دمعة متحجرة وسط عيني .....يغلفها قهر
لو تسيل تغرّق الدنيا بأهلها....مثل أمواج البحر
وعلى خدودي بصمة كفوفك ....ووصل قلبي الأثر
يمكن الدمعة يجي يوم وتجف
ويمكن اللطمة يجي يوم وتخف
لكن الجرح الي في قلبي يظل ينزف نزف
*******************
لو تناسيت الاهانة وضحكت ...من برا القلب
لو أكلت ولو شربت ونمت .....من زود التعب
لا تظن نومة هنية
لاتظن بنسى الأذية
انحفرت في قلبي جروح ما تروح لو بالمنية
********************
رفعة ايدك على الحرمة ..... لا تظن انها رجولة
تدوس برجولك كرامة بشر مثلك .....مو بطولة
ماسمعت شلون وصى بالنساء....الله ورسوله
اسمع اقوال النبي
وشوف أفعال الوصي
لاتظن بهالطريقة ساس بيتك ينبني
******************
شلون تضربها بنهار ....وتغشاها بمسا
تريد انثى ما تلاقي .....بس جسد من تلمسه
نار تسعر في حشاها .....والوجع تتحسسه
تظن آله ما تحس
تظن كل همها الجنس
همها تغمرها بمشاعر لاخداع ولا لبس
نوارة الدنيا
23 ربيع الأول 1429
