ايه بالله ...حظ يشلخ الصخر..

سلاموو ....
الناس في الدنيا حظوظ .. في حظ يشلخ الصخر .. وحظ الصخر منشلخ منه <<< خوش كلام.. :wink:
المهم.. عندي لكم قصه.. حلوه عجبتني .. بطلها مجهول الأسم ..

كان في واحد.. عيشته عيشة محقه.. فقير بالمره.. ومتزوج .. وعنده اولاد وعايش على الله والبركه..
هج من قريته لجل لقمه العيش .. وبين ماهو بالطريق .. تباعد عن اهله يقضي حاجه اكرمكم الله.. راح قريب لنهر.. لقى هناك مجموعه حراس كل واحد تقول ناطحه سحاب ملتفين حول صبي شكله بطراان وولد خير ونعمه.. المهم .. ربع ساعه وشالوا الصبي ومشوا..
الرجال.. يوم مشوا شااف مكانهم شي يلمع .. حك عيونه الا هو خااتم ذهب شكله راااهي .. طاح من الصبي..راح طياري بياخذه وشوي سبقه ديك كان قريب من المكان واخذه... وبلعه..
الرجال ماات قهر ومسك الديك بيفغصه يبغى يطلع الخااتم .. الا نوااطح السحاب " الحرااس " جااين يدوروا عليه..
وبسرعه خطرت فباله فكره... فيوم سألوه عن الخاتم .. قال ليهم :
انا اعرف الأمور ومنجم وفلكي اقدر بعد تحريات اطلع لييكم وين ام الخااتم
.. هم من سمعوا شالوه بولاده ومرته لأبو الصبي اللي طلع ملك لقريه على طريق سفرهم...
سأله الملك : ها يافلان خبرني وين الخاتم..
ــ يا سيدي يبغى لي تحريات ودراسه
ــ يا حراس اكرموه واعطوه اللي يبغى لين يطلع الخاتم
وفعلا سكنوه بغرفه في القريه.. واشتغل النصاب .. قصدي سوى حاله انه ينجم ويدور :toung: وحاله وبعد يوومين
راح للملك وقال له :
سيدي .. الخاتم موجود في مكان رطب قريب النهر .. هالمكان يتحرك .. مو ثابت ... وبالأحرى اشك انه حوصله ديك " طبعا طول يومين لأن الحوصله ما تطحن اللي فيها الا بعد مده شلون خااتم !"
المهم راحوا للنهر .. واشر هو على الديك .. ذبحووه وطلعوا الحوصله ..:
الله اكبر الخاتم دااخلها ... اندهش الملك .. وقال لا .. بعينك عندي ..منجمي الخاص
الرجال حط ايده على قلبه.. وقال : لا رحت فيها... انا هالديك شفته ... يا ويلي لو سألني عن شي مالي علم به...
اكرمه وسكنه من غرفه.. لبيت قريب من قصره
ظل 3 ايام معزز مكرم .. لين جا يوم اسود اقشر انباقت فيه خزانه الملك كلها ..الملك حاط رجوله في ماي بااارد ..: وعاادي .. المنجم بيقول لي مكانهم... وفعلا سأله..
الرجال قال لا بالله رحت فيها وقربت نهايتك...
طلب من الملك مهله يومين.. ينجم ويتحرى فيهم ....>>> " ناوي يلم قشه بالليل ويهج "
عطاه الملك الفرصه وبنفس الليله اللي بيهج فيها كانت مرته تقضي حوايج ومرت بدار قريبه من دارهم بشوي .. سمعت ثنين يتناقشوا فيها بالقوه وخووف
: وانت غبي ما دورنا نبوق خزانه الملك الا يوم صار عنده هالمنجم .. كم يوم وبيكشفنا وبنروح فيها ...
ــ انا ويش دراني تدري .. خلنا نحطهم على باب بيته..
ــ لا ويش على باب بيته .. وتالي يسأله الملك ويعطيه مواصفاتنا ونروح فيهااااا... خلنا نتفاهم وياه ...
وبين ما هم يتناقشوا .. راحت مرت الرجال طياري للرجال اللي حايشنه الهم والخوف وخبرته الموضوع :
هو طااار من الفرح .. وراح يركض ووقف عند باب دارهم
فتحوا الباب بيروحوا له .. الا يشوفوه قدااامهم : يماااااااااه..
وشهقوا الحرااميه شهقه بغوا يموتوا من قوتها .. وهو مبتسم ويقول ليهم :
هااا على ويش رسيتوا .. انا كنت جااي ليكم بقول ليكم رجعوهم لأني كشفتكم...
ــ خذهم واللي يرحم والديك وقول للملك لقيتهم بأي مكان طلعنا من السالفه تكفى ...
كسروا خاطره .. حس بخوفهم لأنه من شوي كان خايف اعظم منهم .. ووعدهم بيتصرف
وفعلا تصرف وقال للملك ان الحرامي اللي باقهم خشهم في مكان وهو كشفه ..
الملك استاااااااااااااانس ..لا انت عظيم انت عبقري ... ياحراااس جهزوا له الغرف القريبه من غرفتي ابغاه منجمي ...
الرجال خلااااص .. طاح قلبه فبطنه ... لا دق صبع .. رحت فيها رحت فيها ...
وبليله من الليالي .. وهو ضاربنه الهم يفكر . ما يقدر يهرب الحين انحكر والقصر مليان حراس
. قال لمرته :
انا ويش الي اعيش بهالخوف... خلني اروح لهالملك بليله ما فيها ضوا قمر على اني مينووون .. وادخل عليه وانا مفصخ خخ..
وامسكه واهلوس عليه واشدخ فيه .. بيشدخوني حراسه بس بالنهايه انا مينوون . وماعلي شرهه . وبيخلوني اروح بحالي
وسوا اللي فباله .. وفي ليله ما سمع الملك الا هجوووووووم على باب غرفته وطااخ واحد دخل عليه بسم الله :weird:
وحاله يا امي من هالحال.. ويشيله من سريره ويشدخ به على جنب ... وشوووي
الا سقف سرير الملك وكان ثقيل ومزين ومليان حركتات طااايح فوووق السرير ومفشخنه ..
الملك بهت.... ياااااللله ... جيت من نوووومك .. ومما مداك حتى تلبس . :weird: . بس عشااااان تنقذني.. انا ويش حالي لو طاح هالسقف علي .... خلااااص انت من اليوووم مستشاااااااااااااااااااااري الخاااص
الرجال وقف وهو مبهووووت.... حواجبه ترقص وبوزه يرجف ..:nosweat: ..

ايه بالله ..حظ يشلخ الصخر ..

وتوته تووته خلصت الحدوته ...حلوه صح... :cool:
دمتم بحفظ الرحمن

هههههههههههههه

يا ربي

ما أصدق

عدل ده

خله يعطيني شوي من هالحظ

تسلمي أميروووه على القصة الروووعة

ههههههههههههههههههههههه

ياحليله والله حظه مو يشلخ الصخر إلا يفتفته تفتتيييت

جاء بيكحلها عماها بالمرة مسكين ...

بس القصة جنان والله

وهالرزق ياليته جاي بدون نصب كان مااحلاه ...

وهق نفسه علشان خاتم وصااار مستشار ...

ربي يزيده من نعيمه ههههههه

مشكورة حبيبتي

(امروووشة )

على القصة اللي تكسر الصخر ....

ربي لايحرمنا منك

امروووشة

صغيره بس خطيره
بطختي امووله
دوم هالضحكه يارب
ولا عدمتها هالطله
ويسلموو
دمتم بحفظ الرحمن

صغيره بس خطيره
بطختي امووله
دوم هالضحكه يارب
ولا عدمتها هالطله
ويسلموو :cool:
دمتم بحفظ الرحمن

هلا وغلا
قصه حلوه خيتوووووووووو مشكوره عليها
تحياتي

هههههههههههههههههههههههههههههه

والله مو حظ هذا

شكراً على القصه

ههههههه

يسلمووو يا اموووره

القصه روووعه

لعب الحظ معاه
وبعد ضيق الحال

فوووق .. فوووق علاه

يسلمووو حبيبتي

يسلموو حبابات
الروعه تواجدكم
يعطيكم الف عافيه
وعذرا على التأخير بالرد

دمتم بحفظ الرحمن

الدنيا حظوظ ياناس
بس عجبتني مررررررررررررررررررره
يسلمووو اموره ع هيك قصه حلوه مثلك
الولاء الفاطمي

الله يسلمش ولوي
ياهلا منوره حبابه
دمتي بحفظ الرحمن

ويش ها الحظ يالله مو غلط موفقين

موفقين جميعا
اخي الفاقدات
ياهلا بك
دمت بحفظ الرحمن

الله يعطينا مم عطاه
صحيح خظ يفتت الصخر ماشاء الله عليه<<<<شكل الرجال مات من حسايدنا <<خخخخخخخ
تسلم يمينش يامووووووووره

الله يسلمش حبابه
ومنوره يالغلا .. ياهلا ...
دمتي بحظ الرحمن

آآآآآآآآآآآآآآه الدنيا حظوظ

ههههههههه


ملك

قراراته متسرعه

ناس يعرفو نهو ويش جابه مو علطول مناك مناك صار مستشاره


الكل يتكلم عن الحظ وانا اتكلم عن خبالة ها الحاكم

ويش اسوي الي ما عنده حظ في شي ما يطالع الحظ


ههههههههههههههه

مشكوووره اموره






دمتـــ بود

اااااااه .. يعطينا ربي مما عطاه.. الحمدلله على كل حال
ليلى بنت فهد.. منوره خيتووو وياهلا

هههههه سحر القوافي ..عجبتيني .. طرتي للحاكم... والله صدقتي...
وياهلا

دمتم بحفظ ا لرحمن

هههههههههههههههههههههههههههههههههههههههههه
حظه حلو لو اخطئ بعاقبه حظ يشلخ الصخر مستشااار مرة وحدة
واااااااااااو ( حقيقية ) ولا مخرفة ومن وحي الخيال
حظه قوي صار غني
تحياااتي

الله يعطينا من الحظ اللي عنده