شلون أعبر عن حزني وشعوري إتجاهك
أنا بديت قصة حياتي معاك أجمل أيامي وأجمل أوقاتي
كنا اثنين ومابينا ثالث كنا نجلس سويه
ومهما قلت وخطيت بحقي واجب علي أسامحك
لأنك الصديق العزيز الغالي اللي قضيت معاه أجمل أيامي
كنت دايم وافي بحقي ولاتردني بكلمة (لا)
كان اللي لك لي واللي لي لك كنا إثنين في جسد واحد
وبعدها مرت الأيام وصرت تقسى علي وأسامحك
وكل يوم عن يومه تزيد قسوتك علي مادري هذا إحساسي ولا احساسك
وأنا محتار انت صحيح تقسى علي ولا من زود حبك وخوفك علي
وبعدها تفارقنا فراق الحبايب وردينا لبعضنا ولا كانت ردتنا مثل الأول
والسبب دخل بينا إنسان ثالث وهالأنسان عديم احساس ومغتر بنفسه
وفترة بسيطه بوجوده فرق بين اثنين كانو في جسد واحد
ومرت الأيام وكنا يوم حبايب ويوم أعداء ولكنا نعز بعض ولا ادري فاهمني وانا فاهمك ولا ..لا
وبعد هالفراق مادري بنرد لبعضنا ولا الدنيا حكمت علينا بالفراق
ويمكن اعز انسان ثاني .. وتأكد معزته ماتفوق معزتك ولا بظن اني راح انساك من بعد الفراق
اتمنى ماكتبته ينال على اعجاب الجميع
ولاتبخلو علينا بإنتقاداتكم
مع خالص تحياتي للجميع بالتوفيق
