تعااالوا وقولوا لي : متى صرتوا عديمين احساااااس ؟؟!!!

السلام عليكم يالنواصر الغوالي ...
كيفكم عساكم بخير... :bigsmile:
اليوم موضوعي هدرة × هدرة :wink: <<< اللي يسمع من متى ما هدرت .. كح .. ما علينا :noworry:

متى صرت ايها القارئ عديم احساس ...؟؟؟
صفحات سوالف ممكن تجيها وتشارك فيها كذا مره.. علمني .. وخبرني .. متى بس صرت عديم احساس..؟؟
اذكر لي موقف.. حسيت فيه بتأنيب الضمير .. .. موقف مضحك .. بس يوم جيت تفكر فيه حسيت نفسك فيه ما عندك احساس ولا سالفه...
عن القرقر .. ابتدي ليكم اني في موقف ..<< بينداااس في بطني بسبته ... :seif:
خخخ
هذا الله يسلمكم العام اللي فات.... ام اميرووة ام الحلوين الله يخليها .. كانت حامل .. وفيوم.. واميروه شخري رايحه فيها نوم بالعسل..:sleep:. الا ام الحلوين تقعدها من النوم الساعه 8 الصباح
<< " بحكم انها البنت الكبيره" .. وتخبرها انها قريب تولد.. فتبغاها تكون صاحيه عشان اذا اختها واخوها الصغير قعدوا .. يلاقوا احد معاهم...
قعدت اميرووه .. بالصلاة على محمد وال محمد ... نزلت تحت.. وامها تمشي .. بالصاله رايحه جايه.. قبل لا تروح المستشفى...
اميروة دخلت غرفة القعده لقت اخوها " اصغر منها بــ 3 سنوات" قاعد يطلع تلفزيون... قعدت معاه .. شوي الجوع دق ابوابه ..
ــ فلانووه .. قوم البوفيه جيب لي اكل ...
وقام الأخوو يجيب اكل.. وام الحلوين على قلبي لسا تدور .. ما تحب تروح المستشفى الا اذا مره خلاص قريب عدل ..
ووصل الأكل ... وتعالوا طبعا اكل بوفيات.. الروائح تبع الزيت وكذا.. دخلت ام الحلوين الغرفه .. ولاعت كبدها ..:
ــ لوع الله كبدكم ... كان اكلتوا خفايف .. بريد .. جبن ... فلاااااااافل جايبين حق فقر الدم !!!
اميرووة وهي تبلع ولا عليها :
ــ افادي فيه .. اشتهيته .. وحده ما بتضر...
شوي جت ام الحلوين .. قعدت وياهم.. تعبت من المداور...
الا اميرووة الخبله خخ تقول لأخوها...
ــ ويش تطالع افف .. زهق ... قوم بس شغل الدي في دي .. جبت سي دي انما ايش ... سمعت به وتوني باشوفه ..
ــ سي دي ويش..؟؟
ــ نياههاااهااهاا .. ربـــــــــــــــــــــي .. ارجعووون ... :weird:
ــ الله .. انا شفته مره بس مو عدل .. قومي جيبيه ...
ــ يللا قمينا ...

ام الحلوين مهي ويانا بالسالفه .. على عمري همها ولادتها ...
جت اميروووه حطت السي دي ... ام الحلوين :
ــ هذا ويش؟؟
اميرووة: ـ
ـ ربي ارجعووون باطالعه عن الزهق...
ــ لا منتين صاحيه .. طالعوه اذا رحت المستشفى..
ــ لويش زهق مافي شي التلفزيون...
ــ اهووو .. ما علي منكم ..
اميرووة قشرة .. حطته... ويللا متابعه .. ام الحلوين تطالع شوي .. وتغض النظر شويات...
مات حسن ... ملك الموت : حســــــــــــــــــــــــــــــــــــــــــن... حســـــــــــــــــــــــــــــــــــــــن...
خخخ الداهية العظمي ان احنا متفقين نسمي اخوي المولود حسن ..هههههه ويلي.. بعيد الشر عنه.. :embarrest:
وام الحلوين .. كلما قال ملك الموت : حسسسسسسسسسسن...
هي :
ـ حسبي الله عليكم عديمين احساس ....
واميروة واخوها بلع سندويشات ولا عليهم....
حمقت ام الحلوين وطلعت تكمل المشي ... ويوم ولدت بالسلامه وجابت حسن الله يحفظه ..:wavetowel2:
خخ كلما اتذكر الموقف .. اضحك واذكرها به .. وبنفس الوقت اقوول : يااربي شقد كنت عديمة احساس...

يللاااا خخ
دوركم ..... :cool:

دمتم بحفظ الرحمن

هههههههههههههههههههه
قصه حلوه خيتووو اميره خوش موقف...

جى الحين دوري احم احم كح كح هذا الله يسلمكم قصتي
في احد المآتم وفي اثناء اللطم على الصدر عاشق يببي اجر
وانا مندمج وداش جو مع الرادود جان جيني واحد من الربع يسحبني
من قميصي هو لازم اثناء اللطم تبدل لمن تتعب فهذا حس اني تعبت
فقام وبدل وتعالو شوفو عاشق اسوه بعد الماتم يقولكم ماد البوز شبرين:evil:

ومعصب :ranting: لاحد يحاكيه من الشباب واي واحد يحاكيه يصرخ بوجه وقولكم عشووق اعلن الحرب
ضد الي بدل ويايه:rocket:والشباب يا عاشق اشفيك ليش معصب
شنو السبب وانا اي واحد يسألني ادش فيه بهذله وشدخ لاصار ولا ستوى
يبن الحلال فهنه بس شنو السالفه ماكو يقولكم عاشق في راسه ستين ابليس
وقعد طول اليوم مع الشباب زعلان ومحد يحاجيني منهم محد له خلق يطيح بالساني:bleh:

والا احد يتجرء يفتح فمه بكلمه معاي:silal: المهم ماطول عليكم وبعد ماهديت وهدت اعصابي سألوني اشفيك
قلتلهم السالفه والشباب الكل بقق اعيونه علي:blink: يقولولي عبالنه عندك سالفه ولم فكرت
بالموضوع طلع صج ماعندي سالفه:bigsmile: وماعندي احساس على اللي سويته والحين كل ما اتذكر الموضوع
احس روحي ماعندي سالفه:cool:
ادري هدرت وايد بس يله هذا طلب اميرووووه
مشكوره على الموضوع تسلم ايدج خيتو تحياتي عاشق الزهراء

:wink: ههههههههههههه ياعيني على اللي حمقوا .. وبعد اللطم .. شدخوا.. :wink:
هههه حلو موقفك ... ومنور اخوي... وصدق ما عندنا سالفه خخ اذا فكرنا باللي سويناه
نضحك على عمرنا :embarrest:
بس احسن من غيرنا اللي يستمر على حاله ولا يدق خبر
ولا يفكر ابد

خوووش هدره
وتسلم على تلبية الطلب

دمت بحفظ الرحمن :bigsmile:

حسبي الله على ابليسش ذكرتيني بالزي مضى :embarrest:

تسلميلي يالغاليه على ها الشاعر الرائعه :kaseh:

هههههههه عيد هذي سالفه تسويها في امش وهي بين الموت والحيا :closedeyes:

ماعليش في ذاك الوقت ماكنت منتبه حق شىء نهائينانفسي نفسي ههههههه:toung:

مسكينه ام الحلووين
ههههه
الله يخلي لكمـ حسن:bigsmile:
واني هذا رب ارجعوون استغفر الله شفت
لقطة التغسيل
وعلطوووووووول ماشافوا الاغبرتي:wacko:
ههههههه لو يوم اشووفه عيد ميلادي
يافرحة ماتمت!! نمت بصيااحي :amuse:
حتى اني والله عندي مووقف يئنب الضمير :sad2:
ياابعد قلبووو :bigsmile:
هذا في يووم
طالع بيت صديقااتي واخوي عنده طلعه
وابي غصب اروووح
واخوي لا انا بااروح
اني موصي قبل
واخوي الكبير متوورط اخر شي اني لا انا لا اني لا انا :sad2:
المهم عكرت:cool:
وعورت قلبه المسكين :noworry:
وقال خلاص ودوها مابغى ارووح:rolleyes:
اني علطووول
ركبت السيااارة ورحت:cool:
ويوم رجعت اسال وينه ؟؟!
الا يقولوا رااح
كيف؟
طلع المسكين رااح مشي للمكان الا يبه
اهي مو بعيدة واااجد ولا اهي قريبة
يعني ربع سااعة لو عشر دقاايق مشي ياادافع البلاء:sad2:
واني نمت
شووي الا اخوي جااي
الي :cool:
والا معااه هديه الي!!؟؟!!!؟؟!؟!!!!!؟؟؟!!!!؟؟؟!؟؟؟!!!!:cool::embarr est::bigsmile::sad2::rolleyes::weird:
ولا وهدية امووووووووت فيها بااحبها :embarrest:
وهي سله اصداااف رهيييبه !!:cool:
من داك اليووم والله مأنبني ضميررري مووت
لو ادري كان وديته بالسياارة عشانن توصل الهدية بسرعة
ههههههههههههه:noworry:
من ذاك اليوم حسيت روحي عديمة احسااس !!؟؟!
مشكوورة اموورة على الموضع الحلووو
وسووري على الهدرة الطووووويله

هلاااا بالماما هلاااا

اجل : حسسسسسسسسسسن
حسسسسسسسسسسسسن
خخ اجل كشخه ذكرتش باللزي مضى :wink:

ما حطيتي لينا موقف .. :rolleyes:

ابغى مووووقف .. ماني ماني .. خخ لا تقولي لي ما صار حتى لووو قديييييييم :toung:


منوره يالغلا
دمتي بحفظ الرحمن

بشووور هااا عورش قلبش على اخووش عشان الهديه :wink:

هههههههههه والا من قلبش ...
شكلش عشان الهديه :rolleyes:

هههههه امززح.. :toung:
منوره حبابه وموقف حلو .. ياهلا فيش..
ومره ثانيه خلش طيبه وخليه هو قبل
شفتي شقد حنين عليش ..:embarrest:
الله يخليه لكم ويحفظه
ويخليش
دمتي بحفظ الرحمن

:bigsmile:السلام عليكم
شكرا لك اختي ع الطرح موقفك وموقف الجماعه جدا مضحك :toung:بس عجبني
ويالله اخذو موقفي بتقولو عديم احساس وقلب بعد :wacko:

في يوم من الايام قبل كذا عفر 10 سنين او 11 سنه مو ذاكر بالضبط في ابتدائي انا كنت
وكان اليوم الثلاثاء وبكره مدرسه ابويي كالعاده يالله نوم قومو نامو انا رحت اتغبيت ورى باب الحجره لين يركبو زهقان اقوم انام مو جايني نوم سويت نفسي طايح مغمي عليي جت احدى الاخوات شافتني طايح نادت ع الوالد عودته باله ونبي ركيييييض جاب ليي ماي سويت نفسي اوتعيت وانا اقول قلبي قلبي يعورني حط ايده على قلبي وركيض ركبني السيارة ودعس للمستشفى حتى الاشارات قطعهم :embarrest:
ووصلنا المستشفى قال ليهم تعالو شيلوه حطو على اي سرير تبغوه يموت ليي بعد ماعندي الا هو يعني كنت بس انا وحيد في البيت ولد بعدهم مايجيبو ليي اخو :noworry:
المهم حطوني ع السرير وجابو ليي مادري ويشو دي زي اللصقات وحطوهم في صدري ويجي ابويي تحس بالم شئ قلت له لا
الا الدكتور جا يشيك يقول لا ان شاء الله مافيك الا الخير بس يمكن هذي ضيقه جتك وغمي عليك انا قلت في قلبي اشوووووووووووووووه ما انصدت :wink:
وبعدين طلعتنا من المستشفى الا يقول ليي ابويي اشيلك احملك ماتعرف تمشي ههه ضحكني فيها قلت ليه ايه احملني وحملني يسلااام :bigsmile::embarrest:
وبعدين روحتنا البيت مرينا القطيف قال تبغى شئ من مطعم خالك قلت ليه ايه ابغى قلت ليه ابغى بيزا المشوى ومشويات وعدل شرى ليي عشاء ورحنا البيت طفحت طففففففح اعظم من المفاجيع :bigsmile:
وانتهت القصه وطلعت عديم احساس لاني ما اهتميت لردة فعل الاخرين :embarrest: افتكرت كذا بس عادي مابتوصل للمستشفى
وهذي شسمه داك
تحياتي للجميع بالتوفيق

غاليتي
أميرة المرح
الله يعطيك العافية
على الموضوع الجميل جدا
اممم مايستحضرني موقف
الآن واكتفي بأن أقرأ مواقف
الأعضاء ،،

تحيتي العطرة لك
حزن العمر

وعليكم السلاااام :bigsmile:

ههههههههههههههههههههههههههههههههههههههههههه
امااا يا اخووي المرح
صدق صدق
عديم احسااااس حراام عليك :evil:
بس كنت ياهل حزتها ما في شرهه هههههههههههه :wink:
متت ضحك
همي دبتي والأكل هااا.. :rolleyes:
اما ابوك وخلعته ...عادي هااا ..ممممم صحيح انك راعي دواهي وهوايل
منور خيي :cool:
ههههههههه
ومزيدا من المواقف ...

دمت بحفظ الرحمن

خيتو حزن العمر .. ياهلا فيش ومنوره حبابه
ويسلموو


حاولي تستحضري لينا موقف .. من هنا.. من هنااك.. من منا.. من منااك...

دمتي بحفظ الرحمن

ههههههههههههههههههههههه

ياربي (( القلب المرح ))
موتني من الضحك

اممم بالنسبة ليي

ماني متذكرة ولا موقف صرت فيه عدييمة احساس
اذا تذكرت موقف باجي وبكتبه
بس ما أتوقع صرت مرة عدييمة احساس <<<< ثقة زاايدة

يسلمووو اميرة على الفكرة الحلووة .. الا تطلع الفضايح ..

http://www.q-qz7.com/vb/images/smili...ove&#91;1].gif:with all my love http://www.q-qz7.com/vb/images/smili...ove&#91;1].gif
P!nk Cream

P!nk Cream

ههههههههههههه واثقه من جد
العفووووووو حبابه ..
وياحبكم للفضايح :)
دمتي بحفظ الرحمن

تحيتى اليك
وتقديرى

وتقدري لك وتحيتي

دمت بحفظ الرحمن

اوف منش من بنيه يعني لازم تطلعي فضايحنا
شوفي اني قعدت افكر متى صرت عديمة احساس ....لين عورني راسي
وفجاه تذكرت هذا الموقف ......تذكري في عرس خالش ليلة ثاني من يوم رحنا الاستديو ومعنا خالتش.......

شوفوا هذا في عرس اخوي رحت اني مع خواتي الاستديو وما رحنا الا في وقت متأخر بسبب الكوفير ولما رحنا دخلت اني اول وطبعاً تسجل اسمي قبل حق التصوير ......وكان فيه قبلنا عرايس

وتأخرو ا وزادوا الطين بله في هاللحظه عصبة اختي الكبيره وصارت تحط حرتها فيني ...........وتقول
اني اللي استاهل اللي طاوعتكم وييت وياكم ويش خانت روحتنا الحين انروح بيتنا احسن لينا
والحين اذا خلصوا بتدخلي انتين وبعدش اني ويه .............توجه سوالها الي قلت ليها اكيد لاني مسجله الاسماء قبلش والي اتصور تبغى الترتيب حسب الكمبيوتر ردت وقالت عزات الله ساح مكياجنا تقصد حالها مع بناتها...... اني في هالحظه كنت طول الوقت ساكته وهيه مسكينه تحرق في اعصابها......لما خلصوا العرايس وجاء دوري دخلت الى الي تصور وقلت ليها ما عليه تصوري اختي قبل لانها معصبه قالت ما عليه وطلعت وقلت اليها تقوم اتصور لكنها حمقت وقالت ماني ادخلي انتين اول .. اني في ها الحظه عصبة قلت ليها توش تبغي اتخلصي :evil: قالت ماني
وتطلع الينا الي تصور وتقول خلصوني ...قمت اني ودخلت وحده من بناتي وسكت عنها وصارت اف واف ويلا الحين مته بيخلصوا ......لما طلعت بنتي ماشفنا الا اختي تقول قومي يابتي وتدخل على شأن اتصور..وتطلع وهي ساكته طبعاً اني كنت محمقه عليها ولا كلمتا....وكل هذا الى صار كانت معنا اختي وهيه اصغر منا ..احنا طبعاً ثلاث اخوات.. وكانت مسكينه محتاره بينا ولاهيه عارفه تكون مع مين طبعاً دورها في التصوير كان معاي باسمي
طولت عليكم مو شوفوا اختي بس خلصت وين راحت واحنا بعدنا ....طلعت برا في الشارع تستنا الباص الي ما بيجي الينا الا لما اتصل فيه اني.....
ونخلص بسرعه اتصلت فيه لانه الجو كان زي هالوقت حر ورطوبه واطرش بنتي الصغيره روحي شوفي خالتش خليها تجي عن الحر لكن لاحياة لمن تنادي...... اختي معصبه والاجر على الله وتطلع اليها اختي الثانيه ولا ترضى ودخلت عنها وهي تقول ويش اسوي بعد ماني واقفه في الحر ماروح الصاله الا مكياجي كله سايح.. ويجي الباص وتركب اختي قبل وتتفرش وتقعد بناته قدام المكيف
وتخلينا كلنا وراء..في هالحظه انفجر بركان ام الحلوين:mesb: شيه ويش فيش تقعدي بناتش قدام وتخليني اروح وراء قالت ايه احنا قاعدين في الحر قلت ليها احد قالش احمسي وتطلعي في الحر
وفجأه ام الحلوين تطلع الاولي والتالي:rocket:وتطيح في اختها طيح والله قلت اليها كلمه ندمت عليها قلت اليها حسبي الله عليش صحيح انانيه ............الخ واميروووه تساعدني عليها
وهي بعد ماقصرت وانقلبت الينا ليلة تبيرك اخوي نكد رحنا الصاله اخر القادمين
وامي ويش فيكم وكل وحده اتقول اسألي بتش..... وقعدت اختي اقل من ساعه وقامت وهي زعلانه وراحت بيتهم في هالحظه حسيت اني عديمة احساس :wondering: اسفه يااغلى اخت واسفه عورت راسكم

هههههههه
:deh:

اه يابطني
:deh:

خخخخخخ

ويش ها الفضايح
:lol:
ههههههههه

ويش ها البلاوي
:kaseh:
ههههههه

اميروووه خوش فكره

بس عاد كل واحد من الاعضاء يقول الزود عندي

ههههههههه

احم احم جاي دوري:embarrest:

بعد ما عصارمخي :med:لقيت موقف
ههههههه

بس مو :no:تضحكي بقوه اضحكي شوي شوي:wink:

هذا ياطويات العمر في يوم من الايام وسال في العصر والزمان

خخخخخخخخخ

مصدقه حالي:bleh:

في مره كان زواج بنت عمتي من كذا خمس سنوات وبسوي لها جلوات

و العايله تمون على اصحاب الحسينيه بس يصير لهم موقف ويقولو بيعطوها لناس ثانين يوم قرب وقت العرس:thumbdown:

يمكن كان باقي عليه يومين ثلاثه

عاد ها الحزه ماتشوقي الوالد الا معصب:mesb: وكانت هذي المرة الاولى في حياتي اشوفه معصب لانه هادي الى درجه مو معقوله:in_love:

هو يكلم صاحب الحسينيه و انا اضحك :clap:وقول له ههههههه شكلك وانت معصب يضحك:nuts:

هو مسكين يبي يحل القضيه :angry: واني في عالم ثاني اضحك:nuts: وللحين إذا ذكرت السالفه اضحك بس على نفسي

شرايك بختك عديمت الاحساس:huuh:

ههههههه

دمتــــ بود

ههههههههههههههههههههههههههههههههههههاي

يا ربي والله انكم اعضاء احلى منكم ما في

بس جد ضحكت على القلب المرح

قلبووووو طلع مع المرح لعانه بعد مو بس مرح

بس حلاة المرح بلعانه والنحاسة يا سلام تجنن

والله انك مو سهل حتى في صغرك :wink:

اميرررة موقفش يذكرني بموقف نفس الشي صار لي مع ابو محمد

عاد هذا يوم الي كنت خلاص على ولادة بحمود

وانا مثل امش الله يخليها اليش ويطول في عمرها ما اروح الا على النهاية ساعه نص ساعه بس واخلص

المهم كان وقت الغدا وابو محمد كان يدري اني على ولادة وهو يسألني بتروحين المستشفى وانا اقوله لا بعد شوي

الا يقول لي عيل روحي حطي الي غدا :huh:

بطلت عيوني هاااااااااا :weird:

ورحت حطيت له الغدا وقعد يتغدى ويقول لي تعالي اكلي اليش شوي
اي غدا الحين وانا بهالحاله :wacko:
وانا رايحه جايه في الغرفة واشوي اقعد واشوي اقوم اجهز الى بنتي ملابس عشان اذا رحت يكون كل شي جاهز ما يتوهقون فيها
متفرغه حزتها
وابو محمد يشوفني جديه يقول ما فيها شي :toung:
يا ربي حزتها اقول ويش هالاحساس ما يحسووون الرجاجيل فينا
بس لاني من النوع الساكت يعني لو يصير ويش اظل ماسكة نفسي لو بموت من الالم صبورة الحمد لله

وبعد ما خلص يقول لي انام اشوي لو بتروحين :evil:
قلت بعد هذا يسويها يروح
اقوله لا بروح

رحت نص ساعه بس ولدت

بعد ما دخل علي دخل مبطل عيونه وهو يقول دام انش خلاص على النهاية ليش ما قلتين

عاد للحين اذكره بهاليوم

وهو يقول لي مو مني منك انتين الي ما تتكلمين شدراني عنش انا

هدرت واجد صح :huh:

بس مواقفي الي اكون فيها عديمة احساس واجد بس ما بعلم :cool:
قلت لكم موقف وخلاص

تهرب واضح

هههههههههههههههههه
تشكري اميرووه

يالله نبي نشوف فضايح باقي الاعضاء

لازم تردو كلكم

نبي نضحك شوي

رجعت لخاطر عيونك أميرة المرح :embarrest:
تذكرت هالموقف ماادري هل اني عديمة احساس
ولا شو السالفة انتين احكمي ههههههههههه

على أيام ماكنت ادرب سياقة كان اخوي
هو المدرب :noworry: ولاني اخته فكان ياخذ راحته
الأخ يعصب ويصارخ على كيفه << ياحبيبي ماتسوى علي
فكان يطلع قهره من المتدربين فيني اني :evil: << واني وش يدخلني
هم مايعرفوا يسوقون قول لهم عصب عليهم
اتعصب علي اني ليه ها :sad2: المهم هو ماكان يعصب يعصب
معاي وايد بس ساعات يعصب و لأن من يعصب اضحك بوجهه واقول ليه
ابدا ماتليق عليك العصبية ياعمري هههههههه << اغازل اخوي
وخلاص يضحك ويقولي اضبطي السياقة احسن لك ويمشي الحال
المهم ذاك اليوم كان امتحان السياقة وبيدخل معاي مرور
يقيمني يعني ياانجح ياارسب المهم في شيء في مدرسة
السياقة اني اخاف منه وهو مثل المرتفع ياااااااااهو مااحبه
مااطيقه اخاف منه لأن دايما السيارة ترجع للوراء ادا اركب عليه
:evil::evil::evil: واني بعد ساعتين امتحاني يعني لازم اضبط

السواقه عدل لا ارسب ويضيع تعب اخوي على الفاضي
المهم اثناء التدريب في هالساعتين قال لي لفي مني
لفي مناك رجعي السيارة يالله انروح المرتفع الحين
قلت ليه وعععععععععععع مرتفع مااحبه واخاف منه
ترجيع السيارة للوراء احلى بمليون مرة من المرتفع قال
لي يالله تحركي وكان الوضع عادي يعني للحين ماصار شي
المهم رحنا المرتفع الا رجعت علي السيارة للوراء اقول لأخوي
مو كانه السيارة ترجع الا يقولي لا خيالي ايه ترجع
المهم وقفتها ووقال لي بعد دقايق امتحانش ولاانتين
ضابطة هالمرتفع بتذبحيني وجلس يهدر الأخ من
الصبح كانت الساعة 9 هههههههه ،، الأخ عصب
علي لأن خلاني اعيد المرتفع 3 مرات والسيارة
ترجع للوراء قلت ليه مو ذنبي اخاف السيارة تنط لقدام
وبعدين انروح فيها ونسقط من فوق لأسفل ونموت
هههههههههه يقولي لا تخافين اني متحكم بالسيارة
انتين سوي الا اقولش عليه المهم ماقدرت اضبطها
لحد ماعصب توني بضحك بوجهه عشان لا يعصب قال لي
مو وقت ضحكش وكان صدق معصب علي لان عنده
متدربين غيري ولازم يخلص وياي الحين بصراحة حسيت
اني ماعندي احساس :sad2::sad2: لأني ماخذه السالفة ضحك
بس والله مو مني لأني اخاف من المرتفع ماادري ليه يالله
الحمدالله دخلنا الامتحان ونجحت داخل مدرسة السياقة
وخارجها بعد يعني بالشوارع والحمدالله ان المرتفع عديته
بعد بسلام بدون ماترجع علي السيارة وفرحته وشريت
ليه اسكريم النجاح بعد هههههههههه ،،:embarrest::embarrest:

مو كأني هدرت واجد يالله الحين بس كفاية هدره علي

تحيتي العطرة
حزن العمر

ههههههههههههههههههههههههه ويلي ويلي .. امااااه .. ذكرتيني بديك الليله هههههههه الله يهديها خالتي حساسه.. ويللا مناقر ويا امي على الفاضي والمليان... خخ عاد اني في الباص يوم تقعد قدام هي ويا بناتها حمقت .. لأني من النوع الحرور .. كله حرانه,,, وكفايه التوتر في الأستديو .. وتالي ..اقعد وراا... ولا تتناقر ويا امي ... وتهدر عليها... اميرووة شبت حريقه . :ranting:. وطااخ طيخ طووخ .. امي تهدر واني وراها ... وما احس الا التفلص من خالتي الثالثه ,, خخ خويتي هذي الخاله... وهي تهمس فأذوني بحمق : اميرووه شوفي بنت خالتش ساكته ما ردت على امش .. واني ساكته... خليهم خوات ينجازو .. واني ...ارد عليها : لاااااااااااااااا :evil: كل شي الا امي .. ويش تقهرها والليله عرس اخوها ..
خخ والله ليله حزتها تقهر .. بس افقع ضحك كلما اتذكر ..
يسلموووو امااه على هالذكرى.. خخ ... <<< :wink: والله لو تدري بش الخاله انش كتبتي عنها لتروحي فيها ..هههه:rocket:... بس لا تخافي .. كح اميرووة ويااش ... :cool: .. كح عدال عاد..

منوره يالغلا
دمتي بحفظ الرحمن

سحووور ... :cool: حلووه هههههههه
عاد ما يقهر الواحد شي ,, اكثر من انه يكون مولع ناار .. واحد قاعد يضحك ببرود << كني ما اسوي هالحركه .. خخخ :noworry:
ههههه حلو ... بعد هالضحك حسيتي انش كنتي عديمة احساس...
يللا حبابه ... صار وقضى... ودوم الضحك .. بس مو في هيك مواقف << قولي لروحش اول :toung:

منوره حبابوه .. وتسلمي ... والينا بالمزيد :wink:
دمتي بحفظ الرحمن

ههههههههههههههههه والله يا ام حموود انش :kaseh: وحماااس.... والله تواجدش بيننا هو الحلى كله... ههههههه اني بعد ميته ضحك من موقف اخونا المرح.. كلما اتخيل شكله << كني الا شفته خخ .. :weird:. وهو حاط ايده على قلبه .. قلبي قلبي ... ههههههه .. يهاال نصابين .. خخ
وحلووووه هههههه بدل لا تجيبي موقف عنش جبتي عن بعلش << :weird: بعلش !؟؟ خخخ
ههههه عجبتني ... قومي حطي غدى .. وبروح انام .. :deh: هههههههه طلعت اني عديمة احساس على ضحكي عليش .. :embarrest:
وربي حبابه انش حركتات .. يعطيش الف عافيه.. والحمدلله على سلامتش ... خخ بدري هههههههه ... ويتربوا حبايبش بعزش.. منوره حبابوه .... والمره الجااااااااااااايه.. موقف الش هاااا.. مو لبعلش :bleh:

دمتي بحفظ الرحمن

احلى بااااك لحزن العمر :cool: هههههههه عجبني موقفش .. الحمدلله ما نسوق .. كان بيتلعبوا علي ويطيحوا فيني مسخره كان انتين مرتفع .. اني ينشف دمي من الزحمه ..<< رهاب اماكن المزدحمه هههه...:huh: واخاف من السرعه .. وسالفتي سالفه ويا هالسيارات .. خخ مع اني اموت فيهم وعندي خبره زينه .. بس يللا ...
ههههههه .. عاد الله يهديش اخوش معصب وانتين كركر و كركر ... لو اني منه صفقتش .>>. هههه نحيسه اميرووة موو...
من جد لا الواحد اذا يعلم احد شي وتيك وتاك ,, ومعصب ومتفاعل وياه ويبغاه يبيض وجهه.. يقوم يجازي تعبه بضحك والا تطببيق فاشل.. ههههه شي يحرق الأعصاب .. :rolleyes:

عاااد نجحتي انتين الحمدلله وبيضيتها والدليل ... الأيس كريم الهديه ههههه :bigsmile:

منورة حبابه ... واحلى شي ان الواحد يفكر في تصرفاته... وحتى لو حسينا انا عديمين احساس .. نرجع ام الإحساس لروحنا.. << سكتي بس وبلا تفلسف :noworry:
خخخ
يعطيش العافيه .. واليناا بالمزيد :wink:

دمتي بحفظ الرحمن

ماشااااااااااء الله عيلكي امووووه كل يوم طالعه لنا بشيئ جديد
هذا انتين وروووووح وريحاااااااااان عليكم حركاااااات احلى من العسل عالقلب:toung:
وماشاااااااااااء الله على الناصرين الحلوين كل واحد يطلع اللي في جعبته من دون اي تردد:bigsmile:

اني الموقفاللي صار لي حسيت اني طلعت فيه قاااااااااااسيه وعديمة احساااااس بعد:evil:
هذا في يوم من ايام الصيف في سنه من السنوات اللي راحت
في وقت الظهر واحنا في بيت الواااااااااااالد كان يوم جمعه اني وخواتي واخواني كنافي اماااااان الله قاعدين
الا اشوف ليش دااااااااك الدخان يتطاير حولينا :wacko::silal: واذا بي اصرخ من قمة رااااااااااسي حررررررررررريقه
والا النااااااااار مولعه في العرشه اللي فوق السطح وكان علمنا ان فوق السطح ولد اخوي
الكل قامو يتراكضون ايدورررررررن عليه فوق السطح امه وام محمد صااااااااااارت سوبر مااااااان
على طول شكحت فوق السطح :atkal:
والناس اتجمعوا وما ظل احد في الديره الا جا يركض يشوف ويش صاير
واذا محتاجين مساعده
وجوا المطااااااااااافي والاسعاااااااااااف :help:
والحمد الله عدت على خير ماصارت اصابات ولا شي
بس العرشه اللي فوق السطح احترقت كلها

لكن اني ويش سويت ؟؟؟؟؟؟؟؟؟؟؟:weird:

كان عندي ايات ومرتضى وبعدهم اصغار اني خفت عليهم لايتخرعون ويخافون لما ايشوفون النار مولعه فوق
لبست عباتي
واخذت اولادي من ايدهم وطلعت ركيض بهم من بيت الوالد :help:
ورحت وقفت اخر الطريق وياهم لحد ما خلص كل شيئ
بعدين رجعت بيت الوالد
بعدين سالتني الوالده
وين رحتين يابتي باولادش في هالشمس ؟
لما سالتني هالسوال حسيت عن جداني قاسيه وعديمه احسااااااااااااس :sad2::embarrest:
حزت الوقعه خليت كل شيئ ورايي:huh::closedeyes:
واخذت اولادي وطلعت
بس كنت معذوووووره خايفه على اولادي لايتخرعون ويخافون:embarrest:

يسلمووووووو امووووووووووره عالحركات والاكشنات الحلوووووة
تحياااااااتي وسلامااااااااااتي للجميع
همسااااااااات وله

الفرااااااااااااار الفراااااااااااااار.. همي نفسي .. اولادي لا يختلعوا من الناااار ..
اجارنا الهي وياكم من سعيرها...
حبابوه
ياني متت ضحك واني اتخيل الموقف
ههههههه عن جد رهيبه... ولا ام محمد طلعت بعد سوبر وومن مو ماان .. هههههه عجيبه ام حمود ما شالله عليها..
وعاد انتين .. معذوره.. ماني عارفه ويش اقول... عديمة احساس بتركش اهلش وسط المعمعه .. والا كلش احساس وحنيه يوم تهجي بأولادش خوف عليهم... :wacko:
اهووو ههههههههه... انتين همسات وله :toung:

تسلمي حبابه ومنوره .. واحلى اكشن,,, والينا بالمزيد ...:wink:

يعطيش الف عافيه
دمتي بحفظ الرحمن

أهلا أختي أميره موضوع جميل يعطيك العافية

موقفي كان وأنا صغيرة تقريبا كان عمري خمس سنين وكنا بالقطيف بعرس أصغر أعمامي ( وتعرفوا أعراس اللول كانت بنفس البيت ) في وسط العرس رحت أنا وأختي البقالة وكانت على شارع عاام
ولا أحد يدري عنا من زحمة العرس
المهم طلعتنا من البقالة مسكت أخي الصغيره من يدها وقلت لها لاتتحركين زين لين يمروا كل السيارات
ماااااشفت وحده الا أنفلتت يدي من يدها وركضت وتصقعها سيارة :weird:
أنا من شدة الموقف والخوف من أبوي ركضت لبيت جدي ورحت داخل العرس ولا كأن صاير شيء :wacko:
بعدين مسكين صاحب البقالة جاب أختي لمكان العرس وعرف أهلها
والحمد لله جات سليمه ماصار لها شيء
وللحين والله هالموقف مثل الحلم
حتى ماأتذكر أبوي إنه كلمني أو سوالي شيء
وصج والله كلما أتذكر الموقف أقول عن نفسي عديمة إحساس

اما موقفش يا عيون
مو يضحك
يموت من الخوف
الحمدلله على سلامتها جت سليمه...
والله اعذرش ام 5سنين .. من الخلعه ...
حسبي الله على شرش ههههههه لا ضحكت الحين... << شكلي باصير من هالموضوع عديمة احساس من ضحكي على فعايلكم

منوره حبابه وتسلمي على التواجد الجميل
والينا بالمزيد :wink:

دمتي بحفظ الرحمن

هههههههههه ياعلي بموت عليك ضـحك ويش بلاك ويش قلة هالاحساس فيك


وربي يوم قلتي لي عن الموقف وقريته هنا واختي كانت معاي تفجرنا عليك ضحك


الله يهداك بس افااا ماهقيتك كذا خخخخ


والمواقف الثانيه فجرتني بعد ضحك ولا موقف القلب المرح وامك مسكينه خذتها علقه

من خالتك

وام حمود تهي تهي وربي كسرتي خاطري تعيشي وماتاخذي غيرها

ههههههه

المهم امور انا سالت خواتي وسالت ميمتي متى كنت عديمة احساس


كلهم اجزموا انه ماعندي سوابق الحمد لله طلعت بريئه وماعندي هالحركات


بس بعدين <<<مايعرفوا يستروا على احد ابد

قالوا ايه اذا جلستي مع صديقك الاب توب ولا كانه شيء يصير كانك تروحي بعالم ثاني :wink:

لاتحسي في اللي يصير ولا شيء <<بل عليهم ماكملوا جميلهم بالستر :wacko:

اما موقف معين مااتذكر ولا هم يتذكروا

بس صار لي موقف من اسبوعين تقريبا حسسني اني عديمة احساس من جد :sad2:

ولمت نفسي عليه وحسيت اني اخطأت حييييييل والى يومك وانا اللوم حالي :huh:

بس سوري امور خليها مستوره خليها بالقلب تجرح ولا تطلع برا تذبح <<تغير المثل على كيفها


يسلموو اموره الغلا على موضوعك الحلوووووو يازينه زيناه طلع الفضايح الحلوه

موفقه حبيبتي

هههههه هلاااا بطيخوووه
:bigsmile::bigsmile:
صدق والله مع الحبيب اللاب توب انسى الدنيا والعالم... اشاركك المشاعر ههه دبه :rolleyes:

بس ويش الموقف هااااا ... خيرتي اعرفه منش ان مو هناا.. هنااك... :wink:

منوره يالغلا
دمتي بحفظ الرحمن

هاااااااااااااااااااي
كيفكم ؟؟ وشحالش أميروووووووووه؟؟ :bigsmile:
طبعاً أني قريت الموضوع من قبل وصارلي يومين أفكر متى صرت عديمة إحساس وتذكرت ليكم هالسالفه

السنه اللي فاتت لما كنت في أول ثنوي كنت مررره شيطانه وكل أعاند المعلمات بس طبعاً بأسلوب حليوووو
واحنا في فصلنا ثلاث فرق فرقه عند الباب وفرقه في الوسط والفرقه اللي أني فيها عند الجدار الثاني وكانت معاي بالصف بنت عمتي ومره من المرات جابت فار مطاطي لعبه يعني وراوتني إياه فقلت ليها جيبيه وأخذته وطبت علينا معلمة الإنجلش وانحاشت كل وحده مكانه وطبعاً هالمعلمه مغلوب على أمرها كل مجاكرتنها المهم قعدنا في أماكنا وبدا الدرس وطبعاً كل العاده ملل وقعدت أفكر وطخ على بالي هالفكره خخخخخخخخـ قمت وحطيت الفار على الأرض في الفاصل بين فرقتنا والفرقه الوسطيه فقالوا ليي الشله المعلمه بتدري انه هذي انتين اللي حاطتنه فقالت وحده جيبيه وأوريش كيف الأفكار وأعطيتها إياه وشفوا الشطانه ويش سوينا أخذت صديقتي الفار ورمته على الفرقه الثالثه اللي عند الباب والمعلمه كانت دايره وجهها للصبوره تكتب هههههههههههه وكان تقوم هاذيك الفرقه بصراخها أاااااااااااااااااااااااااااااه << خخخخخخخخـ
وإحنا ميتين ضحك وطبعاً المعلمه هزئت كل الفصل لأن ماأعترفنا من اللي رمته المهم وين المصيبه؟؟
المصيبه أنه مره من المرات يمكن في نفس اليوم أو بعدها بيوم تأخر عليي السواق وماجاني بالمره وظليت واقفه في الشارع للساعه 2 الظهر وأخوتي معانديني ماأحد راضي يجي يقول شمس المهم فجت معلمة الإنجلش وتبرعت أنها توصلني ومسكينه كان عندها مشوار ضروري وضيعتها وبعدين عرفت الطريق ودليتها عدل..
ومن ذاك اليوم وهي كاسره بخاطري وحاسه حالي ماعندي احساس بس كل ماأتذكر صراخ البنات أمووووت من الضحك
خخخخخخخخخخخخخخخخخخـ

آسفه طولت عليكم :embarrest:
ومشكوووووره أميرووه على الموضوع

:rolleyes: تقبلي مروري :rolleyes:

السلام عليكم ورحمة الله وبركاته
هذا في مره من المرات كنت كاشخه عندي حفله زواااج
بعد مايحتاج اوصف حنا الحريم نبي جنازه ونلطم خخخخخخخ
يمكن المثل موفي مكانه بس هذا الا طلع وياااي ..
طبعا يقين وفرح معااااي المهم كانو بعدهم في حدوودسنه تقريبا
وكنت لابسه ومتعدله ياعيني ههههه وملبستهم فساتين بلون ابيض
وانا كنت اشوي معصبه وتجي يقين اعدل ليها الفستان وهي
شوي شيطانه موراضيه تبي تلعب وانا اعدل ليها قربت عندي عدل
طبع الروج في الفستان وانا والعصبيه ارفع يدي وكف قوووووي ع الوجه ..
اخذتها اختي وهدره علي ليش حرااام عليك هذه طفله ..
ومن هالكلام الاحسسني باني غلطت اكثير ..
هنا هدأت اعصابي وحسيت بالذنب ..بجد كسرت خااااطري
وانا في الزواج وانا عيني وقلبي ع يقووونه اثر الكف وااااضح
مسكينه على عمري ..
بجد بهذا الموقف انا عديمةاحسااااااااس بالمره ...
مواقف كثيره بس هذا اشوي ارحم ياللا بلا فضايح عيب ..
تسلمين يالغلا
امــــــــيره
بجد حركاااات وتطلعي الفضايح عـــــــدل
يعطيك العاافيه
لاحرمنا جديدك الممــــــــيز
دمت في رعاية المولى
فــــــــــــرووحه

اسووور .. والله انش عجب
ههههههههه
قايله اني طالعه علي .. خخ
عليش حركتات تذكرني بروحي والله .. رهيبه ..هههههههه بس تالي تأنيب ضمير
موقف حلو حبابوه
يعطيش الف عافيه
دمتي بحفظ الرحمن

فرووح هلا وغلا
معذوره غناتوه وقت الأعراس والعصبيه والزحمه الواحد يتشابق ويا الهوا مو بعد يسطر
بس على وصفش خخ الصراحه اسوي اني كذا...
الله يخليش دوم حنونه يا رب على بنياتش ويستر عليهم ويوفقهم ويطول بعمرش غناتي
منوره
ويعطيش الف عافيه
دمتي بحفظ الرحمن