هل تعرف ما هو الطالب الجامعي ادخل وشوف بس
[align=center]سلام عليكم
كثير من الناس مايعرفون وش معنى الطالب الجامعي الحقيقي
الطالب الجامعي هو كتله من الهموم المتحركه .
طالب يعني كرف وشغل وهم وغم ومر ومعاناة ومأساة .
الطالب يعني من اول مايدخل المرحه التوجيهيه (ثالث ثانوي) تبدا المعاناته ,يعني وش لون تنطق في البيت وتذاكر وتصم وتفهم عشان تنجح وتجيب معدل يدخلك وحده من الجامعات الي كثر الحصا.
الطالب هو الي كل يوم بثالث يحلم بالتخصص الي يبيه عشان يرفع راس ابوه في المجالس.
(هنا تبدا حياة الطالب الجامعي عندما يبتعد عن الاهل )
الطالب الجامعي الي يدور بملف اخضر من جامعه الى جامعه ومن مدينه لمدينه وهو يقول : الله يخليكم اقبلوني عندك؟
الطالب الجامعي هو الي يحصل جامعه بعيييييده عن اهله وربعه ويتغرب بعييييييييد عشان يأمن مستقبله.(وولد الشيخ فلان يجيب له واسطه وبيبان الجامعات كلها مفتحه له) .
الطالب الجامعي هو الي يشيل شنطته من بيته أهله ,وأهله كلهم واقفين ويبكون على فراقه ,وهو ماسك دمعته ويمشي برجليه الى عالم مافيه من يحن عليه .
الطالب الجامعي هو الي تجي امه قبل لايسافر و تضمه بصدرها الي تربى عليه , ويحب راس ابوه الي تتوقف تربيته لولده في هذي اللحظه.
الطالب الجامعي هو الي يحس بالوحده في مدينه مايعرف فيها الا كتابه وثلاث او اربع زملاء من حاله .
الطالب الجامعي هو الي لاطفر راح وغسل ملابسه في مغسله الحمام وينشرها على كرسي طاولته.
الطالب الجامعي هو الي تطق تسبده من اكل المطاعم ويحلم بريحه اكل امه.
الطالب الجامعي هو الي يكلم امه وحرارة الشوق حارقه قلبه , وامه تقول له : ياوليدي ترى مانسيناك .
الطالب الجامعي هو الي اذا مشى بالشارع يشوف كلن مع اهله الا هو بلحاله .
الطالب الجامعي هو الي يفقد صوت اخوانه وهم يركضون لغرفته يقولون له تعال ترى حطينا العشا .
الطالب الجامعي هو الي لا تأخرت المكافأة يروح يتكس بسيارته في ديره مايدل فيها ولا شارع .
الطالب الجامعي هو الي يبات ليله في توقيف الشرطه بسبب انت يتكس بسياره خصوصي.
الطالب الجامعي هو الي لا صدمه واحد صارت الصدمه مثل الوشم او الحرق في جسمه, عاجز مايقدر يزينها .
الطالب الجامعي هو الي نص مكأفأته تروح لتسديد الديون الي عليه .
الطالب الجامعي هو الي ينقطع جواله بسبب انه عجز مايسدد فاتوره مكالمات الي يتطمن بها على اهله .
الطالب الجامعي هو الي اذا طلع يرفه عن نفسه وقفوه وقالوا: لو سمحت المكان مخصص للعوايل فقط؟
الطالب الجامعي هو الي لا تخرج يدور من شركه لاشركه ويقول : والله اني طالب جامعي وهذي شهادتي !!
الطالب الجامعي هو الي لاتقدم بيخطب بنت يقولون له ترى المهر ثلاثين الف وهو لسه مابعد يتوظف.
الطالب الجامعي هو الي ترفضه بنت لان ولد الشيخ فلان اغنى منه وبيعيشها في قصر بدال شقه
الطالب الجامعي هو الي عليه يجمع ويجمع ويجمع عشان يجيب مهر وسكن وسياره واثاث وفواتير ومصاريف .
الطالب الجامعي هو الي يبني مستقبله من لبنات كلها كفاح وصراع وتحدي.
الطالب الجامعي هو الي يشرب المر من كاسه كل يووم ليين مايفرجها الله له .. [/align]
مشاركة : هل تعرف ما هو الطالب الجامعي ادخل وشوف بس
ماادري اصيح ولا أضحك
حسيت الحاله مرثيه
هذا الواحد يقرأ هالموضوع بيعيد حساباته
لو سأله أحد: ذاكر عدل عشان تتدخل الجامعه
يمكن يرد : انتوا اقروا هالموضوع وبعدين اتكلموا
شكلك انت اخوي ماكتبت هالشي الا عن تجربه مريره
الله يعين الكل
تحياتي
مشاركة : هل تعرف ما هو الطالب الجامعي ادخل وشوف بس
[align=center]سر الوجود
يا هلا وغلا والله مثل ما قالوا --- إسأل مجرب ولا تسأل طبيب والحمد لله على الصحة والعافيه
تحياتي
ابو نوره[/align]
مشاركة : هل تعرف ما هو الطالب الجامعي ادخل وشوف بس
رد : هل تعرف ما هو الطالب الجامعي ادخل وشوف بس
السلام عليكم ورحمة الله وبركاته
صدقت أخي بكل كلمة سطرتها في هذهِ الصفحة .. حينما يسمع الناس عن فلان بأنهُ طالب جامعي يذهب بهم التفكير إلى أفق بعيد وعالم واسع من الخيال والأحلام .. لا يعلمون كم هو ( الطالب الجامعي ) حزين ومهموم وقد انفطر قلبه شوقاً على رؤية أهله وذويه .. يريد ولو نظرة يكحل بها عينيه وترسم البسمة على شفته وتبعث البهجة في نفسه .. يحترق ويموت باليوم ألف مرة لما يعانيه من ألم على حاله .. وكأنه طفل يتيم قد ماتت أمه أمام ناظره وهو عاجز عن ارجاعها للحياة .. يموت جوعاً ولا يلقى أحداً أمامه يطبخ له لقمة طيبة يسد بها جوعه .. عندما تشتد عليه ضغوط الدراسة لا يرى قريب يلجأ إليه لكي يخفف عنه هذا الضغط ..
كم من ليالِ بات وهو يبكي ولا من صدر حنون يضمه ويمسح له دموعه .. كم من ليالِ يشتاق ويشتاق ولكن لا يجد من يشتاق إليه أمامه .. كم من ليالِ يختنق من هذهِ الحياة المريرة ولا من يكترث له ..
يتعب ويشقى لكي ينال أعلى الدرجات بالمرحلة الثانوية لتؤهله لدخول إحدى الجامعات وكم من شخص توسل لكي يدخله وكم من مدير ترجى لكي يقبل أوراقه فقط لكي لا يخيب أمل أهله .. وأخيراً عندما يحصل على مقعد له في الجامعة تجرده من أبسط حقوقه وتسلب منه راحته وتجعله عبداً لها يفعل كل ما تأمره بها فقط لكي ترضى عنه ..
كم وكم وكم وكم ...
آه نحن طلاب الجامعة كم نحن مساكين كأننا خلقنا فقط لكي نتعذب بهذهِ الفاجعة ( الجامعة ) ..
أسأل العلي القدير بأن يوفق كل طالب جامعي وطالبة جامعية ويرد كل مغترب عن أهله ويفرج هم وغم كل إنسان ويوسع عليه دنيا وآخراه ..
شكراً لك أخي abu nouraعلى هذا الموضوع الذي بالفعل يستحق الحديث عنه وأعانك الله وأعاننا إياك ومهما كتبت فقلمي يعجز عن التعبير بما نشعر ونحس به ..
تحياتي ( طالبة جامعية معذبة ) :(
رد : هل تعرف ما هو الطالب الجامعي ادخل وشوف بس
ولله يا اخي اجيت على الوجع وفتحت جراحنا
بس بشكرك على كلامك الي كله في مكانه
يقولوا :ما يعرف المر الا الي ذاق منه
رد : هل تعرف ما هو الطالب الجامعي ادخل وشوف بس
صج والله.. كل كلمه قلتها صدق...
وبالخلاصه..
هو الطالب الذي تنتزع روحه بالبطئئئئئئئئئئئ<<<< يعني يذوق الموت على أصوله
يسلمو أخوي أبو نوره..
رد : هل تعرف ما هو الطالب الجامعي ادخل وشوف بس
رد : هل تعرف ما هو الطالب الجامعي ادخل وشوف بس
شكرا على الموضوع والله يعطيك العافية والله لايحرمنا من مواضيعك وبانتظار جديدك
رد : هل تعرف ما هو الطالب الجامعي ادخل وشوف بس
وش اقول وش هالماساه اني مقبله على حياه الجامعة تكفون لا تخوفوني
اكثر من كذا بجد احس الكلام من قلب وجلست اصيح وارثي حالي ............
بس وش نسوي هاذي حال الدنيا يوم لك ويوم عليك
تسلم اخوي
رد: هل تعرف ما هو الطالب الجامعي ادخل وشوف بس
اه اه اه اه ...... توني بسجل
حطمتني مدامها كذا ياااااااااازين بيتنا
والله حطمتني من جد ....
<<<<<<<<<<< كان طمووووح ...
<<<<<<<<<<<< مسجل بالمنتدى يدور جامعات
<<<<<<<<<<< هذا المشترك انظم للبطاله بالمملكه
-------------------------------------------------------------------------------------------- اخوكــــــم / أبو مـتـعـب ..... مشكورين ....
رد: هل تعرف ما هو الطالب الجامعي ادخل وشوف بس
اي والله صدقت في كل حرف كتبته
مايحس الى الي جرب العذاب
الي ارجولة في نار غير الي ارجولة في الماي
هي صحيح غربة
ههههه خاصة والواحد صحيح يطق نفسة من اكل المطاعم
بس صراحتا غيبتو الدور الايجابي يتعلم الشخص الاعتماد على النفسواكتساب خبرات مثل الطبخ والتنظيف وتدبير النفس في وقت المحن يكون الشخص اجتماعي اكثر خاصة اذا كان الشخص غير اجتماعي (مييح ) زيي مثلا ويتعرف على الشباب وتعرفو شقة عزاب يعني مسخرة ووناسة وطبخ وحش ولعب ومشاهد تلفزييون وطلعات يعني :
هي حلوة ومره فوقت واحد
