راقبوهم بس ..بحضن دافيء

سلام


اليوم جاييه وفي قلبي حرارة <<اخذي فيفادول


من جد موضوع شاغل بالي ..


موضوع عن البنوتات حبايب قلبي وربي كاسريين خاطري من جد


والسبب الاهالي ربي يسامحهم..http://www.allams.net/vb/images/smilies/smilies/63.gif


ياكثر ظلم الاهالي لهم ...http://www.allams.net/vb/images/smil...kie&#91;1].gif


وياااكثر شكوكهم ..

يعني الحين




اذا تكرموا وحنوا على البنوتات وجابوا الهم كمبيوتر


او محمول <<اصلا هم البنوتات دافعين قيمته من جيوبهم



منو تكلمي على المسن وخلينا نشوف الموضوع قبل لاتنزليه المنتدى



والردود بنشيك وراك ..


وليش حاطه هاي الرد ..



ليه تردي على هالفلان دوم ..


منو هاذي اللي كاتبه الها يالغلا اوحبيبتي ..



شوو معرفك فيها ..


ليه مسميه حالك بهاي الاسم ..


ويروحوا يفتشوا بملفات والمستندات وخلهم يشوفوا شيء مايعجبهم


ياويل قلبي على البنت :sad2:




يسووها شاورما ..



عاد بعد ياويلها ياسواد ليلها



لو شافوا الها خاطره ولا شعر ياعلي :wacko:


ويش يجري الها


ولا سمعوا من واحد من الاهل انها كتبت خاطره


تلاقيهم خلاص يوقف قلبهم ..


ياعلي ويش دعوه ..


بنتكم عندها موهبه من الله يعني لازم تفسروا كتاباتها حب وعشق




شجعوها واقروا الها حسسوها انكم سبب في تطوير هالموهبه



موب تهدموا موهبتها ومحاولاتها ..



ادعموها وشجعوها خليكم قريبين من موهبتها ومن افكارها ..


طيب غير الخواطر اللي مسكينه البنت تكتبهم من بنات افكارها



صحيح هو شعور واحساس بس يمكن شعور بالحلم وامنيه وخيال



موب شرط عايشته ومجربته ..


لو شافوها حاطه بسطح المكتب صورة مثلا بنت رومانسيه بس عاديه


عندها ورود وجنبها كلام حلوو


يوه يوه ياويلي ويلاه ..



منو وليش ومنو له هالكلام


البنت اعجبت بالصوره ويمكن تكون هي مصممتها


وحطتها تزيين سطح المكتب فيها..



فرحانه فيها مسكينه ..


طيب غيره ..



البنت اشوي انطوائيه طبعها وتحب تجلس لحالها


يوه ياابو فلان اللحق على بنتك صاير فيها شيء


ويمكن تحب واحد ولا لاعب بعقلها ..


البنت جايه من المدرسه واشوي وينشق فمها من الإبتسامه



يوه قوموا لاختكم شوفووا ويش وراها


ياعلي ويش دعوه محرمين عليها حتى الابتسامه والضحكة



يمكن صاير موقف مع صديقاتها يمكن مستانسه وحاسه براحه


ضروري تعكرون عليها ..


جات من برا وهي مبوزه ..تعبانه او الجلسه ماعجبتها..



لحقوا بنتكم مدري منو متحرش فيها ..


هاي البنت اليوم متنرفزة ..


تبدا النقزات عاد... هاا حبيب القلب مزعلنك ..


ولا شنو قايل الك ..



اليوم البنت اشوي ملانه وموب مشتهيه ترتب البيت



يوه يوه تقوم القيامه ليش وووو


عاد مسكينه دوم شايله البيت بس تعبت او ملت او ظروفها


الام وتطق كبدها من كثر الشغل كيف هي البنوته


ودراسه وكرف ..بس اليوم عطوني اجازة لا لا لا لا



تقومي ورجولك فوق راسك ..



وخلهم يشوفوا شغلها موب على العاده



ولا درجاتها هاا اشوي ناقصه ..



اكيد البنت تحب وعشقانه وتفكر بالعرس<<ماتسوى عليها



البنت مكثره قعدات على النت


ياويييييل قلبي من هالنقطه عاد ..


ليش تقعدين وشنو تقرأين وشنو تسويين ومنو معاه



طيب يمكن مكثره عندها شغل فيه ماعندها دراسه كثير هاي الاسبوع


ملانه البنت تبغى ترفه عن نفسها



تبغى تزيد ثقافتها وتقرأ المواضيع الحلوة ..


شافوها تشاهد مكياج وصور فساتين ولا ملابس راقيه


ليش احنا مقصرين بحقك


وليش تشاهدي هالمكياج ماتستحي على وجهك تفكري حالك عروس


والخطيب على الباب ..قاعد ينتظرك تتعلمي (تلطعين ) في وجهك


يالله ...




البنت حبت تختلي بنفسها اشوي وقفت على حالها الباب



عاد ماتشوف الا الاهل كلهم ماشاء الله حتى العمام والخوال مجتمعه



على باب غرفتها ليه ؟؟<<عسى موب ميت احد


جايين نحقق معاك ليه تحبي تجلسي لحالك



منو لاعب عليك ومنو تحبي وانت تفكري بفلان


ويلا عاد ..استجواب مايخلص ...


والبنت تحلف انها حتى ماطرى على بالها هالشيء


بس كذا حبت تختلي مع نفسها ..


لازم وراك شيء ..لاحووول ..


ويلا عاد اخذوا جوالها واخذوا كمبيوترها وسووا الها حرمان منهم ..


ليش يايبى ليش يايمه ليش يااخواني ..


أنت موب قد الثقة اللي عطناك اياها ..<<امحق ثقة



ويش سويت بس لاني قعدت لحالي ...


طبعا يأخذوا الجوال والكمبيوتر من هنا ..



ويبتدأ التشلبخ وضرب النعول والخيزران في جسمها



وعاد يمكن هااا تصير والابو يرق ويحن لبنته ..


بس الاهل وربي مايخلوا ابتدا من الاخوان الى عيال العم


ومعارف الاب والام والفتن تشتعل ..



شوفوا بنتكم تراها تكتب بالمنتدى ودوم جالسه نشوفها على المسن


ونشوفها داخله المنتدى الفلاني ..وتكتب هالردود


انتبه لايكون متوهقه مع هالفلان ولا هالفلانه لاعبه عليها


عاد ياوييل قلبي من هالحركه بجد انقهر منها


اذا شافوا البنت متغيره او تحب تنعزل



واخذوها على الطبيب يفحص عليها بدون سابق انذار ..


ليه البنت شاكيين فيها يمكن لها طلعات مع واحد


ولو انتشر هالخبر انك مودي بنتك او اختك الطبيب


وطلعت الاشاعات تعال ولومها بعد ..


شفت لها دفتر او كتاب حركات حلوة ليه وشمعنى


طيب يمكن تحب الماده ولا معلمته حبابه ..



لا وراها سر ..لاحوول




البنت وصلت للعشرين من عمرها ولا انخطبت ياويلي سامعين عن بنتي شيء



ويلا عاد من جد موقف صادفني موتني ضحك


ماخذه بنتها ومن بيت لبيت ماعمرها طلعتها معاها ولا اخذتها عروس



والبنت كاشخه ولا بسه احسن لبس ..<<يفكروها زوجة ولدها


وهذه ياحرمه بنتي عاد تصغرها سنتين اذا موب خمس


تدرس بالكليه الفلانيه وشايله شغل البيت عني


وماشاء الله اخلاقها تمامووو



وفي البيت مافيه الا كسر الضلوع


علشان بس يبون الفكه منها ومن شرها وخايفين عليها تنحرف


ولا تلف يمين يسار ..



يمه معليش اليوم بروح بسوي زياره لصحباتي



الا تشوف في بيتهم حرايق والكل متجهز بعصاته



ليش هذا اللي باقي تروحي وتزوري موب بنتنا اللي تروح بيت غريب



عاد وينه هالبيت الغريب خطوتين من بيتهم يعني جيرانهم



واذا عاد صاروا هاي الاهل كريمين بعثوا الام معاها


وتوسطت الام بين صحباتها ولا عيب وهذا عيب وليه تضحكوا



وليه و ليه ؟؟



والشريط اللي صار ينعاد للاخوه والاب طبعا ..



طبعا الهدف من هالهذره والموضوع موب غسلوا ايدكم



من اخواتكم وبناتكم وحريمكم لا لا لا



بس خفوا من تحكمكم اشوي..


موب شيء بسيط كبرتوه وحرمتوا البنت من الشيء اللي تحبه



اهدوها ثقة وربي راح تكون احسن البنات


وياكثر المشاكل والانحرافات اللي تصير بسبب الأهل


لانهم ماعطوا البنت الثقة


البنت تقول بنفسها هم اساساموب واثقين عادي لو اغلط موب شيء جديد



بالنسبه الهم ..


اغلب اخطاء البنت وربي من قلة احتضان الام والاب لها



ويحسسوها في البيت كأنها غريبه واي شيء هي محاسبه عليها




بتشوفوها هي من نفسهاتعرف الخطأ وتشيله من رأسها وتخاف منه



وعلى نفسها ..



الحين بعد هالشكوى نصيحة من امولشه



لاتضغطوا على البنت تراهم رحمه من الله


لاتخلوها نغمه ..



خافوا عليها بس لا تخدشوا احساسها ..


وتفقدوا ثقتكم فيها ..



راقبوها من بعيد لاتحس انها في نقطة تفتيش خليكم قربها

وحبوا اللي تحبه واهتموافيه


شجعوها واعتنوا فيها بس بحب وبثقه بدون خوف مبالغ فيه

خاصة لو كانت فوق العشرين مايستحق تراقبها على الصغيرة والكبيرة




طبعا حتى الاولاد يستاهلوا الثقة والحنيه من امهم وابوهم



واخوانهم بس البنت تنكسر بسرعه ومشاعرها تنجرح


لابسط الاسباب والبنت بصراحه دوم العيون عليها من اخوانها


خاصة لو كانوا اكبر منها ياهي تتعذب تعذيب http://www.allams.net/vb/images/smil...kie&#91;1].gif


وترى موب بس البنت والاخت حتى المتزوجه ماتنرحم من لوحة التحكم



ياعلي تعبت من هالشكوى وربي من كثر مااسمعها من القريبه والبعيدة


ولا مريت بموقف يقطعوني تقطيع ويعوروا قلبي ..


طبعا مانعمم في بنوتات ماتنعطى وجه وشايفه حالها <<قلبت عليهم

بس امسك العصا من النصف ولا ترخي واجد ولا تطلع قرونك عليهم

واجد


هالله هالله ياجماعه في بناتكم وخواتكم ...

راقبوهم بس بحضن حنون ..


الحين جاء دوركم بعد ماانفجر رأسكم من هذرتي ومن (حنتي )كل واحد

يعترف كيف يراقب اخته


حرمته بنته ؟ شنو اسلوبك معاهم ؟موقف سمعته او شفته او صار الك

بهالخصوص


وللبنوتات والحريمات شنو اللي تبغينه من اهلك بالضبط وكيف تزرعي

ثقتهم فيك


كيف تبغينهم يعاملوك ؟موقف شفتيه او سمعتيه ؟




بقلم هلاوس املوشه بالبنوتات ..

وللبنوتات والحريمات شنو اللي تبغينه من اهلك بالضبط وكيف تزرعي

ثقتهم فيك
كيف تبغينهم يعاملوك ؟موقف شفتيه او سمعتيه ؟

اني بالنسبة لي الحمد لله اهلي واثقين فيني
ومن هذي الناحية احسهم احسن اهل في الدنيا
ثقة وتربيه وتعامل .,
بس اخوتي احيانا يضايقوني واااجد ويمكن زي ما قلتي
ان احنا البنوتات ينكسر خاطرنا بسرعه خخخ
بس الحمد لله مرتاحة ..




اللي يتصرف مع بناتهم زي ما قلتي احسهم
غلظانييين من ساسهم لراسهم
وبعدين " كل ممنوع مرغوب " وهم اللي يجبرون بناتهم
على الشر والانحراف ,,
وفي كل شيء خير الامور اوسطها ,,


واتمنى نشوف تفاعل من الجميع
خصوصا الشباب في هالموضوع

وشكرا لش امولة


..

مشكورة اختي امل على طرحج للموضوع يستاهل النقاش ..اني الحمدلله مايشكوا فيني بس عندي اخو يعاندي كل شوي بشوف جوالج منو كلمج اتصلتي في من ؟؟عناااد ..تــــــــــســـلـمي

سلمتي أختي أمل الظهوزر والله يعين --
أنا عندي كلمة وحدة بقولها لرادود من القطيف وبيت قصيد قديم بس مقنع ودال ----- على المعنى ----

يقول : أحكي لك عن بنات أمتي يخرجن بالعفة ثم يأتين بالعار

ياأيها الوالد خد نصيحتي لا تترك البنت فقد جأتك بالاندار ---

تحياتي وعساكم عالقوة دوم ----

تسلمي اختي أمل الظهور يمكن أقول أنا ابصراحة فيني بعض من هذي الأشياء وأحانا أشوف روحي زودتها اشوي بس هذا من خوفي على أهلي ومن كثر ما أحبهم أسوي كذا
بس حبيت أقول أن البنت المؤمنة الصالحة ما يهمها كلام أبوها أو أخوها أو ترا إذا شكوا فيني خلاص أني بسوي الحرام هم شاكين شاكين لا لا لا هاذا ما يصدر من بنت مواليه لأهل البيت وتقتدي بزبينب
وإذا شافت أبوها يتضايق من جلستها لحالها في الغرفة اتحاول اتغير من الوضع اشوي اتروح مثلا تقعد مع أبوها
وفي شي بعد البنت هي اللي تقدر تزرع الثقة في نفس أبوها وأخوانها فمثلا أي شي يصير ليها تجي لأخوها وتتكلم معاه أو نفس الشي أبوها
أما إذا على طول في الغرفة وكلمات غرام وما تطلع من الغرفة إلى علشان اتروح الحمام والغدى لقمتين وهي قايمة
حتى أبوها وأخوانها ما يدروا هي حية أو ميته فالأنسب أن البنت اتوازن بين هالأشياء أما أربعة وعشرين ساعة على النت ولا انتون ظالمين البنت وإذا كانت تبغى تتثقف في كتب أحسن من النت
أنا ما أقول انها ما تدخل النت بس يعني كم ساعة في اليوم لا زم تدخل 10 ساعات أو أكثر يعني في هالعشر ساعات كم حاجة استفادة وكم معلومة خاطئة دخلت إلى عقلها أو كم واحد اتحرش فيها أو كم صورة إباحة شافتها بالغلط أما الكتاب فهو الصديق اللذي لا يمل
أكيد الأب والأخوان من كثر ما يسمعوا عن النت ومشاكله وبلاويه يخافوا على أخواتهم وبناتهم من كثرة الجلسة على النت
وفي الأخير البت هي اللي تقدر تزرع الثقة وتقدر اتزيل الثقة كل هذا ينبني على تصرفاتها
مثال لو شفنا واحد يمشي وهو يحك في جسمة بستمرار ولونه متغير أكيد بنقول انه مدمن مخدرات حتى لو مو مدمن مخدرات بس يمكن هو معاه حساسية
فالبنت نفس الشي إذا شافو تصرفاتها مو طبيعية بخافوا عليها إذا بشوفوها تقعد مع حالها بالأربع ساعات أو كلمات الحب اللي حاطتنها على سطح المكتب ليش ما اتحط آية قرآنية هذا أنسب وليش حاطة كلام رومانسي بس كاذا عبط لا ما في شي يسويه الإنسان عبط لا ما فيه أما اتحس ان ما فيه احد محتويها وتلجأ لكلمات الحب لأنها تبغى واحد يحتويها أو اتحب أو اتحب الشعر فلازم اتبين هذا الشي إلى أبوها وأخوانها
وترى العامل النفسي وكلام صديقاتها ليها كل وحده تتفاخر أني أجلس على النت 12 ساعة في اليوم اتلاقيها زهقانة ليش أبوي ما يخليني أجلس 12 ساعة أكيد انه ما يحبني أو ما يوثق فيني وتبدأ الشكوك وأكيد البنت اتكون مراهقة فبتقول ما في أحد يحبني من الدنيا
وخذ لك من كلام المراهقين
والمراهقة سن خطين فإذ ما خفنا على أولادنا في هالسن فمتى بنخاف عليهم بعد ما يشيبوا

يسلم قلبها اموله
والله يعطيش العافيه عالهدره الحلوه
اما بالنسبه لي بنتي مثل صديقتي
ما في شيئ بينا سر
اي شيئ ايصير في المدرسه ويا صاحباتها اتقوله لي حتى لو شيئ بسيط
بنتي من النوع الراكز او الواثق من نفسه وقد حالها على ما يقولون
تعرف الحدود المسموح بها ولا تتعداها
يمكن في شوية ظغط من ناحيه والدها فقط في مجال الدراسه
دائما متابع لدرجاتها ما يحب تنزل ولو نصف درجه
اما بالنسبه لها فهي ماشاء الله عليها تستطيع مناقشته في موضوع الدرجات والدراسه وتستطيع ااقناعه

اما من ناحية الثقه اعطيناها ثقه بس في حدود المعقول ما تركناها ابدا
تحت نظرنا بس بطريقه حضاريه
الى درجه ان هي من تجي تخبرنا عن اي مشكله او اي شيئ يصير وياها
هذي مره من المرات كانت مشتركه في احد المنتديات
وسريع خلوها مشرفه
مده اللي هي تقول لي
بنسحب من المنتدى الفلاني
ليش يا بنت
قالت صار شيئ ما عجبني
ويش هالشيئ
اقول ما تزعلين مني
لا انشاء الله ما ازعل
فالت
ماشفت الا واحد من مشرفين المنتدى ضافني الى ايميله
وقام ايكلمني ويسولف وياي عالمسنجر
انزين وبعدين قام ايقول لي كلام مو حلو
استحي اقوله فرديت عليه ووقفته عند حده
وعرفته اني مو من النوع اللي ينقص عليه
فحسيت اني سويت غلط لما سمحت لنفسي اني اقبل واكلمه
فسويت له بلوك وبنسحب من المنتدى
قلت لها زين ما سويتن
تعرفين ان الغلط غلط
والصح صح
وسوي اللي تشوفينه صح
وفعلا انسحبت من المنتدى
وما اشوفه تدخل على المنتدى
حتي اني طلبت منه اتشارك ويانا في منتدانا
قالت جاني ما كفاني من المنتديات
خليتها على راحتها
ويش تستحق الثقه او لالالالالالالالالا
لازم احنا نثق في بناتنا ونعاملهم بكل حنان علشان نكسبهم وما نخسرهم
صدق البنات نعمه
لاتخلونها تنقلب نقمه

كل الشكر لك ام العبابيد عالموضوع الطيب
تحياتي لك
همسات وله

مرحبا بالحاضرين :

خيتي تاج :

الحمد لله على ثقة الاهل وان شاء الله دوم يارب هالتفاهم

وصدقتي خير الامور الوسط ..

مشكورة على المرور موفقة .



شذى الزهراء :

الشكر لك خيتوو على مرورك

ولاتعاندي واجد ترى صرخه منهم توديك في دواهي احذر تسلم .

مراحب فيك والله يسلمك .


دمعة المقهور :

مشكور اخوي على التواجد

ومشكور على البيت

وانا ماقلت اتركوا البنت ولا لكم دخل فيها بالعكس شيء طيب وشيء مطلوب بحياتنا

غيرة الاب و الاخوه على البنات بس بعقلانيه وبحب وبتفاهم موب سياسه (العصا والجزرة ) والمضارب

والصراخ .

يعطيك العافية



حامي الشريعه :

مشكور اخوي على الحظور الطيب ..

رأي جميل ..

وفي شي بعد البنت هي اللي تقدر تزرع الثقة في نفس أبوها وأخوانها فمثلا أي شي يصير ليها تجي لأخوها وتتكلم معاه أو نفس الشي أبوها
اخوي ترى البنت اذا مااحد شجعها على الشيء هذا مستحيل هي تتقدم وتطلب تتكلم مع احد

المفروض الاب والام والاخ هم اللي يحاولوا ويتقربوا وبعدين البنت لو لجأت الى امها قام المصارخ وليش كذا

وانا مالي دخل فيك روحي لابوك واخوانك هم يعرفوا مصلحتك طيب يايمه اوقفي معاي وساعديني

الام لا مستحييل حتى بعض الأمهات مايعرفوا بنتهم شنو تحب من الاكل شنو لا

المفروض من صغرها يعلموها ويحسسوها انهم حابين يسمعوها ودوم اياديهم ممدوده لها

اذا البنت مالقت حضن امها ولا لقت يد ابوها جنب اياديها ولا شافت ظهر اخوانها سند لها في الحالات العاديه والشديدة

وماشافت الا المضارب والشباق واليد الممدوده لها كيف تتقرب لهم وكيف تشكي

انا معاك فيه بنات يتقربون صحيح بس هم وربي مايساعدوها ..

وخلها بس تقول ابي هالشيء الفلاني ولا سويت كذا حتى لو شيء بسيط

تقوم القيامه عليها ...

أما إذا على طول في الغرفة وكلمات غرام وما تطلع من الغرفة إلى علشان اتروح الحمام والغدى لقمتين وهي قايمة
حتى أبوها وأخوانها ما يدروا هي حية أو ميته

صحيح فيه بنات من النوع هذا بس المطلوب في هاي الحالات

موب الشك على طول تفاهموا معاها بحنيه وعطف

أكيد الأب والأخوان من كثر ما يسمعوا عن النت ومشاكله وبلاويه يخافوا على أخواتهم وبناتهم من كثرة الجلسة على النت

انا ماقلت لاتخافوا خافوا بس خففوا من حدة هالخوف

لاتصيروا لها لوحة تحكم وتدقيق على كل شيء

لا تضغطوا عليها الضغط يولد الانفجار


مشكور اخوي على المرور واحترم رأيك ونقدر خوفك

بس ريلاكس عليهم

هلا هموسه :

اهلا باحلى ام حنونه وربي نفسي كل الامهات نفسك يالغلا

كذا متفاهمين وشحلاتهم وحنونين

ونعم الام والله ان شاء الله دوم هالعلاقة الطيبه
وربي يحفظ لبنتك ويحفظ بنتك لك ولا يفرق بينكم

وتفرحي فيها ان شاء الله

تسلمي يالغلا على تواجدك ورأيك الرائع

همسه لك همووس <<اذا جبت بنوته وكبرت <<يالله متى بس

بجي عندك عطيني دروس اوكي لاتنسي

مراحب في الجميع

ويعطيكم العافية

إختصار الموضوع
إذا لقت البنت التفاهم والحنان داخل البيت ماراح تدور عليه بره بين أحضان الغرب
وإذا صارت أمها مثل صديقتها ماراح تلف وتدور
أنصح كل أم أنها تكون صديقة بنتها
والحاله تنطبق على الولد مع الأب مع إنها بتكون أصعب شوي



على العموم مشكورة أختي أمل الظهور والله يكون في عون البنات اللي شرحت حالتهم
يعطيك الف عافية
وبالتوفيق
أختك
عيون لاتنام

الله يعطيك العافية ام عبدالله


وتسلم الايادي



الثقة لازم تكون موجودة بين البنت واهلها

وبعد الثقة العمياء وترك البنت من غير انتباه ومن غير رقابة غلط


يعني مثل ما يقولون مسك العصا من الوسط


البنت لين تحصل على اهتمام اخوها او ابوها او امها ممتاز بهذي الطريقة ما تتوهق البنت في عمرها يعني اي مشكلة تصيدها راح تلجأ اليهم اولا واخيرا ما راح تلجأ الى اي احد اخر من صديقات او جارة او مدرسة


والعالم الله كيف اخلاق الشخص الي التجأت اليها من برة بيتها


حلو يكون في صداقة بين الاخت واخوها وبذات بين الاخوان والاخوات لانهم يكونون اكثر قربا من الاب والام

الا اذا كانت ما عندها اخت او اخ كبير فمالها الا الام والاب


اهم شي تربية البنت على انها تكون متفتحه على امها, والام لازم تكون صبورة معاها ولازم تعرف شلون تمشي معاها

وشلون تسايرها في اشياء وتوقفها عند اشياء


فمن البداية على الام انها تسلك الطريق الصحيح في تربيتها لبنتها لانها بتكون في صغرها عجينة سهلة التشكل وتقدر تشكلها على الكيفية الي تبيها


اكيد بتلاقي صعوبة وتعب ومشاكل في التشكيل لان مو بس هي الي تربي , المحيط الي هي فيه بعد يربي

بس لازم تتعب وتسوي الي عليها وتصبر وتوكل امرها الى الله

عشان ما يجيها يوم تعرضها لمواقف تخسر فيها بنتها


البنت بحاجة للاهتمام والمحاسبة والرقابة وقبل كل هذا الثقة والتربية الصحيحة


بس بشكل معتدل

دائما الشي لين يزيد عن حده ينقلب ضده



واعذريني طولت وياش


تحملي تبين نقاش

هذا هو


تسلمين يا الغلا


تحياتي لك

اختك ام محمد

عيون لاتنام :

هلا بخيتي مشكورة على التواجد

وهذا هو الهدف الصداقة ولازم الام هي من صغر بنتها تعلمها على هاي الاسلوب

موب اذا كبرت وصار عمرها فوق العشرين توها تبتدأ تعلمها وتعقد الصداقة ..

مشكورة على رأيك عيون الغاليه

موفقة ..



أم محمد :

ياهلا والله بهالطله

والنقاش الحاار ..

والراي الحلوو

وصدقتي والله بكل كلمة قلتيها ..

المفروض يكون توازن بين الثقة والخوف والتحكم ..وبدون تجريح وبهدوء وريلاكس

علشان حتى البنت تحس بالامان وتتعزز ثقتها بحالها ..

<<لا انا ملزمة اجي اخذ عندك وعند هموسه دورات تربية بنوتات

تشكري خييه ام حمودي على المرور


مراحب فيكم

موفقيين

امول تشكري ع الموضوع
وماعندي غير ااااااه ولا تعليق
وانت افهم في شنو اقصد
موفقين والله يهدي الجميع

هلا والله امول
وش هالحركات والاكشنات
والله جبتيه على الوتر الحساس
ومجتمعنا يعااني من هالتصرفاات

يعطيك الف الف عاافيه
وننتظر جديدك
وبالتوفيق

ياهلااااااااااااااااااااا
والله جبتيها عدل اموووووووووووله
ههههههههههه
اني الصراحة اي شي يصير من منه اقول لاختي وعاد هيه ماتقصر اقول ليها منه تلاقي الخبر عند بيتنا تقولي جريدة اليوم
ههههههههههه:laugh::laugh:
وبالنسبة للمراقبة اهي اكيد لازم
يعني مو روحه وجيه على النت من ذي وليه ومن متى وشو صار والساعة كم ومتى ؟؟؟(يجربوا صيغ السوال)
ههههههههههههههه
لا واني قاعدة على النت خيتوو تهدر معاي وتشوف ساعات شنو اكتب
ولاساعات اشوفهم داخلين الصباح
هههههههههههههه
اذا شفتوني الصباح من المتصلين هاذي مو اني
يشوفوا مواضيع وينقلوها لمنتداهم
ويراقبوا ردودي
(سويت لهم صااادوة
اهووو عادي
واحسن بعد
عشان اذا غلطت والانسان مو معصوم عن الغلط
بس ساعاات اتنرفز لمن اكلم صديقتي في التلفون وتكلمني عن اسرارها واكون في الصاله يعني قدام الكل اتنرفزززز حدي واخاف اذخل غرفتي يقولوا شي لو يشكووا
هذا الشي يصراحه ينرفزني وااجد

واني باقولكم قصة بنات اعرفهم يعوورا قلبي مررررررررة
ابوهم تلفزيون مافييييييييييه
نت كمبيوتر كمااااااااان مافيه بس كمبيوتر صوتيات وسيديات هو يجيبهم ويحطهم لهم
حتى المدارس
مافيه يروحوا مدارس والله العضيم ماكذب عليكم يجيب لهم بنات يعلموهم يقروا ويكتبوا وبس
مافيه يطلعوا برى البيت الا بيت جدهم وبسسسسسسسسسس لا ولازم معاهم اهو وحتى امهم داخله معاهم
يروحوا لبيت خالهم خالتهم لالالالا مافيه ابدا يبوكم يجيوا لكم
اني ماشفتهم ولامرة لكن يصيروا لنسباتي
الله يعينهم
ويصبرهم

بس الصراحة جبتي الموضوووع عدل
ضرب على الوتر الحساااس
ههههههههههههههههههه
مشكوورة على الموضوع

السلام عليكم
اشكرك على هذا الطرح القيم الجدير بالنقاش
من الافضل والاحسن لكسب قلوب الاخوات الى الاخ ليس بالمراقبه الشديده والتحكم في كل الامور وان يكن معهم شديدا ولايسمح لهم ببعض الامور العاديه ويبقى متسلطا عليهم ولايعطهم الحريه حتى التعبير في الرأي هذا سيسبب الكراهيه بينهم ويشتت شملهم
ولكن ان يراقبهم بدفئ وباسلوب محترم بعيدا عن الشك وقريبا في النصح والاهتمام بهم ويعطهم الحق في كل امور يقومون به لكن بشئء معقول
فيه بعض الاخوات ماشاء الله عليهم مع اخوانهم اصدقاء وقريبين جدا منهم وبعضهم يسكنهم الخوف في التحدث مع اخوانهم خوفا من عصبيته او بانه يكن متشددا معاهم وبالاحرى مايعطيهم وجه
لكن هل المراقبه تعني الشك ؟
بالطبع لا المراقبه بالقصد الاهتمام بهم ونصحهم عند الغلط وليس السكوت عنهم والوقوف معهم في اصعب محنهم واسعادهم فان سعادتهم تعني الكثير لدى الاخ <<< صعب يعبر عنه
اكتفي بهذا القدر من الهدرة
اشكرك اختي امل الظهور على طرحك القيم
بارك الله فيك
تحياتي لك بالتوفيق

راقبوهم بس بحضن حنون

وبعقل منفتح

موضوع رائع

محمود سعد

مرااحب

دمعة الاحزان :

هلا والله ..

الآهـ بعيد عنك يالغلا ..واسم الله عليك من الآهـ ..

يس يس يس افهم شنو قصدك ...لاني علمتك بسالفة الموضوع وخذت منك التعليق الكافي والوافي

تسلمي حبيبتي على الحضور موفقه والله يحنن القلوب ويهداها ...



هلا والله بيسوووو...

اووه بنوتاتي حاظرين هنا منورين الصفحه ..

يس طال عمرك مانكتب الا المواضيع والأشياء اللي نشوفها بمجتمعنا علشان نحاول نحلها سواا <<لا جوال

مشكوره بيسوو الغلا على تواجدك وربي يرقق القلوب القاسيه .

بالتوفيق الك بيسوشه


روح وريحان :

اووووووه والله اختك ناشرة اخبار عالميه وهذا مشكله كبيره بعد

يعني لو صادقناهم وقلنا اسرارنا او شاورناهم بشيء تلاقي الخبر اووه منتشر والكل يدري عنه

والاحراج الك ..يعني ماكوو كاتم اسرار عندهم ..

ايوا احسن الخوف المتوسط والمعتدل منيح اوي بس مولدرجة يصيروا لوحة تحكم ..

والله هالبنت اللي تعرفيها كسرتي خاطري عليها وهي مثال على الموضوع ..

حتى الواحد تطق كبده من هالحكره

احنا ويش نقول لايصيروا شديدين ولا كلش مايعرفوهم ...

وزين اني جبت الموضوع عدل وربي من تقطيع قلبي كل ماسمعت سالفه او شفت ..

خاصه على البنوتات حبايب قلبي ذول مااقدر على معاناتهم ولا على دمعاتهم تنتفني وتذبحني<<<بتقلبها مناحه الحين

مشكوره على الرد غاليتي بشاير ، روح وريحان يسعدني حضورك ..


القلب المرح :

اذا شفت ردودك يااخي يالمرح مااقدر اقول الا صح لسانك ويسلم هالفكر

ياليت كل هالشباب مثل هاي التفكير والاسلوب كان بناتنا بالف خير والله .

وصحيح كلامك موب كل مراقبه تعني شك بس الاغلب يفهمها كذا ..

كم يسعدنا مرورك وردك ربي يوفقك ويعطيك الف عافيه .


الأب محمود سعد :

صدقت مراقبه منفتحه واعيه فاهمه حنونه ..

الاروع تواجدك

عساك ع القوه