أنا أعلم من أنت، وأعلم ما قد فعلت

I know who you are & I know what you did

أتذكر أني رأيت فيلم قديم كانت أحداثه تدور حول مراهقتين . كانتا يتسلين بالقيام بالأتصال بأرقام عشوائيه وبجرد الرد، تقول أحداهن هذه الجمله: أنا أعلم من أنت، وأعلم ما قد فعلت.
توالت الأحداث حتي أتصلو بشخص قام للتو بجريمة قتل، وهذا الشخص صدق الحيله وقام باستدراجهما ظنا منه أنهما تعرفان بالفعل.
..وابتدى الفلم الهندي.
لو قدر لك واستقبلت مثل هذا الأتصال .. للوهلة الأولى قد تخاف من جرم ما عملت وما تعمل. والغريب أنه هناك فعلا من هو يعرفنا، يعرف ما فعلنا ويعرف أيضاً ما سنفعل، ومع ذلك .. فإنا لا نكترث!

أمي تقول
( ما بقت لا تخاف )
يعني الي مو مسوية جريمة ما راح يهزه هالتهديد
بس الي عنده اكثر من فعلة شينة راح يتأثر ويرتبك
ويتمنى الارض تبلعه
لانه انكشف المسكين ( او على باله انه انكشف)
وراح يفكر اي فِعلة سويتها وكشفوها (مو فعايله يا كثرهم)
ونغفل ونتغافل عن رب كريم
يعرفنا ويعرف ما سويناه من ذنوب ومعاصي وربما كبائر
ونتناسى انه جاي يوم راح ننفضح على رؤوس الاشهاد
ونستمر في غفلتنا
اجرنا يا مجير

كلام جميل

نعم الناس يخافون من الفضيحه و لاكن لا يخافون من الله و يعصون الله و هم يعلمون ان الله يراهم

شكراً على الطرح الرائع

نوارة الدنيا
LUCKY
أتحفتماني بالمشاركه

هذي الطريقه وللأسف موجوده في بعض الناس اللي اعرفهم

وبما انب اعرفهم واعرف نفسي وواثقه منها ما اخاف ولا يهزوني بكلامهم

بس المشكله في الناس اللي ما يعرفونهم يخافوا ويقولوا


بس مثل ماقال المثل((لا تبوق لاتخاف))

ليالي الخبر..
أسعدني مروركم الكريم
بعد هذا الأنقطاع اللئيم..

هههههههههههههه ذكرتني خيوو بواحد العام الماضي حرق جوالي حرق
اتصالاات و طايح لي يعرفني
اه :weird:قال ويه يعرفني
واني ميته ضحك استغفر الله
وكل يوم طالع لي بإسم جديد.. يرسل مسجات.. انتي فلانه وانتي علانه ..
واني طناش لا من رد ولا حياة لمن تنادي..ويوم اكلم ابوي ويكلمه يقول يبغى علي
ههههههههه علي وجهه..
لين في يوم في فجر الله كثر الله خيره رسل مسج قعدني لصلاة الصبح.. ما نمت الا متأخره علي اختبار.:sleep:.
هههههههه كاتب لي ويش ..
" ردي يا بنت الـ.... لا والله صورك بكره عند ابوكي "
عاد اني احك عيوني واني اقرى الرساله.. وصرت اتدحن في سريري ضحك :deh: .,. هيهي نااااس فاضيه..
رميت الجوال على جنب.. يلعن شكله هههههههه .:deh:.. ههههههههه يالله صباح خير... فااضي و متفرغ

تالي رجع دق الصباح واني اجهز للكليه..
اوووووووف يا نهار منيل ومش فايت :notrust:
لكن هييييييين يبن اللذين... الحين اراويك مين اميره.. :wink:
وارد واخلي السماعه عالكمدينا.. وهو يصرررخ الوووووووووووو
واني مره اشغل الإستشوار :shiny:
مره اصفق اغراش العطر
مره افتح الدروج واسكر :rolleyes:
وهو يصرررخ بدون السبيكر اسمعه قلع الدنياا..
واني
ههههههه:deh:ههههههه

وقفل بعد تقريبا 12 دقيقه مصارخ.. وشكله سبني سب من الصمي والعمي وعلى كيف كيفاتي..
ورحت للكلليه...
اختبرت,,
طلعت... بالسلامه ... اترنح كني مكفخه.. :toung:
باخذ اغراااضي من برى....
توقعوو ويش صاار ؟؟؟؟؟

جواااااااااااااالي انسرررق ههههههههه حوبة هاللي يهدد .. انا لله..
الله ينتقم من كل ظالم..
يللا دافعة بلا وغدى الشر ..

يسلموو خيووو عالطرح..
ومافي داعي للخوف طول ما الواحد ماشي صح وسيدا :cool:
وعذرا عالقرقر..:embarrest:
دمت بحفظ الرحمن

صار معاي موقف مشابه شيئا ما

مع بداية شهر رمضان لهالسنه

كنت نايمه وصحيت على صوت مسج

اخذت الجوال وكان هذا محتواه :


مشكوره على الكلام اللي قلتيه من وراي

ومو هذا الحشم فيك

ياللي على قولتك تحفظي السر

عالعموم شكرا .


فتحت عيوني في محاولة للإستيعاب

يعني الكلام مستحيل .. مستحيل

لاااا ومن مين تتوقعوووو

من ام النحاسه إلا جدة النحاسه وشيخة النحيسين فرحووووو


لا وبعد بدل ماتكتب ماكان العشم

كاتبه ماكان الحشم:toung:

وبعد وقت ما اتذكر كم اتصلت فيها

الحجيه نست موضوع المسج وأول ماردت كالعاده مسخره وضحك

قت لها شنو سالفة المسج شوي الا تفجر اذني من الضحك وتقول :

ليش ما نزلتي لأخر المسج وشفتي

قلت لا لحظه اشوف وفعلا كان في تكمله للمسج بس تحت كلش

وفي مسافه طويله بينها وبين الكلام الأول

المهم بقية المسج كان تهنئه برمضان





اني ماخفت لما قرأت المسج لأني ماتعودت انقل اسرار
أو أحاول اسيء لأحد وفروح عارفه هالشي

لكن قلقت وقلت انو ممكن احد يحاول يسيء لي أو يفسد بيننا

لهذا اتصلت أسألها .

طبعا كان الود ودي لحظتها أمد يديني من السماعه وامصع رقبتها

بس للأسف ماحصل لي



مشكور خيي تأبط

دائما ننتظر جديدك

ههههههههههههههههه


والله يا شموعه صار لي نفس الموضوع ونفس المسج

خخخخخ

لا بس اني من عند اخوي ( ولد عمتي بس اعتبره مثل اخوي )

وامي تقولي اتصلي له شوفي ويش صاير

واني اقولها ماراح اتصل لأن ماني غلطانه يروح ويشوف من الي لعب عليه

اني ما اتكلم على على احد بعيد واقول اسراره مو بعد واحد مثل اخوي

عاد المهم تركته يمكن يوم ولما قلت ليني افهم السالفه جيت بارد عليه بنفس المسج وإذا بي اكتشف المزحه الثقيله

هههههههههه

خيرها في غيرها

لاكن انشاء الله اردها له عن قريب مع ولادت زوجته ناويه عليه بنيه
<<<<<<<< صايره شريره http://www.5aial.net/big/26.gif


نرجع الى الموضوع

<<<<<<<< بدري ( بدري من عمرك )

لو تنطبق السما على الارض
ما راح اصدق احد متصل ليي هذا إذا رفعته

ولو يعرف اسمي واسم ابوي وعيلتي وين ساكنه ..... وقصه حياتي كلها


لانه بنات الحرام ما قصروا

اي بنت يشوفوها او حابين ينتقموا منها بس شغلتهم يوزعوا رقمها مع مواصفاتها


يعني مجرد عبط

بس الي مايسوي الغلط ما يخاف



دمتــ بود

أسعدني تواجدكم..
لا عدمنـــاكم
تسلموووووووون مليوووووووووون

تسلم على هذا الموضوع
و الله اني حصل لي موقف بس والله صحيح
لما كنت بدايه زواجنا وثم تحويل رقم بيت أهلي لنا
دائماً كان يتصل واحد وكنت احقر...........
واستمر الأتصال وكان دائماً يكلم من الكباين
المهم... مره رفعتها على طول قال انت فلانه
اسم اختي الكبيره والله اختها المهم..............
قلت لزوجي والله يسلمك زوجي يحب هذه اشغلات
على طول مسجل في الهاتف المهم قال لي جاريه
المهم كان يكلم الصباح ..........والظهر والمغرب
المهم ويا طويل العمر ....إلى أن كانت الليله المشومه
اتفق مع صديقه مجرد ما يتصل يروحوا يدوروا في الكباين التي في منطقتنا
لان الرقم الظاهر رقم منطقتنا .........المهم صاح الهاتف وكان عندنا كاشف الأرقام
عرفنا ان هو على زوجي رفعيه حتى اكلمك انا .........المهم رفعته من انت
وكان يعدد اسماء اخواتي ..........المهم كان اسمع صوت زوجي هذه انت نعم
خلاص سكري وكان كما قال صحيح خلاص ..........كان الله يسلمك يدخله
في سيارة صديقه وكان صديقه وللأسف مأخذ في النهار فيديونا وكان مازال موجود في السيارة
وكان ضرب فيه على الرجال ويقلع منه ضرسين الله يخليك.... وكان يغماء على الرجل
وتحولة السالفه إلى الشرطه والمستشفى وسين جيم........... اسبوع يالله انتهت السالفه
ونتهت السالفه وناس مو مصدقين أن كل هذا يحدث بس لأنه داق رقم بيتنا
وطبعاً طلع جار بيت أهلي ومأخذ الرقم من ولده لأنه ولده مع أخي في فصل
زمن ........... ولا تدري تلوم من فيهم زوجي والله الجار ..........والله الناس

شكرا على الطرح الرااااااااائع

هههههه
مواقف خطيرة
عموما الله لا يبلانا بهالمواقف
وشكرا على الطرح

تحيتي
حزن العمر

مشكور على الكلام الجميل ...

اقتباس:

---

تسلم على هذا الموضوع
و الله اني حصل لي موقف بس والله صحيح
لما كنت بدايه زواجنا وثم تحويل رقم بيت أهلي لنا
دائماً كان يتصل واحد وكنت احقر...........
واستمر الأتصال وكان دائماً يكلم من الكباين
المهم... مره رفعتها على طول قال انت فلانه
اسم اختي الكبيره والله اختها المهم..............
قلت لزوجي والله يسلمك زوجي يحب هذه اشغلات
على طول مسجل في الهاتف المهم قال لي جاريه
المهم كان يكلم الصباح ..........والظهر والمغرب
المهم ويا طويل العمر ....إلى أن كانت الليله المشومه
اتفق مع صديقه مجرد ما يتصل يروحوا يدوروا في الكباين التي في منطقتنا
لان الرقم الظاهر رقم منطقتنا .........المهم صاح الهاتف وكان عندنا كاشف الأرقام
عرفنا ان هو على زوجي رفعيه حتى اكلمك انا .........المهم رفعته من انت
وكان يعدد اسماء اخواتي ..........المهم كان اسمع صوت زوجي هذه انت نعم
خلاص سكري وكان كما قال صحيح خلاص ..........كان الله يسلمك يدخله
في سيارة صديقه وكان صديقه وللأسف مأخذ في النهار فيديونا وكان مازال موجود في السيارة
وكان ضرب فيه على الرجال ويقلع منه ضرسين الله يخليك.... وكان يغماء على الرجل
وتحولة السالفه إلى الشرطه والمستشفى وسين جيم........... اسبوع يالله انتهت السالفه
ونتهت السالفه وناس مو مصدقين أن كل هذا يحدث بس لأنه داق رقم بيتنا
وطبعاً طلع جار بيت أهلي ومأخذ الرقم من ولده لأنه ولده مع أخي في فصل
زمن ........... ولا تدري تلوم من فيهم زوجي والله الجار ..........والله الناس

---

أختي... زوجك مو غلطان ... يمكن جت ردة الفعل مبالغ فيها...يمكن وزر وازرة وزر أخري ..
بس مثل هالشغلات أعتبرها من الخطوط الحمراء اللي ما لازم أي أحد يعدها.. حتى لو كان من باب التسليه ..
ونصيحه...اللي يمشي ورا كلام الناس ما يخلص ...
الله يهنيكم وهدي بالكم
تسلمووون ترليون...

الفاقدات
فرح العمر (الله لا يجيب حزن)
عاشق ليلى

تسلمووووون ألف..

I know who you are & I know what you did

أنا بعد شاهدت هذا الفيلم وعجبني

اوه احنا بنتكلم عن الموضوع

صحيح الناس تخاف من بعضها وناسيه من خلقها

Sweet Magik
شكرا لمروركم الكريم
تسلمون مليون