ابغي اشوفها قبل الزواج

ابغي اشوفها قبل الزواج

بعد ما الوالده الله يخليها لي اخطبت لي ....

أنا : يمه انا ابغي اشوفها !!
امي : من هي ذي ؟
انا : أقصد يعني ذيك إللي خطبتيها لي
امي : (ابتسمت) هذا انا وصفتها لك بعد اشوله تشوفها
أنا : لا ما عليه ابي اشوفها .. يعني يمكن على الطبيعة اتصير غير و لا ما تعجبني ... بعدين عمي قال لي ان الشرع يجوز ليه اشوفها ، و قال لي لا يقصون عليك قلهم يخلونك اتشوفها ، و اتاكدت من الشيخ حتى قال لي يحق لك تشوفها بس الأفضل تخلي احد من الاهل يشوفها و يوصفها لك علشأن لو ما اعجبتك ما ينكسر خاطرها او تجرح شعورها .
أمي : انا بكلم أهلها و بشوف شيقولون و برد عليك ، بس يمكن ما يوافقون لأن ابوها ترى مطـوع و محافظ حيال.
أنا : المهم لازم اشوفها يعني ما ترضين اتزوج عمياني .
أمي : هههههه خلاص .. و لا يهمك اليوم العصر ودني بيت اهلها و اكلمهم.

يوم الاحد و انا رايح الملعب وديت امي في طريقي إلى بيت البنت.

و واصلت طريقي إلى الملعب بس الله و كيلكم ما عرفت ألعب من كثرت التفكير في الموضوع و افكار توديني و افكار تجيبني حتى من الحوسه سجلت هدف بالخطأ على فريقي ، و ساعات امرر الكرة للحكم ساعة اشوت الكورة على الجماهير ... تحس ان واحد ماهو بصاحي يلعب هههههه ، المهم ما اطول عليكم ، عدى ذاك اليوم على خير و رجعت البيت ، دخلت غرفتي و انا منتظر الوالدة تنادي عليه بس ماش ما حد عبرني في هالبيت ، اخيراً قلت تدري خلني اروح اسئلها.
انا : يمه ...
أمي : (و هي مبتسمه ... الله انها فاهمتني ) نعم ... تبي تقول شيئ ؟
أنا : يعني اشلون .. تدرين ... احتمال ... في عشاء و لا اشتري لكم؟
امي : ههههههههه ... العشاء موجود تبي احط لك ؟؟
أنا : ها ... لا والله انا ماكل سندويش فلافل العصر بس يعني تدرين وذا احتمال ربما احياناً.
أمي : (أضحكت من قلب ) شوف بالنسبة لموضوع البنية
أنا : (في قلبي أييه هذا اللي ابيه الله يهداش )
أمي : تقول لك امها رح باتشر شوفها
أنا : (متفاجئ و مو عارف شسوي)
أمي : ايش فيك يقولون لك تعال بكرة شفها .
أنا : إييه .. خلاص بروح .. ربما ... يعني بكره .. احتمال كم الساعة (و الله الحياء بهدل الواحد في هالعالم ).

يوم ثاني و انا انتظر الدقائق و الثواني لين يجي الموعد و أذكر أني ذيك الليله سهرت للفجر علشأن أنام و اصحى الساعة اربع العصر على الموعد ، و في ذاك اليوم رحت بيت البنت ، طقيت الباب طلع لي ابوها و دخلني المجلس ، دخلت و ما ادري شسوي في ذيك الساعة اظل واقف اقعد انسدح محتار ، قال لي أبوها استرح جلست و انا احس أن الحياء و الخجل و التوتر و نوع من الخوف كل هالمشاعر اهجمت عليه هجمة رجل واحد .(حشى معركة مو خطوبة هذي )

انتظرت دقايق مرت عليه اكثر من ستين قرن ..... و فجأة انفتح الباب و ادخلت ذيك البنت إللي قمة في الجمال و فوق ما تصورت و طبعاً ما اقدر اقول قمر لأنه أخاف تزعل اني شبهتها بالقمر بالعكس إذا جاءو يمدحون القمر يقولون كأنه فلانه ....مع اني ما احفظ الشعر بس حسيت قلبي يردد قصيدة لعبدالكريم السلوم و هي :

حلـوة ولا يحتــاج زايــد حــلاوه
يكفيك من معنى الحلا ربع مافيك
أعطاك من زين الحظر والبداوه
تهتي بزينك والبـها صار مطـغـيك
غصنك ليا هب الهوا به طـراوه
والرجل تقصر عنك والنفس تبغيك
انـتي بعـيد عنك معنى القـسـاوه
يافــتـنة كـل الغـنج في تـثـــــنـيـــك
لولا اني أخشى تحسبيها عداوه
لافرح بحبسك عن عــيون تراعيك
أنا بـلا شـوفــك حـيــاتـي شـقاوه
لاشافك أقليـبـي صرخ ابيك ابيـــك

-

فعلاً جمالها مو طبيعي مو مثل أي بنت حسيت أن جمالها مغلف بنورانية عجيبة .. بعد الزواج عرفت سبب ذاك النور و هو لأنها كانت مداومة على صلاة الليل. (طبعا ما اقدر اوصفها لأنها صارت زوجتي عيب و انتوا بلا لقافة مو كل شيئ اقوله لكم ).

-
كان المجلس مال بيتهم في بابين أدخلت من باب و اطلعت من الباب الثاني و الحياء إللي على وجهها زادها روعة و جمال فوق الوصف ... لما ادخلت حسيت أن الجو صار وردي جميل آخاذ رائع مبهر ..... أدخلت من هالباب و اطلعت من الباب الثاني بس الغريبة أنه لما ادخلت ما كان في يدها شي بس و هي طالعه شفت في يدها شيئ غريب ........
-
.. شفت في يدها ..... قلبي ينبض بنغمات الحب و الهيام و يعزف الحان العشق و الغرام .. (عيني باردة عليه و الله اني خطيييير ) اشوف قمت اتكلم برومنسية لا و الله ماني بسهل .... بس لا تلوموني هذاك الموقف خلق في قلبي اشياء كثيرة اروع و اعظم من أن القلم يعبر عنها ......... طبعاً التفاصيل الباقية تعرفونها تمت على خير و اجتمع قلبي و قلبها في القفص الذهبي و الحمدلله و عشنا في سبات و نبات و أن شاء الله نخلف صبيان و بنات على قولتهم ... و علشأن تفيدنا في الكتتابات ههههههه ....

ملاحظة : بالنسبة للبيت الأخير من شعر السلوم كان
والقى الفرح من كلمة بين أشافيك

و غيرت البيت بعد اذن الشاعر إلى
لاشافك اقليبي صرخ ابيك ابيك

ايييييه نسيت اقول لكم هذي القصة من نسج الخيال ... إن شاء الله تعجبكم

تحياتي لكم

منقول من ايميلي

فعلا قصة رووووووووووعة
تسلم اخوي الحبيب على القصة وان بعد لازم اشوفها

أخي الكريم...
رااائع جداً مانقلت لنا...
هذا يوضح أهمية صلاة الليل
وتأثيرها حتى في الحياة الدنيا ...
وأنا شخصياً سمعت أن صلاة الليل لها دور في زيادة حب الزوج لزوجته...

(إن الله لايضيع أجر المحسنين)
طرح راااائع جداً وموفق أكثر...
يعطيك العافية
..دمت بعين الله ورعايته..

هههههههههههههههههه

ذكرتني بنفسي كأن نفس الفلم اللي صار لي

قصه روووووعه و انا احس بقلب اللي كتبها

يسلموااااا على القصه

تحياتي

قصة ولا اروع

حلو المداومة على صلاة الليل الي تأثيرها على كل شيء جميل

والله يرزق كل شاب بزوجة صالحة وكل بنت بزوج صالح

:embarrest::embarrest::embarrest::embarrest::embar rest::embarrest::embarrest:

تسلم خوي
الحبيب 44
قصه في قمة الروووعـه
تحياااااتي
صوت الاكرف

ههههههههههههههههههههههه

الله يقطع شرك وانا مندمجة ويا السالفة ومتحمسة واقول قصة انتهت بنهاية سعيدة ///

بس بصراحة امتعتنى بطرحك الرائع والله يوفق الجميع ويوفق كل شاب بزوجة صالحة وكل فتاة زوج صالح

دمتم موفقين لكل خير

تحياتي

قصة خياليه بس بجد روووووووووعه
يسلموا اخوي على النقل الموفق ،،
وصلاة الليل تقوي الثقة بالله
وترى مفيده مرررررررة في قضاء الحوائج وعن تجربه ،،
تحياتي لك اخوي ...
همــــــــــــ الصمت ــــــــــــــس ..

كأني شايف هالفلم من قبل!!!!!!!!!!!!!


الظاهر انه نفس قصة زواجي بس أمي كانت متوفيه وقتها ما لحقت اتشوفها وتوصفها لي ولا شان ما رحت أشوفها لأني أثق بذوق الوالده


تسلم أخويي على هالفلم الروعه

والله وأنا أقرأ عجبني أسلوب الكاتب
حسيت أنه كاتب بحبر قلبه ....
وأتوقع هذا اللي يصير للرجل بالتفصيل لما يبغى يروح يشوف زوجة المستقبل ....

قصة خيااااال رووووعة عن جد....


بس كأنك شجعت المقبلين على الزواج بهالشي:noworry: .....

أني أقول دام أمك وخواتك قالوا حلوة ومواصفاته حلوة خلاص:amuse:>>> الله يعيني على تكسيرة الراس الحين هههه ...


وماأنسى صلاة الليل بيااااض للوجه
واللي يبغى يصير وجهه ابيض ويرتاح له الناس يصليها.....

بااااااااااااااااااااااااااااااارك الله فيك خيو الحبيب44 على روووووعة الطرح

ربي يعطيك ألف عافية ويرزقك بالزوجة الصالحة

روعــــــــــة القصة كثير و ممتعة كذلك ..
تسلم و ربي يعطيك العافية ..

الحبيب
أثاريك منت بسهل<< خطييير

بصراحة
حكاية منسوجة بحذق رائع يجمع

بين الطرافة والحكمة والروعة

تسلم أخوي

سلام.

قصه رووعـه

مشكور اخوي ..

يعطيك الف عافيه


تحياتي

:amuse:
الله يعطيك ألف عافيه
قصه حلوووه والعبره أحلى
الله يجعلنا من المداووومين على صلاة الليل
ويوفق الجميع بالزوج والزوجه الصالحه
تحياتي لك

الله يعافيك يالحبيب خليتنا ندخل بإحساس ولا أحلىىىىىىى



تشكر على نقلك للقصه

تحيااااتي

قصة جميلة جداً
الله يعطك العافية
تحيااااتي

روي أنه جاءت امرأة إلى الإمام الصادق - عليه السلام - وقالت: يا ابن رسول الله - صلى الله عليه وآله وسلم - إن زوجي لا يحبني فماذا أفعل؟

فقال عليه السلام: ( عليكِ بصلاة الليل )

فغابت تلك المرأة فترة من الزمن ثم عادت وتشكرت من الإمام - عليه السلام - وقالت: منذ ذلك الحين وزوجي لا يحب شخصا بقدر حبه لي.

فقال الإمام - عليه السلام - : لقد رحمك الله, فامرأة تصلي صلاة الليل ثم توقظ زوجها للصلاة, لهي جديرة بأن يرحمها الله سبحانه.

يسلمووووو اخواني وأخواتي على المرور والمشاركة الفعالة في صفحتكم

قصهـ رااائعه
سرحت في كلماتها ومعانيها الجمييلهـ
والهدف منها كان جداا معبر ورائع
الله يجعلنا من القائمين ليلاً
بس تعرف خليتنا نندمج فيها وكأن اخونا الحبيب هو اللي يتكلم
عن نفسه وشعوره
الله يرزقكـ بالزوجه الصالحهـ اللي تريح بالك
تسلم ع الطرح والنقل المميز
لاعدمناا جديدكـ
تحياتي

الحبيب 44


قصة رائعه

استطاعه كاتبه ان يجعلنا نشعر با شعور الفرح والحيرة التي اصابته


وصلاة الليل هنيئاً الى مصليه لنه تنير القلوب والوجوه


تحياتي وسلامي

اقتباس:

---

المشاركة الأصلية كتبت بواسطة شذى الزهراء

قصهـ رااائعه

سرحت في كلماتها ومعانيها الجمييلهـ
والهدف منها كان جداا معبر ورائع
الله يجعلنا من القائمين ليلاً
بس تعرف خليتنا نندمج فيها وكأن اخونا الحبيب هو اللي يتكلم
عن نفسه وشعوره
الله يرزقكـ بالزوجه الصالحهـ اللي تريح بالك
تسلم ع الطرح والنقل المميز
لاعدمناا جديدكـ

تحياتي

---

الله يسمع منك خيوة

شكر اختي على الكلام الرائع و الذي اسعدني وافرحني


احترامي وشكري لك

اقتباس:

---

المشاركة الأصلية كتبت بواسطة Sweet Magic

الحبيب 44


قصة رائعه

استطاعه كاتبه ان يجعلنا نشعر با شعور الفرح والحيرة التي اصابته


وصلاة الليل هنيئاً الى مصليه لنه تنير القلوب والوجوه


تحياتي وسلامي

---

يسلمووووووو خيوة على المرور الرائع

تحياتي لك مع تمنياتي لك بحياة سعيدة

شعوووور راااائع وجميل جداَ ممزوووج بنووع من الفرح والخوف
قصه جميله جذبت القارئ بكل احاسيسه للقراءه
بجد اندمجت مع القصه وفعلاَ هذا شعوووور حقيقي
الى كل من يريد ان يشوف كلا الزوجييييييييييييين
وربي يحقق اماني كل اعزب وعاااااااااااازبه
هااا موتنسووون تفرحووونا:embarrest::toung: معااكم
واكيييييييد صلاة الليل تنير القلوووب وتبيض الوجووه
وترضي رب العالمين ربنا لاتخرجنا من الدنيا الاوانت راضاَ عنا
بحق محمد وآله الطيبين الطاهرين
يعطيك العااافيه خيي الحبيب44 وتسلم وربي يحقق احلامك انشاء الله
دمت بحفظ لله ورعايته

والله مشكووور اخوي ...


عاد انا دخلت في القصه وتاثرت مررره >>> لازم اسوي روحي سعوديه ..

يسلمووو

تحياتي

فرح

عنيده

يسلمووووووو اخواتي على المرور الرائع الذي افرحني

ماننحرم منك يا أحلى اعضاء
[IMG]http://img354.**************/img354/9744/rdd44ql5yv0.gif[/IMG]
دمتم بسعادة ومحبة وسرور

الله يجعلنا من المداومين على صلاة الليل
بس قصه حلوة ماحسينا الا بالنهايه
مشكور

قصة في غاية الروعة
الله يعطيك العافية

يسلموووووووووو أخوي الحبيب
على قصتك الرائعه
موفق لكل ما يحبه الله ويرضاه
تحياتي .....

دمعة الاحزان

آيات الروح

همسه آلم

يسلمووووووووووو على المرور والمشاركة المميزة والرائعة

ما ننحرم منك يارب

[IMG]http://img354.**************/img354/9744/rdd44ql5yv0.gif[/IMG]
دمتم بسعادة وحب وسلام