخوي ...حتى كاسة الحليب عافته وانسدت نفسها عنها
قالت جود ببرود :-تعرفيني ماحب الحلا يسمن يخلي الواحد كانه بالونه بينفقع
حمر وجه نجوى لانها ردتها لها بما انها سمينه شوي ...
قال ندى في نفسها "هذا وهي المدينه ، صدق العرق دساس "
قالت اريام :-وش اخبارك يا البتول ..
ابتسمت البتول :-بخير الحمدلله
قالت اسماء بهباله :-من قدها بتعرس بعد شهرين ...
خزتها البتول بنظره وسكتت وظلت جالسه عشان ماتفشل امها في الحريم ...
قالت جدتها :-يمه جود وش صار بالنسبه حامد
قالت ام طارق بلقافه :-حامد ولد سعد
ام بندر :-ايه ماغيره
قالت جود وهي ماسكه كاسها بقوه :-ولا شي ياجده أظنك عارفه قراري
قالت نجوى والغيره تطحنها طحن :-لمتى يا اخت ابوي وانتي ترفضين الزواج الناس بيتكلمون ترى
جود مو طايقتها خلقه وزود عن كذا جالسه تدقها بالحكي
قالت جود :-موب ازين من اني اتزوج وانلطع محد يعبرني
انقلب لون وجه نجوى ولان الكلام في مجمله عام لكن معانيه واهدافه واضحه محد قدر يرد ...
قالت ريووف تبي تطلع لان الجو العام يوتر :-جود قومي نطلع الجو روعه
ماصدقت جود خبر طلعت مع بنت عمها القريبه منها مره ...
قالت ريوف :-ياربي الله يعين امي على مقابل هالنحسه نجوى
جود :-الله يعين الي يستحق العون جد
تقصد ماجد كلامها واضح!
قالت ريووف :-خلاص جود انسي
التفتت يمها جود وقالت باستهزاء :-انسى !! انسى!! هو القلب يقدر ينسى نبضه ووريده
سكتت ريوف لا حياة لمن تنادي ؟
شوي الا ولد اماني توه بثاني ابتدائي جاي لجود قال لها :-خاله جود
التفتت جود وقالت بحنيه :-هلا قلبي
مد عليها شي ملفوف بقصدير وقال :-خذي
عقدت جود حواجبها :-وشو ذا
قال ماجد الصغير وهو يناظر في خالته ريوف :-سر
ريووف :-هههههههه سر علي يا قليل الخاتمه
قال لجود :-عطيني اذنك
عطته جود اذنها وقال :-هذي من خالي ماجد يقول انتي بردانه وما افطرتي كليها انا الي مسويها

ماتت الابتسامه عن وجهها وراح ماجد يلعب انتبهت ريوف لوجهها الي متغير وقالت :-وشو ذا؟؟
قالت جود تحاول تخلي الوضع ايزي :-لحم صيد مشوي
ريووف :-يا قلبي يا مجود والله ويعرف يعطي لحم
ارتبكت جود :-من قال انها من ماجد هبلا انتي
ناظرتها ريووف وقالت :-هيه اقصدك ماجد ولد اختي اماني وين راح فكرك ...(شوي الا تستوعب) ... جودوه من ماجد اخوي ذي
قالت جود :-هههههههههههه اقول اص لا يسمعنك ذا السعالوه ترى مو ناقصه مشاكل
ريووف :-ههههههههه على قولتك
كلت جود من الشوي وهي كل ماتبلع قطعه تبلع معها غصه ...
قالت جود :-ريووف انا حاسه فيه شي منغص عليك عيشتك وش فيه
قالت ريوف وهي تضم يدينها لصدرها :-يختي عمه خالد بس ترمي حكي علي تخيلي تجرات وقالت لزوجي وانا جالسه انت طب وتخير الي تبي من بناتي وانا مستعده ازوجها لك
انصدمت جود :-وشو ؟؟؟
ريووف :-والله العظيم وقحه مررررررررررررره وبناتها اوقح
غمضت جود عيونها وقالت :-وكلي امرك لله والزم ماعليك رجلك قولي من جد هو يحبك
ريووف برقه :-الا يموت فيني زي ما اموت فيه
جود :-اجل ماعليك من الناس ولا من عمته المريضه ذي
قالت ريووف بكآبه ويأس :-كثر الدق يفك اللحام يا جود
عصبت جود :-الحمد لله لا تخلين هالمهبوله تأثر عليك لا تخلينها تزرع الشك بينك وبين رجلك
ريووف :-إيه وأنتي الصادقه ..
ورجعن للمخيم ...
،
،
،
،
،
>>> بمخيم الرجال
قال ماجد لابو طارق :-والله يبو طارق بغيت زواجي من نجوى يكون بالصيفيه شرايك
ابو طارق بابتسامه :-الي يريحك يا ولد العم لو تبي تاخذها الحين ماني برادك
ابتسم ماجد وقال :- مو بنت متعب بن صالح الي تتزوج بدون عرس
ابتسم ابو طارق وقال :-الي تشوفه سوه
ماجد :-الله يقدم الي فيه الخير ...
،
،
>>في نفس الوقت
قال مشاري لبندر :-الحين انت بتسوي الغداء
بندر بغرور :-ايه انا
مشاري (يستهبل) :-عز الله ما تغدينا
بندر :-اقول اسكت لا تجلس بدون غداء اعرفك يالنسيب
مشاري (بلهجه مأساويه) :-الله لايبارك في عدوكم مالقيتم تطلعون الا قبل عرسي باسبوعين
بندر (يستهبل) :-ليه خايف على بشرتك يالمزيون
مشاري :-هههههههههههههه ايه عندك مانع
بندر :-اقول قم قطع البصل ابرك لك
مشاري :-بصل عاد
بندر :-مشاريوه تقطعه ولا شلون
مقالب بندر في مشاري المسكين كثيره
قال مشاري :-لا لا اقطع امها اذا بغيت
بندر :-مابيك تقطع امها قطع الي بالصحن
مشاري :-هههههههههه اشوف فيك يوم
بندر :-هههههههههههههههههه
،
،
،
×وقت الغداء×
طبعا شباب العيله متكفلين بالطبخ وكل شي ..دق بندر على جود يعلمها ان الغداء جهز وبيجيبونه بعد شوي...
سمعت جود اصوات اخوانها وطلعت لهم تنتظرهم عشان تساعدهم
قالت لعمر وبندر :-ياهلا بالحامل والمحمول
عمر :-ههههههه الي يسمعها يقول مشفوحه
جود :-هلا والله بالسيد عمر مشاكل بالله اشرح لي شعورك يوم ابوي شاف خشتك
بندر :-ههههههههههههه ايه اشرح لها بالله ، والله وناسه
عمر وهو مكشر :-ماللطيبين نصيب بذا الدنيا
بندر وجود :-هههههههههههههههههههه
عمر :-ايه اضحكوا شعليكم انا الي تشرشحت موب انتم
جود :-ههههههههههههه تستاهل ابرك فتح عيونك بعدين لاجيت تسوق
عمر :-هذا جزا الي طاير عشان ماياخركم
جود (تستهبل) :-بالله عليك لا تفكر بمشاعرنا مره ثانيه
بندر :-هههههههههههههههه حلوووووووه
عمر :-ما اقول الا مالت عليكم ..هين يا جويده وانا جايب معي علبة جلكسي
طلعت عيون جود قدام :-هاااااااا وشو ..؟؟ انت اخوي حبيبي
عمر :-ههههههههههههههه يا شين المصالح
بندر :-هههههههههههههه يالله مشينا الرياجيل يحترونا بالغداء
جود :-عموري جبلي الجالكسي قبل لا تتغدا تعرفني مو راعية غداء
عمر (يغني) :- افكر وابقى ارد عليك
ومشى وبندر معه يضحك عليه يوم يغني مصري ..
نادى جود من بعيد :-استني دقايق بجيبه لك ماتهونين علي
ارسلت له بوسه :-يعيشون الاخوان الي كذا يعيشون
عمر وبندر :-هههههههههههههههه انهبلت هالبنت
ومشوا راح بندر للرياجيل وعمر راح لسيارته يجيب علب الجالكسي الي شاريها ..
قال ماجد لبندر :-فيه ببسي وحليب ولبن بترامس الثلج وديت للحريم شي
قال بندر :-يووووووو نسيت
جا بيوقف وجلسه ماجد :-انا بوديها
فارس :-اجلس انا اوديها
ماجد :-لا انا رايح رايح لاني مبقي لجدتي من الشوي ماودي تاكل رز مسلوق بس على

الغداء
جلس فارس :-براحتك
وقف ماجد واخذ الاغراض وراح لمخيم الحريم ..
وقف وجمد مكانه كانت جود جالسهعلى السياره من قدام وتغني ..ورجلينها رايحه جايه كانت روعه ناعمه والاهم انهاحبيبته ...
حبيبته ...؟
سنين مرت ولا قدر ينساها يوم اغترت عليه ورد لهاالحركه بتهور ..وفي النهايه خسرها للابد ..
ياحبيبي اقرب ليه..بظمك بايدي
انت بتعرف انا شو بحبك..ومنتش غالي علي
ياحبيبي خلك حدي ..غير عيونك مابدي
بخاف لوحدي ابقى لوحدي..لو بتغيب شوي
صوتها يجنن ناعم حلو ..والاهم انالتوتر والخوف والحزن الي كانت مرتسمه على وجهها اليوم اختفت ..
قالت له (خذ ياولد عمي حسافتي عليك تزيد يوم بعد يوم )
هي فعلا متحسفه ولا كلام ...
رديتينييوم جيتك كلي امل يا بنت عمي ..عرفتي حبي لك ..الي نظمته لك عقود في قصيدي ..عرفتيانك اليوم والامس والحاضر والمستقبل ..وكسرتيني
ياما تمنيت اشوفك كسيره ..واليوم شفتك كذا ..شفت الحزن الي حفر في روحك قبور ..ولكن ماحسيت بالرضى ليه ليه ..؟؟
كلها الام خفيه في قلب عاشق لك ..رجال من صلب رياجيل قوي العود كلمته نافذهوالكل يحسب له الف حساب ..ولكنه في النهايه اسيرك ..وانتي هاجسه ..
ناظرت جود فيساعتها "طيب يا عمر جحدتني بس هين مردوده"
وقامت ودخلت خيمة الحريم ..انتبه ماجدلعمره وانه واقف مايتحرك ..نزل الاغراض عند باب الخيمه ونادى البتول تجي تاخذهاوقال تعطي جدته الصحن المقصدر ..
وقفت نجوى بعجله يوم طلعت لقته معطيها ظهرهيمشي بغت تموت من الاحباط ...اخذت الاغراض ودخلتها وعيون الشك على جود الي اولمادخلت نادى ماجد من برى ياترى هل هي صدفه ولا كانت برى وهو بعد كان موجود ..؟؟
انقلب لون وجهها من الخوف والله ان قالت هالكلام ولا طلعته ليذبحونها ..
تغدوا البنات .. الا جود الي كانت جالسه تقرا لها كتاب ..
قالت ام طارقبخبث :-الا على طاري الكتب هاه مالقيتي وظيفه
ناظرت فيها جود بغرور :-الوظيفهلو بغيتها كان من بكره توظفت لكني مابي اتوظف
ام طارق بذهول كاذب :-يووهالمصاريف والتكاليف تروح كذا
جود بدلع :-ليه احد شكا لك ..؟؟
قالت نجوىبغرور :-اذا تبغين واسطه عطيني خبر
ناظرتها جود وضحكت ضحكه بدون نفس :-ليه انتيالي بتتوسطين لي
قالت نجوى بقهر وعيونها مركزه تدور نقطة ضعف تلوح في وجه جودولا شي :-لا بس ماجد واسطته نافذه
مسك جود اعصابها وقالت بغرور وبرود :-اناحتجت لواسطة ولد عمي طلبتها منه هو مادورت وسيط بيني وبينه
قلب لون وجه نجوىاحمر بلون الدم ...بتموت الاكيد انها بتموت بسبب عمتها ذي ، عمتها الي هي عدوه لها ..
جت نجوى بترد وقالت اماني بقوه :-نجوى خلاص خير ان شاء الله كلامك كله مالهداعي
انفجرت نجوى :-الحين كلامي ماله داعي لا تنسين اني زوجة اخوك
امانيببرود ورزانه :-ماهي معلومه جديده انك زوجة اخوي لكن عن الدق الي ماله داعي جود ماجت صوبك ولا غلطت عليك
جت بترد وقالت الجده :-خلاص بس ولا اسمع حس ماللكبير عنكماحترام لعنبو ابليسكم انتم لحم ودم ..
تفشلت نجوى وسكتت ...وناظرت ندى في جودالشامته "اه يا قوتك يا اختي كيف تتعمدين البرود وانا الي اعرفك واعرف ان اليبداخلك بركان قتال "
كملت جود تقرا كتابها وهي ما تشوف ولا حرف من القهر والدموعالي تحاول ترجعها ومافيه فايده ..
،
،
مرت فترة العصر بهدوء الي نام والييتمشى والي يسوي الي يبي ...
طلعت جود برى ونادت ماجد الصغير ...
ماجد الصغير :-نعم يا خاله
جود بحنيه :-يا قلب خاله اسمع يا قلبي روح لخالك عمر وقل له خالهجود تقول تعال شب لنا النار قبل لا تغيب الشمس
ماجد الصغير :-طيب
وراح يركض ...
مالقى عمر وقال لخاله ماجد :-خالي
التفت يمه ماجد وهو يزيد نارهم حطبويزينها :-بغيت شي مجود
ماجد الصغير :-خالي وين خالو عمر
ماجد وقف يدورهوشافه نايم في ظل سيارته :-شفه هناك نايم
وراح له ماجد الصغير وجلس يكلمه :-خالي عمر خالي قم قم خاله جود تبيك تشب لها النار
سمع اسم جود من جهه وتركالبيده من جهه ..
نادى :-مجود تعال
جاه ماجد الصغير :- نعم
ماجد :-وش تبيمن عمر
ماجد الصغير :-خاله جود تبي خالي عمر يشب النار
ابتسم ماجد :-طيبيالله مشينا انا بشبها لكم عمر نايم
واخذ معه حطب وساعده ماجد الصغير بعد ازعاج ...
دخلت جود الخيمه ولبست شابو ابيض على راسها عشان يدفيها وطلعت ..لبسها كاندافي بلوزه بيضاء صوف طويله للخصر وبنطلون ابيض من الجينز الثقيل كانت اكمامالبلوزه طويله ومن جهه نازله عن كتفها طالع شكلها ناعم مره
وقفت تناظر جهة وجهرجال جالس يزين الجزه ورابط شماغه بقوه
"آآآآآآآه من الحمدانيه وراعيها "
تمسكت بطرف بابا الخيمه وهي تناظر بعيون غايمه ..لهفه ..وشوق وحنين ..وندم
رفع ماجد الصغير راسه وشافها قال ببراءه :-خاله جود النار جمرت ياللهتعالي ...
جمد ماجد في مكانه ...كأنه حس بنظرات من وراه لكنه تعمد اللامبالاة ..والحين يحس بالبرود يسري في عروقه ...
طلعت عيون جود قدام ودخلت الخيمه فجاه ...
طلعت لها نجوى وقالت :-شفيك كنك متروعه
ماردت جود عليها ودخلت داخلوطلعت من الباب الخلفي ..عقدت نجوى حواجبها ملامح جود غريبه ..
طلت مع البابوشافت ماجد شايل ماجد الصغير ويضحكون ...شبت نار الغيره بقلب نجوى
سحبت نفسوجلست تردد في نفسها ان الزواج مو من اول اهتماماتها ومن هالعبارات الي آمنت فيهاطول عمرها.

- نهايه الفصل الثاني -

روااييهـ رروعهـ أختي لاا تتأخري عليينا نزلييهم بسرعهـ

حكايا الورد

في الإنتظار من المتابعين .. ~

وآآآآآآآو يسلمــوووو تجنن القصه ...

رووووعه...
مشكوره