التكمله
واضح ان قصتي لم تأثرة فيكم بس عادي
بكمل
بس قبل لاأكمل احب اقول ان البنت اللي احبها موجوده في هذا المنتدى وهي اللي دلتني عليه وهي عضو نشط في شبكة الناصره الثقافيه
_______________________
يقولون من مفاتيح السعاده الحب
ــــــــــــــــــــــــــــــــــــــــــــــــــ ــــــــ
24 ساعه على 24 افكر فيها لدرجة اني احيان احس اني ماعرف احد غيرها ، قبل ما أعرفها كانت حياتي مالها طعم وبس دخلت احلوة الدنيا بعيني
ــــــــــــــــــــــــــــــــــــــــــ
في اي علاقه بين 2 على وجه الارض لازم يكون في زعل واختلاف في الاراء وهذا طبيعي
بس عندي موطبيعي
عاد تدرون اكثر الرجال دفشين شوي ويقولون اشياء بايخه
ذاك اليوم ماأدري شلون زعلتها ، والمشكله شلون اراضيها ارسل ماترد اتصل ماترد جا اليوم الثاني وانا
مو مصدق مصدوم حتى الدوام مارحت لأني مرضت
والله مرضت ماتحمل غيابها عني حتى النوم ماأنام مرتاح
وكتبت لها هالرساله في الفجر
حبيبتي اتي اعز مخلوقه عندي شلون اعيش من غيرك عشانك كل شي اتحمل معك رسمت احلى مستقبل من اتذكر ضحكته آآه . . .كل شي حولي يذكرني فيك/ حتى النوم ما أنام مرتاح لازم افز مفزوع ، اليوم صاير كأني مجنون كل احين اناظر الجوال عل وعسى تجيني منك رساله لو بالخطا ( فلانه ) اليوم حسيت ان الدنيا ظلمه والله ظلمه خلاص تكفين ( يا فلانه ) خلاص تكفين / كله اكذب على نفسي واقول احين بتحن احين بترسل لي شي / فلانه شلون انام مرتاح البال والله صعبه انام وانت في قلبك شايل علي / ( شلون انتي تنامين شلون ) / فيني ضيقه بصدري والله تخنقني العبره كل ماأتذكر انك ... / فلانهتكفين قومي من النوم اذا كنتي نايمه والله محتجك معي هاللحظه / قمي مسحي دمعتي والله دموعي غرقت عيني قومي يا فلانه ان شالله اموت اذا ازعلك بعد هالمره / والله ما أـحمل غيابك وحق الله ماأتحمل .
وبعد مارسلت هالرساله نمت من شدت الالم والتعب
وجلست الصباح اللى وهي راسله لي رساله
يعني رضت فرحت حيييييييييل وشكرت الله اللي رجعها لي
--------------------------
والرسايل بينا ماتوقف كل واحد يرسل مشاعره وأحاسيسه للثاني ، عاد لأني اشطر منها بالشعر هي كله تقولي ارسل لي من تاليفك
وجا ذاك اليوم وطلبت مني رساله بس مو احين لين تنام
اهي تنام بدري تقريبا 10 او 11 ونادر ماتسهر
المهم جلست افكر اقول لها كلام غزم او حب بس ما قدرت
لأ بصراحه في هذي الفتره اغلب وقتي خايف مرتبك لأن ولا مره ضحكت او فرحت قتره اللى وينكسر ظهري بعدها
وبدون شعور لقيت نفسي اكتب لها ....
(( عزيزي القارئ ركز وفهم احساسي في هذا الخطاب))
---------------------
خايف من بكرا خايف تروح بعيد عني وخايف عليك من غدر السنين اوعدني يالحب الوحيد ماتتركني مهما حصل حتى لو حبنا إنكشف ، ولو اجبروك على البعد عني انا اوعدك اوعدك بعيش طول عمري طول عمري اسيرك ، كل دقيقه تمر بكذب على نفسي وبقول احين بيجيني من حبيبي مرسول ، (فلانه)
لو عذبوك وقهروك تأكد احساسك بيوصلني / (فلانه ) من جد خايف من المستقبل ، دايما أقول وش مخبيه لنا هالدنيا ، خايف انحرم منك طول عمري ، ولو يصير اللي مانبيه والله مستحيل احب غيرك حتي زوجتي اذا كانت غيرك انتي
ماراح احبها ربع الحب اللي حبيتك ، ولو يصيبك مكروه والسبب علاقتنا ساعتها بفقد الصيطره على نفسي ( الله اعلم وش بسوي حزتها ) بس اللي اعرفه اني بسوي اللي محد يتوقع .
حتى اخوك ( فلان) الله يعينه علي اذا ضرك بشي/ بس في شي ثاني خايف ماأسوي اي شي من اللي انا قلته لسبب واحد اني احتمال انشل او تجيني اعاقه مستديمه اللع اعلو وش بيصير فيني مثل ماهو اعلم وش بيصير فيك ولو صار اللي مانبيه قول (( قدر الله وما شاء فعل ))
فلانه انتي بنت عظيمه حتى لوكنت صغيره بتاريخ الميلاد وصغيره بالشكل بس بالعقل مافي منك اثنين ، الله يحفظك ويحرسك من شياطين الجن والانس
وعقبال ماأشوفك جنبي في الكوشه
قولي امين عساني ما أنحرم منك .
الكلام يطول وماينتهي بس تعرف ان نصفي محمد ونصفي ( فلانه ) لو راح واحد منهم ليش يعيش النصف الباقي ؟ الموت اشرف له .
وبعد مارسلت هالرساله نمت
وجلست الصبح اللى ورساله منها تقول فيها
ان شالله ينتهي خوفك بسلام
اترك يالغالي مخوفك
انا البنت ماخفت مثلك
وبعديد فراغ طويل
وقالت لي
اذا ماصار نصيب بتاخذ وحده غيري صح ؟
اوعدك محد يمس شعره من راسي غير انت يامحمد .
قريتها هالرساله وصابي شعور غريب عمري ماحسيته من
قبل لدرجة اني مالقيت له تفسير
-------------------
المشكله في الموضوع كله لا أنا ولا اهي جاي يقود السفينه عدل احس ان احنا تاركين السفينه تبحر بس
ماندري وين بترسي هالسفينه
_____________________________________
اتمنى من كل واحد يقرا الموضوع يعلق لأني ماكتبته
اللى لأني محتاج احد يفهمنا احنا صح او خطأ .
كل واحد يبدي رايه وتعليقاته وصدقوني راح اتقبل كلامكم بصدر رحب
تحياتي واشواقي للجميع
