موضوع ابي الكل يناقشني ممكن حركات باسقة والسموحه للحاضرين

السلام عليكم ورحمة الله وبركاته

ماحب اللفه والدوره

شنو رايكم بهالحركات الباسقه والسموحه للحاضرين

بذخل في الموضوع على طول

اليوم قبل ما اذخل البيت

وقفني واحد

طلعت فيه قلت له خير اخوي امر

قال ما يامر عليك ظالم

بس يالطيب عندي طلب وياليت ما تكون زي الباقي انا استغربت من السالفه

مديت ايدي سلمت عليه وقلت له امر شنو طلبك

قالي انا ابي تشاليح العواميه

ومانا عارف وين يصيروو

انا شفته غريب عن البلده القطيف اساساً شكله بدووي

وقلت له انت الحين في الناصره شنو جيبك اهنا

قال لي والهل وقفت كذا واحد الي يقول جنب كرنيش الناصره والي يقول روح يمين ولف يسار ويطيعني

والي والي كذا واحد

وانا من الظهر لين العصر لحد الان ياخووك بدون اكل وانا ادور لين دار الراس

قلت له تبي ادليك الحين ولا يهمك ومالك الا طيبة الخاطر

دليته بالشرح خاف ما وثق وحسيت انه بيطيع ما بيوشق في كلامي وبيعتبرني مثل الباقي

انا قمت قلت ليه تبي اشغل السياره وادليك

قال والله ودي اطلب هالطلب بس مستحي منك قلت له مي مشله انت دور وقف على الباب وانا بشغل السياره وتعال وراي

المهم دليت الرجال وكل شي وفعلاً الرجال كان محتاج التشليح ودليته على كذا تشليح

اول ما وقفته عند تشليحين وقلت له هذا واحد وذا واحد واذا تبي تمشي قدام وتشوف تشالبيح واجد

الرجال بس شاف صدقي والله انه نزل من السياره وشوي يبوس ايدي لاني دليته

يقول لي من الساعه عشر الى الساعه اربع ونص

لو ما الله ثم انت ما اندليت تشليح


ليش عاد الناس صارت كذا

يعني شنو خسرووو لو ذلووه تشليح

شنو بضرهم لو قالوا له المكان الصحيح

عشان انه سني ومو من البلد

يضيعووووه ويذخلوه دوامه ليها بدايه ماليها نهايه

الحين لنفرض ان احنا في بلدهم ومحتاجين هالشي

وسالت واحد منهم

وسوا لك هالشي شنو شعورك

ولو قالك وصثف غلط وضيعك من الصباح لين الليل شنو بتسوووي سوال

شنو بتستفيد لما تشرح له غلط

والله ان الرجال كسر قلبي

ولما اندل المكان شوي ويبوس ايدي لشان كذا

بصراحه ماله داعي حركات هالبشر

والله حرام عليهم

المكان في الشام يروحوا يخليه يروح عمان

والله انتو شنو رايكم بهالحركات الي اسميها باسقه والله

الكل يشاركني بهالموضوع زين

واسف على الازعاج

خالص تحياتي

أمير العاشقين
جاسم أحمد

حركة مالها داعي الصراحة
لو من كان يكون
لو كان وهابي مقصر الثوب وطالق اللحية
ويبي مساعدة لازم نساعده
الحين بالذمة لو شيقول في أهل القطيف يبقى معذور
الحين احنا نبغى نعدل سيرتنا وياهم يجوا هذيلا بدون ادنى حس للمسؤلية ويخربوا كل شيء
خوش شباب البلد الي يعتدم عليهم
مشكور جاسم
مرحوم الوالدين

اهلين خيتوووو نوراة الدنيا

وهاذا الي افكر فيه

وين ما يطقوها اهل القطيف عوجه

الحركه هاذي ماليها داعي

بس شنووو اقول

ننفخ في قربه مفقووعه

يالله الله المعين

ويعين الله على هالطايفه الي من هالنوعيه

عساكي على القوة خيتووو

وماننحرم من الحضور

ويرحم والدينا ووالديك

أخوك
أمير العاشقين
جاسم أحمد

مشكووور أخوي على الموضوع
الله يعطيك العافيه

بجد حركه كلش مو حلوووه سواء كان بدوي او شيعي
ماتفرق ..حراااام ادل المكان اوصف له ما ادله اقووول المعذره
بس بدون سخريه ع الاخرين ..وبعدين شخص وارد مني
مساعده اقضيها ليه واهل البيت هذا الشي ما يرضيهم
ابد الامام الحسين عليه السلام ومامدى ننسى انا لازلنا
في محرم والمصيبه لسى ما انتهت ان الامام ساعد
من ظلمه لدرجة انه سقى الماء لهم بنفسه
الامام مدرسه كبيره لمن ياخذ العضه والعبره من
اهل البيت عليهم السلام ..
واكيد الدنيا لسى بخير ما زالت فيها شباب عدهم
الغيره والشهامه وحب الخير مثلك اخوووي جاسم وشرواك
ولو خليت لخربت ..
وبجد الاول اذا قالو القطيف تشعر بهيبه ووقار
هذا الااسمعه من كلام من والد زوجي
وتشعر بفخر واعتزاز وتتكلم وانت مرفوع الراس
وانت تقول انك قطيفي والنعم يعني حسيني جعفري
هكذالحسين ونهج اهل البيت .
نتمى الهدايه لشبابنا والفخر بهم
مشكوووراخوووي ملك العاشقين
ومرحوم الوالدين خيي
دمت بحفظ لله ورعايته

هلا خيتوووو ام حمزاوي

مثل ما قلتي القطيف الاول

الحين القطيف وما يجاريها تغيرت فووووق تحت

الله المعين خيتووووو وتفرج ما ورى الشده الا الفرج

الحين من يقووولوا القطيف

الكل نزل راسه

يالله ربك يعين

مشكووووره خيتووو على هذا التواجد الرائع

وتسلمي على الردود الحلوه

الله يعطيك الف مليون الف عافيه

وعساكي على القوة يارب

خالبص تحياتي
أمير العاشقين
جاسم أحمد

مو ياااااااابى . نحجي بالعراقي
يابى سميناك امير الشهامه من قبل هيج .

كانت لفتة إنسانية من إنسان طيب وشهم وهذا هو ما يجب ان يكون من طيبه بين البشر ومثل ما قالت فروحه كيف ان الحسين عليه السلام سقي اناس وهو يعلم انهم طالبين دمه . وأيضاً كان حبيبنا محمد المصطفى صلى الله عليه وآله كان يجاور يهود وكان لهم نعم الجار رغم إيذا أهم له ورميهم الزبائل على بابه فقد كان يتفقدهم .
سلمت امير الشهامة بارك الله فيك وكثر من امثالك .

حركه سخيفه وتافها ومالها اي داعي..
وحرام على اللي يسويها بخلق الله ..
ةالل ينتقم من كل واحد يسوي هالحركه التافهه..

السلام عليكم

لنا اسوة حنة برسول صلى الله عليه واله

والقصة معروفه مع اليهودي الذي كان يرمي عليه القمامة

ومع هذا عندما مرض ذهب اليه وزاره لان الاسلام دين الاخلاق

وهل البيت يوصون بالحسان الى الجميع فما بال اذا كان يشهد بالسلام

دين الحق فكونوا زيناً لنا بعمالكم ولا تكونوا شيناً علينا كما ورد في

الرواية عنهم عليهم السلام

ورواية عن امير المؤمنين كان يهودي قد اعترضة في السوق وكان لدية
مايثقلة من الامتعة فاخذ البعض منها واخذ يحدثة لك اليهودي ويتكلمان حتى ذهب امير المؤمنين معه الى دار ذلك اليهودي فلتفت اليهودي اليه
وقال له اشكرك للمساعدة ودعاه الى الدخول معه فقال لا انا سأذهب الى بيتي لديه عمل فنظر الرجل خلفه فاذا هو يرجع في الطريق الذي
جاء منه اي الذي يؤدي الى السوق فقال اين انت ذاهب فقال الى بيتي
فقال اهذا الطريق الى بيتك قال بلا قال اذا لماذا لم تفارقني عندما وصلت الى بيتك واتيت معي قال

علمنا ديننا ان اذا كان احد يتكلم معك في تقطع حديثة حتى يكمل كلامه وانت كنت تحدثني حتى وصلنا الى بيتك فكنت استمع اليك واساعدك فقال هكذا هو دينكم قال بلا فأسلم وشهد الشهادتين

فينبغي ان يكونوا اسوة لنا في التعامل مع الناس بشتى اديانهم وعتقاداتهم
فاما ان يكونوا اخوه لنا في الدين اوسبيه لنا في الخلقة

يبدوا اني اهدرت في الكلام

شكرا لك اخي وتحياتي لك
وامنياتي بالتوفيق للدارين
وشكرا

دكرتني بقصة حصلت لي في الكويت و انا راجع ضيعت الطريق حبيت اسئل عن الطريق ماحد عطاني وجه لحد ما زهقت و بعد اليأس تعطف علي واحد و قال مني على طول رحت تهت اكثر سئلت آخر قال لا مو مني مناك و على هالحال حتى طفرت و اخر المطاف حتى الشرطة طلعو نسخة واحدة المهم ما شفت نفسي الا قريب الحدود و اي حدود العراق بدل السعودية
ترى لو كل واحد تخيل هالشيء بيحصل معاه
ما راح يرضى لنفسة بان يكون منحط
الاخلاق و السلوك
والله الموفق
سلام

موضوع منتاااااااز أخوي أمير

بجد هالحركه .......نص كم

يعني ويش فيها لو الواحد صدق في هالشي يعني

أولها الكذب مذمه للشخص

وتاليها يعني هالإنسان جاي يقول ليهم أمبى أسرق
هوه يقول أبغى تشليح ...يعني أقلها منفعة لولد البلد

بس الله يهديهم الشباب .....يضيعوا الريال وتالي يضحكوا
واذا صاروا في موقف زيّه يقعدوا يسبوا ويلعنوا


تقبل خالص تحياتي

صبـــــــــااح ومســــــــااء الخيــــــر

شكراً لك أمير العاشقين وجزاك الله خير اول شي ع شان انك دليت الرجال وثاني

شي حطيت الموضوع عشان يستفيدو منه الباقي ويسوو زي ما سويت

أما من رايي الحركه ابداً مي عدله لأن لوكان الامادلان مكان هالرجال وما دلوه مابيخلي

ولاكلمه طبعاً عامل الناس كما تحب انا تُعامل (مو متأكدهـ منه بس اهم شي نفس المعنى

:amuse: مختصــــــر الكــــــلام لودلوهـ وش كانو بيخسرو لوبيتعبــــــــو ولو أحد يسوي ليهم

هالحركه لاتسوي هالحركات عشان مااحد يسوي ليكم كلها كلمتين دلوه مافيها تعب

ومهمــــا كان الرجل كل واحد بكيفه وعلى راحته وخلي عندكم ذوق ياناس عشان مااحد

يتكلم عنكم وبس أدري تكلمت واجد وشكرً للك أمير العاشقين والله يعطيك ألف عافيه ...

كرووزهـ

اشكرك اخي على الموضوع القيم والمفيد وفعلا ظاهرة سخيفة ومالها معنى ماتدل المكان الي يبه

قله ماادل


مشكور

بصـراحه مـواقف كثيـرهـ تصير مثل كذا ..
أنـا مرتين صـار لي نفس موقفـكـ
طلبوا مني اثين [ سنـة ] ووصلتهم بنفسي
مره واحد يبغـى يعرف طريق الجبيـل
ومرهـ واحد ضـايع في سيهات ويبغى يروح القطيف [ شـارع القدس ] :toung:
وبصـرآحـهـ مشـى وراي لين وصلنا للمكان اللي يبيـهـ ..

وأنـا مره بعد كنت ضايع في الدمام وواحد وصلني للمكان اللي أبغـاهـ :noworry:


ويعطيكـ الع ـآفيـهـ عَ الموضوع [ الواقعـي ]

البعض يتناسى أن الله ذكر في القرآن (((فليتنافس المتنافسون )))


التنافس على الخير وعلى هداية الضال والتائهين والتنافس في كل شيء

يرضي الله ينال به العبد منزلة كبيرة وأجر عظيم لاشك ....

يعني الرجال جاي يبغى مساعدة المفروض تهب أنك تساعده مو تضيعه

مهما كان هذا بشر بغض النظر عن الطوائف ياشباب ........


المفروض تتذكر غربة أبا عبدالله عليه السلام
وأعتبره اختبار والله أرسل لك هالشاب

لازم تحسن الاختبار .....

موقف أغبطك عليه أخوي جاسم لأني أحب أساعد وابغاها من الله ...

الله يصلح الشباب إن شالله

موفق أخوي
الله يعطيك ألف عافية .......

عليكم السلام ورحمة الله


طبعا سلوك سيء يعكس سوء تربيه هالشخص

عالاقل يحط في اعتباره ان هذا انسان غريب عن المنطقه ومن الانسانيه مد يد العون له

بس مشكلة بعض شبابنا ان كل واحد فارد عضلاته ومفكر نفسه عنتر زمانه

ولوتجي تناقشهم بخصوص هالحركه رح يطلعو لك عشرات القصص بخصوص تمييز الجماعه الثانيه

ومن هالشغلات .. وان جينا للحق صحيح احنا نعاني بسبب البعض منهم واللي عقولهم صغيره

لكن من الظلم التعميم ومو من الادب ولا من الذوق ولا من لخلق الاسلامي معاملة الضيف بطريقه سيئه .


الي عقلياتهم بهالشكل مانقول غير الله يعينهم على روحهم .


يعطيك العافيه أمير

بجد حركه مثل ماقلت باسقه وماليها داعي

والله حرام رجال غريب مابنخسر لو ساعدناه
بجد عور قلبي من الي سوو فيه

جزااك الله الف خير اخوي .. مثلك نادر بهالزمن

رحم الله والديك .. ويعطيك العافيه ..


دمت بخير

مشكور اخويي على المبادره التي ليست غريبه على اهل بلدنا ولكن لماذا نفعل بهذا الرجل الغريب بالشكل الذي لا يرضي الله تعالى ولا رسوله(ص) فيجب علينا الحذر من تلك الافعال المشينه فاتمنى لكل شخص ان يسير على نهج اهل البيت ( عليهم السلام) في التعامل مع الناس
وشكرا .

بسم الله الرحمن الرحيم

اخي امير العاشقين اشكرك على الطرح الرااااائع من واقع الحياه التي نعيشها
بس سؤال الى الناس اللي يتصرفوابهذه التصرفات لو كان في موقع هذا الشخص و ش بيكون رده فعله ؟؟؟؟
و اذا لم نرتقي بتفكيرنا الى فوق هذه الامور ما راح نضيع الرجل المحتاج لاكن راح نضيع انفسنا
و الله الموضوع يحرق القلب و يخلي الواحد يغلي دمه على هذة التصرفات التافه
(كونوا زيناً لنا و لا تكونوا شيناً علينا )

يسلموا اخي على الموضوع

تقبل تحياتي

أمير العاشقين

والله انت امير باخلاقك

صاحب نخوه الله يخليك

تسلم ع اخلاقك خيوووو

لا تعليق اكثر..

الله يعطيك العافية

وتسلم الايادي على الطرح

عامل الناس كما تحب ان تعامل
الاعضاء ما شاء الله كفوو ووفوا