فتاه تدمر شاب ؟؟قصه حقيقيه
فتاه تدمر شاب ؟؟قصه حقيقيه
_________________________________________________
الجزء الأول
==========================================
احب اروي لكم قصتي مع بنت زادت من ضياعي وعذابي
القلب الحنون
هذا الاسم كان احلى ومازال احلى لقب لقيته وسمعته وسميت نفسي فيه
اعرف اني طولت بالمقدمه بس جايكم بالقصه
عرفت بنت جمال غير طبيعي وحنان شي ماتتصورونه
رقه ودلع
وكل ما حست ان فيني شي اتصلت وقالت سلامتك من الاه
كنت في يوم رايح كابينةمكالمات
وانا طالع شفت بنت تجذب وتسرق النظر من اي واحد يمر
ناظرتني وابتسمت حسيت الدنيا تظحك لي
قربت منها وعرضت عليها التعارف رحبت
عطيتها الرقم
وبعد نص ساعه اتصلت فيني وبدت العلاقه المره معها
مرت الايام يوم ورا يوم
وكل يوم تزيد العلاقه عن اول واكثر حتى صارت لي الدنيا كلها
جا يوم القاء بعد فتره ماهي طويله بعد اسبوع
ورحنا للفندق وجلست معها نص يوم
عطتني كل الي يتمناه اي شاب
وبعدها صرت مجنونها
جا اليوم الاليم والمر في حياتي يوم الضياع
يوم الهلاك
طلعت معي ورحنا لشقه مفروشه وبعد ماجلسنا وخذنا راحتنا
فتحت الشنطه وياليتها مافتحت الشنطه
طلعت اصبع حشيش وقالت خلنا نعيش احلى لحظات العمر سوا وننسا الناس
كنت لحظتهاكنت ما اقدر ارفض لها طلب وبدت تفرط وتلف وانا والله ما كنت اعرف كيف طريقة الحشيش
كنت اسمع فيه
المهم ولعنا وكانت اول شفطه لي
وبعدها بديت اطيح بالطريق شوي شوي
حتى صرت مدمن مدمن مدمن
وخسرت كل شي
ولكن بعدين جاني رجل صالح ملتزم
ونصحني وذكرني بالعذاب والقبر والموت
وبعدها قررت اترك المخدرات
رحت مستشفىالامل
وصرت اعالج بالسر
=========================================
وإليي رجعه انشاء الله
يعني فيه تكمله
فتاه تدمر شاب ؟؟قصه حقيقيه الجزء الثاني
[grade="DEB887 D2691E A0522D"]الجزء الثاني
=========================================
أكيد كلكم تبون تعرفون نهاية القصه
المشكله القصه ما انتهت بدخولي المستشفى بالعكس
زادت بعد مامرت علي ايام وانا احاول القى لي سرير فاضي
تفاجئت بالبنت تتصل على صديق لي عزيز المهم
قالت له لازم تجيب لي عبد الله الحين وظروري
وراح اعطيك الي تبي
فعلا صديقي الي كنت اعتبره صديق عزيز نفذ الخطه بكل اتقان وخطط
واتصل فيني وقال لازم تجي لي الحين قلت ليش انشالله خير قال خير انشالله
المهم رحت عنده وجلست انا وياه وبدا يسألني وين الغيبات
عسا ماشر انشالله مافيه مشاكل
قلت له اني قاعد اعلج من الادمان بعد ربع ساعه رن جرس الشقه
فتح الباب الا البنت الشيطان تدخل علينا وتبدا تقول الكلام الحلو لي
وتبدا تظهر انها مشتاقه لي وانها ماتقدر تعيش بدوني
حنيت لها واستسلمت لها طلعت المخدر وقالت خلنا نعيش جونا كالعاده
حاولت امنع نفسي بس ماقدرت
استمرالعذاب وزادت علاقتي بها البنت الفاجره
استاجرت شقه لمده اربع شهور وعاشت معي فيها
وبعدها سألتها وين اهلك قالت لي انا مالي اهل انا وحيده هاذي شغلتي
وانا جيت من مكان بعيد والحين تزوجني وخلنا نعيش انا ونت
رفضت بدت المشاكل تزيد بيننا
صرت اتعاطى كميات كبيره كبيره
حتى جا يوم وانا راجع من العمل دخلت الشقه
تفاجئت بواحد ينام فوق السرير الي ننام عليه انا والبنت
سألتها منهو هذا قالت زبون
طلعنا منه اربع مية ريال
قلت لها حرام عليك تتدمريني وتخونيني
قالت اذا انت عاطفي انا ماديه
حسيت بعد الصدمه اني محتاج جرعه عشان ارتاح طلبت منها قالت لي
على العموم ايام الدلع راحت والحين كل شي بحسابه
قلت لها ماعندي فلوس قالت تصرف ولا روح دور شخص يعطيك
انا بعدها بدا الحقد يملى قلبي
قلت لها اسمعي يابنت الناس اذا ماتتعدلين معي والله لادمرك
قالت اتحداك
وبعدها طردتها من الشقه
وطلعت اليوم الثاني ورحت الشرطه مكافحة المخدرات
وقلت لهم القصه بصراحه المكافحه ماقصروا
ساعدوني عشان اعالج
وعطيتهم معلومات عن كل الي اعرفه وين الاماكن الي كنا نروح لها
والي نسهر فيها
الحمدلله انا الان تعافيت بفضل الله اولا
ثم بفضل وقوف المكافحه معي
والبنت بعد شهرين من دخولي المستشفى
مسكتها المخدرات وحولها الى السجن مع مجموعه من البنات الي
يمارسون نفس الهوايه
على العموم هاذي القصه ما هيب خياليه هاذي قصه حقيقيه
وهذا دليل ان المكر مو من الشباب فقط
بعد فيه بنات فاجرات
لا يخافون الله
الله يبعدنا عن الفسق والدمار
والسلام عليكم ورحمة الله وبركاته
==========================================
[move=up]القصة منقولة من أحد المنتديات وعلى لسان صاحبها
الحمدلله الذي هداه والله يهدي جميع شبابنا وبناتنا يارب
وأتمنى تكون فيها العظة والعبرة[/move][/grade]
