اسمعوا قصتي..
كنت قاعدة أتفرج عالتلفزيون ... متابعة مسلسل ..
وجاء مشهد زواج وحدة من الشخص اللي تحبه من زمااااان ...
غيرت القناة على قناة ثانيه ...
شفت عرض أزياء فساتين عرايس...
غيرت القناة .. شفت خطوات وضع مكياج العروس ...
طفيت التلفزيون وجريت الونة " تنهيدة كبيرة " تشقق الصدر
التفت علىّ أبوي اللي نسيت تماما انه كان جنبي ... قال لي أبوي :
خير إن شاء الله يا بنيتي ؟! وش فيك ؟! عسى ماشر ؟!
أني تلخبطت ساعتها وولعت له التلفزيون وقعدت ساكتة ...
إيه أكيد بسكت وش أقول ؟ أقول له ودي أعرس ؟؟؟ ( يعني أتزوج بالعربي ) ...
http://vb.alrames.net/images/icons3/088.gif
أقول له إن صاحباتي اغلبهم تزوجوا ؟؟؟
وإلا أقول له إني تمنيت أكون مكان بنت خالي في كوشتها وفي الزفة ليلة الجمعة اللي فاتت ؟
أوف والله غثى .. يا بخت جداتنا ماتطق الوحدة العشر سنين إلا هي مخطوبة ..
وعلى الثنعش عرست ..
http://vb.alrames.net/images/icons2/a9.gif وان وصلت البنت ثمنطعش ما عرست قالوا عانس !!!
هذوليك البنات اللي عايشين صح مو حنا اللي نعجز ونوصل سن http://vb.alrames.net/images/icons3/icon0911.gif اليأس ما عرسنا ...
أخخخ .. يُبه الله يفتح عليك وتخليني اعرس ... وتفكني من الدراسة ...
وساعة أنا غارقة في قاع هذي الهواجيس ويرن التلفون ويقطع حبل أفكاري ...
طالع الرقم أبوي وقال رقم غريب ... رد بلهجة رسميه :
- وعليكم السلام .....
الله يسلمك .....
الحمد لله بخير .....
ايه أنا أبوفلانة ...
لا منت غلطان انا هو ...
ماعليك زود الله يسلمك ...
من معاي ياخوي ماعرفتك ...
والنعم .... تفضل وش السالفة اللي تبيني فيها ؟....
لا ماني مشغول ...
لهالدرجة الموضوع مهم ؟!...
تفضل تكلم شغلتني ...
والتفت أبوي علي وعطاني نظرة غريبة ..
أنا ساعتها قرصني قلبي مو من ردود أبوي بس من نظراته الغريبة ..
رد أبوي على المتصل : وش فيها زود طيب ؟...
لا بس مافيها أي ميزات عن الباقي ...
رد ابوي على المتصل : طيب وبعدين ... أيوه ....
طيب وش اسمك الكامل؟
وش تشتغل بالضبط؟
طيب من دلك علي وعطاك رقمنا ؟
لا الموضوع يا ابني مو بهالبساطة ....
العملية مش بيع وشرى وبس ...
الواحد لازم يسأل كثير ويحرص قبل يقدم على أي خطوة ...
لا موضوع انك تجي لبيتنا خليها بعدين ...
لين أسأل عن كل صغيرة وكبيرة ...
لا لما اكتفي من السؤال وأخذ المعلومات اللي تكفي .. باتصل عليك تجي ونتفاهم ويكون خير إن شاء الله ..
http://vb.alrames.net/images/icons3/icon02.gif أنا كنت أتابع حركات أبوي وأنا متشققة من الفرحة ...
أخيرا انخطبت وبتزوج مثلي مثل غيري ...
http://vb.alrames.net/images/icons3/icon106.gif يوووووه أخيرا بلبس فستان أبيض منفووووووش
أخيرا بطلع أجهز واتقضى للزواج ...
بسوي زواج كبير مررررررة
وبحط زفة وطرحتي مابيها خليجية بخليها مبتكرة ...
ساروووووه ماني عازمتنها هي وخواتها .. ماعزموني السنة http://vb.alrames.net/images/icons2/a9.gif اللي فاتت على عرسهم ...
وبشتري أغراض واشيل واحط واخطط ... بيصدع راسي بس ولو لذيذ هالصداع ...
يوم قفل الخط ابوي التفت علي وهو مبتسم ابتسامة تعجب وهو ساكت ... قلت :
- هاه يبه ؟ متى بيجي يشوفني ؟
http://vb.alrames.net/images/icons3/icon9.gif - منهو
http://vb.alrames.net/images/icons2/e_braces22.gif - هذا اللي خطبني
وشو؟!
- خطيبي اللي تو
- تموووووونين انتي ووجهك صار خطيبك على طول ماعندك وقت ..
- ايه يبه ترا بقولك هالمرة لا تطير العريس .. مثل ماطيرت ولد أم محمد العام الماضي .
للحين تراها حازة في نفسي ..
ترا هالمرة بضرب عن الدراسة ...
والا الاكل مقدر اضرب عنه ...
يبه بعنس ترى راح عمري
والرسول حث على تزويج من ترضون دينه وخلقه ...
وهذا الخاطب قايل قلبي انه أجودي .. ترى ما اعرفه بس اتوقع انه كذا...
وترى العرس أهم من الدراسة عشان الجنس البشري ماينقرضhttp://vb.alrames.net/images/icons3/icon02.gif >>>>> خخخخ حلوة..مو ....
وبعدين من قال لك اني ماني مكملة دراستي والله بكمل
حسيت ان عيون ابوي بتطلع من شدة علامات التعجب اللي في وجهه .. بعدين انفجر من الضحك .
http://vb.alrames.net/images/icons2/chat08.gif
- هي انتي وين رحتي ... حدك حدك لا تتشققين!!!
http://vb.alrames.net/images/icons3/schmoll.gif - وش اشقق ؟!
هذي الحقيقة يبه والحقيقة ماتزعل .. وانت الله يطول لنا بعمرك علمتنا على الصراحة وحب الحقيقة
- أي عريس وأي هم؟؟!!
انتي مصخنة ؟؟
هذا المتصل مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ وتطبخ ..
http://vb.alrames.net/images/icons2/a17.gif http://vb.alrames.net/images/icons2/a17.gif
قومي نامي يابنيتي .. ولا تكثرين قعده قدام التلفزيون ... الحين بس عرفت ليه سكرتيه تو...
أنا لا تسألون عن وجهي ...
الله يقطع أم العجلة اللي تعرفونها ....
مشكلتي إني أجزم على طوووووول قبل أتأكد
استروا ما واجهتوا
.................................................. ........
ههههههههه وش رايـــكم بالبنت :huh: :wacko:
منقووووووول
