برمودا تحت العبايه ,, والعبايه مفتوحه, والكل يتفرج !!!

بسم الله الرحمن الرحيم

في السابق كنا نشوف ظواهر تنتشر في المجتمع ونستنكرها او ما تدخل عقولنا
لتعارضها سواء للدين الأسلامي او لعادات اجدادنا وتقاليدهم ..


كانت البنت لين البست عباه مطرزه مزخرفه ملونه قلنا عنها صايعه
ومو متربيه .. او ما وراها اهل ورجاجيل ..
لان المألوف كان اللون الأسود والساتر للفتاه والي ابعد مايكون عن الفتنه
وجذب الانتباه ..

اليوم .. صار الشي عادي .. او نقدر نقول تعودنا نشوفه يمكن لانتشاره بين
اغلب الفتيات او يمكن لظهور ظواهر اخرى مثل .. العبايات المخصره
والي من ظهورها وحتى الان والحديث عنها لاينتهي .. وما تدري متى بتوقف
هالموضات الي دمرت الناس
ودافع لبس هالعبي هو الستر يعني انا اسال نفسي
الستر مايجي إلا من العبي ذولا؟؟


لكن الظاهره الي انتشرت في الفتره الاخيره تتطلب منا التكلم عنها ومناقشتها ..

وهي ظاهره البرمودا مع العلم انها اصبحت ليس موضه بل اصبحت عادهـ القصير تحت العباه .. وياريت تكون العباه مسكره ..

الا مفتوحه وتظهر السيقان والكل يتفرج ..

يعني ودي اعرف وشهدف الفتاه لما تلبس برمودا والسيقان طالعه ووتشمى في المجمع وبكل ثقه ؟؟

والي يبط الكبد لو طالعتها بنظره استغراب قامت تطالعك بنظره احتقار وكأنك غلطت عليها بالنظره

ونست ان اهي صاحبت هالتصرف واهي الي حطت روحها في هالموقف ..

والمشكله بعد لين تعرض لها احد الشباب قامت تسبه انت قليل ادب وما تستحي ومو متربي وووو .... الخ ..

طيب اذا اهو قليل ادب انتي شتطلعين ؟؟
انتي مااحترمتي نفسك ولا حشمتي الموجودين بالمكان

ليش تتوقعين من الشباب يحترمونك او يعملولك حساب ؟؟

والشي الثاني الي استغرب منه .. ان شلون هالبنات يطلعون من بيوتهم بهالشكل ؟؟

الاهل وينهم ؟؟ مايشوفون بناتهم ؟ مايشوفون شلابسين ؟؟
البنات شلون يرضون على نفسهم ؟؟ نسوا مخافة الله والعادات والتقاليد ؟
نسوا انه عيب ؟؟ وين الوازع الديني ؟ وين الخوف من الله ؟
كل هالاشيا صارت عاديه بالنسبه لهم ؟؟؟


وياريت تجاوبوني على هالاسئله .. وكله في النهايه لتعم الفائده على الجميع ..

1_ هل صادف وان شفت هالظاهره امامك ؟؟

2_ شرايكم بهالنوع من الفتيات ؟

3_ برأيكم شالهدف الذي يجعل الفتيات يطلعون بهالشكل ؟؟

4_هل في كلمه تحب توجها لهالفتيات ؟ نصيحه او حتى نقد ؟؟

م / ن

هههههههه
صدق من قال شر البلية ما يضحك
الله يهدي الجميع

اقتباس:

---

المشاركة الأصلية كتبت بواسطة شاري الطيب

وياريت تجاوبوني على هالاسئله .. وكله في النهايه لتعم الفائده على الجميع ..

1_ هل صادف وان شفت هالظاهره امامك ؟؟
وااااااااااااايد

2_ شرايكم بهالنوع من الفتيات ؟
يبغى ليهم تربيه من جد وجديد

3_ برأيكم شالهدف الذي يجعل الفتيات يطلعون بهالشكل ؟؟
يقولو شي اسمه الموضه ههه
والا ما تتبعه تعتبر متخلفه بنظرهم

4_هل في كلمه تحب توجها لهالفتيات ؟ نصيحه او حتى نقد ؟؟
ما اقول الا الله يهديهم

م / ن

---

مشكور خيي شاري الطيب طرح راااااااااااااااااااااااائع جدا
وجعل الفائده تعم الجميع
ولا حرمناااااااااااااااااااااااااا جديدك الشيق

اقتباس:

---

المشاركة الأصلية كتبت بواسطة شاري الطيب

وياريت تجاوبوني على هالاسئله .. وكله في النهايه لتعم الفائده على الجميع ..

1_ هل صادف وان شفت هالظاهره امامك ؟؟

شففففففففففت وااااااااااااااجد
حدث ولا حرج
اسغفرالله العظيم
2_ شرايكم بهالنوع من الفتيات ؟
هذي البنت ماعندها غيره على نفسها
وتعتقد بهذا الشي راح تبرز جمالها
وهذا عين الغباء

3_ برأيكم شالهدف الذي يجعل الفتيات يطلعون بهالشكل ؟؟
بس كذا تبرز جمال جسمها
مع ان الجمال هو جمال الروح

4_هل في كلمه تحب توجها لهالفتيات ؟ نصيحه او حتى نقد ؟؟
الله يهديهم ويصلح بالهم
اتركو ابليس عنكم,,ولبسوا زين احسن
لااااااااا النار.. ترى مهي بهينه
الله يبعدنا وياكم عنها

م / ن

---

تسلم أخي ع الموضوع
فعلاً الخراااااااااااب كلما له ويزيد
اللهم عجل لمولانا الفرج
تقبل تحياتي,,looovely

مشكور أخي على الموضوع

والله يعطيك العافية

الله يعطيك العافية بصراحة في سنه من السنوات في شهر محرم وقبل أن يقرأ الشيخ أخذت أعد إلا مايلبس جوارب فكان العدد مهول وكبير أذن لماذا نتعب ونأتي نسمع المحاضرة أو المصرع ونحن لانلتزم بالشرائع شئ يحير

بسم الله الرحمن الرحيم

اللهم صلي وسلم على محمد وآل محمد وعجل فرجهم وفرجنا بهم ياكريم..


السلام عليكم ورحمة الله وبركاته..

بصراحة من شفت العنوان قلت الله يستر من اللي داخل أكيد رجعنا لسالفة هالبنات اللي مفشلينا الله يهديهم بس..

1_ هل صادف وان شفت هالظاهره امامك ؟؟



شفت وشفت عباة بعد ماادري كيف تنلبس على قولتهم يحطو فازلين الظاهر علشان يدخلوها..


استغفر الله ربي..

2_ شرايكم بهالنوع من الفتيات ؟


إذا شفتهم ودي الأرض تنشق وتبلعني..


وش مفكرة نفسها سلعة هي يعني ؟؟حتى السلعة بفلوس..


هي تخلي اللي مايشتري يتفرج عليها..

معقول مايهمها سترها..


وين الإقتداء بالسيدة الزهراء..والسيدة زينب..وين..صرنا..


المشكلة اني اتفشل


(وهي تمشي وكأنها تقول ياأرض تهدي ماعليكِ قدي)


ياعلي الله يستر على الجميع..


3_ برأيكم شالهدف الذي يجعل الفتيات يطلعون بهالشكل ؟؟


الله يستر عليهم وشو الهدف بعد..


الله يستر عليهم..


4_هل في كلمه تحب توجها لهالفتيات ؟ نصيحه او حتى نقد ؟؟


مابجعبتي ...ليست مجرد كلمة أونصيحة..


كلمات كتبتها كثيراً..ولاضير أن أعيدها هنا..

لم أتمنى يوماً أن أعيش في زمن تصبح فيه النساء الشيعة تتهاون في مسألة الحجاب

تلك النساء التي يجب أن تكون السيدة الزهراء قدوة لها
أخاطبها ..
انسيتي وقوف الزهراء خلف الباب ؟؟
انسيتي عصرة الزهراء ؟؟
انسيتي جنين الزهراء؟؟
أم هل نسيتي لطمة الزهراء؟؟!
وكل ذلك حصل للزهراء لماذا؟؟
أنا أجيبكِ..
حصل لها كل ذلك بسبب صونها لحجابها ومحافظتها على سترها ..
أم هل نسيتي زينب
نعم زينب أم الخدر والعفة..
التي عندما تذكرين اسمها لاتتمالكين نفسك وتنفجرين بالبكاء..

لايغيب عن تفكيري خطاب الشيخ الكريم حفظه الله في أيام عشرة محرم
(يقول بمامعناه)..
<"يامؤمنة ...
يامن تذهبين لمجالس الحسين وانتي بكامل زينتك
بتلك العباءة المزركشة المخصرة التي تجعلك محطاً للانظار..
انتي لماذا تبكين في المجلس؟؟
ألستِ تبكين على خدر زينب الذي هتك..
فلماذا تخالفين هذا الخدر">

لماذا لاتكون السيدة الزهراء والسيدة زينب سلام الله عليهما مثالاً تقتدين به..
حتى لاتقفي في يوم المحشر خجلة مطأطأة للرأس
تخجلين من النظر إلى عترة رسول الله صلى الله عليه وآله وسلم..

يعطيك العافية على الموضوع الهادف

موفق لكل خير إن شاء الله تعالى..
..دمت بعين المولى الجليل..

قبل لا تعتمد ع العاداتـ والتقاليد .. تعتمد بالأول ع تربيتـ الأهل ..
إذا قلنا مثلا الأب مشغول في الوظيفه ..
الأم نفس الشي في الوظيفه او في شغلاتـ النسوان .. معاريس او زياراتـ او ....الخ وتركين العيال مايدروا وش سووا وش عملوا
وين العيال بيتربوا صح ؟؟!!
وهالشي منتشر بكثره بسبب اهمال الأهل بالأول والعقول المتخلفهـ بالثاني ..
وحنا ماقلنا إن البنتـ لا تلبس برمودا وتطلع .. لا.. تلبس بس بشرط تكون العباة مو مفتوحه من تحت يعني من نفس الخياط ..مسكرهـ
أني عباتي كذا .. يعني ما تنفتح من تحت بس من فوق .. وبناتـ واجد كذا مثلي .. وهالشي ماتغير من شكل العبايهـ اتوقع :noworry: اصلا محد يدري انها مسكرهـ :amuse:

اقتباس:

---

المشاركة الأصلية كتبت بواسطة شاري الطيب

وياريت تجاوبوني على هالاسئله .. وكله في النهايه لتعم الفائده على الجميع ..

1_ هل صادف وان شفت هالظاهره امامك ؟ ؟
اي ولله شفتـ .. مرهـ كنت رايحه السوق وشفت عباة البنت مفتوحه ورافعتنها بعد وعلى الطريق العام .. عاد تعالوا وشوفوا السياقان << تقولوا رقم 11 خخخخخ

2_ شرايكم بهالنوع من الفتيات ؟
إذا بعمد هذي مهي متربيه خااالص .. او من البناتـ المتخلفين .. يفكروها موضه مع وجوههم

3_ برأيكم شالهدف الذي يجعل الفتيات يطلعون بهالشكل ؟؟
بصراحهـ .. لفتـ إنتباه الشبابـ .. ولله وش تتوقون ثاني ..يشموا هوا مثلا هع

4_هل في كلمه تحب توجها لهالفتيات ؟ نصيحه او حتى نقد ؟؟
احب اقول لكل بنتـ إن هدفش ما راح توصلي له .. لأن أني عارفهـ كل شابـ يشوفـ هالمنظر راح يتقزز الصراحهـ ويعرفـ إن هالبنت متخلفهـ .. وماراح تستفيدي شي ابد يعني ..

---

مشكووور أخويي ع الموضوع ..
ولعلى وعسى هالأشكال يفهموا ..

اقتباس:

---

المشاركة الأصلية كتبت بواسطة شاري الطيب

1_ هل صادف وان شفت هالظاهره امامك ؟

واجد شفنا مثل هيك وأعظم
2_ شرايكم بهالنوع من الفتيات ؟

ناقصات عقل وتربية وعندهم نقص
ويحاولون يكملونه بأشياء محرمة توديهم الةى المهالك ..

3_ برأيكم شالهدف الذي يجعل الفتيات يطلعون بهالشكل ؟؟

الفراغ العاطفيوالنقص الي يعانون منه هو الي يجرهم الى هذي الاشياء
وغيرها ..

4_هل في كلمه تحب توجها لهالفتيات ؟ نصيحه او حتى نقد ؟؟

المشكلة أن الفتيات الي من هالنوع مافي ولا كلمة تقدر تدخل مخهم
ولو نجلس يوم كامل نتكلم ماراح يسمعون ولا كلمة ..
لكن كل الي اقولة الله يهديهم ويصلح بالهم ..

م / ن

---

أخوي شاري طرح رائع
ويناقش قضية مهمة في المجتمع
وأتمنى أن الكل ينتبه الها منشان نحاول
نقضي عليها ونحافظ على بناتنا من الفساد ..
الله يعطيك العافيه اخوي ..
دمت موفق لكل خير ..

ياما وياما شفنا من هالحركاات ..لا وتقوولك مايبين وين مايبن يابنت الحلال لو هبة هواء جت طيرت العباه..!؟
طبعاً ماقوول الا الله يهديهم..

1_ هل صادف وان شفت هالظاهره امامك ؟؟
نعم و واايد بعد

2_ شرايكم بهالنوع من الفتيات ؟
ما ادري شسميهم بس اكيد ما عندهم اخلاق

3_ برأيكم شالهدف الذي يجعل الفتيات يطلعون بهالشكل ؟؟
يمكن موضه او يمكن صياعه او يمكن شي ثاني

4_هل في كلمه تحب توجها لهالفتيات ؟ نصيحه او حتى نقد ؟؟
اي اكيد فيه
طبعاا اول شي هالاسلوب جداا خاطئ وغير مرغووب في مجتمعناا لكن في ناس الحياه مثل المااي يعني ما فيها اي شي لو ما يلبسون ولا شي حتى تحت العبايه
ونصيحتي لهم ما بتفيد لان اللي وصلوا له خطوه كانت قبلها ألف خطوه اسوأمنها بواايد



تحيااتي لك اخي شااري
تسلم على النقل

م / ن

[/quote]

تسلمو حبايبي عالمرور

اللهـ لايحرمني من طلتكم ..
ربي يخليكم لنا ..

في حفظ الرحمن

السلام عليكم

شكرا لك اخي للطرح الموفق

اتمنا ان نعي ما يحاك لنا فلا نكزن لقمه سائغة في فم غيرنا

تحياتي لك وشكري وتقديري

الله يعطيك العافية

وعساك على القوة

ما اقول الا الله يهدينا ويهدي الجميع

1_ هل صادف وان شفت هالظاهره امامك ؟؟
وايداات

2_ شرايكم بهالنوع من الفتيات ؟
ماعندهم غيرة على حالهم
3_ برأيكم شالهدف الذي يجعل الفتيات يطلعون بهالشكل ؟؟
لفت الانتباه اكيد ماتدري انها تحط من قدرها والناس ماتعود تبي تشوف وجها
4_هل في كلمه تحب توجها لهالفتيات ؟ نصيحه او حتى نقد ؟؟
ادعي لهم بالهداية واقول لهم لا تفكروا انكم بتلفتوا انتباة الشباب لان مابيلتفت لك الا قليل الادب ومابكون هدفهم خير ابدا لان مابيرضى تكون زوجته بهذا الشكل

طرح رائع اخي شاري الطيب
لاعدمناك

موضوع كثير مهم ..
توني من شويات سامعة وحدة من الأهل
تتكلم عن موقف شبيه بمحتوى هالموضوع ..
لكن مو برمودا تنورة قصيرة و العباية مفتوحة ..
إنا لله و إنا إليه راجعون ...
حاله الله يحفظنا منها ..

مع الأسف اللحين في شباب ما كو فيهم غيرة
على خواتهم , على زوجاتهم ..فما بالكم بالبنـــات .. .. .
أوافق من يقول أن التربية لها الدور الكبير و العفّال بالمجتمع ..
إذ إن الفتاة بالمستقبل أم , و الأم مدرسة ... ... ..
ما احب أهادر وايد .. الزبدة : الشي الزيـــن موجود كذلك الشي الشيـــن ..
و كلنا عندنا عقل و فكر ... ..

أخوي شاري الطيب تسلم على الطرح الجميل ..
و ربي يعطيك العافية ..
دمت أخوي بحفظ الباري تعالى .

كميل الفضلي
نور الهدي
نسمات السحر
احساس وحكاية
شكرا لتواصلكم وتشجيعكم المستمر
تحياتي