بسم الله الرحمن الرحيم
اللهم صل على محمد وآل محمد الطيبين الطاهرين
اللهم صل على محمد وال محمد
من العنوان ....مبين انه عن الرطوبة
وقربت أيام الرطوبة والحر الخانق
بس مو كل رطوبة والخواهر والفطسة مو زينه
الله يعين
الرطوبه تقتل الوااحد
صحيح الواحد ما يلحق يتسبح الا وهوه متسبح مره فانية :toung:
اي والله صحيح , ذكرتني باخوي
وما يلحق يطلع الا من راسه الى رجايله عرقات ونشاف رايح ونشاف راد:bigsmile:
و......و.........و...........وحاجات وايد ........بس
تخيلوا ما فيه رطوبة ويش بيصير ......
- ما فيه لومي قطيفي اللي يرد الروح ويا النعناع ...بااااااااارد ...قريب بيفلج ...أيباااااااااه :kaseh:
اي لذييذ وهو باارد
- ما فيح جح ( رقي ) ( يح ) ( حبحب ) والاسم اللي يعجبكم قولوه ...باااارد وعليه شوية ليمون ورشّة ملح وتاكلح بااااااااااااااااااااااارد :silal:
احبه موووت الجح احمر وحاليه
- رطب أشكال والوان ...من البشيرات الى الغرّرررى ...الى الخلاص
بشيرات وخلاص احسبني فيهم مع قهوة بنيه رووووعه
والخنيزي وغيرهم وغيرهم ......سحارة رطب ويا قهوه مزبوطه ....ولا قلاص لبن ويا رطب منوصص ......أيباااااااااااه :kaseh::kaseh::kaseh:
قهوه ابو زين مو لبن
- تخيل سمك ميد مشوي ويا عيش أبيض وعليه دهنه .....أحلى الميد في ذيك الايام ...اذا دقت الرطوبة عدل ....وعليكم بالعافيه
اهلي يحبووووه وااجد ,في بالهم هالاياام
- صافي مقلي .....صويفي مشوي .....تاكل كده بدون عيش ولا على هواك بالعيش .....في أي وقت ...والحين بعد ما يقصوروا الشباب في كل مكان يبيعوا .....وحلاوة الصافيه في دقة الرطوبة ....طرية ورخيصه ....
هذا المطلوووب واللي احبه بس العيش ملياءن دهن
وساخن خلاص خلووني عليه
حاجات واااااااااااااااااااااااايد تجي ويا الرطوبة بس هالخواهر والحر والرطوبة تغطي على كل شي صح
بس الواحد اذا فكر مزبوط بيشوف ان الرطوبة ....معاها حاجات وااايد حلوه
( صحيح أنا من عشاق حاجه إسمها برد وفلج بس ...هذا جونا ولازم نتعايش وياه )
وأهم شي النفوس الطيبه
الحمدلله , الله يدومها
وفمان الله
فمان الكريم
كل رطوبة وانتون سالمين
وانت سالم وبالف خيير
