:.|[ღ]|. حبيبي صعب نسيانك .|[ღ]|.:

بسم الله الرحمن الرحيم

هذا (الجزء الأول) من القصة الي هي من تأليفي واتمنى تنال على اعجابكم

بعنوان

((حبيبي صعب نسيانك))

اول شي احب اعرفكم على

عائلة ابو عبد الرحمن

( أبو عبد الرحمن ، ام عبد الرحمن ، عبد الرحمن (الولد الكبير) عمره 22 سنه ، عبير عمرها 20 سنه ، نوره عمرها 16 ، واخيرا حمود اخر العنقود وعمره 13 سنه )

*************

في نهاية الاجازه الصيفيه لعام 1426هـ وما بقى منها الا اسبوع واحد ويبتدي العام الدراسي الجديد

كانت نوره وحمود مشغولين بالتجهيز للمدرسه وكالعاده في اهتماماتهم المتواضعه لعب البلايستيشن اما عبد الرحمن ما بقى

الا ايام ويرجع من السفر وعبير مشغلوه مع خطيبها وولد عمها في نفس الوقت ((علي))

ابتدى العد التنازلي لـ بداية سنه دراسيه جديده

5

4

3

2

1

نوره:يا الله حمووووووود مو مصدقه بكره بتبتدي المدرسه

محمد: اسكتي لا تذكريني بهمي بكره راح يبتدي الهم وبكره امي راح تبتدي فلسلفه حمود قوم ذاكر حمود قوم نام

حمود قوم اصحى عندك مدرسه اوووووووف

نوره:هههههههههههههههه هذي جزاتها خايفه عليك تبيك تنام زين عشان ما تنام بالصف مثل هذاك اليوم

محمد: بس اسكتي يالفظيحه صحيح ما ينقال لك شي

نوره:هههههههههه انزين خلاص بسكت

واثناء حوراهم دخل اخوهم الكبير عبد الرحمن

عبدالرحمن:السلام عليكم

محمد ونوره بنفس الوقت: وعليكم السلام

قامت نوره وسلمت على اخوها

نوره:الحمدلله على السلامه اخوي ها وين هديتي؟؟؟؟؟؟؟؟

عبد الرحمن:الله يسلمك ،، وانتي ما تغيري طبعك هديتك موجوده بس خلني ارتاح ومالك الا طيبة الخاطر

نوره: ايه الحمدلله فكرتك بترجع فاضي

عبد الرحمن:اخ منك الحين كل هالهدايا الي غرقتك فيها وتقولي فكرتيني برجع فاضي اما انك نكاره

نوره:يوووووووووووه انتو ما احد يمزح معاكم ياخي كنت امزح

محمد:اقول اسكتي

قام محمد وسلم على اخوه وتحمد له ع السلامه

عبدالرحمن:ع العموم انا لو اتابع كلامك ما راح يخلص يا نوره عشان كذا انا بركب انام واذا صحيت الصباح اعطيك الهديه

نوره:ههههههه صباح الخير انت ناسي انو بكره اول يوم بالمدرسه يعني ما راح تلقاني

لا تلف ولا تدور ومافي نوم الا بعد ماتعطيني الهديه ولا ترى بزعل

عبدالرحمن:والله بكره دوام؟؟ يا حرام كسرتو خاطري

محمد:انا رايح توصوني على شي

نوره وعبد الرحمن بنفس الوقت هههههههههههههههههه

عبدالرحمن: انت لحد الحين تتضايق من طاري المدرسه يا حمود فلها وربك يحلها ماله داعي تتضايق

كلها 5 سنوات وتخلص منها

محمد:ياخف دمك ناسي ان وراها هم اكبر منها اااااه يا راسي ودي اغمض عين وافتح عين الاقي نفسي صرت

دكتور متى بس متى

نوره:وش قلت دكتور هههههههههههههههههههههه والله ضحكتني ما اقول غير ساعد الله قلب المرضى

الي راح يقابلو هالوجه

محمد:اقووووول قولي كلام مثل الناس ولا انثبري

نوره:مع الاسف ما عندي وقت ارد عليك ولا كان عرفتك مين الي ينثبر اقول دحوم لا تضيع وقتي وين هديتي ترى مليت

عبدالرحمن:دحوم في عيونك وووووووجع اصغر عيالك عشان تقولي لي دحوم

نوره:يوووووه طول عمرك تقول نوير وماقلت شي يعني انا صغيرة عيالك

ع العموم خلاص ذليتنا على هالهديه ما ابيها

عبدالرحمن:احسن في ناس غيرك يبغوها صح حمود

محمد:افا عليك ياخوي اكيد صح

نوره تطالعهم بنظرات حقد وتقوم تروح غرفتها

نوره:اما انهم سخيفين والشره مو عليهم علي انا الي قاطه وجه معاهم مالي الا اجهز لبس المدرسه وحاجاتي وانام

....

ابتدى اليوم الجديد والساعه الحين 5:30 الصباح

ام عبد الرحمن تتجه لغرفة بنتها نوره

ام عبد الرحمن:نوره حبيبتي قومي اصحي من النوم الحين الساعه5:30 الصباح يالله قومي عشان تصلي وتجهزي

اليوم اول يوم بالمدرسه

نوره: يالله ماما كم مره قلت لك ما ابي احد يصحيني عندي منبه يصحيني

ام عبد الرحمن:بلا كلام فاضي يالله قومي

نوره: ان شاء الله وتقول بقهر قايمه قاااااااااااايمه

وبعد ما تطلع من غرفة نوره تتجه لغرفة اخر العنقود حمووووود

ام عبد الرحمن:حمووووووود حبيبي قوم اصحى من النووووووووم عندك مدرسه

محمد:يالله ماما الساعه كم الحين؟؟

ام عبد الرحمن: الساعه الحين 5:30

محمد:ماما خلاص روحي وتعالي صحيني الساعه 6

ام عبد الرحمن:ووووووجع انت ناسي انك لحد الحين ما صليت صلاة الفجر

محمد:اووووووووووف انزين بلا صراخ من الصبح الحين بقوم

تطلع ام عبد الرحمن وهي معصبه من حمود وتقول

ياربي الهمني الصبر اليوم اول يوم وحمود كذا!!

وتتجه لغرفة بنتها الكبيره عبير

وتدخل وتلقى بنتها صاحية وجالسه تصلي

ام عبدالرحمن: غفر الله لك يا بنتي

عبير: لنا ولك ،، صباح الخير ماما

ام عبد الرحمن: صباحك ورد جوري يالله اجهزي عشان تفطرو مع ابوكم

عبير:ان شاء الله على امرك

ام عبدالرحمن:الله يرضى عليك

تطلع من غرفة عبير وتروح لغرفة عبدالرحمن

ام عبد الرحمن:عبد الرحمن قوم يا بعد عمري قوم عشان تصلي

عبدالرحمن:ماما كنت سهران وصليت اتركيني ارتاح والله تعبااااااان

ام عبدالرحمن: على راحتك نوم العوافي

عبد الرحمن:تسلمي ماما

تطلع وتنزل الطابق الاول وتنادي بصوت عالي تريزا تـــريــــزااا<< هذا اسم الخدامه

تريزا:نـئـم مدام

ام عبد الرحمن:جهزتي الفطور؟؟؟؟؟؟؟؟

تريزا: ايه مدام

ام عبد الرحمن روحي حطيه في قاعة الطعام وبعدين ابيك تجهزي بخور

تريزا: ان شاء الله مدام

ام عبد الرحمن: يالله روحي

وتتجه للصاله وتجلس قرب ابو عبد الرحمن بأنتظار الاولاد

بهالوقت قامت نوره وجلست تجهز

ولبست لبس المدرسه وهي تسمع اذاعه بانور راما خليك بالجو

كان فيها اغنية لماجد المهندس

احيان يصيب الهوا لكن يخيب احيان والشك حبيبي صعب

ظليييييت انا حيران

والاخت نوره داخله جو وتغني وتقول معاه

شكيت بيك وعندي اكثر من دليل قلت لك خنتني وقلت اخونك مستحيل >> في هالوقت

يدخل اخوها محمد يبي يشوفها خلصت ولالا

شافها وهي تغني وتعدل شعرها عشان تروح المدرسه

وهي داخله جو وابد مو منتبه له وتكمل وتقول

الغيره هدتني والليل الطووووووووويل اه يا ليل

محمد: بس يالبلبل صوتك فقع راسي من صباح الله خيررررر

نوره:بكل خجل انت وش دخلك غرفتي وبعدين انا اغني مثل ما احب نشاز فيروز المهم ان صوتي عاجبني

مو مهم انت

محمد:انزين خلصينا يا فيلسوفة زمانك امي وابوي ينتظرونا ع الفطور

نوره:طيب وصلت المعلومه تقدر تروح

محمد:طرده يعني هي؟؟؟؟؟؟؟؟؟؟؟

نوره:افهمها مثل ماتبي

محمد: هههههههه زين ما قلتي ايه طرده ع العموم بدون ما تقوليها انا طالع

نوره:الله معك

وتكمل تعديل في هالشعر (نوره من النوع الي يهتم في شكله وما تحب يطلع شكلها غلط بالمره<< البنت كشخه))

بعد ما خلصت نزلت تحت والعائلة الكريمه كلهم مجتمعين في قاعة الطعام حق الفطور

راحت لقاعة الطعام ودخلت

نوره:صباح الخير

الجميع يرد ويقول صباح النور يا نور هههههههه

تجلس مكانها نور وتبتدي بالفطور في هالوقت عم السكوت في المكان

فجأه قطع هالصمت الوالد الله يحفظه ابو عبدالرحمن ويتكلم ويقول

انتو عارفين ان انتو اغلى ناس عندي في هالدنيا ولانكم اغلى ناس اتمنى انكم تكونو احسن ناس

محمد بينه وبين نفسه: بدينا فلسفه يا ابو عبد الرحمن اللهم صبرك يا روح

يعني مثلا الدرجات الي جبتها يا محمد العام الماضي ما ابي اشوفها هالعام

ينتفض محمد ويفتح عينه يوم انه سمع اسمه

ويقول بصوت واطي : ان شاء الله

ابو عبدالرحمن:الرجال افعال يا محمد انا ما ابي كلام انا ابي ارفع راسي فيك مثل ما رفع راسي أخوك العام الماضي

بتخرجه بأمتياز من جامعة البترول والمعادن

محمد:ان شاء الله

يكمل الوالد كلام وفي هالوقت نوره تقول بقلبها

جايك الدور يا نوره الله يستررررررررر!!

ابو عبدالرحمن: وانتي يا نوره درجاتك كانت حلوه العام الماضي واتمنى تبقى مثل ما هي واحسن ان الله راد

تاخذ نوره نفس وتحمد ربها في قلبها انو ما جاها كلام يغث من الصبح وترد على ابوها وتقول

ان شاء الله

يمر الوقت ويمشي وتصير الساعه 6:45

وتقول الوالده يالله حبايبي تأخر الوقت لازم تروحو المدرسه الحين

نوره+محمد:ان شاء الله

تقوم نوره وتلبس عبايتها وتتحجب وتطلع مع محمد الى السايق

ويروح كل واحد فيهم مدرسته

.............................................

وصلت نوره المدرسه وهي بكامل اناقتها وتروح الصف الجديد حقها

شافت صاحباتها

وسلمت عليهم بكل حراره

نوف:وش هالكشخه يا نوره وانتي دوم كذا محطمه علينا

نوره:شدعوه ههههههههههههههه احرجتيني

صارت جلسة بنات وكل وحده فيهم تحكي وش عملت بالاجازه

الي سافرت والي..........الخ

فجأه دخلت الصف وحده من صاحبات نوره اسمها مروى

قامت وسلمت عليها نوره بكل حراره

نوره: من جد وحشتيني يا مروى وش اخبارك؟؟

مروى:والله تمام انتي وش اخبارك يا نوره

نوره:والله بخير ،، انتي وش مسويه في حالك وربي انك حليانه

مروى: بتفكير اممممممممم اقول ولا ما اقول

نوره:يالله عاد بلا سخافه تعرفيني فضوليه يالله قولي

مروى:انخطبت على الانسان الي طول عمري احبه ويوم الخميس الجاي راح نملك

نوره بصوت عالي: من جد الف الف الف مبرووووووووووووووووك

وتقوم نوره وتحضنها

مروى:اسكتي فضحتيني لسى ما ملكت ما ابي اقول حق احد

نوره:انزين اسفه بس من جد فرحت لك

مروى:تصوري بابا كان يبي يزوجني من ولد عمي كنت حاسه الدنيا ضيقه علي

بس انا اصريت على موقفي وقلت ما ابيه الا هو

نوره:وانتي من وين تعرفيه يا قوية العيون

مروى:ههههههههههههههههههه ماني قوية عيون هو يصير ولد بنت خال امي عاد انتي افهميها

نوره:يووووووووووه هذي يبي لها تفكير ع العموم الله يوفقكم منك المال ومنه العيال

نوره + مروى : هههههههههههههههههههههههههه

دخلت معلمة العربي ورحبت فيهم كـ طالبات اول مره تدرسهم

وتكلمت معاهم عن منهج المدرسه وكيف راح يكون اسلوبها معاهم و....الخ

بعد ما كملت كلامها طلبت من الطالبات التوجه الى قاعة المسرح للأستماع لكلمة المديره

توجهو جميع طالبات المدرسه للمسرح القت المديره كلمة ترحيب بالطالبات الجدد الي هم طالبات اولى ثانوي

وتمنت لجميع الطالبات التوفيق وعام دراسي ملئ بالتفوق والنجاح

وبعد مرور الوقت بكل سرعه انتهى دوام المدرسه ورجعت نوره ومحمد الى البيت

كانت نوره قمة في التعب لدرجة انها راحت تنام ولا انتظرت الغدى

جلست ام عبد الرحمن مع حمود وجلست تطالع في كتب محمد الجديده وجلسو يتكلمو عنها

مضى الوقت ومضت الايام وما بقى على الاختبارات النهائية غير يومين!!

نوره تكلم صاحبتها نوف وهي خايفه

نوره: يالله نوفووووووووو والله بموت من الخوف احس حالي ما اعرف شي بالرياضيات

نوف:علينا هالكلام يا نوره انتي صلي ع النبي وقومي ذاكري وان شاء الله راح يصير سهل في نظرك

صدقيني انتي ذكيه وما ينخاف عليك الدور الباقي علي انا الي كل سنه ادخل في دور ثاني

نوره: افا عليك وانا صاحبتك شرايك تجي تذاكري معي؟؟

نوف:هاااا وش قلتي لا اكيد ماما ما راح ترضى

نوره:ليه؟؟؟؟؟؟؟؟؟؟؟؟؟؟؟؟؟؟؟؟؟

نوف:بتقولي اكيد رايحه تلعبي وتضيعي وقت ولا انا اعرفك وجهك مو وجه مذاكره

نوره:خلاص انا بكلمها وبقنعها

نوف:نوره الله يخليك لا تحرجيني مع ماما امي وانا اعرفها

نوره: انتي ما خصك انا بكلمها واذا ما رضت الفشله بتصير في وجهي انزييييييين

نوف: طيب لحظه بخليها تكلمك

نوره:طيب

ام نوف: هلا والله هلا ببنتي نوره

نوره من سمعت صوت ام نوف طارت كل الجرأه الي كانت فيها من ثواني

ردت بكل خجل هلا ام نوف

كيف حالك وش اخبارك

ام نوف : بخير سلمك الله انتي وش اخبارك وش اخبار امك؟؟

نور: بخير تسلم عليك

ام نوف: الله يسلمها

نوره: ام نوف تعرفي الاختبارات ما بقى لها الا يومين ونوف في حاجات كثير مو فاهمتها بالرياضيات

وانا ودي افهمها هالحاجات معليش لو تجي تذاكر معي؟؟؟

ام نوف: اخاف تضيع وقتك اعرف بنتي لعابه

نوره: لاتخافي ما بعطيها فرصه

ام نوف: ....الي تشوفيه يا بنتي

نوره:شكرا يا احلى ام نوف بالدنيا يالله انا بروح اجهز حالي وبنتظر نوف

ام نوف الله معك

نوره:مع السلامه

وصلت نوف بيت نوره واستقبلتها والي يشوف نوره يقول متفرغه

ما كأنه بعد يومين اختبارات انواع الكشخه

جلسو مع بعض في البدايه كانت جلسة ضحك وسوالف وبعدها دخلو بالجد وابتدت المذاكره

مضى الوقت ومضت الاختبارات وبقى يوم وتطلع النتائج

الكل اعصابه مشدوده نوره محمد وكل البيت

كانت ام عبد الرحمن خايفه من نتيجة ولدها محمد لانه دائما يطلع ضعيف في مواد الدين

لانه ما يحب الحفظ!!!!!!!!!!

مضى اليوم وجا يوم النتائج

ولأول مره نوره تروح المدرسه وماهي كشخه كان شكلها شاحب وخايفه من النتيجه

راحت ودورت على اسمها في قائمة النتائج

وشافت نسبتها 97%

طارت من الفرررررررررررررحه وقتها شافت نوف وبشرتها فرحت لها نوف وراحت شافت نتيجتها وكانت

89% فرحت نوف انها ما حملت ولا ماده وهذا كله لانها كانت تذاكر مع نوره

شكرت نوره وساعتها كانت تحس بالامتنان لنوره على وقفتها معاها ايام الاختبارات

ولأول مره محمد يعدي مواد الدين وينجح فيهم كلهم بدون اي مساعده من اي استاذ وبكل جداره حصل على

نسبة 91% الكل تفاجأ بنتيجته طبعا ابو عبد الرحمن فرح بنتيجه ولده لان هذا يعتبر انجاااااااااز بالنسبه لأول

............................................

تم بحمد الله انتهاء الجزء الاول

اتمنى انه يحوز على اعجابكم والى القاء في الجزء الثاني

مع احداث جديييييييده

تساؤلات:

وش ممكن يصير مع عبير وخطيبها؟؟!!

وعبدالرحمن وش راح يصير في حياته هل راح تبقى مثل ما هي ولا بتتغير؟!؟!!!

ونوره المرررررحه وش ممكن يصير لها مع تقدم الايام؟؟؟؟!!!!

وحمود الكسوووووول هل ممكن يتغير ويحب الدراسه؟!؟!؟!!!!!!!!

ونشوف وش الاحداث الي راح تصير

مع تحياتي

Faroo7a

زعلتوني :evil::evil:

انا عضوه جديده المفروض ترحبو فيني وتعطوني وجه

يعني حتى لو ما عجبكم الموضوع عادي
ارحب بكل انتقاداتكم بس لالالالالالالالالالالا للتطنيش :angry:

تحياتي : فروحه

اهلاً وسهلاً بكِ اختي بيننا ..

نتمنى ان نستفيد ونفيد ..

ياليت تكمليها لاني ماراح اقراها الى اذا كملتيها بس شكلها مررره حللللللللوه عن جد اتكلم ..

هلا فيك اوتار الحزن

ان شاء الله راح اكملها وان شاء الله تنال على اعجابك

واعجاب الجميع ,, وتسلمي كلك ذوووووووق

تعالي كل يوم :bigsmile:

تحياااااااااااااااااااااااااتي

فروحه

يسلمووووووووووو خيتووو faroo7a

جد القصه رووعه وحلووه بانتظاار البقيه ومو تطولي علينا

بس عندي نقد صغنوني :toung: ياليت خيتو لو تكبرري الخط شوياات اكون شااكره لك

ودمتم :noworry:

يسلمك ربي كبرياء هذا كله من ذوقك

جبرتي بخاطري الله يجبرك بخاطرك ان شاء الله

كنت ناويه ما اكملها لان حسيت انها ما عجبت احد فـ قلت في نفسي

ليش تكمليها وما احد اصلا جالس ينتظرها :(

ع العموم ان شاء الله راح اكبر الخط وان شاء الله عن قريب

راح ينزل الجزء الثاني

واتمنى ينال على اعجابك واعجاب اوتار الحزن

والله يحنن قلوب الباقي :wink:

تحياااااااااااااتي

فروحه

يللا بانتظااااااار الجزء الثااني

مو تطوولي علي

يسلموووو

ودمتم

على قولة المثل لجل عين تكرم الف عين

وما راح نطول عليك يا كبرياء اكثر من كذا ولك الجزء الثاني

ولجميع الناس الي ينتظرووه

^^^^^

الجزء الثاني

بعد استلام النتائج راح الخوف الي كان ساكن قلوب الجميع

نوره وهي تكلم نوف صاحبتها

نوره:آآآآآآآآه الحين ابتدت الاجازه بجد يا نوف

نوف:ههههههههههههههههه

نوره:الا صحيح نوف وش ناويه تسوي في هالاجازه

نوف:والله شكلنا راح نقضيها بالبيت!! :(

نوره: اممممم ليه؟؟

نوف:ابوي عنده مشروع قاعد يشتغل عليه الحين وما احد راح يهتم بالمشروع كثره

ولا يقدر يتركه ويسافر وتعرفي احنا ما نحب نسافر بدونه!!

نوره:اهاااااا

نوف:وانتي بتسافري؟؟

نوره:ايييييه بسافر

نوف:عن جد :) والله حركااااااااااات ،، وين ناويه تروحي؟؟

نوره:هههههه لا تفرحي مره ما بروح بعيد لان اصلا الاجازه ما تسمح قصيره مره :(

بس دحوم اخوي وعدني اذا جبت نسبه يسفرني معاه اي مكان ابي بس بشرط

تكون دوله عربيه وقريبه بس لحد الحين ما اخترت ومحتاره وش اختار

نوف:من قدك يا نويره ياليت عندي اخو مثل اخوك :(

نوره:ههههههههه لا تحسدي لا ينقلب بعدين ،، وبعدين وين راحو اخوانك مشعل ونواف

نوف:هههههههههه لا تضحكيني بس مشعل لاهي بالشغل حقه ونواف ما اكلمه صار لي 5 شهور

نوره:افااااا 5 شهور يالظالمه

نوف: (ترد وصوتها فيه انكسار) هذي سالفه قديمه وما ابي اتكلم فيها

نوره:طيب انا اسفه ما كان قصدي ازعجك (نوره تحب تلطف الجو شوي) الا ما قلتي لي وش تبي

اجيب لك هديه لمى اسافر عاد مو تصدقي حالك تطلبي شي غالي تخسري اخوي بعدين

نوف+نوره : هههههههههههههههههههههههههه

تجي ام عبدالرحمن في هالوقت وتكلم بنتها نوره

ام عبد الرحمن : نوره ما خلصتي تلفون كل هذي سوالف؟؟؟؟؟؟؟؟؟

نور: لحظه نوف امي تكلمني ،، ماما يعني وش تبيني اسوي اجازه والدنيا زهق مافي شي اسويه

ام عبد الرحمن:شرايك تجربي تسممينا قصدي تعشاينا اليوم

نوره:يعني كيف؟؟

ام عبد الرحمن: يعني بمناسبة نجاحك تقومي تطبخي تعملي لنا عشى يعني

نوره:هااااااا وش قلتي؟؟

ام عبد الرحمن: لا ابد سلامتك

نوره: انا موافقه بس تحملو النتائج ؟؟ يعني اذا قضيتو هالليل بالمستشفى مالي دعوه؟؟

ام عبد الرحمن : فال الله ولا فالك اقول خلك في سوالفك مع صاحبتك ابرك

نوره: انزين ،، هلا نوف

نوف: هلا نوره

نوره:تأخرت عليك؟؟؟

نوف: لا عادي ع العموم انا الحين بقوم اروح السوق بعد يومين ملكة بنت خالتي وما شريت شي لحد الحين!!

توصي على شي؟؟؟

نوره:سلامتك والف الف مبروك وعقبال ما اروح السوق اشتري حق ملكتك

نوره+نوف:هههههههههههههههههههه

نوف:يالله مع السلامه

نوره:مع السلامه

^^^^^

تقوم نوره وتتجه لغرفة اخوها عبد الرحمن

لمى قربت من الغرفة سمعت صوت ضحك عبد الرحمن بدون قصد وقفت وقامت تسمع وش قاعد يصير

عبد الرحمن:تعرفي ياعمري انا ما اقدر على زعلك انتي بس امري تدللي

المجهول: (.........................)

عبدالرحمن:ياحياتي فديتك ،، تدري انك وحشتيني

المجهول: (.........................)

عبدالرحمن:صحيح وكيف صار شعرك؟؟

المجهول: (.........................)

عبدالرحمن يا حركااااااااااااااااات اجل طلع فله بعد القص

المجهول: (.........................)

عبد الرحمن:تعرفي يا حياتي انا احبك في كل حالاتك

.....

نوره انصدمت بعد الكلام الي سمعته

معقول هذا اخوي؟؟

مستحيل

اتجهت نوره غرفتها وكانت الافكار متداخله ومو قادره تفهم شي

من هذي الي يحبها اخوي؟؟؟؟؟

معقول يكون اخوي مثل باقي الشباب يلعب على بنات النااااااس؟؟؟؟؟

لا مستحيل عبد الرحمن بن فيصل يكون كذا

نوره: انا لازم اعرف من هذي لاززززززززززم وبعد لازم اكلم اخوي عبد الرحمن

بس وش اقوله؟؟

اقوله ترى انا سمعتك وانت تقول هالكلام؟؟؟

لالالالالا مستحيل ياربي وش الي خلاكِ يانوف تقفلي؟؟

اوووووووووف

انا لازم اقوي نفسي واقوم الحين الحين اكلمه

تقوم نوره وتتجه من جديد لغرفة اخوها

ولمى وصلت تكلمت بصوت عالي

عبد الرحمن ممكن ادخل؟؟

عبد الرحمن:بصوت منخفض اقول انا ضروري اسكر نوير اختي جايه

ويقول بصوت عالي اكيد تفضلي

نوره وهي تصنع الابتسامه في وجهها

كيفك اخوي؟؟

عبد الرحمن: من وين طالعه الشمس اليوم

نوره:خلي عنك هالكلام انا اتكلم جد وش اخبارك؟؟

عبدالرحمن:والله انا بخير انتي وش اخبارك؟؟

نوره:الحمدلله،، اقول...

عبدالرحمن:قولي :)

نوره: مو انت وعدتني اذا جبت نسبه نسافر؟؟؟

عبد الرحمن: اكيد وما زلت عند كلمتي بس انتي وين حابه تسافري؟؟

نوره: ما ادري اي مكان بس يكون غير هالمكان!!

عبدالرحمن: لهدرجه؟؟

نوره: ايه انا ضايق خلقي وابي اغير جو بس ما ادري وين

عبدالرحمن:طيب وش رايك نروح مصر؟؟

نوره:اخاف الجو فيها الحين حار؟؟

عبدالرحمن:شدعوه بتجلسي بالشارع؟؟

نوره:<< ابتدت تنسى الي صار من شوي ورجعت نوره الاوليه

هههههههههههههههههههههههه لا بس مافي احد يروح مصر وما يزور الاهرامات

واذا حر انا بتعب

عبدالرحمن:لا الحين الجو فيها حلو طيب خليها على جنب اذا مو عاجبتك شرايك نروح

لبنان؟؟

نوره:الله فكرررررررره فلللللله

عبدالرحمن:طيب خلاص اليوم اكلم مكتب الخطوط واحجز على لبنان في اقرب وقت

نوره:اذا حجزت لا تنسى تحجز لنا في فندق 5ستار اوكي

عبد الرحمن:تامري امررر

نوره : وهي قمه في السعاده يسلمك ربي يا اغلى اخ بالدنيا

عبدالرحمن:الله يخليك

نوره:ها اقوم اجهز حاجاتي ؟؟

عبد الرحمن:هههههههههههههههههههههه شفيك لسى ما حجزت

نوره:ايه عشان بعدين ما احس بالزحمه تعرف انا مهمه واكيد قبل ما اسافر صاحباتي راح يجو يودعوني

عبدالرحمن:يودعوك خخخخخخخخخ سلامات وين رايحه بتهاجري على غفله؟؟

نوره:انزين خلاص بلا تريقه ما بجهز شي الا لمى تقولي ،، يالله سلام

عبد الرحمن:سلام

راحت نوره غرفتها ومن وقتها ما طلعت منها لليوم الثاني

كانت جالسه عند النافذه تطالع بالزرع الي حول مبنى البيت والشمس الي توها بتطلع

وتتأمل في نورها الهادئ والهوى الخفيف الي يجي ويروح

نوره:ياربي ليش فكرت بأخوي كذا اكيد هذي ريم بنت خالتي ولأنه يستحي ما صارحنا انه يحبها

ايه هذي ريم انا اذكر لمى كنت صغيره كان دوم يجلس يسولف معاها

والله انهم لايقين على بعض يالله الله يوفقهم

اممممم معقول الحب حلو كذا

لمى دخلت اشوف اخوي كان وجهه منور ورايق وحليان

حتى صاحبتي مروى احلووت كثير لمى انخطبت واستقرت في حبها :)

واختي عبير مع مخاوي الليل الاخ علي ثنائي من جد رائع ولايق على بعض

وحمود معروف انه يحب بنت العم الدلوعه ساره

وانا احب حالي هههههههههههههههههه الله يديم هالمحبه

بعد ما رتبت افكارها مثل ما تحب ارتاحت وغفت عيونها ونامت في سبات عميق

وما صحت الا الساعه 5 العصر

نوره: يالله كل هذا نووووووووووووم اقوم اشوف دحوم حجز ولالا

تروح الطابق الاول

ماما

ام عـــــــبــــــدالــــرحــــــمـــــــــن وينك؟؟؟

ام عبدالرحمن:بسم الله الرحمن الرحيم وش هالوجه ،، وبعدين شفيك تصارخي شتبي؟؟

نوره:ماما عادي اعملي حالك ما شفتي وجهي المهم دحوم وينه

ام عبد الرحمن: ما ادري طلع من شوي وما سألته وين رايح المهم انتي قومي شوفي حل في شكلك

لان خالتك ام راشد وبناتها شوي وجايين يجلسو معانا

نوره:يووووووه هذا وقته عاد انا مو رايقه بالمره

ام عبد الرحمن:لا تكثري كلام تراهم على وصول

نوره:ان شاء الله >> وتروح غرفتها وهي بالمره مالها خلق تجهز وتجلس مع خالتها وبناتها

وصلت نوره غرفتها وشغلت بانو راما كـ العاده وطلعت لها ملابس وعلى اساسها جلست تضبط عمرها

لبست ملابسها وحست ان وجهها باين عليه النوم

عشان كذا حطت لها اساس خفيف في وجهها وظل خفيف عطاها جمال

تريزا: نوره مدام ام عبد الرحمن تقول انزلي

نوره : طيب شوي وجايه ،، تعطرت ونزلت تستقبل بنات خالتها الي صار لها 6 شهور تقريبا ما شافتهم

وجلست معاهم وقضت وقت ممتع مع انها كانت تتصور انها بتكون جلسه ممله

لان كل بنات خالتها ام راشد اكبر منها واصغر وحده فيهم اكبر منها بـ سنتين

ام عبد الرحمن: نوره حبيبتي قومي قدمي القهوه لـ خالتك ام راشد

نوره: (( تقول في قلبها سلامات يا ام دحوم يكون فكرتيني تريزا؟؟)) ان شاء الله

تروح وتقدم لخالتها القهوه

ام راشد: ما شاء الله والله كبرتي يا نوره وصرتي عروس

العنود بنت خالتها الكبيره: اي والله صارت عروس

نوره: (( حست بخجل وابتسمت ابتسامه كلها خجل ))

بعد كذا وصل اخوها عبد الرحمن سلم على خالته وبناتها طلعت نوره وراه

نوره:عبد الرحمن ها حجزت

عبد الرحمن : ايه حجزت وبنسافر ان شاء الله بعد يومين

نوره: والله حركات ،، ها دحوم شفت ريم بنت خالتي؟؟

عبد الرحمن : كم مره اقولك لا تقولي دحوم،، وبعدين ليش ريم بالذات تسألي عنها

نوره: ها (( تذكرت انها ما كلمته بالسالفه)) لا والله بس اسأل مافي سبب!!

عبد الرحمن : ايه شفتها فيها شي؟؟

نوره: لا مافيها ،، شرايك فيها؟؟

عبد الرحمن : شفيك صايره غبيه تقولي اسئله ما لها داعي؟؟

نوره: اقول عن الغلط بس كنت اسأل لان وحده تبي تخطبها حق اخوها وسألتني عنها

(( طبعا هالكلام كله من تأليفها تبي تشوف دحوم يغار ولالا))

عبد الرحمن: صحيح غبيه وما دورتي تسأليني الا انا وبعدين انتي المفروض تعرفيها اكثر

نوره: (( والله برود اعصابه ما تريحني )) لا والله بس اذكر انك تجلس معاها كثير فكرت انك بتفيدني بشي

عبدالرحمن:اووووووووف بالعه راديو انتي خلاص بجاوب

ريم بنت تجنن وعليه بالعافيه الي بـياخذها حلو كذا تبي تسألي عن شي ثاني بعد؟؟

نوره: ((صابها احباط من كلام اخوها)) لا شكرا

راحت نوره غرفتها والافكار تتضارب مع بعضها

وصلت غرفتها وقامت تكلم حالها كـ العاده وتقول..

اكيد مو ريم الي كان يكلمها ما غار ولا انقهر وقام يدعي للي بياخذها!!

اه يا رااااااااسي من هذي الي كان يكلمها

اووووف اصلا انا ليه موجعه راسي وقاعده افكر بالموضوع خلاص هو كبير وبكيفه

اي صحيح بكره لمى يتوظف اكيد ماما بتقوله اخطب

وهو اكيد راح يقول اخطبي لي فلانه << البنت الي يحبها

خلاص انا لازم اشيل هالسالفه من راسي وبعدين هو حر بحياته ما المفروض اتدخل بأموره

احسن شي اقوم اجهز ملابسي

الله بعد يومين بسافر بعيد عن محمد والهواش معاه

واكيد دحوم راح يدلعني ويلبي لي كل طلباتي والله فللللللللله

جلست نوره وقلبت غرفتها محل ملابس الي يعجبها ترتبه في شنطة السفر والي ما يعجبها

ترميه ع الارض((عن جد فوووضى))

انتهى اليوم وابتدى اليوم الجديد وما بقى ع السفر الا يوم واحد

نوره مو قادره تنام مثل الناس من الفرح قامت من الصباح وقامت ترتب غرفتها بعد الفوضى

الي كانت فيها ((لانها ماتحب تريزا تنظف غرفتها))

وبعد كذا راحت تفطر مع امها وابوها وما احد كان جالس غيرهم لان عبير تسهر مع خطيبها

ودحوم يسهر مع اصحابه ومحمد يقضي اخر الليل على البلايستيشن

تتجه لقاعة الطعام ولمى وصلت

نوره:صباح الخير ماما

صباح الخير بابا

ام عبد الرحمن ابو عبد الرحمن : صباح النور يا نور

جلست في مكانها وابتدت تفطر طبعا كـ العاده المكان هادئ

وبعد كـ العاده ما احد يقطع هالصمت غير ابو دحوووم

ابو عبد الرحمن: ها نوره تجهزتي حق السفر

نوره ترد بكل فرح : ايه اكيد بوحشك صح :)

ابو عبد الرحمن:ههههههههه ياحبي للدلع الي انتي فيه

اكيد يا حبيبتي بتوحشيني

نوره: وانتي ام دحوم راح تفتكي مني صح؟؟

ام عبد الرحمن: اكيد

نوره+ابو عبد الرحمن+ ام عبد الرحمن

ههههههههههههههههههههههههههههههههههه

مشى الوقت بسرعه وما بقى الا وقت قليل ويجو صاحبات نوره عشان يودعوها مثل ما تقول

يرن الجرس بشكل جدا مزعج تقولو زلزال صار بالبيت؟؟؟

تريزا تروح بسرعه وتفتح الباب

نوف:الف سنه عشان تفتحي الباب صرنا كريمه بالشمس

وتقول لـ تريزا وخري بس مسوي نفسك سنعه وبترحبي فيني

ترى ادري وينه مجلس الحريم

((تقولو داخله حرب على غفله؟؟))

تتجه نوف لغرفة استقبال الضيوف وفي هالوقت تروح تريزا تعطي خبر لنوره ان صاحبتها وصلت

******

نحن من المتاااااابعين ههههههه يسلموو خيتوووو

الله يقطع سوالف البنااات الا توها بتكلمه وتساله ومن
طاري السفر طواااالي غيرررت رايها

بانتظاار البقيه خيتو

ودمتم

مسكينه تريزاا!! مالحقت توصل الا والجرس يرن من جديد وتنزل بسرعه

قبل ما تصير حفلة من جديد!! وتفتح البال

ورد ( طبعا هذي انسانه هادئه ودائما تتكلم مع الناس بذوق ))

مرحبا تريزا كيف حالك؟؟

تريزا : (( مو مصدقه ان في احد يسألها عن حالها ))

الحمدلله مدام تفضلي..

ورد (( بنعومه ))

شكراا

وتتجه تريزا من جديد لغرفة نوره وهالمره قبل ما تركب الدرج رن الجرس

تروح وتفتح الباب

مي (( هذي اكثر وحده مهستره بالشله وعلى قد ما اسمها صغير جسمها كبير!! مسكينه سمينه :( ))

هااااااااي تريزا

وتحرك يدها وتمسك خدود تريزا وتسحبهم وتقول بصوت كله ازعاج

how are you

تريزا ترد بتعب : i'm fine.... welcome

تدخل مي وبكل مرح الله البيت بااااااااارد ايه هذا الجو ولا بلاش

وتروح غرفة استقبال الضيوف وتسلم على ورد و نوف وكـ العاده بطريقه كلها ازعاج

و من جديد تروح تريزا وتعطي خبر لـ نور انو صاحباتها وصلو

تستأذن تريزا بالدخول ومن بعدها تدخل

اول ما شافت نور نست هي جايه عشان ايش

كان شكلها قمة في الروعه كانت لابسه تنوره ورديه قصيره وواسعه

ولابسه معاه تي شيرت مخصر ومقطوع ومطلع شكلها رووووووووووعه

وشعرها الكستنائي مموج وطالع مره حلووو

نوره تترك علبة الميك اب : خير تريزا شتبي

تريزا وهي مفتحه عيونها : مدام ورد و نوف ومي تحت في غرفة الضيوف

نوره : طيب اذا جات مروى تعالي عطيني خبر

تريزا : طيب

نوره: ولا تنسي لمى تنزلي تقدمي لهم عصير وشوكلاته وتقدمي بعد كذا بخور

تريزا: ان شاء الله

نوره: تكمل لمساتها الاخير وتحط في وجهها بودرة خدود بسيطه

ولون زهري بسيط بشفايفها وتتعطر..الخ

وصلت مروى ودخلت غرفة استقبال الضيوف وراحت تريزا تعطي خبر لنوره ان مروى وصلت

خلصت نوره وصارت جاهزه وطلعت من غرفتها وهي بكامل اناقتها

لمى قربت من الدرج الي يطل على الطابق الاول شافت اخوها عبدالرحمن قاعد يطالع

بالطابق الاول

نوره: سلالالالالالالاماااااااااات دحوووووم شقاعد تسوي هنا ها؟؟

عبدالرحمن يتخرع من جيت اخته المفاجأه: بسم الله الرحمن الرحيم

شفيك انتي خرعتيني .. لا بس كنت اطالع بالبيت من فوق لتحت كيف يصير؟؟

نوره: بالله... طيب انا الحين مشغوله ما راح اضيع وقت يالله باي

عبد الرحمن : باي

راحت نوره وسلمت على صاحباتها

مروى: شهالحركات يا نوره تصدقي لو هذا خطيبي جاي يشوفني ما سويت في حالي كذا

نوره: انتي اصلا طول عمرك متخلفه واتوقع بعد انه لمى يجي تلبسي قميص اكمام اخضر

وتنوره طويله حمره؟؟

ورد + نوف + نوره

ههههههههههههههههههههههههههههههه

مروى بحيا ترد : لا شدعوه مو كذا بس اقصد اني ما...

نوره: بس بس اسكتي

نوره : تطالع في ورد صاحبتها وكان وجهها شاحب وواضح عليه تعب او شي كذا

تقول

خير وررررررررد شفيه وجهك تعبان؟؟

ورد: ها لا ابد مافيني شي بس اكيد تعبانه لانك بتفارقينا هههه

نوره: علي انا هالكلام

ما حس قلبك بالغرام : خخخخ

لا والله جد اتكلم وش فيك

ورد : لا ابد بس صاحيه من امس ويمكن بديت اتعب

نوره: تحبي تروحي تنامي بغرفتني :p

ورد : هههههههه ياليت

نوره: انتظري بس اليوم بنام فيها وتعالي استلميها من بكره ههههه

تدخل مي بالنص

اقول نوره قولي حق تريزا تجيب لي شوكلاته لان هذا قطع صغيره وما يشبع

نوره: ههههههههه وانتي ما تتغيري همك بطنك!!

تقوم نوره تطلع عشان تقول حق تريزا هالكلام

ولمى فتحت الباب شافت عبد الرحمن واقف قرب الباب

نوره: يا سلالالالالالام والله بقول حق امي

عبد الرحمن: وش هالسخافه انا كنت جاي اشوف طاح قلمي هنا لمى جيت اسلم على

خالتي وصدفه انتي طلعتي بوجهي

نوره: مو وقت هالكلام عن اذنك

عبد الرحمن مستحي من الموقف كان قوي عليه

طلعو صاحبات نوره والوقت كان متأخر

وكان اليوم جدا متعب بالنسبه لنوره لانها صاحيه من الصباح ومن وقتها ما ارتاحت

راحت لغرفتها عشان تنام قبل ما تدخل غرفتها

عبد الرحمن : نوره لحظه قبل ما تنامي ابي اكلمك

نوره وهي دايخه : بكره انا بوجهك طول اليوم وما معانا احد تقدر تكلمني بأي وقت

يالله تصبح على خير

عبد الرحمن

تصبحي على خير

*************************

ابتدى اليوم الجديد وكانت الساعه 10 الصباح

صحت نوره وهي قمه بالنشاط وقامت تستعد للسفر

نزلت وجلست مع امها وابوها في هالوقت كان عبد الرحمن يجهز حاجاته << يا بروود اعصابه

في هالوقت دخلت عبير وعلي وجلسو مع نوره وامها وابوها

علي + عبير : السلام عليكم

الجميع : وعليكم السلام

علي : ها نوره اليوم مسافره

نوره: ايه اليوم ... ارجوك يا روميو لا تغنيلي لا تلوح للمسافر المسافر راح :p

علي + عبير ههههههههههههههههههه

عبير : سلامات هو ما غنى عشاني يغني عشانك

نوره : انا غير ونوره دايم غير

ع العموم بكره يجي روميو حقي ويغني لي لحد ما اقوله اسكت يا نشاااااااز

الكل ضحك على كلامها

نزل عبد الرحمن وكانت بيده شنطة السفر

دخل الصاله

عبد الرحمن: السلام عليكم

الجميع: وعليكم السلام

عبد الرحمن : نوره قلتي حق تريزا تنزل حاجاتك؟؟

نوره: لا

عبد الرحمن : قومي قولي لها لان الساعه 11:30 احنا بنروح المطار

نوره: طيب

عبد الرحمن : وخلك جاهزه انا بطلع اشتري حاجات وبرجع ونطلع اوكي ؟؟

نوره : ان شاء الله ،، بعد كذا قامت وقالت حق تريزا تنزل حاجاتها

( هنا بدت تحس نوره انها جد راح تسافر )

بدا يعورها قلبها على فراق اهلها حتى محمد الي دوم تتهاوش معاه << البنت لسى ما سافرت وهي كذا

قامت وخلصت حاجاتها وما بقى الا انها تلبس عبايتها وتطلع ع المطار

في هالوقت وصل عبد الرحمن وطلب من السايق ينقل الشنط للسياره وراح قال حق نوره

عبدالرحمن: يالله نوره الحين بنطلع

نوره: قامت وسلمت على امها وابوها وعبير وعلي ومحمد

توصوني على شي؟؟

الجميع: لا سلامتك تروحي وترجعي بالسلامه

ام عبد الرحمن: عبد الرحمن ما اوصيك انتبه على اختك ترى مالها غيرك

وانتي بعد نوره مو تكثري طلبات على اخوك ولا تزهقيه

نوره+عبد الرحمن : ان شاء الله

وطلعو متجهين للمطار في رعاية الله وحفظه

*****************

تم بحمد الله الجزء الثاني

اتمنى انه يحوز على اعجابكم والى القاء في الجزء الثالث

مع احداث جدييييده

تساؤلات:

يا ترى وش توقعاتكم للأحداث القادمه

مين الي يحبها عبد الرحمن؟؟

وايش ممكن يصير لـ نوره مع عبد الرحمن في لبنان؟؟؟؟؟؟

وكيف راح يكون البيت من غير نوره و عبد الرحمن؟؟؟؟؟

ع العموم راح نشوف وش الاحداث الي راح تصير في اقرب ما يمكن

مع ارق واعذب تحيااااتي

فروحه

هلااا خيتيو... :bigsmile:

بدايه قصصيه مبشره بالخير
وان شالله للأمام يارب
لي عوده لمتابعتها عزيزتي فروحه
يسلم فكرش وقلمش

تنقل يالغلا للقسم المناسب.. :cool:

دمتي بحفظ الرحمن

يسلمك ربي " كبرياء "

والله اني بديت احبك

الله لا يحرمنا من طلتك الحلوه

وعساك دوم منوره وترى ما راح تكمل هالقصه

الا لعيونك وعيون الناس الحلوين الي مثلك

تحياتي

فروحه

اهليييييييييين اميرة المرح

والله من زمان ودي اقولك تنقليها لاني ما انتبهت للقسم الي فوق

ع العموم تسلمي ع المرووووووور ومنوره يا قلبي

الله لا يحرمنا من طلتك

تحياتي

فروحه

مين الي يحبها عبد الرحمن؟؟
وايش ممكن يصير لـ نوره مع عبد الرحمن في لبنان؟؟؟؟؟؟
وكيف راح يكون البيت من غير نوره و عبد الرحمن؟؟؟؟؟

خخخخخخ والله ان كبرياؤؤؤه شبه صادتها

الي يحبها دحوووووووومي هي هي هي هههه ورد صديقت نوير :wink:

امن الباقي ننتظر من قلمك المبدع خيتو اكمااااله

ودمتم

هههههههههههههههههههههه


والله ضكتيني من قلب

والله حلو حزرك وانشوف مين كان يحب الاخ عبدالرحمن


تسلمي يا عمري على متابعتك الي من جد رائعه


تحياتي


فروحه الي تحب كبرياء من قلب

السلام

جد جبتولي الاحباط يا اعضاء منتدى الناصره!!

ماتوقعت منكم عدم التجاوب L

ما غير انا و كبرياء

صحيح فيها الخير بس بعد حابه اشوف طلتكم البهييه

وحابه اسمع رايكم بما انها اول كتابه لي

اتمنى منكم التجاوب J

تحياتي

فروحه

اقتباس:

---

مي (( هذي اكثر وحده مهستره بالشله وعلى قد ما اسمها صغير جسمها كبير!! مسكينه سمينه :( ))

---

هههههههههههههه ضحكني الوصف تسلمي

اقتباس:

---

نوره: سلالالالالالالاماااااااااات دحوووووم شقاعد تسوي هنا ها؟؟
عبدالرحمن يتخرع من جيت اخته المفاجأه: بسم الله الرحمن الرحيم

---

اقتباس:

---

شفيك انتي خرعتيني .. لا بس كنت اطالع بالبيت من فوق لتحت كيف يصير؟؟

---

اقتباس:

---

مين الي يحبها عبد الرحمن؟؟

---

ههههههههه اني قلت هالحركه اللي سووها على شان هالسبب :rolleyes:

ههههههههههه حركات هالصبيان هذي :wink:

عجبتني
الصراحه الجزء الأخير احلى جزء..
يللا حبابه كملي
اني اتابع.. واسمحي لي على التأخير بالرد من الزحمه والله :toung:
عوافي علينا قلم مثل قلمش
ويعطيش العافيه

دمتي بحفظ الرحمن

هلا والله اميرة المرح

تسلمي ع المرور الرائع

والتعليق الاروع الي حسسني جد

انك معي بكل كلمه اقولها

لا حرمنا الله من طلتك الحلوه

تحياتي

فروحه

فـــــــــروحـــــــــــــه
خيتو والله عن جد وبدون مجاملة الروايه روعه
واتمنى انك تكمليها لينا لأني اندمجت معاها
وننتظر الجزء بفارغ الصبر اوكي حبابه ولا يهمش احنا
متابعين ونقاد وكل الي تبيه ..

يعطيك الف عافيه اختي على القصه الحلوه

ننتظر جديدك الله لا يرمنا منك يارب

مراااااااااااااااااااااحب:toung:
وينك خيتووووو عن جد طولتي عليناا بالباقي :huh:

" دنيا الاحلام "

انتي الي عن جد روعه

وانتي ما تتمني انتي تامر امر

ان شاء الله راح انزل الجزء الثالث في هاليومين

وانا الي اتمنى انه يحوز على اعجابك واعجاب الباقي:bigsmile:

تحياتي

فروحه

الله يعافيك اخوي عاشق الافراح

شنو ننتظر جديدك؟؟

هههههههههههههههههههههههههه

ياخي قول ننتظر التكمله حسسني انك قريتها

ههههههههههههههههه

ع العموم تسلم ع المرور

ولا حرمنا الله من طلتك الحلوه

تحياتي

فروحه

مراحب فيك يا قلبي

يا حياتي هالشمعه

انتي شمعة قصتي يا " كبرياء "

انا يا قلبي قاعده اكمل لعيونك وعيون الي ينتظروا معك

لا حرمني الله من طلتك

تحياتي

فروحه

عندنا من جديد

ولكم يا اعزائي

الجزء الثالث

*************************

اثناء اتجاههم للمطار وكان المشوار يعم عليه الهدوء والسكون

كان عبد الرحمن مشغل الراديو وصدفه كانت اغنية (غير الناس-راشد الماجد)

كان عبد الرحمن داخل معاها جو وكان يغني مع راشد ويردد الكلام معاه

((انت غير الناس عندي انت عندي شي كبير كيف اصبر وانا شايف الناس من حولك كثير

انا احبك واقولها لك كلمه خليها في بالك انا ماني اي عاشق انا لمى اعشق اغيــــــــر))

في هالوقت نوره كانت تفكر في حاجات كثيررررررره لدرجة انها مو عارفه تفكر بأيش بالضبط

تفكر ايش راح تعمل في لبنان وهل راح تستانس هناك ولا بتزهق؟؟

وتفكر ان باقي عليها سنه ونص وتنهتي من المدرسه !! يا الله معقووووووووله والله كبرررت عن جد

اثناء هالافكار الي تروح وتجي والي مو عارفه تركز على ايش بالضبط؟؟

تكلم عبد الرحمن وقطع هالصمت

عبد الرحمن: نوره غريبه ساكته في شي شاغل بالك؟؟

نوره: ها.. لا والله مافي شي شاغل بالي ،، عبد الرحمن عادي اسئل سؤال

عبد الرحمن : اكيد

نوره : بصراحه انا صحيح مشغول بالي بس قلت عيب اقولك بس بعدين قلت عادي اخوي

مافيها شي لو قلت له وانا ادري انه ما راح يقول لأحد

عبد الرحمن : اكيد سرك في بير :)

نوره : تسلم ،، اول شي ابي اعرف

وش رايك بالحب؟؟

عبد الرحمن : ها.. وش قلتي ((ارتبك وما عرف وش يقول)) يعني كيف من اي ناحيه؟؟

نوره:يعني انت تشوف انه عادي احد يعيش قصة حب في وسط مجتمعنا هذا؟؟

عبد الرحمن : شوفي نوره ،، في هالدنيا صعب تعرفي مين الصادق معك ومين الي يلعب في مشاعرك

وبعد مثل ما قلتي مجتمعنا يرفض هالشي

بس الحب مو في ايدينا يعني لو الواحد على كيفه من يحب ومتى يحب كان تبدلت امووووور كثيره

رغم ان مجتمعنا مغلق ويرفض مثل هالحاجه

في حب كأني قمت اتوهك هههههههههههه

انا بقولك رااي بالحب باختصار

مافي مشكله لو االواحد حب بس اهم شي يهدي حبه ومشاعره لانسانه تستحق هالشي

وبعد ضروري يكون عنده هدف سامي يسعى له من ورا هالحب

يعني مو مجرد نزوه وتعدي

نوره : اها

عبد الرحمن : بس انتي ما قلتي لي ليه سألتي هالسؤال

نوره : لا بس في وحده من صاحباتي وهي قريبه مني واعترفت لي انها تحب ولد عمها

(( طبعا هالكلام تأليف من خيالها كـ العاده ))

ما ادري!! استغربت وقلت معقول هالحاجات تصير في مجتمعنا (( انواع العبط ))

عبد الرحمن : هههههههههه لا بالعكس قصص الحب موجوده في كل مكان

مضى الوقت بالسوالف ووصلو المطار وما بقى على اقلاع الطائره الا 30 دقيقه

جلسو في الانتظار.. كان واضح على وجه نوره الفرح والراحه

في هالوقت كان شخص يطالع في نوره نظرات اعجاب لدرجة انه ما شال عينه عنها

نوره ما كانت منتبهه له

،،،،،،،،

لمى انتهت الاجراءات الرسميه للسفر وقرب موعد اقلاع الطائره اتجهو الركاب بعد النداء لرقم الرحله

نوره : دحووووووم انا افكر بس احنا بنسافر ما دريت ان كل الناس بتسافر

عبد الرحمن : ههههههههههههههههههههه شدعوه

نوره : اي والله . . . كل ما سألت احد بتسافرو يقولولي لأ

بعد ركوبهم الطائره بدأ عرض التعليمات الي لازم يلتزم فيها المسافر

نوره : دحوم تخيل تطيح فينا الطياره ؟؟

عبد الرحمن : وووووجع فال الله ولا فاااااالك انتي شفيك اوقات تقولي كلام غبي؟؟

نوره : يووووووه انا قلت بس تخيل وبعدين اذا زعلتني ترى بقول حق ماما :(

عبد الرحمن : انزين... لا تبكي علينا بس

ابتدت الطائره بالحركه وبدت بالاقلاع والارتفاع الخفيف

نور بدت تحس بغثيان وهيجان في معدتها

نوره : بصراحه عبد الرحمن بطني يألمني

عبد الرحمن : تبي اجيب لك حبوب؟؟

نوره : ابي ارووووووووح الحمام احس اني بفرررررغ الي في بطني

عبد الرحمن : من اولها !! انزين قومي رووووووحي

الطائره لسى ما استقرت بالجو وما زالت ترتفع وهي تمشي بتخبط ومو عارفة توازن جسمها من التعب

مشتو بالغلط مشت على عباتها ومالت على احد الركاب وطاحت

نوره : يا الله موقف لا احسد عليه .. (( قلب وجهها احمر من الموقف ))

اسفه عن جد اسفه

صدفه الشخص الي مالت عليه كان نفس الشخص الي كان يطالع فيها بالمطار

(المجهول):مافي مشكله ،، حصل خير

نوره : طيب عن اذنك واكرر اعتذاري

اتجهت نوره للحمام و الفششششششششششششله ذابحتهااااا

نوره: يا الله يعني كان لازم اقوم واروح هالحمام والله اني تشرشحت ولا هذا

ثقيل الدم بدل ما يقولي بسم الله عليك ما تشوفي شر اووووووف وش ثقل هالدم

دخلت الحمام وراسها يلف ويدور والهيجان في معدتها قاعد يزيد

بعد ما خلصت من استخدام الحمام

طلعت نوره وهي تحس براحه كبيره وتقول في نفسها

"صدق الي سماه بيت الراحه" خخخخخ

نوره: ((الحين لازم امشي بشويش وثقل ما ابي يتكرر الي صار من شوي

وهذا ثقيل الدم لمى امر راح اتعمد اني ما اطالع فيه واتجاهله ))

اتجهت نوره للمكان الي هي واخوها جالسين فيه ولمى مرت على الشخص

المجهول : لو سمحتي

نوره : ( يا الله شيبي هذا ) نعم ؟؟

المجهول : ربطة شعرك طاحت منك

نوره : (( يلعن ام الاحراج السالفه وصلت لكذا؟؟ )) طيب شكراا

المجهول : العفو هذا الواجب

اخذت الربطه وراحت وهي قمه في الاحراج

وما وصلت الا اخوها عبد الرحمن في سابع نومه

حست بقهر اكثر لانها الحين مافي احد تتكلم معاه وتحكي عن الي في قلبها!!

نوره : عبد الرحمن .. عبد الرحمن

عــبــد الــرحــمــن

عبد الرحمن: هاااااااا شتبي انتي الواحدمايعرفيرتاحشوي معك؟؟

نوره : (( حستانهامزعجه )) طيبخلاصارجعنام

عبدالرحمن : بعد ايش بعد ما طار النوم من عيوني .. خلصيني شتبي؟؟

نوره: لمى قمت رحت الحمام طحت في الممر على واحد وتفشلتL

عبدالرحمن : ههههههههههههههاحلفي؟؟

نوره: وتضحك بعد ؟؟ بدل ما تقولي بسم الله عليك جد زعلتني

عبدالرحمن : والله لأفضحك قدام امي وابوي وعبير ومحمد وحتى علي بقول له

نوره : الشره مو عليك علي انا الي احسبك الحين بتقولي

سلامات ما اشوف شر عسى بس ما تعورت L

عبد الرحمن : صحيح عسى ما تعورتي وصار فيك ازرق واخضر واحمر وحركات خخخ

نوره : قااااااااااعدتتريقحضرتكلكنواللهبقولحقمامااليتسويهفينيمن الـ أ الى الـ ي

عبدالرحمن: ههههههههههههه امزح معك يعني اذا ما مزحت مع اختي حبيبتي امزح مع مين

نوره : J يعني ما راح تقول حق امي وابوي ومحمد وعبير وعلي

عبد الرحمن : لا طبعا راح اقول هههههههههههههههههههههههههههه

نوره : وووووووووجع توك تقول انك تمزح

عبد الرحمن : هههههههههههههههههههههههههههههههههه

مضى الوقت بسرعه ووصلو لمطار بيروت

كانت نوره تعبانه وتعاني من الم في راسها بس اول ما نزلت من الطائره

كان الجو هادئ

بدت تحس براحه وانها فعلا لازم تنسى وجع الراس وتستمع في كل لحظه

تعيش فيها في لبنان

عبد الرحمن : يالله نوره سيارة الفندق تنتظرنا

نور : ان شاء الله

وصلو الفندق بالسلامه وقررو انهم يرتاحو شوي ومن بعد كذا راح ينزلو يتغذو بالبوفيا الي بالفندق

،،،،،،،،،،،،،،،،،،،،،،،،،،،،،،،،،،،،،،،،،،،،،،

نوره "وهي تتصل ع البيت من تلفون الفندق"

نوره: الو

تريزا : الو

نوره: هلا والله تريزا كيف حالك؟

تريزا : انا تمام انت كيف حالك؟

نوره : بخير الله يسلمك وين امي؟؟

تريزا : مدام ام عبد الرحمن في نوم الحين

نوره : ( اووووووف هذا وقت النوم ) طيب وين مدام عبير؟؟

تريزا : مدام عبير في اطلع مع مستر علي

نوره : ياااااااليل ما اطولك طيب وحمود؟؟

تريزا : لحظه

محمد: الو

نوره : هلا والله حمود كيف حالك

محمد : هلا بخير الله يسلمك انتو كيفكون وكيف لبنان معكون

نوره: ههههههههههههه والله للحين ما شفت شي فيها المهم اذا صحت امي قول لها

ان احنا وصلنا بالسلامه ونسلم عليها ،، توصيني على شي

محمد : سلامتك بس لو حبيتي تشتري لي هديه او اي شي عادي ارضى

نوره : هههههههههههه من عيوني يالله مع السلامه

محمد : مع السلامه

،،،،،،،،،،،،،،،،،،،،،،،،،،،،،،،،،

عبدالرحمن: نوره حبيبتي يالله ترى تأخرنا خلينا ننزل نتغذا

نوره : أي والله صحيح وانا جوعانه حدي

عبد الرحمن : الله يستر شكلك بتاكلي البوفيا كله خخخخ

نوره : والله الجوع كافر وحتى لو اكلته كله عادي مو خسرانين شي

عبدالرحمن+نوره ههههههههههههههههههههههههه

نزلوا ودخلو البوفيا ،،

نوره : ياربي انا بديت ادوخ من الريحه آآآه من جد صار نفسي اكل البوفيا كله

عبدالرحمن : هههههههههه انتبهي لا تطيحي على احد مثل مافشلتيني بالطائر

نوره: وبعدين معاك.... لا عن جد ما ينقالك شي

عبد الرحمن : هههههههههه لا تضيعي الوقت وخلنا نروح ناخذ لنا شي يسد الجوع عشان

نعرف نطلع بعد شوي

اثناء اختيارهم للأصناف الي يحبوها نوره انتبهت للشخص نفسه الي طاحت عليه بالطائره

تغيرت الوانها !!

نوره : عبدالرحمن شوف شوف

عبدالرحمن : وش اشوف ؟؟

نوره: هذاك الي لابس بنطلون جنز وقميص اسود

عبدالرحمن : شفيه

نوره : ياربيييييييي هذا هو الي طحت عليه بالطائره

عبدالرحمن : هههههههههههههههه طيب ويعني تبي تروحي تطيحي عليه مره ثانيه؟؟

نوره : وجع انا خلاص مابي اكل شي خلنا نطلع من البوفيا وخلاص

عبدالرحمن : بلا حركات مراهقين يعني وش بيسوي بياكلك مثلا ؟؟؟؟؟؟؟

نوره : (لاتعليق L)

بعد ما خلصوا اختيار الاكل اتجهوا للطاوله عشان يبتدو اكل

^^^^^^

اثناء الاكل

رن جوال عبد الرحمن وكان واضح على وجهه الارتباك والغريب بالموضوع انه ما رد ع الاتصال

نوره : متى سويت جوالك دولي؟؟

وش هالخيانه تسويه دولي ولا تقول حق اختك المكسينه

عبد الرحمن : والله توقعتك مسويته من اول

نوره : يالله حصل خير اصلا احسن لمى اخلص اكل بقوم ادور على مكان وبخذ كرت تلفون

عشان اكشخ فيه قدام صاحباتي خخخخخخخ

" نوره كانت تضحك صحيح.. بس في نفس الوقت انتبهت
لحركة اخوها وانه ما رد على الاتصال"

"يالله على راحته هو كبير وفاهم وحر بحياته.. بس جد صار عندي فضول اعرف مين زوجة اخوي المستقبليه خخخخخخخخ"

عبدالرحمن : يالله يا نوره ما خلصتي اكل؟؟

نوره : الا بس انتظرك تخلص

عبدالرحمن: ههههههههه طيب يالله خلينا نركب نرتاح احس نفسي ثقلت في الاكل

وبعد ما نرتاح نطلع نتمشى

نوره: نــــــــــــــــعـــــــــــــم؟؟؟

وش قلت نرتاااااااااااااح

مو تونا مرتاحين من شوي

انا مو تعبانه وما ابي اركب ارتاح

ابي اتمشى شوي واشم هوا

عبدالرحمن: اسف انا تعبان وبطني طافر مترين ومافي عندنا بنات يطلعو بروحهم

ولاتنسي تونا واصلين وما تدلين مكان هني يعني بسهوله تضيعي!!

نوره: أي طيب انا ما قلت بطلع بروحي

عبدالرحمن : لا تكثري كلام ويالله قومي لاني جد تعبان وابي ارتاح

نوره : نزلت راسها وواضح عليها الزعل

وقامت تحركت من مكانها

عبد الرحمن : " حس بتأنيب ضمير .. يعني انا جايبها تتسلى ولا اهزأ فيها

والله ما قصدي يا نوره اسف"

وهم بالممر انتبه عبد الرحمن لـ كوفي نت بالفندق " قال في نفسه

والله فكره اخلي نوره تجلس ع النت شوي تتسلى"

عبدالرحمن : نوره شفتي الي شفته انا؟؟

نوره : " ترد بدون نفس" لا ما شفت وش شفت؟؟

عبدالرحمن: في بالفندق كوفي نت تبي تروحي

نوره : "ترفع راسها بفررررررررح" صحيح وينه؟؟؟؟؟؟؟؟؟؟

عبدالرحمن : عديناه بس اذا تبي ارجعي كم خطوه وتشوفيه

بس المهم ما تتحركي منه تعرفي احنا تونا واصلين ولسى ما نعرف الشوارع زين

وانتي امانه عندي

نوره : "ترد بفرح" انت تاااااااااااامر امر يا احلى اخو بالدنيا

عبدالرحمن:"حس برضا عن نفسه لانه راضاها مثل ما زعلها"

يالله انا برتاح كلها ساعه واجيك حلو

نوره: حلووووووووو

عبدالرحمن : صحيح عندك فلوس ولا تبي؟؟

نوره : " ترد بخجل " أي عندي.. شكرا

راح عبد الرحمن عشان يرتاح واتجهت نوره للـ كوفي نت

^^^^^

دخلت نوره الكوفي شوب

الموظف : يا اهلين وسهلين

نوره : ترد بابتسامه

لو سمحت !! ممكن ابي كبينة انترنت

الموظف : اكيد.. هلئ من حزك ما عنا الا كبينه وحده فاضيه تفزلي ع كبينه رئم 6

نوره : طيب شكرا

اتجهت نوره لكبينه رقم 6 وهي فرحاااااااانه

واخيرا بتشبك نت وبتشوووووووف نوووف لانها بجد وحشتها

نسيت اقول لكم انو نوف ( مدمنة انترنت )

عكس نوره ما كانت تحب النت ولا كانت تستخدمه الا اذا احتاجت له

والحين ما راحت الا عشان تلقى خويتها نوف

سوت تسجيل دخول بالمسنجر ومن حظها انو نوف طلعت فعلا اون لاين

الحب المستحيل :

هلالالالالالالالالالالالالا والله باهل لبنااااااااااااان تو ما نور المسن يا نويررررررر

نوره :

ههههههههههههههههه النور نورك يا قلبي وش اخبارك؟؟ اكيد تبكي على فراقي صح؟؟

الحب المستحيل :

ههههههههههههه اكيد يا قلبي ،، شخبارك ؟؟ بشريني عنك كيف كانت الرحله

نوره :

والله تبهدلت يا خويتي وطحت بالطياره على واااااااحد يلعن ام الفشله

الحب المستحيل :

ههههههههههههههههههههههههههه تعيشي وتاخذي غيرها

نوره :

فال الله ولا فاااااااااااااااالك

الحب المستحيل :

اممممممم الا صحيح ما قلتي لي انتي من وين شابكه؟؟

نوره : الفندق الي ساكنين فيه فيه كوفي شوب ويوم دريت قلت لازم ادخل اكيد بلقاك

الحب المستحيل :

يا حياااااااتي.. جد اخجلتيني

نوره :

ههههههههههههههههههه شدعوه

... اخذهم الوقت والسوالف لحد ما فجئه قفل كل شي تلقائيا

تفاجئت نوره شصاير

نوره : " ياربي لا يكون خربت جهاز الكوفي شوب

طيب انا ما سويت شي ولا فتحت مواقع عشان اخاف اني جبت لهم فايروس؟؟ "

تماسكت اعصابها وقامت بتشوف وش صاير وعملت احتياطها واخذت كل الفلوس الي معاها خخخخخخخ على بالها خربت الجهاز مسكينه !!

نوره وهي تكلم الموظف : لو سمحت وانا استخدم الانترنت فصل فجئه وسوا تسجيل خروج من حاله مع اني ما سويت شي غلط

يرد عليها الموظف بأبتسامه : هو هيك النزام وئت يكون ئريب تخلص ساعه ضروري

تجي لعنا مشان نمدد لك الوئت معليش حصل خير

بدك تمددي الوئت؟؟

نور ارتاحت نفسيا وبان على تعابير وجهها هالشي

نوره : لا شكرا بس عطيني الفاتور بحاسب وبطلع

وفي هالوقت دخل نفس الشخص الي طاحت عليه بالطياره خخخخخخ

نوره : " يا ربي وش هالحظ اروح البوفيا اشوفه بوجهي اجي هنا اشوفه بوجي اوووف "

حاسبت نوره وطلعت بسرررررررررعه بس عشان ما تشوف وجهه

المجهول : لو سمحت ابي كبينة انترنت

الموظف : أي تكرم عينك لسى فظيت عنا وحدي من حزك..

روح لكبينة رئم 6

فعلا اتجه لكبينة رقم سته

واول ما فتح الموظف له الجهاز طلع المسن حق نوره مفتوح

والمحادثه لسى موجوده

والي اعضم من كذا انها نسيت شنطتها بالكبينه خخخخخ

المجهول : الظاهر هي الي كانت تستخدم هالكبينه هذي شنطتها وهذي بعد شكلها محادثتها

ههههههههههه يالله خلني اقراها واتسلى فيها

بعد ما خلص شغل ع الانترنت...

وارضى فضوله والي اهم من كذا

عرف انو اسمها نوووووووره

اتجه للكوفي شوب وحب انه يشرب شي ساخن ويرخي اعصابه وكان الكوفي شوب

قريب مره من الكوفي نت

^^^^^^^^^^^^^

نوره : عبدالرحمن يالله قووووووووووووووم ما شبعت نوم

عبدالرحمن يرد بتعب : يالله يالله الحين بقوم

بعد ما صحا عبدالرحمن وتجهزوا للطلعه قررو انهم يطلعو يتمشو بشوارع لبنان الجميله


اثناء المشي

نور : عبد الرحمن خلينا نشوف مكان يبيعو فيه ارقام تلفون ابي اخذ لي رقم لبناني

عبدالرحمن : ان شاء الله على امرك

وكملو مشوارهم متجهين للمكان الي ينباع فيه ارقام التلفون


ولمى وصلو الموظف كان كبير بالسن ومره حبووووووووب

نوره : لو سمحت ممكن ابي رقم جوال

الموظف : أي تكرم عينك عمو.. بدك رقم مميز ولا عادي


بهالاثناء رن جوال عبد الرحمن

عبدالرحمن : نوره حبيبتي على بال ما تختاري لك رقم انا شوي برد ع التلفون وبرجع

نوره : ترد بابتسامه صفره.. طيب اوكي

^^^^^^^^

عبدالرحمن : هلا قلبي.. هلا عمري.. هلا رووووووووحي

يا هلا بالهصووووووت

المجهووووول : هلا عيوني.. الحمدلله ع السلامه كيف لبنان مع ونوره

عبدالرحمن : والله كل شي تمام ناقصني وجودك

المجهوووووول : هههههههههههههه يالله ان شاء الله المره الجايه اكون معاكم

عبدالرحمن : اكيييييييد راح تكوني معي انا بس نوره هذي خلاص ما نبيها


مو اذا وجد الماء بطل التيمم

المجهول + عبدالرحمن :


ههههههههههههههههههههههههههههههههههههههههههه

المجهول : يسلمك ربي يا عمري انا ما ادري كيف بتحمل فراقك هالكم يوم


وبنحرم من شوفتك البهيه

عبدالرحمن ولا انا بعد.. ع العموم حبيبتي انا تارك نوره بروحها والحين لازم اروح لها


بكلمك وقت ثاني اوكي حبيبتي؟؟

المجهول : طيب يا عمري انتبه على حالك وعلى نوره تراها غاليه عندي

عبدالرحمن : ان شاء الله.. في امان الله


المجهول الله معك..

عبدالرحمن : ها نوره ما خلصتي

نوره : الا خلصت بس انتظرك تحاسب ولا كل مره اروح مكان بتخليني انا احاسب

نوره+ عبدالرحمن :هههههههههههههههههههههههه

عبدالرحمن : ما صارت حاسبتي عن الكوفي نت يالعياره لا وهذا وانا سائلك عنك فلوس


ولالا

نوره : هههههههههههه اي بس اذا كان حبيبك عسل لا تلحسه كله

عبدالرحمن : ههههههههههههههههه قولي لنفسك هالكلام يا حظي

بعد ما حاسب عبدالرحمن


قررو انهم ياخذو لهم عشا خفيف لانو نوره بدت تتعب


ولانها صاحيه من اول ما وصولو وما نامت


وبكذا انتهى اول يوم لهم في لبنان


^^^^^^^^^^^^^^^^

وبكذا انتهى الجزء الثالث !!

والله اعلم وش راح يصير بالست الايام الباقيه J

تحياتي

فروحه

يسلمووووووووووووووووووووووووووووووووووووووو فرووحه على الجزء الرووووعه

والله ما ادري وش سالفت هالغريب مع نويرر بس يللا الاياام جايه ونعررف

سلمت الايادي المبدعه التي خطت لنا هذا الجزء وبانتظاار البااقي

ودمتم

فروحة حبيبتي جزء روعة
ومثل ماقالت كبرياءوش سالفةهالغريب مع نوير
تسلمي والله الرواية روعـــــه ومنجنه عليهامررررررره

يا حيااااااااااااااااتي هالشمعه

يسلمك ربي يالشمعه على طلتك الي امووووت

لو انحرم منها !!!!!!!!!!

تحياتي لك يا قلبي

فروحه

انتي الروعه

" دنيا الاحلام "

انتي شمعة نمبر 2 في قصتي

لا حرمني الله من نورك ونور شمعتي " كبرياء "

تسلمي يالغاليه ولا حرمني ربي من طلتك

تحيااااااااااااااااتي الحاره لك

فروحه

ههههههههههههههه
خبله هذي نوره
تنسى شنطتها بالكوفي نت .. ولا بعد يخلص يوم كامل بلبنان وابد ولا تنتبه
وتطلع وتروح وتجي
خخخخخخخ
شكلها مهي متعوده على شيل الشنط
ضحكتني...
شكلها حبيبة هالدحوم وحده من اخويا نوره
جاني فضول اعرف اي وحده فيهم

ولعن ام اللقافه من مجهول نوير ...ششش ... سميته بإسمها

تسلمي فروحه ويعطيش الف عافيه
يللا الهمه وكملي باقي الأجزاء
دمتي بحفظ الرحمن

:huh: :huh: :huh: :huh: :huh: :huh: :huh:

مو كانك طوولتي عليناااا بالبقيه خيتوووو ؟؟!!!!
بانتظااااااااااااااااااااااااار البقيه:noworry:

هلا والله " اميرة المرح "

كنت انتظر هالطله والتعليق الفله

هههههههههههههههههههههههههههه

قمت اقول شعر :toung:

هي من ناحية خبله ما نختلف عليها

بس انتي ناسيه انها ما نامت من وصلت للبنان

فـ التفهي امر طبيعي في حالتها

لا حرمنا الله من طلتك ولا من فضووووووووووووولك

ان شاء الله عن قريب راح ارضيه

تحياتي

فروحه